Post: #1
Title: ياشعبي النظيف ... إليك عود الأراك المخضر فاحضنه ...
Author: ودقاسم
Date: 12-02-2006, 06:07 AM
Parent: #0
خمسة أشهر قضيتها في السودان يعد عودتي من غربة طويلة ... اعتدت أن أكون بين الناس في المواصلات العامة .. في أعماق السوق العربي .. والشعبي .. وليبيا .. جالست الناس في مقاهي الانترنت .. وتسامرت مع العمال الذين وقفوا معي وأنا أكمل بناء بيتي ... أناس بألوان شتى .. وأعراق متباينة .. وأديان مختلفة ... كلهم سودانيون ... أحببت هؤلاء الناس ... كانوا لطفاء ظرفاء ومرنين ... لابد أن بينهم من لا ترتاح إليه النفس ، لكن غالبيتهم - وهذا هو الأهم - أناس طيبون ، يعطونك حقك قبل أن يأخذوا منك حقهم ...
والأهم من هذا كله أن هؤلاء الناس نظيفين للغاية ... أقصد النظافة البدنية ... لا تفوح من أفواههم ولا من أجسادهم روائح كريهة ... بكل طبقاتهم هم نظيفون للغاية ...
في سنوات الغربة شكوت لكثير من الأصدقاء ما ألاقيه من أذى عند مجالستي بعض من مواطني الدول الأخرى ... أيضا لا أقول كلهم ، ولكن غالبيتهم تفوح من أفولاههم روائح كريهة ... ويمكنك أن تكتشف بسهولة أن أحدهم لم يغسل جسده لأكثر من أسبوع ...
شعب السودان شعب نظيف يحرص يوميا على استخدام فرشاة الأسنان ... ويحرص على الاستحمام ، ويلبس ملابس نظيفة ما وجد إلى ذلك سبيلا ...
وهناك مظاهر ومؤشرات على عدم النظافة ، لكن شعب السودان نظيف ، ويميل إلى أن يكون نظيفا حتى ولو أن المخليات والجهات الرسمية تساهلت في أمر النظافة ...
كم أنت كريم ولطيف يا هذا الشعب ... عليك أن تتمسك بالفرشاة ،، وعادة الاستحمام اليومي ... وأن لا تقبل أبدا بأقل من ذلك مهما فرضوا عليك من فقر وضيق ذات اليد ...
|
Post: #2
Title: Re: ياشعبي النظيف ... إليك عود الأراك المخضر فاحضنه ...
Author: محمد عبدالقادر سبيل
Date: 12-03-2006, 03:05 AM
Parent: #1
ود قاسم؟؟
معقولة؟
ياخي حبابك
حبابك ألف يا زول
والسلام التحية لأصحاب الرائحة الزكية
ياريت يا الحبيب تحدثنا برضو عن منسوب الايمان الذي يصدقه العمل في حياة الناس اليومية كيف بالله؟
هل الاعمال الصالحات هي الغالبة : من صلاة على وقتها ، وصدق ، وعفة يد ، وتعاون على البر والتقوى، وكثرة ذكر الله ، وترك ما حرم ذو العرش المجيد من فوق سبع شداد؟
اخي لا تنس تعظيم الله في قلوب كل من حللت بينهم
لأنني اظن ان حجم الغفلة وحجم الغافلين ارباب الشياطين قد كثروا في الوطن ، وهؤلاء لا ينفعهم السواك شيئا، لأن قلوبهم ميتة وتفوح منها روائح كريهة في صورة منكرات ومعاصي.
فما رأيكم دام فضلكم؟
وبعدين مشتاقين
________________
رب اشرح لي صدري
|
Post: #3
Title: Re: ياشعبي النظيف ... إليك عود الأراك المخضر فاحضنه ...
Author: أبو الحسين
Date: 12-03-2006, 04:01 AM
Parent: #1
كتب أُستاذ/ ود قاسم...
الحبيِّب صديقي ود قاسم...
يااااااااااحظك وبختك بين أهلك وأحبابك في السودان...
عجبتني عبارة كلللللهم سودانيين دي...
واااااااااشوقك لي ناس (صديق)... لكن ما قالو مَلْو البلَد!!! الكلام دا صحيح؟؟؟
كميات مودتي...
وأها ما كلمتنا عن أخبار السيخ والأسمنت والبناء... شايفك إكتفيت علي طيبة الناس وحنيتهم...
أبو الحســــــــــــين...
|
Post: #4
Title: Re: ياشعبي النظيف ... إليك عود الأراك المخضر فاحضنه ...
Author: محمد فرح
Date: 12-03-2006, 04:01 AM
Parent: #1
العزيز ود قاسم حقيقه السودانيين مافي زيهم في جميع شعوب الأرض بالنسبه لنظافة الروح والجسد ...
على الطلاق في ناس بره الغريبه تشوف الواحد شكله نضيف لكن ريحته ترمي الصقر....
معاك سلامه
|
Post: #5
Title: Re: ياشعبي النظيف ... إليك عود الأراك المخضر فاحضنه ...
Author: خالدة البدوي
Date: 12-03-2006, 05:11 AM
Parent: #1
صديقنا واخونا ود قاسم
ما قلنا كدة بس البسمع منو
يعني شعب ذي دهـ يستاهل يكون فوق
اوافقك في موضوع الريحه دي ودهـ بشهادة
جنسيات اخرى ،،
عندي صاحبتي سورية دي تقولي أنا بدعك عديل في
السودانيات عشان ريحتن تصور ومعترفة ان جنسهم ريحتهم
لا تطاق ،،،
وكمان أنا عن تجربة في العمل وسط مختلف الجنسيات
يا ما بشم تلقى البرفوم في جهة والريحة الثانية في جهة ،،
وحسام بقول عاوز يزوج لبنانية ،،،
وهو اكثر زول بحب الريحه السودانية لمن قلت ليه دهـ عاد كيفين
قال حا يخليها تعمل العادات السودانية ،،،
ما عاوز يقتنع أنه مابنفع وبعدين مخير نصحناه قايتو ،،،
أما رائحة الفم دي الناس هنا مع التعب الكثير والدوامات الطويلة
وقرف الغربة ما عنهم خلق عشان يتنظفوا الله يعينهم ،،،
وناس السودان فاكرين الناس هنا مرتاحه ،،
ناس السودان نفسهم فاتحه لأي حاجة ،،
دمت ود قاسم كل التحايا ،،،
|
Post: #6
Title: Re: ياشعبي النظيف ... إليك عود الأراك المخضر فاحضنه ...
Author: حمزاوي
Date: 12-03-2006, 05:47 AM
Parent: #1
اخي ودقاسم
مسكاقمي
| Quote: أناس بألوان شتى .. وأعراق متباينة .. وأديان مختلفة ... كلهم سودانيون ... أحببت هؤلاء الناس . |
ونحن حبناك من قلوبنا
وبعدك الدار خلا
محل ما تمشي منور
مشتاقين
|
Post: #7
Title: Re: ياشعبي النظيف ... إليك عود الأراك المخضر فاحضنه ...
Author: rummana
Date: 12-03-2006, 06:05 AM
Parent: #6
الكريم ود القاسم
تحياتي
وما يهمنا من الغير؟
المهم نحن
نظيفين وحلوين
|
Post: #8
Title: Re: ياشعبي النظيف ... إليك عود الأراك المخضر فاحضنه ...
Author: معتصم دفع الله
Date: 12-03-2006, 11:14 AM
Parent: #1
والله ليك وحشة شديدة يا خال ..
تعرف يا خال لسه في ناس بي خيره رغم الظروف التي يمرون بها ..
نسأل الله يزيل الغم ويبعد الهموم عن أهلنا البسطاء الطيبون ..
لك وللأسرة السلام وكل التقدير ..
|
Post: #9
Title: Re: ياشعبي النظيف ... إليك عود الأراك المخضر فاحضنه ...
Author: يوسف السماني يوسف
Date: 12-03-2006, 03:12 PM
Parent: #1
الخالةالصديق
ود قاسم
مـشتاقـــــــــــــــــــــــــــــــــــــــــيــــــــــــن .
| Quote: كم أنت كريم ولطيف يا هذا الشعب ... عليك أن تتمسك بالفرشاة ،، وعادة الاستحمام اليومي |
الخال هذا الشعب نظيف القيم وحي الضمير ولذلك نظافتة في التمسك بمبادئة .
ود قاسم بالله طل كثير لانك بتجمع الحبابيب دوما .
تحياتي
للاسرة
|
Post: #10
Title: Re: ياشعبي النظيف ... إليك عود الأراك المخضر فاحضنه ...
Author: خالد العبيد
Date: 12-03-2006, 04:05 PM
Parent: #1
العزيز ودقاسم
تحياتي
مرحب بي عودتك
انا سعيد بذلك
|
|