Post: #1
Title: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 02:20 PM
Parent: #0
ناس جريدة الصحافة نشرو لي لموضوع دا
http://www.alsahafa.info/news/index.php?type=3&id=2147489182
وانا حسي..... تغيااان...ومتفلهم...وخالف كراع فوق كراع... وخليت ام الخير... سوت لي قهوة خمسة مرات...وملصت العراقي وقلت لها علا اتحجم....وناوي من دربي دا امشي علي كفيلي واتفلهم عليهو...
قريت الموضوع خمسة مرات برضو..... وجبت الوليدات وقلت لهم تحفظوهو صم.....وبعدين بجي اسمعو لكم والغلتة بي عشرة جلدات.....ولدي سعلني منو عوض الكريم دا؟... قلت لو دا زول وقت يجي التفلزيون بوريك ليهو....وان بقيت انا ما حاضر شوف اي زول...مقاس دولابنا دا..ومشلخ تي.... الجضم اليمين كابتل تي...والجضم الشمال صمول تي...دا امسك فيهو قوي دا ياهو زولنا زاتو......واوعك تغلِت عليهو... يقوم يحرد.....واوعى اجي القاك قابض في طرف جلابية بادي.......
ام الخير من عامنها بوباره...وفوشاره.... ضربت للنسوان جت...وضربت لي اهلا....واطلقت زغاريت...حسي حسها اتكسر وراح كلو كلو..... وبقت تنضم معاي بالاشارة ..... شفتو النعمة دي؟......
ناس الصحافة قالو لي اتصل علينا.... لكن علي اليمين....ما باخد منهم ولا مليم..... افو... انا.... ابوك يا محمد..وانا زولن فنجري...وموضوعي دا خليتو لهم فنجرة سااااااااكت.......
وبعدينك ما تنسو تزورو..... موقعي....والداير يصاحبني ... اخير لو يصاحبني من بدري بدري......
http://cgman.org/index.html
|
Post: #2
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 02:29 PM
Parent: #1
*
|
Post: #4
Title: Re: اتاريــني قيــافة...و...عاجــب ناس الصحــافة؟
Author: صديق الموج
Date: 05-08-2004, 02:37 PM
Parent: #2
خلاص بعد ده...ولد وضاع....عليه العوض ومنه العوض
ولا اظنه حا يرد على.....سجيمان انا مش صاحبك،،،،
|
Post: #7
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 03:25 PM
صديق الموج
| Quote: سجيمان انا مش صاحبك |
بالحيل صاحبي
بس يا صديق شيدو حيلكم... انت ورجاء العباسي....واشراقة...وتماضر....والموصلي.....واسامة الخواد..
وحمزة سليمان....وباقي الناس الهنا....شدو حليكم عشان يجيبوكم في الجرايد..زي كدي.....
قبال ما انا البس البدلة والكرفتة.....وارسل لهم صورة...وبعدين يقولو لكم.... يا قمري كر
|
Post: #5
Title: Re: اتاريــني قيــافة...و...عاجــب ناس الصحــافة؟
Author: WALEED YASSIN
Date: 05-08-2004, 02:42 PM
Parent: #2
سجيمان القيافة
يا ملك الظرافة..
والله مني منك اتغي شدبد و اعمل جريدة كمان يعني هم احسن منك في شنو
عندهم سايت و انت عندك سايت يرضو..
بس يا اخوي ما تتغي علينا نحن ذاتنا وتخلي المنبر 7)...د
وتسلم
|
Post: #17
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 07:16 PM
Parent: #5
وليد يسين
| Quote: والله مني منك اتغي شدبد و اعمل جريدة كمان يعني هم احسن منك في شنو |
عاين جاي؟........ انا ان لحقت لميت في صلاح ادريس... الجريدة بسويها....والكريسيدا بركبا.....وكل يوم اتعشا شعيرية
|
Post: #3
Title: Re: اتاريــني قيــافة...و...عاجــب ناس الصحــافة؟
Author: sharnobi
Date: 05-08-2004, 02:35 PM
Parent: #1
والله تستاهل كل خير يا زول يا رائع
لا بطريك حبا فيك
لكن الحقيقة انت احد دعامات هذه الساحة والساحة الاخرى
تجلب الفرح والروح الطيبة
وتتدفع فى النفوس الفايرة دفعة من الهواء البارد تلطف اجواء جهنم
لك الود والتقدير يا زول متفرد
واصل
يا ظريف الروح
سيجمان
|
Post: #19
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 08:01 PM
Parent: #3
شرنوبي
| Quote: والله تستاهل كل خير يا زول يا رائع |
بارك الله فيك
اها يا اخوي الوصا بالمهلة.... انت في امريكا... عليك الله كدي شوف لي ناس الواشنطون بوست ديل.....قول لهم زول قاعد في واطاة الله دي... وعديّل...وهميلان....ومن ايدكم دي لي ايدكم التانية....شوية شوية نقرب لي كونداليزا
|
Post: #6
Title: Re: اتاريــني قيــافة...و...عاجــب ناس الصحــافة؟
Author: Al-Shaygi
Date: 05-08-2004, 02:51 PM
Parent: #1
يا سي جي man يا أخوي موضوعك قريناه وموقعك أب Vew + Encoding + Arabi (Widows) كل دقيقة ده زرناه وجننا جن ما باقي لي غير أطير للصين أتعلم صيني وأجي راجع لي موقعك العجيب .
بس قول لي كيف ألحق أحجز لي كرسي قبال نا زعيط ومعيط ونطاط الحيط ما يجوا يملوا البكان ونبقى في فتيش مكان في الشماعة.
حاولت أسجل علا قال لي كان سجيمان ما وافق ما بنسجلك ولا تجي في ضلنا ده وخليك هناك قاعد في حوش البقر، بالله تقول الواحد داير يسجل في الانتخابات.
لكن علي باليمين وليدكم داك أب دوده خليه ساكت أريته دودة عدوك ، غايتو يحمد ربه أنها مرقت وما سوت ليه ناكوشة أقصد كاروشة!!!!!
راجين التسجيل وكان موظفين موقعك ديل مستقدمهم جداد من االبلد كلمنا عديل كان بلصهم ونمشي أمورنا، بالمناسبة موضوع البلصة ما تقولوا لينا،، هه ما عارفه ؟ كيف الكلام ده ؟؟ يا أخي البلصة اللت حاج نفاج الفي حلتكم يوم مشى الخرتوم يقضي ليه غرض في مصلحة الأراضي!!!
....
|
Post: #11
Title: Re: اتاريــني قيــافة...و...عاجــب ناس الصحــافة؟
Author: المسافر
Date: 05-08-2004, 03:57 PM
Parent: #6
يا سجيم(مان) حكايتك حكاية
وأها قالوا ليك شنو بعد ما ضربت التلفون
اصلنا كنا حومنا في مكاتب الصحافة ام ورقاً مشتت تحت الكرعين مغلف بالغبار
ولومك بي انا جبت ليهم أخبار القطر الطحن الناس في محطة اتبرا
وصور الضحايا ولا كيمان مخيم غانا
ونشروها صفحة أولى ولا اشتغو بي
وكنت قاعد اكتب ليهم من مكتب اعلام الخرطوم في البرلمان القديم
نميري شرب الشاي
وابو القاسم جا بي جاي
ود الطاهر قال كفاي
وناس علام
والناس الرقدو
ما بتعدو
وجونا ناس الأيام قالوا نشغلكم موظفين
نسوي شنو
قالوا تلملمو قصاصات الورق
ولما تجيكم حظوة بنخليكم توزعو الحبر على الورق
وحياتك جنس عجزان لما عموا في التصحيح قالوا ياوليدات ما تضيعوا عمركم مع شلاتيت الورق ده
احسن ليكم تشتغلوا مداحين
ولا سافروا الصين
ما هو الناس ممكن تطلب العلم هناك
ولحي ما تبنا منهم ما جابو اسمنا من قريب ولا بعيد
وحاتك محجوب عبد الله ذاتو اتحير فينا
وصاحبنا اسماعيل الحاج موسى اللعمنو عارفن ناس جن في غزال
من داك الزمن قاعد ينظر ليهم في الاستراتيجية الصحفية
اها يا سجيمان كلم لينا رميدان
يمكن محطة اللواري يحولوها جنب ناس الصحافة
وناكل لينا صحن فول في ضل الضحى جنبهم
قول يا صحيف
|
Post: #22
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 10:25 PM
Parent: #11
المسافر
| Quote: وأها قالوا ليك شنو بعد ما ضربت التلفون |
ما ضربت لسه......لكن خايفم يطلبو ايدي
|
Post: #21
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 08:41 PM
Parent: #6
الشايقي
| Quote: حاولت أسجل علا قال لي كان سجيمان ما وافق ما بنسجلك ولا تجي في ضلنا ده وخليك هناك قاعد في حوش البقر، بالله تقول الواحد داير يسجل في الانتخابات. |
شايفك سجلت يا زول
ولاّدا مو انت؟
|
Post: #8
Title: Re: اتاريــني قيــافة...و...عاجــب ناس الصحــافة؟
Author: salwa elsaeed
Date: 05-08-2004, 03:39 PM
Parent: #1
عزيزي سيجيمان
والله انا ما دخلت البورد الا عشان اتونس معاك........
وما كفايه كان اقرأ ليك وبس........
قولتا الونسة مهمة.......
وانا ما عارفه الموضوع ده حيوديني لي وين......
لكين انا متعودة.......
اقول ليك.. مره عرسته لي راجل بس...... لانو عندو اخت شغاله في ديوان شئون الخدمة.......
ومرة تانيه........ عرسته بس....... لانو كونت دايره اتحنن......
مابتفتكر ده سبب وجيه انو نكون اصحاب؟؟؟
|
Post: #23
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 10:50 PM
Parent: #8
سلوى السيد
| Quote: مابتفتكر ده سبب وجيه انو نكون اصحاب؟؟؟ |
اسبابك القلتيها دي كلها اسباب وجيهة ومنطقية.....ودي طريقة التفكير السجماني.......اهلا بك صديقة واخت كريمة
|
Post: #9
Title: Re: اتاريــني قيــافة...و...عاجــب ناس الصحــافة؟
Author: ودقاسم
Date: 05-08-2004, 03:43 PM
Parent: #1
سجيمان التغيان
والله يحق لك تتغى ما دام ناس الصحافة نشروا ليك موضوع ، بس تصدق هم ناس بوم ،، إنت تغيان بالدوم والتمر كمان يقوموا يزودوك زيادة ،، بوامة شديدة والله ،،
تعرف يا سجيمان دي حسادة منّي .. بس خليها في سرك ..
|
Post: #25
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-08-2004, 11:39 PM
Parent: #9
ود قاسم
| Quote: تعرف يا سجيمان دي حسادة منّي |
لحقت روحك
|
Post: #10
Title: Re: اتاريــني قيــافة...و...عاجــب ناس الصحــافة؟
Author: ali othman
Date: 05-08-2004, 03:52 PM
Parent: #1
ومهرجان سايتك حيكون بتين
|
Post: #13
Title: Re: اتاريــني قيــافة...و...عاجــب ناس الصحــافة؟
Author: ابو جهينة
Date: 05-08-2004, 04:04 PM
Parent: #10
من جلال أبو جهينة
إلى د. عادل سي جي
أو بالأصح : إلى سي جي القيافة ساكن الصحافة
عجبنا ليك و الله الإنتقال للصحافة ، بس ما تنسانا نحن سكان لأقاليم و تبقى بالجد تغيان.
تسلم و أرقد عافية
|
Post: #28
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 12:54 PM
Parent: #13
ابوجهينة
| Quote: عجبنا ليك و الله الإنتقال للصحافة ، بس ما تنسانا نحن سكان لأقاليم و تبقى بالجد تغيان |
انا خاتي بالك في الصحافة الاجنبية.... الليموند وكدا
|
Post: #26
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 00:13 AM
Parent: #10
علي عثمان
| Quote: ومهرجان سايتك حيكون بتين |
اول ما تبقى انت عضو في البورد بهناك..... دا يوم المهرجان
|
Post: #12
Title: Re: اتاريــني قيــافة...و...عاجــب ناس الصحــافة؟
Author: essam&amal
Date: 05-08-2004, 04:03 PM
Parent: #1
الحمد لله من زمان نحن اصحاب
وكمان البوستات بتاعتك بفتشهابالمقنطيس كان ما لقيتها
وكان ما قريتها ما قاعدة انوم قسم بالشيخ الجعلى
اها يا سجيمان عليك الله ودينى معاك لناس الصحافة خلينى
اتفشى هناك .
اها يا سجيمان القيافة
وفايت الناس مسافة
وعاجب ناس الصحافة
وعاجب اى زول غصبا عن اى زول
ام وضاح
|
Post: #29
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 01:04 PM
Parent: #12
ام وضاح
| Quote: وعاجب اى زول غصبا عن اى زول |
دا ابلغ بيت شعر قالتو العرب....... الله يكيفيك بركة الشيخ الجعلي
|
Post: #14
Title: Re: اتاريــني قيــافة...و...عاجــب ناس الصحــافة؟
Author: omer almahi
Date: 05-08-2004, 04:14 PM
Parent: #1
الاخ سى جى مان
والله ماشة معاك .......موقع جديد ودخول الى عالم الصحافة ......
انت مش محتاج (تتغا) انت محتاج ...شوية تواضع
ودخلنا الموقع الجديد ..ولكن أستعنت بكل الخبرات علشان أبارك ليك ما قدرت أكتب حاجة
أكتب بالعربى (البرفيو )يطلع بالتوتسا......قلت ممكن دا( تغا موقع)
|
Post: #15
Title: Re: اتاريــني قيــافة...و...عاجــب ناس الصحــافة؟
Author: المسافر
Date: 05-08-2004, 04:28 PM
Parent: #14
يا سجيم (مان)
علي دا قال ليك مهرجان صايتك متين
ياربي الفا راحت وين
|
Post: #30
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 01:08 PM
Parent: #14
عمر الماحي
| Quote: أكتب بالعربى (البرفيو )يطلع بالتوتسا......قلت ممكن دا( تغا موقع) |
اهااااااااااااا شفت يا انور..... سويتني في لوم
|
Post: #16
Title: Re: اتاريــني قيــافة...و...عاجــب ناس الصحــافة؟
Author: alfatih
Date: 05-08-2004, 05:00 PM
Parent: #1
سجيمان
التغيان
بركة شيخك الاكل التمساح
تلحقنا وتفلقنا بى حبة تواضع عشان
عشان ما يكون اختلال فى درجة التغا
|
Post: #31
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 01:15 PM
Parent: #16
الفاتح
انت ماتراكا تغيت...وخليت ابو القدح وبقيت تباري في الجداد
|
Post: #18
Title: Re: اتاريــني قيــافة...و...عاجــب ناس الصحــافة؟
Author: 3mk-Tango
Date: 05-08-2004, 07:43 PM
Parent: #1
سجيمان الصحافة
يعني كدا بقيت قريب خالد الصحافة ؟؟؟
|
Post: #32
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 01:20 PM
Parent: #18
عمي تنقو
| Quote: يعني كدا بقيت قريب خالد الصحافة ؟؟؟ |
لا لا....ولا بعرفو.... دا برضو جابهو في الجرايد؟
|
Post: #20
Title: Re: اتاريــني قيــافة...و...عاجــب ناس الصحــافة؟
Author: Elnasri Amin
Date: 05-08-2004, 08:31 PM
Parent: #1
غايتو ياسجيمان ناس الصحافه ديل اول مره اسمع بيهم,الظاهر عليهم ناشئين
انت يكفيك سودانيزانلاين
حاول جمع كتاباتك كلها فى كتاب و استرذق و خلى شغل البلوشى ده
و شوف زول من فطاحلة البورد يكتب المقدمه
و زول تانى يصمم الغلاف
ومممكن تجمع اظرف التعليقات فى قسم خاص
اصحى يا بريش و العب فى المليان
الذمن ده ذمن استثمار المواهب و القدرات
و انت زول موهوب (بس محتاج شويه Tweek )
?what u think
|
Post: #24
Title: Re: اتاريــني قيــافة...و...عاجــب ناس الصحــافة؟
Author: ياسر مكاوي
Date: 05-08-2004, 11:09 PM
Parent: #20
Quote: حاول جمع كتاباتك كلها فى كتاب و استرذق و خلى شغل البلوشى ده
و شوف زول من فطاحلة البورد يكتب المقدمه
و زول تانى يصمم الغلاف
ومممكن تجمع اظرف التعليقات فى قسم خاص
|
سجيمان والله انتا زوول موهوب و مضيع نفسك سااااي
تقديري لك
|
Post: #27
Title: Re: اتاريــني قيــافة...و...عاجــب ناس الصحــافة؟
Author: دورنقاس
Date: 05-09-2004, 01:22 AM
Parent: #24
سيجمان
قيافتك ماداير ليهارفع راية
والله كان تغيت علينا بقول ليك
{شن جده على المخدة كيس الدبلان ولا روسية السيتانْْ}
|
Post: #43
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-10-2004, 12:47 PM
Parent: #27
دورنقاس
| Quote: شن جده على المخدة كيس الدبلان ولا روسية السيتانْْ} |
المخدة ياتا؟ الفي البوست حق كشف الحال وطلاق ام العيال؟
|
Post: #34
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 01:29 PM
Parent: #24
ياسر مكاوي
Quote:
سجيمان والله انتا زوول موهوب و مضيع نفسك سااااي
تقديري لك |
شكرا ليك......وان شاء الله احاول الم
|
Post: #33
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-09-2004, 01:25 PM
Parent: #20
النصري
كلام زي العسل..... بس داير زول يتبناني... يا ربي صلاح ادريس مو فاضي؟
|
Post: #35
Title: Re: اتاريــني قيــافة...و...عاجــب ناس الصحــافة؟
Author: طه حسن عبدالله
Date: 05-09-2004, 05:28 PM
Parent: #33
الحبيب الغالى
تستاهل والله أكتر من كدا و إنت إنسان موهوب و مضيّع نفسك ساى
و عندك المقدرة و أظنى بثق فى حدسى أنك تكون فى رحاب أوسع
بكتير و أتمنى ليك التوفيق
|
Post: #36
Title: Re: اتاريــني قيــافة...و...عاجــب ناس الصحــافة؟
Author: مريم الطيب
Date: 05-10-2004, 08:16 AM
Parent: #35
Quote:
وبعدينك ما تنسو تزورو..... موقعي....والداير يصاحبني ... اخير لو يصاحبني من بدري بدري......
|
الحمدلله ياسجيمان...من زمان مصاحبينك من زمنك المغمور..قبل ماتعجب ناس الصحافة وتسوي ليك موقع...يعني ناس حارة..
كلام زي العسل..... بس داير زول يتبناني... يا ربي صلاح ادريس مو فاضي؟
وانت مالك هين.. ماتتبناه انت ده..ولاشنو يا ام الخير يا اختي.
|
Post: #38
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-10-2004, 08:33 AM
Parent: #36
مريم الطيب
Quote: وانت مالك هين.. ماتتبناه انت ده..ولاشنو يا ام الخير يا اختي.
|
اتبنى منو؟..الارباب؟.....علي اليمين قدر قراشاتي العندي في سبعة يوم بس..... ياكلن لحم
|
Post: #37
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-10-2004, 08:25 AM
Parent: #35
طه حسن عبد الله
| Quote: إنت إنسان موهوب و مضيّع نفسك ساى |
ايوااااااا....كترو من النضم الزي دا... عشان الناس ما يكلوني وييستكرتوني
|
Post: #39
Title: Re: اتاريــني قيــافة...و...عاجــب ناس الصحــافة؟
Author: nazar hussien
Date: 05-10-2004, 10:15 AM
Parent: #37
يا سجيمان...اهبط شوية...النكلمك....التلفون دا تلفون عوض الكريم
قال حالف يشغلك شيال عشان تصفق اربعة وعشرين ساعة في الكلام القلتو فيه دا...وبعدين نشر الموضوع في الصحافه عشان ما تنكرو وتقول كتبتو ام الخير.....وقالوا ختّ كرسي لي عثمان مصطفي في محل انترنت جنب التلفزيون مستنين بوست الفشخرة...زيادة يقين...
اها شيل شيلتك وطرق ايديك لي الصفيق
|
Post: #40
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-10-2004, 11:24 AM
Parent: #39
نزار حسين
| Quote: الموضوع في الصحافه عشان ما تنكرو وتقول كتبتو ام الخير |
انا اصلي ماني ناكرو......علا هو كدي اليخيت المركوب المفتوق دا وبعدين يغشغلني شيال...... انا اقعد اشيل الغنا...ولاّ اشيل هم ما تدخل عقرب في المركوب وتقرصو وتبوظ حفلة الناس
|
Post: #41
Title: Re: اتاريــني قيــافة...و...عاجــب ناس الصحــافة؟
Author: دورنقاس
Date: 05-10-2004, 11:59 AM
Parent: #40
سيجمان
اااخوى
الفطة ماها كويسا
وخصوصا لامن تكون من زولن بتريدو وبتموت فى بوستاتو
وحات الله عاجبنى وسارى بالى
ولو مداخلتى الفوق ماعجبتك
لك اعتزارى
|
Post: #44
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-10-2004, 12:52 PM
Parent: #41
دورنقاس
والله ووحات الله اتلومت معاك لومن الجبال ما بيشيلنو....دا حين خسمتك بالزي خلقك تعفى لي...وبعدين اللوم بيجي بالغفلات....وانت عزيز وغالي يعلم الله
|
Post: #42
Title: Re: اتاريــني قيــافة...و...عاجــب ناس الصحــافة؟
Author: كبسيبة
Date: 05-10-2004, 12:37 PM
Parent: #1
سجم الرماد العزيز الغالي بدون طغينة
مبرووك ناس الصحافة عرفوك عقبال الديااااااامة كمان يزورك
ويختو ليك تمثال في شارع باشدار
بخصوص التبني أنا مستعد اتبناك وعندها ممكن تتغين زيادة لأني
معروف أكتر من صلاح أبن النفيس زاتو
مع حبي
|
Post: #45
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-10-2004, 01:00 PM
Parent: #42
كبسيبة
| Quote: بخصوص التبني أنا مستعد اتبناك |
يا زول هوي لا تتبناني.. لا اتبناك...
انت البي يصابحك ويماسيك منو؟ بي سنونك ديل
علا كان داير تجنني وترقدني مستبشى... في فلاديلفيا...
ويبقن علي الاتنين .....مجنون......ومـ........
|
Post: #46
Title: Re: اتاريــني قيــافة...و...عاجــب ناس الصحــافة؟
Author: willeim andrea
Date: 05-10-2004, 01:02 PM
Parent: #42
up & again UP capital
|
Post: #47
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-10-2004, 01:43 PM
Parent: #46
| Quote: up & again UP capital |
الله يعلي مراتبك بركة الشيخ ابراهام لينكلون
بس نعل ما بتتقلب في النوم يا جنا؟
|
Post: #48
Title: Re: اتاريــني قيــافة...و...عاجــب ناس الصحــافة؟
Author: قلقو
Date: 05-11-2004, 10:43 AM
Parent: #47
حبيبنا سجيمان..
طبعا عارفنى انازعلان منك وكنت محاربك عديل كدة وانت براك عارف السبب شنو لكن معليش انا خلاص مصالحك بما انك بقيت مهم ومن المشاهير ومن كبار رجالات الدولة.
مصالحتى ليك دى بتذكرنى لمن نحن ضغار (ومازلت..انا قاصد روحى)ونكون متخاصمين مع واحد من الأولاد وبعدين بقوم يجيب ليه كورة ولا ابوه يشترى ليه عجلة ولا كدة كنا ننسى كل شيئ ونعمل فيها اصحابو موت..ومن شب على شيئ شاب عليه..
عموما مبروك عليك وعليناالعجلة الجديدة وارجوك ان تنقل تحياتى لى ناس كلام رجال..والله انا بقول ليك الكلام دة وكل برآءة اطفال الدنيا فى عيونى ..لأنى مركز مع قونقوليزا..
اكرر التهنئة.
|
Post: #49
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-11-2004, 12:14 PM
Parent: #48
قلقو
| Quote: لأنى مركز مع قونقوليزا |
يا زول اها... المرا دي انا ختيتا وقت دايرة تبقى لنا سبب خصام... ان شاء الله انت تتهنا با
|
Post: #50
Title: Re: اتاريــني قيــافة...و...عاجــب ناس الصحــافة؟
Author: Raja
Date: 05-11-2004, 01:41 PM
Parent: #49
سيجيمان العاجب ناس الصحافة (والبيان كمان)..
يعني انت آخر من يعلم بانك قيافة وعاجب ناس الصحافة..؟
ما ممكن..
تعرف أمي و4 قريبات و6 صاحبات وكل زول بقابلو هنا بيسألني منك.. وبيقولو لي ما بيدخلو المنبر إلا عشان يشوفو سيجيمان كاتب شنو؟
وصاحبتك كانت قايلهم بيدخلو عشانها  ..
|
Post: #51
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-11-2004, 02:07 PM
Parent: #50
رجاء
| Quote: وصاحبتك كانت قايلهم بيدخلو عشانها |
عليك الله ما تشكريني وتنفوخيني..... براي الايام دي تغيان
|
Post: #52
Title: Re: اتاريــني قيــافة...و...عاجــب ناس الصحــافة؟
Author: بلدى يا حبوب
Date: 05-11-2004, 04:33 PM
Parent: #1
والله يا سيجمان
حكايتك حكاية انته مشهور ده والله مافيها كلام لكن بس التلفون ده المشكلة
| Quote: الأخ سجيمان : ارجو الاتصال بالرقم 0912386497 |
بينى وبينك بخوف
تحياتى
|
Post: #53
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-11-2004, 11:31 PM
Parent: #52
بلدي يا حبوب
ليه؟ دا تلفون منو؟...... الله يكضب الشينة
|
Post: #54
Title: Re: اتاريــني قيــافة...و...عاجــب ناس الصحــافة؟
Author: قلقو
Date: 05-12-2004, 09:11 AM
Parent: #53
سجيمان..
الرجاء ان ترسل لنا حجر رشيد حتى نتمكن من فك طلاسم السايت الخاص بجنابك.
|
Post: #55
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-12-2004, 09:45 AM
Parent: #54
قلقو
Quote:
الرجاء ان ترسل لنا حجر رشيد حتى نتمكن من فك طلاسم السايت الخاص بجنابك. |
مع انور........ الحجر
|
Post: #56
Title: Re: اتاريــني قيــافة...و...عاجــب ناس الصحــافة؟
Author: Ali Alhalawi
Date: 05-12-2004, 02:04 PM
Parent: #55
سجيمان أخوى .. رفقا بنا فقد قتلنا الشـمار .. و مازلنا نتمحرك فى إنتظار المكالمة و ردها .. لحدى بكرة لو ما جانا الشممار حتى كيبورداتنا سنكون مضطرين لأنتحال شخصيتكم و نقنع من كذا هللة ونتصل على ناس الصحافة و نجيب الشمار من لغاليغو
و ننتهز هذه المناسبة لنبث شكوانا .. بعدم تمكننا من قراءة سايتكم و جأرت ماوساتنا بالشكوى من الأنكودنق لفك شفرة لغة لم نعرف ماهيتها أهى صينية أم أمازيقية أم لتوانية أم رباطابية كما ورد فى الأنسايكلوبديا .. و هنا أيضا و لحدى بكرة إن لم تستطع سمكرة طلاسم هذه اللغة سأبعث لكم بفكى آدم ..
|
Post: #57
Title: Re: اتاريــني قيــافة...و...عاجــب ناس الصحــافة؟
Author: سجيمان
Date: 05-12-2004, 10:39 PM
Parent: #56
الحلاوي
| Quote: و مازلنا نتمحرك فى إنتظار المكالمة و ردها |
كلمتهم..... لكن قالو لي النضم القلناهو في التلفون دا اووووووعك تمرقو برا.......وانا لي يومين خشمي ماكلني... الله يلزمني الصبر غايتو
|
|