Post: #1
Title: منبـــر.... المبكـــى
Author: سجيمان
Date: 03-10-2004, 06:30 PM
انا داير زول يديني راسي..... داير زول يوريني الغلط وين والصاح وين؟....اخدنا اسبوع بي حالو...ونحن نبكي ونسكل ونسكلب علي الاستاذ محمود محمد طه.... وفكرو....وشهادتو...وكيف حاكموهو وكيف كتلوهو ....وكيف علقوهو ساعتين في المشنقة وقبل ما ينفذو الاعدام.... ورئيس المحكمة... يشتم ويشب فيهو.....محمود مضى والفكر باقي..... لا يا اخوان محمود مضى ومن قتله باقي.... نميري يضرع في الخرطوم.. كية تكوكيكم....يقدل...ولا ساعل فيكم ولا في محمود....واحدة من الاتنين.... يا سيبو البكا و المناحات البتسو فيها دي.... يا اخدو حقكم....الزول تراهو داااااااك عينكم فيهو.... وقبيل وقت كتل محمود....ما شاور لو زول.... حيجي واحد يقول لي نحن عاوزين نقاضيهو... عند الحكومة... ونحن ناس بتاعين قانون ....مرحب يا قانون.....
نفس الشي.... اخوانا الرفقاء الشرفاء الشيوعين..... جايبين شهداء 19 يوليو.... وفارشين بوست بهناك...ردحو ويبكو...ويجعرو...وشي قصايد...وشي نضم.. يقطع القلب.....وصور قبل الاعدام...وصور ساعة الاعتقال....وصور واحد مدنو كف..... ونميري برضو قاااااااااعد يضرع... ويقدل في الخرطوم..... وابو القاسم.... يحوم وهو طاشم كمان...وخالد حسن عباس شوف عيني... في الحفلات العامة مقلوز عمتو.... شيوعي جا ناطي ساكت قال اديهوكفيف بس..مافي.... فالحين في النضم....والنضم الما مفهوم والشعر المسيوط فوق تحت...ناسكم الكتلو ناسكم قاعدين وحين يرزقو.....وحايمين قدام الناس... بالله عليكم الله يا اخوانا يا تبقو ناس ناس تار عديل....يا تسكتو....وتصمو خشومكم....اما النضم الني...المامنو فائدة ما بيبقى.....والله شي يغيظ.....انا غايتو لو زول كتل لي نعجة...وهي موجعاني وداخلة علي والله ما بخليهو
|
Post: #2
Title: Re: منبـــر.... المبكـــى
Author: khider
Date: 03-10-2004, 06:35 PM
Parent: #1
وانت يا سجيمان البوم البعجبو الخراب ؟؟
|
Post: #8
Title: Re: منبـــر.... المبكـــى
Author: Raja
Date: 03-10-2004, 07:21 PM
Parent: #2
سيجيمان..
ده كلو كوم وحكاية اللغم الفووق المخوفنا منو بكري كوم تاني..
انا غايتو ما عرفت افرق بين اللغم واللغم.. لأنو القلم ده أمرو هييييييين..
فأفتينا يا شيخنا "عقب" أنا بقيت بطمن لي كلامك..
|
Post: #10
Title: Re: منبـــر.... المبكـــى
Author: سجيمان
Date: 03-10-2004, 08:27 PM
Parent: #8
رجا
Quote:
ده كلو كوم وحكاية اللغم الفووق المخوفنا منو بكري كوم تاني.. |
انا غايتو من قريت النضم دا..... بقيت امشي الماوس براااااااحة...وقلبي فوق ايدي
|
Post: #9
Title: Re: منبـــر.... المبكـــى
Author: سجيمان
Date: 03-10-2004, 08:20 PM
Parent: #2
لا والله يا خضر
داير الناس يكونو عمليّن اكتر...والله انا حزين جدا لقتل محمود محمد طه....واكثر حزنا لمذبحة الشيوعين....
شفتني وقت انضم في السياسة اشتر وعوير كيفن؟
|
Post: #3
Title: Re: منبـــر.... المبكـــى
Author: اساسي
Date: 03-10-2004, 06:40 PM
Parent: #1
يا سيجي
اهلنا زمااااااااان قالوا السواي مو حداث
يعني زول السوا مو زول كلام ونضم
النضم دا حجة الجعجاع
وانا زي كلامك دا راجي الحكومة دي تسقط اون لاين
بواسطة دانات الكيبورد ومدافع الماوس ودانات اللصق والنسخ
والكفاح المنضمة والنضال السايبيري
المستغرب ليهو جدا جدا جدا
انه كيف زول قاعد في امريكا ولا اوربا ويتكلم بي لسان
ناس كتم وشنقلي طوباي ... دا ما جيش والعنده راي يمشي ينضم
للجيش دا ويكاتل الحكومة ويناضلها النضال المعروف دا
لكن اول مرة اشوف مكاتب اعلامية وناطقين باسم اكثر من الجيش زاتو
|
Post: #4
Title: Re: منبـــر.... المبكـــى
Author: Tabaldina
Date: 03-10-2004, 06:41 PM
Parent: #1
..
.
آآآها يا سى جى انت هبشت بيت امتركش !!!
بس انت ما نطيت سطر ؟؟
يعنى القاعدين لينا فى نفسنا 14 سنه ديل
مالك ما جبت سيرتهم ؟؟
بتخاااف ؟؟؟ما قلت ود عرب !! 
نتلاقى فى اللفه ..
|
Post: #5
Title: Re: منبـــر.... المبكـــى
Author: ملكة سبأ
Date: 03-10-2004, 06:45 PM
Parent: #1
زمان برضو واحد قال جاين داخلين البلد دى شهر 8 وعمر البشير دا احسن يشوف ليه محل يمشي ليه
انا قلت لو بس ياخدلو (خفيسة) على اقرب جارة ويجي راجع الناس حتهتف بحايتو من المطار لحوش بانقا (وضيعناك وضعنا وراك)
وانا اقترجت ليهم نسوي لينا حوش ماااااهل ونكتب عليه بره (حوش سامحنى غلطان بعتذر) للجانا والحايجينا
وان جيتني معاك حق كترت النضم فلقت راسنا بلا فائدة ونحن ناس حق الشاى والتمباك فى تلتلة
هى بسم الله تمباك شنو ؟؟ ماتفهمني غلط بقصد للرجاجيل 
|
Post: #16
Title: Re: منبـــر.... المبكـــى
Author: سجيمان
Date: 03-10-2004, 10:56 PM
Parent: #5
ملكة سبأ
الرجاجيل ما بيسفو التمباك... البيسفوهو الرجال..... الحايمين في السوق العربي
|
Post: #6
Title: Re: منبـــر.... المبكـــى
Author: Tabaldina
Date: 03-10-2004, 06:49 PM
Parent: #1
..
.
انت يا اساسي مالك قاعد لى فى الصدام ؟؟
انت اشتغلت اوفر تايم فى انترنت كافية ولا كيف ؟؟
القلتهم ديل قوات انكشارية اوووبس قصدى دون كشوتية ؟؟
ويا ظلام الليل ..العليّ ما تزيلوا
طال .... والهوى طال ليلو
يا حليل ايامنا
وشنو ما عارف .. الاغنية طارت خلاص كبرنا
وكبرت ايامنا وهم كبروا وزادوا لامه
محمد معانا ما تغشانا..
|
Post: #7
Title: Re: منبـــر.... المبكـــى
Author: اساسي
Date: 03-10-2004, 06:54 PM
Parent: #6
التبلدي الحبيب
تعرف اقرب تهمة بقت جاهزة ليك كوز اخو مسلم لكن وحاتك من الشفته منهم دا بقيت افكر في الكيزان والاخوا المسلمين ديل عيبهم شنو
علي الاقل ديلك بقولوا ليك شتت انضم بعيد وديل يقولا ليك اقعد لكن تنضم نضمنا دا عليك الله احسن ياتو البيقول ليك انضم نضميك لكن بعيد مني ولا البغصبك تقول كلامه وكان ما قلته رزك حرق
الاغنية شديدة وبحاول انزلها ليك مع اني ما بحفظ ولا غنية من ما قمت صغير لحدي ما فوات علي الفوات
|
Post: #11
Title: Re: منبـــر.... المبكـــى
Author: مريم بنت الحسين
Date: 03-10-2004, 08:50 PM
Parent: #1
والله يا دكتور دايره أفتح موضوع تاني.. لقيت روحي ضغط على الجزء الخاص بالرد.. ما دايره أرد على كلامك.. لكن الله ساقني عديل كده عشان أرد....
أحترم طريقتك في عرض المواضيع بالسخرية.. ورأيك هذا مقبول باعتبار حُسن النيّة... لكن الحقيقة أن الموت ليس مكان سخرية.. قد أتحدث بدافع من مشاعر الانتماء إلى الأستاذ محمود.. والحزن على الأخوة الشيوعيين الذين قضوا في تلك الأيام السوداء.. لكني أحترم ما وراء السخرية.. لكنها في حد ذاتها ليست مناسبة هنا....
هذا رأيي.. ولن يفسد للود قضية..
لك الاحترام والتجله...
بنت الحسين
|
Post: #13
Title: Re: منبـــر.... المبكـــى
Author: سجيمان
Date: 03-10-2004, 09:02 PM
Parent: #11
بنت الحسين
انا ما سخرت من الموت.... لانو الموت ما فيهو سخرية.. صح..... لكن انا اتسأل ليه....البقية الباقية من الجمهورين او الشيوعين ما عاوزين ياخدو حقهم..... ليه؟.....وبعدين انا برضو حزين... على كل شخص قتل بدون وجه حق... سوى كان الشيوعين او الاستاذ او الانصار في ابا وود نوباوي....بس ليه الناس ديل مطنشين القصة دي؟.....
|
Post: #12
Title: Re: منبـــر.... المبكـــى
Author: Osman Hamad
Date: 03-10-2004, 09:01 PM
Parent: #1
قلت لى كنتوشة الداية مالاااااا !!!!!!!!!
|
Post: #15
Title: Re: منبـــر.... المبكـــى
Author: سجيمان
Date: 03-10-2004, 10:41 PM
Parent: #12
Quote:
قلت لى كنتوشة الداية مالاااااا !!!!!!!!!
|
عثمان
قلت كدي؟........ خلاص اها من يوم الليلة يا خشم فيك عضم... وانا مالي ومال القراية ام دق......واخير لي كنتوشتي دي
|
Post: #14
Title: Re: منبـــر.... المبكـــى
Author: مريم بنت الحسين
Date: 03-10-2004, 09:49 PM
Parent: #1
دكتور...
انا متفهمة تماما وجهة نظرك.. بس الطريقة الإتقال بيها الكلام كانت شويه كده صعبه...
وبرضه فاهمة كلامك عن ضرورة أخد الحق... لكن ... لكل أسبابه...
الأخوان الجمهوريون رفعوا دعوى قضائية.. نجحوا في كسبها.. وقضت ببطلان حكم المحكمة الذي صدر.. وأصدر أحكام بتوقيف كل المتآمرين.. لولا أن انقلاب الإنقاذ أوقف الأمر كله.. ومن الطبيعي ألا يحاكم النظام نفسه.. ويصدر أحكام الاعدام في حق أفراده....
أعتقد أن الذي حصل أن الجمهوريين أصيبوا بما يشبه الاحباط من سريان العدالة... أو ربما هم في فترة سكون.. أو لعل الأمر لسبب آخر...
بنت الحسين
|
Post: #17
Title: Re: منبـــر.... المبكـــى
Author: سجيمان
Date: 03-10-2004, 11:02 PM
Parent: #14
مريم بنت الحسين
شكرا للتوضيح
وقع لي نضمك.... تب
|
Post: #18
Title: Re: منبـــر.... المبكـــى
Author: Abuobaida Elmahi
Date: 03-10-2004, 11:20 PM
Parent: #1
سجيمان
البسو فيهو ده زي شغل عشيمانة بت أدريس لمن بارت حاجاتا وما لقت النسوان البشترن ...
اسع أنت حريص علي أنو الناس تاخد تارا .. أنا أشك
في ده . ما هذه اللغة الغريبة التي تشبه قطيعة المشاطات ..؟
|
Post: #19
Title: Re: منبـــر.... المبكـــى
Author: سجيمان
Date: 03-11-2004, 08:58 AM
Parent: #18
ابو وبيدة الماهي
Quote:
ما هذه اللغة الغريبة التي تشبه قطيعة المشاطات ..؟ |
لغة المشاطات غريبة؟.. ما اظن....انت ما تراكا عرفتها.... الاخ مشاطة برضو؟
|
Post: #20
Title: Re: منبـــر.... المبكـــى
Author: sadda
Date: 03-11-2004, 03:28 PM
Parent: #1
ياسيجمان يااخوى طرتشتك كتر
دحين عمنا محمود ده ما قابل الموت ده متحزم ومبتسم وبعدين يا اخوى ناسو ديل لو كانو ناس تار هو ما كان قتلو فى الاساس علا دحين يا اخوى التار بقى مفخرة؟؟؟
اما الشيوعيون ديل نضم برا ديل قالوا ليك يا سجيمان دخلوا القصر ده والعين بتشوف يعنى نص النهار فى حمرة عين اكتر من ده وزولك نميرى حالتو اديتا الخلا يرجف من راسوا لا كرعى وحفيان ومبشتن لكن بعد ده ما قتلو عليك الله امرق النصيحه فى رجاله اكتر من دى وبعد داك لمن لاقو الموت والرصاص لاقو مفتحين وبقدام مامن قفاهم زى ناس كده؟؟
اه النكلمك نميرى اسى قاعد فى ود نباوى لكن ما مضرع قاعد ياسجيمان اريتو قعاد عدوك يكلم روحو الزول ات ماشفنو فى التلفزيون سيهتان ويلغلغ وحايموت كما تموت العير
وبعدين ات نسيت ناس ما جبتا طاريهم الناس البدبو بالليل وبجرو جنس جرى بالاميال اربعين ميل فما فوق خسيمك النبى كما جبتا طاريهم
اه ارقد عافيه ودعتك الله
|
Post: #21
Title: Re: منبـــر.... المبكـــى
Author: سجيمان
Date: 03-11-2004, 10:41 PM
Parent: #20
sadda
نضمك سمح
والله الموتة الماتا محمود والماتوها ناس 19 يوليو اي راجل يتمناها.... لكن انا بنضم عن ناسو الوراهو....
|
|