هيــع.... بنـوت الخــرتـوم

الفكي ود عمتي التاية.... جانا زمااااان زيارة في الخرتوم.... قال جاي عشان يتفسح....وديناهو جنينة الحيوانات لانو كان مصر اصرار شديد يشوفا....مقضي نهارو كلو مقابل الفيل...كل دقيقة... يصفق اديهو مستغرب فيهو ويقول....ابووووووب حلالي... الغول...ابوووب حلالي دي متعود يقولا كل ما تكيف وتبسط من شي....وقدر ما حدستو انو دا فيل ما غول برضو مصر انو غول......مشكلتي معاهو كانت كيف يقطع شارع الزلط.....انا اقطع الشارع وهو واقف بهناك وكل ما تجي عربية ماشة... يكورك لي ...آ سجيمان الخراااااااابة والله النصيبة كاتحة كتح... كاتحة يعني جارية بي سرعة....وكل ما يشوف لو بنات جايات يقعد يقول...هيع بنوت الخرتوم!
زمن الدنيا بي خيرا متعودين نشرب شاي الصباح مع اللقيمات..والفكي كان بيريد اللقيمات ريدة شديدة....اول ما نجيبا يصنقر فوق العنقريب...ويفرك ايديهو ويقول ابووووووووب حلالي اللقيمات....ياكل الصحن كلو وبعد داك يسعلني....آسجيمان حسي باقي لك بعد الزردة دي في طريقة نفطر؟......
قال لي بنوت الخرتوم المملسات ويلصفّن ديل؟.... ما بنلقى لنا واحدة نسعاها؟....يعني نحبها.... قلت لو بتلقى علا يا الفكي اخوي...جنس نضمك دا يطفش ويطير البلد كلها... ان بقيت داير تغير نضمك..وطاقيتك دي ترجعها من جبهتك ورا شوية....وقول نضم حلو وسمح.... علمتو النضم الانا اتعلمتو برااااي من الجماعة.....لبس عراقيهو وجزمتو الباتا وقال لي امرقاكا...مرقنا وشايفين واحدة قدامنا....والفكي يتلفت علي...ويسرع في مشيتو ويقول لي يا جنا الكع الكع...نلحقها... بقينا قصادا.... كانت شايله قرطاس تسالي تاكل فيهو...وقلت للفكي يلا اتوكل علي الله...الفكي جا جنبها....وبدا يغازل.... وووووووووووين يا؟ احي انا......وين كدا ما ظاهرين...؟ احي انا..... لا بسين البمبي دا وما جايبين خبرنا؟ احي انا....بس تاكلو في التسالي دا برااااااكم زي القرود كدا؟ ما تدونا فص ولاّ فصين.... احي انا.....البنية اتبهطت واتهجمت واتحيرت في الزول البي يقولها وين ما ظاهرين دا و اللا ايدا لا كراعاطلعها قرد.....

قال لي بنوت الخرتوم المملسات ويلصفّن ديل؟.... ما بنلقى لنا واحدة نسعاها؟


والله يا سجومي الفكي ود عمتك ده انتهي من بنات الخرتوم تب

غنمايه هي

" قال جاي عشان يتفسح....وديناهو جنينة الحيوانات"

والله العبارة دى دقت بعيييييييييد كدا فى الذاكــرة.
شكــرا يا سجيمان.

ابو الريش

Quote: والله العبارة دى دقت بعيييييييييد كدا فى الذاكــرة.

انت برضو زي الفكي.... جيت تتفسح في الخرتوم ومشيت لها؟

عباس

Quote: والله يا سجومي الفكي ود عمتك ده انتهي من بنات الخرتوم تب غنمايه هي

الفكي يا عباس اخوي ....مو داير يخلي نضمو..

يا دكتور سجيمان
هبع بنوت الهرتوم
عندنا جارنا شرفى عوض
تم تعين على ايام جنينة الحيوانات
موظف الاستفبال فى الجنينه فرد عليه
زوج خالته اه ياشرفى واكت اشتغلت في
جنينة الحيوانات ننا تتفسح وين تانى

إتخيلت شكل الطاقية فى راس ودعمك ده

تعرف مرة عندنا واحدة جات لى ولدها فى الخرطوم اول مرة
وهى راكبة مع ولدها جو فى تقاطع قامت قالت لى ولدها اقيف خلى
العربات تمشى، قام ولدها قال ليها يمه الشارع حقى
قالت ليهو من متين؟

سي جي الوارف
صباحك بنكهة الغزل البريء

( ...الفكي جا جنبها....وبدا يغازل.... وووووووووووين يا؟ احي انا......وين كدا ما ظاهرين...؟ احي انا..... لا بسين البمبي دا وما جايبين خبرنا؟ احي انا....بس تاكلو في التسالي دا برااااااكم زي القرود كدا؟ ما تدونا فص ولاّ فصين.... احي انا )

غايتو الفكي دة لو كان قاعد في الخرطوم ، كان فات كازانوفا و كان بقى دون جوان خطير. و أنا شايف إنو الغزل بتاعو دة نابع من بيئته الريفية العفوية و لا غبار عليها ،
إنت ما بتتذكر الشاعر كثير عزة قال شنو لعزة حبيبتو ؟ قال ليها :
ألا ليتنا يا عز بعيرين نرعى في الخلاء و نعْذِبُ

يعني عاوز ينفرد بيها في الخلاء و يبقوا حيوانات عشان الناس ما يؤاخذوهم بتصرفاتهم.

أهم شي إنو ود عمك بعد كلمة أحى أنا ما قام ( جضم البنية ) لأنو كلمة أحى أنا دايما بتتبعها قرصة في الجضوم.
أرقد عافية

سيجمان


ود عمتك دخل بالباب دا ولا بهناك

دورنقاس

Quote: ود عمتك دخل بالباب دا ولا بهناك

دخل بهناك.... لكن مرقنا بي دا....

ابوجهينة

Quote: ألا ليتنا يا عز بعيرين نرعى في الخلاء و نعْذِبُ

بالله كثير عزة متلوم اللوم دا؟...... انا لله

ترهاقا

Quote: قالت ليهو من متين؟

تعرف يا ترهاقا واحد بلدياتكم سواق تكسي في بورسودان....سايق قدامو ولد وقاعد يلعب بالعربية في الشارع....زولكم دا زهج منو وسكاهو..ووقفو ونزل عليهو.....وقال ليهو......ازيك يا ابني مبروك الشارع.... بكم اشتريتو؟

المهندس... ازيك

Quote: اه ياشرفى واكت اشتغلت في جنينة الحيوانات ننا تتفسح وين تانى

والله سوعال وجيه...... لي زمنو داك

سجيمان
زولك دا زى قريبى القال لى بنات الخرتوم زى الشطه فى القزاز..
زمن والله

"انت برضو زي الفكي.... جيت تتفسح في الخرتوم ومشيت لها؟"

بالحيـل

تذكـرة القطــر (درجـة رابعـة) كانت بإتنين وتمانين قرش، من بورســودان لحـد محطــة الخرطـوم عمـومى.. درجـة رابعـة.. (أخوك شـادى بالضنب من الزمن داك).

القطــر إتأخــر فى السكــة كتيـر، وانا ما شـايل زوادة.. والجــوع قرص.. فى السـاعـات الأولى من الصبـاح، وصلنا محطــة إسمهـا مسمــار..(إسـم على مسمـى) دى بين هيـا وأتبـرة.. وكتاحـة شــديـدة، لو عاينت تحت ما بتشـوف رجلك.
المهـم بعـد الجـو هـدا شــويـة، والكتاحـة وقفت، حوالى الســاعـة 4 صباحـا، أشــوف ليك واحـد من سكـان المنطقـة، شـايل قفـة كبيـرة وجاى فى أتجاه عربيتنـا.. وأنا أدعـو الله أنو ما يبيــع الأكل الفى القفـة دى كلـو لحـد ما يصل لينـا.. لكن بسمعـو يكورك وما فى زول بيشتــرى منـو حـاجــة! وهـو ماشى.. كل مرة يقـرب مننا.. الناس تسـألـو لكن ما فى زول إشتـرى منـو.. قت الزول دا إستغل الزمن المتأخـر دا وضـاعف السعــر.. بس أول ما جا جنبنـا، أسمعـو ليك يكورك: فنـدق..... فنـدق..... فنـدق!. يبيـع فنادق لناس جعانين السـاعـة 4 صباحـا.. يعنى لو بذل مجهـود وعمل دراســة جـدوى بسيــطـة للشغلانيـة بتاعتـو دى ما كان عذب نفســو كـدا.
المهـم وصلنـا الخـرتــوم بالعصــر.. نزلت فى الخرطـوم عمـومى.. وإتوجهت فورا للمقــر المؤقت.. لكونـدة كردفـان (أظنهـا الأن فنـدق مريديان والله أعلـم).
لقيت بتاع الإستقبال قاعـد فوق عنقـريب، وجنبـو الكمبيـوتـر بتاعـو، وهـو عبارة جزلان يخت فيهـو القـروش البشيلا من النزلاء (فعلا نـزلاء!!)..
أديتـو الريال ليليـة واحـدة، لحـد ما أعمل الـ communications بتاعتى تانى يوم..
قام ورانى العنقـريب بتاعى، وأدانى مخـدة وكيسا ليهـا مغسل مكوى.. إتأبطت العنقـريب وطلعتـو برة فى الحـوش.. بالليل.. والسمــاء مزحـومـة بالنجــوم.. الثريـا هناك، والأبـراج كلهـا.. يعنى لوحـة جميلـة، فى أجعص هوتيل فى أمريكا ما بتشـوف زيهـا.. ودا كلـو بريال بس.
تانى يـوم مرقت مشيت لحـد المحطــة الوسطى (فى زول بيتذكـرهـا) محل الفنـديـة والطلبـة كانـو يقعدوا يقروا الجرايـد ويشربـوا الشــاى والقهـوة.. وهناك، فوق المبنى الفيـه اجزخانة ابو نخلة ومطعـم الجمهـوريـة، كانت فى لافتـة مضيئـة متحـركـة.. زى الفى تايمز سكويــر.. فيهـا دعايـة لوسكى اسمـو هيـق.. وكانت بقـول: don't be vague, ask for haig (spelling
فى المحطــة الوسطـى كان فى تلفـون عمومى public phone ، وكان عنـدى إبن عمى وهـو بوليس، عنـدى رقمـو.. فإتصلت بالمكتب الشغـال فيهـو.. قالو هـو ما موجـود لكن الزول الإتكلمت معاه طلب منى أوريهـو أنا وين عشــان يكلمـو يجينى هناك..
عيانت فوق للافتـة بتاعـة قهـوة المحطــة الوسطـى.. قريت.. وكانت بخـط مالى الواجهـة.. Newsweek (فيما بعـد عرفت إنو نيوزويك وتايمز كانت بتجى فى مواعيدا كل شهــر وتتباع فى الكشك داك)
المهـم قلت للبوليس: أنا بتكلـم معاك من نيـوزويك... قال لى من وين؟!! قلت ليـه من نيـوزويك. كرر لى الســؤال تلاتة مرات، فى النهـاية أسمعـو ليك يكتب: نيـووووووزوييييييك.



البقيــة حسب الظـروف

لكن يااخوي محمد عثمان ...الظاهر انت من جيل الترماج

ابو الريش

عليك الله تعال تم قصة الرحلة......جد والله انا مستنيها

سجيمـان،
أتـم شنـو واللا شنـو..
رحلـة الخـرتـوم للمـرة الأولى، واللا رحلـة باريس العجيبـة، واللا لما ضبحنـا الرغيقـة فى بيت الشبـاب..
واللا عايزنى أحكى ليك لمن شغـلونى مترجـم لواحـد عربى زائـر فى ألمانيـا!!
بس خلينى أحكى ليك حاجـة سـريعـة من رحلتى لإيطاليـا سنـة 1987
الضباط فى المطـار أبـو يدخلونى لمـدة خمســة سـاعات، لحـد ما مشيت السيــر وطلعت الشنطـة وفتحتهتأ ووريتـوم الشيكات.. ولما جيت أرجـع تانى يوم أبـو يسـفـرونى، لأنى ما قضيت أيام كفايـة، شفت جنس المحنـة دى (طبعا دى كانت شركة الطيران والتذكرة كانت مشـروطـة بشـروط معينـة).
المهـم مشيت لمـدينـة جامعيـة صغيـرة فى شمـال/وسـط البلاد، إسمهـا بيروجيـا..
لما جيت أرجـع، سـألت الناس فى المحطــة عن القطــر الماشى رومـا.. واحـد قال لى أقطـع القضيب الأول ، وإستنى فى الرصيف التانى.. والقطـر حيجى من ناحيـة اليمين.. بعـد شــويـة قرب مننا واحـد، وقال لى، الزول دا أدانى معلومات غلـط، لأن القطـر الماشى رومـا حيجى ماشى فى القضيب دا زاتـو، وعلى فقـط الإنتظــار..
الحصل بعـد دا إنـو النفـرين ديل إتشبكـو مع بعض، كل واحـد فيهـم يدافـع عن وجهـة نظـرو بصـوت عالى، وأنا ما فاهـم أى حــاجــة.. بلا بلالا... بلا بليللو... بلا بالوللللا.... بـرررررراكــو!......ماروديانى....
بعـد شـويـة جات واحـدة قالت لى انت ماشى رومـا؟ قلت ليهـا أاى.. قالت القطـر بتاع روما حيقيف بعـد دقائق هنا.. وفعلا جا القطـر، وكتوب عليـه رومـا وفى الواعيـد اللى حددتهـا المرأة بالضبـط..
لكن جماعتى يكوركـو فى شنـو ما تعـرف بعـد القطــر ما إتحـرك، وأنا أعاين ليهـم بالشبــاك، ولســه يكوركـو فى بعض!!

ابو الريش

Quote: وقال لى، الزول دا أدانى معلومات غلط

تعرف الزول القال لك امشي بهناك دا.....نشال

بشري سليمان

Quote: سجيمان زولك دا زى قريبى القال لى بنات الخرتوم زى الشطه فى القزاز.. زمن والله

زمن كانت الشطة في القزاز....بدل البيرة

سجيمان ازيك..

نحن برضو عندنا فكى زى العندك...ده ود الخال جا عندنا فى الخرتوم
مشى مع الشفع السوق الشعبي وٍسأل العربي بتاع العجلات:

عجلن تود ديه بيكم ؟ (ده برطانة الدناقلة و معناها العجلة الصغيرة دى بكم؟)
اها دى بس انا السمعتها فى الجواب ..الله اعلم كان عجبتو بت
الجيران ولا لا؟...

شكرا للطرافة سجيمان

Amin Elsayed

أنا من جيل الفرينى المكعبــة والتعـريفـة المقـدودة..
عاش الســودان حـرا مسـتقلاً.

عارف يا سجيمان

الفكى ده اناشفتو جنب برج البركة

لقى له خواجاية طالعة من فندق الاكروبول

ما عرف يشاغلها كيف قام هز طاقيتو ورا وقال ليها (تايتنك)

تسلم

الدكتور الرائع سجيمان
انت الفكى دا خلى بنات الريف
وجاى يشعلق فى بنوت الخرتوم مالو
و بعدين الزاهر اثرت فيه الحديقة
المشاها شنو زى القرد دى ماضيع
بنت الناس ..

تسلم اخى سجيمان

هاشم نوريت

Quote: شنو زى القرد دى ماضيع بنت الناس ..

بنت الناس براها؟....كان حيضيعنا كلنا

دريمز

Quote: ما عرف يشاغلها كيف قام هز طاقيتو ورا وقال ليها (تايتنك)

تغرقوا براااااكم؟ احي انا

وليد طه
الزمن داك مافي ركشات ولا شنو؟.... لانو كان حيسأل عن الكشك ابو تلاتة عجلات ويقول بكم

سجيمان الفكى حقنا نحن...واقف جنب جامعة القاهره من الصباح

ومعاه ود اخوه ..كلما يجوا يمشوا يجى سرب من بنات الجامعه

وزولك حارن قبلوا ...لما الساعه بقت اتناشر..قام ود اخوه قال

ليهو يا اخوىالموظفين ديل كان مرقوا ما بنلقالنا مواصلات تانى

قام الفكى حقنا قال ليه: والله بنات الخرتوم ديل متل الرغيف الزول

اصلوا ما بشبع منهن،،،،،،

صديق الموج

Quote: قام الفكى حقنا قال ليه: والله بنات الخرتوم ديل متل الرغيف الزول اصلوا ما بشبع منهن،،،،،،

صدق والله.....والعِجبة التوستا

Quote: بس تاكلو في التسالي دا برااااااكم زي القرود كدا؟ ما تدونا فص ولاّ فصين.

غايتو اول مرة اعرف انو التسالى من ذوات الثدى

عثمان حمد

Quote: غايتو اول مرة اعرف انو التسالى من ذوات الثدى

التوُم.... برضو من ذوات الثدي

Salam Ya C.J by the way C.J di 3ala wazn D.J as it seems you are D.J of the board by making funny and intersting short stories.

Quote: <والله قرفان جنس قرف.........كعب خلاس

عادل كديس..كديس يا كافي البلا؟

Quote: Salam Ya C.J by the way C.J di 3ala wazn D.J as it seems

الفرق شنو؟.....ودي معناها شنو؟

سجيمان،

دى قصة واحدة من "بنوت الخرتوم" من بوست فرانكلى.

سعدية
---------

Quote: مقتل اشهر بائعة شاى تتحدث اللغة الانجليزية بطلاقة فى شارع الجمهورية Wednesday, March 31 سجلت الدار زيارة إلى محلية جبل أولياء منطقة دار السلام حيث يقام سرداق العزاء في وفاة الزوجة الخلوقة > أم جمعة عباس سليم < التي إنتقلت إلى الرفيق الأعلى بعد صراع مع الألم امتد لأكثر من عشرين يوماً وذلك على إثر إقدام المتهم > ···· < على تسديد طعنات لها نقلت على إثرها إلى حوادث الخرطوم حيث أجريت لها · عملية جراحية عاجلة وظلت بالإنعاش لمدة ثلاثة أيام وحولت إلى العنبر وظلت تتلقى العلاج إلى أن أسلمت الروح إلى بارئها نشأت أم جمعة في منطقة الكلاكلة وكانت طموحاتها أن تواصل تعليمها إلى آخر مرحلة نسبة للذكاء الذي تتمتع به ووصلت إلى المرحلة الثانوية وكانت والدتها تقوم بإعداد الشاي في نفس المكان الذي قتلت فيه ونسبة لعامل السن وصعوبة الترحال قررت الراحلة أن تواصل رحلة الكفاح واستلام العمل بدلاً عن والدتها وظلت تتكبد المشاق يومياً بالحضور في الصباح الباكر من جبل أولىاء دار السلام وتقوم بإيقاد النار وبيع الشاي للزبائن حتى أصبحت أشهر بائعة بشارع الجمهورية نسبة لتعاملها الأخوي مع المحيطين بها ·· وبحكم تواجدها تدخل في حياتها المتهم وحاولت مراراً منعه إلا أنه كان عنيداً حيث ظل يفرض نفسه رغم ما يحدثه لها من مضايقات وكانت تمني النفس بإنتهاء هذا الكابوس من أجل ولديها منتصر عمر الذي يواصل دراسته بالصف الثامن الإبتدائي وفائز الذي يدرس بالصف السادس وتطور الأمر أن عرض عليها الزواج وأخبرته بأنها مرتبطة وسوف يتم عقد قرانها وهي لا ترغب في الزواج وتود أن تعيش من أجل ابنائها والصعود بهم إلى أعلى مرحلة تعليمية ورغم ذلك لم تنته الأمور عند هذا الحد ·· وفي يوم الحادث حضرت أم جمعة إلى عملها كالمعتاد في حوالي الساعة السابعة صباحاً وكانت وقتها توقد النار استعداداً لبدء العمل فحضر المتهم وتحدث معها ودون مقدمات سدد لها طعنتين بالسكين التي كان يحملها وسط صيحات الألم التي انتابتها بعد ذلك حاول الفرار من مكان الحادث بالصعود إلى إحدى الحافلات إلا أن العاملين بمطعم البربري وأفراد الشرطة بالعلاقات البينية تمكنوا من إلقاء القبض على المتهم وإقتياده إلى قسم الشرطة شمال حيث دون في مواجهته بلاغ تحت المادة >139< الأذى الجسيم وقام الشاب يعقوب حسن تاور مع بعض العاملات في مطعم البربري بإسعافها إلى حوادث الخرطوم وظل مرابطاً إلى أن خرجت من العملية وبعدها إلى العنبر ·· ونسبة لما تتمتع به من سمعة حميدة وأخلاق فاضلة وكانت الراحلة تتمتع بإجادة اللغة الإنجليزية بطلاقة وكان الأجانب من السياح يرتاحون إلى الجلوس معها لساعات طويلة ويتحدثون معها وهم معجبون بلغتها واجادتها اللغة الإنجليزية وحتى عندما علموا بإصابتها سجلوا لها زيارة في المستشفى متمنين لها عاجل الشفاء إلا أن الأقدار كان لها رأي آخر حيث فاضت روحها الطاهرة إلى بارئها مخلفة ورائها ألماً وحزناً وجرحا محال يداويه طبيب وحتى قبل أن تفارق الحياة كانت توصي الزائرين على ابنائها إذا حدث لها مكروه · وداخل سرداق العزاء وبصحبة أخوها في الله يعقوب حسن تاور مع سائق أمجاد اسماعيل حسن عبد القادر التقينا بأشقائها عبد الوهاب وعبد الخالق حيث كانت علامات الحزن تطل من أعينهما وأفادنا عمر محمد خميس بأنه سبق وأن حذر المتهم من معاكستها وكاد الأمر أن يتطور إلى مشاجرة ، وأفادنا بأنه كان ينوي الزواج منها إلا أن الأقدار اختطفتها في لحظة كان الجميع في حاجة لها حيث كانت تمثل لأفراد الأسرة الرمز الشامخ في الكفاح من أجل اللقمة الشريفة كما تسابق العديد من أخوتها في الله إلى سرداق العزاء عند سماعهم لهذا النبأ الأليم ·· وكان مندوب صحيفة > الدار< قد سجل لها زيارة في المستشفى وطلبنا منها أن تروي لنا أسباب الحادث فقالت إنها سوف تروي كل شئ عند خروجها من المستشفى إلا أن يد المنون كانت أسرع وعن حقيقة مبلغ التسعة ملايين سألها أخوها في الله إن كان المتهم قد صرف عليها هذا المبلغ فأجابته إذا كنت أملك هذا المبلغ فلماذا أبيع الشاي؟!!· بعد ذلك غادرنا هذه الأسرة المكلومة بعد أن رأينا مدى الحب الذي تتمتع به الراحلة ويعكف المتحري في البلاغ على متابعة الإجراءات بعد وفاة المرحومة لتحديد وجهة سير البلاغ والمادة بعد أن تكتمل كافة الإجراءات لها الرحمة والمغفرة ولآلها الصبر والسلوان · >إنا لله وإنا إليه راجعون< · عن اخبار اليوم السودانية

ندى علي

والله قصة محزنة جد

سيجيمان..
طبعا لي يومين بحوم حوالين بوستك الممسوخ ده بتاع المشاغلات..
انا جني وجنها.. لكن مرات بضحك في سري من بعض التعليقات خفيفة الدم..

واحكي ليك النكتة المشاغلاتية دي، وبرضها في جنينة الحيوان..

في واحد وهو بيتفسح في الجنينة شاف ليهو وحدة عجبتو.. وقام بقى يمشي وراها في اي حته تمشيها.. وما عارف يقول كلمة.
لغاية ما البت وقفت جنب قفص الزرافة، قام قريبك قال بصوت عالي: الله على الفيل ده.
البت اتلفتت وقالت ليهو: ده ما فيل دي زرافة.
طوالي قريبك قال ليها: بالله.. أنا اسمي عبدالله وبشتغل مهندس..

لووووووول

سيجيمان.. بطل مشاغلة وسيب البنات في حالن..

رجا

Quote: لغاية ما البت وقفت جنب قفص الزرافة، قام قريبك قال بصوت عالي: الله على الفيل ده.

طيب الفكي ما قال للفيل.....غول؟....ومافي ولا واحدة صلحتو....والله جنس اضطهاد

Quote: طبعا لي يومين بحوم حوالين بوستك الممسوخ ده بتاع المشاغلات

رجاء كلامك صحيح و الله:

البوست ده يكرس للقوالب النمطية حول "بنات الخرتوم" و ايضا "قوى الريف"!
وواحد اختزلهن الى "رغيف" عديل كدة!!!

سعدية النكدية

ندى علي

Quote: رجاء كلامك صحيح و الله: البوست ده يكرس للقوالب النمطية حول "بنات الخرتوم" و ايضا "قوى الريف"! وواحد اختزلهن الى "رغيف" عديل كدة!!! سعدية النكدية

يا حرمة عيّني خير.... يا قول السعودين الله يرد غربتنا

انت يا زول لسة من زمن الفكي البجيب الرجال وبزيد المال
هسة الفكي بقي بجيب الهوا.. والله انا مشيت لي واحد من شيوخ
البلد دي كان أفك العارض وبعد ما أديتوا البياض مية ريال
سعودي والراجل فتح الكتاب يادوب...الساعة الخشوا علينا
ناس الهيئة بي دقونهم الكبيرة دي وشيخنا كب الزوغة وانا
بقيت في حيص بيص ومرقت بي الجليل الرحيم..عليك الله فكنا من
السيرة دي وخلينا فوق جنينة الحيوانات دي ...وانت مسعول من
الخير ياخي الجماعة ديل ما باعوها؟؟؟

حبيب نورة

Quote: ياخي الجماعة ديل ما باعوها؟؟؟

باعوها....علا ماني عارف الغول ودوهو وين؟

Quote: ندى امين Quote: رجاء كلامك صحيح و الله: البوست ده يكرس للقوالب النمطية حول "بنات الخرتوم" و ايضا "قوى الريف"! وواحد اختزلهن الى "رغيف" عديل كدة!!! سعدية النكدية

يا سجيمان حسه ندى أمين دي فتحت خشما؟
غايتو شد حيلك دي طوالي شكوى حاره لبكري عشان ترصد سجيمان لي بسب و بدون سبب
يلا استعد الايقاف لأجل غير مسمى جاييك من بكري حسع دي

و أحي يا ربي بتين نشوف الخرتوم!

ندى امين

معليش

القدر يعمي البصر

جيتك لنا هنا براها بالدنيا

Quote: يا سجيمان حسه ندى أمين دي فتحت خشما؟ غايتو شد حيلك دي طوالي شكوى حاره لبكري....

سيجيمان.. لووول شفت آخر مشاغلات الـ "حريم" ..

سجيمان ....بنوت الخرتوم مالن و مالك عليهن؟؟؟؟الله يعلم وديعات و طيبات

لنا مهدي

Quote: سجيمان ....بنوت الخرتوم مالن و مالك عليهن؟؟؟؟الله يعلم وديعات و طيبات

طيبات ساكت؟.... طيبة فايتة الحد.... ودا المجنن الفكي ود التاية

دكتور سجسمان
صباح الخير بالليل

لكن المشاغلة ما عند الفكي ود التاية ، قطع شك الزول ده من زمن كازينو حماد العايم

وهيع تقول لي بنات الخرتوم

مايا

Quote: لكن المشاغلة ما عند الفكي ود التاية ، قطع شك الزول ده من زمن كازينو حماد العايم

ايوا هو من الزمن داك..... لكن ما كان عندو شغلة علا يوم والتاني ناطي ماشي جنينة الحيوانات....... كل زول وسغافتو

سجيمان يا رائع
والله زكرتني المراة الشايقية الجابوها افسحوها في جنينه الحيوانات وكل ما تشوف ليه حيوان تسال والدها دا شنو يا ولد؟؟ اقول ليه دا القرد يمة تقول ليه حلاته ما تجيبنا لينا واحد زي دا نسوق معانا البلد....دا شنو يا ولد؟؟ دا الغزال يمة... تقول ليه حلاته عليك النبي تجيب لنا واحد زي في البلد يا محمد ... ولمن وصلت عند الزرافه قبلت وشها منها قادي وقالت بس ولدها قال ليه دي مالك ما سألتي منها يمه؟
قالت ليه دي ما بنتفع معانا.. بتخرت التمر

حبيب الكل

Quote: قالت ليه دي ما بنتفع معانا.. بتخرت التمر

شديييييييدة....و...قوووووووية....وعنييييفة