Post: #2
Title: Re: وظـــائف شــاغــرة
Author: سجيمان
Date: 05-06-2004, 08:54 AM
Parent: #1
الناس البي تظهر معاهم اللغة الرباطابية وربنا ما قسم لهم يتعلموها....وعاوزين اللغة العربية... يسو كدي:-
في اعلى المتصفح تلاقي عرض افتحها
وبعدين تلاقي ترميز افتحها
وبعدين اعمل كليك علي العربية ويندوز.....
|
Post: #4
Title: Re: وظـــائف شــاغــرة
Author: سجيمان
Date: 05-06-2004, 09:30 AM
Parent: #2
يوجد ملحق للوظائف نرجو الاطلاع
|
Post: #3
Title: Re: وظـــائف شــاغــرة
Author: مريم الطيب
Date: 05-06-2004, 08:57 AM
Parent: #1
Quote:
عدد 20 شكارتا دلاكتا.... يقعدو يشكرو في سيد الموقع وابداعو...وكيف انو هو ملك البوردات...وبعدين مرة مرة يشكرو المهندس انور كينق..عشان ما يزعل ويحرد...ويورطنا
|
كنت قايلة شكارتا دلاكتا دي كلمة هندية في الاول,,,,
المهم ياسجيمان..بوردك شكلو حيكون خطيييييييير...
ماداير رئيسة مجلس ادارة..ولا سفيرة في سودانيزاون لاين..
|
Post: #9
Title: Re: وظـــائف شــاغــرة
Author: سجيمان
Date: 05-06-2004, 01:12 PM
Parent: #3
مريم الطيب
| Quote: ماداير رئيسة مجلس ادارة..ولا سفيرة في سودانيزاون لاين.. |
مفكرين نعمل جهاز كادر سري...حنعينك رئيسة ليهو....بس ينقصك شوية كورس في الغتاتة .. والكوروب
|
Post: #13
Title: Re: وظـــائف شــاغــرة
Author: Rawia
Date: 05-06-2004, 06:25 PM
Parent: #9
انا غايتو خبره
اصلى شغاله كادر سرى عند بكرى
وكمان شغاله شله سعيده
وبكتب بىاسمين
وحيطه قصيره لى خايببن الرجا
ومشتمه لاشباه النساء
ومعتادى الاجرام واصحاب السوابق criminal history
فىالقضاء الامريكى
وبما انه تخصصي فريد فسوف اقبل ان اصبح مستشاره معاره من بيت الخبره (العباسى ملطشه اخوان)
|
Post: #17
Title: Re: وظـــائف شــاغــرة
Author: سجيمان
Date: 05-06-2004, 09:00 PM
Parent: #13
راوية
| Quote: ومشتمه لاشباه النساء |
تبري انتي من الشتيمة... يا ست الناس
|
Post: #5
Title: Re: وظـــائف شــاغــرة
Author: حمزاوي
Date: 05-06-2004, 12:06 PM
Parent: #1
سجيمان أخوي
أوع يكون فيها وظيفة طبيب في مستشفي ذوي الاحتباجات الخاصة
في فلاديفيا
كلما أشوف مجنون اعضي العراقي حقي في خشمي واقوم صوف
|
Post: #6
Title: Re: وظـــائف شــاغــرة
Author: نوسة
Date: 05-06-2004, 12:25 PM
Parent: #5
سلامات
و الله يا مريم الطيب انا زاتى لمن قريت ( شكارتا دلاكتا) قريتا بى طريقة مضحكة جدا و قلت الرباطابى دة قلب و لا شنو   و كان ما انتى علقتى كنت ح اكون مستغربة لى بكرة
ههاهاهاهاهاهااهاههههاهاهاااااا هههههههههههههه
و الله قعدت اضحك براى زى المجنونة و كان راجلى ما كان نايم فى اوضة تانية بعيدة كان اتخلع و جا ناطى و قال مرتى جنت
الله يجازى محن الرباطاب
|
Post: #12
Title: Re: وظـــائف شــاغــرة
Author: سجيمان
Date: 05-06-2004, 03:03 PM
Parent: #6
نوسة
| Quote: كان ما انتى علقتى كنت ح اكون مستغربة لى بكرة |
نحن عشان اللخبطة دي.... عملنا اللغة الاساسية للبورد اللغة الرباطابية....وروحي شوفي
|
Post: #7
Title: Re: وظـــائف شــاغــرة
Author: haneena
Date: 05-06-2004, 12:29 PM
Parent: #5
Quote: عدد...... 50 قوال وقوالة......يشيلو القوالة من البورد دا ....ويوزعوها على باقي البوردات..كنوع من الدعاية للبورد....
|
سجيمان
لو قمت ليك بشغل ال50 ديل براي..بتديني مواهيهم كلها؟؟؟
اصلي دايرة اسد نص ديني برضو
Quote: عدد نص مفتي..... يفتي في المواضيع الدينية...وما يفتي الا بعد الرجوع لسيد البورد....ويكون حافظ سورة الفلق.....وحديث الرفق بالحيوان.....
|
فهمنا سورة الفلق..شان الحسادة والعين الحارة
حديث الرفق بالحيوان دة لي شنو؟؟؟؟
كلام اخير...الموقع سمح بالحيل
اها دي بتديني فيها كم؟؟ 
|
Post: #8
Title: Re: وظـــائف شــاغــرة
Author: صديق الموج
Date: 05-06-2004, 12:45 PM
Parent: #7
سجيمان خلى الكضب. جدجد والله لا لقيت عرض ولا طول ولا ترميز ولاكبكبى
يا اخوى كان عندك لينا طريقة دخول تانى ورينا ليها كان ما عندك
كمان ما تجهجهنا وخلينا نشوف لينا طريقة للهيروغلوفى حقك ده وكان
وظائفك كملن ما تخجل المثل قال مد بوستيك على قدر وظائفك..بصراحة
ما قدرت ادخل على قشرك ده...سلمت،،،،
|
Post: #16
Title: Re: وظـــائف شــاغــرة
Author: سجيمان
Date: 05-06-2004, 08:24 PM
Parent: #8
صديق الموج
| Quote: ما قدرت ادخل على قشرك ده.. |
قشري قاعدين نصاور ونعدل فيهو.....واسرع سجل يا زول
تابا القشر مقشر...وبعدين تاكلو بي قشرو
|
Post: #14
Title: Re: وظـــائف شــاغــرة
Author: سجيمان
Date: 05-06-2004, 06:56 PM
Parent: #7
حنينة
Quote: كلام اخير...الموقع سمح بالحيل
اها دي بتديني فيها كم؟؟ |
دي تختاري اي وظيفة ونعينك فيها....وبدون مؤهلات كمان.... اها قصرت
وكلامك دا لو كنت ختمتيهو بي زغريتة كان اتنازلت ليكي من الموقع
|
Post: #10
Title: Re: وظـــائف شــاغــرة
Author: سجيمان
Date: 05-06-2004, 01:28 PM
Parent: #5
حمزاوي
| Quote: مجنون اعضي العراقي حقي في خشمي واقوم صوف |
انت البي تقوم صوف دا؟.....ما بتنفع
|
Post: #11
Title: Re: وظـــائف شــاغــرة
Author: mohammed alfadla
Date: 05-06-2004, 02:26 PM
Parent: #1
أنا داير أشتغل جكاس
يعني البنوت البخشن البورتي أجكسن جت عليهن
علا ما شايف لي وظيفة شاغرة
ان بقيت أحتجتو لي واحد ...
جاهزيييييين
|
Post: #15
Title: Re: وظـــائف شــاغــرة
Author: ABUHUSSEIN
Date: 05-06-2004, 08:16 PM
Parent: #11
الأخ سـجـيـمـان
ألــــف مــبــــروك و المـوقــع إتـربـى في عــزكــم و ربنا أحـفـظـوا لـيـك من
الهـكـر و إعـموا عـنـوا الحاسدين و الماكرين
و إبعـد منـوا أصـحــــاب البـطـولات الوهـمـيـة و المنظرين
|
Post: #18
Title: Re: وظـــائف شــاغــرة
Author: Elkalakla_sanga3at
Date: 05-06-2004, 10:14 PM
Parent: #15
سسسسلام اخويا سيجمان في وظيفة انا ما شايفة المدعين لحقوق الانسان خاصة من الجنس اللطيف. اها لقيت ليك زول بحرق بخور وبدق الطبول بنفع في الفتن والانشقاقات مع خبرة تشجيعا لك يا سجمان نعطي ليك هدية اها دحين ما قدلنا معك
|
Post: #24
Title: Re: وظـــائف شــاغــرة
Author: سجيمان
Date: 05-07-2004, 01:16 PM
Parent: #18
الكلاكلة تغيانة
| Quote: تشجيعا لك يا سجمان نعطي ليك هدية اها دحين ما قدلنا معك |
دي خدمة ما ح انساها ليك... ما دمت حيا.....وبالله لقط..لو لقيت زي دا كتر منهم
|
Post: #23
Title: Re: وظـــائف شــاغــرة
Author: سجيمان
Date: 05-07-2004, 12:50 PM
Parent: #15
ابو حسين
Quote:
ألــــف مــبــــروك و المـوقــع إتـربـى في عــزكــم |
الله يبارك فيك يا ابو حسين.....والولد ولدكم.. ليكم اللحم ولينا العضم
|
Post: #19
Title: Re: وظـــائف شــاغــرة
Author: سجيمان
Date: 05-06-2004, 10:49 PM
Parent: #11
mohammed alfadla
| Quote: يعني البنوت البخشن البورتي أجكسن جت |
تجكسن جت؟؟؟؟؟....هيــــع..ابووووووووووب يا الكلس
|
Post: #20
Title: Re: وظـــائف شــاغــرة
Author: الجندرية
Date: 05-06-2004, 10:50 PM
Parent: #1
سجيمان
الموقع مبروك يا خوي
اها نرفق السيرةالذاتية ولا ماضروري
غايتو انا عندي خبرة كافية وكان قلتوا لي ارفقيها
ياهو باندوثكم اللحق امات طه لانه حانقل ليكم نص ارشيف المنبر الحر دا بهناك
|
Post: #21
Title: Re: وظـــائف شــاغــرة
Author: سجيمان
Date: 05-06-2004, 10:55 PM
Parent: #20
الجندرية
حمد الله على السلامة
| Quote: ياهو باندوثكم اللحق امات طه |
امات طه؟..... ااااه..... امات طه دوت كم.... اتذكرتو الموقع دا..... اتلحس
|
Post: #22
Title: Re: وظـــائف شــاغــرة
Author: dreams
Date: 05-06-2004, 11:04 PM
Parent: #21
بالله ما تنسونا لى قدام
مادام الوظائف المطلوبة حاليا مافيها بتاعين سما وقمر
|
Post: #25
Title: Re: وظـــائف شــاغــرة
Author: nadus2000
Date: 05-07-2004, 01:42 PM
Parent: #22
يا ٍسجيمان يا أخوي
مشينا بي هناك وقلنا نبارك ليك إلى للحين بابكم دا ما إنفتح،
وأقول البيت سمح بالحيل،
وبعدين حكاية
Quote: ملحق الوظائف الشاغرة:-
عدد تلاتة عجلاتية........بي شرط ان يجيبو عجلاتهم معاهم.... ما عندنا عجلات والله
عدد اتنين طيانة... برضو الطين منهم |
وظائف الطيانة ديل بعد البيت إكتمل لي شنو
والعجلاتية بضو لي شنو إنت ما عندك عجلات ولا طين
يا أخوي دا بورد ولا دار الجماعة ديك
|
Post: #27
Title: Re: وظـــائف شــاغــرة
Author: سجيمان
Date: 05-07-2004, 02:08 PM
Parent: #25
nadus2000
| Quote: مشينا بي هناك وقلنا نبارك ليك إلى للحين بابكم دا ما إنفتح، |
زارتنا البركة....كلها سويعات....وان شاء الله كل شي يبقى تمام..والباب ينفتح
|
Post: #26
Title: Re: وظـــائف شــاغــرة
Author: سجيمان
Date: 05-07-2004, 01:55 PM
Parent: #22
| Quote: بالله ما تنسونا لى قدام |
قلنا لك...خلاص حنفكر في وضع الهيكل الوظيفي للوظائف المساعدة
|
Post: #28
Title: Re: وظـــائف شــاغــرة
Author: Raja
Date: 05-07-2004, 03:45 PM
Parent: #1
|
Post: #29
Title: Re: وظـــائف شــاغــرة
Author: سجيمان
Date: 05-07-2004, 06:32 PM
رجاء
| Quote: عدد 14 مترجم من كلام الغمز واللمز الى الكلام الذي يمكن ان يفهم لدى بعض حسني النية |
والله فكرة.....نقسم البورد الي اقسام...اهم قسم نسميهو الهواء همزني... دا للهمز واللمز..
|
Post: #30
Title: Re: وظـــائف شــاغــرة
Author: shawgi badri
Date: 05-08-2004, 12:54 PM
Parent: #29
ود اختي سجيمان
كيف تقول مافي ترجمه من الرباطابي للسوداني ، الشغلانه دي اشتغلا جدنا الكبير محمد ود بدري ابو بابكر . القصه يا ود اختي اتنين من نسوان الشكريه بنات العوائل اتشاكلو و اتماعطو . كان في شاهده واحده حبوبه ليك رباطابيه جايه لنج يكون ود بدري عمل ليها تاشيره و اقامه في رفاعه . في المحكمه قالت لمن سالوها حصل شنو:
الانتايه دي لزمت خيتا من زنيدا و جرتا عا السام و دخلتا الخس و قشرت عليا القشري و وقعت فيا سمكي .
ود اب سن قال ( الرباطابيه رطنت نادوا ود بدري ) . و فسر جدك ود بدري المترجم الفوري الذي لم يحضر الامم المتحده و ضيع حقوق الطبع . المره دي مسكت المره التانيه من ايدها و دخلتها الحوش . و الخس هو القاطوع او الجزء الذي يقتطع من الغرفه كمخزن و القشري هو الطبال او القفل و السمكي هو الكفيت او الصفع .
و برضو تقول لي ما محتاج مترجم !!
شوقي
|
Post: #31
Title: Re: وظـــائف شــاغــرة
Author: سجيمان
Date: 05-08-2004, 01:08 PM
Parent: #30
خالي ود بدري
| Quote: القاطوع او الجزء الذي يقتطع من الغرفه كمخزن و القشري هو الطبال او القفل |
النضم دا خايفين يجي يوم ينتهي....ومافي زول ينضمو حتى في الرباطاب القاعدين هناك.... حسي الثقافة الجاية من برا خترة علينا.......قالو لك حتى الدش وصل وقاعدين يتفرجو فيهو... ويقلدو في المصرين في نضمم... دا حين يا خال ان لقيت طريقة توثق حاجات زي دي...تكون عملت كويس.....
|
Post: #32
Title: Re: وظـــائف شــاغــرة
Author: مراويد
Date: 05-08-2004, 01:09 PM
Parent: #1
سجيمان
ما داير ليك واحد معارضة فنادق وعميل للغرب والصهيونيه العالميه و كافر وملحد وعدو للاسلام ؟؟؟؟
اكان انغردت فوقو ادنى تلفون، انا جاهز بس الدفع كاش...
|
Post: #33
Title: Re: وظـــائف شــاغــرة
Author: سجيمان
Date: 05-08-2004, 02:54 PM
Parent: #32
مراويد
| Quote: انا جاهز بس الدفع كاش... |
داير ين والله..... لكن الدفع دا ما بنقدر عليهو.... ما بتدينا؟
|
Post: #34
Title: Re: وظـــائف شــاغــرة
Author: خالد الحاج
Date: 05-13-2004, 11:24 PM
Parent: #33
هذا الرد بأمر تلفوني بعيد المدي
تحية لسجيمان والعباسي ملطشة أخوان
والداير يعرف صاحب الأمر يجي المسنجر
|
Post: #35
Title: Re: وظـــائف شــاغــرة
Author: سجيمان
Date: 05-13-2004, 11:37 PM
Parent: #34
خالد
| Quote: والداير يعرف صاحب الأمر يجي المسنجر |
والماسنجر ليه؟........وديهو البورد بتاعي.....وعليك امان الله ما نحدس زول
|
Post: #36
Title: Re: وظـــائف شــاغــرة
Author: خالد الحاج
Date: 05-13-2004, 11:46 PM
Parent: #35
يا سي جي ما قلنا ليك بوردك أباني
وعملت أضان الحامل طرشا...
عموما الزولة معجبة لقت تلفوني في البروفايل الله يقص البروفايل
وأريتها كان معجبة بي معجبة بي سجم الرماد
سائل الله تلم فيها أم الخير تمعط صوفاتها وتطبها كربون يا سجيمان يا أخوي ما تلقي
البيحجزها منها.. أسة في زمتك أنا ولا إنت عامل إضنينك الكبار ديل
وقال شنو بعد ردك إتصلت علي تاني : قول لي سجيمان مافي مشكلة
سائل الله تطيري إنتي وسجم الرماد
|
Post: #37
Title: Re: وظـــائف شــاغــرة
Author: سجيمان
Date: 05-13-2004, 11:56 PM
Parent: #36
خالد الحاج
| Quote: سائل الله تطيري إنتي وسجم الرماد |
نوح من دي الحسادة وسوادة النية
دُعـــــــاء البـــــورد
|
Post: #38
Title: Re: وظـــائف شــاغــرة
Author: خالد الحاج
Date: 05-14-2004, 00:06 AM
Parent: #37
سي جي
اسة الحاسد منو يسألك الله ده دعاء الليل نصاح
داير تبكمني يا سجيمان شكيتك علي الله
لا عضوية داير تسويها لينا لا داير تخلي رحمة الله تنزل علينا
صدقت المعجبة قالت لي ده رباطابي ومسطول
|
Post: #39
Title: Re: وظـــائف شــاغــرة
Author: سجيمان
Date: 05-14-2004, 00:12 AM
Parent: #38
| Quote: المعجبة قالت لي ده رباطابي ومسطول |
صدقت... القبيله مسطول....والحالة رباطابي....
اسمع كلمت كفيلي انور كينغ عن موضوع التسجيل دا والله
|
Post: #40
Title: Re: وظـــائف شــاغــرة
Author: خالد الحاج
Date: 05-14-2004, 00:23 AM
Parent: #39
كلمني انور والله يا سي جي
وقال بيحلها وللوكت داك اهو قاعدين نقرا ونتابع نجاحاتك
وماشاء الله يا سي جي عيني باردة والله
|
Post: #41
Title: Re: وظـــائف شــاغــرة
Author: سجيمان
Date: 05-14-2004, 12:33 PM
Parent: #40
خالد الحاج
| Quote: وماشاء الله يا سي جي عيني باردة والله |
....الله لا ضراك....
|
Post: #44
Title: Re: وظـــائف شــاغــرة
Author: Raja
Date: 05-17-2004, 02:54 PM
Parent: #41
|
Post: #45
Title: Re: وظـــائف شــاغــرة
Author: سجيمان
Date: 05-17-2004, 07:54 PM
Parent: #44
رجاء
| Quote: وسيجيمان أبوبكر.. ولا سيجمان عطا السيد |
سجيمان ابوبكر عطا السيد
|
Post: #42
Title: Re: وظـــائف شــاغــرة
Author: aboalkonfod
Date: 05-17-2004, 12:37 PM
Parent: #1
الجنا المطوفش .. جينا متأخرين .. عمك جاموس الخلا
الحكار أكان سارحيلو بي شوية معيز .. داقش الصكيعي
سمعنا بي وظائفك الفاضية ،، بندور نقدم ..
الاســــم: ... العفن
السكـن: بين البصلة وقشرتا
العنوان الدائم حوش بكري
المؤهلات العلمية:
- بكاليوس فتنة ومشاطة بدرجة العفانة من جامعة القوالات.
- دبلوم نسونة وتفاهات وهيافة من كلية علوم الشمارات.
الخبرات العملية:
- مساعد مقاول فتانات، شركة سجنان الكندية.
- مدير الهيئة العامة لعلوم الشمرنة بسودانيز في الكيس.
أها يا أخوي أنفع ...
|
Post: #43
Title: Re: وظـــائف شــاغــرة
Author: سجيمان
Date: 05-17-2004, 02:20 PM
Parent: #42
ابو القنفد يا اخوي
مؤهلاتك دي عالية بالحيل
وخايفين نعينك في وظيفة......اقل منها وكل خبراتك دي تقع البحر
|
|