Post: #1
Title: بكــري....وين النفـــاج؟
Author: سجيمان
Date: 04-10-2004, 01:35 PM
Parent: #0
الماسنجر..... وسيلة القطيعة والمقاطعة السريعة.... بعد مرات قاعد يضهب....ويودِر....يجيب لك رسالة مو حقتك.....ولاّ ربنا يكون داير يفضح زول تجيك رساله بالغلط وتكون ماشه لي زول تاني.... لكن النضم والقطيعة كلها فوقك.....انا شخصيا وما طالبني حليفة دي حصلت لي... علا انا قطعت فوقا.... وعرفت زولي الكايس لي منو؟.....والداير يطلع صليبي.... واصلو انا مهما نبحت وقلت وعدت مافي زول يهببو لي...علا انا وحات الرسول زولا بالو طويل ولتخة.. وقدر مايصوتو ويجوطو عادهم ضبانة في اضان فيل..وقال انا زول هلفوت وسوقي.... سوقي يعني شنو يا ربي؟....ان قصدو بي ناس السوق.... ديل احسن ناس ومروقين اكتر من زول مسغف...ولابس شبش مقطع ونضارة كل مرة قزازتا اليمين تتلمص...وهو ديمة يكابس عشان يركبا تاني....وبعدين يا اخونا عشان الزول المسغف يحس بي قيمتو لازم يكون في هلافيت وشماشة وناس كشا مشا زيّ كدي...يعني نحن وجودنا ضروري ليهو....زي ما فقرنا مخلينا مهمين بالنسبة للاغنياء عشان يحسو بي قروشهم..وبالنعمة الهم فيها.....حسي زول ان كتب نضم وجيت انا وفتحت خشمي وقلبتو فوق تحت وما فهمت شي ما بيتكيف الزول دا؟....ولو زول جا ماشي في الشارع راكب عربية اخر موديل..وشايفني انا ماشي كداري ومغتي صنقوعي بي جريدة من الشمش.....تلقاهو طوالي اتبسط وولع سجارتو...
النفاج يا بكري مهم.... رجعو..اوعى تبني الحيطة...قاعدين نتاوق بو بعد مرات ونسمع نضما ان قعدنا بلاهو ما بنسمعو لمن نموت..... ونحن اصلنا بلا القطيعة والمضرة ما بنبقى ولا بننفع....واي زول ما عندو المواصفات دي حقو تشطبو من المنبر....
انا غايتو وقت اشوف عندي رساله خاصة... قاعد اتبسط واعرض..واخت لي سفة حتين امشي افتح الرسالة...وما ظانيتو في زول بي يريد الماسنجر دا نضري..... وحلفت كان جابو لي ولد اسميهو مرسال... معرة لي للماسنجر...وان جاتني بنت اسميها الرساله......وبعدينك وقتين يجيهم اللوتري ويمشو امريكا.... مرسال يغير اسمو لي ماسنجر والرساله لي مسج....
ويا حبيبي مسجني وانا امسج ليك
|
Post: #2
Title: Re: بكــري....وين النفـــاج؟
Author: Ahlalawad
Date: 04-10-2004, 01:57 PM
Parent: #1
سؤال فني ...
إت قاعد تنبسط من الرسالة؟ يعني قبل ما تعرف جاياك من منو؟
يكمن تكون جاياك من بكري أبوبكر؟ بي هناك يقولولك يو هاف ون نيو مسج ... والله كلامك صاح ، فعلا الواحد بينفخ لمن يلقى المسج حتى ولو من بكري ...
أوع أكون أنا أو المتداخلين هنا وسويت ليك انحباط .. أسع تلقاك كنت متخيل هوبفل وكبسيبة وابوقوتة يجو يكبوا ليك مداخلات هنا ويكتبو لي المسجات الكان دايرين يرسلوها ليك ..
|
Post: #3
Title: Re: بكــري....وين النفـــاج؟
Author: shammashi
Date: 04-10-2004, 02:38 PM
Parent: #2
سجيمان
أنت تعال قصة الرسايل التجيك شايلا الهوا وطاشة في ماسنجرك وهي تكون ما مرسلة ليك دي شنو؟؟
والله مرة قبضت ليك اتنين هنا مدورين في واحد(والله بس مشاطات). يازول نقلتها بضبانتا وفتيتوفتة عدوك.
الجماعة جقلبوا وقالوا الكلام دا كذب وملفق.
مع إني ،والله، التلاتة ما بعرفهم إلا في البورد دا.
إنت المؤمن بيكذب ياسجيمان؟؟؟؟؟
|
Post: #7
Title: Re: بكــري....وين النفـــاج؟
Author: سجيمان
Date: 04-10-2004, 03:27 PM
Parent: #3
شماشي
| Quote: إنت المؤمن بيكذب ياسجيمان؟؟؟؟؟ |
اذا اقتضت الضرورة..... انت يا سوقي ما سمعت بي فقه الضرورة....؟
والمؤمن ممكن يكون صديق...... صديق عباس.... شدو لو شبرية فوق البعيبيشا...وقعد يبعبش مع الناس الكُبار زي بعبشتنا دي.....وكل الشعب حيكون بعباش..والبعباش السوداني الأبي.....وممكن حسب الرسول يجيبو لو ولد ويسميهو بعباش....... بعباش حسب الماسنجر.....منتهى الهارموني....
|
Post: #4
Title: Re: بكــري....وين النفـــاج؟
Author: abuguta
Date: 04-10-2004, 02:39 PM
Parent: #2
سجى
اهل العوض دا فك زعلتى منك ياسجيمان من بوست حمد وسليمان الماجيتنى فيه داك.
قلت انا اقاطع بوستات سجيمان...ما ادخل بس اجى اتاوق وامشى,
طبعا انت بتكون فرحان لما انا ما ادخل...اكيد بتكون قريت كلامى
فى بوست عادل عبد العاطى (انا ما قاعد ادخل فى بوسات الناس الكبار)
واكيد ياسجيمان صدقت المقولة دى ..وفى كل بوست لما ما تجد ابقوتة ينتفخ ويدردم سفتين بدل واحدة عشان بقى من الناس الكبار,لكن بوستك دا لازم ادخل فيه حتى لو خلاك تبصق السفة...انا بتكيف لما القى عندى ماسنجر ...مش متشوق عشان اعرفه من منو بس من الشعار العامل زى البرمندى الفيه باقى حبل ومدقوق فى الزريبة التى نظفت من البعر...من المنظر دا بكون مبسوط..خليك من فتح رسالةدا موضوع تانى...صحى قالو فى شمار لين حائم فى البورد الايام دى قالوا هناى داير يخطب هناية..والسبب كله ارسل ليها رسالة عبر الماسنجر
اها ياود امى ليك لو بكرى قام وقف الماسنجر بقية العذابة ديل تانى بياكلو نييييييييييييم
ولكم المودة
|
Post: #8
Title: Re: بكــري....وين النفـــاج؟
Author: سجيمان
Date: 04-10-2004, 03:40 PM
Parent: #4
ابوقوتة
| Quote: (انا ما قاعد ادخل فى بوسات الناس الكبار) |
اريت ربي يكبر كومك... يا يابا.... كان كبرتني قُبال يومي....
انت كان شفت النضم البي يتقال فوقي في الماسنجر .... كان حنيت علي
وبعدين وحات الله انا بشوف العنوال حق البوستي.... ان لقيت نفسي ما بقدر عليهو وحات الماسنجر لا بدخل عليهو ولا شيتين......تدخل تسلم يالله ويامين يردو لك السلام وبي طرف اصابعيهون...ويمشو يتغامزو في الماسنجر... الكرور دا الجاب شنو؟....نان قايلني ما عرفتهون عرفتهون وحات شيخي الماسنجر الدفنو بكري في مقابر البكري.....وبعدين ناس خواااااافين ماكان يقولوهو عيني في عينم....علا خلاس تاني علا يمشو للهوت ميل......دا حين انت ما تلومني ساكت انا بخاف .......... من الاحراج... باقي انا حساس...طول الليل حاسي.... الله يازاها دي البعوضة
|
Post: #6
Title: Re: بكــري....وين النفـــاج؟
Author: سجيمان
Date: 04-10-2004, 03:18 PM
Parent: #2
اهل العوض
البوست دا انا ناوي....افرشو للناس المتعودين علي الماسنجر....اي زول عندو حاجة يجي يقولا هنا وعليكم امان الله سركم في بئر.....مافي زول يمرق نضمك برا طب.........انت دا حين يا اهل العوض ماسنجر مو معناها رسول؟....... يعني جارنا... حسب الرسول يبقى حسب الماسنجر ومحنو...... وممكن في الزنقة يغيرو لي حسب الظروف....حسب الانفلوب..... ينعل ابو النكليزي زاتو
|
Post: #5
Title: Re: بكــري....وين النفـــاج؟
Author: Ahlalawad
Date: 04-10-2004, 02:59 PM
Parent: #1
أبوقوتة !!! شكيت محنك ... بالله قلت لي باقي الحبل الفي البربندي المربوط فيه الحمار الذي أكل العشب الذي زرعه حمد الذي حصد البصل؟ ... والله لاكين قدية .. طيب ما تجيب كبسيبة ودكين وأساسي وكل شرير وبرتقالته عشان نختطف البوست دا والبورد معاً .
|
Post: #9
Title: Re: بكــري....وين النفـــاج؟
Author: alfatih
Date: 04-10-2004, 05:07 PM
Parent: #1
سجيمان اخوى
كيفن حالك والكفيل ؟
حبوبة قالت الماسنجر دة مكنة الخياطة
وحسب الرسول دة حسب الماهية
بعدين الشمار كان تقيل حسب الرسول ما بيقدر عليهو
وكما قال عليكم بالماسنجر انا تتواجدون
|
Post: #10
Title: Re: بكــري....وين النفـــاج؟
Author: أبوالريش
Date: 04-10-2004, 05:32 PM
Parent: #9
" ونضارة كل مرة قزازتا اليمين تتلمص...وهو ديمة يكابس عشان يركبا تاني"
تقصـد شنـو؟
بعدين منو القاعـد بجيب ليك المعلومات دى؟
|
Post: #12
Title: Re: بكــري....وين النفـــاج؟
Author: سجيمان
Date: 04-11-2004, 01:41 PM
Parent: #10
| Quote: بعدين منو القاعـد بجيب ليك المعلومات دى؟ |
بالله انت برضو كدا؟..... الغريبة الكلموني بها واحدة مو واحد
|
Post: #11
Title: Re: بكــري....وين النفـــاج؟
Author: سجيمان
Date: 04-11-2004, 01:36 PM
Parent: #9
الفاتح
| Quote: كيفن حالك والكفيل ؟ |
في داعي للنكد؟
|
Post: #13
Title: Re: بكــري....وين النفـــاج؟
Author: الجندرية
Date: 04-11-2004, 05:56 PM
Parent: #1
سجيمان
وصحبة الكرام
زمان في الزمن الزمين
وكت البورد كان رخي
اها الماسنجر مرة كدي بكري لماه
كان عندي بوست اسمه ماسنجري غتس
والله فيهو جنس وصفاته بتقلع بالماسنجر
المشكلة انه الارشيف زاته لموه
كان جبتو ليك هنا
اكيد واحدة من الوصفات كانت نفعت
يعلم الله حيرة العدو المعادي
الارشيف والماسنجر ؟
غايتو التجي من السماء تحملها الواضة
شن نسو سوقوا الصبر بس واقعوا الهوت ميل
|
Post: #14
Title: Re: بكــري....وين النفـــاج؟
Author: سجيمان
Date: 04-11-2004, 06:13 PM
Parent: #13
الجندرية
| Quote: غايتو التجي من السماء تحملها الواضة |
انتي عارفة بعد شوية النضم المفروض يتقال في الماسنجر حتلقيهو حايم في البوستات...وهااااااك يا مشاكل....وخليكي مرلقبة
|
Post: #15
Title: Re: بكــري....وين النفـــاج؟
Author: صديق الموج
Date: 04-11-2004, 08:10 PM
Parent: #1
والله يا سجيمان انت شقى خلاص،انا قايل روحى براى الكنت بريد
الماسنجر وحاتك كمان انا عملت فيه شعر وحكم وامثال وقت:
الخبر الفى الكاسنجر يجيبو الماسنجر.... ورب ماسنجر خير من الف
تلغراف،وسيد الرايحه يفتش خشم الماسنجر،والماسنجر يقلب والشكر
للبورد،والكلام يدور ويدور ومن يصل سيد الماسنجر يبور،وما جاب
شمارك مثل ماسنجرك،وشلاقة ام الحسين الدايره تفتح المنبر فتحت
الماسنجر،وصاحب ماسنجرين كضاب،والماسنجر البجيب الريح سدو
واستريح,والبلقى الماسنجر بضرى شمارو،وسجم القضيه الدليله ماسنجر
وماسنجرك القريب ولا بوستتك البعيده،والما بتلحقو
ماسنجرو،وعيييييييك الباقى لو الماسنجر رجع بقولوا ليك،وبعدين مره
دنكلت لى ماسنجر لى زوله وحاتك طفش لى منو ما عارف المهم هى ما
ردت كان بعد يومين جانى ماسنجر من بدر الدين شناوبهذه المناسبه
اناشد من يملك رقم جوال او تلفون بدر الدين شنا يكتبوا فى البوست
ده لانى مغروض فيه شديد الله ينعل عدم الماسنجر،وبعدين انا اكتشفت ما
سمهو ماسنجر سماهو الماس نجر لانو فيهو نجرى شديد خلاس وانا مشكلتى
مع الهوت ميل والا الهوت دوغ مشكله لانو لامى فينى زول كل ما احاول
ان ارسل بيه رساله يقول لى (نورتون انتى فايرس از اسكاننق يور
ميسج) واقعد ساعه ما افتح لى صفحه ولا ارسل لى رساله عشان كده
اناشدك يا بكرى تفتح لى ماسنجرى براى وقفل الباقيات البسون المشاكل
شكرا للاستجابه وحتى يفتح الماسنجر ترقدو عافيه،،،،،،،
|
Post: #16
Title: Re: بكــري....وين النفـــاج؟
Author: سجيمان
Date: 04-11-2004, 09:26 PM
Parent: #15
لا حول الله يا صديق..... النضم دا كلو فوق الماسنجر
والله يا زول انت ممكون مكنّة جد
|
Post: #17
Title: Re: بكــري....وين النفـــاج؟
Author: طه حسن عبدالله
Date: 04-12-2004, 02:21 AM
Parent: #16
العزيز سجيمان
والله كل ما الواحد فينا راسو يسخـِّن بأقعد أرتاح و أريح أعصابى
فى البوستات بتاعتك ، يعنى إنت واحة البورد وفاكهتو و على العموم
ما بيهمنى راى الزول القال عليك كده بس بيهمنى كلما أزور البورد
ألاقى عندك سرير أرتاح عليهو و ربنا ما يحرمنا منك
أخوك طه حسن عبدالله
|
Post: #19
Title: Re: بكــري....وين النفـــاج؟
Author: سجيمان
Date: 04-12-2004, 10:58 AM
Parent: #17
شكرا يا طه .....وبارك الله فيك...وان شاء الله سرايري تبقى مريحة طوالي
|
Post: #18
Title: Re: بكــري....وين النفـــاج؟
Author: maha abdella
Date: 04-12-2004, 02:39 AM
Parent: #1
سجيمان الحاشا ما سجمان
ما اروعك
|
Post: #20
Title: Re: بكــري....وين النفـــاج؟
Author: سجيمان
Date: 04-12-2004, 11:02 AM
مها
| Quote: سجيمان الحاشا ما سجمان |
نضمك دا باقي لك بيقتنعو بو؟
|
Post: #21
Title: Re: بكــري....وين النفـــاج؟
Author: Ahlalawad
Date: 04-12-2004, 12:33 PM
Parent: #1
دي رسالة خاسة بالمسنجر
عزيزي سجيمان ، كنت داير أقول ليك إنت نسيت ما نشرت بوصتك دا في الحلة التانية ديك .. بس حبيت أذكرك .. أخوك المخ لس .
|
Post: #22
Title: Re: بكــري....وين النفـــاج؟
Author: سجيمان
Date: 04-12-2004, 02:30 PM
Parent: #21
المخلّص
اهل العوض
ان شاء الله ما نفقدكم في شينة
سجيمان
زمالة الكلية الملكية للمشاطات ادنبرة
|
Post: #23
Title: Re: بكــري....وين النفـــاج؟
Author: ملكة سبأ
Date: 04-12-2004, 03:07 PM
Parent: #1
| Quote: علا انا وحات الرسول زولا بالو طويل ولتخة.. |
يعنى جماعتك بيكو فى البحر في صرتو ؟ 
جينا نباكيكم في فقدكم الجلل
والليلة يا (فكاك) العوجات
ياجمل الشيل عون الباوندثات
وحدّت بينا وقطعت الخبارات
الا يا سيجمان في ناس (التكسير) جاهم قبال يلملوا عفشهم ويضايرو(ياربى يكون اسع وين؟) لاوادعوا ليهم زول ولاشالو ليهم عنوان
قال هوت ميل قال
|
Post: #25
Title: Re: بكــري....وين النفـــاج؟
Author: سجيمان
Date: 04-12-2004, 03:47 PM
Parent: #23
ملكة سبأ
| Quote: يعنى جماعتك بيكو فى البحر في صرتو ? |
زمان قلت النضم دا
علا
المقتولة ما بتسمع الصيحة
|
Post: #24
Title: Re: بكــري....وين النفـــاج؟
Author: صديق الموج
Date: 04-12-2004, 03:32 PM
Parent: #1
الاخ سجيمان وصلتنى للتو الابيات التاليه من المتشمر بن قطاع النميمى
الخبر الاكيد الليله المهندس جـــابو
قال الماسنجر تجندل واتقفلت ابوابــو
شن سألونا قعادنا شن اسبابـــــــــو
لا خبير لاشماراّّ بنتســـــــــــــلابـو
__________________________
كما وصلتنى البرقيه التاليه من شيخة مشاطات الكلاكله قطعيه
واوجعى..واوجعى..واوجعى..واوجعى..ياالماسنجر الجبــار
حى ووب..حىووب..حىووب..حىووب..حىووب....يا لقاط الشمار
وسجمى....سجمى...سجمى...سجمى....سجمى..يااللى المغس فدار
وكرررررررررررررررررررررررررررررررالكتلوا فيك كتـــار
|
Post: #26
Title: Re: بكــري....وين النفـــاج؟
Author: سجيمان
Date: 04-12-2004, 08:11 PM
Parent: #24
صديق الموج
| Quote: الاخ سجيمان وصلتنى للتو الابيات التاليه من المتشمر بن قطاع النميمى |
الزول دا ود عمي لزم.....اعمل حسابك
| Quote: شيخة مشاطات الكلاكله قطعيه |
المرا العجوز دي لي حسي حية؟...
|
|