Post: #1
Title: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: على محمد على بشير
Date: 12-04-2006, 11:22 AM
البلدوزر: اللعب للمريخ حلم كل لاعبي الهلال
تعهد نجم الهلال السابق علاء الدين بابكر التعاقد مع المريخ خلال فترة التسيجلات الرئيسية التي تبدأ منتصف الشهر الجارى ووقع اللاعب اقرارا بهذا الخصوص امام لجنة محاربة الظواهر السالبة بالاتحاد السوداني لكرة القدم.
وفي تصريحات ادلى بها لصحيفة (المريخ) ابدى البلدوزر سعادته بهذه الخطوة وقال ان اللعب للمريخ هو حلم حياته وكشف البلدوزر عن معلومات مهمة واكد ان ارتداء الفانلة الحمراء هو
حلم كل لاعبي الهلال.
|
Post: #2
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: على محمد على بشير
Date: 12-04-2006, 11:24 AM
Parent: #1
إعارة إيفوسا للفريق الجزائري مقابل شراء كرت سليمان كيتا
أسفرت المفاوضات الجادة التي قام بها نادي وفاق سطيف مع مجلس إدارة المريخ للإستفادة من خدمات النيجيري إيفوسا عن موافقة المريخ علي إعارته لفريق وفاق سطيف لمدة عام علي أن يقوم النادي الجزائري ببيع البطاقة الدولية للاعبه المالي سليمان كيتا.. وبالفعل فقد وافقت إدارة سطيف علي شرط المريخ.. علي أن يتم إعارة إيفوسا عقب لقاء المريخ والهلال في نهائي كأس السودان في الرابع عشر من الشهر الجاري.. وكانت المفاوضات بين الناديين قد بدأت منذ لقاء الذهاب بين الفريقين في دوري ابطال العرب..
|
Post: #3
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: على محمد على بشير
Date: 12-04-2006, 11:26 AM
Parent: #2
توأمة بين المريخ وروما الايطالي
التقى المستر ريكاردو راسى مندوب نادى روما الايطالي بالمهندس عبد القادر همد مساعد رئيس مجلس ادارة نادي المريخ ومسؤول المنشآت وتباحثا حول عقد توأمة بين المريخ ونادي روما الايطالي في اطار تبادل المنافع الرياضية والثقافية بين شعوب العالم.من جهة اخرى وعد المهندس عبد القادر همد جماهير المريخ بتوضيح اكثر في الايام القادمة من خلال حوار يكشف ادق التفاصيل عن هذه الخطوة التي تؤكد تميز المريخ وعالمية طموحاته.
|
Post: #4
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: هجو الأقرع
Date: 12-04-2006, 12:59 PM
Parent: #3
اخى على ، سلام واحترام ، يا اخى شوية شوية على الجماعة، الضربات المتوالية تكهرب حبه حبه، هذه الايام ابنى محمد يرتب فى موقع ومنديات جماهير المريخ ، حيث يقوم بالتعديل وقفل الثغرات .
|
Post: #5
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: عادل محمد الصافي
Date: 12-04-2006, 06:08 PM
Parent: #4
عيلكم الله فكونا ،، هى وينا الكورة دى ... بلا هيثم طمبل ... بلا هلال بلا مريخ ..دا ضياع زمن وين كورتنا ووسط عالمنا العربى والأفريق ... وموقعنا وين ؟؟؟؟
خالد البدرى
|
Post: #6
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: محمد عادل
Date: 12-04-2006, 06:22 PM
Parent: #5
مبروك عليكم
اصلا فضلاتنا ماتنفع معاكم
قبل كدة سجلتو سانتو الصغير عمل ليكم شنو ولا حاجة لكن ياحبيب ماتنسى
قبل كدة سجلنا
باكمبا وسكسك وادورد وحمودة
اه تانى عندكم منو
وديل نفعو معانا
لكن لعيبتنا مابنفعو عندكم
|
Post: #10
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: على محمد على بشير
Date: 12-05-2006, 03:47 AM
Parent: #6
الابن محمد عادل
كدى روق المنقه .. وخليهم يلعبوا وبعدين نحكم عليهم ... كويس 
|
Post: #9
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: على محمد على بشير
Date: 12-05-2006, 03:45 AM
Parent: #5
Quote: عيلكم الله فكونا ،، هى وينا الكورة دى ... بلا هيثم طمبل ... بلا هلال بلا مريخ ..دا ضياع زمن وين كورتنا ووسط عالمنا العربى والأفريق ... وموقعنا وين ؟؟؟؟
|
رشاشه فى ثوب واعظ
عموما شكرا على المرور يا خالد يا بدرى
بامناسبه يا خالد
عادل محمد الصافى دا منو ؟
|
Post: #8
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: على محمد على بشير
Date: 12-05-2006, 03:29 AM
Parent: #4
| Quote: اخى على ، سلام واحترام ، يا اخى شوية شوية على الجماعة، الضربات المتوالية تكهرب حبه حبه، هذه الايام ابنى محمد يرتب فى موقع ومنديات جماهير المريخ ، حيث يقوم بالتعديل وقفل الثغرات . |
اخى هجو الاقرع
تحياتى لك يا زول ياجميل
وعبرك تحياتى للابن محمد
وبلغه بدعواتى له فى هذه المهمه الجميله وجزاه الله خيرا
|
Post: #7
Title: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال
Author: الفاتح خليل الفكي
Date: 12-05-2006, 03:09 AM
Parent: #1
الأخ / على
سلام واحترام ،،،،
مبروك عليكم التسجيلات انشاء الله السنه الجاية تجيبوا الكاس
وبعدين البلدوزر ده اعملوا ليهو سفينة أو قطار للسفر لانه بخاف من ركوب الطيارة
يعني بالعربي ده تكونوا مسجلنوا عشان يغلب ليكم الهلال لكن دي ما بيقدر عليها.
والهلال مدرسة والهلال هو الزعيم
تقبل يحياتي ،،،،
أبو كريم
|
Post: #11
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال
Author: سيد محمد احمد سيدنا
Date: 12-05-2006, 03:49 AM
Parent: #7
الاخ على محمد على البشير
بكل حياديه ولمصلحة الكره السودانيه اقول لك ان التسجيلات
كلها ظلم فى حق الكوره فى السودان ولو عدت للتاريخ الناصع
الكروى فى السودان وحتى عهد قريب كان الاعبين هم من يدفعون
وكانت المستويات كبيره وما كأس افريقيا ببعيد ولكن بعد ان
اصبح العمل فى مجالس الادارات يضخ الملايين للسماسره والوجاهات
للاغنياء ضاعت اللعبة بفعل فاعل كما ان عقلية الاعب الان الفلوس
فقط حتى فى الخساره ولا يهتم باللياقه او التطوير المهارى
وتسجيله فى فريق اصبح يعنى مركز مرموق ( فارغ ) فقط 0
اما التحول من فريق الى اخر لم ينجح مع لاعبين مهارين كبار
واسئلك اين عبده الشيخ وامثاله فى زمنهم بعد التحول والاجدى
للاعب الذى يثق فى قدراته ان لا ينتقل الى فريق منافس فى نفس
المنطقه واستشهد بذلك بلاعبى مدينة ودمدنى ، لازالت اسمائهم تملأ
الاذان رغم تركهم الكوره من زمان وبعض الاعبين الذين لعبوا فى
بورسودان وجدوا حوافز اكثر وطوروا مهاراتهم واصبحوا بعبع لفرقهم
السابقه فى الخرطوم وطوروا الكره الاقليميه0
تحياتـــــــــــــى
ســـــــــــــــيـد
|
Post: #12
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال
Author: على محمد على بشير
Date: 12-05-2006, 04:09 AM
Parent: #7
Quote: الأخ / على
سلام واحترام ،،،،
|
ولك بمثل ما قلت ... اخى الفاتح خليل
Quote: مبروك عليكم التسجيلات انشاء الله السنه الجاية تجيبوا الكاس
|
لم افهم اخى الفاتح عن اى كأس تتحدث
ان كنت تقصد كأس الممتاز المحلى
فقد احرزه المريخ ثلاثه مرات متتاليه كأول انجاز .. ثم عادله الهلال واضاف
عليه السنه الرابعه .. يعنى الانجاز كسبق كان مسجل باسم المريخ ثم الهلال
من بعده
وان كنت تقصد كأس خارجى .. فالمريخ هو الفريق السودانى الوحيد الذى فاز
بكأس خارجى .. بل عدة كاسات خارجيه .. بينما كل الانديه السودانيه فيما
عدا المريخ فى رصيدها صفر كبير .. وخيبه كبيره جدا
فاوضح لنا دام فضلك .... عن اى كأس تتحدث ؟؟؟؟
|
Post: #13
Title: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال
Author: الفاتح خليل الفكي
Date: 12-05-2006, 04:42 AM
Parent: #1
الأخ / علي
تحياتي ،،،،
اتحدث عن الكاس الغائب عنكم اربعه سنوات وما قادرين عليه
كون الهلال اضاف السنة الرابعة فهذا هو الانجاز الحقيقي
وانشاء الله المره الخامسة في الطريق ونشوفكم حا تعملوا شنو
وخلي رئيسكم الوالي الغالي يجهز الاستقالة من الان
تقبل تحياتي ،،،،
أبو كريم
|
Post: #14
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال
Author: على محمد على بشير
Date: 12-05-2006, 04:51 AM
Parent: #13
Quote: الأخ / علي
تحياتي ،،،،
اتحدث عن الكاس الغائب عنكم اربعه سنوات وما قادرين عليه
كون الهلال اضاف السنة الرابعة فهذا هو الانجاز الحقيقي
وانشاء الله المره الخامسة في الطريق ونشوفكم حا تعملوا شنو
وخلي رئيسكم الوالي الغالي يجهز الاستقالة من الان
تقبل تحياتي ،،،،
أبو كريم |
اول حاجه احب انبهك ليها اخى الفاتح
هى انو لمن تجى تكتب ابوكريم ماتكتبا حاف كدا .. اكتبا ابو كريم الاحمر
لانو يا عزيزى نحنا بنعرف ناسنا من هم صغار .. وكريم ( ربنا يطول فى عمره )
يبين عليه انتماءه للاحمر الوهاج منز الان ... وكدى اصبر شويه وشوف كلامى دا
يعنى انشاء الله سنغزوك فى عقر دارك .... شفت كيف
وساؤجل الرد على كلامك اعلاه للسنه الجايه انشاء الله وسيرد عليك ولدنا كريم .
|
Post: #15
Title: Re: الحق ... ثانى لاعب هلالى يوقع للمريخ ويقول .. اللعب للمريخ حلم كل لاعبي الهلال !!!
Author: الطيب اسماعيل
Date: 12-05-2006, 05:08 AM
Parent: #1
f
الأخ على
و هو الشاهد بأن جمال الوالى رئيس المريخ و فى كل مرة يخسر فيها بطولة ، يحاول أن يشغل بال أهل الفسيخ بخبطات تسجيلية هى فشنك و لن تقدم المفيد و لن تمنح التفوق للفسيخ و الأمثلة كثيرة لا تحتاج منا إلى كثير عناء فى الغوص و البحث فيها ،،،،
هيثم طمبل نجم كبير فى الهلال نعم ،، لأن بالهلال صانع لعب ماهر بحجم الكبار إسمو سيدا و منجضة وفى الهلال جماعية تدخل السعادة فى النفوس ،،، هيثم طمبل نجم كبير فى الهلال لأن الهلال مجتمع عظيم و علاقات لاعبيه ممييزة تنعكس داخل الملعب ،،،
و بالتأكيد الأنتقال من المجتمع المثالى إلى المجتمع الرأسمالى كثير الحسد و المشاكل لن يمنح إلا مزيد من المعارك و سترى مقبل الأيام ماذا تخفى لكم ،،،
علاء الدين بابكر هو لاعب مشطوب من الهلال بسوء السلوك ،، و هل تعلم ماذا يعنى الشطب لسوء السلوك ،، و صدقنى تسجيل علاء اللدين بابكر للمريخ هو أكبر فضيحة لمجلس الوالى ،،
يعنى مسألة الصفعة الثانية للهلال دى أمسحها ،،
الهلال هو من يصفع ،، الهلال سجل حمودة عنوة من المريخ و سجل باكمبا و إدوارد عنوة كذلك و أهل الفسيخ يتفرجون ،،،
علاء الدين بابكر مشطوب لسوء السلوك و هيثم طمبل محترف فى أورلاندو أراد الهلال أن يمنحه مجدا و لكن أبا ذلك المجد و أصر أن يرتد إلى الثرى و مجاهد مشطوب لسوء المستوى و رداءة العطاء ،،،
|
|