Post: #1
Title: نـعــي ألــيم..ومصــابٌ جــلل
Author: سجيمان
Date: 04-27-2004, 03:05 PM
Parent: #0
قومي علي حيلك...واخرتي الحنة.... تتحنني والشبح ميت يا ام الخير؟... الشبح صقر كفيلنا يا ام الخير مات...خبر السواد والرماد...... وانا اصلي عارفو البنغلاديشي ابو وشي محنوف دا ما وراهو علا.... الخبر الكعب.... جاني في المكتب حاني رقبتو وحانف وشيهو.....وقال لي الشبح في موت....... اريتك كان مت انت يا الشوم يا الفقر يا النقر......الشبح يموت ؟ وانت حي؟.... انت شن فايدتك..... بلا تهزهز في راسك بي سبب وبلا سبب....الليلة يا الشبح.... يا سيد الصقور كلهم وسيد الناس.... يا ابقدومن سنين...اللليلة ووووووب علي ابو جربيع....وعلي جربيع..... وعلي اخوهم ضبيعان....وعلي اخيتهم ذبانة...قالو جو من الصباح ولقيهو مسيكين.... في كرسيهو وتاني رقبتو وميت.....وحات الله البارح دي...وانا مشيت اونسو....كان في امان الله شديد ولضيض.....ام الخير قومي....قومي اقيفي في نص الصالة دي وسكلبي...وخليني امشي اجيب لي قفة رماد...من المطعم الفي راس الشارع داك...واختها في خشم باب الشقة......واي مرا جاياكي للعزاء ان ما ادمست واتكتحت بالرماد دا.... اوووووعك تختي ايدك فوقا وتباكيها. وتاني لا بينك لا بينا تقاطعيها لي جنا الجنا.....والنسيوينات المتفلهمات البي بيرفعن ايديهن بالفاتحة ديل اوووعك ترفعي ايديكي ليهن...... الشبح مو شبه فاتحة وكنكيش ايدين..... موت الشبح موت رماد وتدميس وكتيح بالواطا.... سمعتي؟...وبعدين يا ام الخير الشبح دا نحن شحمنا دا كلو من فضلة خيرو... يضبحو لو الخروف عشان ياكلوهو الكبدة ...ونحن نجيب باقي اللحم هنا.....ونقعد الليل كلو نشوي وناكل في اللحم وندمع ومخاخيتنا جارية.... تاني يا حليل الللحم لينا ....ويا حليل الشية
... حسي نقوم نمشي بيت البكا..... وانتي يا ام الخير تتحزمي بي توبك من هنا وانا بتحزم بي عمتي..... وفي نص حوش الفيلا حقت ناس ابو جريبيع..... تسكلبي شديد....ما تخلي نسوان الموظفين التانيات.... يبقن اخير منك.......اووووووعك..... وخصوصا نعيمة مرة المصري بتاع النسنسة داك.....اوعك تديها فرصة..... امسكي ام جريبيع.....واشعبطي فيها....واوعك تفكيها ....اوعك.... اعفصيها واقعدي ابكي ووصفي...
يا الشبح يا الما ليك تنين
يا.... الفوتك مو....دحين
يا ود حشاااااااااي
يا الحنين يا الما بتلاوي
يا الاكلك كبد وكلاوي
يا ود حشااااااااي.......
يا الصيدك مو جربوع ولا كديسة
يا الاصيل يا الما تاكل الفطيسة
يا ود حشااااااااي...............
يا البعدك يانا تاني البتنا القوا
يا لفاح الحمامة في الهوااااااااااا
يا ود حشااااااااااااي
|
Post: #2
Title: Re: نـعــي ألــيم..ومصــابٌ جــلل
Author: almulaomar
Date: 04-27-2004, 03:47 PM
Parent: #1
الأخ سجيمان
إنت يا أخوي شيتك ده خوفاً من الكفيل ولا حزناً على الشبح ، وإنت تعال عمرك ده كلو تقرا قالوا لامن بقيت دكتور تقوم تغترب وتدخل بلد الناس ديك بي فيزة صقار ولا والدنك في عقلة الصقور وأخير في النهاية عامل تربية مواشي على الأقل بيكون راعي والراعي بالإنجليزي كاو بوي والراعي عنده أفلام في السينما وبلبس جينز وهنا الراعي مبني للمجهول لأنو ممكن يكون راعي تريلا أو راعي مؤسسة أو راعي عمال - كفيل - أو ربما راعي إبل.
|
Post: #3
Title: Re: نـعــي ألــيم..ومصــابٌ جــلل
Author: سجيمان
Date: 04-27-2004, 03:54 PM
Parent: #2
الملا عمر
| Quote: إنت يا أخوي شيتك ده خوفاً من الكفيل ولا حزناً على الشبح |
يا اخوي انت ما شفتو الشبح......صقر عديل جنس عدلة.وطيب جنس طيبة... اعدل واطيب من سيدو....وموجعني وجع ما يعلم بو علا الله
وما نجيك في شينة يا اخوي
|
Post: #4
Title: Re: نـعــي ألــيم..ومصــابٌ جــلل
Author: almulaomar
Date: 04-27-2004, 04:01 PM
Parent: #3
طالما إنت ضارب الجرسه كدي فوق صقر الكفيل وطالما أنا جيت وعزيت وجبتو لي قهوتكم الزي موية الحبال ديك أها يا أخوي وروني مكان الدفتر عشان أقادحكم – وأقادحكم دي لأى واحد عدا سجيمان تعني أدفع لكم أو أساهم ماديا في تخفيف مصابكم الجلل وفقدكمم العظيم لأنو معنويا دايرين بي شنو – المهم حا أدفع ليكم يا سجيمان غراب وود أبرق وأم قيردون أها قصرت معاكم وكلها في النهاية طيور.
|
Post: #5
Title: Re: نـعــي ألــيم..ومصــابٌ جــلل
Author: سجيمان
Date: 04-27-2004, 04:09 PM
Parent: #4
بارك الله فيك يا الملا عمر
نحن ما عندنا كشف....وجيتك براها لينا بالدنيا..... علا الناس البي يدخلو ويمرقو ساكت ديل اصبر لي فيهم....امانة ما بسدّ فيهم
|
Post: #6
Title: Re: نـعــي ألــيم..ومصــابٌ جــلل
Author: Osman Hamad
Date: 04-27-2004, 04:31 PM
Parent: #1
سجيمان اخوى
نحنا هنا ذاتو كفيلنا جابو ليهو صقر جديد وهو كان مفتكروعصفور وجابو ختا لينا فى المكتب هدية لكن مانافع معانا ...رأيك شنو نرسلو لى كفيلك دا....وبالمرة تكون منك هدية ظريفة عشان يزيدو ليك مرتبك.
|
Post: #7
Title: Re: نـعــي ألــيم..ومصــابٌ جــلل
Author: ابو جهينة
Date: 04-27-2004, 04:52 PM
Parent: #6
د. عادل سي جي
تحية محلقة تحليق المرحوم أيام عزه و صيده الوفير
شوف يا دكتورنا
الكفلا ديل إنت عارف حركاتم و سكناتم ، مرات يفنشو موظف و يقولو ليك أمسك شغلتو مع شغلتك لغاية ما نجيب البديل ،، بعدين عينك ما تشوف إلا النور ،، الشغلتين يندرعو فيك إلى نهاية الخدمة ،، عشان كدي أعمل حسابك يقوم كفيلك دة يقول ليك ( صيد لينا الحمام و الغزلان و الأرانب و الحباري ) لغاية ما نجيب لينا صقر بدل المرحوم. أوعك ترضى ليهو حتى و لو أداك بدل طيران و إنقضاض و أداك كل يوم خروف كامل.
|
Post: #8
Title: Re: نـعــي ألــيم..ومصــابٌ جــلل
Author: خالد الحاج
Date: 04-27-2004, 05:08 PM
Parent: #7
سي جي..
الدوام لله.. البركة فيكم في صقركم..والجات في الصقر يا سي جي مسامحة..
أها حتنقل كفالتك علي منو ولا محفوظة
|
Post: #14
Title: Re: نـعــي ألــيم..ومصــابٌ جــلل
Author: سجيمان
Date: 04-27-2004, 08:30 PM
Parent: #8
خالد بارك الله....ومانجيك في شينة..... الكفالة اريتا اكان بقت علي الصقر.....علي سيدتو
|
Post: #13
Title: Re: نـعــي ألــيم..ومصــابٌ جــلل
Author: سجيمان
Date: 04-27-2004, 07:23 PM
Parent: #7
ابو جهينة
| Quote: أوعك ترضى ليهو حتى و لو أداك بدل طيران و إنقضاض و أداك كل يوم خروف كامل. |
اسكت ساكت...حسي جيت من هناك.... لقيت عشرة هنود ..واربعة مصرين...واتنين سورين... ديل كلهم مقدمين للوظيفة دي...... ديل معاهم اكل عيش دحين؟
|
Post: #12
Title: Re: نـعــي ألــيم..ومصــابٌ جــلل
Author: سجيمان
Date: 04-27-2004, 07:15 PM
Parent: #6
عثمان حمد
بارك الله وجزاك الله الف خير..... لكن الشبح ما اظن في شي تحل بكانو
|
Post: #9
Title: Re: نـعــي ألــيم..ومصــابٌ جــلل
Author: omer almahi
Date: 04-27-2004, 06:22 PM
Parent: #1
لكن يا سجيمان خبر صقر الجديان داك ما جبتو لينا ؟؟؟
|
Post: #15
Title: Re: نـعــي ألــيم..ومصــابٌ جــلل
Author: سجيمان
Date: 04-27-2004, 11:02 PM
Parent: #9
عمر الماحي
| Quote: لكن يا سجيمان خبر صقر الجديان داك ما جبتو لينا ؟؟؟ |
يا زول صقر ما عندي فيهو نفقة....ما بجيب خبرو
|
Post: #10
Title: Re: نـعــي ألــيم..ومصــابٌ جــلل
Author: omer almahi
Date: 04-27-2004, 06:31 PM
Parent: #1
لكن يا سجيمان خبر صقر الجديان داك ما جبتو لينا ؟؟؟
|
Post: #11
Title: Re: نـعــي ألــيم..ومصــابٌ جــلل
Author: Salwa Seyam
Date: 04-27-2004, 06:46 PM
Parent: #1
خلعتني يا سجيمان ...جيت جاريه قلت أشوف المات منو
علي كل حال البركه فيكم وزي ماقالو...أجر وعافيه والجاتك في صقر كفيلك سامحتك
|
Post: #16
Title: Re: نـعــي ألــيم..ومصــابٌ جــلل
Author: سجيمان
Date: 04-27-2004, 11:42 PM
Parent: #11
سلوى صيام
| Quote: أجر وعافيه والجاتك في صقر كفيلك سامحتك |
بارك الله فيكي.....ما قصرتي
علا شفتي ناس البورد ديل..... دخلو اكتر من اربعمائة نفر ما عزوني الا اربعة تنفار....... اصبري لي فيهم...... الموت ما بيقيف عن ناس جريبيع
|
Post: #17
Title: Re: نـعــي ألــيم..ومصــابٌ جــلل
Author: طه حسن عبدالله
Date: 04-28-2004, 00:27 AM
Parent: #16
الحبيب الغالى سجيمان
أول حاجة يا أخوى البركة فيكم فى وفاة صقر الكفيل
وبرضو نصيحة ليك يا أخوى أسمع كلام أبو جهينة داك والله دى نصيحة
غالية عشان بعدين الناس ما يشيلوا حِسّك ويقولوا سجيمان ساب البلد
وجا هنا يشتغل عدم المؤآخذة (زى الشبح) والله يستر
|
Post: #19
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 06:25 AM
Parent: #17
| Quote: جا هنا يشتغل عدم المؤآخذة (زى الشبح) والله يستر |
لا ....لا..... شايف الكفيل براهو .... الداير يشتغل صقر.... برضو الله يستر
|
Post: #18
Title: Re: نـعــي ألــيم..ومصــابٌ جــلل
Author: bushra suleiman
Date: 04-28-2004, 00:40 AM
Parent: #1
لااراكم مكروها فى صقير لديكم..بس ماقلت لى ياسى جى الشبح ده مو المرسيدس؟
|
Post: #20
Title: Re: نـعــي ألــيم..ومصــابٌ جــلل
Author: WALEED YASSIN
Date: 04-28-2004, 06:44 AM
Parent: #18
يا سيجيمان يا اخوي
والله اطرشنا... جابو لينا الخبر هسة
اريتا مصيبة العدو يا اخوي .. البركة فيكم يا اخوي
علا انت صاحبك فيهم منو الكفيل ولا الصقر ..
عشان نوصفو
|
Post: #27
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 12:55 PM
Parent: #20
وليد يسين
| Quote: علا انت صاحبك فيهم منو الكفيل ولا الصقر |
الكفيل هارشني....والصقر صاحبي علا صحبتي للصقر دا لله وفي الله..... الله يعلم
|
Post: #25
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 12:41 PM
Parent: #18
بشرى سليمان
| Quote: لااراكم مكروها فى صقير لديكم..بس ماقلت لى ياسى جى الشبح ده مو المرسيدس؟ |
لا...لا الشبح دا صقر عمنا......علا مسمين عليهو المارسيدس
|
Post: #21
Title: Re: نـعــي ألــيم..ومصــابٌ جــلل
Author: maia
Date: 04-28-2004, 07:24 AM
Parent: #1
الدكتور سجيمان
البركة فيكم في شبحكم ولا اراكم الله مكروه في شبح عزيز لديكم انشالله مرسيدس شبح ، والله المرحوم يبدو كان ما ساهل ابدا
احسن الله عزاءكم
|
Post: #28
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 12:59 PM
Parent: #21
مايا
بارك الله فيكي....علا ماني شايفك اتكندكتي بالرمادظ
|
Post: #22
Title: Re: نـعــي ألــيم..ومصــابٌ جــلل
Author: الزنجي
Date: 04-28-2004, 07:35 AM
Parent: #1
الغريبة يا اخوى سجيمان الشى البنسمعو عن السعوديين
انو ما فيهم صقور
|
Post: #23
Title: Re: نـعــي ألــيم..ومصــابٌ جــلل
Author: Ali Alhalawi
Date: 04-28-2004, 08:37 AM
Parent: #22
أفـو يا سجيمان يا خوى و الله إتلومتا .. وكت مو قادر تتلفنى أكان تدينى ميسيج وله مس كول .. طعم الشية الأكلتو معاكم داكى اليوم لى عسسع فى خشمى .. سـألت سيدى أب قبة حمراء يحفظ صقر كفيلى باقى اليومين ديل فى أنفلونزا طيور حايمة
|
Post: #30
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 01:07 PM
Parent: #23
علي الحلاوي
| Quote: باقى اليومين ديل فى أنفلونزا طيور حايمة |
انفلونزا الطيور مو خترة..... كعبة عليهو السكتة القلبية الله يحفظو
|
Post: #24
Title: Re: نـعــي ألــيم..ومصــابٌ جــلل
Author: mahmed alhassan
Date: 04-28-2004, 08:54 AM
Parent: #22
سجيمان انت ما تشتغل تاجر صغور أصلو قالوا الصغر سعره بالشئ الفلاني 0
|
Post: #26
Title: Re: نـعــي ألــيم..ومصــابٌ جــلل
Author: tmbis
Date: 04-28-2004, 12:53 PM
Parent: #24
يادكتور ..
البركة فيكم .. في صقركم ..
وصقر كفيلكم ..
قول ليهو ده حال الدنيا .. وخليهو يشوف ليهو صقر تاني .. يعني خلاص ياسجيمان الدنيا انعدم فيها الصقور ؟؟
|
Post: #32
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 01:31 PM
Parent: #26
تمبس
| Quote: .. يعني خلاص ياسجيمان الدنيا انعدم فيها الصقور ؟؟ |
تقول شنو؟.....علا العشرة يا تمبس اخوي......
تمبس سوعال.؟.......انت صورتك دي... ماخدا جوا زير؟...لانها زي الكنت بتعاين جوا الزير.......معليش سوعال ساكت دا
|
Post: #36
Title: Re: نـعــي ألــيم..ومصــابٌ جــلل
Author: tmbis
Date: 04-29-2004, 10:22 AM
Parent: #32
يادكتور انا جيت اعزيك واخفف عنك واواسيك .. وأرقعك في الكشف لانو حاسس انو موت الصقر ده وجعك شديد
انا زمان كان عندي ( بغبغان ) قام مات انا تلاتة يوم ما اكلته ..
شان كده حسع لما لقيت النعي بتاع الصقر ده .. اتذكرته البغبغان بتاعي ..
لكن يادكتور انا اجي اعزيك .. تخلي الصقر وتمسك في صورتي ؟؟ انت الصقر ده ما واجعك والا شنو ؟؟
اها الصورة طلعناها من الزير ..
لكن كلم كفيلك ده قول ليهو مخاوات الصقور دي بتوديك اللقيط ..
خليهو يربي حمام رقاص .. احسن ليهو
|
Post: #38
Title: Re: نـعــي ألــيم..ومصــابٌ جــلل
Author: سجيمان
Date: 04-29-2004, 12:59 PM
Parent: #36
تمبس
| Quote: اها الصورة طلعناها من الزير |
اهااااااااااتك......كدي زينة تب... صلاتي علي حبيبي
|
Post: #31
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 01:21 PM
Parent: #24
محمد الحسن
| Quote: سجيمان انت ما تشتغل تاجر صغور أصلو قالوا الصغر سعره بالشئ الفلاني 0 |
صدقت ... المرحوم اخر سعر ليهو كان نص مليون ريال
|
Post: #29
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 01:03 PM
Parent: #22
الزنجي
Quote: الغريبة يا اخوى سجيمان الشى البنسمعو عن السعوديين
انو ما فيهم صقور |
قاعدين يربو صقور للصيد يعني نوع من المتعة والترفية.......يا خشم فيك عضم
|
Post: #33
Title: Re: نـعــي ألــيم..ومصــابٌ جــلل
Author: almohndis
Date: 04-28-2004, 01:35 PM
Parent: #1
د.سجيمان
البركه فيكم له الرحمه
ولكفيكم الصبر والسلوان
|
Post: #34
Title: Re: نـعــي ألــيم..ومصــابٌ جــلل
Author: almohndis
Date: 04-28-2004, 01:37 PM
Parent: #1
د.سجيمان
البركه فيكم له الرحمه
ولكفيكم الصبر والسلوان
|
Post: #35
Title: Re: نـعــي ألــيم..ومصــابٌ جــلل
Author: سجيمان
Date: 04-28-2004, 01:43 PM
Parent: #34
المهندس
Quote:
ولكفيكم الصبر والسلوان |
بارك الله فيك.....علا كفيلنا متجرس جرسة شديدة....ليهو يومين لا اكل لا شراب لا امشي لا تعالي.....غايتو ان قعد كدي لي اول الشهر الرماد كالنا
|
Post: #37
Title: Re: نـعــي ألــيم..ومصــابٌ جــلل
Author: عشة بت فاطنة
Date: 04-29-2004, 11:20 AM
Parent: #35
والله كويس انا جيت من البكيات براطيشي ما ملصتهن قت النجي اشيل الفاتحة ، القاه الصقر ما يموت كان مات هو الباكلو الكبد والكاوي شنو ما عارفن مسممات بالكسترول بلا عمة بلا توب خلي البتسوي فوقو دا وشوف ليك كفيل غير بيت الكبد والكلاوي ..
|
Post: #39
Title: Re: نـعــي ألــيم..ومصــابٌ جــلل
Author: سجيمان
Date: 04-29-2004, 01:05 PM
Parent: #37
عشة بت فاطنة
| Quote: الكبد والكاوي شنو ما عارفن مسممات بالكسترول |
ما كي طالباني حليفة.....قدر ما قلت النضم دا ابدا ما هببوهو لي....قلت لهم يا اخوانا اقسموهن ليهو ادونا نص وهو نص...... طلعوني حاسد ....وحرامي كمان
|
Post: #40
Title: Re: نـعــي ألــيم..ومصــابٌ جــلل
Author: صديق الموج
Date: 05-02-2004, 04:56 AM
Parent: #39
سجيمان المكلوم........وا ...ووا رمادك..... ووا قل لحمك....وقول لى كفيلك عندنا مثل
فى السودان بقول:يخلق من الشبح اربعين...يعنى قطع شك حا بلاقى واحد فيهن .
وانا يبقى لى بى خروج نهائى ما سمعت ا لا الليلة.
|
Post: #41
Title: Re: نـعــي ألــيم..ومصــابٌ جــلل
Author: سجيمان
Date: 05-02-2004, 08:44 AM
Parent: #40
صديق الموج
| Quote: وانا يبقى لى بى خروج نهائى ما سمعت ا لا الليلة |
ان شاء الله البيكجنك....... مصدقك يا اخوي
|
|