Post: #1
Title: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-21-2005, 07:49 AM
Parent: #0
فازت الغنماية " عنيفة" بي لقب ملكة جمال المعزا في مسابقة ملكا جمال الغنم في السعودية....وكانت في غاية الاناقة والجمال..... غنماية شامية.. يعني جاية من سوريا....اوصافها.... طويله ..خشمها معكوف...سنونها التحت.... يلمعن زي بريق العينا.. لملمي السحابة وخلي المطر يجينا...ممدودة اللسان تحاول دايما تجرو لي جوا وما بتقدر..... عيونها بندقيتان.....ان شاء الله اتقلب تيس شامي لو عارف بندقيتان يعني شنو؟.... لكن في واحد جنبي قاعد قال كدي....والله انا جني وجن البنادق والكبسيبة....لها نهدان كاعبان بالرغم من انو صاحبها قال ولدت مرتين......لكن الله اعلم ما كانت قاعدة ترضع.. حفاظا عل رشاقتها...ممتلئية الارداف...حتى يكاد الضنب ان يروح في حق الله.... الضمير زي صيد القلع...تمشي ولا تسمع لها كشتة....من الله خلقا ولي حسي ما اكلت ورق جرايد....ولا اكياس نايلون..ولا اكياس مخدات ولا قمصان معلقة في حبل غسيل..... اتظكرت قميصي"تحرمني منك"..دا اسمو..... اتظكرتو وكيف جات غنماية ناس عمر دهب..وشالتو من الحبل وجرت....وانا شفتها وساكية نهار كامل.. عشان اقلع منها القميص... القميص الحاجة الوحيدة الكنت بلبسها عشان امشي احب بنوت المدارس.. في النهاية طلعت بي يد قميص بس....واثقة من نفسها" الوصف ما زال لملكة جمال الماعز".... تعاين لي لجنة التحكيم في عيونهم....فازت في مسابقة ضمت متسابقات من ماعز السعودية والكويت....وكانت هي الاولى.....
عزمني واحد صاحبي من البادية..... راجل كريم.. مضياف... عيبو الوحيد انو عندو سخل عمرو اربعة شهور.... مدلعو.. سخل مدلع حد الدلع ما يقيف لو حد...قعدت انا معاهو وجا السخل.... ماشي علي.. وصاحبي يعاينلو ومبسوط... قال لي سجيمان خلي بالك السخل دا محترم جدا... امو شامية وابوهو شامي..... اصيل ما فيهو نضم.... السخل جا ماشي علي وانا مادي كراعي في الواطا..... السخل يمسك اصبع كراعي الشمال الكبير ويقعد يرضع...وما بقدر انهرو.... غايتو خليتو يرضع في رضاعتو وبقيت اتونس.... السخل بقى يناتك في الاصبع ويرضع واداني ضهرو وقعد يهز في ضنبو.....والله يا جماعة ما طالبني حليفة.... انا قلت الاصبع دا حسيع دي يجيب لبن....انتهى من الاضبع.. طلع اخد لو قعدة فوق حجري....شوية كدي قبل علي.....وشال كرعيهو القدام وختاهن فوق اكتافي كل كراع في كتف..... وبقى يلحس في وشي..... بصورة منتظمة من فوق لي تحت.....وانا غايتو فوضت امري لله وغمت عيوني وخليتو يلحس في لحسيبتو....وصاحبو.. صاحب السخيل ابدا ماسعلو ولا قالو تلت التلاتة كم ولا انت بتسوي في شنو؟...بالعكس مبسوط ويقرقر لمن عيونو دمعن من الضحك والبسط والكيف....السخيل يلحس ونزل علي النخرة لحسا...ونزل علي الشلاليف... ونزل علي الرقبة.. وبقى يلحس..... انا هنا صراحة اللحس كلكلني... وبقيت اضحك....وسيد السخل ضحك... لسوء حظي كنت لابس لي قميص فيهو زرارتين مفكوكات.... السخيل ينزل من الرقبة ويمشي علي السدر...وانا النوع الربنا مديهو بسطة في شعر السدر....يقعد السخيل بعد ما يلحس... يمعط في الشعر ويمدغ..... غايتو بالميت كدي يكون ماكل لو فدان شعر من سدري...والمصيبة السخيل ماشي لي تحت...وقت حسيت انو الحكاية ماشة في نضمن اخر..... انفض السخيل مني واجدعو هنوووك....وصاحبي يزعل لكن تاني اتظكر اني ضيف....قال لي السخل دا حنين ومحترم وبحب الناس.... وعادة اللحس واكل الشعر دي عادة عندو من صغير.... وابدا ما قاعد يميزّ ضكر من انتاية.. الي يلم فيهو كلو يقعد يلحس وان لقى لو طرف في شعر بي ياكلو والغريبة ما يريد علا الشعر الفي بكانات غميسة........قلت لو وانا مارق وزعلان.... يا زول انا هين لكن سخلك دا اوعى يدخل علي العوين ديل...... يقوم يسوي متل سواتو دي....... انا ما خايف عليهو انا خايف علي العوين تقوم انت تضبح السخل... ويبقن هن اتعودن ........
وبالمرة تاوقو هنا:-
http://drmoiz.com/phpBB2/viewtopic.php?t=9231
|
Post: #2
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-21-2005, 08:22 AM
Parent: #1
|
Post: #4
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-21-2005, 01:23 PM
Parent: #2
اها
البكا بي يحررو اسيادو..............
|
Post: #3
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: عبد الله عقيد
Date: 09-21-2005, 08:23 AM
Parent: #1
الحبيب سجيمان
حمدا لله بالسلامة!!
| Quote: يوم تشكيل الحكومة.. الغنماية عنيفة تفوز بلقب ملكةجمال الماعز!! |
هي شامية لكين ولا سعودية..!!
يعني شامية مجنّسة!
طيب أها وتشكيل الحكومة كيف!
الغنماية عنيفة برضو فازت.. ولا لا!؟
|
Post: #5
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-22-2005, 06:08 AM
Parent: #3
عبدالله عقيد
اديني فرصة بس.....
وبجيك راجع
|
Post: #9
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-24-2005, 09:27 AM
Parent: #3
عبد الله عقيد
Quote: طيب أها وتشكيل الحكومة كيف!
الغنماية عنيفة برضو فازت.. ولا لا!؟ |
سوعال وجيه
لكن هي كانت في المسابقةعشان كدا حزبها ما رشحها
بضو يا عبدالله لو في جديد جاجيك تاني... البوست دا شكلو عاوز عتالة كتيرة
|
Post: #6
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-23-2005, 08:39 AM
Parent: #1
البورة.....
وعرس الكورة
|
Post: #7
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-24-2005, 01:25 AM
Parent: #1
*
|
Post: #21
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-27-2005, 12:04 PM
Parent: #7
حمزاوي
موقعكم مالو؟.....................
|
Post: #8
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: حمزاوي
Date: 09-24-2005, 02:14 AM
Parent: #1
قال البوره قال
تبور انت يا ودعمي
افا الضكر ضكر
وسكيني في ضراعي
قلت :
اتظكرتو وكيف جات غنماية ناس عمر دهب
يا اخوي ما لقيت الا عمر دهب
عمر دهب دي من اندنا
|
Post: #12
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-24-2005, 09:55 PM
Parent: #8
حمزاوي
Quote: تبور انت يا ودعمي
افا الضكر ضكر
وسكيني في ضراعي |
والله يا ودعمي انت تب ما بتقصر......هيع
|
Post: #10
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: بلدى يا حبوب
Date: 09-24-2005, 11:39 AM
Parent: #1
سيجمان
انا هنا صراحة اللحس كلكلني... وبقيت اضحك....وسيد السخل ضحك...
وانا ذاتى بضحك بس والله متخيل الموقف وذى ما قال عادل امام
انا يطلعى اسد بس انت حظك سخل
تحياتى
|
Post: #16
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-25-2005, 05:57 AM
Parent: #10
بلدي يا حبوب
| Quote: انا يطلعى اسد بس انت حظك سخل |
سخل لكن اخير منو الاسد.............
|
Post: #11
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: فيصل نوبي
Date: 09-24-2005, 12:01 PM
Parent: #1
سجيمان
الصوره دي حقت السخل ولا الغنمايه ؟
تهريجه:
ديل ما يطلعو بيبقو لي حصان ناذر ود الخليفه ؟
|
Post: #13
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: المسافر
Date: 09-24-2005, 11:27 PM
Parent: #11
(( لها نهدان كاعبان بالرغم من انو صاحبها قال ولدت مرتين......لكن الله اعلم ما كانت قاعدة ترضع))
الغنماية دي جنت؟؟
|
Post: #14
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: ابو جهينة
Date: 09-25-2005, 00:00 AM
Parent: #13
سي جي
| Quote: غايتو بالميت كدي يكون ماكل لو فدان شعر من سدري |
أعمل تأمين على باقي الفدادين قبال تمشي تاني للبدوي الغتيت دة.
غايتو بطن السخيل دة يكون مزحوم شعر أكتر من دكان عيسى الحلاق.
|
Post: #19
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-27-2005, 00:14 AM
Parent: #14
ابو جهينة
| Quote: غايتو بطن السخيل دة يكون مزحوم شعر أكتر من دكان عيسى الحلاق. |
دا نضم...... صديق الموج
|
Post: #18
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-25-2005, 09:57 PM
Parent: #13
المسافر
جنو اسيادا000000وجنينا نحن00000ودا اظنو النوع لبي ياكبس زي غنمايتي دييييك تظكرها يا جنا؟
|
Post: #17
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-25-2005, 12:31 PM
Parent: #11
فيصل نوبي
| Quote: الصوره دي حقت السخل ولا الغنمايه ؟ |
دي الغنماية... بعد تغير اللوك
|
Post: #15
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: albagir altahir
Date: 09-25-2005, 01:50 AM
Parent: #1
والله يا سجمو قصة ملكة جمال الغنم دي اليوم دتك قاعدين نحضر في الاخيار في الغربية الفارغة الشغالة بي اخبار السعودية الفارغة قعدن نضحك انا والحماعة وفكرت اكتب عنها لكن انت ما بتقصر الحمد لله لكن صدقني اتذكرت غنمايتنا كريت الكان مغلياني في الرعية كانت سمحة سماح لكن كل يوم كانت رايحة مني اقوم الف الحلة افنش فيها وطبها كان ما لقيته مافي لي دخله للبيت
المصيبة الجائزة 25000 الف ريال حليلنا منها
|
Post: #20
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: نادية عثمان
Date: 09-27-2005, 06:28 AM
Parent: #15
قدر مافكرت وحللت وساهرت عشان افكر بس فى حبك فى الغنم وحكاياتها ماوصلت لشئ بتاتا !!
سجومى
حكايتك شنو انت موش قلنا ليك سيب درب السياسة ؟!!
|
Post: #25
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-29-2005, 02:30 AM
Parent: #20
ندوية
صورتك شرط للارض
| Quote: حكايتك شنو انت موش قلنا ليك سيب درب السياسة ؟!! |
انا نويت ابقى سياسي كبير....واعمل حزب"تحالف قوى الشعب الهاملة"
|
Post: #23
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-28-2005, 09:15 AM
Parent: #15
الباقر الطاهر
| Quote: وفكرت اكتب عنها لكن انت ما بتقصر الحمد لله لكن صدقني اتذكرت غنمايتنا كريت الكان مغلياني في الرعية كانت سمحة سماح لكن كل يوم كانت رايحة مني اقوم الف الحلة افنش فيها وطبها كان ما لقيته مافي لي دخله للبيت |
تعرف يا دكتور......
غنمايتكم كريت دي... لو جبتها المسابقة..... احتمال كبير كان تفوز.....وترجع انت تاني اجازة
|
Post: #22
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: عبد الباقي الجيلي
Date: 09-27-2005, 01:48 PM
Parent: #1
بدور يا سي جي أسعلك سعال واحد بس .. وبعدين بحكي ليك عن غنمايتنا
(أم الحِصَيِّن) ...
غنماية الجن دي .. إن شاء الله يكون عندها مساكات ضهر؟؟؟
لوول لولين عليَّ
|
Post: #26
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-29-2005, 06:30 AM
Parent: #22
عبد الباقي الجيلي
| Quote: غنماية الجن دي .. إن شاء الله يكون عندها مساكات ضهر؟؟؟ |
عندها.... حتى الضنب مغتا
|
Post: #24
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: mamkouna
Date: 09-28-2005, 04:19 PM
Parent: #1
مشتاقييييييييييييييييييييييين يا سجم جم....
كيفك ؟
أحوالك ؟؟؟
أخبارك؟؟؟؟
مالك عامل لي بلوك؟؟؟؟
سمعتو و لا جابو ليك!!!!؟؟؟
|
Post: #27
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: Siddig A. Omer
Date: 09-29-2005, 02:43 PM
Parent: #24
الاخ ســـى جـــى
أول مرة أشوف لى غنماية مشلخة ....للاســف.... كمــان مطهرة فرعونى....
ياخى معقول دى حكومة و لا غنماية.......محَنك....صديق
|
Post: #29
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 10-01-2005, 12:40 PM
Parent: #27
صديق.ا.عمر
| Quote: ياخى معقول دى حكومة و لا غنماية.......محَنك....صديق |
الحكومة... شلخوها؟...... نان لي شنو ما ادونا خبر؟؟؟؟؟
|
Post: #28
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 09-30-2005, 10:28 AM
Parent: #24
ممنكن
وانا مشتاااااقون جدا
Quote: مالك عامل لي بلوك؟؟؟؟
سمعتو و لا جابو ليك!!!!؟؟؟ |
والله لا عامل ليك بلوك ولا حاجة......ما تبهتيني
|
Post: #30
Title: Re: يوم تشكيل الحكومة.. الغنماية "عنيفة" تفوز بلقب ملكة جمال الماعز
Author: سجيمان
Date: 10-11-2005, 07:41 PM
Parent: #1
اها نشوف خبر الغنماية دي شنو؟
|
|