Post: #1
Title: الله يجننك يا دي المـرا... كان دايـره تجنيني
Author: سجيمان
Date: 09-02-2005, 01:04 PM
Parent: #0
بعد انتصاري... بفضل بعض الاخوة الكرام... انتصاري في معركة ام الضرائب.....من السفارة بالرياض....وانا فرحان وكل مرة افتح الشنطة واعاين لي للبظبورطي.. الللييلي....... واشوف التجديد... مبسوطاً منفوخاً.....وبقيت اخوم في شوارع الرياض .... في قمة التغا والفلهمة.....وليالي الرياض ذات الشية والطماطم......وبعض من شطة... وغياب الجرجير... للجرجير.... في نفسي مكانة خاصة.....لا تعادلها ال ابكانة البستي كولا ايامي الاتعلمت شرابها في الخرتوم وانا قروي قادم من حجار وارض الرباطاب الغبشا.....ووصية جدي اللمين.. اني ما امشي الخرتوم وابقى صعلوج واتعلم شراب البستي كولا....واكل الفول والعيش..... الله يرحمك يا جدي اللمين..... ما شفت البستي كولا خسي بقى يسوا ليها مزيرة عديل..... تدخل قروشك وتجيك ناطة من الطاقة علبة البستي كولا سااااااااقطة......اول يوم اشوف المزيرة دي....خسران فيها عشرة ريالات.. الريال يحك الريال...... نهاري كلو قاعد جنبها....ادخل الريال....وتجيني العلبة ناطة.... اشيلا واقعد اضحك....وانا مستعجب في شدة الحيكومة دي... المافي شي في الدنيا غلبتا.....الغريبة ان دخلت ورقها سااااكت وداير تغشها... المزيرة تعرفها وترجعها ليك.....قادر الله......
رحت مطار الرياض الكبير....وانا راجع لي وليداتي....قعدت في كرسي قصاد السلم القاعد يمشي براهو داك....يطلعك الدور التاني وانت واقف بس.... اتظكرت مُشرع المركب في بلدنا..... وكيفن امونة بت الخدر قدر ما تجي نازلة بيهو تتدردق....وديمة لاحقنها وهي غاتسة في بطن الموية في حجرة البحر....ويرفعوها....وشحدت الله ربنا يسهلنا ويبقى عندا مُشرع زي السلم البيمشي دا.....في الكرسي البي يمين قاعدة مرا... هندية اظنها......وباين عليها اول مرة تجي.... لابسه ساري اخدر.... مرا ضعيفة كملانة من لحم الدنيا.... وتبكي.....اتعاطفت معاها وحننتني..وانا براي احنن و داير زول يتعاطف معاي...وفي سري قلت دي تكون خدامة..جاية تشيل وتلعّب وليدات الناس ومخليه وكارما وليداتها هناك.. لي حبوبتهم وابوهم.....الدنيا بعد مرات قاعدة تأدب البني ادم بلا سبب.....فجعة اشوف المرا قامت ومشت علي السلم ودايرة تركب وتطلع فوق..... لقيتها كل مرة تمد كراعها.....وتاني ترجعها....اكتر من عشرة مرات تعاين للعتبة سمح وتمد كراعا والعتبة تجري منها وهي ترجع كراعها ونقعد تعاين للعتبة حقت السلم ..وهي ماشة فوق......فكرت اساعد الانتاية المسيكينة دي...وامشي وامسكها من ايدها وانط بها في بطن السلم واطلعها للدور التاني....لكن لقيت ممكن المرا دي تتملص وتقع مني وتكسر كراعها وابقى انا في نصيبة..... التخارجني منها ما تتعرف.....تاني قلت انا امشي والزها في السلم.. لكن برضو ممكن تقع....اتظكرت حمارة عبد الغني ودسعد....ويوم كانو دايرين يدخلوها المركب....في البحر.... الحمارة تدخل كراعها اليمين.....ووقت يجي عبد الغني يدخل الكراع الشمال الحمارة تمرق اليمين راجعة....على في النهاية ساعدوهو جماعة ....ولزو الحمارة من صلبها..حتين ركبت المركب....انا فكرت استعمل التقنية دي مع المرا الهندية الواقفة....متمحنة جنب السلم البي يمشي دا......قلت اا امسكها من مساكات الضهر والزها...عاين للضهر وكست للبكان الدفرو منو حمارة عبد الغني لقيت ما عندها.....هنا حنني راجلها...وكيفن عايش مع مرا ما عندها مساكات ضهر.....؟..واتمنيت من جوا قلبي يا ريت لو بقت المرا دي صوماليه....ومساكات ما خمج يبقن عندها... قلت يمكن المرا دي ضهرها كدي اتوماتيك... زي ابواب المطار دا..... ما عندها مساكات لكن قاعدة تقفل وتفتح اتوماتيك.....قدر ما يجي زول يقيف وراها في ضهرها تفتح.. وان رجع شوية تقفل...... يمكن.. الدنيا مو معروفة.....
انا قاعد متمحن كيفن اساعد مرت الجن دي؟......وهي واقفة متمحنة جنب السلم .....شحدت الله الكهربا تقطع .. عشان المسيكينة دي تركب السلم دا وترتاح وتريحني معاها.....جاتني فكرة انو امشي ليها...واقيف جنبها واقولها اتشعبطي فيني.. وامسكي في رقبتي كويس وقوي.....واتوكل علي الله وانط بها في بطن السلم وهي متشعبطة في رقبتي....لكن خفت .... نقوم نقع انا وهي في السلم....ونتصاط في بعضنا ويتلمو الناس ويفتكروني انا داير اتلوم في المرا دي....ويدقوني ساكت... ويودوني المحكمة.... وانا زول محصّن.... وقطع شك يكون الرجم راجيني..... بالرغم من ان لا في مرواد في مكحلة ولاحاجة...... وهو داك وقت مراويد.....و االمرا الشافتها عيني ديك.. الما عندها مساكات ضهر....باقي لي هي زاتها ما عندها مكحلة.......
سمعت موعد رحلتي في المكرفون....ومشيت علي الطيارة.. وخليت المرا المسيكينة دي واقفة قبل السلم البي يمشي داك......ولمن وصلت اهلي وانا افكر فيها......واشحد في الله انو يسهلها وتركب السلم..........
|
Post: #2
Title: Re: الله يجننك يا دي المـرا... كان دايـره تجنيني
Author: sharnobi
Date: 09-02-2005, 01:16 PM
Parent: #1
سيجمان
بالغتا فوكه
|
Post: #6
Title: Re: الله يجننك يا دي المـرا... كان دايـره تجنيني
Author: سجيمان
Date: 09-03-2005, 02:32 AM
Parent: #2
شرنوبي
ازيك
بالغ... السِلم
|
Post: #3
Title: Re: الله يجننك يا دي المـرا... كان دايـره تجنيني
Author: عمر محمد عبد القادر
Date: 09-02-2005, 01:35 PM
Parent: #1
| Quote: سمعت موعد رحلتي في المكرفون....ومشيت علي الطيارة.. وخليت المرا المسيكينة دي واقفة قبل السلم البي يمشي داك |
سجيمان والله ما ليك حق .. كان تتصل على الاخ احمد حنين وهو خبير معروف في التوصيل بالسلالم .. المرة الجاية ... اوكي ...
ود الباوقة
|
Post: #14
Title: Re: الله يجننك يا دي المـرا... كان دايـره تجنيني
Author: سجيمان
Date: 09-03-2005, 08:38 AM
Parent: #3
عمر محمد عبد القادر
| Quote: كان تتصل على الاخ احمد حنين وهو خبير معروف في التوصيل بالسلالم |
ما كلمتني من بدري مالك؟؟؟؟؟؟؟
|
Post: #4
Title: Re: الله يجننك يا دي المـرا... كان دايـره تجنيني
Author: هشام مدنى
Date: 09-02-2005, 01:36 PM
Parent: #1
يا مبدع يافنان المسافة كم من نواكشوط لمقديشو....
لقيتك المرة دى مسافر....
مع تحياتى لك يا دكتور يامبدع
ممكن خطوط عريضة عن الرحلة القادمة...
|
Post: #5
Title: Re: الله يجننك يا دي المـرا... كان دايـره تجنيني
Author: WADKASSALA
Date: 09-02-2005, 02:01 PM
Parent: #4
ياأخوى سجيمان إنت ناسى ناس فلان وعلان تقوم ماتكتب الناقد/ سجيمان وأديتم الفرصه عشان ينتقدوك علا بلحيل أنا عارفك راجلن مو ساهل من جدودك ناس اللمين ودى المحريه فيك ياأخو البنات تب ماقصرت عملت الواجب وحمدلله على مخارجتك من ناس الضرائب ورجوعك للبلد بس أعمل حسابك من ناس الضرائب ناويين يخلصو حقهم فى الخرتوم..........
|
Post: #7
Title: Re: الله يجننك يا دي المـرا... كان دايـره تجنيني
Author: وليد شريف
Date: 09-03-2005, 03:04 AM
Parent: #5
يا سجيمان انا فهمي تقيل لو سمحت اشرح لي يعني شنو مساكات .
وليد شريف
|
Post: #20
Title: Re: الله يجننك يا دي المـرا... كان دايـره تجنيني
Author: سجيمان
Date: 09-04-2005, 07:31 AM
Parent: #7
وليد شريف
| Quote: يا سجيمان انا فهمي تقيل لو سمحت اشرح لي يعني شنو مساكات . |
وليد شريف اصلو فهمك مو تقيل.....علا انت مطموووووص... ودي طمسة منك ساكت
المساكات موقعهن من الضهر....كموقع الاضنين من الحَلة
|
Post: #19
Title: Re: الله يجننك يا دي المـرا... كان دايـره تجنيني
Author: سجيمان
Date: 09-04-2005, 06:33 AM
Parent: #5
ود كسلا
| Quote: بس أعمل حسابك من ناس الضرائب ناويين يخلصو حقهم فى الخرتوم.......... |
يا زول اطمن..تب
ورا مامن
|
Post: #33
Title: Re: الله يجننك يا دي المـرا... كان دايـره تجنيني
Author: سجيمان
Date: 09-07-2005, 08:06 AM
Parent: #19
تصامنا مع المساكات
|
Post: #16
Title: Re: الله يجننك يا دي المـرا... كان دايـره تجنيني
Author: سجيمان
Date: 09-03-2005, 12:46 PM
Parent: #4
هشام مدتي
الزول السمح
| Quote: ممكن خطوط عريضة عن الرحلة القادمة... |
الرحلة القادمة مفاجعة
|
Post: #8
Title: Re: الله يجننك يا دي المـرا... كان دايـره تجنيني
Author: حمزاوي
Date: 09-03-2005, 04:04 AM
Parent: #1
يا وليد شريف اخوي
مساكات يعني
دفـــار
يا سجيمان ود عم بله
ترى انا فهمي تقيل بلحيل
داير الكلام واضح ونضمي زين
يعني شنو
دفـــار
|
Post: #49
Title: Re: الله يجننك يا دي المـرا... كان دايـره تجنيني
Author: سجيمان
Date: 09-12-2005, 01:32 PM
Parent: #18
معليش يا حمزاوي
خجيجة كفرات راحت فيها................
|
Post: #9
Title: Re: الله يجننك يا دي المـرا... كان دايـره تجنيني
Author: حمزاوي
Date: 09-03-2005, 04:17 AM
Parent: #1
دكتور عادل ( سيجمان )
طلب خاص شوية
عندنا موقع خاص بقريتنا
www.2-karma.com
ممكن تكتب مواضيعك الشيقة دي هناك عندنا في موقعنا
او تسمح لي انسخ واكتب مع ذكر اسمك ككاتب للموضوع
وجزاك الله خيراً
اخوك / حمزاوي
|
Post: #11
Title: Re: الله يجننك يا دي المـرا... كان دايـره تجنيني
Author: ابو جهينة
Date: 09-03-2005, 05:02 AM
Parent: #9
عزيزي سي جي
| Quote: ......قلت اا امسكها من مساكات الضهر والزها...عاين للضهر وكست للبكان الدفرو منو حمارة عبد الغني لقيت ما عندها.....هنا حنني راجلها...وكيفن عايش مع مرا ما عندها مساكات ضهر.....؟.. |
الهنود بيشتغلوا نظام جديد بدون مساكات .. نظام ( لاسلكي ) ..
| Quote: واتمنيت من جوا قلبي يا ريت لو بقت المرا دي صوماليه....ومساكات ما خمج يبقن عندها... |
حاسد ولا بغران ؟
| Quote: قلت يمكن المرا دي ضهرها كدي اتوماتيك... زي ابواب المطار دا..... ما عندها مساكات لكن قاعدة تقفل وتفتح اتوماتيك.....قدر ما يجي زول يقيف وراها في ضهرها تفتح.. وان رجع شوية تقفل...... يمكن.. الدنيا مو معروفة..... |
|
Post: #23
Title: Re: الله يجننك يا دي المـرا... كان دايـره تجنيني
Author: سجيمان
Date: 09-04-2005, 04:35 PM
Parent: #11
ابو جهينة
الحبيب
| Quote: الهنود بيشتغلوا نظام جديد بدون مساكات .. نظام ( لاسلكي ) .. |
بالريموت كنترول يعني؟
|
Post: #46
Title: Re: الله يجننك يا دي المـرا... كان دايـره تجنيني
Author: سجيمان
Date: 09-10-2005, 10:56 AM
حمزاوي
الموقع ما عاوز يفتح.............
|
Post: #22
Title: Re: الله يجننك يا دي المـرا... كان دايـره تجنيني
Author: سجيمان
Date: 09-04-2005, 11:55 AM
Parent: #9
حمزاوي
Quote: ممكن تكتب مواضيعك الشيقة دي هناك عندنا في موقعنا
او تسمح لي انسخ واكتب مع ذكر اسمك ككاتب للموضوع
وجزاك الله خيراً |
جدا يا حمزاوي...... انا كلي ملك لكم
|
Post: #10
Title: Re: الله يجننك يا دي المـرا... كان دايـره تجنيني
Author: Abdulla Ageed
Date: 09-03-2005, 04:55 AM
Parent: #1
سجيمان
حمدا لله بسلامة العودة
وان شاء الله لقيت الوليدات طيبين
امس قابلنا أعضاء السفارة في الصالحية
وأخبرونا أنك (زغت من الضرايب) وأصدروا
أمرا بعودتك فورا إلى الرياض.. وإلا..
بعدين ياخي بالمناسبة.. انت من يوم الشيّة ديك
وتنبح بالجرجير.. الجرجير..
الجرجير دي سرّو شنو؟
خبارك يعني ما فقدت إلا الجرجير؟!!
|
Post: #28
Title: Re: الله يجننك يا دي المـرا... كان دايـره تجنيني
Author: سجيمان
Date: 09-05-2005, 05:04 AM
Parent: #10
عبد الله عقيد
| Quote: خبارك يعني ما فقدت إلا الجرجير؟!! |
الجرجير اهم حاجة في الدنيا......والفياجرا...مشتقة من جرجير باللاتيني
|
Post: #12
Title: Re: الله يجننك يا دي المـرا... كان دايـره تجنيني
Author: ودقاسم
Date: 09-03-2005, 05:10 AM
Parent: #1
| Quote: باقي لي هي زاتها ما عندها مكحلة....... |
ولما لم يصل الثعلب إلى عنقود العنب ، وقف وقال :
grapes are sour
|
Post: #29
Title: Re: الله يجننك يا دي المـرا... كان دايـره تجنيني
Author: سجيمان
Date: 09-05-2005, 01:28 PM
Parent: #12
ود قاسم
Quote: ولما لم يصل الثعلب إلى عنقود العنب ، وقف وقال :
grapes are sour |
يا زول عنب شنو؟؟....... دي مافيها اي حاجة.. يخربا.. صقيعة ساااااااكت
|
Post: #30
Title: Re: الله يجننك يا دي المـرا... كان دايـره تجنيني
Author: سجيمان
Date: 09-05-2005, 03:14 PM
Parent: #29
*
|
Post: #13
Title: Re: الله يجننك يا دي المـرا... كان دايـره تجنيني
Author: الطيب حسن جميل
Date: 09-03-2005, 05:40 AM
Parent: #1
د. عادل
يسلمك الله
وحمدا لله علي سلامتك
مرت الجن دي دايره تركب سلم كهربائي ولا حاجة تانية......
وبعدين سيدي انت تركيزك كان وين في تكنلوجيا السلالم المتحركة ولا في مساكات الضهر المتحركة ....حلوه صومالية دي......والاحلى( مراودك الحمر يمه)....
اتمنى ان لا تلاقي في سفراتك التانية نصبا......
الموضوع كمية من الروعة وفيهو مجموعة عطور ....وزخم من الثقافية البريئة .....
عموما سافر محطات الوداع ضجت.....
لك الله عادل
|
Post: #15
Title: Re: الله يجننك يا دي المـرا... كان دايـره تجنيني
Author: Yassir Tayfour
Date: 09-03-2005, 10:38 AM
Parent: #13
المبدع سجيمان
دى أول مرة اتداخل معك كتابيا بالرغم من مداخلاتى اللا معدودة شفاهية لمعظم ما كتبه قلمك الساخر،الساحر وانا لست عضوا بسودانيزاونلاين.كم.
عندك سنس أٍوف هيومر ما عادى...انت قاعد ترسم بسمة فى وشى البيلعن فى قفاهو...
ودمت ايها المبدع
|
Post: #17
Title: Re: الله يجننك يا دي المـرا... كان دايـره تجنيني
Author: المسافر
Date: 09-03-2005, 10:39 PM
Parent: #15
(( في الكرسي البي يمين قاعدة مرا... هندية اظنها ))
يا سجيمان .. يا سجيمان
دي مو هندية الله يهديك
دي من قبائل العرجاء أم مراح
|
Post: #34
Title: Re: الله يجننك يا دي المـرا... كان دايـره تجنيني
Author: سجيمان
Date: 09-07-2005, 03:50 PM
Parent: #17
المسافر
| Quote: دي من قبائل العرجاء أم مراح |
والله دي خايفها تبقى قبائلي انا
|
Post: #32
Title: Re: الله يجننك يا دي المـرا... كان دايـره تجنيني
Author: سجيمان
Date: 09-06-2005, 02:05 PM
Parent: #15
ياسر طيفور
Quote: دى أول مرة اتداخل معك كتابيا بالرغم من مداخلاتى اللا معدودة شفاهية لمعظم ما كتبه قلمك الساخر،الساحر وانا لست عضوا بسودانيزاونلاين.كم.
عندك سنس أٍوف هيومر ما عادى...انت قاعد ترسم بسمة فى وشى البيلعن فى قفاهو...
ودمت ايها المبدع |
اهلا بيك يا ياسر
وبارك الله فيك في النضم الطيب القلتو فيني......ودا زادي
|
Post: #31
Title: Re: الله يجننك يا دي المـرا... كان دايـره تجنيني
Author: سجيمان
Date: 09-06-2005, 08:33 AM
Parent: #13
الطيب حسن جميل
الزول الجميل
Quote: الموضوع كمية من الروعة وفيهو مجموعة عطور ....وزخم من الثقافية البريئة .....
عموما سافر محطات الوداع ضجت.....
|
تسلم...وتسلم.....وكنت سعيد بلقاءك
|
Post: #21
Title: Re: الله يجننك يا دي المـرا... كان دايـره تجنيني
Author: waleedi399
Date: 09-04-2005, 09:54 AM
Parent: #1
سـي جـي
ودخل سجيمان الرياض دخول الفاتح المنتصر،،،
مبروك الانتصارات المتتالية في معارك ام الضرائب اولا..
والتهئنة موصولة للاهل بالسودان وإلى جميع الاحباب
مع عاطر التحايا
سجيمان لم احظى بمشاهدة المسرحية (ام مساكات)
كلو منك حرمتني من المتابعة (قبل أن يرفع الستار)
بس الزعلني منك كيف تمشي تخلي المرا المسكينة دي مشلهدة كدا
كان تتصرف تخارجها انشاء الله تطلب الاسعاف ولا المطافي
تلقاها واقفه لي يوم الليلة .. تقول دايره تعبر خط برليف
تعرف المشكلة ما في المرأة دي المشكلة في ناس كدا تانيين
شوف عيني ما بتطلعوا السلم الكهربائي لو كان اخر وسيلة وصول
حتى الاسانسير دا ( يعافروا فيه ويقروا فيه الاخلاص والتشهد والمعوذتين)
ودعاء السفر وركوب الدابة وفي العرض الجاي بقدم ليك واحد من الضحايا دي
وفي النهاية داير اقول ليك الجاتك في ريالاتك بسبب البتسي كولا سامحتك
قلت لي عشرة ريال يا سـي جي عاد ما بالغت عديييييييييييل كدا
|
Post: #24
Title: Re: الله يجننك يا دي المـرا... كان دايـره تجنيني
Author: نادية عثمان
Date: 09-04-2005, 08:26 PM
Parent: #21
والله العظيم ياسجيمان وماطالبنى حليفة اول امبارح دى كنت فى المترو حق الانفاق وانا طالعة السلم الكهربائى اتزكرتك وبقيت اعاين للسلم واقدم كراع وااخر كراع وقلت فى سرى الله يجازى محنك ياسجومى !!
|
Post: #37
Title: Re: الله يجننك يا دي المـرا... كان دايـره تجنيني
Author: سجيمان
Date: 09-08-2005, 11:10 AM
Parent: #24
ندوية العسللي
| Quote: والله العظيم ياسجيمان وماطالبنى حليفة اول امبارح دى كنت فى المترو حق الانفاق وانا طالعة السلم الكهربائى اتزكرتك وبقيت اعاين للسلم واقدم كراع وااخر كراع وقلت فى سرى الله يجازى محنك ياسجومى !! |
آآآآخ..... يا ريت لو كنت هناك..... كنت ركبتك السلم بدون تردد..واسويها شغلة كل يوم استناك تجي ......
|
Post: #35
Title: Re: الله يجننك يا دي المـرا... كان دايـره تجنيني
Author: سجيمان
Date: 09-08-2005, 02:37 AM
Parent: #21
وليد399..... الراجل الضكر......
الانتصارات دي كلها بفضل دعمكم اللوجستي..... والاستخباراتي.... ودعم محمد الحسن ومحمد محمود....وكل الشعوب المكجنة للضريبة... المحبة للملح......
اما عدم حضوركم مسرحية " المساكات ....والسلم"..... معليش السلم في والمساكات في .... وان ربنا ادى عمر.... حتشوف كتير...
انا عن البستي كولا... من ديك وعيك....والكجنة الياها
|
Post: #25
Title: Re: الله يجننك يا دي المـرا... كان دايـره تجنيني
Author: saadeldin abdelrahman
Date: 09-04-2005, 08:52 PM
Parent: #1
|
Post: #39
Title: Re: الله يجننك يا دي المـرا... كان دايـره تجنيني
Author: سجيمان
Date: 09-08-2005, 03:49 PM
Parent: #25
اهلا
سعد الدين عبد الرحمن
|
Post: #40
Title: Re: الله يجننك يا دي المـرا... كان دايـره تجنيني
Author: سجيمان
Date: 09-09-2005, 04:51 AM
Parent: #25
فاصل اعلاني
التحية لستونة مجروس............. سفيرة الفن والثقافة
|
Post: #26
Title: Re: الله يجننك يا دي المـرا... كان دايـره تجنيني
Author: فارس موسى
Date: 09-04-2005, 11:18 PM
Parent: #1
بمناسبة الكحل والمرواد
اين الفتى النبيل..مراويييييييييييد
عرعر تفتقدكم!!
|
Post: #41
Title: Re: الله يجننك يا دي المـرا... كان دايـره تجنيني
Author: سجيمان
Date: 09-09-2005, 09:00 AM
Parent: #26
| Quote: اين الفتى النبيل..مراويييييييييييد |
دخل الغابة............
|
Post: #27
Title: Re: الله يجننك يا دي المـرا... كان دايـره تجنيني
Author: محارب
Date: 09-05-2005, 02:38 AM
Parent: #1
سجيمان
والله بالغت عديييييييييييل
انا من قريت البوست بتاعك ده بقيت اذا لاقتني مرة اعاين ليها في (ضهره)
افتش ل (مساكات )
|
Post: #42
Title: Re: الله يجننك يا دي المـرا... كان دايـره تجنيني
Author: سجيمان
Date: 09-09-2005, 01:29 PM
Parent: #27
محارب
Quote: انا من قريت البوست بتاعك ده بقيت اذا لاقتني مرة اعاين ليها في (ضهره)
افتش ل (مساكات ) |
اوعك من الهنديات... يخربن
|
Post: #36
Title: Re: الله يجننك يا دي المـرا... كان دايـره تجنيني
Author: Samer Osman
Date: 09-08-2005, 04:44 AM
Parent: #1
اللذيذ سجيمان
عرفنا مساكات النساوين .. أها الكلام ده بيشمل الرياييل !
ظني أن الراجل ... بمسكوا من
لسانو
|
Post: #38
Title: Re: الله يجننك يا دي المـرا... كان دايـره تجنيني
Author: نادية عثمان
Date: 09-08-2005, 01:14 PM
Parent: #36
| Quote: أها الكلام ده بيشمل الرياييل ! |
الكلمة دى معناها شنو ؟!!
جمع ريال .. ولا مريلة .. ولا شنوووووووووو؟!!
|
Post: #44
Title: Re: الله يجننك يا دي المـرا... كان دايـره تجنيني
Author: Samer Osman
Date: 09-10-2005, 00:31 AM
Parent: #38
الرياييل في السعودية جمع ريال بالشدة وتعني الرجل لكترة سيلان ريالتهم وهم نائمين في الدوائر الحكومية
مرة واحدة سودانية نازلة من الباخرة العسكري قال ليها "وخري يا حرمة للرياييل" وهي جعلية حرة قالت ليهو الرياييل خليناهم بي هناك للبحر
مودتي بلا استثناء
سامر
|
Post: #45
Title: Re: الله يجننك يا دي المـرا... كان دايـره تجنيني
Author: سجيمان
Date: 09-10-2005, 08:11 AM
Parent: #38
ندوية
| Quote: جمع ريال .. ولا مريلة .. ولا شنوووووووووو؟!! |
دي حمع اريل
|
Post: #48
Title: Re: الله يجننك يا دي المـرا... كان دايـره تجنيني
Author: سجيمان
Date: 09-10-2005, 11:44 PM
Parent: #38
*
|
Post: #43
Title: Re: الله يجننك يا دي المـرا... كان دايـره تجنيني
Author: سجيمان
Date: 09-09-2005, 07:20 PM
Parent: #36
Samer Osman
Quote: ظني أن الراجل ... بمسكوا من
لسانو |
بس ياهو ظاطووووووووووووووووووو.............
|
Post: #47
Title: Re: الله يجننك يا دي المـرا... كان دايـره تجنيني
Author: سجيمان
Date: 09-10-2005, 03:28 PM
Parent: #43
اها.. النرجع لي مرتنا الدايره تجننا دي.....ما دام الانقلاب فشل
|
Post: #50
Title: Re: الله يجننك يا دي المـرا... كان دايـره تجنيني
Author: ود شندي
Date: 09-13-2005, 01:56 AM
Parent: #47
والله فعلاً سجيمان
يا C-G-Man
| Quote: سمعت موعد رحلتي في المكرفون....ومشيت علي الطيارة.. وخليت المرا المسيكينة |
انت زول مقطوع اربعات اظنك
كان ليك حلين
1/تفتش خطاف حق عتالين البشيلو بيهو العيش داك
2/كوريك حق فرن (حفظاً علي المسافه القانونيه بين الانتايه والضكر)
انت اظنك لا دكتور ولا حاجه
ارقد عافيه
ودير بالك من السلالم
|
Post: #51
Title: Re: الله يجننك يا دي المـرا... كان دايـره تجنيني
Author: فرح
Date: 09-13-2005, 02:04 AM
Parent: #50
سى جى شنو قصه البنات الفى المطارات دى
كدى اسمع قصتى دى
وشوفالمستغرب منو انا ولا انت
وجدت فى بريدى رساله من مدام انجليزيه قابلتها صدفه فى مطار الدوحه وانا متوجها الى اسلام اباد وهى متوجهه الى ابوظبى جمعتنا ثلاثه ساعات قضيناها فى بهو المطار الجميل كل فى انتظار طائرته وليت لم نغادرالمطار حتى الان كنت اترجم لها خارطه طريقها واساعدها فى فك شفرات العالم العربى والشرقى واوضح لها كيف تصل الى مدينه ابوظبى وكيف بعدها تصل الى الاردن
وضحت لى انها مستشرقه وعالمه اثار ومحاضر فى اكسفورد عن حضارت الممالك النوبيه ووحضارت شمال افريقيا وتنطق الانجليزيه كما ينطقها الامريكان وليست الانجليز .سالتها لماذا تتحدثين بمفردات رعاه البقر هذه قالت لى انى ايرانيه الاصل انجليزيه الهويه والجنسيه امريكيه التعليم ايرانيه الطبع عيونها ملونه وبشرتها لا بيضاء ولا قميحيه شعرها فاحم وفاجر فى الطول بضفيره واحده تلبس قطعيتن من الثياب العليا سوداء والسفلى سودا ء ونظارات شمسيه سودا وخصر يعد من الاثار الشرقيه وابتسامه شرقيه وعطور شرقيه
حدثتنى عن الاثار طويلا حتى مللت وعن الحريه اكثر حتى حزنت وعن العطور وعن الملابس وعن السباحه وعن الدين وعن التاريخ وعن السياسه
كانت تقول لى من انت قلت ليها انى قاطع الاطلنطى الى دهاليز الضياع وهائما على وجهى منكبا على غوث وتشغيل اللاجئين فى المكتب السامى لشئون اللاجئين قدمت لى دعوه لزيارتها فى مانشستر حيث تقيم وحدها فى منزلها
شكرتها على لطفها وتوادعنا على امل اللقاء بمشيئه الله وحلقت بى الطائره وتركتها لسفرها
فى صباح هذا اليوم وجدت فى بريدى رساله منها تقول لى فيها انها سوف تنتحر فى ليله راس السنه لهذا العام لانها سئمت الحياه ولا ن الحياه كلها ضدها وانها فى ليله راس السنه سوف تبلغ من العمر سته وعشرون عاما لم تحب فيها شخص سواى واكراما لهذا الحب قررت الانتحار لرفضى الذى شعرت به فى ساعات مطار الدوحه وتتمنى لى التوفيق وتركت فى ذيل الرساله تلفون وعنوان لمحامى فى مانشستر لاتصل به لاستلام منزلها الذى اوصت به لى ومبلغ مئتان وخمسن الف جنيه استرلينى وعربتان وحصانان اصيلان
ودعتنى وتمنت لى التوفيق والسداد
اسأل الله لها الرحمه والمغفره وحقيقه انا غير مصدق لما حدث
عجائب
|
Post: #54
Title: Re: الله يجننك يا دي المـرا... كان دايـره تجنيني
Author: سجيمان
Date: 09-14-2005, 02:16 AM
Parent: #51
فرح
| Quote: وعنوان لمحامى فى مانشستر لاتصل به لاستلام منزلها الذى اوصت به لى ومبلغ مئتان وخمسن الف جنيه استرلينى وعربتان وحصانان اصيلان |
عليك الله جد؟؟؟؟؟؟
الله يعنل صلبان حظنا..............
|
Post: #52
Title: Re: الله يجننك يا دي المـرا... كان دايـره تجنيني
Author: سجيمان
Date: 09-13-2005, 01:20 PM
Parent: #50
ود شندي
Quote: 1/تفتش خطاف حق عتالين البشيلو بيهو العيش داك
2/كوريك حق فرن (حفظاً علي المسافه القانونيه بين الانتايه والضكر) |
تعرف دا رأي في التمانيات.................رأي عتالة ساااااكت
|
Post: #53
Title: Re: الله يجننك يا دي المـرا... كان دايـره تجنيني
Author: Ahmed Abdallah
Date: 09-13-2005, 03:13 PM
Parent: #1
تعرف يا سي جي ...
زي ما بقولوا يضع سره في أضعف خلقه ... ألمره الما عندها مساكات دي ما تستهون بيها ساكت ... يعني كل شيئ بسره .. وانا قايلك تفتيحة يعني ما سجمان و رمدان للدرجة دي ...
|
Post: #55
Title: Re: الله يجننك يا دي المـرا... كان دايـره تجنيني
Author: سجيمان
Date: 09-14-2005, 10:19 AM
Parent: #53
احمد عبد الله
| Quote: ألمره الما عندها مساكات دي ما تستهون بيها ساكت ... يعني كل شيئ بسره .. وانا قايلك تفتيحة يعني ما سجمان و رمدان للدرجة دي ... |
والقال ليك منو انا مستهون بيها
خليتها...واقفه وعارف انها تفتيحة وحتركب السلم براها
|
Post: #56
Title: Re: الله يجننك يا دي المـرا... كان دايـره تجنيني
Author: Ahmed Abdallah
Date: 09-14-2005, 10:34 AM
Parent: #1
يا سي جي
أنا قصدي ما عندها مساكات لكن إمكن يا ولدي ألله عوضها في شيتن تاني ماني خابروا
|
Post: #57
Title: Re: الله يجننك يا دي المـرا... كان دايـره تجنيني
Author: سجيمان
Date: 09-14-2005, 10:01 PM
Parent: #56
احمد عبد الله
Quote: يا سي جي
أنا قصدي ما عندها مساكات لكن إمكن يا ولدي ألله عوضها في شيتن تاني ماني خابروا |
اول مرة ف النت زول يقول لي يا ولدي..... شابكني عمو عمو
وبعدين الملانتاية الشافتا عيني ديك........ يخربا خراب الرقدو.....ما عندها شي
|
Post: #58
Title: Re: الله يجننك يا دي المـرا... كان دايـره تجنيني
Author: منصوري
Date: 09-15-2005, 00:06 AM
Parent: #1
سجيمان.. إطلالة الصباح وروح المنبر المرحة..وفكاهته وفاكهته..تعرف الفرق بين الفكاهة والفاكهة.. إسمع الروح المرحة دي بتاعة رباطاب لاقدام كدي.. يعني رباطاب دقش وأبوديس. وأبوهشيم وسندة أمن.. الكربة ومبيريكة والشريك..لأنو رباطاب مقرات وابوحمد وكجي وكججي وكجنقيلى ديل رباطاب متواضعين.. ونكتتهم ناشفة يرموها ليك بب بب إنتا نكتتك تجيبها مملحة..موش قرووض.. بعدين ياخي موش حرام عليك تشبه الهندية بي حمارة عبد الغني..؟؟ الليلة ماسمعك أخونا الرباطابي الشاعر عوض مصطفي زول الباقير الجنب الكدق.. وبالمناسبة قدر ما سألت العوض مصطفي عن المثل السوداني( كلام الطير في الباقير) مارد لى قدر ما سألتو؟ فيه المثل حاجة خطرة والله شنو؟ وهل المقصود الباقير بتاعتكم؟ بعدين لاباس نعرج على بعض نكاتكم واعجابنا بالرباطاب جيراننا...
قطر كريمة المشترك واقف يصل الساعات الأولى من الصباح في الكربة.. واحد رباطابي يكورك..حبال حبال حبال..واحد منصوري راكب في القطر قال بالله عليك الله شوف الرباطابي المغفل دا.. دا وكت حبال؟ لو جاب ليهو كفترية شاي بي لبن ساكت كان الواحد عصر قلبو بي كباية وهو استفاد.. المنصورري قام قال للرباطابي في شاي عندك شاي،؟ والرباطابي قبيل سمع كلامو وصهين منو قالوا.. لا ماعندي شاي عندي حفرة طين تعال أنزل عليها.....
واحد شايقي في قطر كريمة والقطر مزحوم قال للرباطابي. ياحاج بالله زح كراعك دي خلينا نخت رجلنا دي؟ الرباطابي قالوا سبحان الله؟ الخلى بتاعتك رجل وبتاعتي كراع شنو؟ والله حقتي عشان لابسه سروال بي تكة بقت كراع ورجلك لابسة بنطلون عشان كدة بقت رجل...وطبعاً رجل دي شوية حلوة موش كدة كراع دي تذكرك بي كوارع.. وكراع بقرة وكراع بعير وكراع حمارة عبد الغني.... السودانيون بيفتكروا كراع دي لهجة سودانية حتي بعض الكتاب المرموقين في الجرايد يكتبوها بين قوسين.. والحقيقة عكس ذلك كلمة كراع لغة عربية فصحى وواردة في الحديث الشريف( من كان عنده فضل ظهر فليعد به على من لاظهر له، ومن كان عنده فضل كراع فليعد بها على جاره) ووارد في السيرة( كان صلي الله عليه وسلم يحب من لحم الشاه ، كراعها ورجلها)
|
Post: #59
Title: Re: الله يجننك يا دي المـرا... كان دايـره تجنيني
Author: سجيمان
Date: 09-15-2005, 07:08 AM
Parent: #58
منصوري
شكرا للاضافات.....
كلام الطير في الباقير .. ما مقصود باقير ود ابحجل....مقصود بيهو باقيرن تاني..لانو نحن ما عندنا كلام طير... كلامنا كلو في محلو...... عشان العوض ود ابسن.... زولن بيخاف من اللوم... ما داير يقول باقيرن تاني...... ويدخل في لوم.... عشان كدا قال اخير اخت الخمسة فوق الاتنين....
|
|