Post: #1
Title: ليــلى.... كيــف اصبحــتي عـاهـــرة؟
Author: سجيمان
Date: 03-30-2005, 00:02 AM
Parent: #0
طاشمة طينة........ مصنقرة في بنبر..... جنب واحدة بتسوي الاكل في سعد قشرة.... لابسا توب احمر مخطط بي لون...كبدي....التوب باين عليهو واحد مافي غيرو مهري ومهرود من كترت اللبس والغسيل... خاته محفضتا في حكرها..... تشوفا تديها ستين سنة..وهي عمرا الحقيقي في نص الاربعينات......تقابض في الناس الجاين والماشين.... الطمشة خلتا تنضم برا من راسا.....قالت انا خلاص زماني فات وغنايي مات..... الموت ان خلاك الكبر ما بخليك...الله يازاك يا ابراهيم كلو منك.....علمتني الشغلة وفكيتني عكس الهواء.....انا الكنت اخجل من ضُلي... جيتني انت زي الشيطان...
كانت اكبر اخواتا.... ابوها ولادتو كلها اناتي...... عمرها سبعتاشر سنة..... فايرة...... في الشارع ما بترفع راسا تعاين لي زول.......كل شباب الحلة عيونهم عليها... يرجوها لما تجي من المدرسة..... واقفين في راس الشارع.... كل واحد داير ينضم معاها....والما بتنضم معاهو ان شاء الله تعاين ليهو بس....ابراهيم جا من السعودية... زمن البيجي من السعودية... البلد تقيف لو على فد كراع......كايس عروس....دلوهو عليها.....اهلها ما صدقو.... جدعوها ليهو من كراعا...... ... شهر العسل..... ابراهيم اصحابو يجوهو كل يوم في الفندق...... قزازة وقازازتين ويسكي.... وهي قاعدة معاهم في كرسي بعيد....يسكرو..... اصحابو يمشو اهلم وهو يدخل معاها علي الاوضة....... اسبوع في الفندق..... الباقي تموهو في بيت اهل ابراهيم.....نفس الحكاية..... لكن المرة دي بقت ليلى تحضر الكبابي والتلج للقعدة وتمرق الكراسي.....والسراير...شوية شوية بقت تكب لهم الكاسات......ابراهيم قال لها ايوا خليك مرا.... متحررة.....وسيبك من نضم ناس حمبرة ديل......سافر ابراهيم..... بعد تلاتة شهور رسل يجيبا السعودية.... جات السعودية...... قفلة الشقة...ومصاقرة تلفزيون.....وافلام الفيديو..... بكل انواعها..... وابراهيم برضو عندو اصحابو ....وكل خميس القعدة في شقة ايراهيم..... وليلى تجهز الكبابي والتلج وتقعد تتونس مع الجماعة.....سكر ابراهيم سكر كعب.... مكنتو خفت بقى من الكاس الخامس وينوم في الكرسي..... يشيلوهو يدرجوهو لمن يرقدوهو في سريرو..... اصحابو مسوين البساط احمدي.... هو في هو مافي يجو البيت....ليلى بقت تضوق عقاب كبابي العرقي..... جُغمة ....جُغمتين.....وابراهيم عارف.....ومبسوط..... مرتو بقت مرا متحررة.....ابراهيم يسكر ويتسجم ويترمد...وليلى تسكر...... والاصحاب يسكرو...... السكر قالو زغاريد النضم اللعوج......جربت تنوم مع اصحابو .... كلهم...... يدرجو ابراهيم ويدخلوهو اوضة النوم...وينوموهو.... ويهيصو وهو نايم......ابراهيم كان عارف... وما كان الحكاية مزعلاهو... لكن المزعلو انو ليلى ترقد مع الجماعة مجاني.....انتي جاية هنا عشان القروش...... دايرة الدهب ودايرة الهدوم السمحة...... وانا ما بقدر علي النضم دا....الماهية يا دوب تكفي ايجار الشقة .....والاكل والشراب...اتلحلحي شوية....وخليكي تفتيحة.....اشتغلت كويس..نشاطها اتوسع....بقى سعودين ومصرين وهنود وبنغال واي زول يدفع.... السعر ما ضروري من عشرة ريال لي مائة ريال...... اتعرفت... اتقبضت... رحلوها...وهي في الترحيل ابراهيم جاب لها ورقة طلاقها من غير ما يشوفا.... قال دي مرا ما محافظه عليهو .......وجابت ليهو العار....نزلت في مطار الخرتوم ..مرحلا ومطلقه..... في الخرتوم ما بتعرف أي شغل تشتغلو.. وبقى عندها خبرة في الرجال......وجاهزة نفسيا.... نزلت الشارع..... امدرمان صينية ازهري....كان مركز نشاطها....كل يوم تمرق وتمشي تلقط القاسمها ليها الله...من اسياد العربات....الكايسين لي نسوان الشوارع.....وترجع اهلها....اتقدمت السنين وفترت.. بقت تمشي البيوت..... بيوت معروفة....... في سعد قشرة...... كبرت..... بقى همها كلو كيف تجيب حق نص العرقي.....وتسكر وتسكر لحدي ما تبقى قرد.....وتسب تلعن في ابراهيم..وفي الايام الما خلتا شباب طوالي.....
قصة حقيقة باختصار......وبتصرف..... ..وشوية توم وشمار
|
Post: #2
Title: Re: ليــلى.... كيــف اصبحــتي عـاهـــرة؟
Author: المسافر
Date: 03-30-2005, 00:14 AM
Parent: #1
سجيم مان
قصة متحررة
|
Post: #9
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-30-2005, 10:27 AM
Parent: #2
المسافر
شديد..........
|
Post: #3
Title: Re: ليــلى.... كيــف اصبحــتي عـاهـــرة؟
Author: ابو جهينة
Date: 03-30-2005, 00:17 AM
Parent: #1
سي جي
تحياتي
تراجيديا حية .. مأساة
و نقل أمين و واضح ..
و كم من ( ديوس ) لا يزال يرتع و يمرح ..
عافاك الله
|
Post: #4
Title: Re: ليــلى.... كيــف اصبحــتي عـاهـــرة؟
Author: ترهاقا
Date: 03-30-2005, 00:24 AM
Parent: #3
| Quote: السكر قالو زغاريد النضم اللعوج |
سى جى: دايرين توضيح اكتر
|
Post: #15
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-31-2005, 03:05 AM
Parent: #4
ترهاقا
| Quote: سى جى: دايرين توضيح اكتر |
وين مع الحلاقة الحايمة في المنبر اليومين ديل
|
Post: #10
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-30-2005, 02:52 PM
Parent: #3
الحبيب
ابو جهينة
| Quote: و كم من ( ديوس ) لا يزال يرتع و يمرح .. |
والله مصيبة... مصيبة
|
Post: #14
Title: Re: ليــلى.... كيــف اصبحــتي عـاهـــرة؟
Author: Nasser Mousa
Date: 03-31-2005, 00:24 AM
Parent: #10
سي جي
السلام عليكم ورحمة الله وبركاته
حقا طرقت بابا فيه تقشعر الجود وبالبلدي كده الواحد لمن يقرأ الفصة ده والبقينا فعلا بنعايشه في مكان الواحد شعرة جلدو كلبت واصل يا دكتور
|
Post: #20
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-31-2005, 06:22 PM
Parent: #14
ناصر موسى
| Quote: حقا طرقت بابا فيه تقشعر الجود وبالبلدي كده الواحد لمن يقرأ الفصة ده والبقينا فعلا بنعايشه في مكان الواحد شعرة جلدو كلبت |
والله اعلم... الدنيا ماشة لي وين
|
Post: #5
Title: Re: ليــلى.... كيــف اصبحــتي عـاهـــرة؟
Author: أبوالزفت
Date: 03-30-2005, 00:26 AM
Parent: #1
جنى على ليلى الساسة السودانيين
وجنى على ليلى اهلها
وجنى على ليلى زوجها ابراهيم
واخيراً جنى عليها سجيمان الردمان وفضحها فى الانترنت
إنت كتبت قصة واقعية عن ليلى كدى شوف محمود دليل كتب شنو عن الخرطوم عاصمة الثقافة
حكاية المامبو السودانى بقلم الكاتب / محمود دليل
|
Post: #6
Title: Re: ليــلى.... كيــف اصبحــتي عـاهـــرة؟
Author: زول ساكت
Date: 03-30-2005, 01:27 AM
Parent: #5
لاحول ولاقوة الا بالله
انا لله وانا اليه راجون
يارب سترك وعفوك ورضاك
ولعن الله ام الكبائر
|
Post: #17
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-31-2005, 02:49 PM
Parent: #6
زول ساكت
Quote: يارب سترك وعفوك ورضاك
|
.......آمين.....
|
Post: #16
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-31-2005, 12:14 PM
Parent: #5
ابو الزفت
| Quote: واخيراً جنى عليها سجيمان الردمان وفضحها فى الانترنت |
اقول لك مصنقرة فوق بنبر وتحكي....... للغاشي والماشي
|
Post: #7
Title: Re: ليــلى.... كيــف اصبحــتي عـاهـــرة؟
Author: مريم بنت الحسين
Date: 03-30-2005, 01:45 AM
Parent: #1
لا حولة ولا قوة إلا بالله.. والله يا دكتور، اتسرب الحزن داخلي بصورة محسوسه... ومعي جرى.. ! معقول في رجال كده؟! معقول ما يغير على عرضه؟! معقول في نساء بالخواء ده؟!ّ
يا جماعه الدنيا دي شينه كده ليه؟ ما قالوا حلوه!
بنت الحسين
|
Post: #11
Title: Re: ليــلى.... كيــف اصبحــتي عـاهـــرة؟
Author: nour tawir
Date: 03-30-2005, 03:13 PM
Parent: #7
سجيمان
رغم انك بتلمس قضايا من صميم المجتمع السودانى البقى خرابة
ورغم انه قلمك فيه كثير من الواقعية
لكن اعيب عليك شتيمة شعب السودان بالجملة
مرة تشتم فى الجنوبيين
ومرة تشتم فى النوبة
وطلعتنا حرامية اولاد 61 كلب ونص
وما لمست الحرامية الاصليين
الطفشوك من البلد وخلوك تردح برا المليون ميل مربع
وعارفة حتفطنى
وما حتعلق على كلامى
وردك على مش مهم يا سجيمان
ولكن دخلت اقول ليك انك تستعدى اجناس بالكامل , دا غلط وغلط كبير
وبعدين البت الكتبت عنها دى مسئوليتها على الاسرة والمجتمع والحكومة وراجلها الما محترم وما عنده نخوة
وما راجل من اساسه
برضو القصة دى متداولة فى الخليج وكل الدول الممكن يشتغلوا فيها النسوان دعارة.
انا عشت فى الخليج وشفت الحاجات دى ولمن قالت ليه انت السبب, قال ليها:
ولمن جبت الشيلة وقعدتوا تغنوا يا جنا الغرب يا مغترب ما سالتونى من القروش ليه؟
دا واقع سودانى مخجل للاسف وفى اسوأ من كدا
لكين يا سجيمان شتيمتك فى البشر بالاجناس وبالجملة هى البتزعل الواحد
وتخليه يكره اليوم الدخل المنر الحر ويبقى معاك فى حتة واحدة.
ومش حاانسى شتيمتك للنوبة وقلت علينا حرامية وما اعتذرت
وانت حكومتك حرامية
ما شتمتها ليه؟!
خايف من شنو؟!
ومش حا اقول سلام...
|
Post: #19
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-31-2005, 05:29 PM
Parent: #11
الاستاذة نور تاور
Quote: ومش حاانسى شتيمتك للنوبة وقلت علينا حرامية وما اعتذرت
|
لا اذكر اني قد شتمت النوبة ووصفتهم بانهم حرامية... لكن لو كتبت كلام وفسر علي انه انا قاصد كدا..... انا اعتذر..... بالرغم من ان التفسير الخاطئ ليس مسئولتي بل مسئولية المفسر. وبرضو لو وريتيني ليهو وين انا امشي احذفو ولا على كيفي....علي كل لك اعتذاري....... و لك احترامي
|
Post: #18
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-31-2005, 04:42 PM
Parent: #7
مريم بنت الحسين
| Quote: معقول في رجال كده؟! معقول ما يغير على عرضه؟! معقول في نساء بالخواء ده؟!ّ |
كلو معقول.. الدنيا بقت غريبة......وعجيبة.....والله اعلم العولمة حتدينا سئياتها
|
Post: #8
Title: Re: ليــلى.... كيــف اصبحــتي عـاهـــرة؟
Author: samwal ebrahiem
Date: 03-30-2005, 02:01 AM
Parent: #1
عــشــنا ويـامـا حـنـشـوف
|
Post: #12
Title: Re: ليــلى.... كيــف اصبحــتي عـاهـــرة؟
Author: Habib_bldo
Date: 03-30-2005, 04:06 PM
Parent: #8
والله نهاية محزنة جداً والسبب إختيار زوج غير كفؤ وغير مسئول وغير جدير بأن يكون زوج ورب أسرة
وكثيرة هي الاسر التي تنخدع بالمظاهر والمادة ولا تنظر في أخلاق وأصل وفصل العريس
والنتيجة دائما هي مثل حالة ليلى الا ما ندر
|
Post: #22
Title: Re: ليــلى.... كيــف اصبحــتي عـاهـــرة؟
Author: سجيمان
Date: 04-01-2005, 04:38 AM
Parent: #12
حبيب بلدو
Quote: وكثيرة هي الاسر التي تنخدع بالمظاهر والمادة ولا تنظر في أخلاق وأصل وفصل العريس
والنتيجة دائما هي مثل حالة ليلى الا ما ندر |
لا فض فوك........
|
Post: #13
Title: Re: ليــلى.... كيــف اصبحــتي عـاهـــرة؟
Author: فيصل عثمان الحسن
Date: 03-30-2005, 05:04 PM
Parent: #8
الدكتور سجيمان تحياتى . سرد جيد لنموذج لظاهرة متفشية بشكل مزعج . علينا ان نعترف باننا مثل الشعوب الاخرى لا نتميز عليهم فى شى, ما يصيبهم من امراض اجتماعية ايضا يصيبنا, ونترك مسالة تفخيم الذات والتمترس خلف قيمنا واخلاقنا , وطالما تلك القيم والاخلاق فى حالة حراك شأنها فى ذلك شأن الانسان نفسه لارتباطها الوثيق به فانها اذن تتاثر بما يتاثر به من ظروف اقتصادية واجتماعية وحتى سياسية , لذلك وجب علينا ان نسعى بقدر ذلك الحراك وبكثير من المسئولية والجدية لدراسة تلك الظاهرة , ونبحث عن السبل التى تقودنا للعلاج العلمى الناجع , لأن فى الغالب الاعم يكون لمثل تلك الاسر اطفال وهم قطعا ضحايا لسؤ سلوك الاب والام , وقد لاتظهر عليهم اعراض واضحة ولكن من المؤكد انهم يحملون بين جوانحهم قلوب محطمة واحاسيس متضاربة, تؤثر عليهم مستقبلا , حيث يكون منهم الحاقد والمتطرف وما الى آخر القائمة من الامراض الاجتماعية المدمرة . وفى السابق كانت هنالك بعض الاسر لا توافق على زواج ابنها او بنتها الا بعد التاكد من سلوك الطرف الآخر والمحيط الذى تربى فيه , وبعد تعقيدات ظروف الحياة , اصبح الكثيرون لا يلتزمون بتلك المعايير , وربما ساعد ذلك فى ان تصبح تلك الممارسات ظاهرة متفشية . اما قبيلة الابراهيمية ( نسبة لابراهيم المشار اليه فى القصة) ,فهذه نوعية جد غريبة , لايختشون ابدا ويتميزون بالسن طويلة , وهم فى حالة سعى دائم للظهور والانتشار , ربما كان ذلك شكل من اشكال التنفيس , لما يعانونه من ازمات . نتمنى مشاركة المختصون لمزيد من التحليل.
|
Post: #25
Title: Re: ليــلى.... كيــف اصبحــتي عـاهـــرة؟
Author: سجيمان
Date: 04-01-2005, 02:11 PM
Parent: #13
فيصل عثمان الحسن
شكرا للمشاركة القيّمة
| Quote: وهم فى حالة سعى دائم للظهور والانتشار , ربما كان ذلك شكل من اشكال التنفيس , لما يعانونه من ازمات . |
فعلا.. دا لما يعانونه من ازمات..واحساس بالعيب.....
|
Post: #21
Title: Re: ليــلى.... كيــف اصبحــتي عـاهـــرة؟
Author: سجيمان
Date: 03-31-2005, 10:43 PM
Parent: #8
السمؤل ابراهيم
| Quote: عــشــنا ويـامـا حـنـشـوف |
ايوا
حنشوف كتير
|
Post: #23
Title: Re: ليــلى.... كيــف اصبحــتي عـاهـــرة؟
Author: طه حسن عبدالله
Date: 04-01-2005, 07:00 AM
Parent: #21
أخى الحبيب سجيمان
شكراً على الكتابة عن هذا الموضوع والذى أصبح وبكل أسف ظاهرة
تؤارقّ الغيورين من أبنا هذا الشعب الصامد الهمام
والتحية لك حاملاً راية التذكير والتنبيه لأخطاء بعضنا
والتحية لك متحملاً الإتهامات بصدر رحب و راداً عليها بكل
تأدب و شجاعة . فكن كما أنت مع خالص ودى
|
Post: #26
Title: Re: ليــلى.... كيــف اصبحــتي عـاهـــرة؟
Author: سجيمان
Date: 04-02-2005, 02:57 AM
Parent: #23
طه حسن عبد الله
Quote: والتحية لك متحملاً الإتهامات بصدر رحب و راداً عليها بكل
تأدب و شجاعة . فكن كما أنت مع خالص ودى |
ولك التحية والاحترام....والمودة
|
Post: #24
Title: Re: ليــلى.... كيــف اصبحــتي عـاهـــرة؟
Author: Yahia Abd El Kareem
Date: 04-01-2005, 08:48 AM
Parent: #21
الاخ سجيمان.....هذا ملف خطير ويعتبر أحد تداعيات الاغتراب وبالذات اغتراب نفر لا يحملون المؤهل الاخلاقى لتمثيل السودان فى الخارج بل هى قلة اساءت الى سمعة السودانيين فى المهجر ونتسامع بان ظاهرة ( ليلى- الطشمة ) بدأت تظهر من سودانيات تم تفنيش ازواحهن وبدلا من الرجوع الى السودان والعيش بكرامة هناك فضلن البقاء فى بلد الغربة والتكسب من........
واتمنى الايكون هذا الكلام صحيحا والا فانه من واجب السفارة العمل مع السلطات المحلية لمعالجة هذه الظاهرة قبل ان يستفحل الامر وتصعب السيطرة عليه وتبقى سمعتنا على لسان الغاشى والمشى.....
ولعل الاخوان بدولة الامارات قد وصلهم هذا الشمار....
|
Post: #28
Title: Re: ليــلى.... كيــف اصبحــتي عـاهـــرة؟
Author: سجيمان
Date: 04-02-2005, 05:49 AM
Parent: #24
يحي عبد الكريم
| Quote: ولعل الاخوان بدولة الامارات قد وصلهم هذا الشمار.... |
الوضع دا في كل دول الخليج.......
|
Post: #27
Title: Re: ليــلى.... كيــف اصبحــتي عـاهـــرة؟
Author: فريد ودالمسيد
Date: 04-02-2005, 04:27 AM
Parent: #1
الأخ الدكتور عادل
سلطت الضو على قضية يعاني منها السودانيين في المهجر وليلى زيها كتير عندنا للأسف الشديد والحكاية وسعت أكتر وحصلت المخدرات والعيب على الرجال الواحد قاعد عاطل والزوجة هي البتصرف على البيت .. من وين ؟ هو عارف لكن ضارب طناش وتبقى المسؤلية على أهل البنات البخلو بناتهم يتغربوا مع رجال ما معروف ليهم أصل ولا فصل ..
|
Post: #31
Title: Re: ليــلى.... كيــف اصبحــتي عـاهـــرة؟
Author: سجيمان
Date: 04-02-2005, 09:58 AM
Parent: #27
ود المسيد
| Quote: وتبقى المسؤلية على أهل البنات البخلو بناتهم يتغربوا مع رجال ما معروف ليهم أصل ولا فصل . |
وعلى البنات برضو... لما يكتشفو ان الزول ما راكب عدلو.... مفروض ياخدن موقف
|
Post: #29
Title: Re: ليــلى.... كيــف اصبحــتي عـاهـــرة؟
Author: بلدى يا حبوب
Date: 04-02-2005, 07:10 AM
Parent: #1
سيجمان
وكمان نضيف ليها حبة فلفل
| Quote: وتسب تلعن في ابراهيم..وفي الايام الما خلتا شباب طوالي |
طيب يا ليلى ما تحصلى قعدة مجلس الامن اليومين ده على الاقل ممكن موضوعك يكون اغتصاب وناسك ديل يضافوا الى قائمة 51 مسطولا سياسا
تحساتى
|
Post: #32
Title: Re: ليــلى.... كيــف اصبحــتي عـاهـــرة؟
Author: سجيمان
Date: 04-02-2005, 07:41 PM
Parent: #29
بلدي يا حبوب
| Quote: طيب يا ليلى ما تحصلى قعدة مجلس الامن اليومين ده على الاقل ممكن موضوعك يكون اغتصاب وناسك ديل يضافوا الى قائمة 51 مسطولا سياسا |
اسمع؟..... ايش معنى هم 51؟
|
Post: #30
Title: Re: ليــلى.... كيــف اصبحــتي عـاهـــرة؟
Author: بلدى يا حبوب
Date: 04-02-2005, 07:17 AM
Parent: #1
سيجمان
وكمان نضيف ليها حبة فلفل
| Quote: وتسب تلعن في ابراهيم..وفي الايام الما خلتا شباب طوالي |
طيب يا ليلى ما تحصلى قعدة مجلس الامن اليومين ده على الاقل ممكن موضوعك يكون اغتصاب وناسك ديل يضافوا الى قائمة 51 مسطولا سياسا
تحساتى
|
Post: #33
Title: Re: ليــلى.... كيــف اصبحــتي عـاهـــرة؟
Author: فيصل عثمان الحسن
Date: 04-09-2005, 06:40 PM
Parent: #30
الموضوع لم يجد حظه من التداول الكافى
لاهميته, فووووق.
|
Post: #34
Title: Re: ليــلى.... كيــف اصبحــتي عـاهـــرة؟
Author: سجيمان
Date: 04-10-2005, 01:47 PM
Parent: #33
فيصل عثمان الحسن
| Quote: الموضوع لم يجد حظه من التداول الكافى |
شكرا يا فيصل
|
|