Post: #1
Title: يــوم المــرأة...و...الوحـــم
Author: سجيمان
Date: 03-14-2005, 08:48 AM
Parent: #0
انتي يا ام الخير.. نسوان السودان في الدنيا دي كلها احتفلن بي عيد المرأة... علا انتن يا السودانيات الفي السعودية..مالكن ما بتحتفلن......؟......
انت قايلنا يا يابا..ما كنا دايرين نحتفل...كنا وحاتك انت.... وقلت نسويها فجعة ليك وللرجال المعاك عشان تتفجعو اكتر من الفجعة الانتو فيها.... و قلت اضرب للنسوان ديل لي حدهن تلفونات.... احدسن وهن يحدسن البيعرفنهن...... اولك بالتبادي يا سيد ابوك.... محاسن.... قاعدة تتوحم.... وما..عندها أي نفس لاي يوم..... حتى يوم الخميس دا شوفتو؟؟؟!!!!!...... كجنتو...... خليك لمن يبقى يوم المرأة..... ووحما اضانك طرشا قابل راجلا.......بقت من تشوفو ...عوووووووع تطرش..... عليك الرسول شفت المرا دي اكلت لحم الراجل دا كيفين؟.....الرويجل خلى ليها البيت ورحل عند العزابة.....قال لمن ايام الوحم دي تعدي وبعدين يرجع......انت يا سجيمان المرا البيتتوحم وتكجّن راجلا دي؟.... باقي لك نصيبتا شنو؟.....مالا؟....دايرة تلد لو شنو؟......
_ والله يا ام الخير دي اظنها........ تكون داير تلد لو كفيل
اها النتم لك نضمي يا سجيمان...علوية.......قلت لك علوية....دابا ولدت الاسبوع الفات........
-اقيفي عندك.... قلتي شنو؟..علوية ولدت الاسبوع الفات؟.... علوية دي دحين ما ولدت قريب دا..قبال تلاتة شهور....
نضمك صُح ولدت قبل تلاتة شهور.... هي اصلها كانت حامل بي تيمان..... وقت جات تلد ولدتا الاولى ديك..... الدكاترة لقو توم واحد ناقص..... ربطو رايهم و قالو يخلوهو في بطنا تلاتة شهور لحدي ما يتم... ويولدوها تاني.... مرقو التوم الاول وكرمو دا فيها.....حسي الاسبوع الفات جابت التوم التاني....وابوهم سماهم اسامي السرور.. الاتنين ربيع.. ربيع اول... وربيع تاني.......
اها..ونفيسة مرت عبد القادر.... برضو والده ولي حسي ما ربعنت....والدة بي ولدا الجابوهو بالانابيب دا....شافع صرفو عليهو الوراهم والقدامهم......
الشافع الغليد دا حسي يا ام الخير ؟ طفل انابيب؟.... لا لا ياام الخير....قولي نضم غير دا....... انابيب وين تشيل قدُر دا؟...دا يكون طفل براميل يا ام الخير.......
اما سعاد ديك يا سجيمان... وحات الله ماها فايقة....ولا فاضية..... مشغووووولة..... مشغولة بالنوم...الراجل يمرق الشغل والوليدات يمشو المدارس..... وهي تشغّل المكيف وتجر توبا فوقا... وتنوم.....تصحى تفتح الباب للوليدات...والراجل.... تكلفت لهم الاكل و تغديهم ...وترقد تاني تتم نومتا.....والله لكن يا سجيمان اخير لها في نوما دا من تبقى في وحم ...و....ولادة بالقطاعي.......
|
Post: #2
Title: Re: يــوم المــرأة...و...الوحـــم
Author: بلدى يا حبوب
Date: 03-14-2005, 09:11 AM
Parent: #1
سيجمان
والله قطعت مصارنى من الضحك
لوووووووووووووووووووووووووووووووووووووووول
قلته لى | Quote: الدكاترة لقو توم واحد ناقص..... ربطو رايهم و قالو يخلوهو في بطنا تلاتة شهور لحدي ما يتم... ويولدوها تاني.... مرقو التوم الاول وكرمو دا فيها.....حسي الاسبوع الفات جابت التوم التاني |
ويا زول ده ربطوه بياتو مصران
تحياتى
|
Post: #10
Title: Re: يــوم المــرأة...و...الوحـــم
Author: سجيمان
Date: 03-15-2005, 07:24 AM
Parent: #2
بلدي يا حبوب
Quote: ويا زول ده ربطوه بياتو مصران
|
دا ربطوهو في الاثناعشر....يعني هو بقى التالتعشر
|
Post: #3
Title: Re: يــوم المــرأة...و...الوحـــم
Author: ahmed shaaeldin
Date: 03-14-2005, 12:52 PM
Parent: #1
حتى يوم الخميس دا شوفتو؟؟؟!!!!!...... كجنتو......
تعرف ياسجيمان انت لذيذ جنس لذ . بضم اللام
|
Post: #5
Title: Re: يــوم المــرأة...و...الوحـــم
Author: انا بنت النيل
Date: 03-14-2005, 02:03 PM
Parent: #3
سي جي العزيز
بختتتتتتهن ..نسوان السعودية " بغبينة " كدي وحسسسسسسسسسسسسسسادة عديل ..راحات ساااااكت ولادة ووحم ونوم..اااااااااااااااااااه نحنا الوحم الطاير لينا في راسنا ..بتتوحمي ..حامل بإتنين بي تلاته وانت شغالة وفي السودان ..موت عديل ..حتي لو جبت شغالات الدنيا والعالمين ..تجربة اسال اختك ..قومة الأذان " ارحم الراحمين " تاني ماتشوف السرير الا للنوم خاصة مع وليدات تاني وروضة وحشي سندوتشات وتحضير العصير " والمكابسة " قبل عربة الترحيل تجي " تليماتش " عديل ماما دا لا عاوز دا ..امي اشرحي لي دا ..مااااااااااااما كرفتة اليونيفورم مالاقياه ..ماماشة أأأأأأأي ..ما حااقول النشيد في الطابور أأأأأأي ..هدي لقيتا هاك ...يازولة الغسالة جاية حضرت الغسيل ولا لا ..سمح ..تررررررررررررن التلفون ..ايوة أمي اهلا " وبضفر في شعرات البنية" في شنو " يابت بت خالة مرت اخو فهيمة جارتنا ماتت لازم تجي بعد الشغل الجماعة ديل ما بقصرو معانا ..كويس.. اثناء المكالمة " بيب بيب بيب " عربة الترحيل ..ورررووووك عم محمد جا.. اجري ياولد قول ليه دقيقة بس .." كفتك ..لفحك" تجري ..وووووب الدسكيت نسيتة عليك الله ناولني الفايل يا...يازولة انا اتاخرت شوفي فايلك براك .."علما بان شغل الدسكيت اتعمل في البيت"
ترررررم تررررم انتهي مسلسل الصباح بس ..تقول لي نوم لي نص النهار ..
|
Post: #16
Title: Re: يــوم المــرأة...و...الوحـــم
Author: سجيمان
Date: 03-16-2005, 12:04 PM
Parent: #5
انا بنت النيل
| Quote: تقول لي نوم لي نص النهار .. |
انت عارفة نوم النهار دا عن نسوان السعودية حاجة عادية.....وانت كدي شوفي ابو العيال وحرشيهو يمشي السعودية ويرسل لكم... والله تنومي جنس نوم في الدنيا دي
|
Post: #11
Title: Re: يــوم المــرأة...و...الوحـــم
Author: سجيمان
Date: 03-15-2005, 02:41 PM
Parent: #3
احمد شاع الدين
| Quote: تعرف ياسجيمان انت لذيذ جنس لذ . بضم اللام |
لذ؟؟؟...... اسمها لزازة..لزازة
|
Post: #4
Title: Re: يــوم المــرأة...و...الوحـــم
Author: ست البنات
Date: 03-14-2005, 01:52 PM
Parent: #1
سجيمان كسترد البورد ،
ازيك وكيف حالك ?
مالك شايل حال الحررم يا اخوى ?
نان ام الخير قالولك غشيمى ولا نييى ?
بتلململك النسوان فى بيتها ? فيحال تختب منهن مالها انصابت ?
انت لليلى دحين هى مو حردانى من خيتبتك لندى القصفة دى ?
ست البنات .
|
Post: #17
Title: Re: يــوم المــرأة...و...الوحـــم
Author: سجيمان
Date: 03-17-2005, 06:24 AM
Parent: #4
ست البنات
Quote: انت لليلى دحين هى مو حردانى من خيتبتك لندى القصفة دى ?
|
ام الخير اريت مرت حبيببك...... ماها قاعدة تحرد في النضمي العارفاهو مقدد
|
Post: #25
Title: Re: يــوم المــرأة...و...الوحـــم
Author: سجيمان
Date: 03-20-2005, 08:13 AM
Parent: #17
البكا..... بيحررو اسيادو
|
Post: #6
Title: Re: يــوم المــرأة...و...الوحـــم
Author: zola123
Date: 03-14-2005, 02:21 PM
Parent: #1
أها بركة المابقت عليهن نضافة وغسيل عدة
الله لينا احنا بس 
|
Post: #7
Title: Re: يــوم المــرأة...و...الوحـــم
Author: ابو جهينة
Date: 03-14-2005, 11:10 PM
Parent: #6
سي جي الرجل الحديقة
| Quote: الاتنين ربيع.. ربيع اول... وربيع تاني....... |
ربيع تامي و ربيع ناقص
تخريمة :
واحدة لما تتوحم زوجها بيسكن في الصالون ..
أها لما يتكلم الزوجة تكورك : وووووووب على .. منو البيدردق الصفيحة في الإسفلت دة .. مع مع إنو في الأيام العادية تقعد مصنقرة تسمع كلامو و تضحك و تتبسم و تقول ليهو : يا حليلك يا إنت .. كلامك زى العسل ..
للنساء في الوحم حكم و عجائب
|
Post: #8
Title: Re: يــوم المــرأة...و...الوحـــم
Author: soma
Date: 03-14-2005, 11:49 PM
Parent: #7
سجيمااااااااااان .....لوووووووووووووووووووووووووووووول
والله يا ام الخير دي اظنها........ تكون داير تلد لو كفيل
..
مباااااااااااالغه دى والله
انا بقت على زى البقت على اخوى بلدى يا حبوب ..
قطعت مصارينى بالضحك
ربنا يفرحك ديمه
***
تخريمه
ابو جهينه وينك يابا ..
قلت لى زوجة صاحبكم بتقول ..
منو البيدردق الصفيحة في الإسفلت دة ؟؟؟
دى كمان اخير منهاصاحبات ام الخير
لكم جميعا فرح المواسم
تسلموا
|
Post: #20
Title: Re: يــوم المــرأة...و...الوحـــم
Author: سجيمان
Date: 03-18-2005, 01:49 PM
Parent: #8
سوما
ويفرحك انتي.. يا الفرح الما يعقبو حزن
|
Post: #19
Title: Re: يــوم المــرأة...و...الوحـــم
Author: سجيمان
Date: 03-18-2005, 09:21 AM
Parent: #7
ابو جهينة
| Quote: أها لما يتكلم الزوجة تكورك : وووووووب على .. منو البيدردق الصفيحة في الإسفلت دة .. مع مع إنو في الأيام العادية تقعد مصنقرة تسمع كلامو و تضحك و تتبسم و تقول ليهو : يا حليلك يا إنت .. كلامك زى العسل .. |
ولما تلد تجيبو وليد يشبهو بالكربون
|
Post: #18
Title: Re: يــوم المــرأة...و...الوحـــم
Author: سجيمان
Date: 03-17-2005, 04:08 PM
Parent: #6
زولة123
Quote: أها بركة المابقت عليهن نضافة وغسيل عدة
الله لينا احنا بس |
غسيل العدة..والنضافة علي الراجل......
النضم دا عقبان نضم سر اوعك تمرقيهو.... وتدفنيهو في باكنو دا
|
Post: #9
Title: Re: يــوم المــرأة...و...الوحـــم
Author: abas
Date: 03-14-2005, 11:56 PM
Parent: #1
عووووووووووووووك ابعد مني ريحتك رجال رجال
واحدي وحمه يتقول لي راجله كده
واحدي بتتوحم علي البيتزا قلت لي راجله في بلدكم هناك الا تسولها قراصه
واحده زلميه راجله قال بتاكل كل يوم كيلو مخلل
|
Post: #21
Title: Re: يــوم المــرأة...و...الوحـــم
Author: سجيمان
Date: 03-19-2005, 01:08 AM
Parent: #9
عبس
| Quote: واحده زلميه راجله قال بتاكل كل يوم كيلو مخلل |
وبرضو تلقاها.... سمحة
|
Post: #12
Title: Re: يــوم المــرأة...و...الوحـــم
Author: صديق الموج
Date: 03-15-2005, 03:15 PM
Parent: #1
سجيمان المس(عرض)مش (طول)والله بالغت يا دفعة
واحدة قريبنتا جات تنفس بتها..وحريم السعودية يعجبنك يا والدة وقايدة
يا قايدة وحامل بجوها زايرات..قلت ليها كيف ياخالة قالت لى
بضحكة لازلت اجتر صداها..هى يا الصديق يا ولدى السعودية دى كلاما اخر!!!
البنيات شوفتن للنص هن فتوات!! ..البتجى كلها متندلة وقايدالا شافع
|
Post: #13
Title: Re: يــوم المــرأة...و...الوحـــم
Author: ابو جهينة
Date: 03-15-2005, 11:16 PM
صديق
| Quote: البنيات شوفتن للنص هن فتوات!! ..البتجى كلها متندلة وقايدالا شافع |
|
Post: #22
Title: Re: يــوم المــرأة...و...الوحـــم
Author: سجيمان
Date: 03-19-2005, 04:12 AM
الموج
| Quote: البنيات شوفتن للنص هن فتوات!! ..البتجى كلها متندلة وقايدالا شافع |
النص شنو؟؟؟؟؟ يا صديق
|
Post: #14
Title: Re: يــوم المــرأة...و...الوحـــم
Author: عامر الأمير
Date: 03-16-2005, 05:56 AM
Parent: #1
سجيمان
الوحم في السعودية والولادة كلها مشاكل .. مره ملصقين مع بعض ..ومرة ناقص ومرة جمبة واحدة
والله يستر
أبوجهينة
Quote: واحدة لما تتوحم زوجها بيسكن في الصالون ..
أها لما يتكلم الزوجة تكورك : وووووووب على .. منو البيدردق الصفيحة في الإسفلت دة |
حلوة يدردق الصفيحة دي
المرة في السعودية إن قعدت تكورك وتقول وووووب علي بتعاة السودان ديك ناس الشرطة وناس الدفاع المدني والهيئة كلهم تلاقيهم بي أسحلتهم وقافلين الطريق ويازوووول مشاكل كتيرة .. ياخي مرة واحدة قاعدة تدخن وبي مزاج والدخاخين دي طالعة في الشارع .. إلا تلاقي ناس الدفاع المدني مشغلين خراطيش الموية في الشبابيك بتاعة الشقة من برة والجمهور غفير بنقالة وهنود وباكستان ويازووول حكاية وربك يستر .
عامر الأمير
|
Post: #15
Title: Re: يــوم المــرأة...و...الوحـــم
Author: نادية عثمان
Date: 03-16-2005, 08:58 AM
Parent: #14
سى جى
انت ام الخير لمن جابت ليك فوفو ..اتوحمت على شنو ؟
انا اقايتو وحمى فى ايمان بتى كان بالايسكريم والشوكلاتة الجيرسى والموية الباااااااااااااردة !!
|
Post: #24
Title: Re: يــوم المــرأة...و...الوحـــم
Author: سجيمان
Date: 03-19-2005, 11:13 AM
Parent: #15
ندوية
Quote: انت ام الخير لمن جابت ليك فوفو ..اتوحمت على شنو ؟
|
اتوحمت على....توم و جيري......وكانت مركزة علي جيري
|
Post: #23
Title: Re: يــوم المــرأة...و...الوحـــم
Author: سجيمان
Date: 03-19-2005, 08:35 AM
Parent: #14
عامر الامير:
| Quote: .. إلا تلاقي ناس الدفاع المدني مشغلين خراطيش الموية في الشبابيك بتاعة الشقة من برة |
لكن حسي كشفو اللعبة...وعرفو الجكاية
|
Post: #26
Title: Re: يــوم المــرأة...و...الوحـــم
Author: صديق الموج
Date: 03-21-2005, 02:01 PM
Parent: #1
| Quote: النص شنو؟؟؟؟؟ يا صديق |
انت قايلواالنص حق الهناى داك والا حق البتاع البخلى الزول
يجى البيت متكل؟؟؟ ويقوم الزول بى صداع ويكوس
فى ام فتفت والشطة؟؟؟؟الله ينعل شيطانك!!!
انا قاصد الكشح(حلوة دى) الضمير..... الخصر.... الهاف
الحاجات البرئية دى..انت عايز بكرى يشطبنا ؟ تانى ما تتكلم
معاى ولا بداخل معاك؟؟سامع،،،،يا اخى تسلموا انت وهو شفت
البلبصة دى كيف!!!
|
Post: #27
Title: Re: يــوم المــرأة...و...الوحـــم
Author: Ali Alhalawi
Date: 03-22-2005, 07:07 AM
Parent: #26
سجيمان .. مشتاغوووون
خصمتك بالنبى تقول لى أم الخير مبروك عليك "يوم الوحم العالمى" .. أها بلدنا دى فيها واحد قال عايز يريّح مرتو من تعب الوحم و الولادة .. زروعوا ليهو الجنين فى بطنو .. أهو كرشو لازّة و عقاب ولادة .. ياربى بكون يتوحم على شنو؟!
|
Post: #31
Title: Re: يــوم المــرأة...و...الوحـــم
Author: سجيمان
Date: 03-22-2005, 06:30 PM
Parent: #27
الحلاوي:-
| Quote: خصمتك بالنبى تقول لى أم الخير مبروك عليك "يوم الوحم العالمى" .. أها بلدنا دى فيها واحد قال عايز يريّح مرتو من تعب الوحم و الولادة .. زروعوا ليهو الجنين فى بطنو .. أهو كرشو لازّة و عقاب ولادة .. ياربى بكون يتوحم على شنو؟ |
علي .. حمد الله علي السلامة... ساعلين منك والله..... وام الخير قالت لك الله يبارك في ايامك.....قبل كدي سمعت بي واحد كويتيت اطنو.... قالو حامل....وخلاااااص قاعد يجهز لي الولادة ..لكن ما بعرفو لي حسي اتحلا ولاّ لا......
|
Post: #36
Title: Re: يــوم المــرأة...و...الوحـــم
Author: Ali Alhalawi
Date: 03-23-2005, 00:50 AM
Parent: #31
كويتيك ياهو زولنا زاتــو
|
Post: #38
Title: Re: يــوم المــرأة...و...الوحـــم
Author: سجيمان
Date: 03-23-2005, 08:36 AM
Parent: #36
| Quote: كويتيك ياهو زولنا زاتــو |
اها؟.. الولادة متين؟
|
Post: #28
Title: Re: يــوم المــرأة...و...الوحـــم
Author: سجيمان
Date: 03-22-2005, 02:57 PM
Parent: #26
صديق الموج
انت لسه في الرياض؟....ولاّ....صديت اهلك؟
|
Post: #29
Title: Re: يــوم المــرأة...و...الوحـــم
Author: برهان تاج الدين
Date: 03-22-2005, 03:26 PM
Parent: #28
| Quote: اتوحمت على....توم و جيري......وكانت مركزة علي جيري |
D:
|
Post: #33
Title: Re: يــوم المــرأة...و...الوحـــم
Author: سجيمان
Date: 03-22-2005, 09:30 PM
Parent: #29
انت اسمك دا نقصتو ليه؟
كان مدوزن وكوييييييس
|
Post: #32
Title: Re: يــوم المــرأة...و...الوحـــم
Author: حبيب نورة
Date: 03-22-2005, 06:46 PM
Parent: #30
يا ود أمي انت الولية مرتك دي داية!!!!!!
|
Post: #34
Title: Re: يــوم المــرأة...و...الوحـــم
Author: Kostawi
Date: 03-22-2005, 09:45 PM
Parent: #32
Wrong posting
|
Post: #39
Title: Re: يــوم المــرأة...و...الوحـــم
Author: سجيمان
Date: 03-23-2005, 12:52 PM
Parent: #34
كوستاوي
طيب.............
|
Post: #37
Title: Re: يــوم المــرأة...و...الوحـــم
Author: سجيمان
Date: 03-23-2005, 05:57 AM
Parent: #32
حبيب نورة
| Quote: يا ود أمي انت الولية مرتك دي داية!!!!!! |
لا..... بس معتمه بشئون المرأة
|
Post: #35
Title: Re: يــوم المــرأة...و...الوحـــم
Author: سجيمان
Date: 03-23-2005, 00:24 AM
Parent: #30
اسماعيل التاج
Quote: والله أنا من يوم 14 مارس محتار، البوست بتاعك دا أضموا لمجموعة بوستات يوم المرأة ولاَّ أعمل معاهو شنو؟
|
ايوا يا اخي ضمو لبوستات يوم المراة..... مش برضو النسوان هنا اجتهدن عشان يحتفلن لكن ظروفن عاكست؟
|
|