Post: #1
Title: طـــلاق ام العيــال و كشـــف الحــال
Author: سجيمان
Date: 03-24-2004, 03:48 PM
اهداء
الي كل زوجة باقية عشرة في راجلا
الي كل زوج باقي عشرة ونص في مرتو
مدخل
___
البوست غير موجه وان شاء الله اتسخت وابقى قرد في ابيي واتجهجه وما اعرف انا مع منو كان انا قاصد زول......
دخل علي زهجان .... شايلو كراس ابو مائة صفحة فاضي...صاحبي سعد الله لا بيقرا ولا بيكتب...لكن زول بتاع مشاكل.... كورك لي وقال لي تعال....وجيب قلم.. جيت وجبت القلم وقلت لو ان شاء الله خير.... قال لي انا طلقت المرا ....وداير ارفع قضية في اهلها يعوضوني خسارتي الخسرتها فيها عشرة سنوات وانا اصرف عليها... ودايرك تكتب التكاليف كلها في الكراس دا......قلتو سمح اها؟
قال لي اولك بالتبادي.... الاكل والشراب..... اكتب عندك
لوري ونص لوري عيش
نص لوري قمح
بوكسي دقيق فينو
تلاتة لواري فحم.... انت عارف يا سجيمان المرا دي كانت كل ما تحمل وتتوحم تقع في الفحم اكل وقرميش
تريلة ملوخية
تريلة رجلة
تلاتة بكاسي قرع
اتنين بوكس جرجير
اربعة لواري بصل....من الله خلقك شفت زول قاعد يتفرج في التلفزيون ويقزقز بالبصل؟...وبصل ناشف....تاكل وتتمخت بي طرف جلابيتا
فنطاظ صلصة
فنطاظين زيت سمسم
فنطاظين زيت الاكل داك
اربعة فناطيظ لبن
برميلين ودك
برميلين كركار
اربعتاشر تور..... كانت يا سجيمان في الفطور نص كيلو لحم وفي الغدا برضو نص كيلو.... جبتها من اهلها زي القشة حسي شوفا يا الله ويا امين ماشة علا يدردقوها
تلاتاشر خروف وغنماية
..... اها يا سجيمان نجي للعلاج والحكماء والزي منو
اربعة جركانات دواء حق حقن حقات موراريا
اربعتاشر جركانة حقت دواء حق اسهال...ديييييييييييييمة ...ديمة...اااااه خلها علي الله
تلاتة شوالات حبوب وجع راس
شوالين حبوب حقات استلهابات....طوااااااااالي مستلهبة
تاني يا سجيمان نجي للهددم....
اربعة طاقات تيبان
ستة طاقات قماش فساتين
خلاص يا سجيمان كل ما اتذكر شي بجيك راجع تاني..... قلت لو ياسعد الله اخوي الهدوم كلهن كانن تيبان وفساتين وبس؟...والهنايات ديك؟..... قال لي ... لا الهنايات ديك اراح معاي البيت عندي ستاشر مخدة.... امسك لك سكين وافتح اي مخدة وشوف البلاوي البتجي ناطة منها..... وانا يا سجيمان اخوي اتوسد مخده مخده... وانوم الهلاويس كان جاتني خاتية؟......وبعدين الهناي ما ياخد عندها اسبوع تلقاهو اتهرد واتقطع ... المرا تقول بطارية عربية؟
|
Post: #2
Title: Re: طـــلاق ام العيــال و كشـــف الحــال
Author: bayan
Date: 03-24-2004, 03:56 PM
Parent: #1
| Quote: .... جبتها من اهلها زي القشة حسي شوفا يا الله ويا امين ماشة علا يدردقوها |
قل هو الله احد من عين الرباطاب الحمضية
|
Post: #7
Title: Re: طـــلاق ام العيــال و كشـــف الحــال
Author: سجيمان
Date: 03-24-2004, 06:27 PM
Parent: #2
بيان
Quote:
قل هو الله احد من عين الرباطاب الحمضية |
اها ... سعد الله اتذكر الحمضيات..... تلاتة بكاسي ليمون حب.....واربعة برتكانات....
|
Post: #3
Title: Re: طـــلاق ام العيــال و كشـــف الحــال
Author: Rawia
Date: 03-24-2004, 04:06 PM
Parent: #1
|
Post: #8
Title: Re: طـــلاق ام العيــال و كشـــف الحــال
Author: سجيمان
Date: 03-24-2004, 08:33 PM
Parent: #3
*
|
Post: #4
Title: Re: طـــلاق ام العيــال و كشـــف الحــال
Author: abuguta
Date: 03-24-2004, 04:08 PM
Parent: #1
سجيمان
انا ماشى ودوامى خلص
بس هناية دى شايفها الايام دى دمها فاير مرة انجليزى ومرة عربى
وشايتة الرجال برجلها قنعانة عديل كدا ...اريتها يايابا رجلى اسى كان لا انكسرت ولا حاجة
دحين الله يسترك معاها ما شفتها ..اىىىى فى ابيى
والخالات اسى بتوحدن قصادك من اجل الجندر وبكرة تجينا حانى قصيصتك يابقوتة الحقنى وياسنتى انجدنى قريبك الجديد دا لا بنفعك ولا حاجة
اشوفك بكرة فى الجندر
اناظر فيك واتحير
وانت حفيان فى الحر
وجاتك واحدة تتبختر
تقول طالعة من بعشر
او داخلة امتحان سمستر
انشاء الله البوست يخسر
3 براميل كركر
وجزمة زى العسكر
ودى طبعا دفاع الجندر
وخالتك جاية تتفرفر
وهناية شايلة ليك منجر
وسيجى سنقر ودنقر
تانى تعال للجندر
و لقدام
|
Post: #9
Title: Re: طـــلاق ام العيــال و كشـــف الحــال
Author: سجيمان
Date: 03-24-2004, 10:52 PM
Parent: #4
ابقوتة
بطل الفتن
حسي الجاب سيرة الجندر منو؟ وغلت فيهن منو؟.... زول داير خسارتو... ما يدوها ليهو يعني؟
|
Post: #5
Title: Re: طـــلاق ام العيــال و كشـــف الحــال
Author: Ali Alhalawi
Date: 03-24-2004, 04:09 PM
Parent: #1
وحدات القياس السجيمانية
اللوري لقياس العيش و القمح و الفحم و البصل
البوكسي لقياس دقيق الفينو و القرع و الجرجير
التريلة لقياس الملوخية و الرجلة
الفنطاظ لقياس الصلصة و زيت السمسم و زيت الاكل و اللبن
البرميل لقياس الودك و الكركار
التور لقياس اللحم
الخروف لقياس اللحم
الغنماية لقياس اللحم
الجركان لقياس الدواء
الشوال لقياس حبوب وجع الراس و الحبوب حقات استلهابات
الطاقة لقياس التيبان و الفساتين
المخدة لقياس الهنايات ديك و بطارية العربية
|
Post: #16
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 07:49 AM
Parent: #5
علي الحلاوي
المقاييس دي لفترة زمنية اقلها خمسة سنوات
|
Post: #6
Title: Re: طـــلاق ام العيــال و كشـــف الحــال
Author: طيفور
Date: 03-24-2004, 04:33 PM
Parent: #1
عارف يا ابو الثيج يا خوي... سعد الله دا...
اكان حسب حق الشباشب والسفنجات بس بيغنى طب
الحروم ديل التقول قشارات ...
الواحدة في الاسبوع تهرسلها زي كمين شبشب
وعدد من السفنجات.. وحاجات كدي فرد لبسة ويتحال علي المعاش
احييييي..... حليل بت العمدة
وحات الله سنه للحول
تقطعلها مركوبين ووتوبين زراق و.. فردة دمور
لزوم المجاملات الاجتماعية والذي منو
ات يا ثجيمان العيب في كرعينا....
ولا لعنة اليابان لحقت الجزم؟؟؟
|
Post: #17
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 12:44 PM
Parent: #6
طيفور
Quote: ات يا ثجيمان العيب في كرعينا....
ولا لعنة اليابان لحقت الجزم؟؟؟ |
نحن كرعينا من يومن مو كرعين نصاح يا طيفور اخوي.... ماينفع معاهن علا جزم من ابوالقدح
|
Post: #10
Title: Re: طـــلاق ام العيــال و كشـــف الحــال
Author: Outcast
Date: 03-24-2004, 11:07 PM
Parent: #1
|
Post: #12
Title: Re: طـــلاق ام العيــال و كشـــف الحــال
Author: tasneem
Date: 03-25-2004, 00:20 AM
Parent: #10
سيجمان يا ظريف كعادتك كل يوم زايد اشراق واشراق
حسي الجاب سيرة الجندر منو؟ وغلت فيهن منو؟.... زول داير خسارتو... ما يدوها ليهو يعني؟
وهي خسارتة وين عاوزينك تعمل لينا جرد ليها
مع تقديري واحترامي
|
Post: #14
Title: Re: طـــلاق ام العيــال و كشـــف الحــال
Author: ASAAD IBRAHIM
Date: 03-25-2004, 01:49 AM
Parent: #12
|
Post: #22
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 02:22 PM
Parent: #14
اسعد ابراهيم
Quote:
واطالبك انت وصاحبك الشكلي دة تعملوا كشف وترجعوا ليها حاجاتها
كلها علي داير اقل فتفوتة |
يا اخوي الكشف تسويهو هي براها..... في الاستئناف
|
Post: #20
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 01:37 PM
Parent: #12
تنسيم
| Quote: وهي خسارتة وين عاوزينك تعمل لينا جرد ليها |
ترلات الملوخية والرجلة....ولواري البصل دي ما خسارة؟
|
Post: #11
Title: Re: طـــلاق ام العيــال و كشـــف الحــال
Author: صديق الموج
Date: 03-24-2004, 11:27 PM
Parent: #1
|
Post: #15
Title: Re: طـــلاق ام العيــال و كشـــف الحــال
Author: Rawia
Date: 03-25-2004, 01:56 AM
Parent: #11
|
Post: #32
Title: Re: طـــلاق ام العيــال و كشـــف الحــال
Author: سجيمان
Date: 03-26-2004, 01:09 PM
Parent: #15
صديق الموج
تسلم .....وشكرا لك
|
Post: #21
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 01:48 PM
Parent: #11
صديق الموج
| Quote: وبعدين دى مره والا ميز عذابه كلها اكل وشراب |
ههههههههههههههههههه.... الحاجات الباقية القلتها دي سعد الله بيعتبرا ديون ميته
|
Post: #13
Title: Re: طـــلاق ام العيــال و كشـــف الحــال
Author: Osman Hamad
Date: 03-25-2004, 01:26 AM
Parent: #1
وتلاتة بالات قطن
|
Post: #19
Title: Re: طـــلاق ام العيــال و كشـــف الحــال
Author: Al-Masafaa
Date: 03-25-2004, 01:20 PM
Parent: #13
سجيمان يا خوي انت عم شوقي بدري هرشك قلت داير معاو عصراوية نكت ليك الناس الكان بقيل معاهم مخخنجية و ربابيط و اتخلعت و هلوس معاك جلال و حقك الضائع، عشان كدا مرقت لينا بالبوست دا و رغم دمو خفيف لكن كمان يا حبة زودتها حبتين و اللبيب بالاشارة يعمل ما فاهم. اطيب التحايا و الود و الاحترام و اخيرا ان شاء الله بوستك دا ما يجيبليك هواء ادارة او زوار و كان لاموك الزملاء او لفتت الادارة نظرك خير و بركة و انا عارف صدرك واسع، و كمان لو البوست جاب معجبين و كلامي دا طلع هواء فامسحوا لي في وشي دا. وجهة نظر اخ لاخ كريم و ما لامك الا حبيبك.
|
Post: #24
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 03:05 PM
Parent: #19
المسافة الفايت الناس مسافة
| Quote: سجيمان يا خوي انت عم شوقي بدري هرشك |
هرشني ساكت؟..... لكن بيني وبينك الراجل وناااااس...والونسة معاهو ما بتزهج منها.. علا تراكا براك شايف الربابيط والمخخنجية الجابم لي......
|
Post: #23
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 02:53 PM
Parent: #13
عثمان حمد
يا اخوي ... ديل المراتب بتاعتهم سفنجة... ما قطن
|
Post: #18
Title: Re: طـــلاق ام العيــال و كشـــف الحــال
Author: حمزاوي
Date: 03-25-2004, 01:10 PM
Parent: #1
يا عثمان حمد
يا أخوي
تلاتة بالات قطن
لي شنو
|
Post: #25
Title: Re: طـــلاق ام العيــال و كشـــف الحــال
Author: Tumadir
Date: 03-25-2004, 05:13 PM
Parent: #18
طلاق ودكين
ولا عرس واحدين
سيد الجيب يدخل يجيب ويمرق يجيب...
|
Post: #26
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 07:17 PM
Parent: #25
تماضر
Quote: طلاق ودكين
ولا عرس واحدين
سيد الجيب يدخل يجيب ويمرق يجيب... |
تماضر غايتو حشرتينا في ضفورنا
وسيد الجيب اصلو بيجيب علا سيد الكارو يسوي شنو؟
|
Post: #27
Title: Re: طـــلاق ام العيــال و كشـــف الحــال
Author: ASAAD IBRAHIM
Date: 03-25-2004, 08:31 PM
Parent: #26
حذف لانتفاء سبب وجوده
|
Post: #28
Title: Re: طـــلاق ام العيــال و كشـــف الحــال
Author: Osman Hamad
Date: 03-25-2004, 08:45 PM
Parent: #18
يا حمزاوى اخوى
اهو سجيمان رد ليك...القطن للمراتب واللحافات ...والله اليومين دى الواحد بقى يكتب وقلبو فى يدو....خايفين من اللبس.
اخوى حمزاوى عليك الله ماتزعل منى والله العظيم انا ماعندى معاك اى مشكلة...بس اليومين دى الناس بقت حساسة شديد..لابتفرق بين هزار وللاجد...والزول يكون قاصد حاجة...يلقى الناس فهمت حاجة تانية.
غايتو ياجماعة اعفو مننا لله الرسول..انا غايتو ماعندى مشكلة مع زول...ولا عاوز لى مشكلة مع زول...وكرهتى فى الدنيا دى المشاكل...دحين كان فهمتونا غلط العفو والعافية...وكان جرحنا لينا زول بالغلط برضو العفو والعافية.والصدر رحب لاستقبال اى تنبيهة
|
Post: #29
Title: Re: طـــلاق ام العيــال و كشـــف الحــال
Author: سجيمان
Date: 03-25-2004, 08:53 PM
Parent: #28
غايتو البوست دا
هادي طرفي منو
|
Post: #33
Title: Re: طـــلاق ام العيــال و كشـــف الحــال
Author: فرح
Date: 03-26-2004, 01:14 PM
Parent: #29
سجومى سلامات
اها انتا برضوا جابوك هنا فى كشف التنقلات
|
Post: #34
Title: Re: طـــلاق ام العيــال و كشـــف الحــال
Author: سجيمان
Date: 03-26-2004, 01:18 PM
Parent: #33
فرح
ههههههههههههههههههههه
حبابك..... انا نقلوني هنا بدري
|
Post: #30
Title: Re: طـــلاق ام العيــال و كشـــف الحــال
Author: صديق الموج
Date: 03-25-2004, 08:59 PM
Parent: #1
اسعد ابراهيم
قول ماشاء الله
|
Post: #31
Title: Re: طـــلاق ام العيــال و كشـــف الحــال
Author: ASAAD IBRAHIM
Date: 03-25-2004, 09:13 PM
Parent: #30
ما شاء الله
شكرا
|
Post: #35
Title: Re: طـــلاق ام العيــال و كشـــف الحــال
Author: khider
Date: 03-26-2004, 02:30 PM
Parent: #31
| Quote: وبعدين الهناي ما ياخد عندها اسبوع تلقاهو اتهرد واتقطع ... المرا تقول بطارية عربية؟ |
قر قر قر قر قر قر قر قر قر قر قر قر قر قر قر قر قر قر قر قر قر قر قر قر
قر قر قر قر قر قر قر قر قر قر قر قر
|
Post: #36
Title: Re: طـــلاق ام العيــال و كشـــف الحــال
Author: alfatih
Date: 03-26-2004, 09:44 PM
Parent: #1
سجيمان
سلام يا اللخو
قلت لى الجزم الا بتاعة ابو القدح ؟
ودى يمشو بيها فى ياتو شارع ؟
|
Post: #37
Title: Re: طـــلاق ام العيــال و كشـــف الحــال
Author: سجيمان
Date: 03-26-2004, 09:49 PM
Parent: #36
الفاتح
Quote:
ودى يمشو بيها فى ياتو شارع ؟ |
يبارو بها الجداد
|
Post: #38
Title: Re: طـــلاق ام العيــال و كشـــف الحــال
Author: انور الطيب
Date: 03-26-2004, 10:24 PM
Parent: #1
يا سجيمان تحياتي الحارة لك ولمن معك
| Quote: البوست غير موجه وان شاء الله اتسخت وابقى قرد في ابيي واتجهجه وما اعرف انا مع منو كان انا قاصد زول...... |
يا سجيمان غايتوا شيل شيلتك لو ما اتسخت وبقيت قرد ناس ابيي ما بخلوك وغايتوا مسمار جحا لو مع ديل ووب ولو مع ديل ووبين
طبعا سعد الله بتاعك دة لقى أياموا وعايز يحاسب كمان دة كان زمان وزمان برضوا النسوان مساكين لو طلقوهن بشيلن اولادن ويمشن أهلن لكن أسة كان طلقوهن صاحبك سعد الله دة بشيل الأولاد هو وبيمشي بيهم وين عاد ما بكرة بس بجيب المرة ثاني وخصوصا لو كان في واحد برضع أو واحد عكليتة وجنوا اسئلة .
ولك تحياتي
|
Post: #39
Title: Re: طـــلاق ام العيــال و كشـــف الحــال
Author: سجيمان
Date: 03-26-2004, 11:24 PM
Parent: #38
انور الطيب
شعد الله لو ادوهو حسابو.... اولادو بالحيل بيمسكن عندو....بس هم كيف يحاسبوهو
|
Post: #40
Title: Re: طـــلاق ام العيــال و كشـــف الحــال
Author: ABUHUSSEIN
Date: 03-26-2004, 11:33 PM
Parent: #39
سـجـيـمـان ســــلام
يـاخـــوي صـاحـبـك دا كـــتـب كـــل المـصـاريـف اللي لــيهـــو
طــيــــب المــصـــاريـــف اللـي عـلـيـهـو ويـنــــي ؟؟؟؟؟؟؟
ما تـسـألنــي هـــي شـــنــــو عـلـشــان ............ بوســتـــك دا ما
إبـــقـــى فــي خـــبـــر كـــان
و المــخـــدات دي إتـمـلـت بــي شـــنـــو ؟؟؟؟؟ يعني بطارية العربية دي هي
براها يا خوي إنت مالك زول ظـــلامــي كـــدا و صـاحـب فـكـر ذكـــوري
؟؟؟ خليك إنـسـان عــــادل
|
Post: #41
Title: Re: طـــلاق ام العيــال و كشـــف الحــال
Author: سجيمان
Date: 03-27-2004, 00:12 AM
Parent: #40
ابو حسين
يا اخوي انا كتبت البوست دا غير موجه...وما قاصد بيهو اي شي
|
Post: #42
Title: Re: طـــلاق ام العيــال و كشـــف الحــال
Author: ابو جهينة
Date: 03-27-2004, 10:45 AM
Parent: #41
سي جي العزيز
صاحبك سعد الله دة لو أنا محامي و قامت زوجتو وكلتني أرفع عليهو قضية ،، و الله يشرب ما يروى.
أها نجيك لتفنيد مطالبو :
1. جابليها الفحم في الوحم بدل ما يجيب ( طين بحر ) ،، و دة يعتبر تزوير في ( فحمات رسمية ).
2. جاب ليها بصل للقزقزة أمام التلفزيون بدل ما يجيب ليها ( مكسرات ) ، و دة كمان سبب الإسهال المتواصل.
3. حبوب وجع الراس و كميتها ثلاث شوالات ،، و السؤال هنا : ما السبب في وجع الراس ؟
4. شوالين حبوب حقات إستلهابات ، طوالي مستلهبة . سعد الله هو سبب الإستلهابات و هو الستين مستلهب ،، ما يقعد يستلهب في المرة ساكت و يسجل الحبوب على حسابا هي. و الله مرتو بت أصول ،، لو كانت دايرة تفضحو كانت تقول سببو.
قول ليهو يسحب الشكوى ،، و إلا و الله عندنا مستمسكات ضدو توديهو التوج.
قلت لى بطارية عربية ؟
|
Post: #43
Title: Re: طـــلاق ام العيــال و كشـــف الحــال
Author: سجيمان
Date: 03-27-2004, 12:24 PM
Parent: #42
ابوجهينة
سعد الله...قال لك جهجهتني... زي اسمك دا
لكن قال لك الاستلهابات استهابات الات لوز وابو اللغود..... لانها طوااااااالي تلوغد.... المرا زي الطاحونة....
|
Post: #44
Title: Re: طـــلاق ام العيــال و كشـــف الحــال
Author: Al-Masafaa
Date: 03-27-2004, 12:34 PM
Parent: #43
سجيمان
انت ما قلت البوست داك طرفك منو.
مالك جيتوا صادي، معقولة فكي و فقير زيك يكضب ويستهبل و لا داك كان كلام زعل ساكت، و بعدين تعال النسعلك شابكنا خسارتو و المحامي بهناك خسارتها و لسان الحال يقول: خسارة قلبي في حبك وا خسارة...
لك الود و التقدير و نرجو تورينا بتكتب بالاحمر لية و كيف.
|
Post: #45
Title: Re: طـــلاق ام العيــال و كشـــف الحــال
Author: سجيمان
Date: 03-27-2004, 12:40 PM
Parent: #44
المسافة
والله راجعت نفسي لقيت الحرداب ما منو فائدة
الكتابة بالاحمر عشان انا بريد البتيخ......
|
Post: #46
Title: Re: طـــلاق ام العيــال و كشـــف الحــال
Author: Al-Masafaa
Date: 03-27-2004, 12:55 PM
Parent: #45
شكرا على الرد يا شيخنا.
بالنسبة للكتابة باللون الاحمر .. قلت بتريد البتيخ سمح، لكن ما وريتنا كيف
و كيف دي للكتابة باللون الاحمر.
اما ريدتك للبتيخ جليها هسا بنجيها بعدين..
|
Post: #47
Title: Re: طـــلاق ام العيــال و كشـــف الحــال
Author: سجيمان
Date: 03-27-2004, 01:02 PM
Parent: #46
لو وريتك اتفلهم علي الناس بي شنو؟
لكن عوضي علي الله ......
قبل مما تكتب اي حاجة تنزل الكود دا وما تنسى تشيل النجمتين
<*font color=red*>
|
Post: #49
Title: Re: طـــلاق ام العيــال و كشـــف الحــال
Author: Al-Masafaa
Date: 03-27-2004, 01:30 PM
Parent: #47
تتبارك ما تتشارك يا شيخنا
دا اول تمرين عملي و شكرا و كتر خيرك.
طيب، نرجع لحبك للون الاحمر و انت قلت حب البتيخ.
و حب الناس مذاهب دي مفروض تتغير حب الناس فواكه.. و لا شنو. انا طبعا بحب اللون الاحمر لاني مريخابي، و دي ما منعت انو لوني المفضل الازرق و تلاتة ارباع هدومي زرق فاتح و غامض و سماوي و لبني و كحلي.
ثالثا انت كان مفروض تكون شفاف و تقول بتحب الكتابة باللون الاحمر عشان هو لون الدم، الضحية، بالروح بالدم، عشان الريد اختلط بالدم،
|
Post: #50
Title: Re: طـــلاق ام العيــال و كشـــف الحــال
Author: سجيمان
Date: 03-27-2004, 01:52 PM
Parent: #49
المسافة
يا زول اووووووعك تتلوم في البتيخ .....والله ساكت تجيب سيرتو بالغلت......يطلع زول قريبو هنا ونقعد في الاعتذار..وانا بيني وبينك شاكي في رضا يكون قريبو.....طوالي معلق صورو في المنبر
|
Post: #48
Title: Re: طـــلاق ام العيــال و كشـــف الحــال
Author: دورنقاس
Date: 03-27-2004, 01:16 PM
Parent: #46
سيجمان عرضحلجى سعدالله
السلام عليكم ورحمة الله
عليكم اعلام المدعو سعدالله بمراجعة
مكتب ضرائب محكمة الطلاق المستعجلة
ولا هو هو ما عارف انو حرمو اخت الضرائب
لحمم و فحم
وفى حال عدم المراجعة فى كلام كتير بيحصل
للعرضحلجى ... فاهم ولا اجى افحمك
|
Post: #51
Title: Re: طـــلاق ام العيــال و كشـــف الحــال
Author: سجيمان
Date: 03-27-2004, 01:58 PM
Parent: #48
دورنقاس
يا اخوي سعد الله دافع الضرائب وايصالاتو معاهو..... عندو خُرُج مليان ايصالات.....
علا يا اخوي ...سوعال..... انت اسمك دا معناهو شنو؟
|
Post: #52
Title: Re: طـــلاق ام العيــال و كشـــف الحــال
Author: Al-Masafaa
Date: 03-27-2004, 02:08 PM
Parent: #48
و الله البتيخ على عينا و على راسنا من فوق، البتيخ الخدار الطاعم داك، لكن ياخوي كمان كان عندكم بتيخ تاني مع فلان و علان نحن برة الموضوع دا، لكم بتيخكم و لنا بطاطسنا و لا كيف. اها ما نوصيك ما تستعجل في البتيخ التاني قطعوا بمهلة و اديو الفريزر عشان يكون شغل مثلج.
|
Post: #53
Title: Re: طـــلاق ام العيــال و كشـــف الحــال
Author: Al-Masafaa
Date: 03-27-2004, 02:23 PM
Parent: #52
هذا اجمل ما في هذا البوست
اهداء الي كل زوجة باقية عشرة في راجلا
الي كل زوج باقي عشرة ونص في مرتو
بعد دروس الالوان ... الالوان جمع لون ما الالوان الصحيفة ديك..
|
Post: #54
Title: Re: طـــلاق ام العيــال و كشـــف الحــال
Author: Al-Masafaa
Date: 03-30-2004, 11:07 AM
Parent: #53
UP
|
Post: #55
Title: Re: طـــلاق ام العيــال و كشـــف الحــال
Author: سجيمان
Date: 03-30-2004, 01:38 PM
Parent: #53
المسافة
مبروك نجاحك في الالوان
هاك كود جديد لتكبير الخط...اوووعى تحرجني وتقول لي عارفو حاحبك
<*font color=green size=5*>
من واحد الي سبعة تدرج تكبير الخط
|
Post: #56
Title: Re: طـــلاق ام العيــال و كشـــف الحــال
Author: Al-Masafaa
Date: 03-30-2004, 01:56 PM
Parent: #55
كتر الف خيرك و لا عدمناك
و الله ما كنت عارفوا.
|
|