Post: #1
Title: وظيفـــــة.... شاغــــرة
Author: سجيمان
Date: 04-11-2005, 02:59 AM
مفكر ارجع السودان....وبصراحة الغربة هدت حيلي....وبشتنتني....وقللت مروتي.....وبقيت زول عبارة عن لسان وبس.... تاني مافي أي حاجة...... ببح.....كمل كلو في السعودية......وعشان امشي هناك لازم اعيش.....عشان كدا يا اخوانا لو في أي زول..... عندو او عارف زول ..كايس لي زول ونّاس ويديهو قروش ما عندي ايك يا مانع......يعني بالعربي كدي انا كايس لي وظيفة وناااااااااس.......لكن ما بشتغل في الحكومة...ناس الحكومة ديل تونسن الليلة...... باكر..... يفتحو فيك بلاغ ويجيبو ونستك زي ما هي ويحاكموك بيها.....وظيفة ونااااااس في قطاع خاص.....ويا حبذا لو كانت وظيفة وناس اسرة......بس الاسرة دي بحاسبهم علي الراس..... يعني لو ونست نفر واحد احاسبهم علي نفر واحد..ولو ونست نفرين اضرب في اتنين طواااالي.....
شروطي ماها قاسية ولا صعبة...... عشان كل زول ياخد حقو....... انا بحاسب علي الكلمة..... بعد تنتهي الونسة نشوف انا صرفت كم كلمة ونضرب في سعر الكلمة........حروف الجر عليها تخفيض... والله انا ما باكل وليداتي حرام......وللمعلومية ومن حسي... انا مرات مرات قاعد اتمتم.... يعني ممكن اكررالكلمة مرتين تلاتة..... بحسبها.... لانها والله بتكلف وما بتخارج معاي .......اها الزول الاضانو تقيلة ودايرني اونسو....دا سعرو بيختلف برضو.....
اهم حاجة... الزول الانا شغال عندو ونّاس دا...... ما يغالطني.....ولا يقول لي احلف......ولا يقول لي عليك الله؟....ولا ّعليك النبي؟..... لانو الحليفة دي بعد مرات بيكون فيها فيروسات. وتقوم تلخبطني.............ساعات العمل نتفق عليها......ومن الساعة كم للساعة كم......ونسة الصباح سعرها بختلف من ونسة العصر....ومن ونسة في الليل........بعدين عندي خدمة ونسة مستعجلة.....دي غالية شوية....... لانو ممكن يكون زول مسافر ولاحق الطيارة ودايرني اونسو في الدرب لحدي ما يصل المطار....واقعد اونسو في الصالة لحدي ما يمشي يركب الطيارة......
الونسة وانا قاعد.. بتختلف من الونسة وانا واقف....ومن الونسة وانا مكوّع.....طبعا اغلى حاجة وانا واقف.......
وعشان اوفر ونسة لكل مواطن.....ممكن اونس بالجملة ايام الجمع...وجنب ستات الشاي.......وست الشاي البقعد جنبها عشان اونس برضو تدفع...... لانو حيجو ناس كتار وحيشربو شاي وجبنة.....حاخد عشرة في المية علي كل كباية شاي شربها زول وهو بيسمع في الونسة...وكذلك الجبنة..........
ممكن اتعاون مع ناس سوداتل.....ويضيفو لي خدمات الهاتف السيّار..... خدمة الونسة.....
برضو في ونسة فوق العادة....دي الونسة التحت التبروقة.....دي غاااالية ......
والونسة مسبوقة الدفع....... تدفع واونسك قدر قروشك..... يعني لو بحكي لك في قصة....ورصيدك خلص....انت حر..... يا تشتري تاني... يا تقعد معلق كدي.........
توجد مؤثرات صوتية مع الونسة..... زغاريد وسكلبة .... لو الونسة بتتطلب ذلك......برضو حسابها دي بعدد ايووويا..... البتقولها المزغرتة......وممكن اشغل معاي زغراتات ومسكلبات.....عشان نساعد في محاربة البطالة......وبرضو حاحتاج لي مهيعيهين......ديل مهمتهم يقولو.... ..هيـــــــــع......عند اللزوم......يعني ناس السياسة احسن مني بشنو؟
شكيه:-
الشكية لي الله ........الله دا شفتوهو؟..... الشكية ليهو:-
الناحر فؤادي مولع جوفي حرْ
اضرم نار وجدي نسّام السحرْ
|
Post: #2
Title: Re: وظيفـــــة.... شاغــــرة
Author: abas
Date: 04-11-2005, 03:07 AM
Parent: #1
وناس تمتام
عرفنا غناي تمتام شنو يعني وناس تمتام
انا ما بتمتم بونس رخيص كمان
|
Post: #9
Title: Re: وظيفـــــة.... شاغــــرة
Author: سجيمان
Date: 04-11-2005, 08:51 AM
Parent: #2
عبس
| Quote: انا ما بتمتم بونس رخيص كمان |
يا اخي انتو جنكم حُكا........اها انا داير اشتغل بكاي
|
Post: #33
Title: Re: وظيفـــــة.... شاغــــرة
Author: جمال السنوسي
Date: 04-13-2005, 08:36 AM
Parent: #2
سجيمان
انا ممكن اساعدك بلغة الاشارات يعني لو في ناس طرش عايزينك تونسهم اطلبني معاك وطوالي بجيك oncall وانقل ليهم ونستك بالاشارة
اها انت في الحالة دي اعمل لي عمولة خاصة
وبالمناسبة الطرش الدايرين ونسة كتاااااااااااار خلاص
واللستة طويييييييييييييييلة
والحساب بنت
اقصد ولد
جمال
|
Post: #48
Title: Re: وظيفـــــة.... شاغــــرة
Author: سجيمان
Date: 04-14-2005, 01:46 PM
Parent: #33
جمال
وينك يا راجل؟
| Quote: اها انت في الحالة دي اعمل لي عمولة خاصة |
لا يا اخوي راتب..بالراتب تشتغل...... ولو ما عجبك.. بأشر برااااااي
|
Post: #3
Title: Re: وظيفـــــة.... شاغــــرة
Author: أحمد الشايقي
Date: 04-11-2005, 03:10 AM
Parent: #1
سجـيـمـان
سمعنا قالوا في وظائف وناسـين
في (لاهـاي)
ينفـع ؟؟
نتوســط ليك؟؟
|
Post: #5
Title: Re: وظيفـــــة.... شاغــــرة
Author: abuguta
Date: 04-11-2005, 03:27 AM
Parent: #3
انا عندى ليك وظيفة...خلى البخل حقك دا
بمرتب كويس ومريح وتمارس ونستك
بس لازم يكون معك 250 الف ريال 250 *665 سعر الصرف يوم امس = 166,250,000
عشان تعمل الاتى....
30 مليون مربوع فى السلمة
50 مليون سعر البناء للحوش الجالوص و5 غرف...وديون كبير عشان المشروع
35 مليون حافلةروزا موديل 92
32 مليون 4 ركشات سعر الركشة 8 مليون كرت لنج دا سعر الكرين يوم امس
والباقى تشترى ليك بيه بقرات عشان تمارس هوايتك القريتها فى الجامعة
اها الحافلة بدخل فى اليوم 70 الف صافية والركشة الواحدة 25 الف صافية
يعنى فى اليوم دخلك...170 الف ال 70 مصاريف...وال100 وفر
تعاملك مع هولاء العمال 5 سواقين وكمسارى...بالليل بنومو فى الديوان
والعشاء من اخر محطة....
انت ممكن تدفر بقراتك على الحزام الاخضر...وتجى تنق وتنق وتنق وتنق
مع ستات الشاى...بس ما تشوفك ام الخير
فى الشهر عند 3 مليون صافية...
السنة 36 مليون...فى سنتين ونصف بتكون حليت الحافلة والرقشات
...بدل تقعد تونس الناس كل الدنيا بتجيك تونسك...
.....شنو ليك...لو عندك المبلغ دا اتصل على ولو ما عندك اقيف فى صف
المونسين اصحاب الشهادات العليا...وشهادتك دى ما بتاكلك عيش فى السودان
ولقدام
|
Post: #15
Title: Re: وظيفـــــة.... شاغــــرة
Author: سجيمان
Date: 04-11-2005, 11:37 PM
Parent: #5
ابو قوتة
| Quote: بس لازم يكون معك 250 الف ريال |
يا زول انا كان عندي قروش قدر دي... بقعد اكوس لي الشغل؟
اقول لك انا مفلس واقع لي الله في جيبو
|
Post: #12
Title: Re: وظيفـــــة.... شاغــــرة
Author: سجيمان
Date: 04-11-2005, 12:31 PM
Parent: #3
احمد الشايقي
يا زول اوسط لي يصلبطو فيني اي تهمة ويحاكموني فيها...ما عندي مانع
|
Post: #4
Title: Re: وظيفـــــة.... شاغــــرة
Author: عمر الفاروق شيخ الدين
Date: 04-11-2005, 03:15 AM
Parent: #1
أها من أسة انا عايز الوظيفة دي :
| Quote: وبرضو حاحتاج لي مهيعيهين......ديل مهمتهم يقولو.... ..هيـــــــــع.... |
بعدين يا سي جي ما حددت لينا نوع الونسات والمواضيع ...
يعني في ونسات عائلية وفي ونسات شبابية وفي ونسة رجال وفي ونسة نسوان وفي الونسة التحتحت وفي ونسة القليلين أدب
أها انا راجي منك قائمة أسعار ..
تخريمة :
مابلقا لي عندك ونسة بي الدين ؟؟؟؟؟
يعني تعمل ليك كراس تقيييييد فيهو ...
|
Post: #6
Title: Re: وظيفـــــة.... شاغــــرة
Author: أبوالريش
Date: 04-11-2005, 03:46 AM
Parent: #4
"الناحر فؤادي مولع جوفي حرْ
اضرم نار وجدي نسّام السحرْ"
شكــرا على الملح..
اسمع! ما عندك تمامتهـا؟
|
Post: #22
Title: Re: وظيفـــــة.... شاغــــرة
Author: سجيمان
Date: 04-12-2005, 01:26 PM
Parent: #6
ابو الريش
Quote: شكــرا على الملح..
اسمع! ما عندك تمامتهـا؟ |
انت كمان ما تكون طماع...... مش كفاية اديتك بدايتا مجاني
|
Post: #21
Title: Re: وظيفـــــة.... شاغــــرة
Author: سجيمان
Date: 04-12-2005, 10:43 AM
Parent: #4
عمر الفاروق شيخ الدين
Quote: أها من أسة انا عايز الوظيفة دي :
|
دي دايرين فيها عشرة تنفار.....لو ما لقيت عشرة.. علي بجملة الايمان امشي اجيبهم من مصر..... صعايدة كمان..... لكن بعدين ما ينقنقو ويقولو مليتو البلد اجانب... وما لاقين شغل......حسي عليك الله مهيعه دي مالا؟.... لوما لي؟
|
Post: #7
Title: Re: وظيفـــــة.... شاغــــرة
Author: ali elhassan
Date: 04-11-2005, 04:14 AM
Parent: #1
Quote: مرات مرات قاعد اتمتم....
يعني ممكن اكررالكلمة مرتين تلاتة
..... بحسبها.... لانها والله بتكلف
وما بتخارج معاي |
الاخ سيجيمان
تحية طيبة
الحرام دا كيفنو يا دكتور
هسع دا ما استهبال عديل
كنت داير اربحك لكن غيرت راى.
|
Post: #8
Title: Re: وظيفـــــة.... شاغــــرة
Author: ابو جهينة
Date: 04-11-2005, 04:24 AM
Parent: #7
سي جي
| Quote: ونسة الصباح سعرها بختلف من ونسة العصر....ومن ونسة في الليل........ |
إنت البيجيبك بالليل شنو ؟
|
Post: #10
Title: Re: وظيفـــــة.... شاغــــرة
Author: رحاب بنت المكي
Date: 04-11-2005, 09:14 AM
Parent: #8
إن شاء الله تمتام درجة أولي ....
أو حتي تعرفتك عالية ...
تشمل ضرائب كمان لو داير ....
بس ألقي لي ونسة!!!!!!!
|
Post: #27
Title: Re: وظيفـــــة.... شاغــــرة
Author: سجيمان
Date: 04-13-2005, 05:10 AM
Parent: #10
رحاب بنت المكي
| Quote: بس ألقي لي ونسة!!!!!!! |
كويس والله انتي زبونة... تمااااام
|
Post: #26
Title: Re: وظيفـــــة.... شاغــــرة
Author: سجيمان
Date: 04-13-2005, 02:14 AM
Parent: #8
ابا جهينة
| Quote: إنت البيجيبك بالليل شنو ؟ |
بكون مقيّل.....
|
Post: #23
Title: Re: وظيفـــــة.... شاغــــرة
Author: سجيمان
Date: 04-12-2005, 09:12 PM
Parent: #7
علي الحسن
Quote: الحرام دا كيفنو يا دكتور
هسع دا ما استهبال عديل |
يا اخي.....ما قلنا لكم حروف الجر مجاني..... اها نشوي شنو تاني... نتقطع
|
Post: #11
Title: Re: وظيفـــــة.... شاغــــرة
Author: محارب
Date: 04-11-2005, 09:19 AM
Parent: #1
سجيمان ...
ما تنسى ونسة التقديمة قدام الباب
والونسة بي الفاج او بي فوق الحيطة ودي طبعا معظمها قطيعة وشمارات
|
Post: #13
Title: Re: وظيفـــــة.... شاغــــرة
Author: ريهان الريح الشاذلي
Date: 04-11-2005, 01:08 PM
Parent: #11
الرسول .........شغلني معاك انشالله مساعد ياي
|
Post: #32
Title: Re: وظيفـــــة.... شاغــــرة
Author: سجيمان
Date: 04-13-2005, 08:29 AM
Parent: #13
رهان الريح الشاذلي
| Quote: الرسول .........شغلني معاك انشالله مساعد ياي |
مساعد ياي؟؟؟؟؟ لي شنو يا رهان؟؟؟؟؟؟؟
|
Post: #31
Title: Re: وظيفـــــة.... شاغــــرة
Author: سجيمان
Date: 04-13-2005, 08:22 AM
Parent: #11
المحارب
Quote: تنسى ونسة التقديمة قدام الباب
والونسة بي الفاج او بي فوق الحيطة ودي طبعا معظمها قطيعة وشمارات |
المحارب دي ونسة كيري وغير مقننة.....وانا زول نظامي
|
Post: #14
Title: Re: وظيفـــــة.... شاغــــرة
Author: ست البنات
Date: 04-11-2005, 03:28 PM
Parent: #1
سجيمان الظريف كسترد البورد العام الكان حر !
بالصراحة دا أجمل بوست غلى الأطلاق !
لا فيهو فلييت ، ولا خرمجة من النوع داك البيخجلنا ويخلينا ما نرد !
ووالله ضحكت لامن دمعت !
الله يبسطك ويفرح ايامك !
ودحين انا بعرف ازغرد !
واسوى الشاى ، القهوة ماها من ثقافتنا شى !
لكن كمان وكت انت تمتام ، البيوديك تونس شنو ?
انت ما سمعت ب COMMUNICATION SKILLS ???
وتانى شى : انت بعد السوطو فى البورد دا شن موديك هناك ?
ما سمعت ببيت ملك الموت ?
أسع أنا مسافرى الشهر الجايى وخايفى من الفدقى !
خليها بعد لاهاى !
شفت كيف لاهاى بقت توقيت معتبر ! زى بعد العيد !
ست البنات .
|
Post: #28
Title: Re: وظيفـــــة.... شاغــــرة
Author: سجيمان
Date: 04-13-2005, 07:22 AM
Parent: #14
ست البنات
Quote: وتانى شى : انت بعد السوطو فى البورد دا شن موديك هناك ?
ما سمعت ببيت ملك الموت ? |
خليهم يمسكونا ويدقونا عشان نبقى مناضلين كباااااار
|
Post: #16
Title: Re: وظيفـــــة.... شاغــــرة
Author: nasiradin
Date: 04-12-2005, 05:24 AM
Parent: #1
| Quote: والونسة مسبوقة الدفع....... تدفع واونسك قدر قروشك..... يعني لو بحكي لك في قصة....ورصيدك خلص....انت حر..... يا تشتري تاني... يا تقعد معلق كدي......... |
عليك الله يا سجيمان
بطل تبهدل بينا فى الشغل
و حات الله بقولوا مجانين و بيرفدونا
بيرفدونااااااااااااااااااااااااا
ما تفهم ياخى
تحياتي ... ناصر البطل
|
Post: #34
Title: Re: وظيفـــــة.... شاغــــرة
Author: سجيمان
Date: 04-13-2005, 08:36 AM
Parent: #16
ناصر البطل
Quote: عليك الله يا سجيمان
بطل تبهدل بينا فى الشغل |
طيب حاضر
انت شغال وين؟
|
Post: #17
Title: Re: وظيفـــــة.... شاغــــرة
Author: صديق الموج
Date: 04-12-2005, 06:00 AM
Parent: #1
ونستك بى قروش انت فاكر نفسك نانسى عجرم والا نشوى
الروينى؟؟؟
كان بقت عليك انت امشى اشوف لى قرد واجيب ليه كيلو
موز وخلصنا.
والله يا دفعة ضحكت كما لم اضحك من قبل الله يقد مرارتك ويخزى شيطانك
اها قول لى دى كاتبها بالموية بس!!!تسلم
|
Post: #19
Title: Re: وظيفـــــة.... شاغــــرة
Author: خالد أحمد عمر
Date: 04-12-2005, 06:20 AM
Parent: #17
سـي جي والله ونستك دي
تسوق معاك فيها صديق ود الموج
لومك بي القروش محل تودوها ما تعرفوا من كترته
وما بتقدروا تغطوا الزباين
|
Post: #37
Title: Re: وظيفـــــة.... شاغــــرة
Author: سجيمان
Date: 04-14-2005, 01:19 AM
Parent: #19
خالد احمد عمر
Quote: سـي جي والله ونستك دي
تسوق معاك فيها صديق ود الموج
لومك بي القروش محل تودوها ما تعرفوا من كترته
وما بتقدروا تغطوا الزباين |
لا.... صديق الموج بيدقسني وياكلني.... ما بشغلو معاي
|
Post: #35
Title: Re: وظيفـــــة.... شاغــــرة
Author: سجيمان
Date: 04-13-2005, 12:15 PM
Parent: #17
صديق الموج
Quote: ونستك بى قروش انت فاكر نفسك نانسى عجرم والا نشوى
الروينى؟؟؟ |
انت قايل ديل بيعرفن يونسن يا صديق.....والله بوماتن عليهن
|
Post: #54
Title: Re: وظيفـــــة.... شاغــــرة
Author: سجيمان
Date: 04-15-2005, 09:10 AM
Parent: #17
نرفع البوست
نزولا عند رغبة نشوى الرويني
|
Post: #18
Title: Re: وظيفـــــة.... شاغــــرة
Author: شريف درار شريف
Date: 04-12-2005, 06:12 AM
Parent: #1
سيجي يا حبيبنا
ونسة الأطفال أسعارها كيف؟؟
|
Post: #38
Title: Re: وظيفـــــة.... شاغــــرة
Author: سجيمان
Date: 04-14-2005, 02:04 AM
Parent: #18
شريف ضرار شريف
| Quote: ونسة الأطفال أسعارها كيف؟؟ |
ونسة الاطفال نوعين
ونسة ساااااادة
و....ونسة بي كلكلة
وكلو بسعرو
|
Post: #20
Title: Re: وظيفـــــة.... شاغــــرة
Author: صديق الموج
Date: 04-12-2005, 06:24 AM
Parent: #1
Quote: سيجي يا حبيبنا
ونسة الأطفال أسعارها كيف؟؟ |
طبعا غالية يا ابو الاشراف عشان معاها تغيير بامبرز مش
الشفع حا يضحكو لما يعملوها بى كلام الشيطان ده،،،
|
Post: #24
Title: Re: وظيفـــــة.... شاغــــرة
Author: Nasser Mousa
Date: 04-12-2005, 10:31 PM
Parent: #20
هيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــع
رايــــك شــنو بنفع
وباالله عليك قائمة الاسعار باسرع وقت مضمنة الونسة الدقاقة
والونسة الدكاكينية والاهم منهما الونسة للعريس لمن يقرب عرسو
والونسة الفيها زيادة الشمار
|
Post: #25
Title: Re: وظيفـــــة.... شاغــــرة
Author: newbie
Date: 04-13-2005, 00:17 AM
Parent: #24
سجيمان ,,, اتصل الآن هواتفنا في الشاشة مع ابتسامة زي ابتسامة جورج ارداحي ,, ومع خدمة التلفون اقترح (سجيمان مخصوص) للرطُانة او الراطنين بغيرها مع الترجمة الفورية وليك على ادردق ليك مترجم الجزيرة داك البشتغل زي موسيقى القرب كلام في كتفو وكلام في اضنيهو وكلام في جضمو
|
Post: #29
Title: Re: وظيفـــــة.... شاغــــرة
Author: أبوالريش
Date: 04-13-2005, 07:46 AM
Parent: #25
أسمــع يا دكتور..
أنت عارف السـودانيين شغالين كيف.. يحضروا ليك ونسـة ونستين، وتانى يوم تلقى سجيمان فى كل حفلـة، وبأسعـار لا تنافس.
اها حتعمل شنو؟
عندى ليك جهاز يتشـال فى الخشــم، تخلى الناس تسمعك كويس جـدان ويضحكو وأى حاجـة. لكن واحـد منهـم ما يقدر يحفظ الكلام عشـان يبيعو تانى.
رأيك شنـو.. وفيما يخص سعـر الجهاز ما بنختلف.
|
Post: #43
Title: Re: وظيفـــــة.... شاغــــرة
Author: سجيمان
Date: 04-14-2005, 08:14 AM
Parent: #29
ابو الريش
| Quote: رأيك شنـو.. وفيما يخص سعـر الجهاز ما بنختلف. |
مافي مشكلة...بس ما يطلع زي الجلابية الاخترعا زولك داك للصلاة؟
|
Post: #42
Title: Re: وظيفـــــة.... شاغــــرة
Author: سجيمان
Date: 04-14-2005, 06:52 AM
Parent: #25
newbie
| Quote: وليك على ادردق ليك مترجم الجزيرة داك البشتغل زي موسيقى القرب كلام في كتفو وكلام في اضنيهو وكلام في جضمو |
انت يا زول رباطابي.....والله وصفك ليهو مبالغة
|
Post: #41
Title: Re: وظيفـــــة.... شاغــــرة
Author: سجيمان
Date: 04-14-2005, 05:35 AM
Parent: #24
ناصر موسى
| Quote: رايــــك شــنو بنفع |
ايوا...خلاص.... بقيتو اتنين.. مهيعهين
|
Post: #39
Title: Re: وظيفـــــة.... شاغــــرة
Author: سجيمان
Date: 04-14-2005, 02:36 AM
Parent: #20
الموج
| Quote: طبعا غالية يا ابو الاشراف عشان معاها تغيير بامبرز |
يا صديق يا اخي... خليك زول مثقف.. بامبرزجي دي شغلانة مختلفة خالص
|
Post: #30
Title: Re: وظيفـــــة.... شاغــــرة
Author: ست البنات
Date: 04-13-2005, 07:58 AM
Parent: #1
يعنى يا سجيمان الناس المسكوهون ودقوهم ، هم فى الأول ما كانوا مناضلين ?
يعنى صفة النضال دى ما اقترنت بأسماهون الآ بعدما اندقوا ?????
(أها دى الخرمجة ذاتها !)
ست البنات .
|
Post: #36
Title: Re: وظيفـــــة.... شاغــــرة
Author: أيمن حسين فراج
Date: 04-13-2005, 05:44 PM
Parent: #30
يادكتور
هل يمكن أن أعمل معك في مشروعك هذا
في وظيفة الياي حتى نجد(منطقا) لطلب الأخت رهان
كيف معاك؟
........... محمد عكاشة (المريض) يسألك (بعشم) عن سعر ونسة العيان (بأمانة كدة)
|
Post: #47
Title: Re: وظيفـــــة.... شاغــــرة
Author: سجيمان
Date: 04-14-2005, 11:25 AM
Parent: #36
ايمن حسين فراج
| Quote: محمد عكاشة (المريض) يسألك (بعشم) عن سعر ونسة العيان (بأمانة كدة) |
العيان ما بونسو... انا حاتبرع بدخل ونسة يوم كامل .. لاصدقاء المرضى
|
Post: #45
Title: Re: وظيفـــــة.... شاغــــرة
Author: سجيمان
Date: 04-14-2005, 08:51 AM
Parent: #30
ست البنات
| Quote: يعنى صفة النضال دى ما اقترنت بأسماهون الآ بعدما اندقوا ????? |
يا ست البنوت..... انا بتكلم عن نفسي..... لو مسكوني ما حيستفيدو حاجة.... بل حاستفيد انا وابقى مناضل...... علا يفنطوها ليكي كدا....لفيتي بعييييييييد.....
|
Post: #40
Title: Re: وظيفـــــة.... شاغــــرة
Author: صباح احمد
Date: 04-14-2005, 03:20 AM
Parent: #1
سجيمان يا اخوي ازيك وكيفنك
انا عندي ليك وظيفة مش شاغرة بس دي خطيرة جدا جدا لكن خايفة اقولها ليك يلطوشها منك
عشان كدي جيب اضانك النخاليك بيها
*ود ود ود ود ود
اها رائك شنو موافق مش
صدقني ما حتلقي احسن منها
ولو الوظيفة القلتها ليك ما عجبتك تعال نتبادل انت تجي تبقي صباح يعني صحفي وانا ابقي سجيمان يعني دكتورة
تخريمة:الاسبوع قبل الفات انا برضو كنت بفتش لي في وظيفة شاغرة والله يا سي جي الخرتوم دي لفيتها بي كراع كلب ما لقيت وفي النهاية
توتة توتة خلصت الحدوته
|
Post: #50
Title: Re: وظيفـــــة.... شاغــــرة
Author: سجيمان
Date: 04-14-2005, 04:05 PM
Parent: #40
صباح احمد
Quote: عشان كدي جيب اضانك النخاليك بيها
*ود ود ود ود ود
اها رائك شنو موافق مش |
دي لكن شغلانة متعبة خلاص......
كم ساعة في اليوم؟
|
Post: #44
Title: Re: وظيفـــــة.... شاغــــرة
Author: صديق الموج
Date: 04-14-2005, 08:25 AM
Parent: #1
Quote: يا صديق يا اخي... خليك زول مثقف.. بامبرزجي دي شغلانة
مختلفة خالص |
يا دكتور ما الشفع وانت بتكلكل فيهم بضحكوا ويقوموا
يعملوها من اثر الكلكلة التى فعله بهم سجيمان عليه
نخلص الى ان من اوجب واجبات سجبمان التحفظ.
تقولى بامبرزجى والا تمرجى ما عارف،،،،،
|
Post: #51
Title: Re: وظيفـــــة.... شاغــــرة
Author: سجيمان
Date: 04-14-2005, 08:48 PM
Parent: #44
الموج
| Quote: تقولى بامبرزجى والا تمرجى ما عارف،،،،، |
يا صديق.. بامبرزجي.... دي وظيفة غير الونسة... يعني ممكن انا اونس اكلكل البامبرزجي يشوف شغلو
|
Post: #46
Title: Re: وظيفـــــة.... شاغــــرة
Author: بلدى يا حبوب
Date: 04-14-2005, 10:12 AM
Parent: #1
سيجمان
عندة لك وطيفة وعملها موسمى مرتين فى العام المرة الاولى فطور مدنكل لزوم شوفت الشهر والتانية فطور + عشاء فاخر والمطلوب ثبون الروية وما تنسى الظرف موجود
تحياتى
|
Post: #49
Title: Re: وظيفـــــة.... شاغــــرة
Author: أبوالريش
Date: 04-14-2005, 03:18 PM
Parent: #46
"يا ست البنوت..... انا بتكلم عن نفسي..... لو مسكوني ما حيستفيدو حاجة.... بل حاستفيد انا وابقى مناضل...... علا يفنطوها ليكي كدا....لفيتي بعييييييييد..... "
د سجيمـان،
ليه مناضل ساى، ما أحسن ليك تبقى شهيــد مرة واحـدة.
|
Post: #53
Title: Re: وظيفـــــة.... شاغــــرة
Author: سجيمان
Date: 04-14-2005, 11:00 PM
Parent: #49
ابو الريش
| Quote: ليه مناضل ساى، ما أحسن ليك تبقى شهيــد مرة واحـدة. |
والله فكرة.......
|
Post: #52
Title: Re: وظيفـــــة.... شاغــــرة
Author: سجيمان
Date: 04-14-2005, 09:42 PM
Parent: #46
بلدي يا حبوب
| Quote: عندة لك وطيفة وعملها موسمى مرتين فى العام المرة الاولى فطور مدنكل لزوم شوفت الشهر والتانية فطور + عشاء فاخر والمطلوب ثبون الروية وما تنسى الظرف موجود |
يا اخوي نضمك دا.. تب ما وقع لي
|
|