Post: #1
Title: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-17-2005, 10:47 AM
الهاكم التكاثر....
محلات بيع المديدة.... الزبائن من الرجال.. الاربعينين والخمسينين والستينين ومافووق..والمتزوجين بمثنى و ثلاث ورباع...ومما ملكت ايمانهم....الغريبة والمحيرني ومحيّر حناني..انو اي ضكر حايم في الشارع بيعتبر اي انتاية مما ملكت ايمانه....خصوصا اصحاب العربات ملاكي حكومة... حافلة امجاد ركشة... حتى ناس الكارو... اي انتاية ماشة في شارع الله داير يشيلها ويبني بها....كمسارة الحافلات.... يجيدو استعراض الضكورة قدام الاناتي... بس الباسطني منهم انهم ما عندهم قشة مُرة....كنت واقف في الشارع انصاص الليالي... ومقطوع وملطوع..قدامي بي كم متر كدي واحة انتاية... انا واقف بعيد مخصوص... خايف علي عذرتي.. قالو لي بنوت الخرتوم يقابضن في سهلة الله.... اها من يومي القلت سلام يا الخرتوم.... اصلو ما بجي قريب من ايك يا انتاية....جات حافلة اشرت ليها هدنت جنبي ووقفت جنب البنية..... اتكربتا.. وعضيت جلابتي المشختة في خشمي وقمت جاري قلت الحق اركب... الكمساري نهرني وقال لي دايرين نفر واحد بس.....يا حاج...والله ما زعلني عدم الركوب علا زغلتني قولة يا حاج دي....من الزعل مشيت لي عند اهلي بكرعي... عشان اوري الكمساري ود الحنوت دا اني لسه بي عافيتي.....لاحظت انو اصحاب فضل الظهر.. يعودو بيهو علي الجواري الخنث...من ذوات الكعب العالي... الكاعبات.. كل كاعب فيهو راس نووي .. يفرطقني ويفرطق حلتي والحلة الجنب حلتي وحلال الثورة غرب الحارات...حاملات الدشوش كاسنام البعارين....ونحن اليتامى ديل... لينا الله...........
ارجع للمديدة... الشديدة.. ذات الدفع الرباعي....كباية واحدة منها تخليك الليل كلو قايم سداري....وتقيف وسط البلد وتدق سدرك وتهتف وتقول" اررررربعة واطا"....حتى لو بقيت جنازة وشايلنك على المقابر....
الطيب جاري... راجل طيب وعديل....وما بعرف من الدنيا دي ابو النوم...عزمتو يوم كورية مديدة..... مشينا شربنا..............وبعد نص ساعة وفجعة كدي............. قعد يضحك ويبرم في شنبو....ومرق الموبايل وضرب لي مرتو:-
- هلو.... خجيجة؟.... اسرعي قواااام............ علبي الطلح....والله الليلة ورطتي جنس ورطة يمرقك منها سيدي الحسن.....
انا اتخلعت. واتحيرت.. لقيت الزول كارب كراعو وجاري علي اهلو... نسعل الله السلامة...
تاني يوم الصباح... لقيت خجيجة مارقة من خشم بابهم.... قلت لها خجيجة كيف اصبحتو ؟؟ قالت لي سجيمان؟؟؟.... انت يا يابا تصبح نبي.... يا صباح الخير يا عدال الميل...الراجل دا وديتو وين؟؟...الراجل دا اصلو البارح بدّع... بعد ما اعتزل الملاعب البارح.... لعب .. وراس حربة كمان...وجاب تلاتة اقوان...وواحد فيهن الله بيسعلني من دايرة السنتر...يا سجيمان ... تلاتة شهور.. تلاتة شهور تسعين يوم... الطيب دا يبيت القوا.... مباري لي ناس عبد الجبار" القبحة فوقو"...ويقعدو من العصر لي بعد صلاة العشاء مقابلين ستات الشاي....ويجي البيت... من دوب ما اسوي ليهو العشاء القاهو... يشخر نايم...اجيب الاكل اختو قدامو ..واصحيهو.. يحلف ما يرفع راسو..... يا الطيب قوم العشاء.... يا الطيب قوم اكل لك لقمة..... الطيب ووووووووخ يشخر.... الطيب قوم اتعشاء الليلة الاتنين.. ابدا... ووووووخ....الطيب اطرا نضم الرسول" عليه الصلاتو والسلام"...قوم اتعشاء الليلة الخميس ......ابدا.... الطيب بس ضوقو ساكت...وحات الرسول دا كُفُر ..كُفُر راسو عديل كدي.....زول ما يسمع نضم الرسول ما ياهو كافر....علا يا سجيمان انت ياكا صاحبو البصح بصح....وصديقو الروح بالروح...وعليك الله بس سوقو واقع بو المدايد دي.........
|
Post: #2
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: قرشـــو
Date: 11-17-2005, 10:55 AM
Parent: #1
سجيمان
كمان ياخى انت ما تبالغ ؟؟؟
|
Post: #18
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-20-2005, 11:09 AM
Parent: #2
قرشو
| Quote: كمان ياخى انت ما تبالغ ؟؟؟ |
بالغت المديدة..وشذت المخبازة
|
Post: #3
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: عبد الله عقيد
Date: 11-17-2005, 11:05 AM
Parent: #1
بالله يا سجيمان شفت الخرتوم دي اتملت محلات مدايد كيف!؟
محل ما تمد ايدك تلقى مديدة..
والكورية ترحمن تمد شلاليفك وتجغم.. واحد بلح بالعجوة
واحد دخن باللبن، وواحد حلبة بي شنو ما عارف..
وكلو لزوم النشاط والحيوية..
اول انت قايل ناس الخرتوم ديل يجرو النهار كلو خبارُن
ما ياهُن مدورين بالمديدة دي..
بس اوعك تفكر تجي تعمل ليك محل مديدة هِنا..
يا زول ناس البلد دي بلا مديدة يقابضو في الشوارع
فما بالك لو شربو مديدة بعد ما ياكلو الكوارع!!؟
|
Post: #19
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-20-2005, 11:45 AM
Parent: #3
عبد الله عقيد....
بجيك صادي..... حسعتية
|
Post: #20
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-21-2005, 06:54 AM
Parent: #3
ود عقيد
| Quote: بالله يا سجيمان شفت الخرتوم دي اتملت محلات مدايد كيف!؟ |
محلات مديدة..... ومستبشيات ولادة...... يخغمو المديدة ويتكاثرو
|
Post: #4
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: Osman Malik
Date: 11-17-2005, 11:59 AM
Parent: #1
no comment, but, up up up
|
Post: #24
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-22-2005, 03:27 AM
Parent: #4
عثمان مالك
| Quote: no comment, but, up up up |
والله ما اكسر خاتر... عشان جبرتا خاتري
برضو...up up up
|
Post: #5
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-18-2005, 09:52 AM
Parent: #1
انا عارف المديدة دي يتلومني... لكن برضو بديها رفيعة
|
Post: #7
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: nashaat elemam
Date: 11-18-2005, 10:24 AM
Parent: #5
سجيمان في الخرتوم؟؟
يا دكتور.. مرحب بيك كتير اولا في بلد المدائد.. وياريت لو طليتنا مره.. في صحيفة الراي العام.. بتلقى عدد كبير من البورداب.. وليك علي عازمك مديدة.. من محطة سبعة.. تقول للمدائد الانتا بتحكي بيها دي (انتي شنو) بس اوعى تديها لي صاحبك (داك) لانو ما اظن تلاقي حاجه (خجيجه) تاني يوم عشان تحكي ليك..
|
Post: #27
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-23-2005, 11:41 AM
Parent: #7
نشأت الامام
| Quote: وياريت لو طليتنا مره.. في صحيفة الراي العام. |
قدر ما كستا لي بكان للجريدة وقدر ما وصفوهو لي ما خبرتها......
|
Post: #8
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: saifkeli
Date: 11-19-2005, 02:29 AM
Parent: #6
تتجازى إنت يا الماخد الإجازة
البقت على صاحب سجيمان عرفناها ... البقت على صاحبنا سجيمان شنو ؟؟
|
Post: #9
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: شمهروش
Date: 11-19-2005, 02:40 AM
Parent: #8
سجيمان في السودان
بالالوان..........
ادينا خبر ياباشا...
المزرعة جاهزة عاوزين نعمل تحسين لنسل الماعز
|
Post: #33
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-27-2005, 06:42 AM
Parent: #9
شمهروش
Quote: سجيمان في السودان
بالالوان..........
ادينا خبر ياباشا...
المزرعة جاهزة عاوزين نعمل تحسين لنسل الماعز |
التلفووووووووون.........عليك الله
|
Post: #11
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: ابو جهينة
Date: 11-19-2005, 03:06 AM
Parent: #8
د. عادل
كل سنة و إنت بألف خير ..
الله يجازيك بالخير يا سي جي.
أها راجع متين ؟ و موضوع الزول داك حصل فيهو شنو ؟
|
Post: #34
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-28-2005, 10:27 AM
Parent: #11
ابو جهينة
| Quote: أها راجع متين ؟ و موضوع الزول داك حصل فيهو شنو ؟ |
راجع قريب... وموضوع الزول ما حصل فيهو اي حاجة...
|
Post: #29
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-25-2005, 10:24 AM
Parent: #8
سيف كلي
| Quote: البقت على صاحب سجيمان عرفناها ... البقت على صاحبنا سجيمان شنو ؟؟ |
غايتو يا سيف اخوي...... انا اتهجولتا في الدنيا دي جنس هجولة.....
|
Post: #30
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: jini
Date: 11-25-2005, 11:18 AM
Parent: #29
| Quote: والمتزوجين بمثنى و ثلاث ورباع...ومما ملكت ايمانهم... |
ولهذا كثرت الفتوحات الإسلامية فى عهد الإنقاذ!
الظاهر انك ناوى تستثمر فى المديدة
على الاعلان الترويجى دا الظاهر محلات المديدة حتديك 3 كور يوميا ولمدة سنة مجانا بس حاسب ما تشربن ليك ام الخير
وتكون 110 /220 )      
جنى
|
Post: #37
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-29-2005, 09:33 AM
Parent: #30
جني
| Quote: على الاعلان الترويجى دا الظاهر محلات المديدة حتديك 3 كور يوميا ولمدة سنة مجانا |
وانا حاعلب المديدة واصدرها جدة....... استعد
|
Post: #32
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-27-2005, 01:30 AM
Parent: #6
محمد الامين
| Quote: هاك الموقع ده خلي معاك |
شكرا
شكرا
|
Post: #10
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: JAD
Date: 11-19-2005, 02:40 AM
Parent: #1
د. سجيمان::
ما تجهجه الناس يا أخي ..
الباسطة ومحلاتها واضحة .. لكن التانية دي ... ()
|
Post: #35
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-28-2005, 10:51 AM
Parent: #10
جاد
| Quote: الباسطة ومحلاتها واضحة .. لكن التانية دي |
دي بقت اوضح من جامعة الخرتوم......
|
Post: #12
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: حمزاوي
Date: 11-19-2005, 03:07 AM
Parent: #1
سجيمان ود عم بله
كيفنك
أها يا الاخو
مع النساوين . . . مديدة الجن دي تعطي نفس المفعول
في انتظار شرابات المديدة
|
Post: #38
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 11-30-2005, 08:56 AM
Parent: #12
حمزاوي
| Quote: مع النساوين . . . مديدة الجن دي تعطي نفس المفعول |
ايوا يا حمزاوي..... ومفعول دبًل..... بدل اررررربعة واطا..... تمانية واطا...وواطاتك اصبحت
|
Post: #13
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: domdom
Date: 11-19-2005, 04:16 AM
Parent: #1
يأخي انا ماشي اجازة قريب بعدين انا شايف رطوبة ابوظبي رقدتني رميصة ممكن توصف لي محل المديدة الشديدة الشربتا منها جارك داك .
عليك الله حلفتك يازول وريني محلها
|
Post: #39
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-01-2005, 07:13 AM
Parent: #13
domdom
| Quote: عليك الله حلفتك يازول وريني محلها |
يا زول ها...محلات المديدة بقت اكتر من الركشة في الخرتوم....اصلك ما تضهب منها
|
Post: #14
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: ناذر محمد الخليفة
Date: 11-19-2005, 04:03 PM
Parent: #1
يا سجيمان في واحد جنبنا بتاع مديدة إسمو عوض فياغرا !!!
صنفرة :
المشكلة إنو البيجيهو كلو بيبقى مشبوه
|
Post: #15
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: showgi idriss
Date: 11-19-2005, 06:34 PM
Parent: #14
اشد الخدرة
ولا المديدة؟؟؟
يا سجيمان
أوع تقول اليق الويكة..
الجايزه... كوريطين مضيضة من السنبلة.. وكوز عيش!!!
|
Post: #16
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: Fadl Karrar
Date: 11-20-2005, 06:01 AM
Parent: #15
سلامات
وكمان فى نوع من الناس
يضرب فى الأول مخبازة جامدة
وبعد داك يقوم يديها كورة مديدة من النوع التقيل
زي دا تقولو عليهو شنو؟
|
Post: #43
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-10-2005, 03:53 AM
Parent: #16
فاضل كرار
| Quote: زي دا تقولو عليهو شنو؟ |
ود ابرك.........
|
Post: #41
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-03-2005, 01:43 PM
Parent: #15
شوقي ادريس
| Quote: الجايزه... كوريطين مضيضة من السنبلة.. وكوز عيش!! |
.....وشوال طلح
|
Post: #40
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-01-2005, 08:05 AM
Parent: #14
نازر
| Quote: المشكلة إنو البيجيهو كلو بيبقى مشبوه |
|
Post: #17
Title: المديده حرقتنى
Author: مجدى محمد مصطفى
Date: 11-20-2005, 06:25 AM
Parent: #1
يا سجيمان
قالى الزول يتغابى بى الكلام دمو يتلفو
رواد المدايد ديل حالهم معروف والزرل كان حس بى وهن او عجز بيلحق نفسو
لكن ناس السياسه ديل مهمل يكون الواحد واهن ولا عاجز ولا فتران ما بيستسلم ودة المضيعنا
ذى ناس الكوره جبتو شنو , اكتسبنا خبره يالأحتكاك
مح الود
|
Post: #21
Title: Re: المديده حرقتنى
Author: حبيب نورة
Date: 11-21-2005, 01:12 PM
Parent: #17
دكتور سي جي
كااااااااااك
ياخي الليلة ما قربت أموت من الضحك
أتزكرت كلام حبوبتي لي قريبتنا في ليلة عرسا
عن دور المديدة و كدة
اسمعني كدة
سمعت بي حاجة أسمها ( كراع عنقريب)
دي قالو الزوادة حقت يوم الخميس
بربطوها لي أبو الأولاد مع كورة الدلكة
وطبعاً المديدة دي ليها دور هام وطليعي في حياتنا
من زمن الجهل
شكلك كدة نسيت المديدة الحارة حقّّت المشاكل مع شفع الشارع
وبعدين هنا
ياخي انا مازاتي في الخرتوم
ودايرك سريع
حتي لو كنت في غرب الزلط
أديني كول و هكذك
وبرسل ليك العفش في المسينجر
|
Post: #44
Title: Re: المديده حرقتنى
Author: سجيمان
Date: 12-12-2005, 04:47 AM
Parent: #21
حبيب نورة
Quote: حتي لو كنت في غرب الزلط
أديني كول و هكذك |
اديتك..وما رديت......رسل الرقم تاني
|
Post: #42
Title: Re: المديده حرقتنى
Author: سجيمان
Date: 12-05-2005, 06:02 AM
Parent: #17
مجدي محمد مصطفي
Quote: لكن ناس السياسه ديل مهمل يكون الواحد واهن ولا عاجز ولا فتران ما بيستسلم ودة المضيعنا
ذى ناس الكوره جبتو شنو , اكتسبنا خبره يالأحتكاك |
ديل زمان واقعين المديدة..وداسنها من الشغب
|
Post: #22
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: Manar Mahsoub
Date: 11-21-2005, 11:52 PM
Parent: #1
اتاريهم ما كضبوا لمن كتبوا فى محلات المديدة ( مديدة من الفم للدم ) لكن مديدة صاحبك باين عليها كانت من الكورة للدم مباشرة ما مرت باى طرق تانية ... فكرة حلوه الواحد يعمل بزنس مدايد بس كيف نقنع جماهير الخليج بسرعة النتيجة ( علينا جاى صحى و طبيعى 100% من الفم للدم و تخلى ايامك كلها خمييييييييس) عافيه لوقوا.
|
Post: #45
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-13-2005, 04:14 AM
Parent: #22
منار محسوب
| Quote: لكن مديدة صاحبك باين عليها كانت من الكورة للدم مباشرة ما مرت باى طرق تانية . |
من الفم للدم...... لل.... القدم
|
Post: #23
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: Ahmed El-Neel
Date: 11-22-2005, 00:08 AM
Parent: #1
يا دكتور سجيمان ، الله يجازي محنك
والله من الضحك لما جاني صداع
ياخي براحة علينا شوية من الكلام الكباااااااااااار دا.
وكل سنة وانت طيب
|
Post: #25
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: Ali Alhalawi
Date: 11-22-2005, 03:42 AM
Parent: #23
سلام أشدّ من المديدة
يعنى يا سجيمان ناس "المديدة حرقتنى" كانوا عارفين سرّ المديدة الباتع ؟ .. المدايد ما عندها وب سايت نقعو؟؟!!
فلتسقط عصيدة الدخن
فلتسقط الملوخية
و ليسقط الجرجير
حتى القدوقدو
و لتحيا المديدة
|
Post: #47
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-15-2005, 07:27 AM
Parent: #25
الحلاوي
مشتاقون عدييييييل كدا
Quote: فلتسقط عصيدة الدخن
فلتسقط الملوخية
و ليسقط الجرجير
حتى القدوقدو
و لتحيا المديدة |
نعم....ولتحيا المديدة....بكل اشاكلها وانواها
|
Post: #26
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: طه حسن عبدالله
Date: 11-22-2005, 04:01 AM
Parent: #23
بالمدايد سجيمان بجاهد
برضو يسهر حتى الصباح
أولا حمدلله على سلامتك و ألخرتوم منورة بيك
الشى التانى إنشاالله نصيحتاً تخـِّدرك و كتر خيرك ما بتبخل على الاخوان
بى علاجات الرُكَب
و الشى التالت يا دكتور ما قالوا المحـّرش ما بيكاتل ؟؟
مع خالص ودى
|
Post: #48
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-18-2005, 04:24 AM
Parent: #26
طه حسن عبد الله
Quote: الشى التانى إنشاالله نصيحتاً تخـِّدرك و كتر خيرك ما بتبخل على الاخوان
بى علاجات الرُكَب |
والعجب ..... انت ما شفت.... شية سوق الناقة....والبيسو الشية
|
Post: #46
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-14-2005, 03:44 AM
Parent: #23
احمد النيل
وانت طيب........
|
Post: #52
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-21-2005, 02:30 AM
Parent: #46
تأملو المديدة جيدا قبل ان تتذوقوها
|
Post: #28
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: طارق جبريل
Date: 11-23-2005, 11:55 AM
Parent: #1
سلام يا دكتورنا يا لذيذ
تعرف نص العرب الخليجيين ديل بيجو المغرب لكن مكانتم عايزة عمرة ويضيعوا قروشم في الفاضي ساكت انا رأيي لو فتحت ليك محل مديدة في جدة وجنبو محل سفريات للمغرب بتكون ضربت عصفورين بي حجر ومنها بتكون عملت ليك قريشات
غايتو يا مقطوع الطاري الله يجازيك شديد
طارق جبريل
بيطري ضل طريقه في المغرب للصحافة
|
Post: #49
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-18-2005, 11:07 AM
Parent: #28
طارق جبريل
ازيك يا زومول
| Quote: محل مديدة في جدة وجنبو محل سفريات للمغرب بتكون ضربت عصفورين بي حجر ومنها بتكون عملت ليك قريشات |
لا... المحل اسويهو في مطار كازبلانكا...واكتب عليهو " مديدة...تطول العمر"... للعرب فقط...
|
Post: #31
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: Emad Abdulla
Date: 11-25-2005, 11:58 AM
Parent: #1
سجيمان ..
يكون يا ربي ؟؟؟؟؟؟؟
|
Post: #50
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-19-2005, 05:47 AM
Parent: #31
عماد عبدالله
Quote: سجيمان ..
يكون يا ربي ؟؟؟؟؟؟؟ |
ههههههههه
شكرا للكركاتير المعبر....... في السلك والله...هههههههه
|
Post: #36
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: معتز سعيد الحسن محمد خير
Date: 11-28-2005, 10:53 AM
Parent: #1
بسم الله الرحمن الرجيم
الأخ العزيز / د سيجمان
اطلعت اليوم علي موضوع المديدة وعذراً فلقد اصابني الغثيان من هول ما كتبت وساقتني اصابعي لبوست الأخ محسن خالد (اصلاح الكتابة بالمنبر) وذكرني هذا البوست بمقال لدكتور البوني في إحدي الصحف يتحدث فيه عن ظاهرة شغلت الناس في الخرطوم وهي ان بعض الأجانب من غرب افريقيا يقومون بمصافحة الشخص فتختفي اعضاءه التناسلية وتناول الموضوع بعبارات سوقية لا تليق ان يقراءها الناس عبر الصحف وكان لابد ان يكون تناول الموضوع من جوانب العلم والدين والمجتمع ومن يومها ودعت عمود البوني علي غير رجعة اسفاً علي قراءاتي الماضية لكل ما كتب ولانك عزيزاً علي واعلم ان الخير موطنه قلبك قررت ان اخاطبك. واعود لك واقول ان قلمك الرشيق واسلوبك السلس وقامتك يا دكتور لا تتناسب مع ما نشرت وكما عرفتك ناشراً للإبتسامات عز علي ان اتجاهلك فهذا نصحي لك ممزوجاً بتحاياي ولك الود.
معتز
|
Post: #51
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: intehazy
Date: 12-20-2005, 07:52 AM
Parent: #36
up
up
up
|
Post: #53
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-25-2005, 08:03 AM
Parent: #36
الاخ معتز
شكرا جزيلا
نقدك محل تقدير
|
Post: #54
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: ود شندي
Date: 12-26-2005, 01:44 AM
Parent: #53
شكيتك لـ الله والرسول
والله البوست عوز الانتايه الحايمه
هيييييييييييييييييع
يا سي جي مــــان ما تخلي حاجات الصبين دي
|
Post: #55
Title: Re: المديدة.. الشديدة... تشد شديدك اشدّ من الفياغـــرا " للكبار"
Author: سجيمان
Date: 12-26-2005, 04:11 AM
Parent: #54
ود شندي
Quote: يا سي جي مــــان ما تخلي حاجات الصبين دي
|
افو يا ود شندي
الللكل والشراب دايرات لهن صبين؟
|
|