الفنان الخالــدي.... ينطحــو تـور قرنـو مــاكن

Post: #1
Title: الفنان الخالــدي.... ينطحــو تـور قرنـو مــاكن
Author: سجيمان
Date: 05-28-2005, 11:23 PM

اللهم انا لا نسألك رد القضاء ولكن نسألك اللطف فيه.....
الفضائيات السودانيات....تلفزيون السودان والمستنسخة منو النيل اللزرق.....
امبارح شفت حلقة عن عثمان الشفيع.... فيها الخالدي...والمذيعة ظريفة والله النصيحة لي الله..وعندها ضحكة تودي في ستين داهية..وعندها نونات لو ما كنت راجل ضكر و واثق من نفسك بب تقع من طولك وتلحق افئ.......الخالدي كان بي يغني لعثمان الشفيع.... لكن ربنا بيسعلو من حقو...والله بشتن غنا عثمان الشفيع بشتنة ما يعلم بها علا الله......وبعدين الخالدي دا من الله خلقني وشفتو شفتو زهجان وهامي... شايل هم طواااالي وخايف.... الزول دا مالو؟.... مديون؟؟؟؟؟... والله بعد مرات احن عليهو..... البارح لما غنو في الضواحي وطرف المداين وقالو تور قرنو ماااااكن..عاينت لي الخالدي دا كان خايف خوف انالمن شكيّت وقلت التور دا يكون لابِد ورا الكميرا وحسي يجي ناطي فوق الخالدي...وقربت اضرب لهم تلفون واشحدهم يخلو الغنية دي قبال الزول دا ما يموت عليهم من الخوف...قلت الغنية دي كعبة فيها تيران و نطح..كدي نشوفو لما يغني الزهور والوردي...غنا الزهور والوردي والحال في حالو برضو خايف وقلبو مقطوع..... وصلت لي قناعة انو الخالدي مسوي لو عوجة كبيييييرة..الله يفرج كُربتو.....مسيكين.... قاعد يظكرتي طالب كان معانا في الابتدائي لما يكون عندنا تسميع في حصة الدين يجي من الصباح خايف ومهموم وحتى الفطور دا يمسخ عليهو....الغريبة انا كنت اقعد جنبو اهم برضو بالرغم من اني اكون حافظ.....اما الزهج دا اصلو ناس النيل اللزرق من كبارهم زهجانين.....وقرفانين....والله بس سعد الله يجي ويقعد يضحك من يصنقر قدام الكميرا لمن يرجع بيتهم.....وان شاء الله في بيتهم يسكت وما يخلي الضحك...لكن والله الضحك بي ختاااارو..... اخير من الزهج ومد القدوم.....وحات الرسول مرة شفت مذيع في النيل اللزرق لابس سماعة مكرفون في اضانو اليمين وانا كنت بعيد من التفلزيون.....والله كنت قايلها قُُرادة....علا نعلت ابليس تلاتة مرات واقنعت نفسي انو دي سماعة.....وانا تاني وتالت بقول لهم ان بقى دا حالكم اوعكم تشفروها......
اللهم عوضنا خيرا.. في تفلزيوناتنا....اللهم ابني لنا تلاتة محطات تفلزيون في الجنة يا رب العالمين....و ازرع في قلوبنا الرحمن ما نتبوبر ونتفلهم ونقول دايرين نشفرها.....
اللهم قصر اضنين مذيعينا الضكور.. ولاّّ اقول ليك ما دايرين اضنين زاتو..نسوي بيهم شنو؟ شيلين كلو كلو.......و اللهم طول شعر مذيعاتنا الاناتي لا مكوى لا كركار وخلي الواحدة لما تجي الاستديو تكون خامة ولامة شعرها في شوال ورابطاهو في ضهرا.....
اللهم يا منطّق الحجر ويا حلال العقد حل عقدة لسان فنانينا عامة.. وعلي اللحو خاصة وخليهو ينطق كلمة بغداد صاح....اللهم حنن قلبو علي" الباء" وما يكسرها...............
اللهم صبّرنا علي ما ابتليتنا به في برنامج وجه النهار......وعلى الزول البيقدمو دااااك ونلقاهو في وشينا ساعة الغدا ويمسخ علينا الاكل .... اللهم افتح شهيتنا....وانزل السكينة علي قلوبنا......

Post: #2
Title: Re: الفنان الخالــدي.... ينطحــو تـور قرنـو مــاكن
Author: زول ساكت
Date: 05-28-2005, 11:44 PM
Parent: #1

آميييييييييييييييييييييييييين

Post: #6
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-29-2005, 03:08 AM
Parent: #2

زول ساكت
Quote: آميييييييييييييييييييييييييين

امين......

Post: #21
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-31-2005, 02:52 AM
Parent: #2

الخالدي في حالة خوف وهلع من التور

المذيعة في حالة ترقب للخالدي.... انو يقوم صوف في اي لحظة

* الصور كما اوردتها وكالات الانباء

Post: #50
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-06-2005, 01:25 PM
Parent: #2

*

Post: #3
Title: Re: الفنان الخالــدي.... ينطحــو تـور قرنـو مــاكن
Author: abas
Date: 05-28-2005, 11:47 PM
Parent: #1

عاينت لي الخالدي دا كان خايف خوف انالمن شكيّت وقلت التور دا يكون لابِد ورا الكميرا وحسي يجي ناطي فوق الخالدي...وقربت اضرب لهم تلفون واشحدهم يخلو الغنية دي قبال الزول دا ما يموت

هوي يا سجيمان

نحنا الخوالده والخير حليفنا

نحنا الدهن والناس ربيتنا

الخالدي خواف

Post: #14
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-30-2005, 04:35 AM
Parent: #3

عبس
Quote: الخالدي خواف

انت خالدي؟.....انت حشاك الخوف.... علا فنانكم دا الخوف داير يقطع قلبو

Post: #15
Title: Re: الفنان الخالــدي.... ينطحــو تـور قرنـو مــاكن
Author: abas
Date: 05-30-2005, 05:40 AM
Parent: #14

انت خالدي؟

سجومي الحبيب ايوه انا خالدي وعركي كمان

وكمان عبد المنعم ده خالي ومناسب الرباطاب كمان

Post: #27
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-31-2005, 12:55 PM
Parent: #15

عبس
Quote: وكمان عبد المنعم ده خالي ومناسب الرباطاب كمان

وقت جا يختب البت الرباطابية دي...كان زهجان برضو؟

Post: #4
Title: Re: الفنان الخالــدي.... ينطحــو تـور قرنـو مــاكن
Author: ودقاسم
Date: 05-29-2005, 00:05 AM
Parent: #1

سجيمان
مش كان تمشي الفضائية السودانية وتتابع طه وقرنق ، ومداخلات مختلفة من المعارضين ،،
بس قاعد تفتش في الغنا والنونات والبنيات السمحات ،،، إنت ما بتشبع ؟؟

Post: #5
Title: Re: الفنان الخالــدي.... ينطحــو تـور قرنـو مــاكن
Author: nazar hussien
Date: 05-29-2005, 00:12 AM
Parent: #4

والله عاد يا سجيمان الخالدي غنااااااااي علا الجنا المعاهو دا لخبت
عليه الغنا...كل ما ينط في كوبلي تلاقيه ناطي قبالو...كدي انت امش
اسمعو بغني مع زيدان اغاني الشفيع....

Post: #20
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-31-2005, 02:36 AM
Parent: #5

نزار حسين
Quote: علا الجنا المعاهو دا لخبت
عليه الغنا...

بالعكس يا نزار..الجنا المعاهو كام شايل الغنا كلو

Post: #16
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-30-2005, 10:58 AM
Parent: #4

ود قاسم
Quote: مش كان تمشي الفضائية السودانية وتتابع طه وقرنق

اسوي بيهم شنو؟؟؟؟

عندهم نونات؟

Post: #7
Title: Re: الفنان الخالــدي.... ينطحــو تـور قرنـو مــاكن
Author: إسماعيل التاج
Date: 05-29-2005, 03:27 AM
Parent: #1

Quote: اللهم عوضنا خيرا.. في تفلزيوناتنا....اللهم ابني لنا تلاتة محطات تفلزيون في الجنة يا رب العالمين....و ازرع في قلوبنا الرحمن ما نتبوبر ونتفلهم ونقول دايرين نشفرها.....
اللهم قصر اضنين مذيعينا الضكور.. ولاّّ اقول ليك ما دايرين اضنين زاتو..نسوي بيهم شنو؟ شيلين كلو كلو.......و اللهم طول شعر مذيعاتنا الاناتي لا مكوى لا كركار وخلي الواحدة لما تجي الاستديو تكون خامة ولامة شعرها في شوال ورابطاهو في ضهرا.....
اللهم يا منطّق الحجر ويا حلال العقد حل عقدة لسان فنانينا عامة.. وعلي اللحو خاصة وخليهو ينطق كلمة بغداد صاح....اللهم حنن قلبو علي" الباء" وما يكسرها...............
اللهم صبّرنا علي ما ابتليتنا به في برنامج وجه النهار......وعلى الزول البيقدمو دااااك ونلقاهو في وشينا ساعة الغدا ويمسخ علينا الاكل .... اللهم افتح شهيتنا....وانزل السكينة علي قلوبنا......

الـوجـيـز فـي وصف الـتـلـفـزيون والـفـنـان
لـلعـلاَّمـة الـجـهـبـيـز سـجـيـمـان

Post: #22
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-31-2005, 04:59 AM
Parent: #7

اسماعيل التاج
Quote: لـلعـلاَّمـة الـجـهـبـيـز سـجـيـمـان

هيييييع......

Post: #8
Title: Re: الفنان الخالــدي.... ينطحــو تـور قرنـو مــاكن
Author: صديق الموج
Date: 05-29-2005, 04:17 AM
Parent: #1

والله يا سجيمان ذكرتنى الشحادين الزمان فى المحطة الوسطى

Post: #9
Title: Re: الفنان الخالــدي.... ينطحــو تـور قرنـو مــاكن
Author: خضر عطا المنان
Date: 05-29-2005, 06:19 AM
Parent: #8

Quote: اللهم صبّرنا علي ما ابتليتنا به في برنامج وجه النهار
......وعلى الزول البيقدمو دااااك ونلقاهو في وشينا
ساعة الغدا ويمسخ علينا الاكل .... اللهم افتح شهيتنا
....وانزل السكينة علي قلوبنا

الحق لى رب العالمين يا قشيران

أنت تستاهل والله اكتر من كدا..

البوديك تشوف المرض دا شنو عليك الله ؟؟

هو انت ناقص ؟؟؟؟؟؟؟؟؟؟؟؟؟؟.

خضرعطا المنان

Post: #25
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-31-2005, 09:55 AM
Parent: #9

خضر عطا المنان
Quote: هو انت ناقص ؟؟؟؟؟؟؟؟؟؟؟؟؟؟.

عشان انا ما ناقص..... وما بخسر حاجة

Post: #24
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-31-2005, 07:44 AM
Parent: #8

صديق الموج
Quote: والله يا سجيمان ذكرتنى الشحادين الزمان فى المحطة الوسطى

يا زول انا قاعد اشحد في الله...... قاعد اشحد لي في زول

Post: #10
Title: Re: الفنان الخالــدي.... ينطحــو تـور قرنـو مــاكن
Author: ALGARADABI
Date: 05-29-2005, 07:01 AM
Parent: #1

[QUOTE]......وبعدين الخالدي دا من الله خلقني وشفتو شفتو زهجان وهامي... شايل هم طواااالي وخايف.... الزول دا مالو؟.... مديون؟؟؟؟؟

الأخ الخالدى حسب ما سمعت من أحد أصدقائه انو أحد ابنائه يعانى مشكلة
صحيه منذ فترة طويلة ...ودا السبب فى مسحة الحزن الملازمة للخالدى
نسأل الله له الشفاء..لو كانت المعلومة صحيحة
بس برضو الخالدى فنان ممتاز صاحب لونية خاصه فى الغناء..لذلك يصعب على البعض تقبل
طريقته فى الغناء...

Post: #11
Title: Re: الفنان الخالــدي.... ينطحــو تـور قرنـو مــاكن
Author: Siham Elmugammar
Date: 05-29-2005, 07:29 AM
Parent: #10

Quote: وحات الرسول مرة شفت مذيع في النيل اللزرق لابس سماعة مكرفون في اضانو اليمين وانا كنت بعيد من التفلزيون

اول ضحكه فى صباح من اولو بدا بتلفون كج... الله يديك العافيه
لكن تعال نسعلك هسه كان الله استجاب لدعاك ده و الجماعه صبحو بلا اضنين اها لما ربنا يفتح عليهم بضحكه حدها يبقى وين... ترا اضنينهم كانت شويه ساتراهم

Post: #18
Title: Re: الفنان الخالــدي.... ينطحــو تـور قرنـو مــاكن
Author: عماد شمت
Date: 05-30-2005, 02:27 PM
Parent: #11

ياسجيمان والله انت ومعاك جني نوارة الحوش ده بتفكو لينا قرفه
وزهجه وهم غربه...وكمان القرقره عافيه .. عل الخالدي غناي بس يمكن كان سهران...
وقطعوا ليهو نومتو ..
يديكم العافيه

Post: #31
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-01-2005, 11:45 AM
Parent: #18

عماد شمت
Quote: عل الخالدي غناي بس يمكن كان سهران...
وقطعوا ليهو نومتو ..

الخالدي اليوم داك تب ماغنا كويس... النصيحة

لكن قطعو لو نومتو يمكن

Post: #29
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-01-2005, 06:03 AM
Parent: #11

سهام المجمر
Quote: اها لما ربنا يفتح عليهم بضحكه حدها يبقى وين.

يبقى حدها الفقهة.....

Post: #26
Title: Re: الفنان الخالــدي.... ينطحــو تـور قرنـو مــاكن
Author: jini
Date: 05-31-2005, 10:18 AM
Parent: #10

Quote: .....وبعدين الخالدي دا من الله خلقني وشفتو شفتو زهجان وهامي... شايل هم طواااالي وخايف.... الزول دا مالو؟.... مديون؟؟؟؟؟

موش سودانى!!

أنا مديون اذن انا سوداني
وعلى كيفك اقراها من اليسار لليمين او العكس
جني

Post: #33
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-01-2005, 10:38 PM
Parent: #26

جني
Quote: أنا مديون اذن انا سوداني

يا جني دا شعار حقو يعلقوهو في مدخل مطار الخرطوم

Post: #28
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 05-31-2005, 07:24 PM
Parent: #10

القردابي

عليك الله صلح البوست بتاعك دا

Post: #12
Title: Re: الفنان الخالــدي.... ينطحــو تـور قرنـو مــاكن
Author: Osman M Salih
Date: 05-29-2005, 10:28 AM
Parent: #1

الأخ سجيمان
تحيّة
مرّيت و قـريت و مشيت
للأسف الشديد مافهمت الحاصل
ممكن تلخـّص ليّ فكرة البوست
في جملة مفهومة عشان ما
أكتـفي بالعبور الصامت

Post: #13
Title: Re: الفنان الخالــدي.... ينطحــو تـور قرنـو مــاكن
Author: عمر محمد عبد القادر
Date: 05-29-2005, 02:25 PM
Parent: #12

سجيمان .. اعرف الخالدي من السبعينات عرفته عن طريق الاخ عوض ( بكش ) في الحلة الجديدة ومن الوقت داك وحتى حلقة الامس كما هو... لكن الزول دا بينبسط بعد الساعة 10 ليلا وحتى طلوع الفجر ... ربنا يديم البسط عليهو وعلينا .. امين ..

ود الباوقة

Post: #17
Title: Re: الفنان الخالــدي.... ينطحــو تـور قرنـو مــاكن
Author: jini
Date: 05-30-2005, 12:44 PM
Parent: #13

Quote: اللهم صبّرنا علي ما ابتليتنا به في برنامج وجه النهار......وعلى الزول البيقدمو دااااك

يا حليلك يا النايم على حيلك!
زمان كان العندو ولد بليد في العربي والتاريخ والجغرافيا بوديهوا المنطقة الصناعية هسة بقى يوديهو التلفزيون!
جني

Post: #19
Title: Re: الفنان الخالــدي.... ينطحــو تـور قرنـو مــاكن
Author: jini
Date: 05-30-2005, 03:53 PM
Parent: #17

Quote: سجيمان
مش كان تمشي الفضائية السودانية وتتابع طه وقرنق ، ومداخلات مختلفة من المعارضين ،،

يقوليك نونات المذيعة داير توديهو لي قافات ود البلال الطيب!
سجيمان يدعى وانت تدعى على!!
جني

Post: #37
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-03-2005, 03:46 AM
Parent: #17

جني
Quote: يا حليلك يا النايم على حيلك!

تعرف الحيوان ياتو؟ البي ينوم علي حيلو يا جني؟

Post: #53
Title: Re: الفنان الخالــدي.... ينطحــو تـور قرنـو مــاكن
Author: هشام مدنى
Date: 10-26-2005, 06:17 PM
Parent: #17

Quote: يا حليلك يا النايم على حيلك!
زمان كان العندو ولد بليد في العربي والتاريخ والجغرافيا بوديهوا المنطقة الصناعية هسة بقى يوديهو التلفزيون!

والله ياجنى مداخلتك دى براها بوست
الله يديك العافية
تحياتى

Post: #36
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-02-2005, 12:53 PM
Parent: #13

عمر محمد عبد القادر
Quote: لكن الزول دا بينبسط بعد الساعة 10 ليلا وحتى طلوع الفجر ...

يعني بي عزرو؟؟؟

Post: #35
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-02-2005, 10:34 AM
Parent: #12

عثمان محمد صالح
Quote: للأسف الشديد مافهمت الحاصل

عثمان... لسه ما فهمت؟

Post: #23
Title: Re: الفنان الخالــدي.... ينطحــو تـور قرنـو مــاكن
Author: Osman M Salih
Date: 05-31-2005, 05:12 AM
Parent: #1

تحية
قـررت تمديد اقـامتي هـنا

عثمان

Post: #38
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-03-2005, 07:14 AM
Parent: #23

عثمان محمد صالح
Quote: قـررت تمديد اقـامتي هـنا

حبابك الف

Post: #30
Title: Re: الفنان الخالــدي.... ينطحــو تـور قرنـو مــاكن
Author: almulaomar
Date: 06-01-2005, 07:04 AM
Parent: #1

إنت يا كافي البلا يا دكتور ما عندك شغله غير التلفزيون ، ما بتمشي الـ swimming pool ما بتعمل شوبنق قاعد عمرك كلو مصاقر التلفزيون من وجه النهار لغاية حظر التجول ، أنت بتحضر در اسات عليا في التلفزيون ولا شغال صلاح تلفزيونات ولا شنو الحاصل وأظن والله أعلم إنو تلفزيونات البلد الإنت فيها ديك ما بتخسر أصلاً ولو خسرت برموها ويشترو جديد ، وتراهو داك سيف الدين ود أمونه قال لي بعد ما جا من العمره مكشوش إنو يا كوش البلد ديك مليانه كترة مصايب تلفزيونات وتلجات وغسالات عفش ما عندو حد تلقى الكوشه من كترة الخيرات الفيها داشره لي نص الشارع والعمال كان ما بشيلوها كل صباح كانت ملت البلد والله بس جراب الحاوي أى مصيبة تفكر فيها تلقاها في الكوشة ، أها شوف كوش الناس المرطبين وشوف كوشة حلتنا تقول ساتر بتاع جيش كلها تراب والتراب زاتو محروق يعني زي بوافي بركان فيزوف الشهير ، والخالدي صدقت بصح زهجان وضيف ليهو عوض الكريم عبد الله داك أبو الزهج زاتو أنا ما عارف كان ما كان مشلخ كان غنى لينا كيف ، والله وحات قطاعتك تقطعني حته حته يا دكتور سجيمان عوض الكريم لمن يغني بزكرني ناس قريتنا لمن يسوقو البكسي والبريسنات الواحد تلقاهو قاعد جمباوي تقول متجه للقبلة نظام حرفنه والود مقدده وهو ما يقدد ورقه.
لكين أظن شويشة الخالدي دي راجعه للكاميرا والله يا سجيمان ناس التلفزيون عندهم فلاش تفول مكنة عم سيد أحمد - الله يرحمه – حقت اللحام تعميك في نص النهار وتقول الكهربه بتاعتهم ما بتقاس بالفولت وطبعاً الأستوديو حر وضيق والديكور بجيب العصبي والضيف أو الفنان لازم يتهندم ويلبس بدله وفوق ده كلو يرشوهو ليك بي حر الفلاش ، وتلفزيونا أخير شويه من قناة النيل الأزرق ديك عاملين فيها قناة ديجتل يقوموا يمكيجوك ويكتروا ليك البودره وما يخلو مصيبه في الميك أب إلا ويمسحوك بيها أها المسيح الكتير ده مع الحر والفلاشات والله يخليك تغلي عديل ودرجة حرارة جضومك تكوي بنطلون جينز ماركة ليفايس الشهير.

Post: #39
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-03-2005, 10:52 AM
Parent: #30

الملا عمر
Quote: وأظن والله أعلم إنو تلفزيونات البلد الإنت فيها ديك ما بتخسر أصلاً ولو خسرت برموها ويشترو جديد ، وتراهو داك سيف الدين ود أمونه قال لي بعد ما جا من العمره مكشوش إنو يا كوش البلد ديك مليانه كترة مصايب تلفزيونات وتلجات وغسالات عفش ما عندو حد تلقى الكوشه من كترة الخيرات الفيها داشره لي نص الشارع والعمال كان ما بشيلوها كل صباح كانت ملت البلد والله بس جراب الحاوي أى مصيبة تفكر فيها تلقاها في الكوشة

والله سيف الدين ود امونة كضاب جنس كضب......دا كان زمان يا الملا اخوي...حسي ناس البلد زاتهم قاعدين يكوسو في الكوش

Post: #32
Title: Re: الفنان الخالــدي.... ينطحــو تـور قرنـو مــاكن
Author: ALGARADABI
Date: 06-01-2005, 02:35 PM
Parent: #1

Quote: القردابي

عليك الله صلح البوست بتاعك دا

الأخ سجيمان
تحياتى
الخالدى فنان كبير ليهو معجبيه...و مسحة الحزن التى تراها لها أسباب
خاصة به...ليست للنشر...
الرجاء اعادة الاسنماع بى حياديه
ودمتم
--------------------
غريبة الدنيا
كم عاشق صبح طربان تبكيهو
وكم قلبامنور شوق تطفيهو
و كم وعدا يقرب يبقى تلغيهو

Post: #41
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-03-2005, 09:01 PM
Parent: #32

الاخ القردابي
Quote: الخالدى فنان كبير ليهو معجبيه...و مسحة الحزن التى تراها لها أسباب
خاصة به...ليست للنشر...
الرجاء اعادة الاسنماع بى حياديه

انا نضمت عن حلقة كان فيها اداء الخالدي سئ....وما زلت مصر على سوء اداءه فيها....لو كان كل اداء الفنان الخالدي بنفس االصورة دي....ما اظني اكون احد معجبيه........

Post: #34
Title: Re: الفنان الخالــدي.... ينطحــو تـور قرنـو مــاكن
Author: Osman M Salih
Date: 06-02-2005, 06:25 AM
Parent: #1

متى ينضج عقلك ?!

Post: #40
Title: Re: الفنان الخالــدي.... ينطحــو تـور قرنـو مــاكن
Author: jini
Date: 06-03-2005, 11:16 AM
Parent: #34

Quote: والله سيف الدين ود امونة كضاب جنس كضب......دا كان زمان يا الملا اخوي...حسي ناس البلد زاتهم قاعدين يكوسو في الكوش

انت ناوى تسقف على كدة ولا شنو!
جني

Post: #44
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-04-2005, 09:35 AM
Parent: #40

جني
Quote: انت ناوى تسقف على كدة ولا شنو!

هو انا بنيت؟.... عشان اسقف

Post: #42
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-04-2005, 00:34 AM
Parent: #34

عثمان محمد صالح
Quote: متى ينضج عقلك ?!

افو يا عصمان.......ما كنا حلوين مع بعض

Post: #43
Title: Re: الفنان الخالــدي.... ينطحــو تـور قرنـو مــاكن
Author: jini
Date: 06-04-2005, 04:24 AM
Parent: #42

Quote:
والله سيف الدين ود امونة كضاب جنس كضب......دا كان زمان يا الملا اخوي...حسي ناس البلد زاتهم قاعدين يكوسو في الكوش

انت داير تقلع نعال أم الخير من البلد دى!!
حلفوا ناس قالوا حليفتا
يبقى لى بي خروج نهائى
جني

Post: #45
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-04-2005, 11:47 AM
Parent: #43

جني
Quote: يبقى لى بي خروج نهائ

حسي الحليفة بقت

يبقى لي بي ضرة من التقانة

Post: #46
Title: Re: الفنان الخالــدي.... ينطحــو تـور قرنـو مــاكن
Author: حنين للبلد
Date: 06-04-2005, 03:04 PM
Parent: #1

الأخ سجيمان ساعود اليك في هذا الرد لكن ... دعني اولا ا سال الاخ عثمان محمد صالح عن مغزى كلمة" متى ينضج عقلك" ووالله اخ محمد انا بسأل بكل براءة لأن في كل بوست تحمل مغزى مختلف وكمان انا ما متابعة دائما في المنبر لكن هذا الرد يشدني ارجو الرد بجدية ومن تعني .
متي ينضج عقلك

اما انت يا سجيمان قاصدني عديل قدر ما اكتب ليك عن اعجابي بي كتابتك وبي ردودك وبي سخريتك ما بتعتبرني ولا بتشتغل بي الشغلة يعني تقلتك دي في ندى القلعة ما عندك ولا يعني عشان انحنا ما عندنا نونات ما برتد علينا .
لكن على العموم في اسلوب كتابتك بلاغة وتميز وتجدني مشدودة جدا لها واسالك لم لم تفكر في كتابة روايات قصصي او سياسية صدقني والله سيكون لك شأن كبير في هذا المجال. عموما انا جادة في كلامي واسمح لي ان اسجل اعجاب في بوستاتك ولست وحدي المتابعة لها تجدني امر مرور الكرام على المنبر لكني ابحث فقط عن سجيمان.
حنين للبلد

Post: #47
Title: Re: الفنان الخالــدي.... ينطحــو تـور قرنـو مــاكن
Author: jini
Date: 06-04-2005, 03:28 PM
Parent: #46

Quote: وعندها نونات لو ما كنت راجل ضكر و واثق من نفسك بب تقع من طولك وتلحق افئ.......

والعجب الطرومة!
جني

Post: #49
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-05-2005, 09:09 AM
Parent: #47

جني

Quote: والعجب الطرومة!

حرام عليك!......

Post: #48
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-04-2005, 08:55 PM
Parent: #46

حنين للبلد
Quote: اما انت يا سجيمان قاصدني عديل قدر ما اكتب ليك عن اعجابي بي كتابتك وبي ردودك وبي سخريتك ما بتعتبرني ولا بتشتغل بي الشغلة يعني تقلتك دي في ندى القلعة ما عندك ولا يعني عشان انحنا ما عندنا نونات ما برتد علينا .
لكن على العموم في اسلوب كتابتك بلاغة وتميز وتجدني مشدودة جدا لها واسالك لم لم تفكر في كتابة روايات قصصي او سياسية صدقني والله سيكون لك شأن كبير في هذا المجال. عموما انا جادة في كلامي واسمح لي ان اسجل اعجاب في بوستاتك ولست وحدي المتابعة لها تجدني امر مرور الكرام على المنبر لكني ابحث فقط عن سجيمان.

والله انا اسف.. لو ما رديت اكون ما قاصد اكون هفيت...الغريبة انا قاعد اريد الشُكُر..الزول البي يشكرني اصلي ما قاعد افوتو.....لكن فوتك كيفن ما عارف؟....اما ندى القلعة الظاهر قنعت مني وقالت دا حبًا ختينا لو القدرو....اما عن الكتابة خارج النت زي ما فهمت منك...... انا بصدد اصدار سلسلة من كتب تحتوي علي كتابات متنوعة..... والكتاب الاول في اللمسات شبه النهائية وحيطلع قريب اذا ربنا قهر الموانع.....سعيد جدا انك تكوني متابعة كتاباتي.....

Post: #51
Title: Re: الفنان الخالــدي.... ينطحــو تـور قرنـو مــاكن
Author: الفاتح وديدي
Date: 06-06-2005, 03:51 PM
Parent: #1

الغالي سجيمان
حسة الليلة أنا إقتنعت إنك فكي .. ولة من من أهل الله .. قول لي كييييييييييف؟
والله صدفة كنتا في مستشفى سعد أبو العلا في شارع واحد وستين العمارات وزرت لي واحد صاحبي هناك .. فجأة حدثوني إنو الخالدي الما بيغباني قالو راقد في العنبر التاني .. قلت ليهم خير ..إنشاء الله ما ناطحو تور؟ فقالو لي لا والله بس عملو ليهو عملية بواسير ..
زرت الأستاذ في غرفته ووجدته في معنويات عالية .. عدت بسرعة لقراءة هذا البوست وتوقفت كثيراً عند سؤالك:
Quote: شايل هم طواااالي وخايف.... الزول دا مالو؟

المهم إذا عرف السبب بطل العجب والآن فقط عرفت تفسير الهم الكان شايلو .. والحمد لله الذي عافى مبدعنا الكبير ..
خالص الدعوات لعبد المنعم الخالدي بأن يتم المولى نعمته عليه بالشفاء العاجل ليبارح السرير الأبيض ويشنف آذان معجبيه من جديد.. وتاني مرة سلاح دعواتك دة ما تجربو في الناس يمين وشمال .. بي طريقتك دي بتكتل ليك زول يوم .. والله يستر هسة على إضنين ناس التلفزيون ديل

Post: #52
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 06-06-2005, 11:38 PM
Parent: #51

الفاتح وديدي
Quote: ولة من من أهل الله ..

انا والله عقاب اولياء...علا الدنيا هانتنا

ادعو من كل قلبي للمبدع الخالدي بعاجل الشفاء

اما عن الاضنين فان اشنا كائن حي يحمل اشنا اضنين علي الارض..يعني ما يخافو

Post: #54
Title: Re: الفنان الخالــدي.... ينطحــو تـور قرنـو مــاكن
Author: ترهاقا
Date: 10-26-2005, 07:12 PM
Parent: #52

Quote: المذيعة في حالة ترقب للخالدي.... انو يقوم صوف في اي لحظة

ونحن فى حالة ترقب تضامنا معها

Post: #55
Title: Re: الفنان الخالــدي.... ينطحــو تـور قرنـو مــاكن
Author: nashaat elemam
Date: 10-27-2005, 02:43 AM
Parent: #1

الجميل سجيمان..
ياخي تعليقك على الصورتين ضحكتني لدرجة الاستغفار.. ياخي الراجل زي ما قال ليك وديدي كان ملدوغ من حته تانيه.. لا حول ولا قوة إلا بالله
غايتو ربنا يفرج كربتو.. لكن دحين يا سجيمان اخوي ناس التلفزيون مش مفروض يعملوا كشف طبي قبل الاستضافة..؟ ولا رايك شنو؟

Post: #56
Title: Re: الفنان الخالــدي.... ينطحــو تـور قرنـو مــاكن
Author: سجيمان
Date: 10-27-2005, 10:24 AM
Parent: #55

نشأت الامام
Quote: لكن دحين يا سجيمان اخوي ناس التلفزيون مش مفروض يعملوا كشف طبي قبل الاستضافة..؟ ولا رايك شنو؟

اثني... وبشدة

ويكون في جبنة وام فتفت قبل الاستضافة

Post: #57
Title: Re: الفنان الخالــدي.... ينطحــو تـور قرنـو مــاكن
Author: nashaat elemam
Date: 10-27-2005, 10:59 AM
Parent: #56

هاهاها..
وحبة زيتون كمان.. ولو الامكانيات متاحة يجيبو جبنة مضفرة..