يا جمــاعة... في انتايــة في المنبر دا عاجباني.... اها كيف الراي؟

Post: #1
Title: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-26-2005, 06:28 PM
Parent: #0

لايووووق اجاركم الله.... ان اتشبكت في شي.... تاني ما بتتحلا مني بي هينة....علا زول حظي شوم وكعب..... والبتشبك فيها... قاعدة تتحدف عليها نصايب الدنيا كلها.... يا تموت... او يجيها تصاقط شعر..فجعة كدي... وتصبح من صباحات الله تلقى راسا صلعة.... وحواجبينا صلعة.... وقدر ما فيها شعيرة تقع....او .... يرفدوها من شغلا..... او من قرايتا...... او من المنبر هنا....غايتو لو في اي زول زعلان من واحدة وداير يلحقها امات طه... يحدسني.... ويحرشني عليها واًعجب بيها....واتلّحلا... واباريها.....لومكم بي بعد اسبوع انجضا تب....زمان اتلحّتا سميرة بنت جيرانا... وحبيتا...... في اسبوع.... ابوها كسر كراعو.. وامها دافقت....وهي سافرت بورصودان .. بالباظ.... وانا كتبت فيها قصيدة.... يوم السفر..... قلت فيها:-

باظ بورصودان...

اب كراسي وهيطة

شلت حبيب قلبي

وخليت دموعي جارية... طيطة

.....

باظ بورصودان

يا اللحمر يا ود الكلب

ان شاء الله تعتر لك حفرة وتتقلب

في شان شلت حبيب القلب

شنو؟

مالك؟

مستعجل ..و

جاري كدي؟

انت اصلك باظ ..ولاّ .. كلب؟

.........

... الغريبة الباظ اتقلب..... ومافي زول جاتو عوجة غير سميرة... اضانا اليمين اتقطعت...اتقطعت من قعرا....وكانت مسيكينة قاعدة تلبس نضارات.... بقت في كيفن تلبس النضارة والاضان مقطوعة....؟؟؟.....لكن بعدين في دكتور شااااطر قال ليها.... تجيبي مشبك غسيل حق الهدوم..... تشبكيهو في شعرك قصاد الاضان.... وتجيبي ايد النضارة وتشبكيها في طرف المشبك....لكن اووووعك تتفلهمي وتقومي ترقصي في حفلة رقيص رقبة....

دحين حسي... والله تب.... اعجبت بانتاية هنا....والله يستر عليها....

Post: #2
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: فيصل نوبي
Date: 10-26-2005, 06:37 PM
Parent: #1

سي جي

الاضان هينه

المشكله في الشىء التاني دااااااااك

Post: #6
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-26-2005, 07:44 PM
Parent: #2

فيصل نوبي
Quote: المشكله في الشىء التاني دااااااااك

غايتو علا مع قلبت الباظ..... تقع فوق ابو القدح

Post: #11
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: فيصل نوبي
Date: 10-27-2005, 02:11 AM
Parent: #6

Quote: غايتو علا مع قلبت الباظ..... تقع فوق ابو القدح

كان وقعت في ابو القدح ما بختها .... المشكله تقع لها فوق شدرة نشفانه

Post: #3
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: saadeldin abdelrahman
Date: 10-26-2005, 06:49 PM
Parent: #1

سجيمان

الواحد زاتو بقىيخاف يخش عليك

آخر مره رصينا ليك ديل

جابو لينا البوليس!

دكتورنا المسخوط

إنت آااا زول جالدو ولا شنو?

Post: #5
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: ترهاقا
Date: 10-26-2005, 06:56 PM
Parent: #3

Quote: باظ بورصودان...

اب كراسي وهيطة

شلت حبيب قلبي

وخليت دموعي جارية... طيطة

.....

باظ بورصودان

يا اللحمر يا ود الكلب

ان شاء الله تعتر لك حفرة وتتقلب

في شان شلت حبيب القلب

شنو؟

مالك؟

مستعجل ..و

جاري كدي؟

انت اصلك باظ ..ولاّ .. كلب؟

يا دكتور القصيدة دى مفروض تتلحن وتغنيها ندى القلعة - بتصرف - ايش رايك

Post: #21
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-27-2005, 10:36 AM
Parent: #5

ترهاقا
Quote: يا دكتور القصيدة دى مفروض تتلحن وتغنيها ندى القلعة - بتصرف - ايش رايك

ترهاقا... اشكرك لابدا اعجابك بالقصيدة" الكلبية"......

عندي فكرة اعمل تليتو مع ندى القلعة وفوفو .... انا اكتب شعر وهي تغني.....وفوفو ترقص في الفيديو كليب

Post: #20
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-27-2005, 08:15 AM
Parent: #3

شاع الدين عبد الرحمن

Quote: إنت آااا زول جالدو ولا شنو?

هو.... الجالدني

Post: #4
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: أحمد الشايقي
Date: 10-26-2005, 06:54 PM
Parent: #1

سي جي

والله أنا مشكلتي في واحدة عاجباني بالحيــل,

بـس ما قادر أتكلم

آآزول ســاعدني.

Post: #7
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: طيفور
Date: 10-26-2005, 08:13 PM
Parent: #4

Quote: والله أنا مشكلتي في واحدة عاجباني بالحيــل,

بـس ما قادر أتكلم

آآزول ســاعدني.

الشايقي..

ها ازوووول..

الزول قالك بوتبها طب

تقولو ساعدني؟؟؟

.. إت قنعان؟؟؟

Post: #29
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-28-2005, 05:53 AM
Parent: #7

طيفور
Quote: تقولو ساعدني؟؟؟

.. إت قنعان؟؟؟

شكلو كدي..... لكن انا تب ما بقصر في الاخوان

Post: #22
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-27-2005, 03:08 PM
Parent: #4

احمد الشايقي
Quote: والله أنا مشكلتي في واحدة عاجباني بالحيــل,

بـس ما قادر أتكلم

آآزول ســاعدني.

حدسني بيها...وانت ابعد بعيد...... لومك بي اسبوع اجيب لك خبرها

Post: #8
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: الزوول
Date: 10-26-2005, 09:28 PM
Parent: #1

السلام عليكم
الأخ سجيمان
يعني تطبيق لمقولة ومن الحب ما قتل
وأتاريني أقول يا ربي مشكلة ندى القلعة حقت الصورة اليومين الفاتت دي سببها شنو!!
داير أعرف حاجة واحدة
موضوع اعجابك ( الشّرير ) ده ما بينفع مع الجنس الخشن؟؟
عشان عندي كم واحد في البورد ده ...
دايرك تعمل فوقي معروف .....
وتحبهم لي

وما الناس إلا هالك وأبن هالك *** وذو نسب في الهالكين عريق

Post: #9
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: تولوس
Date: 10-27-2005, 00:40 AM
Parent: #8

سجيمان والله يا اخوي حب الكبر فيهو جرسةكتيرة ... اكعب من حب بطان الايام دي

عاوز احكيلك مشاعري ...
بس خايف من الحكومة

Post: #33
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-28-2005, 02:04 PM
Parent: #9

تولوس

Quote: عاوز احكيلك مشاعري ...
بس خايف من الحكومة

احكي... احكي..والحكومة وا بتقول شي طالما ما الموضوع مضرة

Post: #32
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-28-2005, 01:31 PM
Parent: #8

الزووول
Quote: موضوع اعجابك ( الشّرير ) ده ما بينفع مع الجنس الخشن؟؟
عشان عندي كم واحد في البورد ده ...
دايرك تعمل فوقي معروف .....
وتحبهم لي

جدا.. اصلو عندي لستة بتاعت ضكور.... قولهم عشان نضيفهم ليك

Post: #10
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Ahmed Mohammed Osman
Date: 10-27-2005, 01:36 AM
Parent: #1

Quote: موضوع اعجابك ( الشّرير ) ده ما بينفع مع الجنس الخشن؟؟

منو القال ليك؟؟

Post: #12
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: ابو جهينة
Date: 10-27-2005, 02:13 AM
Parent: #10

سي جي

Quote: ....غايتو لو في اي زول زعلان من واحدة وداير يلحقها امات طه... يحدسني.... ويحرشني عليها واًعجب بيها....واتلّحلا... واباريها.....لومكم بي بعد اسبوع انجضا تب....

الله يوفقك .. بعد ترجع من الأجازة بالسلامة .. عندنا جارتنا ... تعال أعجب بيها أيما إعجاب .. و ربنا إن شاء الله بيقول بي قولا ..
ياخي دي مكرهانا العمارة.
كان الله في عون بعلها ..

Post: #35
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-29-2005, 05:29 AM
Parent: #12

ابو جهينة
Quote: ياخي دي مكرهانا العمارة.

سمح.... اجيكم ..واعجب بي حنانا ظاطو.....ولو دايرني اعجب بالعمارة ما عندي مانع....

Post: #34
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-28-2005, 07:17 PM
Parent: #10

احمد مجمد عثمان
Quote: منو القال ليك؟؟

مش؟......باللهي؟

Post: #13
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: ود المايقوما
Date: 10-27-2005, 02:30 AM
Parent: #1

وموريتانيا ..

Post: #36
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-29-2005, 05:59 AM
Parent: #13

ود المايقوما
Quote: وموريتانيا

انقلاب..

انقلاب راسو عيدل

Post: #14
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: طارق جبريل
Date: 10-27-2005, 03:39 AM
Parent: #1

سجيمان الله يقطعك يا مقطوع الطاري
عليك الله ان ما حبييت لي سياسيينا ديل خصوصا الكبار منهم حبهم لي في يوم واحد عشان تلحقم كلهم امات طه وود بعنيب عشان ترتاح منهم جت وان بقيت سويتا بخليك تتقدل في الرباط وتشوف الحور العين بي نفسك

Post: #37
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-29-2005, 07:45 AM
Parent: #14

طارق جبريل
Quote: عليك الله ان ما حبييت لي سياسيينا ديل خصوصا الكبار منهم حبهم لي في يوم واحد عشان تلحقم كلهم امات طه وود بعنيب

يا زول انا ختري... وطلب زي دا بيدخل البلد في" نفق مظلم"....وتقوم امريكا تجينا....

اهااااا... رايك شنو احب ليك امريكا دي؟؟؟؟؟

Post: #15
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: nashaat elemam
Date: 10-27-2005, 03:44 AM
Parent: #1

سجيمان.. اتاريها ندى القلعة انا اقول المصائب دي كانت لابده ليها وين؟؟ شكيت محنك يا سجيمان.. ياخي عليك الله تعال حب لينا سعد الدين في النيل الازرق وحماميزو في القومي

Post: #16
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: ادم الهلباوى
Date: 10-27-2005, 04:07 AM
Parent: #15

بسم الله الرحمن الرحيم

الاخ سجيمان متعك الله بالعافية

الناس فى البورد ده الفرد للمجموعة والمجموعة للفرد

عليه انت بس اشر وتمحص وتأكد منها بعد القلتو دا إنها تبادلك

نفس الشعور بعدين سمى .. وتعال لينا إن شاء الله نعقدو ا ليك

على سنة الله ورسوله ... والتسمية عشان تكسر النحس الملازمك دا

وإن شاء الله لا إنت ولا هى تشوفوا شر .. الله يحفظكم ويرعاكم

وإن شاء الله بيت مال وعيال .

Post: #17
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: nashaat elemam
Date: 10-27-2005, 04:11 AM
Parent: #16

يا هلباوي.. وطي صوتك.. سجيمانه لو سمعتك.. الا تطير.. يا قريبك الزول مكسر سااااااااااي يعني لزوم بكا وكدا.. شنو ناطي ليهو (نعقد ليك) يازول انت داير (يعقدو) ليك زولك دا؟؟؟

Post: #18
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Elsamani A.Malik
Date: 10-27-2005, 06:56 AM
Parent: #17

سجيمان

البت دي لي هسي عايشة ولا إتلحست

والمرشحة منو؟

هلا هلا سجيمان يا هادم اللذات

Post: #19
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: معتز تروتسكى
Date: 10-27-2005, 08:07 AM
Parent: #18

Quote: قاعدة تتحدف عليها نصايب الدنيا كلها.... يا تموت... او يجيها تصاقط شعر..فجعة كدي... وتصبح من صباحات الله تلقى راسا صلعة.... وحواجبينا صلعة.... وقدر ما فيها شعيرة تقع....او .... يرفدوها من شغلا..... او من قرايتا...... او من المنبر هنا....غايتو لو في اي زول زعلان من واحدة وداير يلحقها امات طه... يحدسني.... ويحرشني عليها واًعجب بيها....واتلّحلا... واباريها.....لومكم بي بعد اسبوع انجضا تب...

وكمان
Quote: يا جمــاعة... في انتايــة في المنبر دا عاجباني.... اها كيف الراي؟

سيجمان

علا نحدثها ليك
و
غنولك ياجميل..
شن قولك ياجميل..

Post: #56
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-07-2005, 12:01 PM
Parent: #19

معتز تروتسكي
Quote: علا نحدثها ليك

حدثها....علا تتحمل المسعولية معاي

Post: #52
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-06-2005, 10:25 AM
Parent: #18

السماني مالك
Quote: البت دي لي هسي عايشة ولا إتلحست

اتلحست زمانكتية......

Post: #53
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-06-2005, 10:26 AM
Parent: #18

السماني مالك
Quote: البت دي لي هسي عايشة ولا إتلحست

اتلحست زمانكتية......

Post: #42
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-29-2005, 06:16 PM
Parent: #17

نشأت
Quote: يا قريبك الزول مكسر سااااااااااي يعني لزوم بكا وكدا

بكا..وجعير.. ودميس بالواطا

Post: #41
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-29-2005, 12:08 PM
Parent: #16

ادم الهلباوي
Quote: بسم الله الرحمن الرحيم

الاخ سجيمان متعك الله بالعافية

الناس فى البورد ده الفرد للمجموعة والمجموعة للفرد

عليه انت بس اشر وتمحص وتأكد منها بعد القلتو دا إنها تبادلك

نفس الشعور بعدين سمى .. وتعال لينا إن شاء الله نعقدو ا ليك

على سنة الله ورسوله ... والتسمية عشان تكسر النحس الملازمك دا

وإن شاء الله لا إنت ولا هى تشوفوا شر .. الله يحفظكم ويرعاكم

وإن شاء الله بيت مال وعيال
.

ادم يا شفت.. احدسك بيها عشان تمشي تعرسها انت؟

Post: #38
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 10-29-2005, 11:01 AM
Parent: #15

نشأت الامين

Quote: ياخي عليك الله تعال حب لينا سعد الدين في النيل الازرق وحماميزو في القومي

سعد الدين... لا.... صاحبي..... علا حماميزو دا نحاول حبو ليك

Post: #23
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: ghariba
Date: 10-27-2005, 03:39 PM
Parent: #1

اخوي سجيمان

بتاعتك دي اصبر عليها شوية
سمعنا تحت تحت في عرس جماعي

وحتى اخوك منتظر القصة دي

ومرمق لي على واحدة بس ربنا يستر من ( وزارة الداخلية بتاعتنا )

وانشاء الله ما ندخل انا وانت في شبك وتطلع ياها زاتها

وحتضطر تدفع لي خلو رجل

Post: #24
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: نادية عثمان
Date: 10-27-2005, 05:10 PM
Parent: #23

اوعا اكون انا ؟!!!!

Post: #55
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-07-2005, 06:33 AM
Parent: #24

نادية عثمان
Quote: اوعا اكون انا ؟!!!!

انتي تبري.... من عجبي انا.... يا السمحة ام عجن..... يا مكسرة ضكور افريقيا من جم

Post: #54
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-07-2005, 05:52 AM
Parent: #23

غريبة
Quote: وحتضطر تدفع لي خلو رجل

خلو رجل بدفعو... علا,,, اقصاط....

كل سنة وانت طيب

Post: #25
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Dr.Mohammed Ali Elmusharaf
Date: 10-27-2005, 05:31 PM
Parent: #1

العزيز دكتور عادل
كل عام وانت بخير والاسرة الكريمة بقيادة ام الخير والله يخليك ليهم ولينا يارجل يارائع.
معزتي

Post: #57
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-07-2005, 12:12 PM
Parent: #25

دكتور محمد علي المشرف
Quote: كل عام وانت بخير والاسرة الكريمة بقيادة ام الخير والله يخليك ليهم ولينا يارجل يارائع.

وانت والاهل كلهم بخير.......

Post: #26
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: عنيده
Date: 10-27-2005, 05:36 PM
Parent: #1

Quote:
باظ بورصودان...

اب كراسي وهيطة

شلت حبيب قلبي

وخليت دموعي جارية... طيطة

.....

باظ بورصودان

يا اللحمر يا ود الكلب

ان شاء الله تعتر لك حفرة وتتقلب

في شان شلت حبيب القلب

شنو؟

مالك؟

مستعجل ..و

جاري كدي؟

انت اصلك باظ ..ولاّ .. كلب؟

اكيد ماعنيده لانها مامحظوظه
Quote:

قاعدة تتحدف عليها نصايب الدنيا كلها.... يا تموت... او يجيها تصاقط شعر..فجعة كدي... وتصبح من صباحات الله تلقى راسا صلعة.... وحواجبينا صلعة.... وقدر ما فيها شعيرة تقع....او .... يرفدوها من شغلا..... او من قرايتا...... او من المنبر هنا....غايتو لو في اي زول زعلان من واحدة وداير يلحقها امات طه... يحدسني.... ويحرشني عليها واًعجب بيها....واتلّحلا... واباريها.....لومكم بي بعد اسبوع انجضا تب
.

سي جي يا ختري,,,,انا عندي واحده عايزه الحقا امات طه

اها شن قولك

Post: #58
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-07-2005, 12:17 PM
Parent: #26

عنيدة
Quote: ,,,,انا عندي واحده عايزه الحقا امات طه

وصفيها لي... واقيفي بعيد واخدي ساتر... ما يجيكي اعجاب طاير يعوقك

Post: #27
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: منصوري
Date: 10-28-2005, 00:46 AM
Parent: #1

الأخ سجيمان.. يعني إنت تخاطب الأخوات الزميلات العضوات في المنبر بلقب( إنتاية)؟ يعني ماشايف ليهن أى قيمة غير إنتاية؟ من أي قرن أنت يارجل؟ ..
إعجابك شى والهظار شى آخر والسخرية شى مختلف..
كلمة إنتاية دي لى زمن عويص من سماعها.. وكنا نسمعها حمارة فلان( جابت دحشي إنتايي) وعنز أم الحسن جابت سخلة إنتاي..
صاح لك روح النكتة والفكاهة..لكن يا بلد وياجار تطاولت على حقوق بنات الوطن ولو كان هظاراً سمجاً..؟

Post: #59
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-07-2005, 12:31 PM
Parent: #27

المنصوري
الراجل الكلس.... الضكر
Quote: كلمة إنتاية دي لى زمن عويص من سماعها

غايتو كلمة عويص دي قدر ما قلبتها جاي جاي.. ما عرفتها وما وقعت لي.... لكن قلت يمكن تكون قاصد زمن قديم...

انتاية = انثى باللغة العامية.......في شهادة الميلاد لاي مولود سوداني بيكتبو النوع... ذكر..ولاّ انثى... لو بيكتبو شهادة الميلاد... بالعامية كانو كتبو انتاية او ضكر....الخواجات برضو ناس الجلد والراس وناس حقوق المرا... قاعدين يكتبو

male

female

ولو انت يا المنصوري.. مشيت البلد وقعدت تقول لي انتاية يا انثى... يضحكو فيك ويقولو بلد الخواجات قولبتو واتفلهم علينا....

Post: #28
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Emad Abdulla
Date: 10-28-2005, 01:29 AM
Parent: #1

أتاريهااااااااااا..

وأنا أقول ياربي البت دي مااااااااااا راكبه عدله ليها مدة ماله ؟؟؟؟؟؟

ان شاالله يا سجيمان .. بركة اللانام لا أكل الطعام .. بركة الليل الآمسى والأوكات الخمسة إن اتشبكت في الأنا قاصده ..

ان شاالله يا سجيمان تجيك انفلونزا الطيور .. بس

وتقعد تكاكي تكاكي كدي .. لامن صاحب الوداعة ياخد وداعتو

سجيمان .. أرعى بي قيدك ... هوووي

Post: #60
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-07-2005, 12:35 PM
Parent: #28

عماد عبد الله
Quote: ان شاالله يا سجيمان تجيك انفلونزا الطيور .. بس

وتقعد تكاكي تكاكي كدي .. لامن صاحب الوداعة ياخد وداعتو

والله حسي لي اسبوع.... ماسكاني قحة وكتكوتا....... تقول دعوتك صادفت..... الله يكفيني شرك يا زول

Post: #30
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: أحمد الشايقي
Date: 10-28-2005, 06:21 AM
Parent: #1

Quote: الشايقي..

ها ازوووول..

الزول قالك بوتبها طب

تقولو ساعدني؟؟؟

.. إت قنعان؟؟؟

طيفــور,

أخــوكا مفتح ما بنخــاف عليــه,

أول يا بادي,

أنا بمشي القصيــم,

وأول ما يختــوا لي الــرز باللبــن,

وقدام (أم الخير)

بفكلك الموضــوع, يعني الواســطة مشتركة (سجيمان وأم الخيـر),

وكان مشى لعب بي ضيلـه,

البطاح بشيـلـه,

أهـا شــن قولك, أخوك ما مفتّـح؟

Post: #31
Title: رد
Author: mohmmed said ahmed
Date: 10-28-2005, 12:29 PM
Parent: #1

انتاية

انتاية

ما اكرمهن الا كريم

وما وما

الا

الا

Post: #39
Title: Re: رد
Author: showgi idriss
Date: 10-29-2005, 11:29 AM
Parent: #31

سي....جي..
يالذيذ...

ياراااااااايق...

رمضان كريم...

رفقاً بالقوارير...ما شفت لي زوول بدلع البنوت ذيك... !!!

أنت نطحك تيس والا شنو؟؟؟

Post: #66
Title: Re: رد
Author: سجيمان
Date: 11-10-2005, 05:57 AM
Parent: #39

شوقي ادريس
Quote: أنت نطحك تيس والا شنو؟؟؟

لا..لا... اصلي قيافة كدي... خلقة ربنا

Post: #61
Title: Re: رد
Author: سجيمان
Date: 11-07-2005, 12:41 PM
Parent: #31

محمد سيد احمد

ردك تب ما حيرني.....

حيرتني شلوفتك الفوق دي....من يومك الرديت وانا قاعد افكر..... يا ربي الزول دا سو لو عملية زي اللت نوال الزغبي.... حتى لو سواها رقعو ليهو الشلوفة من وين؟؟.... ترانا نوال عرفنا رقعوها من وين علا انت .. محنتنا وحيرتنا....والله يا ربي؟؟؟؟؟

Post: #40
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: فيصل نوبي
Date: 10-29-2005, 11:46 AM
Parent: #1

غلطه مطبعية

Post: #62
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-08-2005, 03:18 AM
Parent: #40

نوبي

Quote: غلطه مطبعية

مقبولة.....

Post: #43
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Manar Mahsoub
Date: 10-30-2005, 01:47 AM
Parent: #1

و الله يا سجيمان حليت لى مشكلة كبيرة فى ناس كثار كده ما كنت عارفه اسوى فيهم شنو بس ادينى فرصة لبعد رمضان احضر ليك لستة تحب فيها زى ما عايز و اتكسر فيهم شديد المهم عندى الاضان .... لك التحية وكل سنة و انت طيب

Post: #44
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Munir
Date: 10-30-2005, 02:02 AM
Parent: #43

الملاحظ أن كلمة انتاية لم تستفز الاخوات الكريمات نادية وعنيدة ومنار لأنهن اعتقد مررن عليها بعفوية وبدون تعقيدات الجندر ـ
إلا بشوف الاخوين منصوري ومحمدسيداحمد زعلانين خلاس ـ إنتو يا شباب لو قالوا ليكم ضكور بتزعلوا ـ

سجيمان اعمل حسابك إن بقيت تصف نفسك بالشوم حتي لو كان هظار الناس فعلآ حتبتدئ تعتقد إنك شؤم ـ ماك عارف السودان ـ

الغايظني انك ليه ما قدرت تلحق لينا كوندي ديك امات طه ـ

Post: #65
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-10-2005, 04:55 AM
Parent: #44

منير
Quote: انك ليه ما قدرت تلحق لينا كوندي ديك امات طه ـ

كزندي يا منير... هي البتلحق الناس امات طه.... دي خترية شديد

Post: #63
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-08-2005, 04:09 AM
Parent: #43

منار محسوب
Quote: احضر ليك لستة تحب فيها زى ما عايز و اتكسر فيهم شديد المهم عندى الاضان .

وانا جاهز تب........

Post: #45
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: فيصل نوبي
Date: 10-30-2005, 02:35 AM
Parent: #1

استاذنا منير يا رائع
سلام وكيفك !
Quote: الغايظني انك ليه ما قدرت تلحق لينا كوندي ديك امات طه ـ

دي بتلحق المنبر ده كلو امات طه وتقعد هي فوق تلو

Post: #47
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Munir
Date: 10-30-2005, 03:12 AM
Parent: #45

فيصل نوبي الرجل الحبوب ـ تحيات عطرات ـ

ما عارف ليه سجيمان قدر ما كتب فيها ماقدر يجيب لينا خبرها ـ واللا ياربي ناخد الحكاية بإعتبار ما سيكون ـ

Post: #50
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: فيصل نوبي
Date: 10-31-2005, 11:02 AM
Parent: #47

استاذ منير
في ضكر هني ده
ما داير ليو عين داير ليو ... حاجات تانيه حامياني
تهريجة
الانتاية الت سجيمان دي ما غلبتو خلاااااااااس

Post: #46
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: JAD
Date: 10-30-2005, 03:10 AM
Parent: #1

د. سجيمان ..

كل عام وأنت بخير ..

رجاءاً إلا دي .. عاجباني والله .. تكفى بالسعودي كدا .. وسم وطال عمرك وأي شيء بس وخر منها ..

أخي منير قصدك في ضكور تأثروا بكلمة أناتي أكثر من الأناتي ..

انتاية هي كلمة (أنثى) بعد ما حصل لها شقلبة ومردغة في عاميتنا السودانية.

انتاية قال .. بالله يا د. سجيمان خليك عصري

جاد

Post: #67
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-11-2005, 12:55 PM
Parent: #46

جاد

Quote: انتاية قال .. بالله يا د. سجيمان خليك عصري

حااااااااااضر

Post: #48
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: Manar Mahsoub
Date: 10-30-2005, 03:23 AM
Parent: #1

فى اعتقادى المسميات مش مهمة شديد و ما حتغير عظمتنا ابدا يعنى نكون انتاية غنماية دحشاية اى شىء فيه تايه دى كلها تسميات فقط و لا تؤثر فينا ابدا و العارف عزه كلام سجيمان ما بيهزه المهم فى النهاية تقديرنا بمسمى انسانة ولكم جميعا بسجيمانكم كل الود و الاحترام

Post: #74
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-15-2005, 07:27 AM

منار محسوب
Quote: تسميات فقط و لا تؤثر فينا ابدا

ربنا يحفضك ويغتي عليكي يا الواعية.... يا الاوعى من ناس حمبرا

Post: #49
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: طارق جبريل
Date: 10-31-2005, 08:17 AM
Parent: #1

يا سجيمان امريكا خلها وهي زاتا ما فاضية الايام دي مشغولة بي الاسد في سوريا عايزة تمسخه تبقيه قرد انت خلك في سياسيينا ديل حبهم لي شديد الضكور ديل قهرتهم بالقاهر فقعوا مرارتنا

Post: #69
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-12-2005, 05:34 AM
Parent: #49

طارق جبريل
Quote: حبهم لي شديد الضكور ديل قهرتهم بالقاهر فقعوا مرارتنا

انا اتي فقعو مرارتي....... شحت الله تصبح الاطا فد يوم والقاها عدمانة اسم الضكر

Post: #51
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: انتصار محمد صالخ بشير
Date: 10-31-2005, 05:20 PM
Parent: #1

الاخ سيجمان

سلام وكل سنة وانت طيب

عاد يا ود امى تانى فى انتاية بتعاين ليك بعد وصفك داك فى الوليه الاسمها شوية على صعب

البنية الامريكانية ديك انا غايتو بحرش عليك نسوان المنبر ونسوى ليك داك ياالعمل يخليك

لا تسمع ولا تشوف غير القدامك نحن برضو مابندور ليك المضرة تراكا وليدا لينا والضفر

ما بمرق من اللحم... اها يا اخوى خليتك بعافية ونشوف نهايتها!!!!

انتصار

Post: #70
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-13-2005, 01:09 PM
Parent: #51

انتصار
Quote: اها يا اخوى خليتك بعافية ونشوف نهايتها!!!!

نهايتا خير في خير.... بس اوعى اشوفك واعجب بك في الايام الملخبتة دي

Post: #64
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: نجود حسن عبد الرحمن
Date: 11-08-2005, 04:28 AM
Parent: #1

Quote: يا جمــاعة... في انتايــة في المنبر دا عاجباني.... اها كيف الراي؟

ماتعجب بى عزيز ,,,,,,, ولا عزيزة

الله يدينا خيرك

Post: #73
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: سجيمان
Date: 11-15-2005, 07:18 AM
Parent: #64

نجود
Quote: ماتعجب بى عزيز ,,,,,,, ولا عزيزة

غايتو يا نجود يا بيتي ... الله يمرقك ساااااكت

Post: #68
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: عبدالله ادريس محمد
Date: 11-11-2005, 01:11 PM
Parent: #1

الاخ المفضال سى جى ؟؟؟

كل سنة وانت طيب والسنة الجاية انت ونتاية فارزين عيشتكم براكم؟؟؟؟؟؟

انت متاكد منهاهى ؟؟؟؟؟؟؟؟؟؟؟

ولك منى كل الود والتقدير؟؟؟

طولت ما اديتنا طله بهناك كويس اكلم ليك الاخ ابوقونة

Post: #71
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: القلب النابض
Date: 11-13-2005, 01:14 PM
Parent: #68

سجيمان اخوووووي
حمت البوستات دي كلها ولقيت بنات البورد ما عندهن سيرة غير سجيمان

سبب بلا سبب يجيبن سيرتك
إعجاب شديد
لكن عارف كلهن خايفات تُعجب بيهن!

أها كيف الكلام دا؟
الكلام دا سر كان سمعنو بكتلني

Post: #72
Title: Re: يا جمــاعة... في انتايــة في المنبر دا عاجباني.... اها كيف الراي؟
Author: اشرف السر
Date: 11-13-2005, 01:31 PM
Parent: #1

Quote: يا جمــاعة... في انتايــة في المنبر دا عاجباني.... اها كيف الراي؟

سجيمان اخوي بعد بوست الجديدك داك ما خلاص فولتك وانفقست.. والانتايه اتعرفت...
بس كيف الراي إنها تقتنع بيك يا فردة..