المؤتمرات وسكر القصر - صلاح ابراهيم احمد

المؤتمرات وسكر القصر - صلاح ابراهيم احمد


12-09-2006, 11:21 AM


  » http://sudaneseonline.com/cgi-bin/sdb/2bb.cgi?seq=msg&board=60&msg=1165659683&rn=0


Post: #1
Title: المؤتمرات وسكر القصر - صلاح ابراهيم احمد
Author: abubakr
Date: 12-09-2006, 11:21 AM

المؤتمرات وسكر القصر


درجنا علي اقامه المؤتمرات التي تكلفنا كثيرا دون مردود للشعب السوداني فلقد دعونا الاعراب والافارقه ودول الكاريبي والباسيفيكي – في حين تهرب الدول العاقله من عقد مثل هذه المؤتمرات كما هربت السعوديه وكذلك جنوب افريقيا – وتعمل لاستضافه الدورات الكرويه والاولمبيه لانها ذات عائد مادي وسياسي مفيد لبلادهم .
وكنت في حيره من أمري من اين تأتي رئاسه الجمهوريه بكل هذه الاموال لتهدرها علي المؤتمرات – الي أن عرفت بانني أمول زائرا عربيا أو أفريقيا أو حتي باسيفيكي كلما تناولت كوبا من الشاي – فهناك رسم يسمي رسم رئاسه الجمهوريه قدره عشره الف جنيه عن كل طن سكر اي ما يفوق سبعه مليارات من الجنيهات السودانيه اذ اننا ننتج ما يفوق السبعمائه الف طن من السكر سنويا .
ولا نكتفي بعقد المؤتمرات التي تكلف الاموال وتعطل العمل والمواصلات في العاصمه وانما نصدق نتائجها – اذ اصبحنا رؤساء لدوره الجامعه العربيه فارسلنا طبيب الاسنان مصطفي عثمان (واصر علي ذكر مهنته لأن بعض الصحف تدعوه بالدكتور وفي هذا خلط بين حامل اللقب الاكاديمي واللقب المهني طبيب ومصطفي عثمان طبيب ) ارسلنا الطبيب لرأب الصداع اللبناني والكل يعرف أن الثالوث المؤثر شيعه – سنه و مارونيون لن يستمعوا لطبيبنا الا من باب المجامله – فالشيعه تساندهم ايران وسوريا ويرسلون لهم الاف الصواريخ واطنان الاسلحه مصدر قوتهم – وأرسلت ايران مئات الملايين من الدولارات مكنت حزب الله من صرف خمسه الف دولار لكل من هدم منزله مساعده لحين بدايه الاعمار من جديد – واما المارونيين فتحت رعايه فرنسا التي ساهمت بالالاف من جنودها عن طريق اليونفيل وتستغل موقعها في مجلس الامن والاتحاد الاروبي لمساعدتهم – اما السنه فالسعوديه هي صاحبه القدح المعلي في اتفاق الطائف وهي التي ارسلت مليار دولار كوديعه في البنك المركزي اللبناني حتي لاتنهار الليره – وارسلت نصف مليار دولار كمساهمه في اعمار لبنان .
فماذا يحمل الطبيب غير بدل سفريته المقتطع من رسوم سكرنا .
قديما قيل رحم الله امرئ عرف قدر نفسه – اننا لم نستطيع أن نرأب الصدع في دارفور وفشلنا في تفعيل اتفاقيه نيفاشا – ونشاهد بأعيننا يوميا انهيارها – فكيف بالله نسعي لرأب صدع في دوله لاتعترف باننا عرب من اصله وعارضت دخولنا الجامعه العربيه- ووصف مغنيها راغب علامه نساءنا بانهن اقبح نساء الارض .
تفرغوا لرأب الصدع بين الشعبي والوطني فان نجحتم في هذا فيمكنكم أن تحاولوا رأب الصدع اللبناني .
صلاح ابراهيم احمد
09.12.2006


Post: #2
Title: Re: المؤتمرات وسكر القصر - صلاح ابراهيم احمد
Author: Mannan
Date: 12-09-2006, 02:11 PM
Parent: #1

يا سلام يا صلاح يا رائع.. لا فض فوك
انه السودان..بلد:
الغلـ.. وتطهر
والجمل ما شايف عوجة رقبتو
والدوم يرمى ضلو بعيد
وخربانة من كبارا
وقريعتى راحت
كان دار ابوك خربت شيل لك منها شيلة
حاميها حراميها
ناس وهم.. يابا شمهندس يا قريبى

نورالدين منان

Post: #3
Title: Re: المؤتمرات وسكر القصر - صلاح ابراهيم احمد
Author: abdalla elshaikh
Date: 12-09-2006, 03:36 PM
Parent: #2

والجمل ما بشوف عوجة رقبتو

Post: #4
Title: Re: المؤتمرات وسكر القصر - صلاح ابراهيم احمد
Author: رامي يوسف الصديق
Date: 12-09-2006, 03:55 PM
Parent: #3

كلام عقل...............

Post: #5
Title: Re: المؤتمرات وسكر القصر - صلاح ابراهيم احمد
Author: Adel Sameer Tawfiq
Date: 12-09-2006, 04:06 PM
Parent: #1

Quote: يا سلام يا صلاح يا رائع.. لا فض فوك

Post: #6
Title: Re: المؤتمرات وسكر القصر - صلاح ابراهيم احمد
Author: Mannan
Date: 12-09-2006, 11:40 PM
Parent: #1

Quote: والجمل ما بشوف عوجة رقبتو

يبدو انى ترجمتها بالحلفاوى يا عبدالله الشيخ.. (ما شايف) عندنا معناها برضو(ما بشوف) نحن العربى اتعلمناه فى الخرتوم!!!


منان

Post: #7
Title: Re: المؤتمرات وسكر القصر - صلاح ابراهيم احمد
Author: Mannan
Date: 12-09-2006, 11:40 PM
Parent: #1

Quote: والجمل ما بشوف عوجة رقبتو

يبدو انى ترجمتها بالحلفاوى يا عبدالله الشيخ.. (ما شايف) عندنا معناها برضو(ما بشوف) نحن العربى اتعلمناه فى الخرتوم!!!


منان

Post: #8
Title: Re: المؤتمرات وسكر القصر - صلاح ابراهيم احمد
Author: abubakr
Date: 12-10-2006, 01:26 AM
Parent: #1

مولانا الحلبي عادل .. ات "لافض فوك " دي يعني بشان انا وقريبي منان بس البنعرفا زعلان ... ات حسه بتقدر تعربها والا شلاقة ساي مقتبسها من كلام قريبي منان ...
ات ما بتعرف عربي ؟؟

Post: #9
Title: Re: المؤتمرات وسكر القصر - صلاح ابراهيم احمد
Author: احمد حماد ادريس
Date: 12-10-2006, 04:03 AM
Parent: #8

يا ابوبكر فى حد بيعرف احسن من الحكومة الفريق بكرى حسن صالح قال السودان بيربح من اربعين الى ستين مليون دولار من هذه الغمة وليست القمة..اخى ابوبكر الموضوع كلو موضوع اسقاطات وعقد والجماعة عاوزين اعوضو خسارة فقدان رئاسة الاتحاد الافريقى ..هذا زمانك يا مهازل فامرحى فى مهزلة اكثر من مؤتمر الاستثمارى العربى الاخير..وسفاهة الشيخ لاحلم بعده وان الفتى بعد السفاهة يحلم..الله يكون فى عون الشعب السودانى..

Post: #10
Title: Re: المؤتمرات وسكر القصر - صلاح ابراهيم احمد
Author: Adel Sameer Tawfiq
Date: 12-10-2006, 04:08 AM
Parent: #8

Quote: ات ما بتعرف عربي ؟؟

ياســــــــلام ياأبوبكر ذكرتني حصة اللغة العربية..
الأسماء الخمسة:
أبوك و أخوك و فوك و حموك و ذومال..
طبعآ هم في الحقيقة ستة أسماء لكن العرب ماكانت بتحب تذكر السادس دا !!
أتحداك ياحلفاوي تعرف السادس دا شنو ؟؟!!
أسهل ليك..
حاجة كدة زي "البيرة أم ناقة" حقت هشام هباني !!
عرفت ؟؟!!
(((هنو))) !!
تقول لي ما بتعرف عربي ؟؟!!

Post: #11
Title: Re: المؤتمرات وسكر القصر - صلاح ابراهيم احمد
Author: الطيب شيقوق
Date: 12-10-2006, 05:12 AM
Parent: #10

Quote: مولانا الحلبي عادل .. ات "لافض فوك " دي يعني بشان انا وقريبي منان بس البنعرفا زعلان ... ات حسه بتقدر تعربها والا شلاقة ساي مقتبسها من كلام قريبي منان ...
ات ما بتعرف عربي ؟؟


لابد ان يخصص منبر عام للناطقين بغيرها

Post: #12
Title: Re: المؤتمرات وسكر القصر - صلاح ابراهيم احمد
Author: abubakr
Date: 12-10-2006, 12:06 PM
Parent: #1

Quote: أبوك و أخوك و فوك و حموك و ذومال..


وستر الحال...

Quote: الغمة وليست القمة


ياخي ات ما عارف انو في غمة وبشان كدة بيلبس نطارة سودا بالليل ..الله يغمو ..

Post: #13
Title: Re: المؤتمرات وسكر القصر - صلاح ابراهيم احمد
Author: الطيب شيقوق
Date: 12-10-2006, 12:08 PM
Parent: #12

Quote: الله يغمو ..


يا زول اتراجع وقول استغفر الله

Post: #14
Title: Re: المؤتمرات وسكر القصر - صلاح ابراهيم احمد
Author: abubakr
Date: 12-10-2006, 12:52 PM
Parent: #1

Quote: يا زول اتراجع وقول استغفر الله


خايف لانك مسافر ؟؟؟