Post: #1
Title: و.... لِحقــت...... سميــرة دُنيــا.... اُمــات طــه
Author: سجيمان
Date: 04-19-2005, 02:08 AM
Parent: #0
جيت جاري جري علي البيت.. قلت متين اصل.. والعنقريب جاك زول.. فتران فتر شديد وتعبان تعب شديد ..و....نعسااااان.... النهار كلو واقف علي طولي..غايتو السعودية ما خلت لنا صفحة نرقد عليها.....جيت الساعة تسعة بالليل.....ورقدت وقلت شوية اتفرج في قناة النيل الازرق اصلهم ناس النيل الازرق ديل مسوين لي عمل....وانوم وانا بتفرج وانا نعسااااان..... قومي تعالي يا سميرة دنيا....واقعدي غني هل تدري يا نعسان وانا طرفي ساهر...... وحات الله دخلتني في اضافريني......صنقرت.....وقعدت اسمع فيها....واعاين لها وانا اشهّق....وفي سري قلت لها انتي برضو.... لحقتي امات طه؟.....ووقت قالت... ليلي ونهاري لي حيك بهاجري..... عقلي طوالي مشى الثورة.. مش اهلي هناك....ولما قالت ما بخشى لوم في هواك ما بخشى زاجر...هميت .....وخفت تكون بت الناس دي قاعدة تمشي وتشولت علي بيتنا.....وتقوم امي تتلوم فيها وتزجرا وتسمعها نضم مو سمح.....وتتمسخ عليها وتقولها الولد دا اختيهو.. الولد عندو وليدات قاعد يربي فيهم...........لكن ان شاء الله يا سميرة.... الله لا يسهلك وتخبري بيتنا......
سميرة دنيا.. تتمتع بصوت قوي....ومتمكنة.....وماها قاعدة تتعب في الغنا..... مارتاااااحة...وتطربك لحدي الثمالة.....
انتهت الغنية..وجريت الملاية فوقي...وانا في غاية الاستعجاب...وقمة المحنة......والمحيرني الفنانات ديل ما شافن لهن شغلة غيري........ااسوي كيفن هادي انا؟......... لا لكن... سميرة دي عرفتني كيفن؟.... تكون ندى حدستها؟..... مافي زول قال لي ندى دي قوالة......غايتو ان حدستها تبقى اتلومت فيني لوم كبير....والخوف تحدس نانسي عجرم..........
والله الواحد خجل من الشكية......... كل يوم مشتكي من فنانة انها مكسره فيهو.....اها شِن الرأي؟؟؟؟؟؟......
الرأي بس... ابيع التلفزيون....والدش.....واقعد ساااااكت كدي.....واشوفن تاني دايرات يغنن لي منو؟
|
Post: #2
Title: Re: و.... لِحقــت...... سميــرة دُنيــا.... اُمــات طــه
Author: حمزاوي
Date: 04-19-2005, 02:27 AM
Parent: #1
تكون ندى حدستها؟
هي يا سجيمان ود عم بله
ندي ما قوالة ولا تعرف الشمارات
كدا ابعد واخطى ندي
وخليك في جكوساتك سميرة دنيا وستنا مجروس
يا جنا هوووي
سميرة دنيا ما غنت ليك
برانا بنعرف مستوانا
|
Post: #3
Title: Re: و.... لِحقــت...... سميــرة دُنيــا.... اُمــات طــه
Author: Saifeldin Gibreel
Date: 04-19-2005, 03:14 AM
Parent: #2
انت يا سجيمان مسئول من الخير ما عندك صورة لى ندى القلعة على نهر النيل ولا جزيرة التمساح
|
Post: #11
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-20-2005, 04:06 AM
Parent: #3
سيف الدين جبريل
| Quote: انت يا سجيمان مسئول من الخير ما عندك صورة لى ندى القلعة على نهر النيل ولا جزيرة التمساح |
انت قايلا هيفاء؟...... دي محفوووووضة يا اخوي
|
Post: #9
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-19-2005, 12:51 PM
Parent: #2
حمزاوي
Quote: سميرة دنيا ما غنت ليك
برانا بنعرف مستوانا |
لا ما غنت ليّ......وبعدين يا حمزاوي ..سميرة وندى ديل هن براهن مشربكات... اها انا اسوي شنو؟
|
Post: #4
Title: Re: و.... لِحقــت...... سميــرة دُنيــا.... اُمــات طــه
Author: jini
Date: 04-19-2005, 05:38 AM
Parent: #1
Quote:
الرأي بس... ابيع التلفزيون....والدش.....واقعد ساااااكت كدي.....واشوفن تاني دايرات يغنن لي منو؟ |
والموبايل ودقنوسك كمان عشان ما تغني ليك في الحلم!
وكان شوفتها يقظة ياهو المراد والله معاك وبالرفاء والبنين
جني
|
Post: #5
Title: Re: و.... لِحقــت...... سميــرة دُنيــا.... اُمــات طــه
Author: Sobajo
Date: 04-19-2005, 05:50 AM
Parent: #4
| Quote: الرأي بس... ابيع التلفزيون....والدش.....واقعد ساااااكت |
المشكلة يا سيجي هتكون مشكلتنا انحنا ديل ..
انت هتبيعن .... لكن انحنا لسة التلفزيون عندنا ،،، و كل ما نسمع ندى ولة سميرة بيصدحنلهن بي غنية ،،، هنتذكرك طوالي .... و نعرف انهن قاصداتنك انت ....
البحلنا نحنا شنو ....
ولة الراي شنو ...؟؟؟
|
Post: #6
Title: Re: و.... لِحقــت...... سميــرة دُنيــا.... اُمــات طــه
Author: محمد حامد جمعه
Date: 04-19-2005, 05:58 AM
Parent: #5
سجيمان
انت من هنا ولا من زحل ... شوف كلو الا سميرة دنيا دى .... بشتربك فيك لكن عشان خاطر الحب والذوق بمشيها ليك الليلة ... خليك فى حدودك الوجدانية ... فى القلعة
|
Post: #7
Title: Re: و.... لِحقــت...... سميــرة دُنيــا.... اُمــات طــه
Author: عصام دهب
Date: 04-19-2005, 06:06 AM
Parent: #6
سجيمان ..
تحياتي ..
دي
أوعة
تقولها
للكفيل !!
و أدعيلي
|
Post: #25
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-21-2005, 10:30 AM
Parent: #7
عصام دهب
Quote: دي
أوعة
تقولها
للكفيل !!
و أدعيلي |
علا ارسلها ليهو في مسج..وانا راقد في نص حوشنا
|
Post: #18
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-21-2005, 00:23 AM
Parent: #6
محمد حامد جمعة
| Quote: شوف كلو الا سميرة دنيا دى |
خلاص... انت كلما ما تغني لي و تقعد تتبسم وتشاغلني
|
Post: #17
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-20-2005, 07:46 PM
Parent: #5
صاحبي سوباجو
اها؟..جايي متين تاني في التلفزيون؟
Quote: انت هتبيعن .... لكن انحنا لسة التلفزيون عندنا ،،، و كل ما نسمع ندى ولة سميرة بيصدحنلهن بي غنية ،،، هنتذكرك طوالي .... و نعرف انهن قاصداتنك انت ....
البحلنا نحنا شنو ....
ولة الراي شنو ...؟؟؟ |
تكونو لجنة.....وتمشو لن عند اهلن وتشحدوهن يخلن الغنا كلو كلو... لحدي ما اموت انا....وبعد داك كان دايرات يغنن ... مافي مشكلة.......
|
Post: #13
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-20-2005, 10:26 AM
Parent: #4
| Quote: وكان شوفتها يقظة ياهو المراد والله معاك وبالرفاء والبنين |
|
Post: #8
Title: Re: و.... لِحقــت...... سميــرة دُنيــا.... اُمــات طــه
Author: almohndis
Date: 04-19-2005, 06:41 AM
Parent: #1
اخوي دكتور سجيمان
انت في سميرة دنيا
ولا كاظم السهر حفلتو
بعد بكره الخميس في نادي الظباط
علا وصيت ليهو واحد دخل الحفلة بي 120 دولار امريكى
عمك المهندس قالك غنليو ابحث عن احسان
|
Post: #27
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-22-2005, 01:53 AM
Parent: #8
المهندس
Quote: بعد بكره الخميس في نادي الظباط
علا وصيت ليهو واحد دخل الحفلة بي 120 دولار امريكى |
120دولار؟؟؟؟؟؟؟؟؟........ ليه؟؟؟؟؟؟؟
اها الحفلة كيف امبارح؟
|
Post: #10
Title: Re: و.... لِحقــت...... سميــرة دُنيــا.... اُمــات طــه
Author: محمد الامين احمد
Date: 04-19-2005, 01:05 PM
Parent: #1
| Quote: الرأي بس... ابيع التلفزيون....والدش.....واقعد ساااااكت كدي.....واشوفن تاني دايرات يغنن لي منو؟ |
تبيع التلفزيون ... حـ يجوك فى الراديو
|
Post: #28
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-22-2005, 03:51 AM
Parent: #10
محمد الامين
| Quote: تبيع التلفزيون ... حـ يجوك فى الراديو |
اها
كيف الراي؟؟؟؟؟؟
|
Post: #12
Title: Re: و.... لِحقــت...... سميــرة دُنيــا.... اُمــات طــه
Author: almulaomar
Date: 04-20-2005, 04:46 AM
Parent: #1
أخي الكريم الدكتور سجيمان
تقول الحاجة ست البنات لي حدهن "الجن بتداوي كعبخ الإندراوه" أحسب أخي نك تمر بهذا الطور أى مرحلة الشرنقة وهي المرحلة التي تسبق مرحلة اليرقة لذلك تظهر عليك عراض الإندراوه ومن بينها أنك كلما تعاين في المريا تتبسم وتقول ليها كلميني وبرضو تجري وتجيها راجع ، وهي عادة المرحلة التي تعرف بالزون حيث أن كل من يصلها ويدخلها يكون قد بلغ أشده وبدأ في التقهقر أو ما يعرف في أمثال الشماشة بمصير الكموش يبقي برطوش ، وهو ذات الصياغ نجد عبارة قرن التبش الكنكش ويبس ويمكن أيضاً تشبيه الوضع بالنجوم والفنانين في دولتنا فما أن ينتهي النجم إلا ويتجاهله الناس وتتناساه الجهات المختصة ومن يومها يشوف ليهو ركن أو كورنر ويدفن ليهو لستك عربيه للنص ويصنقر مصاقر الشارع والناس تسلم عليهو وبعد ما تبعد منو شوية يقولو مسكين والله شوف الزمن زمان كان نجم الناس كلها تتمنى تمشي معاهو وتصاحبو وهسع بعد ما خلاص لحق الصح الناس تتاوق بي فوق الحيطه ولمن تشوفو قاعد في لستكو يزوغو بالباب التاني وعجبي.
|
Post: #14
Title: Re: و.... لِحقــت...... سميــرة دُنيــا.... اُمــات طــه
Author: حسام يوسف
Date: 04-20-2005, 10:30 AM
Parent: #12
يديك العافيه يا سجيمان
|
Post: #15
Title: Re: و.... لِحقــت...... سميــرة دُنيــا.... اُمــات طــه
Author: Siham Elmugammar
Date: 04-20-2005, 11:24 AM
Parent: #14
من زمن اخيانى و اخياتى الله يديهم العافيه و ابعد عنهم الحاسدين عرسوا كلهم لقيت نفسى طمت من بيوت الاعراس و كان بقت المجامله لازمانى قال ليك بمشى مع دخلت العروس ابارك و ازوق..بصراحه الاسباب كتيره اولاك يا التبادى الكبر وتوابعه و اهمهابقيت ما بحمل الصوت العالى و الادهى و الامر بقيت ما بقدر اغنى مع الفنان...
اها بعد المقدمه دى...قبل ما اجى بلد الناس الما بدورهم ديل بيوميت اتعزمت عشا فى السودان بسميره دنيا طبعا ما بتفوت..قال ليك يا سجيمان مشيت ليك عليها عديل و حلفت ما اقوم من التربيزه القاعده فوقها... بس لصقه..يا زول دى اول مره احضر حفله حيه بسميره دنيا..المهم انا مقتنعه تماما انو الزوله دى ما عندهاحبال صوتيه او بتكون اتبرعت بيهم لعبدالعزيز المبارك..
اها قال ليك جماعه اصحابى جرجرونى للرقيص عاد حلفت ما اقوم وقلت ليهم ما بقدر لانو سميره دى دنيا دى بتقتل الحيل..اها افتكروها نكته و قعدوا يضحكو.. لكن و الله يا سجيمان الزوله دى مش قتلت حيلى بغناها وبس و الله بكتنى عديل كده... بالجد انطربت لمن بكيت..
|
Post: #36
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-26-2005, 01:14 AM
سهام المجمر
| Quote: .. لكن و الله يا سجيمان الزوله دى مش قتلت حيلى بغناها وبس و الله بكتنى عديل كده... بالجد انطربت لمن بكيت.. |
انا ما ادتني فرصة ابكي...... اتمحنت.....واتحريت في تكسيرا فيني دا
|
Post: #30
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-23-2005, 00:48 AM
Parent: #14
حسام يوسف
| Quote: يديك العافيه يا سجيمان |
الله يعافيك يا حسام
سلم علي حافظ
|
Post: #29
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-22-2005, 09:54 AM
Parent: #12
الملا عمر
| Quote: ويمكن أيضاً تشبيه الوضع بالنجوم والفنانين في دولتنا فما أن ينتهي النجم إلا ويتجاهله الناس وتتناساه الجهات المختصة ومن يومها يشوف ليهو ركن أو كورنر ويدفن ليهو لستك عربيه للنص ويصنقر مصاقر الشارع والناس تسلم عليهو وبعد ما تبعد منو شوية يقولو مسكين والله شوف الزمن زمان كان نجم الناس كلها تتمنى تمشي معاهو وتصاحبو وهسع بعد ما خلاص لحق الصح الناس تتاوق بي فوق الحيطه ولمن تشوفو قاعد في لستكو يزوغو بالباب التاني وعجبي. |
يا الملا...والله نضمك دا .....يدخل القلب ويعمل فيهو عمايل...... الموت ان خلاك الكُبُر ما بيخليك...
ويا حليلنا نحن......
|
Post: #16
Title: Re: و.... لِحقــت...... سميــرة دُنيــا.... اُمــات طــه
Author: المكاشفي الخضر الطاهر
Date: 04-20-2005, 12:05 PM
Parent: #1
الاخ سجيمان كيف اخبارك
عندي سووعال موضوعي إنت امات طه ديل منن ؟؟
ان فى انتظار الاجابة
|
Post: #31
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-24-2005, 06:49 AM
Parent: #16
المكاشفي الخضر الطاهر
| Quote: عندي سووعال موضوعي إنت امات طه ديل منن ؟؟ |
تعرق لي كم يوم وانا كايس لامات طه ديل وما لقيتن.... عليك الله انت برضو كوس..وان عرفت حدسني
|
Post: #19
Title: Re: و.... لِحقــت...... سميــرة دُنيــا.... اُمــات طــه
Author: merghani hamza
Date: 04-21-2005, 00:40 AM
Parent: #1
سجيمان...الشفيف
دائما ما اراهن نفسى قبل الدخول الى بوستاتك اننى ساضحك...لكن هذا المرة خاب ظنى فلقد اصبتنى فى مقتل يا رجل فانا اعشق هذه المراة...لانها دنيا اسمها سميرة
واعمل حسابك
ميرغنى حمزة
|
Post: #20
Title: Re: و.... لِحقــت...... سميــرة دُنيــا.... اُمــات طــه
Author: A.Razek Althalib
Date: 04-21-2005, 02:09 AM
Parent: #19
يا دكتور
ما جابو
طاري البورد...
ناس النيل الأزرق..
وخبارات ...
دنيتنا وسمار الليل...
والشمارات العابرة للقارات دي.......
تعرف مرة كنت بقرأ في ..
الكتاب الأخضر
ولقيت لي سطر مكتوب باللون الأحمر...
بيقول:
إنما تندمج...
الشعوب مع تراثها..
وفنونها...
وخلي بالك من كلمة...
تندمج دي.......
|
Post: #21
Title: Re: و.... لِحقــت...... سميــرة دُنيــا.... اُمــات طــه
Author: tmbis
Date: 04-21-2005, 04:28 AM
Parent: #20
سجيمان
سميرة دنيا دي محتاجين ليها ..
خليها لينا شوية كده .. وبعدين بنفكها ليك
.........
سهام المجمر ..
اريتك تسمعي الاغنية دي شكلك محرومة من صوت سميرة دنيا ....
|
Post: #35
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-25-2005, 01:01 AM
Parent: #21
تمبس
Quote: سميرة دنيا دي محتاجين ليها ..
خليها لينا شوية كده .. وبعدين بنفكها ليك |
خلاص حسي فك لي الممشطة السودان قفل دي.. اصبر بها
|
Post: #34
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-24-2005, 01:56 PM
Parent: #20
عبد الرزاق
Quote: ما جابو
طاري البورد...
ناس النيل الأزرق.. |
والله قاعدين يجيبوهو مرة مرة.. لكن يا اخوي قاعدين يعزلو ناسهم البينضمو فيهم...ويعزموعهم......
|
Post: #33
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-24-2005, 12:14 PM
Parent: #19
ميرغني حمزة
ازيك
Quote: فانا اعشق هذه المراة...لانها دنيا اسمها سميرة
واعمل حسابك |
طيب يا ميرغني.....بس كلمها ما تغني لي
|
Post: #22
Title: Re: و.... لِحقــت...... سميــرة دُنيــا.... اُمــات طــه
Author: willeim andrea
Date: 04-21-2005, 05:08 AM
Parent: #1
الحمدلله يا دكتورنا الما طلعته عنصري .. انا كنته قايلك بتحب ناس بمبه... وبعدين معقوله الاستاذه الرقيقه ... الحريفه المطربه لحدة الثماله .... تغني لزول نعسان متغطي بملايه كاروهات وكمان نايم ليهو في عنقريب حبل ( بالمناسبه انته قلته السعوديه والا المسعوديه )اكيد كانت عندك حمه مبادي جنوووووووووووون الب........... وعلشان نكون اصحاب وما ازيد واعيد ابعد من ناس العباسيه كلهم وخليك في الثوره الحاره الواحد وعشرين اها وكان والا بلاش فتك بعافيه
|
Post: #24
Title: Re: و.... لِحقــت...... سميــرة دُنيــا.... اُمــات طــه
Author: Siham Elmugammar
Date: 04-21-2005, 06:13 AM
Parent: #22
و الله يا timbs انت ذاتك بتفش الضيق الله يديك العافيه و الله انا شاكره شديد.. فى الغربه الزفت دى صوت سميره دنيا هو دنيا و عفو ناس يمه
|
Post: #39
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-26-2005, 12:46 PM
Parent: #22
وليم اندريا
| Quote: تغني لزول نعسان متغطي بملايه كاروهات وكمان نايم ليهو في عنقريب حبل ( بالمناسبه انته قلته السعوديه والا المسعوديه ) |
يا اخي دا الحب.... انت اصلك ما سمعت بيهو؟
وبعدين انا في السعودية لكن زيك زي المسعودية
|
Post: #23
Title: Re: و.... لِحقــت...... سميــرة دُنيــا.... اُمــات طــه
Author: صديق الموج
Date: 04-21-2005, 06:07 AM
Parent: #1
صاح كلامو يا جماعة وانا شوف عينى يوم سجيمان بحلق عند
الحلاق..البنات يتخاتفن فى الشعر من تحتو زى الغنم تحت
سير الطاحونة شى لبنانيات وشى سعوديات وشى سوريات
والمغربيات ما يدنك الدرب ..والخواجيات ديل يتباكن
والدموع زى العيش ومالاقيات صوفة يشيلنها ويقولن
KOR ALENAAAAAAAAAAAAAAAAAAAAA وسجم اور ماوس وما عارف شنو
فطبيعى يتكسرن فيه من سميرة لى جوليا روبرتس ولى لاتويا
جاكسون وفيفى عبدو.هييييييييييييييييييييييييييييع،،
|
Post: #37
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-26-2005, 07:02 AM
Parent: #23
الموج
Quote: البنات يتخاتفن فى الشعر من تحتو زى الغنم تحت
سير الطاحونة شى لبنانيات وشى سعوديات وشى سوريات
والمغربيات ما يدنك الدرب ..والخواجيات ديل يتباكن
والدموع زى العيش ومالاقيات صوفة يشيلنها ويقولن
KOR ALENAAAAAAAAAAAAAAAAAAAAA وسجم اور ماوس وما عارف شنو
فطبيعى يتكسرن فيه من سميرة لى جوليا روبرتس ولى لاتويا
جاكسون وفيفى عبدو.هييييييييييييييييييييييييييييع،، |
انا عاااااارفك بتتضحك علي.....عشان اسمح منك واصغر منك
|
Post: #26
Title: Re: و.... لِحقــت...... سميــرة دُنيــا.... اُمــات طــه
Author: jini
Date: 04-21-2005, 04:15 PM
Parent: #1
| Quote: انا مقتنعه تماما انو الزوله دى ما عندهاحبال صوتيه او بتكون اتبرعت بيهم لعبدالعزيز المبارك.. |
لوووووووووووووووووووووووووووووووول
وتاني لول
جني
|
Post: #32
Title: Re: و.... لِحقــت...... سميــرة دُنيــا.... اُمــات طــه
Author: صديق الموج
Date: 04-24-2005, 08:32 AM
Parent: #1
تمبس كتر خيرك 000000عليه فقد قطع تمبس قول كل متسلبط
قشيران00البنية بتقول 00من الخليج مالو ما جاء
اخوى صديق مالو ما جاء تقوم تتسلبط تقول مكسرة فيك
يعنى الا تقول صديق الموج عديل كدة0
لاحوله ولاقوة من ناس الزمن ده!!!!!!
|
Post: #40
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-26-2005, 01:54 PM
Parent: #32
الموج
| Quote: اخوى صديق مالو ما جاء تقوم تتسلبط تقول مكسرة فيك |
يا اخوي انت البارح دي كنت في الحرتوم..... تغني لي انا دا ال لي عشرة سنين
|
Post: #38
Title: Re: و.... لِحقــت...... سميــرة دُنيــا.... اُمــات طــه
Author: بلدى يا حبوب
Date: 04-26-2005, 07:31 AM
Parent: #1
سيجمان
| Quote: مافي زول قال لي ندى دي قوالة...... |
انت مشكلتك مكسر فى ندى القلعة ما تعمل فيها حريف
ال سميرة دنيا ال
تحياتى
|
Post: #41
Title: Re: و.... لِحقــت...... سميــرة دُنيــا.... اُمــات طــه
Author: طه حسن عبدالله
Date: 04-26-2005, 06:14 PM
Parent: #38
أخوى سجيمان
هـّسى أماتى ديل الله يرحمن سألنك و لا قالن علا نسوق معانا سميرة دنيا ؟
خلى البنية لى شبابا عشان نستمتع بى صوتا كمان وكمان
|
Post: #44
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-27-2005, 12:18 PM
Parent: #41
طه حسن عبد الله
| Quote: خلى البنية لى شبابا عشان نستمتع بى صوتا كمان وكمان |
والله انا زاتي قاعد انبسط من غناها......علا انا قاصد لحقت امات طه يعني اتكسرت فيني
|
Post: #42
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-26-2005, 09:20 PM
Parent: #38
بلدي يا جبوب
| Quote: انت مشكلتك مكسر فى ندى القلعة ما تعمل فيها حريف |
يا اخوي هي المكسرة فيني........... قلنا ليكم الفي مرة
|
Post: #45
Title: Re: و.... لِحقــت...... سميــرة دُنيــا.... اُمــات طــه
Author: سجيمان
Date: 04-28-2005, 00:31 AM
Parent: #43
علم يا ريس
برقية:-
صديق الموج .... قافل تلفونك ليه؟..... تحرمني منك
|
|