Post: #1
Title: الله.... يـــاراك..... يــا حــاج ابكـــر
Author: سجيمان
Date: 04-20-2004, 01:43 PM
Parent: #0
الي كل عاشق وعاشقة
الي كل مكسر ومكسرة
الي كل مكودك ومكودكة
احذرو الكواديك انها مقلبت اخاكم سجيمان
توووووووووووووووش
سعاد بت جيرانا .. ايام الزمن سمح.....والوشي فيهو شوية سماحة... قبال الخفيج والعفيص العلينا حسي.... سعاد كانت سمحة ونفسها عاجباها......وكل الناس عندها ... قمل في راس قرد....وخاصة سجيمان... اكبر قملة كان....قدر ما جريت وراها لمن نفسي اتقطع.... ما جابت خبري... كنت بستحم كل يوم وانا اغرف البلاعة ودا كلو عشان خاطر سعاد... واتمسح بزيت السمسم الفي البيت....واتمبخ تفتي بيهو... لحدي ما امي بقت تدس الزيت مني عن جيراننا....قالو لي تمشي العشش .... الوقت داك.... وحسي اسما الوزير دقس.....في فكي هناك اسمو حاج ابكر... يديك عرق محبة..... يخلي سعاد دي حايمة وراك زي الكديسة.... محل ما تمشي في كرعيك...... حاج ابكر قال لي... تديهو ليها في كباية شربات وولا كباية شاي..... شلت العرق وسقت ...صاحبي الزين...وضعنا خطة انو بعد ما ناس سعاد....يجيبو لينا كبايتين شربات....هو يمرق ويخلي الكباية....وتجي سعاد وانا احلف عليها تشربا...وقد كان... جات سعاد وجابت الشربات...والزين شتت.....وشربت انا كبايتي ووكبيت مسحوق عرق المحب في الكباية التانية.... ومنتظر تجي سعاد تشيل الكبابي.... اتاريها سعاد زاتا مرقت.... وجات امها حاجة سكينة.......وسلمت علي وسعلت من صاحبي وليه ماشرب الشربات...؟...... وقالت خلاص الكباية دي اظنها رزقن لي....وتقول كدي تشرب الكباية زي ما هي....وانا هنا راسي بقى قدر القدرة.....حاجة سكينة شالت الكبابي ومشت.... شويتين كدي..... اسمع حسها وهي جاية ...وماشة وتغني
في الحياة غيرك مافي زول هماني
يا حياتي وروحي انت يا سجيماني
... يا سجيماني؟.... حاجة سكينة شربت العرق والعرق اشتغل.... ...دخلت علي حاجة سكينة... غيرت هدوما ولبست اسكيرت وبلوزة....وملت عيونا كُحُل...واشطفت....ومسحت كريعاتا..... وقعدت في العنقريب القصادي..... ونعاين لي وتتبسم وترمش في عويناتا....ومرة تغريّد عيونا...ومرة تكتلن....انا بقيت اقرا في سورة الفلق.....وعصرت علي... من شر النفاثات في العقد. قلت كان شوية تفرمل شغل عرق المحبة... يمكن قريتا تلاتين مرة.....وحاجة سكينة.... في سواتا........وزادت.... انا كنت لابس لي نضارات شمشية اشتريتن من الطبالي مخصوص ... عشان اغري سعاد....حاجة سكينة تشيل وتخت في نفسا...وتعاين لي والعوينات يسون في شغلتن....وقعدت تدندن لكن انا سامعا
وتدس عينيك..... بالنضارة
يا اجمل ضيف جانا زيارة
حاجة سكينة بقت تشوفني اجمل ضيف؟.....وا شقاوتك يا سجيمان.... والشقيان تعتر لو حاجة سكينة.....شوية كدي.... شالت المخده وحضنتا....وهي قاعدة...وتاوهت... الآهة... بتاعت الحب... ديك..لمن انا خفت المرا دي تقوم تشهق وتفطس عليّ..وتتحسب علي شهيدة حب...وقالت لي وهي ترفع في حواجبينا....
حسي كيف؟......... قلت لها الكيف شنو؟..... قالت لي ...ما نتكلم شوية في مستقبلنا؟...... عرقت من فوق لي تحت...وفكرت افرتق.... قلت لها يا حاجة سكينة.....عطشااااااااااااااان عليك الله اديني موية..... قالت لي .... انا اسقيك من عيوني ديل.....قلت لها لا لا من المزيرة حقتكم.....خليتا مشت تجيب الموية...واعضي طرف جلابيتي في خشمي وجري علي بيتنا........
لحقتني في البيت.....دقت الباب مرقت عليها امي.....واول ما شافت امي قالت لها....ازيك يا خالتي ام سجيمان؟....
سمعت امي زعلت وقعدت تهرج فوقا...خالتك؟ اجي يا خالتي؟....والله اياهو؟.....المهم رجعت بيتا امي جات تهرج وتنقنق.....وقالت لي شفت المرا الهجلوبة دي؟..... قالت لي خالتي؟...... وهي تلدني في اخر بطانا......قلت لها معذورة يا يمة اصلو العرق قوي.... الله يا زاك يا حاج ابكر...........
جريت جري العشش تاني... ودخلت علي حاج ابكر وحدستو بالحكاية...وقلت لو داير لي عرق كِجنة.... اغرغرو لي المرا دي...اداني العرق......لقيت امي وحاجة سكينة قاعدات حلفت علا اسوي لهن شاي.....واسقي حاجة سكينة العرق...... ومشت بيتا....... لحقتها اشوف عرق الكِجنة خبرو شنو؟....لقتي الباب فاتح ودخلت..... حاجة سكينة اول ما شافتني..... تصر وشيها..... وتحمر عيونا....وتقول لي" قشيران...... امرق..... مرقت روحك..... تاني ان شفت عصيباتك ديل حايمات في نص الحوش دا علا اكسرن ليك"
|
Post: #2
Title: Re: الله.... يـــاراك..... يــا حــاج ابكـــر
Author: almulaomar
Date: 04-20-2004, 02:22 PM
Parent: #1
أخي الدكتور سجيمان
يقول الله تبارك وتعالى في محكم تنزيله الحكيم:
وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا صدق الله العظيم
سجيمان يا أخوي الغناي ولا الغنايه قالو – يكفينا الله شر القواله – الريده ما بالغصب ، والجاتك في جكسايتك سامحتك وتخيل لو شرب كباية العصير بنكهة عرق المحبة الدفعت فيهو دم قلبك والشربتا حاجه فلانه يقوم يا سيدي يشربا تيس أب نعوف كان يكون موقفك شنو في دول عدم الإنحياز اللا بتحجز لا بتجيب عكاز.
|
Post: #9
Title: Re: الله.... يـــازاك..... يــا حــاج ابكـــر
Author: سجيمان
Date: 04-20-2004, 08:03 PM
Parent: #2
الملا عمر
| Quote: الغناي ولا الغنايه قالو – يكفينا الله شر القواله – الريده ما بالغصب |
انا ما غصبت زول...لكن داير اديها دفرة
|
Post: #3
Title: Re: الله.... يـــاراك..... يــا حــاج ابكـــر
Author: lana mahdi
Date: 04-20-2004, 02:26 PM
Parent: #1
يا سجيمان
الله يعوض عليك بياضك فى المرتين
وبين سعاد و حاجة سكينة يا قلبى لا تحزن
اها قول لى
ما فكرتا تانى تكتبا عند فكى كااااااااااااارب راسو عديل وتتجنب قصة العروق الممكن تجلى دى؟؟؟
|
Post: #4
Title: Re: الله.... يـــاراك..... يــا حــاج ابكـــر
Author: Hussein Mallasi
Date: 04-20-2004, 02:38 PM
Parent: #3
سجيمان ياخي ما عندك عنوان حاج ابكر دا و لا نمرة تلفونو
اخوك مغروض فيهو جد .....
|
Post: #6
Title: Re: الله.... يـــاراك..... يــا حــاج ابكـــر
Author: almulaomar
Date: 04-20-2004, 02:58 PM
Parent: #4
أخي حسين ملاسي
إنت بي الببيونه دي كلها وداير ليك حاج أبكر سجيمان قال ليك جلابيه وسفنجه ظهرية ونضاره سودا مشتتريها من بتاع القزاز وقاعد في راكوبه وعنقريب يعني كمية بتاعت صور شعبية ولو إنت باقي على الفكي في هناك شيوخ إيملاتهم ومبايلاتهم في الدليل زيهم وزي أي وزير.
تحياتي
|
Post: #7
Title: Re: الله.... يـــاراك..... يــا حــاج ابكـــر
Author: Hussein Mallasi
Date: 04-20-2004, 03:16 PM
Parent: #6
سلامات يا ابو الملالي
عمك ابكر دا انا ما دايرو لحاجة شخصية ... بس داير اقول ليهو
عرق الكجنة الوزعو لناس البورد الايام دي درجة اولى و لا يعلى عليهو
و احسن يمشي يسجل براءة اختراعو دا بسرعة ... و اهي فرصة نطلع لينا بقرشين من وراهو
و شهرة و كم صورة كدا في الجرايد، لو وافق اني ادير ليهو اعمالو  
|
Post: #8
Title: Re: الله.... يـــاراك..... يــا حــاج ابكـــر
Author: almulaomar
Date: 04-20-2004, 03:20 PM
Parent: #7
يا حسين يا أخوي
الجاكم من حاج أبكر في البورد ده أبداً ما عرق كجنه ده فايروس كجنه ولمن تلقو ليهو إنتي فايروس يكون سجيمان جكس بي ضراعو لا بعروق حاج أبكر
|
Post: #12
Title: Re: الله.... يـــاراك..... يــا حــاج ابكـــر
Author: سجيمان
Date: 04-20-2004, 10:50 PM
Parent: #4
| Quote: سجيمان ياخي ما عندك عنوان حاج ابكر دا و لا نمرة تلفونو |
ابدا والله يا ملاسي....... غايتو قالو جاهو اللوتري..ومشى امريكا.... في ولاية انتركادوكا.......
|
Post: #11
Title: Re: الله.... يـــاراك..... يــا حــاج ابكـــر
Author: سجيمان
Date: 04-20-2004, 10:26 PM
Parent: #3
لنا مهدي
| Quote: ما فكرتا تانى تكتبا عند فكى كااااااااااااارب |
ابدا وحاتك طرت طيرة حلوف من الجروف
بس لو عرفت الفكي بتاع ام الخير دا وين؟
|
Post: #5
Title: Re: الله.... يـــاراك..... يــا حــاج ابكـــر
Author: مريم بنت الحسين
Date: 04-20-2004, 02:45 PM
Parent: #1
| Quote: قالت لي ...ما نتكلم شوية في مستقبلنا؟...... |
الله يخليك يا دكتور..والله ضحكتني ضحك...
بنت الحسين
|
Post: #15
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 08:02 AM
Parent: #5
بنت الحسين
هنيئا
الله يخليك يا دكتور..والله ضحكتني ضحك...
|
Post: #10
Title: Re: الله.... يـــاراك..... يــا حــاج ابكـــر
Author: Raja
Date: 04-20-2004, 09:20 PM
Parent: #1
|
Post: #13
Title: Re: الله.... يـــاراك..... يــا حــاج ابكـــر
Author: طه حسن عبدالله
Date: 04-21-2004, 02:21 AM
Parent: #10
الحالى الظريف
والخفيف (على المعده)عشان ما تتأوّل
سجيمان
غايتو القصة دى ضحكتا فيها لامن دموعى جرن
والغريبة المرا جنبى ضحكت لامن وقعت من الكرسى لامن سِمعت بى حكابة
حاج أبكر دى ، قلت يا ربى المرا دى من زباين حاج أبكر ولا شنو؟
عليك الله يا سجيمان اخوى أفتينى فى القصة دى
|
Post: #14
Title: Re: الله.... يـــاراك..... يــا حــاج ابكـــر
Author: مريم الطيب
Date: 04-21-2004, 02:42 AM
Parent: #13
الله ياراك ياسجيمان...
|
Post: #16
Title: Re: الله.... يـــاراك..... يــا حــاج ابكـــر
Author: nazar hussien
Date: 04-21-2004, 09:30 AM
Quote: خليتا مشت تجيب الموية...واعضي طرف جلابيتي في خشمي وجري علي بيتنا........
|
والله انت امتع زول يا...... دكتور...الواحد لامن بقي يستحي من كلمة سجيمان دي...ياخي...ما تخليها عريقان...
|
Post: #24
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 08:57 PM
Parent: #16
نزار حسين
| Quote: ما تخليها عريقان... |
عشان تجي حاجة دوما وتقول لي عريقان العرض اليمسك قدومو؟
|
Post: #22
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 04:26 PM
مريم الطيب
| Quote: الله ياراك ياسجيمان |
نوح يا يمة
بكر ي عليك الله خت النقطة باعت الزين دي
|
Post: #20
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 02:27 PM
Parent: #13
طه حسن عبد الله
| Quote: عليك الله يا سجيمان اخوى أفتينى فى القصة دى |
تكون بتعرف الفكي بتاع ام الخير......وهي مشرباني عرق الدلدلة..... وحسي انا حالتي تصعب علي الكافر.....دلدوووووووووول مسيكين ربي.... سيجمان جيب...هاكي.... سيجمان اسكت.... سمح... سجيمان لبس البنية... حاضر......
الله لا وراك...
لكن ناوي انتفض اصبري لي فيها بس
|
Post: #17
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 12:57 PM
Parent: #10
رجا
| Quote: انتا العرق المشربو لينا ده عرق شنو |
العرق مشربكم ليهو بكري مو انا......اسمو عرق المصاقرة....تقعدو تصاقرو البورد
|
Post: #23
Title: Re: الله.... يـــاراك..... يــا حــاج ابكـــر
Author: Raja
Date: 04-21-2004, 05:23 PM
Parent: #17
سيجيمان..
بكري لازم يرجع لحاج أبكر ويجيب العرق التاني ..
|
Post: #29
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 09:25 PM
Parent: #23
رجا
| Quote: ويجيب العرق التاني |
المشكلة مو عرق المصاقرة......المشكلة عرق المناقرة
|
Post: #18
Title: Re: الله.... يـــاراك..... يــا حــاج ابكـــر
Author: الزنجي
Date: 04-21-2004, 12:59 PM
Parent: #1
كنت خائف يا سجيمان عرق الكجنة تشربو امك !!!!!
|
Post: #25
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 09:08 PM
Parent: #18
الزنجي
| Quote: كنت خائف يا سجيمان عرق الكجنة تشربو امك !!!!! |
انا براي...كنت ايدي فوق قلبي
|
Post: #19
Title: Re: الله.... يـــاراك..... يــا حــاج ابكـــر
Author: بلدى يا حبوب
Date: 04-21-2004, 01:21 PM
Parent: #1
سيجمان
طبب سعاد ده حسه وين
ةبينى ةبينك حاج ابكر انا خايف حسه يكون من ضمن وفد ابحكومة الى انجمينا.
الله يديم عليك الصحه يا فنان
تحياتى
|
Post: #26
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 09:13 PM
Parent: #19
بلدي يا حبوب الحبوب
| Quote: طبب سعاد ده حسه وين |
سعاد عرست...وانا عرست ام الخير..وشربت عرق الدلدلة .... راجع الاجابة فوق
|
Post: #21
Title: Re: الله.... يـــاراك..... يــا حــاج ابكـــر
Author: alfatih
Date: 04-21-2004, 02:58 PM
Parent: #1
سجيمان
شو خيو
عرق مهبة يعمل هيك عمايل ؟
واذا داير اعرف الولية ما مشت للحاج
اعرفا كيف ؟
افتينا ولا تلحقنا الفتة ام جدادا برة
|
Post: #27
Title: Re: الله.... يـــاراك..... يــا حــاج ابكـــر
Author: سجيمان
Date: 04-21-2004, 09:18 PM
Parent: #21
الفاتح
لو كانت هي في المتبخ وكوركت لك....وانت نطيت....اعرف انك مسجم ومرمد....اسعلني انا.....
|
Post: #28
Title: Re: الله.... يـــاراك..... يــا حــاج ابكـــر
Author: حبيب نورة
Date: 04-21-2004, 09:20 PM
Parent: #21
لووووووول
شكيتك علي الله يا عم سجيمان
انت الوداك العشش شنو كان سعلوك
وبعدين ما تعرس الولية و تريحنا منها
النضامة انت ما عارف دور الخبرة في
الزواج علي الاقل تتحاشي فاتورة الكريم
والايسكريم ونقة الحريم...هسة الولية دي
حية واللا لحقت امات طه؟؟ عليك الله وريني
بيتهم وين سريع.....
|
Post: #30
Title: Re: الله.... يـــاراك..... يــا حــاج ابكـــر
Author: مريم الطيب
Date: 04-21-2004, 09:45 PM
Parent: #28
ان شاء الله تبرأ وتستبرا ..
وتشيل الكتاب تقرا..
النقطة مافي ليها اي داعي..ولاشنو يا اخوانا..
اهلنا مش بقولوا الله لا راك ولا شنو كدة ..
|
Post: #33
Title: Re: الله.... يـــاراك..... يــا حــاج ابكـــر
Author: سجيمان
Date: 04-22-2004, 06:55 AM
Parent: #30
مريم الطيب
| Quote: اهلنا مش بقولوا الله لا راك ولا شنو كدة |
صح..... بس انا قاصد يازاك....من ازية....
|
Post: #31
Title: Re: الله.... يـــاراك..... يــا حــاج ابكـــر
Author: سجيمان
Date: 04-22-2004, 06:45 AM
Parent: #28
حبيب نورة
Quote: ...هسة الولية دي
حية واللا لحقت امات طه؟؟ |
ماتت قبال امات طه
|
Post: #32
Title: Re: الله.... يـــاراك..... يــا حــاج ابكـــر
Author: حبيب نورة
Date: 04-22-2004, 06:53 AM
Parent: #31
كاااااااااا اااااااااااك
|
|