Post: #1
Title: نصــرة ســرور....تبحــث عن ضــرة
Author: سجيمان
Date: 03-05-2004, 11:42 AM
الراجل دا ... اصلي ما كنت دايراهو... وماداخل لي في راسي.... علا انا خفت البورة...وقلت الزول يمشي بيهو حالو... اسوي كيفن عاد؟....لكن حسي وقت كبر... وبقى الزول يخجل سااااااكت من مباراتو في السهلة.... وقدر ما في مرض في الدنيا لاميهو.. شي سكري وشي ضغط...وشي وجع كرعين ووجع ضهر....كلو كوم.. والضغط كوم والسكري كوم.... الضغط خلاهو ينوم من المغرب...والسكري... الراجل مروتو كملت.... ان ضحك سااااكت يفتر....زي دا عليكم الرسول اطيرو وين؟....اها انا دحين حسي بدور لي واحدة تجي تشاركني فيهو.... ان بقى فضلت فيهو شي يشاركو فيها...لكن غايتو قدر المرؤة الفيهو.... نتقاسما يا بنات امي...انا كنت داير اطلّق منو علا الوليدات جابرني اقعد..... ومجبورة خادم الفكي علي الصلاة....... لكن والله ما بشكرو ليكن.... راجلا عديل وطيب... الكديسة تاكل عشاهو... حسي اكان مو الكديسة تاكل عشاهو بي يخليني انا اكوس لو لي مرا... ما يكوسا براهو؟....وعُقُبان.. راجل خدوم في البيت.... يغسل العدة...ويكنس البيت.... واكان عندك حوش قدر دار الرياضة امدرمان.. بي مرضو دا يكنسو ليكي ويخليهو مراية... وطباخ جنس طبيخ يا بنات امي...وايدو طااااااااعمة..والله وقت يسوي ملاح القاورما دا ... تاكلي اصابعيك واراهو.....ووحات الله وقت يقعد يرسم لك الحنة دي في كرعيكي... تحلفي تقولي راسما دافنشي........الحنة براها؟ لا وحات الله حاجات كتيرة يسويها ليكي..هههههههه... الله يخجلكن
وبعدين ان جوكم ضيوف يقوم جاري علي المطبخ..ويسوي الشاي..ويجيبو...ويقعد هنااااااااك في كرسي ...وما ينضم علا ياخد منك الاذن....حتين ينضم... والنضم شنو؟.. بالقطارة....وبعد مرات خشمو ما يفتحو يهز راسو بس... ايوة... ولاّ... لا.....
ووحات الرسول في ولادة ولدي البكر دا حلف علا يمشي ياخد هرمونات عشان يقومن لو شطور ويرضع الولد.... عشان... جسمي ما يبوظ......دا بس؟... قدر مافي دكتور نساء مشا لو قال داير يزرعو لو رحم....عشان انا وهو نتبادل في الحمل مرة هو ومرة انا.....شفتن عدلة الراجل دا عليكن الرسول؟.......دا حين الدايرا تشاركني فيهو... تتصل علي.... وانا ما عندي أي مانع....علا كان بقى عندي فيهو مزاج... ما تعاكسني...تديني ليهو يومين تلاتة العب بو شوية وارجعو ليها........
التوقيع
نصرة الفقرة
|
Post: #2
Title: Re: نصــرة ســرور....تبحــث عن ضــرة
Author: bayan
Date: 03-05-2004, 11:47 AM
Parent: #1
سجيمان
الراجل السحرىى دا من وين
لكن انت غايتو الله يديك العافية
|
Post: #4
Title: Re: نصــرة ســرور....تبحــث عن ضــرة
Author: سجيمان
Date: 03-05-2004, 12:18 PM
Parent: #2
Quote:
الراجل السحرىى دا من وين |
موجود يا بيان..... لكن ما تجي واحدة تشيلو وتمشي تبوظو وتقول عاوزة ترجعو...... البضاعة لا تسترد بعد خروجها من المحل
|
Post: #3
Title: Re: نصــرة ســرور....تبحــث عن ضــرة
Author: doma
Date: 03-05-2004, 11:55 AM
Parent: #1
سجيمان انت مورود الليله ولاشنو ؟؟ يا النبي من الغبيه دي كعبه بتطلع في الراس ربي يسترعليك .بمش لي شيخنااسع اجيب ليك البخرات علاج الحكماء ما بنفع متل وردتك دي .
انت عارف نصره تكون دايره تغش الحريم التانيات تمقلبن هو زول بقي مرضان سكري وضغط ورطوبه قش حوش شنو؟؟ وطبيخ شنو ؟؟زولك دا من هنا والانتسف كير وبيت الحق
|
Post: #5
Title: Re: نصــرة ســرور....تبحــث عن ضــرة
Author: Alia awadelkareem
Date: 03-05-2004, 12:23 PM
Parent: #3
سجيمان جبت لي مغص ياخي
دي هديتك بمناسبة تمانية مارس
ما مقبولة منك واللة
|
Post: #7
Title: Re: نصــرة ســرور....تبحــث عن ضــرة
Author: عشة بت فاطنة
Date: 03-05-2004, 12:55 PM
Parent: #5
جنس هدية يا عالية خليها ساي دي عازة ليها بخرة زي ما قالت دومة ،
صبرك سجيمان تقدم لنا هدية مضروبة وكلها بلاوي وامراض ولا يازول البركة في الضحك خايفين البورد دا اسوي لينا مرض قنا احسن نجي نستجم عند دكتور سجيمان ...
|
Post: #14
Title: Re: نصــرة ســرور....تبحــث عن ضــرة
Author: سجيمان
Date: 03-05-2004, 09:31 PM
Parent: #7
عشة
النضم البيجيب المرض ما تمشي عليهو.....وما تسمعيهو وان شفتيهو دي فيها طينة ودي فيها عجينة
|
Post: #13
Title: Re: نصــرة ســرور....تبحــث عن ضــرة
Author: سجيمان
Date: 03-05-2004, 08:55 PM
Parent: #5
عاليا
الهدية لا ترد......لكن ممكن تترمي لا من شاف لا من درا
|
Post: #9
Title: Re: نصــرة ســرور....تبحــث عن ضــرة
Author: سجيمان
Date: 03-05-2004, 05:14 PM
Parent: #3
دومة
تكون دايرة تاخد فيهو الاجر قبل ما يموت... وتعرس لو
|
Post: #6
Title: Re: نصــرة ســرور....تبحــث عن ضــرة
Author: Munir
Date: 03-05-2004, 12:53 PM
Parent: #1
خبث ما اعتيادي ـ
جنس الكلام الملويق دا لا يصدر الا من (تالتن) ـ
|
Post: #8
Title: Re: نصــرة ســرور....تبحــث عن ضــرة
Author: ست البنات
Date: 03-05-2004, 05:13 PM
Parent: #6
الأخ سيجيمان ,
كتاباتك واحة البورد الملفحة بى دعاش القاش , وقنانة لبينى مقننة فاحت تعبق فى دروب حلتنا ممزوجة بى صيحات بهم دافر يكاتل فى الضروع ساعة الحلب !!!
|
Post: #16
Title: Re: نصــرة ســرور....تبحــث عن ضــرة
Author: سجيمان
Date: 03-05-2004, 11:02 PM
Parent: #8
ست البنات
شكرا للنضم الطاعم دا... اليخلي الزول يتنفخ ويقيف قربة
|
Post: #10
Title: Re: نصــرة ســرور....تبحــث عن ضــرة
Author: ود الشيخ
Date: 03-05-2004, 06:12 PM
Parent: #1
سجيمان
بنج الحصين قالو صعب صحي عليك الله عندي
نيه اجربو يمكن اطلع سكنمان رهيب يا دوك
|
Post: #19
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 12:33 PM
Parent: #10
ود الشيخ
بنج الحصين دا بيجيبو لو نضم تاني....دا حين اخير نخليهو
|
Post: #11
Title: Re: نصــرة ســرور....تبحــث عن ضــرة
Author: essam&amal
Date: 03-05-2004, 06:38 PM
Parent: #1
والله يا سجيمان ما عارفة اقول ليك شنو
انا قبل ما افتح البوست كنت بضحك ساعة من العنوان بس وبعدما فتحتوا عينك ما تشوف الا النور لو جه اى زول بقول مجنونة عليك الله يا سجيمان الجرعات محتاجين ليها لكن شوية شوية 0
لك التحايا والود وبارك الله فيك 000
بارك الله فيك 000
امال
ام وضاح
|
Post: #12
Title: Re: نصــرة ســرور....تبحــث عن ضــرة
Author: shak
Date: 03-05-2004, 08:26 PM
Parent: #11
سجيمان .. قالوا فى المقالة
اتلاقو اتنين من نوع مرة نصرة اسف راجل نصرة الفقرة بتكلموا عن سجايا بعض واخلاصهم لنسوانهم
الاول قال للتانى .. انا بغسل عدة العشاء تانى يوم الصباح بدرى
الاول قال ليهو: والله انت سجمان ورمدان .. هو العدة ببيتوها
شاك
|
Post: #15
Title: Re: نصــرة ســرور....تبحــث عن ضــرة
Author: haneena
Date: 03-05-2004, 10:38 PM
Parent: #12
يديك العافية يا سجيمان
انت والله ما حصلت 
تصدق؟؟
|
Post: #22
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 12:57 PM
Parent: #15
حنينة
انا حصلت اصلي..... لكن الما حصلت وتحير الما يحتار نصرة سرور دي
|
Post: #21
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 12:45 PM
Parent: #12
شاك
الزول دا نضمو صُح .....انا القدامك دا العدة ما قاعد ابيتا لي باكر
|
Post: #20
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 12:41 PM
Parent: #11
ام وضاح
الايام دي انا راااااايق...وما مفلس... لكن لما افلس امد قدومي مترين...وبغم ما تسمعيها مني.....
|
Post: #17
Title: Re: نصــرة ســرور....تبحــث عن ضــرة
Author: Raja
Date: 03-05-2004, 11:40 PM
Parent: #1
| Quote: بدور لي واحدة تجي تشاركني فيهو.... ان بقى فضلت فيهو شي يشاركو فيها.... |
سيجيمان.. تعرف المصريين عندهم مثل بيقول: لو كان فيه خير ما كان رماه الطير.. 
واكيد عارف المثل التاني.. لأ لأ ما تكتبو عارفاك مستبيع  ..
|
Post: #23
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 01:01 PM
Parent: #17
رجا
انا ما عرفتو دا راجل ....ولاّ .... فستان؟.... ويعزمو عليهو كمان
|
Post: #18
Title: Re: نصــرة ســرور....تبحــث عن ضــرة
Author: Osman Hamad
Date: 03-06-2004, 00:01 AM
Parent: #1
سجيمان البابور عملت لي فيه شنو!!
|
Post: #25
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 01:12 PM
Parent: #18
عثمان حمد
اخر بابور .....وحاجزو راغب علامة... علا كان تستنى الدفعة الجاية
|
Post: #24
Title: Re: نصــرة ســرور....تبحــث عن ضــرة
Author: Tabaldina
Date: 03-06-2004, 01:06 PM
Parent: #1
..
.
يا سجى
لكن والله راجلها دا طلع دلوكة بشكل ..!!
خليها تستنسخ منو كم حبه كدا لهذا الزمان ومجاناً ..
شفت الحذف بهناك .. برجع ليك ..
|
Post: #27
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 01:22 PM
Parent: #24
تبلدينا
Quote:
خليها تستنسخ منو كم حبه كدا لهذا الزمان ومجاناً .. |
تستنسخ منو؟..... طيب يشاركوها كيف لو استنسخت؟
|
Post: #26
Title: Re: نصــرة ســرور....تبحــث عن ضــرة
Author: haleem
Date: 03-06-2004, 01:13 PM
Parent: #1
سجيمان
الحيغسل العدة منو؟؟؟نصرة ولا الضرة؟؟؟؟
|
Post: #28
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 01:38 PM
Parent: #26
Quote:
الحيغسل العدة منو؟؟؟نصرة ولا الضرة؟؟؟؟ |
دا سؤال ياحليم
راجل المرتين....وغسال العدتين...امال مشاركين فيهو لي شنو؟
|
Post: #29
Title: Re: نصــرة ســرور....تبحــث عن ضــرة
Author: Hani Abuelgasim
Date: 03-06-2004, 02:34 PM
Parent: #1
سجيمان ...
بالغت عديييييييييل كدة ... أطربتنا وشجيتنا بخفة روحك يا غالي...
|
Post: #30
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 03:53 PM
Parent: #29
شكرا يا هاني يا... زوق
يا الخليت البوست.. فوق
|
Post: #32
Title: Re: نصــرة ســرور....تبحــث عن ضــرة
Author: ابو جهينة
Date: 03-06-2004, 04:05 PM
Parent: #29
عزيزي سجيمان
مودتي
( علا كان بقى عندي فيهو مزاج... ما تعاكسني...تديني ليهو يومين تلاتة العب بو شوية وارجعو ليها........ )
دة راجل يا سي جي ولا أتاري ؟
صراحة يا سي جي نصرة دي ما عندها أصل ،، قول لى كيف ؟
بعد ما الراجل بقى خردة تقوم تقول عاوزة شريكة معاها عشان تقسم معاها البيلعبوا بيهو يومين و تلاتة و يرجعوهو دة ؟ ما أحسن تلعب بيهو براها و وكت يفتر تختو في الدولاب يا تعلقو في حبل الغسيل.
|
Post: #33
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 06:32 PM
Parent: #32
ابوجهينة
شفت المرا المابتخجل دي..... وكمان منزلاهو في المزاد العلني...وهو مسكين بهناك يكون ما جايب خبر...غايتو ان بقى جايب خبر.... مصيبتو يلاقو فيها
|
Post: #34
Title: Re: نصــرة ســرور....تبحــث عن ضــرة
Author: Munir
Date: 03-06-2004, 07:30 PM
Parent: #32
الاخ ابوجهينة ـ حقيقة استأت من مشاركتك انت بالذات في هذا الغمز ، وذلك لمدي احترامي لمشاركاتك في البورد ـ ألا تري أنك تشارك في السخرية من هذه الـ (نصرة) و طعنها بالغمز واللمز ؟ ــ والله ان كنت تقصد فتلك مصيبة جد ـ
|
Post: #31
Title: Re: نصــرة ســرور....تبحــث عن ضــرة
Author: Rawia
Date: 03-06-2004, 04:01 PM
Parent: #1
Quote: ام وضاح
الايام دي انا راااااايق...وما مفلس... لكن لما افلس امد قدومي مترين...وبغم ما تسمعيها مني..... |
البركه فى الروقان وفضيان البال
الفلس كعب
بجيكم راجعه اعلق على الموضوع
|
Post: #35
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 08:50 PM
Parent: #31
Quote:
البركه فى الروقان وفضيان البال
الفلس كعب |
وخصوصا الفلس حقي انا... تجيني معاهو... حمى.. وحصبة... وام الجهال
|
Post: #36
Title: Re: نصــرة ســرور....تبحــث عن ضــرة
Author: Outcast
Date: 03-06-2004, 09:19 PM
Parent: #35
| Quote: حسي اكان مو الكديسة تاكل عشاهو بي يخليني انا اكوس لو لي مرا... |
غايتو فى دى عاد صدقت....
علا الباقى داك انا ما مسئوله منو ....
|
Post: #37
Title: Re: نصــرة ســرور....تبحــث عن ضــرة
Author: سجيمان
Date: 03-06-2004, 09:49 PM
Parent: #36
اوتكاست
يعني دا مسئولة منو؟....... اعملي حسابك
|
Post: #38
Title: Re: نصــرة ســرور....تبحــث عن ضــرة
Author: Hussein Mallasi
Date: 03-07-2004, 00:23 AM
Parent: #37
| Quote: الزول دا نضمو صُح .....انا القدامك دا العدة ما قاعد ابيتا لي باكر |
بس ابقى على العدة 10 يا سجيمان .... لو اتكسرت حتبقى في حيص بيص ...... لا حتنفع "ضرة" و لا كتابة ...
|
Post: #44
Title: Re: نصــرة ســرور....تبحــث عن ضــرة
Author: سجيمان
Date: 03-07-2004, 06:50 PM
Parent: #38
حسين ملاسي
Quote:
بس ابقى على العدة 10 يا سجيمان |
دا كلامك؟.... راسمالي كلو في العدة
|
Post: #39
Title: Re: نصــرة ســرور....تبحــث عن ضــرة
Author: Outcast
Date: 03-07-2004, 02:09 AM
Parent: #37
Quote: اوتكاست
يعني دا مسئولة منو؟....... اعملي حسابك |
,الله يا C.G.
مسئولة منه مسئولية محدودة لا تتعدى حدود هذا البوست.
|
Post: #46
Title: Re: نصــرة ســرور....تبحــث عن ضــرة
Author: سجيمان
Date: 03-07-2004, 08:54 PM
Parent: #39
اوتكاست
خلاص يا زولة.... اصلن السترة والفضيحة متباريات
|
Post: #40
Title: Re: نصــرة ســرور....تبحــث عن ضــرة
Author: Ehab Eltayeb
Date: 03-07-2004, 09:17 AM
Parent: #1
| Quote: التوقيع: نصرة الفقرة |
الاخ سجيمان:
لك التحية علي هذه القصة التى تسرد حال امرأة ما..
اجمل ما في القصة الرمزيةوهى معبرة..
مع تحياتى ودمت..
|
Post: #41
Title: Re: نصــرة ســرور....تبحــث عن ضــرة
Author: ابو جهينة
Date: 03-07-2004, 10:14 AM
Parent: #40
الأخ العزيز منير
مودتي و تقديري
حقيقة استأت من مشاركتك انت بالذات في هذا الغمز ، وذلك لمدي احترامي لمشاركاتك في البورد ـ ألا تري أنك تشارك في السخرية من هذه الـ (نصرة) و طعنها بالغمز واللمز ؟ ــ والله ان كنت تقصد فتلك مصيبة جد ـ
لقد فوجئت بكلامك هذا أخي العزيز ،، و إنت ما طالبني حليفة ،، و لكن أشهد الله بأنني عندما أقرأ موضوعا لسجيمان ،، أشارك فيه بالمضمون الحى و لب قصته فقط لا غير ،، فسجيمان حديقة هذا البورد و شجرته الظليلة و مورده العذب.
و الله أنا شخصيا لم يدر بذهني غمز أو لمز ،، و لكن أخذت القصة برمتها و رديت في الموضع و المكان الذي أضحكني.
أخي منير ،، نظرتي للموضوع ( كانت و الحق يقال ) نظرة عادية مثلها و مثل مواضيع سجيمان الأخرى ،، فهل كلها غمز و لمز ،، أم أن بهذا الموضوع شيء جديد ؟
و الله أنا محتار إنطلاقا من عفويتي في القراءة و الإجابة و الردود و المداخلات.
إحترامي لكل فرد في هذا البورد يمنعني من الدخول في ( الملاسنة و العراك ) مع هذا أو ذاك.
و لكن مداخلاتي في بوستات سجيمان و التي إعتبرها تصب في أدب السخرية الراقي ،، أعتبر مداخلاتي فيها نوع من التنفيس.
أسهل شيء الغمز و اللمز ،، و لكنني أربأ بنفسي عنهما ،، فالوضوح أقصر طريق للقول الفصل.
على كل حال أخي منير أشكر لك إحترامك لي و الذي هو ( متبادل ) و أشكر لك بأنك تريد أن أكون بعيدا عن الغمز و اللمز ،، و لكن أحب أن أطمأنك بأنني بعيد عن ما ظننته بي ، و هو ظن لا ألومك عليه في هذه الأيام التي إختلط فيه حابل العفوية مع نابل الغمز و اللمز
و تشكر.
|
Post: #42
Title: Re: نصــرة ســرور....تبحــث عن ضــرة
Author: mohamed elshiekh
Date: 03-07-2004, 11:05 AM
Parent: #41
وا بورداه!!!!!!
دعوا سارة منصور وشانها
|
Post: #43
Title: Re: نصــرة ســرور....تبحــث عن ضــرة
Author: Munir
Date: 03-07-2004, 05:50 PM
Parent: #41
الاخ العزيز ابوجهينة ـ والله كما توقعتك ولم تخيب ظني، وأنا اساسآ لم اكن لاكلف نفسي وألفت انتباهك لو لم اظن انك لم تلاحظ أن هذا البوست من عنوانه تفوح منه النتانة والسخرية من عضوة البورد المحترمة سارة منصور ـ وكما تري فأن صاحب هذا البوست لم يترك مفردة أو صفة مؤلمة الا وألصقها بزوج هذه الـ (نصرة) الرمز وتركه نهشآ لغمز وسخرية من لا يحترمون خصوصية وعرض أحد ـ في خبث لا يحسدون عليه ـ
والله انا حقيقة مستغرب غاية الاستغراب من هذا الهجوم الغريب علي هذه السيدة الفاضلة التي جاءت لهذا البورد باريحية عجيبة وبدون تكلف لدرجة وضع صفحتها الالكترونية مفتوحة للكل وظنت أن البيت بيتها والاهل أهلها ـ ولم تهاتر احدآ ، ولم تدعو لشئ سوي احترام الرجل وتقديره ـ وفجأة وبصورة عجيبة فتحت عليها النيران من كل صوب، ومن الرجال قبل النساء ـ وآخرها هذا البوست النتن ـ
|
Post: #45
Title: Re: نصــرة ســرور....تبحــث عن ضــرة
Author: سجيمان
Date: 03-07-2004, 07:30 PM
Parent: #40
ايهاب الطيب..... تسلم يا طيب
|
Post: #47
Title: Re: نصــرة ســرور....تبحــث عن ضــرة
Author: WaD OmI
Date: 03-08-2004, 01:02 AM
Parent: #1
كلامك اعوج بالحيــــــــــــــــل يا سجيمان
ماكنته قايله العوجه تجي منك
نوف
|
Post: #48
Title: Re: نصــرة ســرور....تبحــث عن ضــرة
Author: Outcast
Date: 03-08-2004, 07:54 AM
Parent: #47
أتأمرون الناس بالمعروف و تنسون انفسكم؟؟؟؟؟
عجبى.....
|
Post: #51
Title: Re: نصــرة ســرور....تبحــث عن ضــرة
Author: سجيمان
Date: 03-09-2004, 04:13 AM
Parent: #48
font color=red size=5>
Quote:
أتأمرون الناس بالمعروف و تنسون انفسكم؟؟؟؟؟ |
النضم دا........نعل مو لي؟
|
Post: #52
Title: Re: نصــرة ســرور....تبحــث عن ضــرة
Author: Outcast
Date: 03-10-2004, 02:36 AM
Parent: #51
مكرر...
|
Post: #53
Title: Re: نصــرة ســرور....تبحــث عن ضــرة
Author: Outcast
Date: 03-10-2004, 02:37 AM
Parent: #51
Quote: :
أتأمرون الناس بالمعروف و تنسون انفسكم؟؟؟؟؟
النضم دا........نعل مو لي؟ |
سيجيمان.... انت بقيت تهرش و لا شنو؟؟؟...
ياخى انا بتكلم مع المطوعين الفى بوستك ده....
|
Post: #49
Title: Re: نصــرة ســرور....تبحــث عن ضــرة
Author: سجيمان
Date: 03-08-2004, 11:55 AM
Parent: #47
نوف حبابك
الاعوج وينو؟...ولاّ...كلو اعوج من اولو لي اخرو؟... ابدا كلامي مو اعوج... كل زول بيقرا من الزاوية البتهمو.....وانا ما مسئول عن فهم الناس للنضم....عن كدي وصح زاويتك....ونشوف عوجتي وين
|
Post: #50
Title: Re: نصــرة ســرور....تبحــث عن ضــرة
Author: WaD OmI
Date: 03-09-2004, 00:54 AM
Parent: #1
كلامك يا سجيمان يا اخوي مفهوم مادايرلو برجل ولا منقله عشان نقيس بيهو الزوايا وكان دحين ماقاصد بيهو زول تكون ياكا سجيمان البعرفك
لكن غير كده والله اعوج ياود امي بالحيل ومادايرالا كلام
انت فاهم قصدي ....................
نوف
|
Post: #54
Title: Re: نصــرة ســرور....تبحــث عن ضــرة
Author: Anwar Ahmed
Date: 03-10-2004, 02:45 AM
Parent: #1
سجيمان اخوي ان خائف عليك من الكنش
اقول ليك انت ماتطلع من المقاره دي
ها هاها
|
Post: #55
Title: Re: نصــرة ســرور....تبحــث عن ضــرة
Author: nada ali
Date: 03-17-2004, 04:12 PM
Parent: #1
*
|
Post: #56
Title: Re: نصــرة ســرور....تبحــث عن ضــرة
Author: صديق الموج
Date: 03-17-2004, 06:35 PM
Parent: #1
ياسجيمان انت ما سمعت بالمثل البقول:
رب (ضرة) نافعة
طبعا انا بوردابى جديد لنج وكتبت ليك تحيه واول بوست لى بعنوان
لى زمن بهاتى لى سجيمان وشتاتى ياناس كبسيبه زاتو طلع بعاتى.
شايفك ولا هببتو لى المهم احبك
|
|