Post: #1
Title: الحُمـــىَ... ام بيـض
Author: سجيمان
Date: 04-01-2004, 12:51 PM
السارس... جنن الناس...وناس اسيا خصوصا....انفلونزا الطيور...عبدالدائم ود حمد عامل نفسو حكيم شعبي....عندو مرواد ومنجل لو جيت اشتكيت من كراع عنقريبكم... يجيب الكانون والفحم... يمسكك يكويك......قال لي .. قالو سارس ...؟..... سارس شنو يا سجيمان اخوي ؟... دي اسما الوِردا ام بيض....الحمىَ ام بيض...زمااااااان ظهرت في فريقنا دا.... وناس كتار ربنا مرقهم منها.... ويا سجيمان الزول العندو الحمى دي اول ما تجيهو تلقاهو طواااااالي قاعد تحت المزيرة ويحفر بي ضفورو..... كان مرا كان راجل... ووقت ظهرت عندنا المزيرة الواحدة تلقى تحتا اربعة وخمسة تنفار يحفتو....وما يقعد فوق بنبر الا النوع المخروم من النص...وان قعد فوق العنقريب تلقاهو قاعد في وضعية التبيّض يعني يكون مصنقر علي كرعيهو في نص العنقريب
واعراضها يا سجيمان عند النسوان الله لا وراك.. سكينة بت عثمان.... جاتا الحمى ام بيض دي.. وبقت كل ما تشوف لها ديك... تقعد تتغتغت من الديك وتخجل...ووقت خلاص المرض مكنا... بقت تباري في ديك ناس الامين...من كوشة الي كوشة ومن كوشة لي كوشة وتغني في
يا جميل ياجميل يا سادة
......حبك جنني... زيادة
ومرة قالو لقوها في عوضة النوم والديك يشاكل في روحو في مراية الدولاب وكل ما الديك ينط فوق المرايا هي تزغرت... متكيفة من الديك دا ورجالتو... لمن مراية الدولاب اتكسرت وادشدشت حتة حتة....
ولابسا طاقية الديش حقت اخوها الدياشي في راسا قالت زي العُرُفُ حق الجدادة.... اها وقت خلاص بقت علي التبيّض... جات وصنقرت تحت المزيرة تلاتة يوم بي لياليهن لا اكل لا شراب لا امشي لا تعالي...والبيضة المرقت منها يا سجيمان قدر البتيخة.....
والحمى ام بيض دي عند الرجال نفس الحكاية... تلقى الراجل مباري الجداد برضو من كوشة لي كوشة
وحيدر اخوي دا وقت جاتو... بعد ما حفت تحت المزيرة وجهز عشان يبيّض.... حبا ليهو جدادة منقطة كدي.....وبقى مباريها...وبرضو يغني لها
مهرك.... الغالي
واسكيلك العالي
مو غُنا ساكت.... يغني والدموع نازلات اربعة اربعة..يبكي.....وبرضو جا وبيّّض تحت المزيرة.... مزيرتنا الما تغباك القدامك دي.... علا ربنا شافو وبيضتو كانت صغيرة شوية.......
علا يا سجيمان الحمى ام بيض دي علاجا ساهااال وهين... اربعة كيات بالمرواد محل ما بتنزل البيضة و خلاس.......
انا كنت قاعد فوق كرسي جلوس رفعت كرعي واتعنقلت فوق الكرسي عاين لي..وضحك وقال لي يا سجيمان؟..... يا جنا نعل ماك حاسي لك بي شي؟
|
Post: #2
Title: Re: الحُمـــىَ... ام بيـض
Author: خالد الحاج
Date: 04-01-2004, 01:05 PM
Parent: #1
سي جي
نفسي أعرف بتجيب الأفكار دي من وين
قطعت مصارينا بالضحك والمصيبة حاسي بي سخونة كده الله يستر
|
Post: #4
Title: Re: الحُمـــىَ... ام بيـض
Author: WALEED YASSIN
Date: 04-01-2004, 01:42 PM
Parent: #2
شكيتك على دايتك ياسيجيمان
والله ضحكتنا
انت يا اخوى الكلام دةبتجيبو من وين
|
Post: #8
Title: Re: الحُمـــىَ... ام بيـض
Author: سجيمان
Date: 04-01-2004, 11:20 PM
Parent: #4
وليد يسين
| Quote: انت يا اخوى الكلام دةبتجيبو من وين |
اسعل الجداد
|
Post: #6
Title: Re: الحُمـــىَ... ام بيـض
Author: سجيمان
Date: 04-01-2004, 03:53 PM
Parent: #2
خالد الحاج
| Quote: المصيبة حاسي بي سخونة كده الله يستر |
السخونة براها ما كفاية...... القعدة كيف؟...... متعنقل فوق الكرسي؟
|
Post: #3
Title: Re: الحُمـــىَ... ام بيـض
Author: abas
Date: 04-01-2004, 01:32 PM
Parent: #1
خالد ابا
الليله والليله
التشو منو يا ناس
|
Post: #5
Title: Re: الحُمـــىَ... ام بيـض
Author: Ali Alhalawi
Date: 04-01-2004, 02:02 PM
Parent: #3
أوصيك يا خوى سجيمان و الوصاية بالمهلة .. قول لى عبدالدائم ود حمد بكرة من دغش الرحمن يجيب مروادو و منقلو و يروح لى بكرى أبو بكر و يعالجلو مشكلة الباندودث
|
Post: #11
Title: Re: الحُمـــىَ... ام بيـض
Author: سجيمان
Date: 04-02-2004, 02:50 PM
Parent: #5
الحلاوي
| Quote: أوصيك يا خوى سجيمان و الوصاية بالمهلة .. قول لى عبدالدائم ود حمد بكرة من دغش الرحمن يجيب مروادو و منقلو و يروح لى بكرى أبو بكر و يعالجلو مشكلة الباندودث |
الباندودث. قاعد يبيّض...؟ علي العليهو؟
|
Post: #7
Title: Re: الحُمـــىَ... ام بيـض
Author: سجيمان
Date: 04-01-2004, 07:57 PM
Parent: #3
عباس
Quote: خالد ابا
الليله والليله
التشو منو يا ناس |
ما تخاف عليهو...... ما عندو عوجة..دوندوهاب ساكت
|
Post: #9
Title: Re: الحُمـــىَ... ام بيـض
Author: حبيب نورة
Date: 04-01-2004, 11:47 PM
Parent: #7
كاااااااااك لكن
انت عارف يا سجيمان انا من اول مرة شفت البوست دة
اتزكرت فقيري...ياخ انت هسة لو سعلوك الحمي أم بيض
دي ما اخير منها الزلالي؟؟ ما هو كلو بيض في بيض
يعني انت هسة في داعي للفتنة دي بين القفصين؟
ياخي انا من قبيل اقول الدايوكسين دة انا شاميه وين
|
Post: #10
Title: Re: الحُمـــىَ... ام بيـض
Author: هاشم نوريت
Date: 04-02-2004, 03:03 AM
Parent: #9
الدكتور سجيمان[size=5][/size]
ياريت اعرف ناسك ديل تلم فيهم فين[size=4][/size]
|
Post: #12
Title: Re: الحُمـــىَ... ام بيـض
Author: انور الطيب
Date: 04-02-2004, 03:42 PM
Parent: #10
Quote: ولابسا طاقية الديش حقت اخوها الدياشي في راسا قالت زي العُرُفُ حق الجدادة.... اها وقت خلاص بقت علي التبيّض... جات وصنقرت تحت المزيرة تلاتة يوم بي لياليهن لا اكل لا شراب لا امشي لا تعالي...والبيضة المرقت منها يا سجيمان قدر البتيخة.....
|
والله الحمى أم بيضا قدر البتيخة دي الله لا ورانا ليها ؛ والله ياخوي يا سجيمان الأيام دي أخوك موعوك وعكة شديدة وكمان فيها سعال ! الله يستر
|
Post: #13
Title: Re: الحُمـــىَ... ام بيـض
Author: Al-Masafaa
Date: 04-02-2004, 04:22 PM
Parent: #12
الله يجازي محنك يا دكتور..
طيب يا ريت كمان تورينا ما هو مرض حامد؟
تحياتي
|
Post: #19
Title: Re: الحُمـــىَ... ام بيـض
Author: سجيمان
Date: 04-03-2004, 12:59 PM
Parent: #13
المسافة
| Quote: طيب يا ريت كمان تورينا ما هو مرض حامد؟ |
دا... اخو....كمال
|
Post: #17
Title: Re: الحُمـــىَ... ام بيـض
Author: سجيمان
Date: 04-03-2004, 08:25 AM
Parent: #12
انور الظيب
Quote:
والله ياخوي يا سجيمان الأيام دي أخوك موعوك وعكة شديدة وكمان فيها سعال ! الله يستر |
غايتو لو بديت تحفت تحت الزير.... اوصيك بالعلاج بدري بدري
|
Post: #15
Title: Re: الحُمـــىَ... ام بيـض
Author: سجيمان
Date: 04-03-2004, 08:18 AM
Parent: #10
هاشم نوريت
Quote:
ياريت اعرف ناسك ديل تلم فيهم فين |
ناسي ياتم؟
|
Post: #14
Title: Re: الحُمـــىَ... ام بيـض
Author: سجيمان
Date: 04-02-2004, 08:53 PM
Parent: #9
حببيب نورة
| Quote: ياخي انا من قبيل اقول الدايوكسين دة انا شاميه وين |
اسما الديوكيين من كلمة ديك.....وديل الناس العندهم جينات حاملة لمرض الحمى ام بيض....لانو اكتشف انها وراثية....الله يحفضنا
|
Post: #16
Title: Re: الحُمـــىَ... ام بيـض
Author: حبيب نورة
Date: 04-03-2004, 08:24 AM
Parent: #14
تتجازي يا عم سي جي
والله انت خلاس خرفت
هههههههههههههه
|
Post: #18
Title: Re: الحُمـــىَ... ام بيـض
Author: حبيب نورة
Date: 04-03-2004, 08:34 AM
Parent: #16
دحين يا عمو سي جي
الجماعة ديل سمعوا بي البيض أب حمي؟؟
أسكت ساهي سخانة السواد والرماد
كل شئ بقي معكوس
خلف خلاف يا عمنا
بعد ما كانت الحمي ام بيض ...بقي البيض أب حمي
شوية شوية نسمع بي شيتاً اّخر
|
Post: #21
Title: Re: الحُمـــىَ... ام بيـض
Author: سجيمان
Date: 04-03-2004, 08:04 PM
Parent: #18
حببيب نورة تاني ان قلت لي يا عمو..... بركب طيارة واجي اعضيك في اضنيك الما بيشبهن اضنين الوليدات ديل....وادفعك حق التظكرة ماشي جاي
|
Post: #20
Title: Re: الحُمـــىَ... ام بيـض
Author: alfatih
Date: 04-03-2004, 05:51 PM
Parent: #1
سجيمان
قلت لى حمى كمان؟
وصيتى محفوظة
الببارى الجداد بوديهو قعر المزيرة
|
Post: #22
Title: Re: الحُمـــىَ... ام بيـض
Author: سجيمان
Date: 04-03-2004, 08:14 PM
Parent: #20
الفاتح
Quote: سجيمان
قلت لى حمى كمان؟
وصيتى محفوظة
الببارى الجداد بوديهو قعر المزيرة |
ايوا الحمى ام بيض..... وانت والله حكيم....غايتو حكاية الجداد دي اخير من ابو القدح....الداير لو حفرة غيار زيت عشان يعضوهو....
|
|