Post: #1
Title: القــرار رقـم1593..كعب...كعب...كعب
Author: سجيمان
Date: 04-06-2005, 03:25 AM
الواحد من حقارة واستصغار مجلس الامني لينا.. بقى ما قادر ينوم ولا بياكل ولا بيشرب...لي شنو نحن يحقر بنا مجلس الامني كدي..ويضفرنا؟... مجلس الامني يجتمع.....ويقعدو خمستاشر نفر...ويجيبو البرازيل ويمرقوها من نص الدافوري...... عشان يجو ويدونا القرار رقم 1593......؟....... لي شنو يدونا الرقم دا؟..... يدونا من الارقام البي يدوها لي ستات الشاي؟..يدونا من ارقام ستات الشاي لي شنو؟....... لي شنو يدونا الرقم المبشتن وما عندو طعم دا؟....الارقام المميزة والسمحة عندهم كتيرة و راااااقدة.....ما يكضبو يقولو ما عندنا غيرو..... عندهم...... ونحن عارفين وسامعين وفايت قعر اضانا... انهم الارقام المميزة دي قاعدين يدوها للناس العندهم واسطة.....والناس العندهم اصحاب في مجلس الامني.......حسي دي كان اسرائيل بيدوها الرقم دا؟... هه .. قادر الله...والله اسرائيل يدوها اميز واحسن رقم.......هم شايفننا كدي قايلننا مساكين....ودايرين يحقرو بنا زي حقرتهم بالصومال ... الصومال بي طريقتا...كان هي رضيانا باي رقم.......واصلو مو نضر كوفي عنان حقر بنا جنس حقارة......نان ما ليهو حق.... ما دام نحن خليناهو يجينا ويقعد يتفرجخ وسط عوينا في ا########## ويتونس ويقرقر ها ها ها.......ونحن نعاين لو......
وبعدين نحن ما شاحدنهم....... بي حقنا.. وجايبنو بايدنا وضراعنا.. وبي عرق جبينا ...يقعدو يتغاتتو علينا ويدونا رقم كعب زي دا؟...... نطيّرو وين؟....... مالم كان ادونا انشاء الله 1515.... بنرضى بيهو....ولاّ.. كان 1010.... برضو بنرضى بيهو....لكن يلصقو لنا اربعة اعداد وكل واحد من بلد ويقولو لنا تعالو شيلوهن......لا.. والله لا بنشيلن ولا شيتين.....
باكر من صباح الله.. مسيرة هادرة...... نجمع ونشيل الرقم المبشتن حقهم دا ونمشي نديهو لي مندوب الامم المتحدة.....ونقول لو شيلو اجدعو لي عنان في وشيهو.....وقولو السودان قال لك نحن حردانين الرقم دا و ما دايرين معاكم امم متحدة ولا حاجة.....دايرين نفرتق منها......نبقى برانا في صقيعة الله دي......واكان ما غيرتو الرقم دا برقم مميز... والله ضُفُر زول ساكت ...... ما نديكم ليهو....... شرطن تغيروهو لينا بي 9999......
والله اياهو دا الفضل.........الاخر كلووووو سكتنا لو..كمان دايرة تجينا حقارة مجلس الامني.......؟
|
Post: #2
Title: Re: القــرار رقـم1593..كعب...كعب...كعب
Author: معتز تروتسكى
Date: 04-06-2005, 03:42 AM
Parent: #1
خالص التحايا..
العزيز سيجمان..
انت مالك جايين يحاكموك انت ...
رقم يحلنا بعدين ده حظنا المهبب يعنى نمشى منو وين حتى فى الارقام
 
|
Post: #3
Title: Re: القــرار رقـم1593..كعب...كعب...كعب
Author: Marouf Sanad
Date: 04-06-2005, 03:44 AM
Parent: #2
دكتور سجيمان
انت الماده اربعتاشر البترفد من المنبر ( الليل) الحرية دا ما شفتها ,,قبلت علي الماده خمستاشر وكسر ,, انت نضمك دا بدل تسويو معا ناس مجلس الامن المساكين ديل ما تسويهو هنا ,,,
|
Post: #10
Title: Re: القــرار رقـم1593..كعب...كعب...كعب
Author: سجيمان
Date: 04-06-2005, 11:37 PM
Parent: #3
معروف سند
| Quote: انت الماده اربعتاشر البترفد من المنبر ( الليل) الحرية دا ما شفتها |
شفتها..ونضمت فيها.... علا بكري ما هببو لي
|
Post: #7
Title: Re: القــرار رقـم1593..كعب...كعب...كعب
Author: سجيمان
Date: 04-06-2005, 03:15 PM
Parent: #2
معتز تروتسكي
مالي كيفن؟......الارقام المميزة كتيرة عندهم.....ويدونا الرقم الكعب دا ليه؟
|
Post: #4
Title: Re: القــرار رقـم1593..كعب...كعب...كعب
Author: abuguta
Date: 04-06-2005, 03:52 AM
Parent: #1
من اللضان للضان
انا مؤيد سجيمان
ميتان ميتان
كوفى عنان
على بالطلاق
ما بنديك
حتى لو ضعفان
لا فرنسا لا امريكان
معانا معانا
سيدى كمان
تعالو نتصارع
كالثيران
بس ما دايرين
دبابات لا نيران
|
Post: #6
Title: Re: القــرار رقـم1593..كعب...كعب...كعب
Author: عبداللطيف خليل محمد على
Date: 04-06-2005, 04:42 AM
Parent: #4
معليش يا سجيمان ؛ الرقم مبهدل و مبشتن زي حالنا ..
|
Post: #16
Title: Re: القــرار رقـم1593..كعب...كعب...كعب
Author: سجيمان
Date: 04-07-2005, 09:04 PM
Parent: #6
عبد اللطيف خليل محمد علي
| Quote: معليش يا سجيمان ؛ الرقم مبهدل و مبشتن زي حالنا .. |
لا.. لا معليش ولا حاجة....دي حقارة راسا عديل
|
Post: #14
Title: Re: القــرار رقـم1593..كعب...كعب...كعب
Author: سجيمان
Date: 04-07-2005, 02:39 PM
Parent: #4
ابو قوتة
Quote: بس ما دايرين
دبابات لا نيران |
والله صح
|
Post: #17
Title: Re: القــرار رقـم1593..كعب...كعب...كعب
Author: سجيمان
Date: 04-08-2005, 01:29 PM
Parent: #4
*
|
Post: #5
Title: Re: القــرار رقـم1593..كعب...كعب...كعب
Author: aosman
Date: 04-06-2005, 04:42 AM
Parent: #1
غايتو يا سجيمان القرار ده انا لا معاهو لا ضدو لحدي ما اقرء الاسامي اسم اسم واتاكد اسمي معاهم ولا لا يلا بعد داك بقول راي فيهو البوبار الكتير من هسي مافي ليهو الواحد من هسي يقعد يقول انا معاهو بكرة يلقى اسمو في نص القائمة وما يعرف يدخل وين ويقوم يقول هو انا اسمي مكتوووووووووب
|
Post: #19
Title: Re: القــرار رقـم1593..كعب...كعب...كعب
Author: سجيمان
Date: 04-08-2005, 09:34 PM
Parent: #5
aosman
Quote: غايتو يا سجيمان القرار ده انا لا معاهو لا ضدو لحدي ما اقرء الاسامي اسم اسم واتاكد اسمي معاهم ولا لا يلا بعد داك بقول راي فيهو البوبار الكتير من هسي مافي ليهو الواحد من هسي يقعد يقول انا معاهو بكرة يلقى اسمو في نص القائمة وما يعرف يدخل وين ويقوم يقول هو انا اسمي مكتوووووووووب
|
اها..... يا اوسمان.... اسمك لقيتو؟
|
Post: #8
Title: Re: القــرار رقـم1593..كعب...كعب...كعب
Author: shak
Date: 04-06-2005, 03:22 PM
Parent: #1
عارف يا سجيمان القرار دا يعنى شنو .. انو صدر فى 3 شهر 9 سنة 1915 عشان كده هو غير ملزم لناس الحكومة وغير كده التفسير على الارض انو فى ذلك التاريخ دارفور دى كان بحكما السلطان على دينار ...
شاك
|
Post: #21
Title: Re: القــرار رقـم1593..كعب...كعب...كعب
Author: سجيمان
Date: 04-08-2005, 11:52 PM
Parent: #8
شاك
| Quote: انو فى ذلك التاريخ دارفور دى كان بحكما السلطان على دينار ... |
برضو مُلزم بالقرار......
|
Post: #9
Title: Re: القــرار رقـم1593..كعب...كعب...كعب
Author: Mohamed A. Salih
Date: 04-06-2005, 03:46 PM
Parent: #1
سجيمان
الارقام ده ما ساكت .. الناس ديل عارفين بعملوا في شنو.. دحين عاين الارقام ده معناتا شنو.
1593
15 * 2 = 30
1+5 = 6
1, 9, 5+3, 1+5+3 => 1989
1989 – 1593 = 396
طبعا 30/6/1989 هو يوم الانقلاب المشئوم
396 عدد ضحايا دارفور اليومي منذ بداية الاباده
|
Post: #11
Title: Re: القــرار رقـم1593..كعب...كعب...كعب
Author: nasiradin
Date: 04-07-2005, 00:21 AM
Parent: #9
ياخى مشتاقين ... مشتاقين و بس
الرقم المبشتن ده انشاء الله الجماعه بيصلحوا بى رقم تانى من بشاير تلكوم و احتمال يدونا أول رقم عشان الشركه جديده و كدا يعن مثلا يدونا 0001
396 عددشنو يوميا
يا راجل دارفور دى فيها كم اصلو ... مااااااا خشت راسى
تحياتي ... ناصر البطل
|
Post: #24
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 07:32 AM
Parent: #11
ناصر البطل
Quote: ياخى مشتاقين ... مشتاقين و بس
الرقم المبشتن ده انشاء الله الجماعه بيصلحوا بى رقم تانى من بشاير تلكوم و احتمال يدونا أول رقم عشان الشركه جديده و كدا يعن مثلا يدونا |
ان شاء الله... بس ما يغشونا
|
Post: #23
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 05:47 AM
Parent: #9
محمد.ا.صالح
| Quote: 396 عدد ضحايا دارفور اليومي منذ بداية الاباده |
لاحولا ولا قوة الا بالله...........
|
Post: #12
Title: Re: القــرار رقـم1593..كعب...كعب...كعب
Author: مريم بنت الحسين
Date: 04-07-2005, 01:16 AM
Parent: #1
شفته حق اللبنانيين يا دكتور 1441...
عنصريه عيني عينك
بنت الحسين
|
Post: #22
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 02:47 AM
Parent: #12
*
|
Post: #25
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 08:50 AM
Parent: #12
نريم بنت الحسين
والله انا كان بقيت مسعول في الحكومة...... اشيل الرقم دا بي صُرتو.... واديهو ليهم....واحرد جنب خشم الباب وقدر ما ينضم معاي زول اطرم وامد قدومي واقبل غادي
|
Post: #13
Title: Re: القــرار رقـم1593..كعب...كعب...كعب
Author: Yasir Elsharif
Date: 04-07-2005, 01:42 AM
Parent: #1
ما هي دلالات بقاء قوانين سبتمبر التي فرضها النميري وما زالت باقية حتى الآن تحت مسمى قانون 1991 الجنائي؟؟
دلالاتها أن الحكومة تستطيع أن تحاكم معارضي "الدولة" "الإسلامية"، وبخاصة الذين يحملون السلاح ضدها، أو الذين يؤيدون محاكمة متهمي دارفور في المحكمة الدولية بلاهاي، بأنهم يحاربون الله ورسوله.. وما هو جزاء الذين يحاربون الله ورسوله؟ إنهم يقولون أنها موجودة في الآية الكريمة:
إِنَّمَا جَزَاء الَّذِينَ يُحَارِبُونَ اللّهَ وَرَسُولَهُ وَيَسْعَوْنَ فِي الأَرْضِ فَسَادًا أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْاْ مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ (33)
وقد استخدموها في التنكيل بمعارضيها من حاملي السلاح في دارفور في يوم من الأيام وهذه صورة لبعضهم:
وهذا سيحدث لا محالة لجميع معارضي الحكومة سواء كانوا من حزب الأمة أو من مؤتمر البجا أو من غيره.. وقد رأينا بالأمس كيف منعت الحكومة حزب الأمة من الاحتفال بذكرى الانتفاضة واعتقلت بعضهم وضربت الرصاص، وأحاطت بدار حزبهم، ثم حظرت نشاط حزبهم..
ليت الجميع يفهمون دلالة مطالبة الاستاذ محمود بإلغاء مثل هذه القوانين قبل 20 سنة و 76 يوما من هذه الذكرى التي كان حزب الأمة يحاول الاحتفال بها..
ولكن لحسن الحظ فإن المجتمع الدولي لن يسمح لمثل هذه المهازل التي تفعلها الدول الفاشلة أن تستمر.. ولن تجدي النظام تنازلاته الأخيرة التي صرح بها وزير خارجيته ودعمها وزير خارجية النظام الفرعوني المصري والتي تقول بأن السودان مستعد للتعاون مع المحكمة الدولية لمحاكمة المجرمين بالسودان.. يا للسذاجة.. أول سؤال للوزيرين الهمامين: ما هي القوانين التي ستحاكمون بها هؤلاء المتهمين؟؟ ثاني سؤال: إذا كانت حكومة لا زالت تحظر نشاط أكبر الأحزاب السياسية وهو حزب الأمة فهل يثق بها أحد .. ثالث سؤال: هل تستطيع حكومة جمعت الدبابين والإرهابيين الملثمين في مسيرة هتف فيها الأمين العام للحزب الحاكم بصورة حمقاء "خائن خائن يا عنان" "عميل عميل يا عنان" وله سابقة أخرى وصف فيها السيد كوفي عنان بالـ "خائب"، هل تستطيع مثل هذه الحكومة أن تقنع مجلس الأمن بأنها حكومة محترمة تحترم القوانين..
ليس هناك من مخرج لهذه الحكومة سوى أن تعلن تراجعها عن هذه القوانين، ثم تقبل بوجود قانوني محمي للأمم المتحدة داخل السودان يشرف على تكوين حكومة وطنية تمسك بالبلاد ريثما يتأهل البلد لإقامة إنتخابات حرة نزيهة..
أشكرك يا أخي العزيز عمر عبد الله على إيراد فيديو حديث الأستاذ محمود في المحكمة قبل أكثر من عشرين عاما، فقد ظنت حكومة نميري ومعها قوى الهوس الديني بجميع صوره واشكاله، أنه ما أسهل التخلص من الأستاذ محمود وتغليف الأمر بمسألة الردة عن الإسلام.. كما يحاول المهوسون إيهام السودانيين بذلك حتى يومنا هذا، وهذا البورد يشهد، والإرهابيون قد قالوها في هذا البوست، فهل يستطيعون أن يحكموا على الأستاذ محمود مرة أخرى ويقتلوه.. أم أنهم سيتجهون إلى ذبح آخر؟؟ هذا ما ستكشف عنه الأيام
وعاش الإنسان السوداني حرا من التضليل ومن الإرهاب ومن الظلم..
|
Post: #26
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 10:59 AM
Parent: #13
دكتور ياسر
والله صورة الجماعة ديل مأثرة جدا.......لا حول وولا قوة الا بالله
|
Post: #15
Title: Re: القــرار رقـم1593..كعب...كعب...كعب
Author: Fadel Alhillo
Date: 04-07-2005, 03:15 PM
Parent: #1
يا سجيمان الرقم 1593 عامل تمانيه والتمانيه تكسب
|
Post: #18
Title: Re: القــرار رقـم1593..كعب...كعب...كعب
Author: نادية عثمان
Date: 04-08-2005, 05:47 PM
Parent: #15
| Quote: الواحد من حقارة واستصغار مجلس الامني لينا.. بقى ما قادر ينوم ولا بياكل ولا بيشرب...لي شنو نحن يحقر بنا مجلس الامني كدي..ويضفرنا؟ |
نفس احساسى والله ياسى جى ..حقارة مجلس الامن طعمها مر شديييييد!!!
سى جى لمن قلت كده ..فى ناس ظنونى زعلانة لانى انا المتهم رقم واحد وخمسين !!!
|
Post: #20
Title: Re: القــرار رقـم1593..كعب...كعب...كعب
Author: أبوالريش
Date: 04-08-2005, 10:38 PM
Parent: #18
سجيمان،
القرار 1010 دا أخـدوه صـرب البوسنـة.. وهـو بالمناسبـة نفس القـرار 1593 تقريبـا، بس ختو صـرب البوسنـة، بدل صـرب الســودان.
|
Post: #32
Title: Re: القــرار رقـم1593..كعب...كعب...كعب
Author: سجيمان
Date: 04-10-2005, 02:25 AM
Parent: #20
ابو الريش
| Quote: قرار 1010 دا أخـدوه صـرب البوسنـة |
شفتا ادوهو ليهم مخصوص......ديل ما ولاد المصراين البيوض
|
Post: #31
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 11:35 PM
Parent: #18
ندوية يا عسللي
| Quote: سى جى لمن قلت كده ..فى ناس ظنونى زعلانة لانى انا المتهم رقم واحد وخمسين !!! |
ابدا ما ظنوكي ولا حاجة...وفاهمين كلامك مظبوط..... لكن لانك اتكلمتي في اتجاه غير اتجاهم... عشان كدا هاجموكي.....يا نادية النضم الايام دي في الشي الحاصل .... زي الزول الماشي فوق خيطة جالوص..... لا زم يحفظ اتزانو كويس..... والا حقع.. يا بي جوا ويحسبوها علي الحكومة...او بي برا ويحسبوهو علي المعارضة..ومافي زول عندو استعداد يوزن منظارو غير كدا.......
|
Post: #27
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 01:02 PM
Parent: #15
فاضل الحليو
| Quote: يا سجيمان الرقم 1593 عامل تمانيه والتمانيه تكسب |
تفتكر؟
لو طلع واحد عندو تسعة طويلة
|
Post: #28
Title: Re: القــرار رقـم1593..كعب...كعب...كعب
Author: سجيمان
Date: 04-09-2005, 03:22 PM
Parent: #15
*
|
Post: #29
Title: Re: القــرار رقـم1593..كعب...كعب...كعب
Author: صديق الموج
Date: 04-09-2005, 04:02 PM
Parent: #1
سجيمان قالوا صدام رسل برقية للبشير قال ليه
ماكو مشكلة بلدكم كلها حفرة !!!!!!
|
Post: #30
Title: Re: القــرار رقـم1593..كعب...كعب...كعب
Author: Kostawi
Date: 04-09-2005, 07:00 PM
Parent: #29
شيلو الزول ده بره يا دفعه و بعدين نتفاهم
|
Post: #35
Title: Re: القــرار رقـم1593..كعب...كعب...كعب
Author: سجيمان
Date: 04-10-2005, 06:03 PM
Parent: #30
كوستاوي يا دفعة
| Quote: شيلو الزول ده بره يا دفعه و بعدين نتفاهم |
الزول ياتو فيهم؟؟؟؟؟؟؟؟
|
Post: #34
Title: Re: القــرار رقـم1593..كعب...كعب...كعب
Author: سجيمان
Date: 04-10-2005, 01:22 PM
Parent: #29
صديق الموج
| Quote: ماكو مشكلة بلدكم كلها حفرة !!!!!! |
نحن قبيل شن قلنا........
|
Post: #33
Title: Re: القــرار رقـم1593..كعب...كعب...كعب
Author: عمر الفاروق شيخ الدين
Date: 04-10-2005, 02:38 AM
Parent: #1
سجيمان يا أخوي :
خلللللي الختا واللخبتة القال ليك منو الرقم ده ما مميز ؟؟؟؟
هوووووووووووووووووي يا سجيمان فتتتتح عينك دي ..
والله الرقم مميز ليهو جنس ميزة ..
كدي عاين معاي
1593 أول شي نحن كان قلنا
5-1=4
9-5=4
1+3=4
شفت كيف الأربعات دي ..يعني بركات سيدنا الشيخ البرعي ..
الخلفاء ال4 وأيام السنة 90*4 تحفظ جوارحي ال3 و4 نحشر مع 4 ونسلم من 4
وشوف دي كمان :
9-1=8
5+3=8
الرقم عجيييييييييييييييب يا سجيمان بس إنتو البدوروهو تقولوا ليهو " موحومد" والما بتدوروهو ده تقولوا ليهو "سوجومت " ..
القرار1593 سمح ..سمح ..سمح ..
|
Post: #37
Title: Re: القــرار رقـم1593..كعب...كعب...كعب
Author: سجيمان
Date: 04-10-2005, 09:35 PM
Parent: #33
عمر الفاروق شيخ الدين
| Quote: الرقم عجيييييييييييييييب يا سجيمان |
يا زول نحن ما فايقين نقسم ونضرب ونطرح......دايرين حاجة جاااااهزة
|
Post: #36
Title: Re: القــرار رقـم1593..كعب...كعب...كعب
Author: ahmed shaaeldin
Date: 04-10-2005, 08:36 PM
Parent: #1
1593
3+9+5+1=8
هسع دي ياسجيمان الرقم ده ما زى الورد مالو كدي عيبو لي
|
Post: #38
Title: Re: القــرار رقـم1593..كعب...كعب...كعب
Author: Kostawi
Date: 04-10-2005, 09:57 PM
Parent: #36
| Quote: الزول ياتو فيهم؟؟؟؟؟؟؟؟ |
سليمه بايعة اللبن.
|
Post: #42
Title: Re: القــرار رقـم1593..كعب...كعب...كعب
Author: سجيمان
Date: 04-11-2005, 04:06 AM
Parent: #38
كوستاوي
| Quote: سليمه بايعة اللبن. |
خلاص خليها تبيع باقي لبنا دا.............
|
Post: #40
Title: Re: القــرار رقـم1593..كعب...كعب...كعب
Author: سجيمان
Date: 04-11-2005, 00:03 AM
Parent: #36
اخمد شاع الدين
Quote: +9+5+1=8
هسع دي ياسجيمان الرقم ده ما زى الورد مالو كدي عيبو لي |
عشان عامل تمانية؟
|
Post: #39
Title: Re: القــرار رقـم1593..كعب...كعب...كعب
Author: Sana Khalid
Date: 04-10-2005, 09:58 PM
Parent: #1
الدكتور المحترم سجيمان...
من زمان و أنا نفسي أدخل ليك بوست, و باتابع بوستاتك, و أستمتع و أتوجع بالكوميديا السوداء, أنت يا سيدي تجيد هذا الفن!
أسمح لي أعيد كلامك ده:
| Quote: النضم الايام دي في الشي الحاصل .... زي الزول الماشي فوق حيطة جالوص..... لا زم يحفظ اتزانو كويس..... والا حقع.. يا بي جوا ويحسبوها علي الحكومة...او بي برا ويحسبوهو علي المعارضة..ومافي زول عندو استعداد يوزن منظارو غير كدا....... |
تعرف يا دكتور...طول عمري مكجنة الكيزان, و أيام الجامعة كنت بأقول انو أنا أصلاً ما عندي معاهم ود عشان تفسد قضيته بالاختلاف...
لكن جمعتني غربة البلد دي بناس كانوا (أيام الترابي..الله لا عادها) كيزان.. و لقيتهم نعم الأخوان..اكتشفت انو الكيزان فيهم ناس كويسين...
و طول عمري أصحابي من أهل اليسار, و أقصى اليسار, و كان دايماً ظني في أهل اليسار كويس...لكن المنبر ده و منابر أخرى...خلتني أعرف انو فيهم ناس سيئين...بنسبة لم أكن أتوقعها...!!!
لقيت أكبر مدعي الديموقراطية..مصرين يقسموا الناس كومين...لأ..و كمان هم يختاروا ليك الكوم بمزاجهم...بقينا وسط ديكتاتوريتين مش واحدة...و كل زول بيدوسنا تحت رجلينو و يعمل روحو ما شايفنا!!!!
أها يا سيجي...الناس البيشوفو طشاش...لا ظلاميين لا مستنيرين...زيي وزيك وزي نادية كده...يكومو نفسهم كييييف؟؟؟؟؟!!!!
|
Post: #41
Title: Re: القــرار رقـم1593..كعب...كعب...كعب
Author: Kostawi
Date: 04-11-2005, 00:43 AM
Parent: #39
alkramba
مرتين
|
Post: #43
Title: Re: القــرار رقـم1593..كعب...كعب...كعب
Author: سجيمان
Date: 04-11-2005, 06:33 AM
Parent: #39
سناء خالد
| Quote: أها يا سيجي...الناس البيشوفو طشاش...لا ظلاميين لا مستنيرين...زيي وزيك وزي نادية كده...يكومو نفسهم كييييف؟؟؟؟؟! |
شوفي يا سناء يا بت اعمي..... الناس الزي وزيك وزي نادية ديل..... تسعين في الماية من الشعب السوداني زيهم......ما تشوفي الجعجعة والنضم الفاضي البيسو فيهو الناس التانين ديل وكانهم مسئولين من الشعب السوداني واولياء امرو... لو كانو يمين ولا يسار......وبالصبر .... حيكون لينا كلمة....ولينا دور.....
|
Post: #44
Title: Re: القــرار رقـم1593..كعب...كعب...كعب
Author: jini
Date: 04-12-2005, 04:34 AM
Parent: #1
| Quote: وبعدين نحن ما شاحدنهم....... بي حقنا.. وجايبنو بايدنا وضراعنا.. وبي عرق جبينا |
زى ما قالوا التسوى بي جنجويدك تغلب أجاويدك
جني
|
Post: #45
Title: Re: القــرار رقـم1593..كعب...كعب...كعب
Author: سجيمان
Date: 04-12-2005, 09:31 AM
Parent: #44
| Quote: زى ما قالوا التسوى بي جنجويدك تغلب أجاويدك |
جني يا جني
الجن الجنن الجنجويد
|
Post: #46
Title: Re: القــرار رقـم1593..كعب...كعب...كعب
Author: رحاب بنت المكي
Date: 04-12-2005, 10:53 AM
Parent: #45
عاد سوريا لحقوها بالرقم 1959 لصالح لبنان
الصف ورانا طويل مشرفنوا اشقائنا العرب!
|
Post: #47
Title: Re: القــرار رقـم1593..كعب...كعب...كعب
Author: سجيمان
Date: 04-12-2005, 01:23 PM
Parent: #46
رحاب بنت المكي
Quote: عاد سوريا لحقوها بالرقم 1959 لصالح لبنان
الصف ورانا طويل مشرفنوا اشقائنا العرب! |
يا رحاب..... حقو نحن من حسي نحجز الرقم 1999.....عشان بعدين ما يغالطونا ساكت
|
|