Post: #1
Title: عنــدمــا...عصــلجـت التســعة
Author: سجيمان
Date: 01-08-2004, 07:45 PM
Parent: #0
جيت قريب ا لعصر من حتة اسما راس الشيطان......ما بشوف...في حالة بتاعت تصالح مع نفسي.... لدرجة اننا عاوزين نتقاسم الثروة...... رقدت فوق العنقريب..... سرحت..... فجأة لقيت نفسي قاعد اعد من واحد لحدي عشرة.... في سري.... واحد اتنين..... تلاتة..... اربعة... خمسة... ستة.... سبعة... تمانية..... عشرة...... تاني قعدت اعد في اصابع يدي.... برضو نفس الحكاية.... اكتشفت انو في عدد ناقص....يا ربي العدد دا شنو؟...... اتاريني ضيعت التسعة كلو كلو...وودرتها.. وقدر ما كست لها ما لقيتا... انا متأكد انو في عدد ناقص لكن ياتو دا؟....... قلقت قلق شديد لضياع التسعة دي..... قمت صنقرت في نص العنقريب...وعديت تاني ...... نفس الحكاية... تمانية وطوالي بعدا عشرة..... انا اخوكي يا ام روق..السوفت وير ضرب... قلت انا امرق برا.... وما اسعال لي زول كبير عشان ما يضحك فوقي..... اسعال لي شافع... لقيت ود جيرانا شافع عمرو سته سنوات.... سعالتو يا ولد بي تعرف تحسب؟... قال لي ايوا...... قلت لو انت راجل احسب لي من واحد لحدي عشرة....... شافع الغزالة....حسب لحدي خمسة ووقف....قال لي تاني ما بعرف.... لكن انت يا عمو سجيمان عيونك دي مالا صغيرونة كدي؟....... خليتو رجعت البيت تاني ..... قعدت في طرف العنقريب...وقعدت اعد تاني.... ابدا انتي يا تسعة الجن....ما دايرة تجي.....فجأة كدي اتذكرت التسعة.....والله فرحت جنس فرح زي الجابو لي ولد...... لكن بقيت في مشكلة تانية.......التسعة دي يا ربي قبل التمانية؟ ولاّ بعد التمانية؟....... صاحبي حسبو كان معاي في البيت... في المطبخ حالتو مو اخير من حالتي... كنا سوا في راس الشيطان.........كان قاعد يغني ... وهو طوالي كدي... واي غنية حافضا غلط..ويصوطا من اولا لي اخرا......... كان يغني في
آه من صفارو العز جدي
وعينو المتل عين السيد علي
وقدر ما حاولت اوضح ليهو انو..... صفارو العسجدي. وعسجد يعني دهب.... قال لي يا سجيمان عليك الله بطل المكنات.... في دهب عندو عيون؟...... العيون عند العز....وعند الجدي.....
خليتو تمّ الكوبليّ دا.....وكوركت ليهو...... يا حسبو يا حسبو.... يا اخوي.... انت التسعة قاعدة تجي قبل التمانية و لاّ وبعد التمانية؟........ قال لي شنو؟ رددت السعال تاني..جا مارق برا وقعد يفكر بعمق شديد جدا.....و قال لي ....والله ما شفتهن
|
Post: #2
Title: Re: عنــدمــا...عصــلجـت التســعة
Author: mohamed osman bakry
Date: 01-08-2004, 08:01 PM
Parent: #1
احســن ما قاليك بجو سوا
كان لف راسك زيــــــــــــــاده
|
Post: #3
Title: Re: عنــدمــا...عصــلجـت التســعة
Author: Hussein Mallasi
Date: 01-08-2004, 09:36 PM
Parent: #2
سجيمان يا اخوي .. هو انت من الزمن داك و لي اسه كايس ليها ....
كدي قوم اكسر حظك و تعال ...
ملاسى
|
Post: #9
Title: Re: عنــدمــا...عصــلجـت التســعة
Author: سجيمان
Date: 01-09-2004, 02:58 PM
Parent: #3
حسين يا ملاسي
انا حظي ما بتكسر........ دا زي الفيروس.. باني نفسو من الحلايا
|
Post: #7
Title: Re: عنــدمــا...عصــلجـت التســعة
Author: سجيمان
Date: 01-09-2004, 02:01 PM
Parent: #2
محمد عثمان بكري
انت قايل لو عصرت عليهو ما كان قال لي كدا؟
|
Post: #4
Title: Re: عنــدمــا...عصــلجـت التســعة
Author: بدرالدين شنا
Date: 01-09-2004, 06:31 AM
Parent: #1
| Quote: آه من صفارو العز جدي |
آه من ضياعو التس عدي
|
Post: #5
Title: Re: عنــدمــا...عصــلجـت التســعة
Author: HOPEFUL
Date: 01-09-2004, 07:57 AM
Parent: #4
جايي من راس الشيطان .. وعيونك دقاق .. وداير تتذكر التسعه??
الا تبقى حاوي بعد دا...
بس سعال دحين رأس الشيطان دا مش قطعوهو الجماعه ديل؟؟؟
|
Post: #13
Title: Re: عنــدمــا...عصــلجـت التســعة
Author: سجيمان
Date: 01-09-2004, 08:53 PM
Parent: #5
هوبفل
ابدا وحاتك لا قطعوهو لا حاجة....... قامن لو شتول كمان
|
Post: #11
Title: Re: عنــدمــا...عصــلجـت التســعة
Author: سجيمان
Date: 01-09-2004, 06:40 PM
Parent: #4
بدرالدين حلاتو
هو ضاع؟؟؟؟؟؟؟؟
|
Post: #6
Title: Re: عنــدمــا...عصــلجـت التســعة
Author: Osman Hamad
Date: 01-09-2004, 02:00 PM
Parent: #1
ياسجيمان
انت قافل على تسعة ميته
|
Post: #8
Title: Re: عنــدمــا...عصــلجـت التســعة
Author: خالد الحاج
Date: 01-09-2004, 02:16 PM
قوية ..قوية بالحيل يا سجيمان
ويا ريتني لميت فيك في حالتك ديك بعد
العودة من راس الشيطان..كنت خليتك عديت من عشرة لي واحد
قوية..قوية..
|
Post: #10
Title: Re: عنــدمــا...عصــلجـت التســعة
Author: ASAAD IBRAHIM
Date: 01-09-2004, 06:14 PM
Parent: #8
سجيمان
عاوز اعرف كيف قدرتو ترجعو من راس الشيطان وانتو ما فارزين
التسعة من الثمانية؟؟؟
|
Post: #12
Title: Re: عنــدمــا...عصــلجـت التســعة
Author: 7abib_alkul
Date: 01-09-2004, 08:04 PM
Parent: #10
سجيمان
تعرف الفرق شنو بين ركوب الركشه..... وركوب الفيل
|
Post: #20
Title: Re: عنــدمــا...عصــلجـت التســعة
Author: سجيمان
Date: 01-10-2004, 04:08 PM
Parent: #12
يا حببيب الكل
ايوا عارف الفرق...... الفرق تسعة
|
Post: #23
Title: Re: عنــدمــا...عصــلجـت التســعة
Author: ود شندي
Date: 01-10-2004, 06:18 PM
Parent: #20
والله انت كويس
لمن جيت من راس الشيطان
ضيعت التسعه
انا لمن جيت من كوشه الجبل
ضيعت نعلاتي اللتنين
|
Post: #19
Title: Re: عنــدمــا...عصــلجـت التســعة
Author: سجيمان
Date: 01-10-2004, 04:04 PM
Parent: #10
اسعد
نحن ما رجعنا...........رجعونا
|
Post: #18
Title: Re: عنــدمــا...عصــلجـت التســعة
Author: سجيمان
Date: 01-10-2004, 04:00 PM
Parent: #8
تعرف يا خالد
لو فعلا انا عديت بالمقلوب كان التسعة ما ضاعت........... لكن الخوف تضيع الاتنبن
|
Post: #17
Title: Re: عنــدمــا...عصــلجـت التســعة
Author: سجيمان
Date: 01-10-2004, 03:50 PM
عثمان
يا ريت لو ميتة............ دي تسعة طاشا
|
Post: #14
Title: Re: عنــدمــا...عصــلجـت التســعة
Author: hammama
Date: 01-09-2004, 09:51 PM
Parent: #1
عليييييك الله يا سي جي المره الجايه سوقني معاكم بجيب عده الشغل معاي انتفقنا
|
Post: #15
Title: Re: عنــدمــا...عصــلجـت التســعة
Author: ابو جهينة
Date: 01-10-2004, 09:21 AM
Parent: #14
سي جي الجميل
تحياتي
1. غايتو الله يسامحك ، داك إسمو كوب ليه ؟
2. يبدو أنو في تار بايت بينك و بين التسعة عندما قامت بضرب الثمانية ، عشان كدة عقلك الباطن ( مكجن التسعة ).
أوعك من راس الشيطان
تسلم
|
Post: #16
Title: Re: عنــدمــا...عصــلجـت التســعة
Author: اساسي
Date: 01-10-2004, 09:52 AM
Parent: #15
تعرف يا سجيمان امس رحلت لي شقة تانية اها جبت لي واحد من شباب سوق صحاري البشتغلوا الاطباق ديل اها الزول دا تقول شغال في راس الشيطان ما سوق صحاري اول حاجة قالها لي الزول دا قال لي انت شكلك زول بتاع حنك كدا قال لي وبقصد نفسه انا فعلا زول مسكين لكن ما درويش وانا لحدي اسع ما قلت ليهو حاجة اها بعد شوية قام قال لي تعرف كان في صقر جعاااان وحايم داير حاجة يصطادها قصده نسر ما حاجة تانية طبعا اها قال لي لقي ليهو دبيب قام خمشوا ليك وطار بيهو في السما اها الدبيب ضايق الصقر قال لي وغلب الصقر ياكله قام جدعه من السما اها وقع ليهو في لوري كان فيهو كمساري نايم ورا اها قام لدغ الكمساري والكمساري مات اها قال لي اسع عليك الله الكمساري زنبه شنو يموت عشان صقر جعان ؟؟ انا داير اموت من الضحك قلت ليهو يا زول انت راكب فيل ولا شنو قال لي دا كلامك بي كرتين كمان اها شوية كدا قام قال لي قصيدة بتاعة حميد امكن نص ساعة وانا اعاين ليهو بعد انتهي منها قام قال لي تعرف القصيدة دي طبعا كلام الله والرسول بعيد لكن بعد الفقهاء وناس الدين ديل يقولوا كلامهم وينتهو القصيدة دي بتجي طوالي قبل كلام الاكاديمين والمظراتية ديل كلهم اها سكت كدا وتاني اشتغل شوية قال تعرف احسن نكتة في سنة الفين وتلاتة شنو قلت ليهو شنو قال لي جا بتاع رقشة داخل مطعم وقام طلب جداد وسمك وكبدة وعضة شبعانة كلها اها كان في واحد بتاع تاكسي قاعد جمبوا طلب فول بس اها بتاع التاكسي قال سبحان الله قام بتاع الرقشة قال ليهو والله صحن فولك دا الا عشان بتقطعوا الكباري لكن والله كان خلونا نقطع الكباري الا تاكلوا قشر بيض وقام ضحك كدا وقال لي انت بتاعين التاكسي ديل بعد دا احسن ليهم يشتغلوا برد برد اها بعد انتهي قام قال لي انا انتهيت ويقام الماتم في الكدرو
|
Post: #29
Title: Re: عنــدمــا...عصــلجـت التســعة
Author: سجيمان
Date: 01-11-2004, 02:29 PM
Parent: #16
اساسي ي ي ي ي ي ي
وصف الزول دا.....ما يكون حسبو صاحبي؟
|
Post: #22
Title: Re: عنــدمــا...عصــلجـت التســعة
Author: سجيمان
Date: 01-10-2004, 05:33 PM
Parent: #15
ابوجهينة
وحات الشيخ الجعلي انت الاجمل
انت ما شفتني ساكت...........تشوف النبي واصحابو
|
Post: #21
Title: Re: عنــدمــا...عصــلجـت التســعة
Author: سجيمان
Date: 01-10-2004, 05:20 PM
Parent: #14
حمامة
اوعك تجيبي عدة الشغل....دي النستني التسعة انا
|
Post: #24
Title: Re: عنــدمــا...عصــلجـت التســعة
Author: كبسيبة
Date: 01-10-2004, 09:12 PM
Parent: #1
أخوي سجيمان
عد بالعكس 10-8-7-6-5-4-3-1
وأكيد حتلقى مكان التذعة
|
Post: #30
Title: Re: عنــدمــا...عصــلجـت التســعة
Author: سجيمان
Date: 01-11-2004, 02:32 PM
Parent: #24
كبسيبة
انت عارف لو عديت بالعكس... خايف صاروخي يقوم...وتاني ما الم فيهو
|
Post: #25
Title: Re: عنــدمــا...عصــلجـت التســعة
Author: طيفور
Date: 01-11-2004, 00:11 AM
Parent: #1
لوووووووووووووووووول ثي جي
وحات شيخي الحلاقتو كارل لويس وشاقي ابراهيم عوض ات ماك نصيح..
علا عليك امان الله ترسل حته من الفلسكاب دا اتاشمنت 
|
Post: #31
Title: Re: عنــدمــا...عصــلجـت التســعة
Author: سجيمان
Date: 01-11-2004, 02:35 PM
Parent: #25
طيفور حبابك
دا ما فلسكاب....دا كان عرش زنكي
|
Post: #26
Title: Re: عنــدمــا...عصــلجـت التســعة
Author: WaD OmI
Date: 01-11-2004, 12:24 PM
Parent: #1
قريت كلامك يا سجيمان وضحكته وقلته سجيمان ده بجيب الكلام ده من وين ياربي؟!!!!!!!!!!!!!!!!!
لكن تاني يا اخوي قلته شيتن مشيت لي راس الشيطان بتكون جبتو معاك من هناك
لك التحايا
نوف
|
Post: #32
Title: Re: عنــدمــا...عصــلجـت التســعة
Author: سجيمان
Date: 01-11-2004, 02:37 PM
Parent: #26
يا نوف..................... رايك شنو في زيارة عمل لي راس الشيطان؟
|
Post: #27
Title: Re: عنــدمــا...عصــلجـت التســعة
Author: Ibrahim Algrefwi
Date: 01-11-2004, 01:42 PM
Parent: #1
تسعه
تزعه
تساْ
والسيد علي عينو بتنزل التسع مطرات
|
Post: #33
Title: Re: عنــدمــا...عصــلجـت التســعة
Author: سجيمان
Date: 01-11-2004, 02:40 PM
Parent: #27
الجريفاوي
عين السيد علي بتنزل تسعة الهارت
|
Post: #28
Title: Re: عنــدمــا...عصــلجـت التســعة
Author: أبوالزفت
Date: 01-11-2004, 02:06 PM
Parent: #1
سجمان الرمدان
ات يازول انخرت باين عليك بى تذعة طويلة
اها ياسجم الدواك دحين انت ما عارف التذعة
محمدة البشير ات بتدور تبقى الرئيس
|
Post: #34
Title: Re: عنــدمــا...عصــلجـت التســعة
Author: سجيمان
Date: 01-11-2004, 02:42 PM
Parent: #28
يا ابو الزفت
انا جنيت ..... يا زول؟...مالي ومال الريسة؟
|
Post: #35
Title: Re: عنــدمــا...عصــلجـت التســعة
Author: WaD OmI
Date: 01-13-2004, 03:55 AM
Parent: #1
جــــــــــــــــــــــــــــدا يا سجيمان ماعندي مانع
بس حدد الزمان وانا جاهزه
لكن ح نمشي بي شنو ؟!!!!!!!!!!!!!!!!!!!!
نوف
|
Post: #37
Title: Re: عنــدمــا...عصــلجـت التســعة
Author: سجيمان
Date: 04-20-2004, 11:16 PM
Parent: #35
نوف
| Quote: لكن ح نمشي بي شنو ؟ |
ح نركب روسينا
|
Post: #36
Title: Re: عنــدمــا...عصــلجـت التســعة
Author: khider
Date: 04-20-2004, 11:09 PM
Parent: #1
up
|
Post: #38
Title: Re: عنــدمــا...عصــلجـت التســعة
Author: Ashrinkale
Date: 04-21-2004, 02:20 AM
Parent: #36
up again
|
Post: #39
Title: Re: عنــدمــا...عصــلجـت التســعة
Author: nazar hussien
Date: 04-21-2004, 10:34 AM
Parent: #38
فووووق
|
Post: #40
Title: Re: عنــدمــا...عصــلجـت التســعة
Author: abas
Date: 04-21-2004, 12:01 PM
Parent: #1
انت يا سجيمان من زمن راس الشيطان
اتاريك كبير ونحنا قايلنك صغير يعني من زمن مافي جلد
عيونك صغار انت كنت لاطش لطشه بنت كلب لكن
بي كم غزازه دي كانت
|
Post: #41
Title: Re: عنــدمــا...عصــلجـت التســعة
Author: سجيمان
Date: 04-21-2004, 12:49 PM
Parent: #40
| Quote: بي كم غزازه دي كانت |
نحن مابنستعمل المقاسات دي.....نحن بي نقيس بي ريختر
|
|