العجــب العِجــاب...... العجــب حبيــبي

اتوحوح...........وقال لي ...... يا سجيمان اخوي بدور شورتك.....؟قلت لو جدا ومالو..............قال لي بدور اعرس تاني......... الحقيقة انا اتخلعت واتهجمت... قلت لو يا النذير اخوي طول بالك..........ومالك؟.... بتدور تعرس تاني وعندك مرا ان ختوها فوق الجرح يبرا؟.......... قال لي...... الجرح يبرا؟....دي ان ختوها فوق واطة الله دي..... يقوم للواطا جرح..........
سجيمان يا اخوي.المرا دي شترا......... المرا دي انا لي حسي معرسها لي عشرة سنوات..... محرقة لي بالمكوى......تلاتة وعشرين قميص...وسنعتاشر بنطلون.......وستاشر جلابية جناح ام جكو.....وحداشر جلالبية جناح ام دفسو...ام العمم ما ليها حد......ومحرقة ليها.....تلاتة وتلاتين حلة ملاح....ومكسرة ليها اتناشر طقم عشا......دي شبة طقم عشا دي؟......وكبابي الشاي والشربات ............. اسكت ساكت...بدور لي مرا مسقفة .. مرا تعرف تنضم...... تعرف تكوي الهدوم سمح.............. مرا تعرف تنوم وترقد سمح متل امة محمد........المرا رقدتها تتلولو في بعضها....وانا الليل كلو افرتق فيها...وخايف ان صبح الصباح.واللولوة زادت ما اعرف افرتقها..........وبعدين اكبر جراح ما يعرف يفرتقها وما يعرف فيها شي.........
مرة يا سجيمان اخوي ..........وانا راجع من الشغل نص الليل والدنيا برد شديد..........ادخل العوضة...........واولع اللمبة السهّارة........وانا العيونات خلااااص متل ما انت شايف والشوف شبه.... اشوف لك الشي المتكومة في نص السرير و متغتية بالبطانية.............قلت اصحيها في شان تسوي لي العشا............عليك امان الله يا مومن يا مصدق ............. لا لقيت لي وشي؟..ولا لقيت لي راس؟....ولا لقيت لي كرعين؟...ولا لقيت لي ايدين؟.....ولا لقيت لي ضهر؟.... لقيت لي وشيّن ملصوقات في بعض.....لكن يا سجيمان اخوي الوشي الواحد........... لا فيهو خشم لا فيهو نخرة لا فيهو عيون لا فيهو عضم ساكت........وشي املاااااااااااااااااااااس.... داير اجن.....بعددددددددين عرفت انو....... اللتاريها المسنوحة كانت نائمة الهوبة....
عارف يا سجيمان المرا دي اول يوم تجي السعودية..............وانا مقابلها في المطار.....واتاوق واعاين لها في الصالة مع الناس الراجين نسوانهم .....اشوف زولتي الما تغباني....من بعيد تضلع وتعتب.....اول ما شافتني بطول حسها.. تكوربك لي....... النذير النذير......ما عندي عوجة علا فردة النعال......فردة النعال عودا اتقلع.........سكتنا ....جات عند الجمارك......... جايبة معاها سبعة حجبات..... ناس الجمارك يفرتقو الحجبابت حجاب حجاب......وهي تكوريك لي .......و الصالة دي صنننننننننننننننننن.. النذير النذير.......... الحق الجنون فرتقو الحجبات... قلت لها الحجبات طايرات...خليهن...............وانا ايدي فوق قلبي...... ما يقومو ناس الجمارك.... يفرتقو الحجبات ويقولو ليها علا تقري النضم المكتوب في الحجاب دا شنو؟............. علا جات سليمة.............
مرقنا من المطار........ركبتنا في الليموزين....... اسمع لك المرا تبكي..... يا ولية مالك؟......... قالت لي اشتهيت الحرم اختي.......نهرتها و قلت لها.......... تحرم عيشتك الحرم دي ما كانت معاكي قبال ساعتين.... متين لحقتي تشتهيها.....حتين سكتت....بعد شوية عاينت...... لي سواق الليموزين الباكستاني..... وضحكت وقالت لي.......النذير؟.... صلاتي علي النبي......جايب معاك كفيلك.....وجاين تقابلوني؟.....قايلة السواق كفيلي يا سجيمان.......وبتستفرني وتقول لي جايب معاك كفيلك؟......الله كفلك بالكية

looooooool

سجيمان يا نسمة في عز الهجير انت الله يديك العافية

ويعافيك.......... يا عمي تنقو

looooooooooooooooool

كفيلك الباكستاني دي عجبتني


قومرفيق انا يريد يسوي كنسل هذا فيزا انت لازم سير بلاد كده مافي زين انت شغل من شان انا

عباس



انت قايل بعيدة يجي يوم زي دا؟

سجيمان أبدعت والله ..
وسجم الرماد دي أخير ليهو من ناس غدانا الليلة شنو يالنذير ( وحراق الحلة ولا فراقها

سلام مربع

سجيمان
هل تدري انت واهل العوض وشانتير (خربتو) نضمي (تب)

؟؟؟

انا من قبيل شايف بوستك دا لكن ما دخلت عليه

لو كنت عارف زهجتى بتفك فيه كان دخلت من الصباح

الله يجازى محنك...ياسجى...انت بتجيب اللكلام دى من وين

ولك ودى

سي جي
أولا الراجل معاهو حق يشورك في زواج مرة تانية ( دي شترا بالحيل ).
بس القطع المصران من الضحك ، المرة الما بتعرف ليها .................
إن شاء الله تكون أتوفقتو ليهو في واحدة تانية ؟

ها يا سجيمان ... عليك الله قول للنذير المفرتقا شنو ... هو انت

لاقي واحدة ما بتتفرتق ... قول ليهو الزي دي يكوسولا كواسه ما

يلقوها ....


ملاسى

ملاسي


خلي بالك اختها الحرم لي حسي ما عرست.......مافي داعي للكواسة

كل ما اشوف بوست لي دكتور سيجيمان واشوفك يا ابو جهينه داخل بجي جاريه على ملا وشي عشان اقرا التعليق
انا بعتقد انه اجمل تعليق في الدنيا في بوست الرغيفه
لما سيجيمان حكى حكايته الما ليها حل وانت دخلت عليهو قلت ليهو
ما توسعو السبلوقه
بتذكر التعليق دا وانا في الشارع بقعد عديل كدا لما تخلص حاله الضحك الهستيريه
الله يخليكم وبخلي ليكم عيالكم بقدر ما بتسعدونا

سجيمان
صاحبك دة قول روق والله يمشي يعرس تاني ويقع في واحدة من جماعة في الحتة دي الا
توريهو جنو ويبقي هو المابيقرتق.

اسعد


ازيك يا راجل


في الحتة دي؟ يعني شنو؟

راوية


وحات سيدي


نورتي البوست.... بي صورتك الما خايفة عليها... ولا علينا

ابو جهينة

ترانا كايسين..... لكن عاد ما بعرفو...كان نلاقي واحدة بتعرف ترقد ولاّ لا؟

ابقوتة


كويس زهجتك فكت..... لكن البي يفك النذير شنو؟

يا شيري


قولي عدلتونضمي تب

علي عثمان..........ناس غدانا الليلة شنو ديل عزابة؟

سيجمان
ياسلام عليك طلعتنا من الزهجة ربنا يديك الفى بالك
بس اوعه تكون مذى العجب حبيبى
تحياتى

سيجمان


بنى كربو دا هو الجايبو من الشغل شنو بعد نص الليل ما يخليها
فى هوباتا امكن تجيها زكمة تغطس حجرا

شقى الحال تلاقيهو الهوبه فى سريرو

دورنقاس


يخلي اهلو وبيتو عشان هي تنوم الهوبا؟ النضم دا مو اعوج؟

بلدي يا حبوب.............ز


الزهج لزومو شنو؟.......مافي داعي ليهو


وبعدين نضمك الاخير دا ما وقع لي

والله يا سجيمان قول لصحبك ده ما تفرط في الولية دي
دي عملة نادرة جداً في الزمن ده

مين؟ كبسيبة في هوبتنا؟


اهل يا راجل

لا عملة نادرة ولا حاجة..........تعال هناااااااااااااك ونوريك زريبة

حسام


مرحب بك شرفتنا

والله ياسجيمان أخير العزابة عارفين راسهم من كرعيهم .. لكن ديل ياخوي جايين عشمانين في الحلة تقوم تقول ليهو والله صحيت حسه ولا الليلة كنت محننة ( عليك الله كان غشيت معاك البيك ولا ...

ايواااااااااااا يا علي عثمان....ديل ناس السعودية


الواحد يمرق يخلي المرا نائمة.....ويرجع يلقاها نائمة وزادت اربعة كيلو.........اخر السنة يمرقها من الشقة بالتجزئية

السيد سجيمان
تبدو القصة في شكلها الفكاهي أو قل ذلكم الأسلوب السهل الممتنع الذي تمارسه سعادتكم في كتاباتك هنا وكأنها قصة هزيلة إلا أنني نسبة إلى ولعي بالقطط والكدايس والكلاب البوليسية والكلاب الضاله وبحاستي السابعة بعد الأنف أجد أن بين السطور وميض نار أو قل موضوع هام وخطير ومثير ، يفوق خطورة قرار النذير بالزواج للمرة الثانية أو ربما الثالثة والرابعة متى توفرت السيولة لدى النذير.
موضوع الزواج والتوافق يجعل مثل زواج نذيركم هذا نذير شؤم فمفهوم نذيركم للزواج أخي سجيمان لا يتعدي مكوة جلابية أو خت صينية الغدا وربما عمل كباية شاي ووجود النذير في البيت لا يكون إلا لضرورة تتمثل في ملء كرشه أو قفل جفونه والذهاب في سبات عميق بشخير وزفير وشهيق ، إذن العيب ما في قرينة هذا النذير والتي أكاد أجزم لو كان لها الخيرة في أمرها لما تزوجت مثل هذا النذير لأن زوجها أو قل حياتها الزوجية بعد إقترانها بنذيركم لا تعني سوى أنها إنتقلت من طور الشرنقة إلى طور اليرقة إى تقهقرت وعادت إلى الخلف برغم إن ذلك مخالف لناموس الكون وقوانين الطبيعة لكن كل شئ جائز ما بقى في الدنيا رجال بعقلية هذا النذير.

مولاي امير المومنين الملا عمر حفظه الله ورعاه


ذكرت انها تحولت من طور الشرنقة الي طور اليرقة؟............وانا اقول المرا دي بتتلولو مالها؟...... هي اتاريها متيرنقة...مسيكينة...... لله درك يا مولاي....لقد اصبت كبد الحقيقة............ يا بتاع الكبد انت

دكتور سجيمان آآت سودانيزأونن لاين دوت كوم
يا أخوي مرت النذير ما متيرنقه من شويه من العليها وحالة يرنقتها أتت من كونها عاشرت النذير لفترة تزيد عن الأربعين يوما ولم تفر منه خوفاً من الفضيحة ربما أو إستمرارها مع الفضيحة وقبولها لقب مدام النذير وربما يكون تشخيص هذه الحالة عائد إلى حالة تشرنق ذلكم النذير وبقاؤه على حالة كونه متشرنقاً ردحاً من الزمان بعدد سنين عمره وإلى يومنا هذا ، وحيث أنه إذا عرف السبب بطل العجب والعجب هنا هو مهاجم وهو كما تفضلتم حبيبي للمتكلم طبعاً لان الأمر لا يعنيني فأنا من بدء التكوين لا أشجع كرة القدم بوضع الحالي في السودان وأصبحت بقدرة قادر أميل لتشجيع أندية على شاكلة إنديانا بسيرز وشيكاغو بولز وميامي هيت حيث أن كرتنا تعتمد على رأس حربة - بالمناسبة توفي مخترع حلاوة حربة الأسباني فلان الفلاني عن عمر ناهز الكم وتسعين سنه له كل الذي وفره لأسرنا من صابون بعد إختراع حلاوته الحربه - على شاكلة العجب وعجبنا هذا لا يجيد` تسجيل الأهداف لا بالقديمين ولا بالرأس بالرغم من طول القوام الفارع الذي حباه الله به والعجب هو عنوان مقالك وأخيرا العجب هو رد فعل كل من سمع أو رأى تصرفات نذيركم هذا.
إن الداء في هذه المعادلة الكيمائية المعقدة هو النذير بشحمه ولحمه ولا أدري إن كان قد بقى في عروق أمثاله قطرة دم واحدة عليه فإن الدواء هو أن تعملوا جاهدين بما أوتيكم من علم وقوة وجاه ومال وفقه على إخراج النذير ومن في حكمه من هذا الطور طور الشرنقة حتى يصبح كاملاً أو شبه كامل ولو على هيئة حشرة تستطيع أن تفهم معني الحياة الزوجية ولو في حدود مملكتها المتواضعة وبفطرتها وغريزتها المحدودة والتي برغم محدوديتها لم يستطيع النذير أن يصل إلى بضع درجات في سلمها.

الملا عمر


كلنا شراقنة....ويراقنة...

الملا أخوي

Quote: أجد أن بين السطور وميض نار أو قل موضوع هام وخطير ومثير

عليك الله خلينا من البين السطور ده وإستمتع معانا بالمعنى القريب البيتبادر للنافوخ ..
سجيمان .. لكن ماقلت لينا زولك ده أول ماشافها كانت مفرودة بي مكوة سيف ولا شنو

علي عثمان



شافا...مشرورة

سيجمان
قاصد اقول ليك
بس اوعه تكون انته العجب حبيى ذاتو
عزرا ان نقصت بعض الحروف
وليك بقول ده من الحروف ولوحة المفاتيح البتكرر الحروف وانترنت السودان البقطع ذى النور وبرضو تحياتى

بلدي يا حبوب



انا عجب الفيا

سجيمان الرمدان
كيفنك....معليش انقطعنا منك لكن متابعنك

عندنا واحد كان معرس عمة صاحبو....بعدين قام طلقها...طبعا صاحبو زعل ....كيف يطلق ليه عمتو ويرميها ليهم فى البيت....واصلو ما مشى سال صاحبو لى وفوق شنو طلق عمتو...قام الزول رسل جواب لى صاحبو ووراهو لى طلق عمتو وقال ليهو انا طلقتها لانها بتجى ترقد بالليل فى السرير بى بصلها وتومها وعجينهاوريحة ملاحهاووووو.....اها صاحبك الكلام دا بقى ليهو كضب كضب...قام لمن رجع البيت بالليل لقى عمتو نايمة فى نص الحوش وقام قرب منها لقاها نايمة بنفس المواصفات الذكرها ليهو صاحبو....قام صحاها وقال ليها صاحبى ليهو حق كان طلقك...وقام مشى خلاها....اها المسكينة لى يوم الليلة ماعارفه لى طلقوها ولى ود اخوها صحها نص الليل وقال ليها كدا....

عثمان حمد

Quote: لكن متابعنك

دا المهم

up

شكرا خضر..

والألذ: شوفتا مشرورة!!!!

رضي الله عنك وأرضاك: سجيمان : أضحكتني في يومي العجب العِقابْ دا.

جورج شرفت البوست