Post: #1
Title: شــوفتو... الدايــر ابـقى فيـها؟
Author: سجيمان
Date: 10-21-2005, 11:39 PM
Parent: #0
ركبت معاهو.. قال عازمني فطور..في الخيمة حقتم في الخلا......وانا ما متسحر...قلت فطور الزول دا قطع شك.... يبقى بي لحم.... ويكون ضابح لي يا ربي؟؟؟....وفي الدرب كل مرة اقول لو والله يا ابو خنيفس... انا خايف ابقى كلفتك.....وخسرتك..... انضم معاهو ولحمي ماكلني...وداخل في ضفوري... ومتحسس... باقي انا زول حساااااس....
وصلنا مع الاذان.... جابو لينا شوية تميرات.... وشوية لبن شربناهو...وكل مرة في سري....اقول حسي الصينية المو خمج تجي.....وكل ما اسمع لي كركبة..... اقول خلاص.... لكن يا سجيمااان ..اوعك تكابس اكل براحة براحة....واوعك من اللحم الفيهو دهن.... بيسوي الكلوسترول..... انت ناقص....؟؟؟.... كفاية التستستيرون المقّصر عندك....ساعة كاملة والاكل ما جا.....بعدين عرفت انو فطور السعودين كدي... تميرات ولبن... والاكل اسمو العشا.... والزول عازمني فطور بس.. ما عشا.....
دخل جوا...وجا مارق... قال لي وليدي خنيفس عندو استلهاب لوز....نسوي لو شنو؟.... سمعت حس ام خنيفس من جوا....قالت لو انا اديتو حبوب يا ابو خنفيس...وحسي الحمد ليك يا الله... بقى اخير....ام خنيفس جات وشايلة الحبوب.... سلمت علي وقالت هاك كدي شوف الحبوب الاديتو منهن..... اشوف الحبوب.... وراسي بقى قدر الزير وشعرت جلدي كلبت وكدست...... اترايها ليها تلاتة يوم.... وتبلّع في خنيفس حبوب منع الحمل... يا ام خنيفس ديل حبوب منع حمل؟... قالت لي ادري.. واديتي منهن الوليد؟.... قالت لي ايوا...لكن والله نفعنو يا سجيمان...والكمدة بالرمدة.....ويا سجيمان اوصيك ان حسيت انت باي شي.. ابلع منهن بس....قلت في سري..كمان؟.... انا بلا حبوب منع حمل...ما عارف شي....... قمت ... علي حيلي ..وقلت يا ابو خنيفس عليك الله قوم وديني اهلي اشوف لي شي امدغا....قبال ما يبقن علي اتنين جوع....وعدم حمل......اريت فطوركم طاير......
|
Post: #2
Title: Re: شــوفتو... الدايــر ابـقى فيـها؟
Author: تولوس
Date: 10-21-2005, 11:59 PM
Parent: #1
| Quote: وقلت يا ابو خنيفس عليك الله قوم وديني اهلي اشوف لي شي امدغا |
وكيف كان طعم حليب خلفان... ومكالمات سويسرا
تخريمة
علي عثمان زعلان منك ... اليوم داك في التلفزيون قال انت حرضت قرن ما يسكن في بيتو ... لما قرن سمع واقتنع بي كلامك ومشي يجيب عفشو من كمبالا وراح في حق الله ... يعني درعها فيك يا سجيمان يا اخوي
|
Post: #3
Title: Re: شــوفتو... الدايــر ابـقى فيـها؟
Author: ثابت محمد
Date: 10-22-2005, 00:21 AM
Parent: #2
سـجيمان
لا حــولااا عندك نقص فى التسترون ؟؟؟
حبــة زرقاء قبل النوم أو قبل أي حاجـة تانية
|
Post: #14
Title: Re: شــوفتو... الدايــر ابـقى فيـها؟
Author: سجيمان
Date: 10-24-2005, 03:03 PM
Parent: #3
ثابت محمد
| Quote: حبــة زرقاء قبل النوم أو قبل أي حاجـة تانية |
حبة زرقاء؟؟؟؟؟..... تقصد ظهرة؟؟؟؟؟....انا لله
|
Post: #4
Title: Re: شــوفتو... الدايــر ابـقى فيـها؟
Author: سجيمان
Date: 10-22-2005, 12:16 PM
Parent: #2
تولوس
خلفات شنو؟..... هم خلوني اتهنيت بي شي؟.... من بلعو الوليد حبوب منع الحمل وانا متمحن
| Quote: علي عثمان زعلان منك ... اليوم داك في التلفزيون قال انت حرضت قرن ما يسكن في بيتو ... لما قرن سمع واقتنع بي كلامك ومشي يجيب عفشو من كمبالا وراح في حق الله ... يعني درعها فيك يا سجيمان يا اخوي |
تصدق لو ما سمع نضمي وسكن...حسي كان في امانة الله.... يرعى ساااااااكت
|
Post: #6
Title: Re: شــوفتو... الدايــر ابـقى فيـها؟
Author: سجيمان
Date: 10-22-2005, 12:24 PM
Parent: #2
مكرر
|
Post: #5
Title: Re: شــوفتو... الدايــر ابـقى فيـها؟
Author: فيصل نوبي
Date: 10-22-2005, 12:23 PM
Parent: #1
| Quote: انا بلا حبوب منع حمل...ما عارف شي |
| Quote: جوع....وعدم حمل...... |
ده حين دي مو عنصريه يا سي جي ؟
ما سمعتك خالتو كان جاتك بي هني
رافعالك الشيء داك 
|
Post: #18
Title: Re: شــوفتو... الدايــر ابـقى فيـها؟
Author: سجيمان
Date: 10-25-2005, 12:24 PM
Parent: #5
فيصل نوبي
Quote:
ما سمعتك خالتو كان جاتك بي هني
رافعالك الشيء داك |
الشايلة الشمشية..... حتت قلبي نبق
خالتي تراجي....
والله يا جنا ان حسبنا الاعمار.... بتكون اكبر مني ... اياها خالتي عاد
|
Post: #23
Title: Re: شــوفتو... الدايــر ابـقى فيـها؟
Author: فيصل نوبي
Date: 10-26-2005, 07:28 PM
Parent: #18
| Quote: الشايلة الشمشية..... حتت قلبي نبق |
يا سي جي
دي ما شمشية ..... دي شعارات
|
Post: #30
Title: Re: شــوفتو... الدايــر ابـقى فيـها؟
Author: سجيمان
Date: 10-29-2005, 06:42 AM
Parent: #23
نرفعو قبال رمضان ينتهي
|
Post: #7
Title: Re: شــوفتو... الدايــر ابـقى فيـها؟
Author: عبد الله عقيد
Date: 10-22-2005, 12:32 PM
Parent: #1
| Quote: علي عثمان زعلان منك ... |
بالمناسبة يا سجيمان انت حضرت البرنامج؟
بالفعل علي عثمان انتقدك واعتبرك من ضمن المحرضين والذين
كانوا يشنون حملة لتخويف قرنق من نوايا المؤتمر الوطني..
وضرب المثل بالبوست بتاعك.. قال حتى في الإنترنت في ناس
خوفو قرنق قالو ليهو ما تسكن في بيت علي عثمان.
انا قلت للجماعة المعاي هييييع والله الزول الكتب الكلام دا انا بعرفو
وانا وهو كدي... (سويت اصابعي مع بعض)، يعني اصحاب يعني..
الحكومة ومؤسسة الرئاسة مهتمة بي موضوعاتك وانت تزازي مع ناس
ابو خنيفس!!؟
|
Post: #8
Title: Re: شــوفتو... الدايــر ابـقى فيـها؟
Author: سجيمان
Date: 10-22-2005, 01:05 PM
Parent: #7
ثابت ...و فيصل ..عن اذنكم.. نضم ود عقيد دا ختري
يعني ادمسا الاجازة دي يا ربي؟؟؟؟.....
Quote: وضرب المثل بالبوست بتاعك.. قال حتى في الإنترنت في ناس
خوفو قرنق قالو ليهو ما تسكن في بيت علي عثمان. |
والله انا كنت بهزر... وبعدين الناس دي كلها عارفاني انا زول قاعد اهضرب وانا صاحي ...وعندي حمار النوم.. وقرد النوم.....وعندي اب كباس..طواااااالي...
بعدين بيت علي عثمان مالو؟؟؟؟ اريتو بيت السرور..... علي الطلاق بالتلاتة علي عثمان يفضيهو لي ويقول لي تعال اسكن طوالي اسكن...وان شاء الله اتقلب قرد مش جبهة....
|
Post: #13
Title: Re: شــوفتو... الدايــر ابـقى فيـها؟
Author: عبد الله عقيد
Date: 10-23-2005, 12:53 PM
Parent: #8
يا زول والله علي عثمان قال الكلام دا
وكان قاصدك عديييييل.. لو ما مصدقني
اسأل أي زول حضر البرنامج بتاع احمد البلال
ودا دليل على إنك مرصود وخطواتك محسوبة..
الواحد فيكم يكتب، انتو قايلين شنو يعني!!
الحكومة نايمة!!!؟
| Quote: بعدين بيت علي عثمان مالو؟؟؟؟ |
بيت علي عثمان مالو؟؟!! بالله بطل الجرسة واستحمل
الجاياك.. ونصيحتي ليك تمشي تقضي الإجازة في سوريا
ولا قضيها قبلك مع ناس ابو خنيفيس ديل..
ولو مشيت ولمو فيك قول ليهم انا لمن اكتب بكون بالع
الحبوب القلتها فوق دي.. يمكن تفكك منهم..
|
Post: #19
Title: Re: شــوفتو... الدايــر ابـقى فيـها؟
Author: سجيمان
Date: 10-26-2005, 03:05 AM
عبد الله عقيد
Quote: ولو مشيت ولمو فيك قول ليهم انا لمن اكتب بكون بالع
الحبوب القلتها فوق دي.. يمكن تفكك منهم.. |
لكن خايف يقولو لي دا شروع في زنا يا ود عقيد...... اها اسوي كيفن بعدين؟؟؟؟
|
Post: #33
Title: Re: شــوفتو... الدايــر ابـقى فيـها؟
Author: نجود حسن عبد الرحمن
Date: 10-30-2005, 05:50 AM
Parent: #8
Quote: والله انا كنت بهزر... وبعدين الناس دي كلها عارفاني انا زول قاعد اهضرب وانا صاحي ...وعندي حمار النوم.. وقرد النوم.....وعندي اب كباس..طواااااالي...
بعدين بيت علي عثمان مالو؟؟؟؟ اريتو بيت السرور..... علي الطلاق بالتلاتة علي عثمان يفضيهو لي ويقول لي تعال اسكن طوالي اسكن...وان شاء الله اتقلب قرد مش جبهة.... |
ماقلتو نووووووبة
|
Post: #9
Title: Re: شــوفتو... الدايــر ابـقى فيـها؟
Author: هشام مدنى
Date: 10-22-2005, 01:28 PM
Parent: #1
متابعت الابداع عايزه رواقه والله حسه ما رايق
|
Post: #21
Title: Re: شــوفتو... الدايــر ابـقى فيـها؟
Author: سجيمان
Date: 10-26-2005, 07:17 PM
Parent: #9
هشام مدني
| Quote: متابعت الابداع عايزه رواقه والله حسه ما رايق |
والله يا هشام... انا زاااااتي ما رايق.. واموري ملخبتة فوق تحت
|
Post: #32
Title: Re: شــوفتو... الدايــر ابـقى فيـها؟
Author: القلب النابض
Date: 10-29-2005, 07:13 PM
Parent: #21
سجيمان
| Quote: والله يا هشام... انا زاااااتي ما رايق.. واموري ملخبتة فوق تحت |
ونايب ال...... زعلان مني ولايمني وانا ما لمتو.
اظنه لايمني ....
|
Post: #10
Title: Re: شــوفتو... الدايــر ابـقى فيـها؟
Author: nashaat elemam
Date: 10-23-2005, 01:42 AM
Parent: #1
يعني يا سجيمان.. الناس كلها خافت عليك من منع الحمل.. والله انا هميت لعدم فطورك.. وفي عشمك الدفقتو على الرهاب ده..
تصوم وتفطر على خير
|
Post: #24
Title: Re: شــوفتو... الدايــر ابـقى فيـها؟
Author: سجيمان
Date: 10-27-2005, 08:22 AM
Parent: #10
نشأت الامام
| Quote: والله انا هميت لعدم فطورك.. وفي عشمك الدفقتو على الرهاب ده |
شكرا يا نشأت.... لهمك....ولوقفك معاي في محنتي الرمضانية
|
Post: #11
Title: Re: شــوفتو... الدايــر ابـقى فيـها؟
Author: أحمد الشايقي
Date: 10-23-2005, 07:07 AM
Parent: #1
| Quote: كفاية التستستيرون المقّصر عندك.... |
دكتور سي جي
رمضان كريم ياخخخخخ
لكن اعترافاتك مــا
خـطـيــــــرة
|
Post: #12
Title: Re: شــوفتو... الدايــر ابـقى فيـها؟
Author: humida
Date: 10-23-2005, 07:17 AM
Parent: #11
شايفك مختفي ..
رمضانك كريم ..
وتصوم وتفطر علي الخير ..
وشايف عصفور الجنة عازم الجماعة السنة دي عمرة ..!
|
Post: #26
Title: Re: شــوفتو... الدايــر ابـقى فيـها؟
Author: سجيمان
Date: 10-28-2005, 05:10 AM
Parent: #12
حميدة
| Quote: وشايف عصفور الجنة عازم الجماعة السنة دي عمرة ..! |
وعزمني برضو ... يا حميدة
|
Post: #25
Title: Re: شــوفتو... الدايــر ابـقى فيـها؟
Author: سجيمان
Date: 10-27-2005, 01:42 PM
Parent: #11
احمد الشايقي
Quote: لكن اعترافاتك مــا
خـطـيــــــرة |
الواضح ما فاضح
|
Post: #15
Title: Re: شــوفتو... الدايــر ابـقى فيـها؟
Author: عزيز عيسى
Date: 10-24-2005, 03:19 PM
Parent: #1
دكتور سجيمان،
والله يا سجيمان كنت اليوم كلو قاعد شغال و(قافله) معاي من
كثرة الشغل.. وبمجرد ما فتحت سودانيز اونلاين وقرأت البوست بتاعك دا
قنبت اضحك.. واضحك لغاية ما الجماعة الخواجات اللي جمبي في الشغل
قاموا يتلفتوا ويقولوا الزول دا مالو..
بصراحة رهيب.. والله يسعد أيامك كما أسعدتنا.
وكل سنة وانت طيب
|
Post: #27
Title: Re: شــوفتو... الدايــر ابـقى فيـها؟
Author: سجيمان
Date: 10-28-2005, 01:50 PM
Parent: #15
عزيز عيسى
تسلم
وانت طيب.....
|
Post: #16
Title: Re: شــوفتو... الدايــر ابـقى فيـها؟
Author: حمزاوي
Date: 10-25-2005, 01:50 AM
Parent: #1
يا سجيمان يا اخوي
اها على ود عثمان بقي يعرفك
سجمك
الحمد لله بقينا عندنا واسطة
|
Post: #17
Title: Re: شــوفتو... الدايــر ابـقى فيـها؟
Author: waleedi399
Date: 10-25-2005, 04:24 AM
Parent: #16
سي جي مان
رمضان كريم يا سيدي .. تصوم وتفطر على خير ..
سيبك من جماعتك ديل، أيه رأيك تمشي تفطر معاي الليلة
ونحمد الله ما عندنا المدهن والمسكر
وكل شئ عندنا خالي من الكولسترول...
أها قلت شنوووووووووو؟؟؟
|
Post: #29
Title: Re: شــوفتو... الدايــر ابـقى فيـها؟
Author: سجيمان
Date: 10-29-2005, 05:10 AM
Parent: #17
وليد 399
Quote: ونحمد الله ما عندنا المدهن والمسكر
وكل شئ عندنا خالي من الكولسترول...
أها قلت شنوووووووووو؟؟؟ |
وليد العريس
لنت خليك للسنة الجاية.... لحدي ما تكمل العسل.. وتقبل علي الكولسترول
|
Post: #28
Title: Re: شــوفتو... الدايــر ابـقى فيـها؟
Author: سجيمان
Date: 10-28-2005, 07:09 PM
Parent: #16
حمزاوي
| Quote: الحمد لله بقينا عندنا واسطة |
واسطة شنو يا اخوي؟؟؟؟.... يقولو لك الزول لايمني
|
Post: #20
Title: Re: شــوفتو... الدايــر ابـقى فيـها؟
Author: سجيمان
Date: 10-26-2005, 10:53 AM
Parent: #1
*
|
Post: #22
Title: Re: شــوفتو... الدايــر ابـقى فيـها؟
Author: Abureesh
Date: 10-26-2005, 07:27 PM
Parent: #20
سلام سجيمـان،
عندى ليك إقتراح يعيـد ليك حقوقك الهضمـوهـا العـرب (الجـد جـد) ديل.
تقوم تعزم زولك دا فطور فى اخـر يوم فى رمضـان (عشـان ما يسـاه طول عمرو)
تخلى الحاجـة أو جيرانكم من المحس يعملوا ملاح تركين، وخت فى صحن جانبى شويـة فسيـخ وعيش.. وما تنسى المويـة.
قلت شنـو؟
|
Post: #31
Title: Re: شــوفتو... الدايــر ابـقى فيـها؟
Author: سجيمان
Date: 10-29-2005, 06:26 PM
Parent: #22
ابو الريش
Quote: تخلى الحاجـة أو جيرانكم من المحس يعملوا ملاح تركين، وخت فى صحن جانبى شويـة فسيـخ وعيش.. وما تنسى المويـة.
قلت شنـو؟ |
فكرة في السلك..... ويكن سحور ما فطور.... فشان لو اكل باكر لسان يدلدل من العطش من دغش الرحمن
|
Post: #34
Title: Re: شــوفتو... الدايــر ابـقى فيـها؟
Author: بدرالدين كاجوري
Date: 10-30-2005, 06:25 AM
Parent: #1
الاخ سجيمان
دايما بتديني احساس انك فايق ورايق
وعندي صاحبي معجب جدا بكتاباتك
وقدر مايجيني ويلقاني قاعد في الكمبيوتر
يسالني اليلة سجيمان كاتب شنوا
وبحب دايما تعليقاتك الظريفة
مع نادية وهو بشاركك الموت والحيا في ندي القلعة
والزول مسافر السودان بعد العيد وحالف يعمل
قعدة بندي القلعة
ومن وجهة نظري لن تستطيع منافستة
فالراجل تقيل
اتقل من صلاح ادريس
ووجيه كمان
ولك الود وانت دوما تضفي علي جو المنبر الابتسامة
|
Post: #35
Title: Re: شــوفتو... الدايــر ابـقى فيـها؟
Author: ghariba
Date: 10-30-2005, 06:44 AM
Parent: #1
اخوي سيجمان
كل سنة وانت طيب
ماعارف يا سجيمان انا نفسي كدة
اديك عضة
ما عارف ليه
بالمناسبة :
ولا اقول ليك خليها مرة تانية
|
|