Post: #1
Title: حنـانـة....... نســى اهلــو...ما نســانا...... فقــري دا
Author: سجيمان
Date: 04-26-2004, 03:23 PM
حنانة....نسى اهلو ما نسانا..فقري دا
دي حتكون النغمة بتاعت الموبايلات بتاعتنا انا وانتي يا ام الخير.....اصلي عقبال عندك داير ابقى حنانة...واحنن النسوان....
ام الخير عليكي الله ما تصري لي وتحدريني كدي.... انتي عارفة وقت تصري لي قاعد يجيني حبس بول.....واتكرفس وابقى قصيّر.....ما تخافي انتي حتكوني معاي مساعدة حنانة....حنانة اسيستانت..... يا ام الخير لقمة العيش بقت قاسية وصعيبة.... وانا شايف الحنانات ديل عندهن قروش...ما شفتي علوية الحنانة قالت لك عندهم عمارتين وتلاتة حافلات ....؟وانا وانتي مصاقرين بعضنا ما عندنا التكتح....بعدين الحنة مالا؟ فن..وذوق...وكل يوم الزول مقابل كريعات النساوين..اشكال والوان...وبعدين انا ح احنن النسوان من ورا حجاب.... المرا تتكبّت تحت بطانية وتمرق لي ايدا ...ولاّ كراعا الدايرة تحننا.....وانتي حتكوني معاي الحجل بالرجل لحام يعني..بس يا ام الخير نحن لازم نطور المهنة...ونخلي بصماتنا فيها واضحة.... اول حاجة يا ام الخير انتي تتعلمي تشكري ايدن وكريعات النسوان... عليك الله اكل العيش ما فيهو حسادة...ان بقيت انا قاعد احنن في خنفسانة انتي تشكريها.... تكون كراعا كراع عنقريب برضو شكريها.... تشكريها بالبنينة.... تبننني وانا اكون قاعد احننن.. يعني لو كنت بحنن في كراع واحدة.... انتي تقولي صلاتي علي النبي..وطوالي تزغرتي
ايويييييييي يوي يييييييا
يا بنينة هي يي ي يي ي
وبنا بينا وبنا بين يا بينا
بنينة هي ي ي ي ي
بطن كراعيك الملكدمة.....
بطن كراعك الملكدمة زي المخدة
حاشاها ما كشتت وحامت بي شوااااارع امبدة
يا بنينة هي ييي ي ي
وبنا بنا بين يا بينا وبنينة هي يييي
اصبع كراعك الكبير........
اصبع كراعك الكبير يا ام عجن
واقف عود وباقي الاصابعين ما اتعفصن
يا بنينة هي ييييي
وبنا بنا بين يا بينة وبنينة هي ي ي ي ي
....وبعدين يا ام الخير لازم ننوع في محلات الحنة.... ما نقيف علي الكرعين والايدين... الرقبة نحننا والفقهة برضو نحننا....وبعدين اي حتة تانية تختارا المتحننة ما عندنا مانع....وليس في الحنة حياء يا ام الخير!!!!!
واهم حاجة التوقيع يا ام الخير... لازم يكون عندنا توقيع واضح وغير قابل للتقليدونسجلو في وزارة التجارة.... زي توقيع الخطاطين في اليافطات مش بيكتبو الخطاط وسيم...والخطاط نسيم...والخطاط عبدالله؟.. نحن نكتب الحنانة\ سجيمان وشركاؤه ... شركاؤة دي انتي... ودا يكون في الفقهة وبرضو يكون بالحنة.... عشان التقليد.... وما تجي حنانا من المتصلبتات في الحنة ديل تقول دي الحنة رسمتها انا...طوالي نحن في حالة الغُلات.....ندنقر للمرا المتحننة رقبتا ونرفع شعرا ونكشف عن توقيعنا... ماركة مسجلة
|
Post: #2
Title: Re: حنـانـة....... نســى اهلــو...ما نســانا...... فقــري دا
Author: essam&amal
Date: 04-26-2004, 05:28 PM
Parent: #1
عاد يا سجيمان اكان داير تسوق ام الخير براها
ما بوريك بكان الحنة الغااالية ام الف درهم
ولغاية خمسة الاف وكان دخلتنى مساعدة حنانة رقم اتنين
اها امانة ما الف بيك الامارات السبعة وكل بكان اغلى من
التانى والبناين دى ما تديك الدرب .
شى بالعربى وشى بالعجمى وشى بالايرانى وشى باليلوشى
اها بالسودانى ده ما يديك الدرب بناينا تيمان عطبرة يقصروا
اما الختم ده قلبت فيه الهوبة عدييييييييييييل كدة
الله يديك العافية يا سجيمان يا اخوى
امال
ام وضاح
|
Post: #5
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-26-2004, 07:20 PM
Parent: #2
Quote: اها امانة ما الف بيك الامارات السبعة وكل بكان اغلى من
التانى والبناين دى ما تديك الدرب . |
خلاص نفكر نجي الامارات زيارة عمل..... هو نحن اكعب من الفنانين ما تراهم لافين ويشحدو؟.......وانتي حنعينك مساعدة الحنانة سجيمان لشئون البنينة...... يعني بنانة......
|
Post: #3
Title: Re: حنـانـة....... نســى اهلــو...ما نســانا...... فقــري دا
Author: Osman Hamad
Date: 04-26-2004, 05:34 PM
Parent: #1
حنة بس ياسجيمان وللا معاها توابعها؟
|
Post: #4
Title: Re: حنـانـة....... نســى اهلــو...ما نســانا...... فقــري دا
Author: ابو جهينة
Date: 04-26-2004, 06:02 PM
Parent: #3
سي جي العزيز
ليس في الحنة حياء ؟
دي يا سي جي لو فتوى تمام و مؤكدة ،، معنى كدة أبشر بالخير ،، النسوان ما حيتوقفن ،، وش و قفا و إيدين و كرعين و يمكن سقف الحلق لزوم ( الضحكة الكبيرة ) و اللسان عشان الحنة تنشاف لو أكلتْ آيس كريم قدام راجلا
|
Post: #11
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-26-2004, 10:18 PM
Parent: #4
ابو جهينة
| Quote: وش و قفا و إيدين و كرعين و يمكن سقف الحلق لزوم ( الضحكة الكبيرة ) و اللسان |
انا اقول ليس في الحنة حياء......وانت تقول لي لسان وحلق وكرعين؟
|
Post: #9
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-26-2004, 09:39 PM
Parent: #3
| Quote: حنة بس ياسجيمان وللا معاها توابعها؟ |
توابعها دي في الخطة الجاية....كدي نحن حسي نجضم الحنة
|
Post: #6
Title: Re: حنـانـة....... نســى اهلــو...ما نســانا...... فقــري دا
Author: الطيب بشير
Date: 04-26-2004, 07:27 PM
Parent: #1
سجيمان يا حبوب
حلوة حكاية الحنانة دي
هنا في إمريكيا ماسكينها الهنود و الحبوش
|
Post: #7
Title: Re: حنـانـة....... نســى اهلــو...ما نســانا...... فقــري دا
Author: طه حسن عبدالله
Date: 04-26-2004, 08:54 PM
Parent: #6
الحبيب الغالى د. (حـَّنان)
دى أريتا شغلانت الرجال لى حـَّدهم
لكين يا حـَّنان أخوى الحنة دى للنسوان بس؟
طيب لو جاك واحد وعندو قروش دا حتحننو كيف؟؟؟؟؟؟
|
Post: #8
Title: Re: حنـانـة....... نســى اهلــو...ما نســانا...... فقــري دا
Author: WALEED YASSIN
Date: 04-26-2004, 09:37 PM
Parent: #7
يا سيجيمان..
انا ح انزل ليك الدعاية دي في الانتر نت::
سيجيمان التغيان لي حنة النسوان...
و انت تظهر في الصورة شايل عدة الشعل و رقبتك فوق و تعاين شذرن
وتقول انا الحنان دمع البكي..
ولا شنو...؟.....شنو
|
Post: #14
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-27-2004, 02:46 PM
Parent: #8
وليد يسين
بس لازم يكونن معاي في الدعاية اربعة خمسة بنوت....من النوع النادر الما بنشوفو علا في الدعايات
|
Post: #13
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-27-2004, 11:37 AM
Parent: #7
طه حسن عبد الله
| Quote: طيب لو جاك واحد وعندو قروش دا حتحننو كيف؟؟؟؟؟؟ |
احننو.....علا ام الخير بطردا من العوضة حقت الحنة
|
Post: #10
Title: Re: حنـانـة....... نســى اهلــو...ما نســانا...... فقــري دا
Author: Osman Hamad
Date: 04-26-2004, 09:48 PM
Parent: #6
| Quote: هنا في إمريكيا ماسكينها الهنود و الحبوش |
الطيب اخوى....ماتقول كدا تانى اسى يحسبوك مع ناس البوبار
|
Post: #12
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-27-2004, 10:51 AM
Parent: #6
الطيب بشير
| Quote: هنا في إمريكيا ماسكينها الهنود والحبوش |
الله...... ليه نتدوهم فرصة زي دي؟.... يعني السوق عندكم كاشف
|
Post: #15
Title: Re: حنـانـة....... نســى اهلــو...ما نســانا...... فقــري دا
Author: Elkalakla_sanga3at
Date: 04-27-2004, 03:05 PM
Parent: #12
سلام سيجمان انا ضحكت لمن وقعتا لنو اتزكرت كلام حبوبتي
فاطمة كان عندنا واحد شغال موظف في احد فنادق السودان نجي نسال حبوبتي انتي يا حبوبة ود فلان داء شغال شنو ؟ وبسرعة تقول لينا العفنة قاعد يبخر العرايس
|
Post: #17
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-27-2004, 03:38 PM
Parent: #15
الكلاكلة صنقعت
| Quote: وبسرعة تقول لينا العفنة قاعد يبخر العرايس |
انت عارف دي والله فكرة لي شغلالنة جديدة
|
Post: #16
Title: Re: حنـانـة....... نســى اهلــو...ما نســانا...... فقــري دا
Author: omer almahi
Date: 04-27-2004, 03:34 PM
Parent: #1
بالله يا سجيمان ما قلت تغيان ...حالتك حنان .....والله حننتنا عليك
|
Post: #18
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-27-2004, 03:47 PM
Parent: #16
عمر الماحي
| Quote: بالله يا سجيمان ما قلت تغيان ...حالتك حنان .....والله حننتن عليك |
خلاص....شوف لينا زباين
|
Post: #19
Title: Re: حنـانـة....... نســى اهلــو...ما نســانا...... فقــري دا
Author: HAMZA SULIMAN
Date: 04-28-2004, 11:38 PM
Parent: #18
سجيمان
يا حلو
|
Post: #20
Title: Re: حنـانـة....... نســى اهلــو...ما نســانا...... فقــري دا
Author: Ashrinkale
Date: 04-29-2004, 07:23 AM
Parent: #19
سيجو الدكتور الصقار الحنان
وكل يوم هو شأن
أكل العيش مر
ما بقدر عليه الا زولا ضكر
من أقوال أشرنكيل
حقوق الطبع محفوظة
|
Post: #21
Title: Re: حنـانـة....... نســى اهلــو...ما نســانا...... فقــري دا
Author: سجيمان
Date: 04-29-2004, 07:35 AM
Parent: #19
اهلا بي حمزة سليمان
|
|