Post: #1
Title: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-02-2004, 09:19 PM
اها.... جبت داك الخروف المو خمج............ المرا والوليدات لاقوني عن خشم الباب..........ودخلت الخروف ام الخير تفك الزغرودة...........وكل ما تزعرد الخروف يقول باع....لا قتني عن خشم الباب وشايل المبخر وفيهو بخور التيمان....وقعدت تبخر وتنضم......... يحفضك رب الكون.....من عيون سعاد جارتنا...ومن عيون راجلا... الما بيشبه الوليدات..........يغتيك...ويكفيك شر خلقو...وقعدت تغني مع الوليدات............الغاريك جمالك....الزينا نحن مابيستاهل تكويهو بي دلالك....... في دربك كم شقينا؟.......... بي دمع العين بكينا.............والخروف الله بيسعلني اتنفخ...وعاين لام الخير...بطرف عينو.......... لمن انا غرت منو.......... وشحدت الله في سري.......... يلم لو في رغيف ينفخو...ويلحقو الغوتوس.....وتقوم ام الخير... تكسر الغنية..... زي انت يا بسام
انت يا بعباع
صوتك العلاع
انت يا بعباع زينا فوق زينا
.....................................
و.....اخ اخ
من خروفنا الاصلي مو مستنسخ
........... يا جنا
دخلت البيت ملصت الهدوم....وختيت راسي داير انوم بدري والحق صلاة العيد.........فجعة...ام الخير تسعلني ......... يا سجيمان... اووووووووووووووعى يكون خروف ناس سعاد اكبر من خروفنا؟........قلت له يا ام الخير ارتاحي..... ناس سعاد السنة دي ضابحين غنماية.............تاني ام الخير تصحيني..... يا سجيمان... الخروف دا مالو سكت؟..... لا بيكورك ولا شيتين....الله يغيظو دا الخروف....دايراهو يكورك... كية لي ناس سعاد...هي ورويجلا...اب شنيبات دا......انا هنا قلبي اكلني... قلت لها يا......... ام الخير..... انتي اقعدي ما تنومي... وبعد كم ساعة كدي صحيني انا امسك الوردية..........الخروف دا ان ما كورك...تكون مصيبة يلاقو فيها........ نمت شوية واتقلبت وصحيت سعلت ام الخير.........اها الخروف كورك؟.......... قالت بري ابدا........قلت لها. بري؟ بري كيفن يا وليه؟.... كدي ارخي اضانك سمح...........تاني صحيت والخروف برضو ما كورك............. قمنا مرقنا عليهو انا وام الخير وهي ماشا قدامي......وتسرخ ام الخير الليلة وب علي يا سجيمان........ الخروف قاعد يكوي في شعرو......... قربت من الخروف... لقيتو مدخل راسو في جردل الموية وغالبو يمرقو منو............واتاريهوبيكورك جوا الجردل ونحن ما بنسمعو.....قعدت اجر فيهو.......... ابدا ابى كلو كلو يا راس خروف الجن تمرق من الجردل.......قلت لي ام الخير....... انتي جري الجردل وانا بمسك الخروف..... وقعدت ام الخير تجر....وانا مثبت الخروف.....برضو الحال في حالو....... اذن للصبح...وانا وام الخير نعافر في الخروف.........وما قدرنا.... قلت لها يا ام الخير اخير نضيح الخروف دا قبال ما يفطس في الجردل دا.......... كوركي لي سعاد تكلم راجلا يجي يضبحو....... قالت لي اتيمنت يمنا ما يتكسر علي.... عثمان ابعصيبات راجل سعاد ما يخت ايدو فوقو......انت يا سجيمان ... ما تكسر القرون وتمرق الراس...؟..........قلت لها جيبي السكين..... جرت جابتا وضبحت الخروف..... براي اول مرة اضبح..........وسلخناهو انا وام الخير............. ووحات الشيخ الجعلي عرفت وليداتي ضعاف ومسولبين ليه؟......... اتاريهو من مليص ام الخير للجلاليب....وانا شفتو في جرانا لي جلد الخروف
|
Post: #2
Title: Re: آخ.....آخ..........من خروفنا الاصلي مو مستنسخ... يا جنا
Author: zumrawi
Date: 02-02-2004, 09:30 PM
Parent: #1
Loool ya Sijayman
It is so funny
Keep up
|
Post: #3
Title: Re: آخ.....آخ..........من خروفنا الاصلي مو مستنسخ... يا جنا
Author: Abureesh
Date: 02-02-2004, 09:48 PM
Parent: #2
سجيمان،
إنت ضبحت الخـروف قبال الصـــلاة؟
دى ما بقت لحمــة ســاكت لاكين.. اجــر مافى.. (والله أعلم)
لو وصلت ليـه أنبـوب أكسجين لحـد ما تجى راجـع من الصلاة، كان ممكن تحل المشكلـة.
|
Post: #10
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-03-2004, 12:48 PM
Parent: #3
ابو الريش
الغايظني.... انو ما كورك وناس سعاد وراجلا ما سمعوهو.....وما شافونا الصباح ونحن معلقنو..........وفرحانين
|
Post: #9
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-03-2004, 12:31 PM
Parent: #2
زمراوي
كل سنة وانت طيب
|
Post: #4
Title: Re: آخ.....آخ..........من خروفنا الاصلي مو مستنسخ... يا جنا
Author: SUKA
Date: 02-02-2004, 09:55 PM
Parent: #1
اخوي سجيمان..انا ماعارف الكلام دا بتجيبو من وين وانت في السعودية ..كدي فكر تمشي هولندا انا متاكد انك حتطلع بلاوي..نحن غايتو جارنا معلق خروفو في بلكونته و البجينا كلو قاعدين نطلعو البلكونة..كل سنة و انت و ام العيال بخير..توفيق زيادة
|
Post: #5
Title: Re: آخ.....آخ..........من خروفنا الاصلي مو مستنسخ... يا جنا
Author: Hussein Mallasi
Date: 02-02-2004, 11:52 PM
Parent: #4
| Quote: ومن عيون راجلا... الما بيشبه الوليدات |
| Quote: وعاين لام الخير...بطرف عينو.......... لمن انا غرت منو |
سجيمان يا خوي ...... لو ما كنت لحقت ضبحت الخروف دا بدري .... كان كان بقت فيك البقت في
عثمان ابعصيبات راجل سعاد !!!!!!
ملاسى
|
Post: #6
Title: Re: آخ.....آخ..........من خروفنا الاصلي مو مستنسخ... يا جنا
Author: ابو جهينة
Date: 02-03-2004, 00:26 AM
Parent: #5
سي جي
كل عام و انت و الأسرة بخير
كبروا الجرادل عشان خرفانكم ما يحصل ليها جنس الحصل.
بس مليص الجلاليب للشفع نفع في سلخ الخروف بالرغم من النتائج السلبية
|
Post: #7
Title: Re: آخ.....آخ..........من خروفنا الاصلي مو مستنسخ... يا جنا
Author: خالد الحاج
Date: 02-03-2004, 00:38 AM
Parent: #6
سيجيمان..كل سنة وإنت طيب..
يعني يا سي جي النيفة راحت منكم السنة دي..
الله يديك العافية بقدر البسمة البتدينا ليها..
ويخلي ليك بنياتك المعصعصات..
|
Post: #21
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:38 PM
Parent: #7
خالد الحاج
النيفة ما راحت....وحاتك اقرب سمكري..وفرتق الجردل... وسلمنا الراس...وهتافنا كان راس خروفنا مطلب شعبي..
|
Post: #20
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:34 PM
Parent: #6
الغالي ابو جهينة
كل سنة وانت طيب....والقابلة عريس
|
Post: #14
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-03-2004, 01:24 PM
Parent: #5
ملاسي
بيني وبينك...دخول راسو في الجردل دورتو ليهو
|
Post: #12
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-03-2004, 01:02 PM
Parent: #4
سوكا
جاركم معلق خروفو في البلكونة؟.....هو غسلو ودايرو ينشف؟
|
Post: #8
Title: Re: آخ.....آخ..........من خروفنا الاصلي مو مستنسخ... يا جنا
Author: حسن الجزولي
Date: 02-03-2004, 01:19 AM
Parent: #1
وما طالبنى حليفه يا أبو (السيج)
وحاتك انت كان عندى بوست كتبتو وخلصت منو حسع ده, و قلت ارفعو واخليهو فوقا فوق .. بعد داك خشيت طوالى على بوستك ده .. وعشان خاطر الضحك الضحكتو حلفت يمين الا انزل بوستى تحت عشان خروفك يكون فوق .
تحياتى لك وللعيال وأمهم وكل عام وأنتم بخير .
|
Post: #19
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:30 PM
Parent: #8
الدكتور حسن الجزولي
كل سنة وانت طيب والعيال............... واريت ربي يرفع مقامك متل ما رفعت مقام خروفي
|
Post: #11
Title: Re: آخ.....آخ..........من خروفنا الاصلي مو مستنسخ... يا جنا
Author: nada ali
Date: 02-03-2004, 12:55 PM
Parent: #1
Dear Sigeeman,
:-)
happy Eid
nada
|
Post: #13
Title: Re: آخ.....آخ..........من خروفنا الاصلي مو مستنسخ... يا جنا
Author: abuguta
Date: 02-03-2004, 01:12 PM
Parent: #11
سجيمان
كل عام وانت بخير
انت جرد الحديد دا لقيتوه وين...هنا معدوم خلاص باقى لى
لكن جرادل البلاستيك...بالكوم...يكون ام الخير جابتوه مع الحطب حقها ...انت ياخوى مسعول من الخير ناس التجديد ديل شايفهم بفتوا فى اى شىء...كيف رايهم فى ضبحة خروفك دا ..لو كان جبتو سمكرى
كان حلاكم من المشكلة حتى لو القرن انكسر..ممكن يالفو ليكم فتوة معولمة....لكن ...ممكن يكون هنالك فتوة لكل زول راتبه اقل من 2000ما عليه ضحية..زى ناس السعودية عندهم فتوة كل زول راتبه اقل من 5000الف يستحق الزكاة...واحد اخونا لما سمع الكلام دا طالب الشركة بتعريف راتب..وقام كدا قابل ناس الزكاة وقدم ليهم اوراقه..علقوا عليها انك غير مستحق مع انو راتبه اقل من 5 الالف لان الزكاة مسعودة..واحالوه للسفارة السودانية....
ايه رايك فى الفتاوى دى
وتسلم
|
Post: #15
Title: Re: آخ.....آخ..........من خروفنا الاصلي مو مستنسخ... يا جنا
Author: Tumadir
Date: 02-03-2004, 01:39 PM
Parent: #13
هاهاهاها...والله من كترة المشغوليات قلت احلى ببوستك ده..حسه فتحتو الساعه عندنا 6 ص..اقرقر وين ما عارفه...
ونحن..قبل يوم الضحية بيوم جانا مسلم (اجنبى) قال هو نباتى يضحى بشنو..وكبسنا الانترنيت نشوف حكم النباتى يضحى بى شنو..بى نباتو بى حياتو...بى شنو؟؟ ما لقيناها ليه...وكلمناه قلنا ليه ما عرفناك تضحى بشنو..مشى لكن لمحناهو بعد ساعه..شفناه تاكى شجرة..الكريسماس...يضبح فيها...وما عارفاه حيعلقها فى خروف منو؟؟
وهاها منك يا سجيمان دنيا واخره
|
Post: #16
Title: Re: آخ.....آخ..........من خروفنا الاصلي مو مستنسخ... يا جنا
Author: Yasir Elsharif
Date: 02-03-2004, 04:08 PM
Parent: #15
سلامات يا سجيمان
مشتاقين، وكل سنة وإنتو طيبين...
يا تماضر لكن دي قنبلة الموسم:
| Quote: ونحن..قبل يوم الضحية بيوم جانا مسلم (اجنبى) قال هو نباتى يضحى بشنو..وكبسنا الانترنيت نشوف حكم النباتى يضحى بى شنو |
ما رأي فقهاء المسلمين في السعودية في المسلم النباتي؟؟ أو المسلم من جماعة أصدقاء الحيوان؟؟
.
|
Post: #17
Title: Re: آخ.....آخ..........من خروفنا الاصلي مو مستنسخ... يا جنا
Author: Abureesh
Date: 02-03-2004, 04:35 PM
Parent: #16
تمأضـر،
كان تقتـرحى عليـه يضحـى بقـراصــة..
واللا قولى بتســا، لإنــو كلمـة قراصــة دى ما سياحيـة..
السجيمــان،
أنا شــامى ريحـة مـؤامـرة فى الموضـوع دا.. بس حقـو تحت تحت كـدا تتحــرا من ناس سعـاد وراجلا كانـوا وين الوكت الإتورط فيـه خروفكــم..
|
Post: #26
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:57 PM
Parent: #17
تعرف يا ابو الريش
نفس راي ام الخير..... قالت لي يكون الرويجيل ابعصيبات دا نطّ الحيطة....ودخل لي خروفنا راسو جوا الجردل
|
Post: #25
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:54 PM
Parent: #16
دكتور ياسر
كل سنة وانت طيب
انا ممكن دي افتي فيها.............. علا خايف يا زول
|
Post: #24
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:50 PM
Parent: #15
تماضر
كل سنة وانتي طيبة.....ها ها ها ها.... تاكي شجرة الكريسماس؟ ويضبح فيها؟............. بس ما يكون حرجما؟
|
Post: #23
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:43 PM
Parent: #13
والله يا ابقوتة
ماك طالبني حليفة.............انا لو متاكد انو بيدونا زكاة.. حسي امشي عليهم....لكن ناس السفارة ديل لو سمعو انو ادوني زكاة حيشيلو منها الضريبة
|
Post: #22
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 02:40 PM
Parent: #11
ندى علي
كل سنة وانتي طيبة
|
Post: #18
Title: Re: آخ.....آخ..........من خروفنا الاصلي مو مستنسخ... يا جنا
Author: Osman Hamad
Date: 02-03-2004, 11:26 PM
Parent: #1
خروفى السبب لى اذايا
|
Post: #27
Title: Re: آخ.....آخ..........من خروفنا الاصلي مو مستنسخ... يا جنا
Author: سجيمان
Date: 02-04-2004, 03:00 PM
Parent: #18
عثمان حمد
كل سنة وانت طيب
|
|