البشــتنـة... لزوما شنو؟ يا عوض ابراهيم عوض

Post: #1
Title: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 08:18 AM
Parent: #0

ثنائي النغم... زينب وخجيجة.... كانو في ساعة سمر مع عوض ابراهيم عوض....محمد سليمان...... جراب الحاوي... والشال ملبوس بالشمال..الفردة خجيجة كانت باين عليها الترطيبة.....والراحات يا ابوا...تلمع وتلصف محنناومكبرتا...زي ما مقدم البرنامج يلمع ويلصف.. وينطط كل مرة قاعد جنب زول ويتونس معاهو الله يجبر بي خاترو قاعد يجبر بي خاتر ناسو البي يلملم فيهم ديل...خجيجة وعوض... مصنفرين وشياتم...ومتقلين الكريمات...زينب مسيكينة..غبشا...شعسا.... مبشتنا... زي الجوها في البيت فجعة وقالو ليها قومي يلا التفلزيون... اتناولت توبا الاخدر من الحبل ...ولا ادوها فرصة تطرحو ساكت...ولفحتو وجات جارية مسيكينة مطولة من التفلزيون ومن الغنا..التوب اخدر وشربان...قدر ما حاولت اشوفا لابسة شنو في كرعيها ما قدرت...لكن باقي لي وان شاء الله اكون كضاب باقي لي لابسة سفنجة خدرا....يا عوض يا اخي المرا دي وقت اصلك جايبا مع رفيقتا..اشترو ليها هدوم يا اخي ..وغشوها اي واحدة كوفارة شوية تجيها...ومسيكنة عمرا كلو تغني للماشي لي لبنان عشان يجب ليها فستان وشرطن يكون ساتان...وهي البارح قاشرة في التفلزيون بي كستور في الحر دا...وانت برضو متجبص بي بدلة في الحر دا.... قبلكم وحدتكم وبراكم......
برضو قبل كدا دكتورنا عوض جاب ثنائي الجزيرة.... وكل واحد لابس بدلة... من ايام كانو في مرحلة الاساس الواحد لما يغني ويرفع ايدو تشوف صرتو تراها ديييييييك.... ودكتورنا ما داير ساكت يتكرم ويدي كل واحد بدلة من بدلو الكتيرة ومسيخة دي..يصورو بيها الحلقة ويرجعوها ليهو....
ساعة سمر بقت ساعة بهدلة لي ناس قدمو للفن كتير.... ودكتور عوض وناس التفلزيون الحضاري بخلانين عليهم بي شوية دلاقين يظهرو بيها في منظر كويس..... حننتي زينب خليفة والله...واتخيلتها ساكنا في ارفع سدرك...وعندها اوضة واحدة...وبرميل موية قدام الراكوبة القدام الاوضة..وهي راقدة فوق عنقريب كرابو مقطع....وخاتا توبا تحت راسا...ناس يدوهم الدكتوراة وناس بخلانين عليهم بي شوية هديمات يسترنهم......علي الاقل لما يجبوهم لينا عشان نتفرج فيهم...وما نحن برانا العالم كلو

Post: #2
Title: Re: البشــتنـة... لزوما شنو؟ يا عوض ابراهيم عوض
Author: garjah
Date: 04-29-2004, 08:44 AM
Parent: #1

Quote: الواحد لما يغني ويرفع ايدو تشوف صرتو تراها ديييييييك...

يجازي محنك يا سي جي مان

الدنيا صباح

لكن سمعت والمسعولية على القايل لي

انو رجال التلفزيون الواحد يوم عندو نشرة او برنامج

بيسوو الكريمات من الصباح وما بطلعوا اليوم داك للشمش

قال ليك شان الوش ما يتعوج

يعني فسخ جلد عديييل

وهم واحد بيجي يوم الجمعة من الصباح

وواحد تاني يوم الاربع

وواحد كمان بتاع نشرة

ويفضلو مغمسوسين في الكريمات دي لغايت ما تجيهم عربية التلفزيون

اها يغسلو وشهم ويجو يقبضونا ليك

يعني تفتح التلزيون وتقرش ليك كم ليمونة

واالله يصبرك يا سيجي من حالتك الفوقك

ياخي فتش للكور وين زي اخوك

Post: #8
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 01:22 PM
Parent: #2

قرجة...كيفنك وحمد الله على السلامة

Quote: بيسوو الكريمات من الصباح وما بطلعوا اليوم داك للشمش

بس ما كلهم...... والله يا ربي يكونو قاعدين يتغاتتو علي الفاتح الصباغ؟

Post: #3
Title: Re: البشــتنـة... لزوما شنو؟ يا عوض ابراهيم عوض
Author: nazar hussien
Date: 04-29-2004, 08:49 AM
Parent: #1

دي الحقيقة المرة مرارة الكينين يا سليمان...

واللوم كله يوجه لناس التلفزيون...

وين التسميات الكتيرة ديك البتظهر آخر الحلقات

ديكور: فلان الفلاني
بودكير: 00000
ماكيير: واسماء كتيرة من مشتقات الكير دي0000000
ملابس واكسسوارات:00000
مكياج:000000
مساعد مخرج:0000
مخرج:00000
منتج مساعد:00000
كاميرا مان او مصور:0000

Post: #4
Title: Re: البشــتنـة... لزوما شنو؟ يا عوض ابراهيم عوض
Author: tmbis
Date: 04-29-2004, 09:58 AM
Parent: #3

والله يادكتور .. من ما قناة النيل الازرق بطلوها .. اتورطنا

امس بفتش .. عيني وقعت علي ثنائي النغم ..
ليه عليك الله كده ؟؟ مش حرام علي التلفزيون .. ولمتين البهدلة دي ؟؟

عارف الزي ثنائي النغم ديل في اي مكان في الدنيا بيعمولو ليهم صالات اوبرا بتحمل اساميهم .. ده لو ما عملو ليهم اوركسترا سمفونية زي حقت السلطان قابوس ..
وعندنا في تلفزيون السودان .. يعملو فيهم كده ده ..
طيب احسن ما كان يجيبوهم ياخ بالمره ..
كان عشه الفلاتية حيه كان عملو فيها كده برضو .. زي ما الاستاذ ابراهيم حسين عاجز عن حتي يتحرك .. ولا في زول شغال بيهو ..
ملاحظ معاي يادكتور انو الناس دي كلها من العباسية؟؟
عباسية زيدان .. وعشة الفلاتية .. وصلاح احمد ابراهيم .. وشارع فيل ..عوض احمد خليفه

اول امس .. جابو زول بيغني لي الكاشف في السهرة .. ياربي تكون حضرتو ؟؟ هو في وادي .. والكاشف في وادي والمزيكا في وادي .. ولمتين الكلام الفارغ البيعملو فيهو ناس التلفزيون ده ما معروف ..

ارحمو عظماء الفن ياناس التلفزيون .. ارحموهم احياء .. يرحمكم الله.

Post: #12
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 07:10 PM
Parent: #4

تمبيس
Quote: ارحمو عظماء الفن ياناس التلفزيون .. ارحموهم احياء .. يرحمكم الله

الغريبة يقولو ليهم ربنا يطول عمركم ونستضيفكم تاني......ونبشتنكم

Post: #9
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 04:03 PM
Parent: #3

نزار حسين
Quote: ملابس واكسسوارات

غايتو زينب دي البارح يكونو لبسوها الاكسسوارات ونسو الملابس....لاني شايفا لابس لها عقش في اديها

Post: #5
Title: Re: البشــتنـة... لزوما شنو؟ يا عوض ابراهيم عوض
Author: ali othman
Date: 04-29-2004, 12:08 PM
Parent: #1

والحكاية الماغصاني وفاقعة مرارتي ضحكتو البدون سبب دي
اول مرة لما سمعتها وما كنت شايفو افتكرتو هالة سرحان ياالله منو فيهم مدرسة التاني

Post: #13
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 07:43 PM
Parent: #5

علي عثمان
Quote: اول مرة لما سمعتها وما كنت شايفو افتكرتو هالة سرحان ياالله منو فيهم مدرسة التاني

يا اخي حرام عليك.... ضحكة هالة قاعدة تجرها طويله......لكن دا قاعد يعمل ليها فول ستوب...فجعه كدي

Post: #6
Title: Re: البشــتنـة... لزوما شنو؟ يا عوض ابراهيم عوض
Author: Ahlalawad
Date: 04-29-2004, 12:19 PM
Parent: #1

والله يا سجيمان .. شعرت بهذا الشعور وأنا أشاهد حلقة حسين خوجلي اللي كان ضيفها الفنان الذي مات بعد ذلك بشوية .. عبد المنعم حسيب الذي كان في زمانو ولا عثمان الكابلي زاتو أو إبراهيم وردي .. كان باين عليه شظف العيش ووعثاء السفر وكآبة المنظر .. وطبعا حسين وضيوفو كلللهم يتلاصفو .. يخفوا النور والكهربة .. عيني باردة ..

ياخ ما تجي نشغلك مدير إنتاج برامج عوض إبراهيم وأنا أكوب بتاع الكميرا .. أو عامل توصيل طلبات الشغالين .

Post: #14
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 09:18 PM
Parent: #6

اهل العوض
Quote: وطبعا حسين وضيوفو كلللهم يتلاصفو

يا حاااااااسد.......قل هو الله احد...... يقوم حسي حسين خوجلي يلم فيهو سكري...... يخلي ليك لا عود لا سنون

Post: #7
Title: Re: البشــتنـة... لزوما شنو؟ يا عوض ابراهيم عوض
Author: حمزاوي
Date: 04-29-2004, 12:26 PM
Parent: #1

الله يجازيك بالخير
يا سيجمانا
نحن بينطبق علينا قولة على الحاج بيتيمم
والجماعة كريماتهم تقول يا ليل
محمد ود سليمان جراب الحاوي بيمطط في الكلام كدا ليه هو

Post: #10
Title: Re: البشــتنـة... لزوما شنو؟ يا عوض ابراهيم عوض
Author: الطيب بشير
Date: 04-29-2004, 04:05 PM
Parent: #7

الدكتور سي جي
و عموم المتداخلين
ببقايا إنتماء للتلفزيون أوضح أن مسألةالماكياج دي شخسية مية المية لأنو الإستديوهات -على أيامنا- ما كان فيها مراية تنظر فيها لربطة العنق بعد ربطها و كنا {نشحـت فقشة} المراية الشايلاها المذيعة في الشنطة!

*أما الترحيل فكان لا يذهب للجميع بالضرورة فمن لا يملك سيارة يحضر بالبص و يرجع مع الترحيل و قد فعلتها غير مرة فكيف لمتشعلق باللوري ديانا و تاميها كداري لأنو التلفزيون ما في خط البصات أن يكون ممكيجآ؟

*فقر التلفزيون هو -برأيي- فقر خيال و ترحال, فلمن جابو الطيب مصطفى مدير عام كان شغال في اللاسلكي و أبوهو كان بيضبح خروف للبشير كلما يجي زيارة حوش بانقا-سيرة ذاتية كااااملة- أها دة يدير تلفزيون كيييييف؟ الفكرة إنو دايرين ليهو لافتة مدير عام بأيو طريقة عشان يلقى المخسسات طيب ما يوديهو أرشيف صيانة التربة مثلآ.

*أما عن بشتنة عظمائنا بالتلفزيون فمن منكم يذكر لقاء الراحل المقيم خضر بشير و أن حيطة الغرفة اللي كان فيها توجد بها {طرقعة} يبدو وراءها الطين و بتاع الكاميرا و المخرج و المذيع و كل اللستة اللي أكيد طفحواعصير الضيافة لم ينتبهوا لتغيير الزاوية إن لم يغيروا الغرفة أو حتى شد ملاية للديكور أها دة ما إمكانات دي شفقة شغل ساي و إشكال خيال.

*ملهوزة أخيرة...خف على صاحبي د. عوض شوية ..النبي عليك

Post: #11
Title: Re: البشــتنـة... لزوما شنو؟ يا عوض ابراهيم عوض
Author: Ali Alhalawi
Date: 04-29-2004, 04:23 PM
Parent: #10

أصبر لى يا سجيمان .. خليها بشتنة عوض .. حا أفرد بوست خاص للبشتنة العملتها فوقى .. آل نسرين آل

Post: #20
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 11:39 PM
Parent: #11

الحلاوي
Quote: حا أفرد بوست خاص للبشتنة العملتها فوقى .. آل نسرين آل

نسرين مالا حسي؟....والله بس شيل حال

Post: #19
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 11:35 PM
Parent: #10

الطيب بشير

Quote: ببقايا إنتماء للتلفزيون أوضح أن مسألةالماكياج دي شخسية مية المية لأنو الإستديوهات -على أيامنا- ما كان فيها مراية تنظر فيها لربطة العنق بعد ربطها و كنا {نشحـت فقشة} المراية الشايلاها المذيعة في الشنطة

المكياج اصبح مهم ...... في عصر صراع الفضائيات... علي زمنكم كنا بنشوفكم نحن بس.....ومجبورة خادم الفكي علي الصلاة......انا حقيقة اقصد...انو زينب خليفة.... كان يبدو عليها البؤس والشقاء....حتى هدوما اللابساها...كعبات.... يعني علي الاقل كان يغيرو لها هدوما ديل ويدوهو واحدات شوية سميحات...وما اظن في مرا بترفض انها تكون سمحة ومقبولة..... اما صديقك د. عوض.... انا بلومو لانو راجل مشى درس اعلام وعمل فيهو دكتوراة على ما اظن..... يعني حاجات زي دي انا الما بعرف اعلام برى انها من اولويات الاعلام المظهر

Post: #15
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 09:28 PM
Parent: #7

حمزاوي
Quote: محمد ود سليمان جراب الحاوي بيمطط في الكلام كدا ليه هو

عشان لسانو طويل

Post: #16
Title: Re: البشــتنـة... لزوما شنو؟ يا عوض ابراهيم عوض
Author: أمير تاج السر
Date: 04-29-2004, 09:40 PM
Parent: #1

سجيمان أنا كاتب جاد لكن حقيقة تعجبني تلك المصايب التي تأتي بها .
ثنائي النغم كما تعرف دخلوا مرحلة ( الفلكرة ) .. يعني أصبحوا فلكور ويمكن هذا الظهور المبشتن للأخت خديجة جزء من تلك الفلكرة .
مرة استضافني تلفزيون السودان في برنامج اسمه مواقع النجوم ..وكانت غرفة الميكب فاضية إلا من كرفتة حمراء معلقة وعلبة نيفيا صغيرة كملها المذيع كلها وظهر لامعا بينما ظهرت أغبش .. ومن يومها لم اقترب من ذلك التلفزيون
أمير تاج السر

Post: #21
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 11:46 PM
Parent: #16

امير تاج السر
حبابك
Quote: مرة استضافني تلفزيون السودان في برنامج اسمه مواقع النجوم ..وكانت غرفة الميكب فاضية إلا من كرفتة حمراء معلقة وعلبة نيفيا صغيرة كملها المذيع كلها وظهر لامعا بينما ظهرت أغبش

انا غايتو لو استضافوني....ودا ما اظنو يحصل...... والله ان ما اتمسحت معاهم.... اتيمن ما اقعد في كرسي ولا اقابل كميرا.... ديل دايرين يقشرو علي حساب ضيوفهم المساكين........

Post: #27
Title: Re: البشــتنـة... لزوما شنو؟ يا عوض ابراهيم عوض
Author: أمير تاج السر
Date: 04-30-2004, 08:18 AM
Parent: #21

سجيمان
يا خوي مافي فرصة تتمسح معاهم لأنك في الغالب لن تعرف مكان غرفة الميكب وسيسبقك المذيع ويستولى على النيفيا.
المرة الجاية سأحكي لك عن تجربتي عندما استضافني تلفزيون ( المنار ) التابع لحزب الله في بيروت .. ديك فيها رشاشات وكلاشينكوف وربنا ستر .

Post: #28
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-30-2004, 09:50 AM
Parent: #27

امير تاج السر
Quote: استضافني تلفزيون ( المنار ) التابع لحزب الله في بيروت

ودا لقيت فرصة كيفن فيهو مع حسن نصر الله

Post: #36
Title: Re: البشــتنـة... لزوما شنو؟ يا عوض ابراهيم عوض
Author: أمير تاج السر
Date: 04-30-2004, 04:31 PM
Parent: #28

ماتستعجل حا أحكي ليك القصة كلها قريبا .

Post: #17
Title: Re: البشــتنـة... لزوما شنو؟ يا عوض ابراهيم عوض
Author: 3mk-Tango
Date: 04-29-2004, 10:19 PM
Parent: #1

سجيمان وتمبس ... غلطانين غلطانين .. الغلط من ساسكم لي راسكم
انتو البوديكم تفتحو تلفزيون السودان شنو ؟؟؟؟؟؟؟؟؟؟؟؟
خلاااااااااااااس يعني حبكت ؟؟
ولا عاوزين تخلصو حق رسوم الفضائية البتدفعوها في السفارة ؟؟
ياخي خلونا ندفع ساي انشاء الله ما ينفعهم لكن ما بنشوفها ليهم كلو كلو ... قال تلفزيون السودان قال ... سمح الدش كعب الغش

تنقو

Post: #22
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 11:51 PM
Parent: #17

عمي تنقو
Quote: ياخي خلونا ندفع ساي انشاء الله ما ينفعهم لكن ما بنشوفها ليهم كلو

لا والله حقنا ما بنخليهو...... التلفزيون نشوفو...ونشيل حال ناسو...وما بنسكت تب...... علا يا اخوي ترعة الرهد دي نسوي عليها كيفن؟.....ندفع في حق حفرها لينا عشرة سنوات

Post: #18
Title: Re: البشــتنـة... لزوما شنو؟ يا عوض ابراهيم عوض
Author: jini
Date: 04-29-2004, 10:29 PM
Parent: #1

سجيمان

دبك تور عوى ابراهيم

خليهو في حالو هسة يديك بونية يوصلك ماليزيا
جني

Post: #23
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-29-2004, 11:56 PM
Parent: #18

جني

Quote: خليهو في حالو هسة يديك بونية يوصلك ماليزيا

يا اخوي شايفو شوية ربنا خت الرحمن في قلبو وخلى النضم فوق ماليزيا....الله يهدي سرو

Post: #24
Title: Re: البشــتنـة... لزوما شنو؟ يا عوض ابراهيم عوض
Author: نصار
Date: 04-30-2004, 00:53 AM
Parent: #1

يديك العاقية يا دكتور

و الله ما قصرت انا كمان شفت الحلقة
و شفت البهدلة دى كلها,
حقيقى نتمنى من عوض ابراهيم عوض ان
يعكس علمة عمليا و نرى فى برنامجه
ما يشبه دكتور متخصص فى الاعلام و راى
تجارب شعوب اخرى
البرنامج كل فطير و تقديمه عباره عن
هرجله و تخفيف دم فى مكانه و فى غير مكانه
و فى النهاية البرنامج ما عنده اى خط محدد
و عمليه اختزال البرنامج فى شخصه المتدخم
بالحديث عن علاقاته مع رموز السياسة و الفن
و السياسة منذ طفولة العبقرية
عوض ليهو حلقتين بتكلم عن اتصالات من الموصلى
و اخرين من امريكا و يشكرهم على المدح
ان شاء الله يقرى كلام سجيمان دا و حتى لو ما ذكره
يعمل بيهو

Post: #25
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 04-30-2004, 02:24 AM
Parent: #24

Quote: وكانت غرفة الميكب فاضية إلا من كرفتة حمراء معلقة وعلبة نيفيا صغيرة كملها المذيع كلها وظهر لامعا ..

بالله ؟..نيفيا؟..أتاريهم.. يتلامعوا بالليل و بالنهار ..يعني ديكور البختوها قبل اخراج بشويتين دي ممكن ندرج النيفيا ضمن توابعها؟..لأنو الكلام بتاع الميك أب دة ممنوع ..أقترح عليهم يقعوا الكركار ..تخفيفا لاعباء الخزينة العامة..و تصديقا لمقولة مما نصنع..بالذات الصارين وشوشهم في ساحات الفداء..

Post: #30
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-30-2004, 10:10 AM
Parent: #25

sign

Quote: ..لأنو الكلام بتاع الميك أب دة ممنوع

ممنوع ليه؟....حرام برضو؟

Post: #29
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-30-2004, 10:01 AM
Parent: #24

نصار
Quote: عوض ليهو حلقتين بتكلم عن اتصالات من الموصلى

بالله؟ يعني الموصلي صاحبو...... طيب عليك الله كلم الموصلي يرسل لو جلابية لي زينب خليفة دي ..ويعيدو الحلقة وزينب قاشرة بي جلابية الموصلي ولو رسل مع الجلابية كبك يكون ما قصر... لكن كمان عوض ما يقوم يشيل حالا ويقول الجلابية جاية من امريكا..... لكن جلاليب ماليزيا اقشر...والله اقول لك يرسل لها ردا وقميص....وتلبسن لينا في التفلزيون....عشان نطمن بس

Post: #26
Title: البشتنة
Author: mohmmed said ahmed
Date: 04-30-2004, 07:07 AM
Parent: #1

يا سجيمان البشتنة خليها يا ها حالون
لكن عوض دا من جهات السودان الاربعة ما بيعرف الا الغرب بس وفى الغرب كمان كردفان بس يعنى دارفور ما معانا
الضيوف من كردفان الفنانين من كردفان
حلقة امس قال نرحب بالضيوف من ود الفادنى لكن الكسرة كلها غرب محمد سليمان وثنائى النغم لكن اول ما قعد يقول لخديجة كردفان والابيض والرشاش قالت ليهو انا من دارفور فبهت

Post: #31
Title: Re: البشتنة
Author: سجيمان
Date: 04-30-2004, 10:17 AM
Parent: #26

محمد سيد احمد
Quote: لكن اول ما قعد يقول لخديجة كردفان والابيض والرشاش قالت ليهو انا من دارفور فبهت

بهت؟..... خجيجة جنجويد

Post: #32
Title: Re: البشــتنـة... لزوما شنو؟ يا عوض ابراهيم عوض
Author: bushra suleiman
Date: 04-30-2004, 11:21 AM
Parent: #1

انت يا سى جى مالقيت غير السياسة تتكلم فيها؟هسى مالك على لبس زينب ومكياج خجيجه؟عوض ده زمان كان بيلبس القمصان مما عمل ليهو دال قدام اسمو طوالى بقى مخنق نفسو بالبدل..ماتخلينا نتكلم فى السياسة والخنق والتفطيس..كفاية الخنقه البتحصل لينا لمان نشوف تلفزيون السودان..واللا شنو يا شيرى؟

Post: #33
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-30-2004, 11:46 AM
Parent: #32

بشرى سليمان
Quote: واللا شنو يا شيرى؟

شيري برضو عندها بدلة وبتخنق رقبتا؟

Post: #34
Title: Re: البشــتنـة... لزوما شنو؟ يا عوض ابراهيم عوض
Author: المسافر
Date: 04-30-2004, 12:15 PM
Parent: #33

سجيم (مان)
ده كله كوم وقصة ثنائي الجزيرة كوم
سألهم دكتور عوض اللذيذ انتو روحتو وين ما ظاهرين
قالوا ليه نحنا جينا الخرتوم وأجرنا بالقروش واكلنا وشرابنا بالقروش والغنا ما جايب تعبه
ركبنا اللواري ورحنا
ما عارف جابهم بي شنو
يمكن فوق لوري قصب

Post: #35
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-30-2004, 12:23 PM
Parent: #34

المسافر
Quote: قالوا ليه نحنا جينا الخرتوم وأجرنا بالقروش واكلنا وشرابنا بالقروش والغنا ما جايب تعبه

بالله شفت حالتم كيف؟..... يحننو وحاااااااات الله

Post: #37
Title: Re: البشــتنـة... لزوما شنو؟ يا عوض ابراهيم عوض
Author: توما
Date: 04-30-2004, 06:52 PM
Parent: #1

شكيتم علي الله ناس القشريون كان بشتنو زينب يلقوهو في بدلهم الحاره دي
سجيمان ما قصرت مع زينب ما يقصرن ايامك
وعليك الله السودان ده كلو بشدو في الهدوم لامن غنو الجنز شده وانا بحب شباب ام بده واصبحت غنيه عبده المفضله.. التلفزيون ده بدل غرفه المكياج دي ما يعمل غرفه قدر ظروفك..بالجد ببالغو شوف عيني دي اليوم داك المسمار مارق من الخشبه والخشبه مقرومه ديكور شنو في الجوع ده

Post: #38
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 04-30-2004, 07:26 PM
Parent: #37

Quote: شكيتم علي الله ناس القشريون كان بشتنو زينب يلقوهو في بدلهم الحاره دي ..
دوما..بدلهم دي كلها مضروبة..سكند هاند..كلو هين..ما يكونوا فتحوا ليهم (قودويل) هناك..
سجيمان..سامع ياخوي بال(قودويل)؟؟

Post: #40
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-30-2004, 10:13 PM
Parent: #38

sign
Quote: سجيمان..سامع ياخوي بال(قودويل)؟؟

يبقى لي الطرش...... علا نضمك دا

Post: #41
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 04-30-2004, 11:17 PM
Parent: #40

Quote: يبقى لي الطرش...... علا نضمك دا ..

أها يا سجيمان..بعد دة الا لغة الخواجات البتجيب الكلام الشين..
Goodwill
دا محل مشهور في أميركا..في السودان اسمه ( المرحوم كان قدرك)..عندي زولا بحلف ستين يمين..غير خمسة و عشرين دولار ما بدفع ..ولا سنت زيادة..يشيل بدلتو حامد شاكر..و هاك يا قدلة..لزوم البدلة..

Post: #42
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-01-2004, 01:15 PM
Parent: #41

sign

Quote: المرحوم كان قدرك

اهااااااااااتك....دابو وقع لي

Post: #39
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 04-30-2004, 07:31 PM
Parent: #37

توما
Quote: سجيمان ما قصرت مع زينب ما يقصرن ايامك

شكرتيني؟....اها... تاني امانة ما ورطو ناس.... كدي النشوف لي زول ساكت حايم بهناك....ومبشتن

Post: #43
Title: Re: البشــتنـة... لزوما شنو؟ يا عوض ابراهيم عوض
Author: صديق الموج
Date: 05-01-2004, 01:54 PM
Parent: #39

سجيمان.......ازيك
والله يا سى بشتنة زينب وخجيجة تقطع القلب يا اخى فى محطات التلفزيون الراقية فى حاجه اسمها
غرفة ما قبل الاستوديو ودى بعد غرفة الميك اب بجى مساعد المخرج ويديك شوية نصائح وكان ما عجبوا الميك اب العملوه ليك بساعدك عشان تظهر بى مظهر كويس ويحدد ليك زاوية القعده الممكن تخفى
العيوب وكده...تقول لى ناس خجيجة يقدد نظرى كانت بتعوس ولفحت توباوجات عشان شفت لى عجين فى ايدها الشمال.مسكينة ما عندها ذنب ابدا...الذنب ذنب بتاع ماليزيا ده وصحى القلم مابزيل قمل.
يا اخى تلفزيون ناس الجبهة فى فتوى بتقول مشاهدته حرام وفى رواية اخرى يشاهد مع الكراهة..تانى عندهم ضبانة كده اسمها ضبانة الربط وبتريد ترك فى العمم عليك الله يا سجيمان كان ما افردت ليها بوست براها يا اخى ده استديو والا طربيزة جزار عيب يا عوض ويا دنيا دبنقة ويا حكومة ويا تلفزيزن ويا وزير ويا بشير..وكمان بزيدو فى رقعة بهدلتنا كل يوم ..قال الاولاد فرحانين عشان البث وصل امريكا واوربا...يا جماعة خلونانحن مجبورين عليكم لكن تلفزيونكم دا ما ينافس فى تشاد...والقروش البتدفعوا فيهاعشان تزيدو رقعة البشتنه اولى بيها ناس خجيجة ديل يعدلن بيها حالن لانهن قدمن للسودان الكتير..واخر دعوانا ربنا لاتؤاخذنا بما فعل السفهاء منا،،،،،

Post: #44
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-01-2004, 02:52 PM
Parent: #43

صديق
Quote: والله يا سى بشتنة زينب وخجيجة

شايفك زعلان وممغوس...... لكن والله حالة تزعل.... بدل ما يتوسعو في البث يحاولو يطورو التلفزيون وبعدين التوسع ملحوق

Post: #45
Title: Re: البشــتنـة... لزوما شنو؟ يا عوض ابراهيم عوض
Author: صديق الموج
Date: 05-01-2004, 03:22 PM
Parent: #44

يا سجيمان الما بمغسنى شنو..والله انا ممغوس من حلقة ثنائي الجزيره ومقطعوا فى حشاى ساكت..لكنك قد القيت حجرا فى تلك البركه الساكنة.....وبعدين انت قلت خجيجه لابسه هدم اخضر والله جاملتها ساكت بى ظرافتك دى. دى لابسه هدم كان عندو ماضى لون لكن لا اخدر ولا حاجتين ليس ذلك استخفافا بهولاء المبدعات والفقر ليس عيبا،لكن مغسه دخلوها فينا الجماعةالما بيحترمواالمبدعين ديل ويسعون سعياحثيثا ليكرهوا الناس فيهم ويمرمطوهم مثل ما فعلوا ويفعلون كل يوم ما تمرق اصلها.
اخيرا عايزين يتوسعوا ،الله يضيقها عليهم محل ما يقبلوا .

Post: #46
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-01-2004, 09:11 PM
Parent: #45

صديق
Quote: دى لابسه هدم كان عندو ماضى لون

ان شاء الله يقرو نضمنا دا.....وشوية يحترموهم

Post: #51
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 05-02-2004, 08:22 AM
Parent: #43

Quote: محطات التلفزيون الراقية فى حاجه اسمها
غرفة ما قبل الاستوديو ودى بعد غرفة الميك اب بجى مساعد المخرج ويديك شوية نصائح وكان ما عجبوا الميك اب العملوه ليك بساعدك

صديق أخوي..نضمك سمح بالحيل..لكن مساعد المخرج دة يساعدك بي شنو؟..كان المذيع وقع في علبة النيفيا جلبيط ما خلي فيها التكتح ..و قابل الناس بجضومه يتلامعن..

Post: #54
Title: Re: البشــتنـة... لزوما شنو؟ يا عوض ابراهيم عوض
Author: صديق الموج
Date: 05-02-2004, 09:05 AM
Parent: #51

Sign

والله فقعت مرارتى بالضحك الله يخليك... كان اصلوا المذيعين حقنهم بسوا كدى، معناها الزول كان

التلفزيون استضافوا يمسك جلابيته فى خشمه من ما يصل الدايات ويقوم يسابق المذيعين البختفو زى

غنم الطاحونه ديل كان يلحق ليه جلطة جلطتين فى وشو,الله الجلطه الدماغية،بعدين يا حبيب انا

مزعلنى حكاية توسيع رقعة البث ،هم اليخلوا البث يبقوا على اللبس .يا اخى شوف مثلا

الفنانة صباح دى تلد ام زينب وخجيجه مجتمعات لما يجيبوها ليك فى الال. بى. سى, لى هسع

تحلف تقول فرتقوها من قصدير قدام الاستوديو هسع دى.

Post: #55
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 05-02-2004, 10:39 AM

Quote: الزول كان

التلفزيون استضافوا يمسك جلابيته فى خشمه من ما يصل الدايات ويقوم يسابق المذيعين البختفو زى

غنم الطاحونه ديل كان يلحق ليه جلطة جلطتين

صديق أخوي..غنم الطاحونة ديل مبروك عليهم النيفيا..يتمسحوا و يتلامعوا و يصروا وشوشهم و يقابلونا ..رضينا بالهم..الشئ تفكهم من المايك دة كيف؟..و الله بقعوا في القندول دة مضغ..شراية ما تصلك..
Quote: ،بعدين يا حبيب انا

مزعلنى حكاية توسيع رقعة البث ،هم اليخلوا البث يبقوا على اللبس ..

لبسوا المضروب و اتمسحوا..شين غرضهم بالناس؟

Post: #47
Title: Re: البشــتنـة... لزوما شنو؟ يا عوض ابراهيم عوض
Author: Yasir Elsharif
Date: 05-02-2004, 00:34 AM
Parent: #1

بوست عظيم وفي الصميم يا دكتور.. مع أنه يبعث على الحزن والألم..

وشكرا لكل المتداخلين الذين خففوا من ألمه بالضحك كما فعل العزيز عادل.....

Post: #48
Title: Re: البشــتنـة... لزوما شنو؟ يا عوض ابراهيم عوض
Author: معتصم دفع الله
Date: 05-02-2004, 00:59 AM
Parent: #47

سجيمان أخوي الله يجازي محنك تعرف السهرة دي أنا حضرتها كلها وسجلت جزء كبير منها لكن نقول شنو في الفايروس اللعين خرب جهازي لمن عملت ليهو فورمات من جديد معليش حظك طلع كده كان نزلت ليك بعض الصور والأغاني من تلك السهرة وبمناسبة الفايروس دي ناس التليفزيون ديل فايروس عديل كده يصيبوك بالمرض وزيادة الدبرسة والزهج ، تعرف مره مزيع مشهور جاء يزيع النشرة صاحبنا التقول جابوا ليهو خبر بكاء عمته مبهدله وجلابيته زرايره مفتحة ونفسه قائم وفي النهاية إسمه مزيع ، الله يكون في عونا لا زلنا ندفع ضريبة القناة الفضائية .

Post: #53
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-02-2004, 08:53 AM
Parent: #48

معتصم دفع الله
Quote: يكون في عونا لا زلنا ندفع ضريبة القناة الفضائية .

شن فايدة الضريبة ان ما كستهم هدوم

Post: #52
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-02-2004, 08:38 AM
Parent: #47

دكتور ياسر
Quote: وشكرا لكل المتداخلين الذين خففوا من ألمه بالضحك كما فعل العزيز عادل

وشكر لي مساهمتك يا دكتور

Post: #49
Title: Re: البشــتنـة... لزوما شنو؟ يا عوض ابراهيم عوض
Author: coolcom
Date: 05-02-2004, 01:06 AM
Parent: #1

لووول يا سجيمان
تعرف ياريت كمان تدي ناس عمر الجزلي زيارة فاقع مرراتي
ولا كمان حسين خوجلي ده بالذات الكريمات ما في الوش بس
وأظنو بيشتريها بالبرميل ليهم الله ناس قدر ظروفك.

Post: #50
Title: Re: البشــتنـة... لزوما شنو؟ يا عوض ابراهيم عوض
Author: maryoud ali
Date: 05-02-2004, 04:27 AM
Parent: #49

سجيمان الحبيب

متابع مستديم لنقدك اللذيذ وهادف بطريقتك الساخرة وبليغة تصل لنهايات ما بيستطيع يصلها الكتيرين، حقيقة انت مدرسة خاصة قادرة تعكس اشياء وتنبه لامور محزنة ومبكية،
وفعلا ده بوست مميز صوّر الانانية وحب الذات، وتجاهل المبدعين،وحقيقة عوض مشغول بالبرامج
يلهث باي طريقة عشان يثرثر في كل المواضيع، بدل وقشرات في الفارغة، كل ما اشوفه زمان طبعا، اتاكد من انو عايز يدخل في الكميرا كانه غمران لا يحس بالحواليه بعدين انبهك انو ما اتخيل عندو دكتوراة في الاعلام؟؟ هو خلص ماجستير في تعليم العربية من معهد الخرطوم الدولي(ما علاقة هذا بالاعلام؟؟) وبعدها الى ماليزيا؟؟و ما اظن الدكتوراه هناك كانت ليها علاقة بالاعلام؟؟ ولست متاكدا تماما؟؟
حاولت مرة واحدة ان اتابع اذاعة امدرمان عبر الانترنت كانت مليانة بثرثرة عوض من الصباح الى المساء، بعدها لغيتها تماما من الوجود،
المهم يا سيدي لغتك لغة حكيمة واسلوبك اسلوب ما هين،لدرجة ان الصورة الرسمتها لضيوف الحلقة الفقيرات المعذبات وصلت،وكشفت التناقض المرير،

Post: #57
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-02-2004, 11:56 AM
Parent: #50

مريود علي..... تشكر يا سيدي
Quote: عندو دكتوراة في الاعلام؟؟ هو خلص ماجستير في تعليم العربية من معهد الخرطوم الدولي(ما علاقة هذا بالاعلام؟؟) وبعدها الى ماليزيا؟؟و ما اظن الدكتوراه هناك كانت ليها علاقة بالاعلام؟؟

اسمع....ممكن اي زول يكون مذيع؟.....ولا في مواصفات معينة؟...لو الحكاية روكة.....غايتو انا ماشي اقدم وابقى مذيع.....

Post: #60
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 05-02-2004, 08:21 PM
Parent: #57

Quote: اسمع....ممكن اي زول يكون مذيع؟.....ولا في مواصفات معينة؟..

سجيمان..الشغلانة بسيطة جدا..انفض ليك بدلة.. و أمسح جضومك (بعد تملاهن..انشاءالله بي سفة)..و صر وشك ..و يا قشريون جاك بلا..

Post: #61
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-02-2004, 11:05 PM
Parent: #60

sign
Quote: سجيمان..الشغلانة بسيطة جدا..انفض ليك بدلة.. و أمسح جضومك (بعد تملاهن..انشاءالله بي سفة)..و صر وشك ..و يا قشريون جاك بلا..

انا ما عندي جضوم......عندي حنكات...

Post: #62
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 05-03-2004, 07:22 PM
Parent: #61

Quote: انا ما عندي جضوم.عندي حنكات

سجيمان ياخوي ..دي حلوها زمان..بقعدوا بالجنبة..الواحد يعاين ليك بي قعر عينو زي البشاغل فيك..

Post: #64
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-03-2004, 07:50 PM
Parent: #62

sign
Quote:

سجيمان ياخوي ..دي حلوها زمان..بقعدوا بالجنبة..الواحد يعاين ليك بي قعر عينو زي البشاغل فيك..

وانا اقول هنااااااي البيقرا النشرة دااااك بي يشاغل في منو؟..... ان بعض الظن اثم....دايرين نبهت بنات الناس ساكت

Post: #56
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-02-2004, 11:24 AM
Parent: #49

coolcom
Quote: ولا كمان حسين خوجلي ده بالذات الكريمات ما في الوش بس
وأظنو بيشتريها بالبرميل ليهم الله ناس قدر ظروفك.

يا قول المقالة

مسح وشيك قدر جضومك

Post: #58
Title: Re: البشــتنـة... لزوما شنو؟ يا عوض ابراهيم عوض
Author: Ahmed Osman
Date: 05-02-2004, 11:57 AM
Parent: #1

العزيز سجيمان الماسجيمان

امكن لابسالة فقوق رأى

Post: #59
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-02-2004, 01:22 PM
Parent: #58

احمد عثمان
Quote: امكن لابسالة فقوق رأى

فوق رأي؟؟؟؟........جاية تشحد يعني

Post: #63
Title: Re: البشــتنـة... لزوما شنو؟ يا عوض ابراهيم عوض
Author: صديق الموج
Date: 05-03-2004, 07:45 PM
Parent: #59

حسين خوجلى ده معروف زى ما قالوا من (اصلب) العناصر

وانا مبسوط منو جدا تلقى دائما يجيب ليك الترامس ماتشنق مع العبايه

والوش يلمع والجضوم ناقعة والله ده المذيع والا بلاش..مش زى الفاتح الصباغ

اغبش زى الضب الراميه الجمكسين..مسكين ما ظنيتم بدوه بدل نيفيا

وبعدين حسين زى العذبة الكايسه العرس جنها تعرض عدتها على الناس

هسع حسين كل حلقة بى طقم شاى شكل جديد وزينة وعاجبنا كمذيع لكن

فى حاجات كده ماقاعد تعجبنا فوقو بنقوله ليه كان الله اراد لينا مقابلة

معاه فى الدنيا،،،،،،،،،،

Post: #65
Title: Re: البشــتنـة... لزوما شنو؟ يا عوض ابراهيم عوض
Author: zola123
Date: 05-04-2004, 03:51 PM
Parent: #1

سجيمان تحيات ونقل غير عادي
بس نسيت كيف تعلق على الجمهور
في نقلة نوعية في الوجوه المختارة لحضور الحلقات كجمهور
يا ربي بيرسلوا مندوب ينقي البنات السمحات في الكلية المختارة ولا جات معاهم بالصدفة
اخر كم حلقة بقوا على الفرازة

وبمناسبة البدل
ابدااااااا ما قيافة
لاكن برضو مشكور على التجديد دوما

تحياتي
زولة123

Post: #66
Title: Re: البشــتنـة... لزوما شنو؟ يا عوض ابراهيم عوض
Author: سجيمان
Date: 05-04-2004, 04:24 PM
Parent: #65

زولا 123
Quote: بس نسيت كيف تعلق على الجمهور

انا الحالة الاكانت علي زينب خليفة خلتني اعاين لي شي.....بقيت اعاين لها... وعيوني يرقرقن.....حننتني يعلم الله

Post: #67
Title: Re: البشــتنـة... لزوما شنو؟ يا عوض ابراهيم عوض
Author: sign
Date: 05-05-2004, 01:03 AM
Parent: #66

فوق يا سجيمان..اوع الموقع الجديد يخطفك مننا..بالمناسبة..أبي يفتح معاي..انت يا زول مكجن ناس البلد دي ؟؟...

Post: #68
Title: Re: البشــتنـة... لزوما شنو؟ يا عوض ابراهيم عوض
Author: serenader
Date: 05-05-2004, 04:26 AM
Parent: #1

العم سجيمان لا فض فوك.. باقي أنا الغبينة كاتلاني من زماااااااااااااااان على قشرون السجم والرماد، وما لا قي لي طريقة أفرج بيها غمي، لامن جيت إنت- تتبارك يا يابا- ونقحتم نقحة معتبرة..
تعرف، من شدة غبينتي على القشرون، محاربو لي كم سنة، ومما الله فتحها علي واتخلّجت (من الاغتراب خليجياً) وسويت لي دش فيه طشرمية قناة، حذفتو ليك من القائمة الرئيسية.. وكل ما الشباب يجوني ويهبشو في الريموت، سلقط ملقط، ما يلقوهو..ويقنبو يسألو:
- يا الأخو، دحين القناة السودانية وين؟
- ....... (عامل أطرش)
- ما لاقيها..
- هي شنو؟
- تلفزيون السودان
- ما عندي هنا..
وبعد لحلة وزحزحة، باعترف ليهم بالحقيقة:
- والله حذفتها
الجميع بصوت واحد: ليييييييييييييييييييييه!
- والله يا شباب، بما إنو شخصي الضعيف ما زال دون الخمسين، فما عندي اي استعداد يجيني ضغط وسكري وزلالي، علاوة على أمراض الشيخوخة الستة، ناهيك عن ذبحة مضمونة (حمانا الله وإياكم منهن أجمعين، آمين).. وديل كلهن بجوك في حزمة واحدة أول ما تفتح قشرون السودان، وتقابلك فلانة بخشمها الزي كفة البنطلون الإنجليزية، وشلاليفها الزي البلكونة - لامن عندهن ضل- وتخم نفسك بالفلقصة...
.... هذا باختصار- يا عمو سجيمان- سبب الأذى
متشكرين...