جماعة المؤتمر الوطني يوقفون حفل الفنان محمد النصري بجدة يوم الخميس الماضي

حفل الفنان الرائد محمد النصري في قصر خزام بجدة كان رائعا بكل المقاييس ، غنى فيه فنان الطمبور المبدع بمزاج ، عزاه هو نفسه لتفاعل الحضور ولفرحته بانتصار المريخ على الهلال في تلك الليلة فرد عليه ضابط الايقاع المرافق له وهو هلالابي دا عيبك يا أستاذ ، ليلة كانت محضورة ، ولكن ... وهذه اللكن تخرج بمرارة ... ما أن بدأ الرائع النصري في أغنية بت العرب النوبية ، وتقدم قليلا مقارنا بين دينهم ودينها ، ومظاهر التدين الزائف الذي يستغل في الوجاهات ونهب المال العام بالباطل حتى تقدم أحد عناصر المؤتمر الوطني ، وقال شاعر قال ، تقدم أحد عناصر المؤتمر الوطني ليهمس في أذن الأستاذ النصري بشيء فتوقف النصري عن الغناء ، وبسرعة طلب من صاحب الساوند فصل الجهاز فورا ، وأوهم الناس بأن سيارات شرطة الجواز في الخارج وطلبوا أيقاف المايكرفونات ووقف الحفل ، وهاج الحضور وماجوا ولكن دون فائدة ، كان النظام عقد النظام قد انفك ، وأنسحب جماعة المؤتمر الوطني سريعا ، بعد أن كانوا هم المسيطرين على الحفل من حيث الخطب الجوفاء وإلقاء الشعر الركيك والترحاب ببعضهم البعض . خرجوا وخرجنا ولم نجد لا سيارات جوازات ولا غيره وبسرعة استغلوا سياراتهم وتركوا الحضور في حيرة يشتطون غضبا من ذاك التصرف الذي أضاع عليهم تلك الحفلة الرائعة بكل المقاييس ،،،

عفوا أخي الأستاذ الفنان محمد النصري هم هكذا دائما ، ولكن حتما سنعوضك بليلة أروع منها إن شاء الله ...

أبو قصي

Quote: ما أن بدأ الرائع النصري في أغنية بت العرب النوبية ، وتقدم قليلا مقارنا بين دينهم ودينها ، ومظاهر التدين الزائف الذي يستغل في الوجاهات ونهب المال العام بالباطل حتى تقدم أحد عناصر المؤتمر الوطني ، وقال شاعر قال ، تقدم أحد عناصر المؤتمر الوطني ليهمس في أذن الأستاذ النصري بشيء فتوقف النصري عن الغناء ، وبسرعة طلب من صاحب الساوند فصل الجهاز فورا ، وأوهم الناس بأن سيارات شرطة الجواز في الخارج وطلبوا أيقاف المايكرفونات ووقف الحفل ، وهاج الحضور وماجوا ولكن دون فائدة ، كان النظام عقد النظام قد انفك ، وأنسحب جماعة المؤتمر الوطني سريعا ، بعد أن كانوا هم المسيطرين على الحفل من حيث الخطب الجوفاء وإلقاء الشعر الركيك والترحاب ببعضهم البعض . خرجوا وخرجنا ولم نجد لا سيارات جوازات ولا غيره وبسرعة استغلوا سياراتهم وتركوا الحضور في حيرة يشتطون غضبا من ذاك التصرف الذي أضاع عليهم تلك الحفلة الرائعة بكل المقاييس ،،،

الله يجازي محنك يا أبو قصي يا صديقي...

إنت عارف أن لي هسع أفتفت من الضحك بي ردك البي غادي وعملت ليك رد لكن عندي مشكلة اليومين في النت إنسحب وجايي أرد عليهو تاني لقيتو إتمسح وفتحت إنت البوست دا...

لكن يا ناس جدة ختيرين والله...

لي هسع عندكم فرتيك الحفلات؟؟؟!! والبساطين!!!

ود النصري فنان مبدع بكل المقاييس واستطاع في فترة بسيطة أن يحتل موقعاً مميزاً بين فناني الأُغنية الشايقية فهنيئاً لكن يا ناس الغربية بود النصري وهنيئاً لكن بأُغنياته الملحنة حديثاً وهي رسائل ست الدار بت أحمد وأسمعنا بها في حفلته الإسبوع قبل الماضي في الشرقية وكانت إبداع ما بعدو إبداع...

جعل الله أيامكم كلها سعادة وهناء يا ناس الغربية وربنا يحفظكم من جاهلية زمان في الحفلات وفرتكتها... واحد بس يترتع في الدارة والبساطين تنجرَّ والدنيا تقوم... لكن ما سمعت لي بي ناس دين يفرتكُُولُن حفلة!!!!

مودتي...


أبو الحســــــــــين...

الأخ أبو قصي تحياتي

شفت قالوا أهلنا الباكل براه ما بشسبع , يعني ود النصري مو فنان سوداني ولا شنو الحكاية , والله ما لينا عليم بيه يعني الدعوة ربما تكون دكاكينية !!!!

بس دا كله كوم والراجل الصعد المسرح وقال كلمتين دا كوم تاني !!!!!

يعني يكون قال لي الفنان دا شنو ؟؟؟؟؟؟؟؟؟؟؟


بحيراوي

Quote: لكن ما سمعت لي بي ناس دين يفرتكُُولُن حفلة!!!!

أبو الحسين يا صديقي ، كيف حالك والجماعة المعاك كلهم ، وينن هم ناس الدين ، يا يابا أضان الدين طرشي .... ديل ناس المصحف جوه البترينة ،،

والناس البترتعوا كانوا ماليييييييييييين الدارة ، وكان ما ربك ستر الكراسي ذاتها كانت عايزة تترفع ، والزول الوقف الحفلة وجماعته بس فص ملح وداب ، غايتو هدينا الخواطر وخرجنا وسط لعنات الجميع لهذا الانتهازي الذي تصرف ذاك التصرف المشين .. والحكمة من شعرانا البستقبلوا فنانين الطمبور في جدة ... وينزلهم معاه في بيته تصرف كدا ليه ما عارف ...

خليتك بي عافية يا عزيزي ...

أبو قصي

بس الخبر الأكيد قالو موعود بي قعدة خاصة

بختكم والله ...
امس سمعت حق عليّ كلمات السر واللحن الشجي وسلكاية النصري الحنيني

حاجة ماتخلص والله ..

وقالو لي انت كان عليك اشهدت واستغفرت وشرقت النصري قربت تفوتبك ...

التاريخ دا ما مظبوط صاح؟

الرحيمة وطنبور النصري ( مدن الضياع)

الزول الزين ابوقصي نطراك (ناطرينك) في حفلة بي النصري ونحن لها بس قول عووووك وتلقنا زرافات لا وحدانا طبعآ تكون ملاحظ بحاول الخروج عن نمط الكتابة العادية وبدخل شوية لهجات لكن قالو كان عرف السبب ........ وسببي أذآ أصابني من ذلك الصحفي الشليق والذي جاء يتفولح وقع اتهوبل وبهدل سيرته لم اكن اتخيله بهذه الصورة القبيحة للإنتهازية فجاء يرحب بعدد من الحضور لم أهتم لهم ولا اعرفهم ولكن بلغة اقرب الى لغة شباب المرحلة المتوسطة كلمات قد يتفوق فيها طالب متوسط النجابة حقيقي مجدت نفسي فس قمة الحرج له الا انه لم يتحسس ذلك الحرج وهو يحاول ان يحشوا الكلمات نفقآ حتى طار اسم من يود التملق اليه والتودد به ليته ما تقدم جهة المايك وترك لنا كقراء لتلك الصفحة ان نتخيله وهنا طرفة كان بجواري أحد الاخوة الظرفاء وعلى فكرة انت تعرفه جيدآ وهو مشروع ناظر عموم يتأهب لينقض على المقعد القبيلي تدارشت (من دردشة وأهديها لذاك الصحفي) ونحن نعلق قلت له ماكنت اظن ان هذا الصحفي بهذا الخواء والجهالة وهو يكتب في صحيفة كبيرة من أين جاء؟
قال لي ظريف المدينة والحفلة ناظرنا المتأهب قال لي هو صحفي مؤجر الصفحة مفروش فضحكنا وغادرت ولكني كنت ارقب بملل لهاث هؤلاء وتحلقهم وتمشعرهم وتسابقهم حول المايك وكم اضرسني ذلك الشاعر ال... TAKE AWAY >>>> سلمت ابوقصي.

الأخ البحيراوي

كيف حالك يا الحبيب وين الغيبة الطويلة دي ، ليك وحشه ...

الحفلة ما كانت دكاكينية كانت حفلة عامة بس للأسف الإعداد ليها ما كان تمام ، وتحس انه الناس جروا في اليوم الأخير عشان يحصلوا ويوزعوا التذاكر ، وأنا شخصيا سمعت بيها من أحد الاخوان يوم الأربعاء .. لكن المهم قدروا يحصلوا في الآخر ... وإن شاء الله موعودين بحفل آخر يتم التحضير له بشكل أفضل ...

Quote: يعني يكون قال لي الفنان دا شنو ؟؟؟؟؟؟؟؟؟؟؟

تتصور قال ليهو الفجر بيأذن ولما الجماعة في المسرح هاجوا وقالوا ليهو الفجر باقي ليهو ثلاثة ساعات ، قال ليهم عربات الجوازات واقفة بره خاج القاعة وقالوا وقفوا المايكرفونات وخلاص كفاية ، المهم عملوا مسرحية كدا ، أرهبوا ليك بتاع الساوند وفجأة اتلخبطت القصة وهم فص ملح وداب ...

تشكر يا سيدي على المرور وانت من الآن مدعو إلى الحفل القادم ..

أبو قصي