Post: #1
Title: دا الـديسكــو ..الجنن الطلبــة....
Author: سجيمان
Date: 08-04-2005, 03:44 AM
Parent: #0
الشماشة اقيفو بي ادبا
دا الديسكو الجنن الطلبه
غنية قديمة.....والوقت داك انا كنت من الطلبة الجننهم الديسكو...والدخلت فيني من الديسكو لي حسي ما مرقت...كنت اردتي بنطلوني البمبي....وامشي اقرب حفلة واقيف في طرف الخيمة....واقعد اعاين في الجكس....... بلغة الرندوك الحديثة... واللقو بلغة الرندوك القديمة......وارجع البيت في غاية الاحباط....... لانو مافي واحدة ساكت عاينت لي.......واقنع نفسي انو ذوق البنات بقت سئ.. و..ردئ........واقيف قدام المرايا....... يمكن القى الشي الكعب فيني شنو؟؟؟؟.......المصيبة كنت لقاوي وجكاسي لا يشق لي غبار.......ولا تلين لي قناة.. اطلع من شاكوش قوي الشكيمة والعزيمة..والاصرار للاستمرار............اتظكر مرة واحد صاحبي جا من امريكا...وقعد يحكي لينا.... عن مغامراتو...وبعدين اتلفت عاين لي وقال لي تعرف الاستايل بتاعك دا في امريكا..... البنات يموتن فيهو..... صراحة اتنفحت واتربعت عديل في الكرسي......وانا احمد الله ان خلقني من استايل... راسو كبير كرعينو رقاق شن سمو؟ سمو العولاق.....الاستايل البيجنن بنات امريكا... و يكسرّن ويدشدشن حتة حتة........وان شاء الله امريكا بي ولايلتها ال51..ما تفضل فيها انتاية حايمة......وبنات السودان ان شاء الله الغبا اليغباهن........ الما بيعرفن.. السمح من الشين.......
...كانت بداية ظهور الشماشة في بداية التمانينات ونهاية السبعينات من القرن الماضي......ظهرو في محطات البنزين... يقيفو في الصف مع العربات عشان يشيلو بنزين يشموهو.......وبعد ما ينسطلو الزارعها الله في الحجر تقوم....... زادو بزيادة الازمات الاقتصادية والسياسية والحروب.......ال ربنا بلانا بيها....... بالمناسبة نحن شماشة الاغتراب.....نقيف في صف الجوازات عشان التاشيرة....وبعد داك الزارعا الله في الحجر تقوم...
.بقت تقوم أي اضطرابات..... الجماعة يلفو عمهم ويجو التلفزيون ويقول دا كلو من الشماشة اولاد الكلب المالين البلد دي...كأنو الشماشة زيهم وزي البعوض....او ناس جاين من كوكب تاني..... ما نتيجة للمارسات ساستنا وناسنا القدامنا الكبار..من الاستعمار ولي حسي...كلو داير يحكم ويربي جضومو وينضف هدومو ويضمن بكان نومو..وبلدًا ما بلدي انا مالي بي..........
.ولو مسكت اجعص شماشي وعامل فيها تفتيحة... وسعلتو.....قلت ليهو وزير الخارجية منو........؟؟؟....... هو طبعا ما حيسكت اقصد الشماشي....حتى لو ما عارفو.. ويكون دا مدخل ليهو عشان ينضم معاك....ح يتلفت ويقطع لو أي اسم من راسو ويرزعك بيهو........وممكن يقول لك عشة الفلاتية كيف يا خالي؟............ما تتخلع ما بكون قاصد انو وزير الخارجية عشة الفلاتية... بي يكون داير يشحدك حق العشا او تعشيهو .. ايهما اقرب........
الاحداث المؤسفة الاخيرة...... البعد موت د.قرنق......والله د. قرنق راجل كلس ..وراجل قدامي.....وراجل مو هين..وموتو يدخل علي العدو.....وقدر مافي سوداني وجعو موتو.... لكن نسوي شنو.... قدر الله..ووقع........
قامت الجوطة...... ودي كمان ماتو فيها ناس والله ما ساهلين.....
الوجعني.... انو بعض السياسين ..الواحد منهم جا التفلزيون قال دا من الشماشة....... لو قالها عديل ولاّ لفة ودوّر.....منكم انتو..انتو يا ساستنا... منكم بدون استثناء.......قاعدين تكضبو علينا..طواااااااالي تكضبو.......واجهو الحقايق بي شجاعة.,,عشان تعالجوها...ما تزاوقو منها.. المزاوغة ما بتجيب شي........ حتى لو من الشماشة... الشماشة ديل برضو انت مسعولين منهم........لكن ما منهم ..هم عشان ناس مساكين....كفاية عليهم النوم في الخيران والاكل من الكوش....وفضلات المطاعم... فضلاتكم..... كفاية عليهم لو مرض واحد فيهم وجاتو مراريا ساكت... يرقد في أي خور... مافي زول يسعل منو لا اخو ولا اخت ولا ام ولا ابو...... ولو جا زول ماشي بي عندو..ما بيقولو كيف اصبحت من الحمى؟....ولاّ ما طلقتك شوية....... كفاية عليهم الواحد ما عندو ام تسعل منو.....ولا ابو... يشوفو مشى وين ولا جا من وين؟.. كفاية عليهم الطفل فيهم ما بيضوق فرحة الاطفال زي باقي شُفع الناس... اكبر فرحة ليهو لما يلقى ليهو رغيفة كاملة مرمية في كوشة...وانتو فرحة اطفالكم بدلة فل سوت ولعبة جديدة سعرها يشبّع عشرة شماشة....كفاية عليهم الذلة والمهانة الهم فيها...... سابو ليكم البلد بكل ما فيها.....واكتفو بالشمش بس...... وانتو برضو لاحقنهم؟.....دارين تحملوهم اخطاءكم؟...... يا اخي اختشو عيب.........................
|
Post: #2
Title: Re: دا الـديسكــو ..الجنن الطلبــة....
Author: najma
Date: 08-04-2005, 04:49 AM
Parent: #1
| Quote: ما تزاوقو منها.. المزاوغة ما بتجيب شي........ حتى لو من الشماشة... الشماشة ديل برضو انت مسعولين منهم........ |
[| Quote: سابو ليكم البلد بكل ما فيها.....واكتفو بالشمش بس...... وانتو برضو لاحقنهم؟.....دارين تحملوهم اخطاءكم؟...... يا اخي اختشو عيب......................... |
تسلم يادكتور وكلكم راعى وكلكم مسؤل عن رعيته
|
Post: #7
Title: Re: دا الـديسكــو ..الجنن الطلبــة....
Author: سجيمان
Date: 08-04-2005, 09:51 AM
Parent: #2
نجمة
| Quote: تسلم يادكتور وكلكم راعى وكلكم مسؤل عن رعيته |
يا ريت نكون كدا.............
|
Post: #3
Title: Re: دا الـديسكــو ..الجنن الطلبــة....
Author: Abdulla Ageed
Date: 08-04-2005, 04:50 AM
Parent: #1
طيب نقول الشماشة ما عملوها
والساسة نكروها
نان السواها منو؟
|
Post: #14
Title: Re: دا الـديسكــو ..الجنن الطلبــة....
Author: سجيمان
Date: 08-05-2005, 05:18 AM
Parent: #3
ابو العقيد
سوتا ايادي اجنبية
|
Post: #4
Title: Re: دا الـديسكــو ..الجنن الطلبــة....
Author: عماد شمت
Date: 08-04-2005, 04:57 AM
Parent: #1
منو بقول البقله في الابريق ؟؟؟؟
تسلم يا دكتور يديك العافيه
|
Post: #5
Title: Re: دا الـديسكــو ..الجنن الطلبــة....
Author: سجيمان
Date: 08-04-2005, 06:50 AM
Parent: #4
فوق
من اجل
المتاجرين بارواح المساكين
|
Post: #17
Title: Re: دا الـديسكــو ..الجنن الطلبــة....
Author: سجيمان
Date: 08-05-2005, 12:08 PM
Parent: #4
عماد شمت
| Quote: منو بقول البقله في الابريق ؟؟؟؟ |
نقولا نحن يا عماد....... دا لو ما دخلونا معاها في الابريق
|
Post: #6
Title: Re: دا الـديسكــو ..الجنن الطلبــة....
Author: المكاشفي الخضر الطاهر
Date: 08-04-2005, 07:10 AM
Parent: #1
الدكتور عادل الصادق الفكي
السلام عليكم
اول حاجة نسلم عليك ونقول ليكم البركة فيكم فى وفاة الملك فهد
واقول
يعني يسوليهم شنو ؟
المفروض الشماشي دا يكون محترم ما يكون زول همجي
الشماشي دا المفروض ما يكسر ليهو دكان بتاع زول مسكين ولا يحرق ليهو صيدلية كبيرة بالطريقة دي
الشماشة ديل قدرن كدا لكن لانجد ليهم اي مبرر فى الجرائم البشة الارتكبوها دي ابدا
طيب هم فاكرين انو قرنق دا حا يمرقن من الخيران ... واهمين
لكن يا سجيمان انت ليش ما انحيت باللائمة على ناس اللمن ناس الامن ديل المفروض يفضو هيبة الدولة ةيقيفو فى وجه الناس ديل ويفتحو فيهم النار موش عشان يعفوا الله واحد
الدولة مسؤولة من الشماشة ديل
لكن صدقني غايتو الشماشة يل تاني مافيهم زول بقدر يكسر ليهو عربية ولا يحرق ليهو دكان ولو فى واحد داير يعمل جريمة الجبخانة تاكلو نصت نهار لان ثورة التوبيخ واللوم التى ضربت راس اجهزة الامن تامي لا يعرفو ليك شماشي ولا اي زول الناس ديل الليلة انا شفتهم فى الشوارع بس دايرين يشوفو ليهم زول داير يدنقر ا########## عشان يشيل ليهو حجر صدقني تاني مايرفع رقبتو فوق ابدا
لكن العساكر الكتار ديل ياربي اكانو وين داك اليوم ؟
هذا مع ودي واحترامي
|
Post: #8
Title: Re: دا الـديسكــو ..الجنن الطلبــة....
Author: Abureesh
Date: 08-04-2005, 10:12 AM
Parent: #6
شكـرا يا سجيمـان على وضـع المبضـع فى مكان المرض.
هـذه هى الحقيقـة ولو كانت مـرة.
هـذا ليس زمن التدليس وخداع النفس،
هـذا زمن "الدبـرة الفيهـا العى...... شقـاهـا وخلف الكى"
|
Post: #20
Title: Re: دا الـديسكــو ..الجنن الطلبــة....
Author: سجيمان
Date: 08-06-2005, 07:49 AM
Parent: #8
Abureesh
| Quote: هـذا ليس زمن التدليس وخداع النفس، |
نعم.....نعم............ ليس زمن التدليس وخداع النفس.... الضرر كبير حيكون
|
Post: #9
Title: Re: دا الـديسكــو ..الجنن الطلبــة....
Author: Mohamed Doudi
Date: 08-04-2005, 10:18 AM
Parent: #6
Adil,
That is so nice . We always blame the poor and the disadvantage for no reason other than why they choose to be poor????
salaam
|
Post: #25
Title: Re: دا الـديسكــو ..الجنن الطلبــة....
Author: سجيمان
Date: 08-07-2005, 11:12 AM
Parent: #9
محمد داؤدي
AdilQuote: ,
That is so nice . We always blame the poor and the disadvantage for no reason other than why they choose to be poor????
salaam |
نعم
الفقير دائما..هو الحيطة القصيرة..... وممكن الناس يضحو بيهو بكل سهولة.....
|
Post: #18
Title: Re: دا الـديسكــو ..الجنن الطلبــة....
Author: سجيمان
Date: 08-05-2005, 10:10 PM
Parent: #6
المكاشفي
| Quote: الشماشي دا المفروض ما يكسر ليهو دكان بتاع زول مسكين ولا يحرق ليهو صيدلية كبيرة بالطريقة دي |
المكاشفي يا اخوي..... يشهد الله الشماشة ما عنهم يد في الحصل دا.... لكن ناس السياسة لما ما يلقو زول يتهموهو وعشان ما يزعلو زول.... بي يقولو ديل الشماشة...... عشان ماسكين ما عندهم وجيّع
|
Post: #21
Title: Re: دا الـديسكــو ..الجنن الطلبــة....
Author: سجيمان
Date: 08-06-2005, 11:34 AM
Parent: #18
حليل الكان بيهدي الغير صبح محتار يكوس هداي
|
Post: #10
Title: Re: دا الـديسكــو ..الجنن الطلبــة....
Author: كمال حسن
Date: 08-04-2005, 10:38 AM
Parent: #1
العزيز في هذا الوقت المترع مرارة ومتلئ حد التشبع بالبكاء قررت ممارسة حقي الطبيعي في الهروب إلى بوستك مؤملا أن تمدني ببعض الإبتسامات وياليتني لم أفعل حقيقة لقد إقتلعت من عيني دمعات لم أستطع مقاومتها برغم إن وصفك لحال الشماسه لم يكن جديدا عليناإلا إنك بالتأكيد أعدتنا بعنف لواقع حسبنا أن غربتنا هذه قادرة على تناسيه
عفوا لأنني كنت أريد كتابة الكثير ويحجمني الذمن والكتابة من لوحة المفاتيح بالماوس
إلى لقاء قريب
|
Post: #11
Title: Re: دا الـديسكــو ..الجنن الطلبــة....
Author: طلال عفيفي
Date: 08-04-2005, 12:45 PM
Parent: #10
يا جماعه المكاشفي قال :
| Quote: المفروض الشماشي دا يكون محترم ما يكون زول همجي .. |
|
Post: #12
Title: Re: دا الـديسكــو ..الجنن الطلبــة....
Author: خضر حسين خليل
Date: 08-04-2005, 01:23 PM
Parent: #11
طلال
أستطعت أن تنتزع هذه الضحكة مني بالرغم من هذا الحزن الكثيف
بالمناسبة مادين الشماشة ياالمكاشفي ؟ سؤال فقهي
|
Post: #13
Title: Re: دا الـديسكــو ..الجنن الطلبــة....
Author: Marouf Sanad
Date: 08-04-2005, 03:09 PM
Parent: #12
| Quote: المفروض الشماشي دا يكون محترم ما يكون زول همجي |
الكرمبا
|
Post: #15
Title: Re: دا الـديسكــو ..الجنن الطلبــة....
Author: نادية عثمان
Date: 08-05-2005, 06:25 AM
Parent: #13
د. عادل العزيز
الفقد جلل ..والمصاب اليم
ربنا يصبرنا
وينجى البلد يارب
|
Post: #30
Title: Re: دا الـديسكــو ..الجنن الطلبــة....
Author: سجيمان
Date: 08-08-2005, 01:43 AM
Parent: #15
ندوية
آمين... يا رب العالمين
|
Post: #26
Title: Re: دا الـديسكــو ..الجنن الطلبــة....
Author: سجيمان
Date: 08-07-2005, 01:31 PM
Parent: #13
المكاشفي؟؟؟
|
Post: #23
Title: Re: دا الـديسكــو ..الجنن الطلبــة....
Author: سجيمان
Date: 08-07-2005, 06:02 AM
Parent: #11
*
|
Post: #22
Title: Re: دا الـديسكــو ..الجنن الطلبــة....
Author: سجيمان
Date: 08-06-2005, 09:42 PM
Parent: #10
كمال حسن
| Quote: أعدتنا بعنف لواقع حسبنا أن غربتنا هذه قادرة على تناسيه |
الغربة مخدر..... لكن ضعيف.... اقل حاجة تصحيك منو.......ونحن عندنا الكتير من الحاجات البي تصحي من البنج.......
لك مودتي
|
Post: #16
Title: Re: دا الـديسكــو ..الجنن الطلبــة....
Author: Dr.Mohammed Ali Elmusharaf
Date: 08-05-2005, 07:33 AM
Parent: #1
لك الشكر يادكتور عادل
والله الواحد قلبو اتقطع من الالم......
معك عاليا
Quote: يا اخي اختشو عيب.........................
|
مودتي
|
Post: #32
Title: Re: دا الـديسكــو ..الجنن الطلبــة....
Author: سجيمان
Date: 08-08-2005, 12:47 PM
Parent: #16
دكتور محمد علي المشرف
مشكور..... يا دكتور
|
Post: #19
Title: Re: دا الـديسكــو ..الجنن الطلبــة....
Author: الزنجي
Date: 08-05-2005, 11:19 PM
Parent: #1
اصبح الشماشة الحيطة القصيرة التى يدارى بها السياسيون اخطاؤهم ،
|
Post: #34
Title: Re: دا الـديسكــو ..الجنن الطلبــة....
Author: سجيمان
Date: 08-09-2005, 04:40 AM
Parent: #19
الزنجي
كيفنك
| Quote: اصبح الشماشة الحيطة القصيرة التى يدارى بها السياسيون اخطاؤهم ، |
للاسف ..نعم.....وبدون خجلة
|
Post: #24
Title: Re: دا الـديسكــو ..الجنن الطلبــة....
Author: Samer Osman
Date: 08-07-2005, 06:35 AM
Parent: #1
تسلم يا متميز
|
Post: #35
Title: Re: دا الـديسكــو ..الجنن الطلبــة....
Author: سجيمان
Date: 08-09-2005, 11:01 AM
Parent: #24
سامر عثمان
الله يسلمك من كل بلا
|
Post: #27
Title: Re: دا الـديسكــو ..الجنن الطلبــة....
Author: Munir
Date: 08-07-2005, 02:14 PM
Parent: #1
| Quote: حتى لو من الشماشة... الشماشة ديل برضو انت مسعولين منهم........لكن ما منهم ..هم عشان ناس مساكين....كفاية عليهم النوم في الخيران والاكل من الكوش....وفضلات المطاعم... فضلاتكم..... كفاية عليهم لو مرض واحد فيهم وجاتو مراريا ساكت... يرقد في أي خور... مافي زول يسعل منو لا اخو ولا اخت ولا ام ولا ابو...... ولو جا زول ماشي بي عندو..ما بيقولو كيف اصبحت من الحمى؟....ولاّ ما طلقتك شوية....... كفاية عليهم الواحد ما عندو ام تسعل منو.....ولا ابو... يشوفو مشى وين ولا جا من وين؟.. كفاية عليهم الطفل فيهم ما بيضوق فرحة الاطفال زي باقي شُفع الناس... اكبر فرحة ليهو لما يلقى ليهو رغيفة كاملة مرمية في كوشة...وانتو فرحة اطفالكم بدلة فل سوت ولعبة جديدة سعرها يشبّع عشرة شماشة....كفاية عليهم الذلة والمهانة الهم فيها...... سابو ليكم البلد بكل ما فيها.....واكتفو بالشمش بس...... وانتو برضو لاحقنهم؟.....دارين تحملوهم اخطاءكم؟...... يا اخي اختشو عيب......................... |
مافي ابلغ من دا يا سجيمان في تلخيص مآسي هؤلاء المساكين ـ تشكر علي هذه الصورة المعبرة . ورحم الله محجوب عبدالحفيظ.
|
Post: #36
Title: Re: دا الـديسكــو ..الجنن الطلبــة....
Author: سجيمان
Date: 08-09-2005, 02:34 PM
Parent: #27
منير
| Quote: ورحم الله محجوب عبدالحفيظ. |
رحمه الله رحمة واسعة
وغفر له
كان انسان
لم يوجد من يشغل مكانه
|
Post: #28
Title: Re: دا الـديسكــو ..الجنن الطلبــة....
Author: Nasser Mousa
Date: 08-07-2005, 02:38 PM
Parent: #1
الدكتور الضخم / عـــــــــــــــادل وليس سجيمان
والله كتابتك هذه مفخرة لنا جميع وهي كلمة حق في وجه من استكبروا واستعلوا علينا نحن الشعب السوداني الفضل (البطل )
|
Post: #37
Title: Re: دا الـديسكــو ..الجنن الطلبــة....
Author: سجيمان
Date: 08-09-2005, 09:07 PM
Parent: #28
ناصر موسى
شكرا لي كلماتك الطيبة في خقي
التي رفعت من روحي المعنوية...من اثار الجفاف والتصحر والفلس
| Quote: كلمة حق في وجه من استكبروا واستعلوا علينا نحن الشعب السوداني الفضل (البطل ) |
ما زلنا ..قدر الفضل... برضو بطل
|
Post: #29
Title: Re: دا الـديسكــو ..الجنن الطلبــة....
Author: هشام مدنى
Date: 08-07-2005, 04:11 PM
Parent: #1
| Quote: والوقت داك انا كنت من الطلبة الجننهم الديسكو |
يعنى كان عمرك كم سنة كده يادكتور سجيمان
يا مبدع انتا والله جننت الزوار..
والله رهيب..
ذكرتنى ايام زمان وعهد....
والله انت ابننا نفتخر بك..
مع صادق الود
|
Post: #38
Title: Re: دا الـديسكــو ..الجنن الطلبــة....
Author: سجيمان
Date: 08-10-2005, 08:37 AM
Parent: #29
هشام مدني
| Quote: يعنى كان عمرك كم سنة كده يادكتور سجيمان |
يعني كان ستة... او ستاشر
|
Post: #31
Title: Re: دا الـديسكــو ..الجنن الطلبــة....
Author: بلدى يا حبوب
Date: 08-08-2005, 07:41 AM
Parent: #1
سيجمان
الشماسة هم كبش الفدا متى اتت الفواجع بالرغم من الخطا الفادح الذى وقعن فيه حكومة الانقاذ بعدم تأمين الموقف بعد اذاعة خبر وفاة فرنق مباشرة
وهؤلاء الشماسة كانوا وقود انتفاضة 6 ابريل التى نهبت .
تحياتى
|
Post: #33
Title: Re: دا الـديسكــو ..الجنن الطلبــة....
Author: waleedi399
Date: 08-08-2005, 01:02 PM
Parent: #1
سجيمان ..
| Quote: الوجعني.... انو بعض السياسين ..الواحد منهم جا التفلزيون قال دا من الشماشة....... |
والله يا دكتور الشماشة ديل شماعتهم
اتملت ودفقت .. من سنة شخطه اي مصيبة
مدروعة في الشماشي .. الشماشي دا لا الدنيا رحمتو
والناس داير ترحموا .. ما كفاية الجوع والعطش والبهدلة والمزلة
الشايفها .. ناس بتنعم بالحياة الرغدة السهلة في متناول اليد
اقسم بالله زمان لما اجي بسوق امدرمان واشوفهم نايمين في البرد القارس داك
منظر يفت الصخر .. ويذوب غشاوة القلوب الصدأة .. وفي الصيف كمان عز الهجير
ولم يناله يوم من حب الحياة جانب .. كل ما يحلم به رشفة ماء وحفنة من خبز
وقليل من (السلسيون) حتى يداري به المه .. المستمر .. ولا حياة لذوي القلوب القاسية الجامدة
الان بدأ الفيلم الهندي يمكنك الذهاب ولا تكتسر إلى حديثي يا شمس ..
لله درك يا شمـاشـــي ..
|
|