دكتوره سودانيه بارعه بمركز النيلين لطب الاسنا بالشهداء

مركز النيلين لطب الاسنان بالشهداء
لاول مره فى حياتى أرتاح وأكون رلاكس وأنا فى مكتب طبيب أسنان
فى اليوم السابق لحضورى اشتد بى الم الضرس لحد ما كرهنى حياتى لوجود فجوة ما بين الضرس الاخير والقبلو مع العلم انى عالجتو عند واحد من أشهر أطباء الاسنان فى شيكاغو
المهم كل يوم لما ما يكون عندى حاجه بجى الشهداء فيها مقهى نت جميل جدا اسمو تسابيح
فى ذلك اليوم قررت اتوكل وأمشى المركز بتاع الاسنان الفاتح قبالة مركز النت لسببين الاول لانى ساهرت اليوم الفات من وجع الضرس والتانى لانو المركز جديد فقلت على اسوأ الفروض الاجهزة جديده المهم مشيت وقلبى ماب الفكره وقطعت التذكره وانا خااااايف
لما بتاعت الاستقبال قالت لى اتفضل قربت أقوليها شكرا لكن قويت قلبى وقلتا الكاتل الله والحاي الله
لكن مجرد ما دخلت غرفت الطبيبه وكحلت الدكتوره ولقيتا صغيرونه وملفلفه رويسه بى طريحه حتى انتابنى الشعور بالخوف مرة أخرى وترددت قبل أن تبادرنى بى سؤال كيف الحال عندها تيقنت أنى لا محالة هالك وأخبرتها بمشكلتى وبرضو اتشهدت وفتحت ليها خشمى لكن بدلا من ان تتجه نحو توجهت نحو تربيزة العده حقتا ودرعتلها كمام ونضاره ماكنه غطت كل وجهها الا من عينيها اللتين ودا خارج النص أرجو انها تسامحنى فى هذا التطاول تشعان باشعاع لم ارى له مثيل فى سنين حياتى اشعاع يبعث الامل ودا براه كان ....
معليش حا اواصل بعد مقابلتى الاخيره معاها الأن