شـــيوعيــة.......بـت الكلــب

علي ود عبد القادر...... ماهو قاري بالحيل..... قراية غايتو تقريهو الجواب..... ويعرف السلام والكلام.....علا مسوي نفسو فاهم......مكجن حاجتين في الدنيا....البعوضة والشيوعين......قال البعوضة بي تحمي الناس النوم...... حلف مرة قال مرة هو راقد في الليل ومتمسح بي زيت رجيع العربيات عشان البعوضة ما تقرب لو.... حلف انو البعوضة جات... وقت لقتو متمسح بالزيت شالت طرف الملاية ومسحت الزيت وبعدين عضتو....
والشيوعين بيحمو الناس النضم..... وبيشربو العرقي....وحاسدين عديل كدي.... كان مو حاسدين همهم كلو يبقى الناس العندها قروش؟......و مقانبين سيدي...
امونة بنتو...... اتقدمت في القراية...مشت لي عند الثانوي......لكن هو بعدين بنتو دي ما عجبتو..... البت بقت نضامة.....ومتفلهمة....وتقاضم في الناس الكبار....ومرة لقاها مع امها تهرج .....وزعلانة قالت كيييييييييييييييف يطهروها فرعوني... والنضم دا اعوج....وبعدين البت بقت ما عندها شغلة غير البحليّق في التفلزيون.....وقدر مافي شيوعي فنان ولاّ شاعر..... هي تقعد ....تردد في غناهو....ومرة لقاها تصفق وتغني مع شيوعي كبير ...وفنان كبير غنية امة الامجاد....

امتي يا امة الامجاد والركشة السريعة


يا نشيدا في دمي جنو وجــــن الشريعة

وقت وصلت كلمة لا تبالي.... وما غاظتو الا كلمة لا تبالي دي.... زعل بالحيل.....دقاها دقة بت الكلب..... لمن ناس الحلة اتلمو....وحجزوهو منها..... وسعلوهو ....... قال لهم النضم داك كولو سكت عليهو علا البول دا لزومو شنو؟....... مسيكين قايل... تبالي.. يعني تبولي..... لكن بالفلهمة......قال لهم عليه العوض ومنو العوض بنتي.. شاعت......ومن بقت تباري في البنوت الشايعات ديل...... انا قنعت منها.....وانا عارف ناظرة المدرسة التا..... اكبر شايعة......من نضيضيراتا ديل.....وهي العلمتنن النضم دا.....حلف طلاق تاني ما تعتب باب المدرسة.....ولا تقرا لها جريدة......ولا تتفرج في التلفزيون.....

سجيمان قال..... البلد فيهو كم زي علي ود عبدالقادر...؟ كتاااااااااااااااار..... حتى فيهم ناس بيقرو ويكتبو......ومكملين حد القراية....... علا القلم ما بيزيل بلم.....

سي جي

الله يجازيك بالخير ، قول آمين.

أولا بالتبادي : البت دي طهروها فرعوني و إنتهى الأمر ، كيفن تجي تقول لي أمها كيييييييييييف ؟ يعني الأم تصلح الغلطة دي بأثر رجعي كيييييييييييييييييييف يا سي جي ؟ مافي طريقة ، مش ؟
عشان كدي الأب معاهو حق. البت شعوعية من يومها. بت الذين ، تستاهل طهورة فرعونية إخناتونية.

ثانيا : الراجل برضو عندو حق يسمع كلمة لا تبالي ، يسمعها ( لا تبولي ) لأن الجماعة كانوا بقولوها و خشومهم مضمومة ( ما بعرف كانوا ماكلين شنو ) ، فتنقلب الألف إلى واو ، و هي التي جابت الكفوة للبنية بت الكلب.

أرقد عافية

ابو جهينة

آمين

لكن البت................ما باقي لك اطلقت....وفاتت الميِز

سجيمان انت زول معتدي على أخواناواخواتنا الشيوعيين ، وماليك حق ، الراجل بتاع حلتكم ده لا يعرف أسس التعايش السلمي ، وهو يمارس القهر صربا وركلا ويمارس القهر الاجتماعي ، فيحلف بالطلاق ،
البنية يا أبو جهينة عندها حق تحتج وتطالب خاتنيهابتحمل مسئوليتهم تجاهها ، صحيح أنهم لا يمكن أن يصلحوا ما افسدوه لكن لابد من أن يعترفوا بفعلتهم ويعتذروا عنها أو يتحملوا تبعاتها الجزائية ،
لماذا كل متحدث لبق ، يطلق عليه الناس في القرية لفظ شيوعي ؟

الجماعة كانوا بيتونسوا ، واحد قال للتاني :
الليلة ألكسي كوسيجين وزير خارجية الاتحاد السوفيتي رايح يزور الصين
قال الثاني
يا أخي كوسيجين ده ما بتاع الاتحاد السوفيتي ، بتاع الاتحاد السوفيتي لازم اسمو ينتهي بي اوف زي خروتشوف
فساله الأول :
يعني ابن عوف اللي معانا في السوق يكون سوفيتي
رد الثاني
لا مش سوفييتي ، بس تلاقيه شيوعي ابن الكلب .

ود قاسم


كيفنك؟



والله قصة ابن عوف ضحكتني لمن شرقت

قلت لي بت القرية رددت مع التلفزيون؟
سمحة قريتكم يا سجيمان سماح مترف
أنا كانت هوايتي زمان أزور الريف السوداني لمن كان أخوي الكبير الله يديهو العافية شايل البيت و ما تيسر من الأهل كان أنا ماعندي هم غير السفر و شفت عجايب في سودان العز و في كل الأطراف بلا أدنى إستثناء سافرت في كل إتجاهات الجغرافيا بلا تفصيل ممل
و قفت شاهدآ على الجوع و منتهى المسغبة دع عنك الجهل فالبنات الحليوات ما فاضيات للقراية من وردان الموية و جمع الحطب لعواسة الدوكة و هناك فقط ينهزم القائد السياسي السوداني حيث لا فرق بين شيوعي و طالباني كلهم مقصرين يا سجيمان و عاجباهم الخرتوم بشكل محزن! الناس جيعانين و عريانين كيييييف يفرزوا ليك المرشحين؟
تقول لي تلفزيون ؟ بالله يا جماعة أقرب زول يشوف سجيمان الجن دة يعضيهو شديييييييييد و يوهب لي العضة دي لأنو قوم علي العصبي وما عارف بلدو وين
الناس يا إبن عمي بينتظروا التانكر عشان يشربوا موية في حلوقهم و إنت مع الغنا و الشعوعيين من بكانك دة أمشي لي كل من تسول له نفسه بقيادة شعبنا و قول ليهم إن تقسيم ثروة السجم يبدأ بإعادة تعريف الفقر و ما هي القرية و من هو المظلوم؟
وأسأل واحد يحكي ليك نكتة التانكر جا؟ يا رفيهان يا رويقان

حاج الطيب بشير


يا زول عليك الله شيل اصبعك وختو في رقبتك من قدام.................. في ضمتك دي انا قلت القصة دي في قرية ؟.....ولاّ جبت سيرة قريتنا؟..............ما ممكن تكون اسرة قروية وجات سكنت الخرتوم

بيني وبينك كده يا سي جي

البنات نضمهم كتر

لكن صدقني الواحده لما تعرس ده كلو بطير ليها

وربنا يسهل الامور

ويرضو يعرسونا بعد الدبل ده

ابو وشاح............. نعل يل زول ات مو مدبل؟......

دكتور سيجيمان
كل سنه وانت طيب
يخلي ليك وليداتك وامهم
وتشوف جديدهم قادر يا كريم

شكرا يا راوية


كل سنة وانتي طيبة.....وربنا يحقق امانيك

الاخ سجيمان

لك التحية عمنا على ود عبد القادر دا امتداد لي أعمامنا عبد الرحيم والحاج ود عجبنا على العموم تداعيات مكملة لي بعض بس الله يكفينا شر البعوض انا من ما تجي سيرتها جسمي كلو بكش عشان عندي معاها تجربة مريرة وتحية لي أمونة بت الشيح حمد اقصد أمونة علي عبد القادر والله قادر يا سجيمان

وليد

وليد


الله قادر وبس؟........... شوف وين امونة...ووين جواهر؟

دكتور سي جي

كل سنة وانت والاسرة بالف خير

مايا



كل سنة وانتي واهلك بخير

البت فسدت ... شيوعيه بت الكلب!!؟

سجيمان

سواق امجاد قال لاحد الركاب نحن المستقبل
تنبىء بنا الم تسمع الشاعر بقول
امتى يامة الامجاد

اما الشيوعى صاعة النجم البحمى الناس النضم

واحد من الشباب شيوعى حكيت ليه نكة:قلت ليه واحد قال
السودان دا مطور شديد قال لى اكيد الراجل دا كوز
قلت ليه دا هندى قال لى برضو كوز

سلام مربع

كلوا بخلط على بعضو
لا هذا عايز يفهم
ولا دا عايز يقيف يسال الحاصل
شنو
وفي النهاية نحن الضائعات
بين تعنت اؤليك وتزمت هؤلاء
والنتيجة شعب يفتقد الى الترو

وكل سنة وانت طيب

ابقوتة

هندي وكوز؟........دا يكون من السيخ

ليه يا هوبفل...... بيلصقو الحكاية دي في الشيوعين؟

سجيمان
والله على قولك قصة ابن عوف كل مااتذكره اموت من الضحك الناس فاكرني جنيت الله يديك العافيه ياابو قاسم
عارف ياسجيمان كلامك ده مع انو في شكل قصه بسيطه وحتى ابطالا ناس بسيطين
لكن جد بيتخللا كلام جد مهم مهم مهم
يديك العافيه يازول يافاهم
لك التحايا
نوف

نوف............ شكرا لك انت الافهم

واحد للتانى:داك شيوعى
عرفتو كيف؟
شفتو

وقيل الشيوعيه ديل اصناف اصناف,صنف يعرس اخته و صنف يعرس امه....وصنف الله عديييييييل ما بعرفو !!!!!!!!!!

حكى احد المعارف عن مرشح للحزب الشيوعى فى الجزيره وكان يعمل معه فى حملته الانتخابيه 1986 والمرشح نفسه مزارع انه يقوم بالندوات فى القرى , يناقشوا الناس فى مشاكل المشروع و الحياه,ووجدوا استجابه جيده,قال بمجرد خروجهم من القريه ياتى مرشح حزب الامه نازل ويلم الناس "عرفنا الشيوعيين كانوا هنا وقالوا ليكم كذا وكذا عن المشروع,الكلام ده كلو كويس ,بس فى الكلام التانى الما قالوه ليكم,الشيوعيه ديل بكره يصلوا الحكم,امك ....ظوووط (ومع هذه الظووط حركات بالايدي تكمل الصوره فى اذهان الحضور) اختك ...ظوووط,مرتك....ظوووط... قال الرجل من كل هذه القرى تحصلنا على مئات قليله من الاف الاصوات وفاز المرشح الظوطاوى.

علا يا سجيمان هم بعرسوا امهاتن؟؟ اكان كدي على ود عبدالقادر يحمد الله الوقفت على البول

يا مراويد

الجماعة خافو من الضوط دي وفوزو الشيخ الزوطاوي

أحمل لبلادي

حين ينام الناس سلامي

للخط الكوفيّ يتم صلاة الصبح

بافريز جوامعها

لشوارعها

للصبر

لعليٍّ يتوضأ بالسيف قبيل الفجر

أنبيك عليّاً

مازلنا نتوضأ بالذل

ونمسح بالخرقة حد السيف

ما زلنا نتحجج بالبرد وحر الصيف

ما زالت عورة عمرو العاص معاصرةً

وتقبح وجه التاريخ

ما زال كتاب الله يعلَّقُ بالرمح العربية

ما زال أبو سفيان بلحيته الصفراء ،

يؤلب باسم اللات

العصبيات القبلية

ما زالت شورى التجار ، ترى عثمان خليفتها

وتراك زعيم السوقية

لو جئت اليوم ،

لحاربك الداعون إليك

وسموك شيوعية

مظفر النواب

شقرور


شكرا لقصيدة الرائع مظفر

up

سلام اخويا سيجمان لك محبتي وتقديري من الطرائف عن الشيوعية كتيرة وظريفة علي سبيل مثال عندنا في اهلنا واحدن شوعي بقلوليهو عسيلات طبعا ساكن في السجن عديل مرة بنتو مشت تجيب اللبن من عمها ودالزين اها المسكينة شايلة البستلة واقفة قدامو زولك سالة اها دايرة شنو قالت ليهو لبن اها جبتي قروش قالت لا ما عندنا ابوي في السجن عمك قال ليها وقت ما عندوكم قروش فوق شنو دايرن تقلبو الحكومة؟
من الطرايف عمتن لينا حاجة زينب اها دي راكب في راسة انصار السنة ابان دقون ديل شيوعية بتحزرنا جادة ما نمشي جامع ابان دقون الشوعية الكفار ديل برضو تقول لي ديل