Post: #1
Title: أنا والإنقاذ ..وجهان لعملة واحدة !!!!
Author: معاذ حسن
Date: 11-30-2006, 06:18 AM
Parent: #0
دائما ما أزعم إنني من اكبر معارضي نظام الإنقاذ ودائما ما اصب جام غضبي على من قاد الإنقاذ ومن فرخ الإنقاذ وألعن سنسفيل أبو اليوم الذي ظهرت فيه إلى الوجود.
إلا إنني مؤخرا استيقظت على حقيقة مرة وهي انه لا فرق بيني وبين الإنقاذ بل اكتشفت إنني العن من الإنقاذ والأمر كذلك فحري بي أن أعارض نفسي أولا.
ظللت على مدى سنوات أحمل الإنقاذ وحدها وزر الفشل والإخفاقات والانكسارات التي صاحبي مسيرتي في هذه الحياة فمثلا كنت اعتبر إن مجذوب الخليفة هو المسئول الأول والأخير عن ضياع العصفورة وفشل أحلى وأجمل علاقة عاطفية في حياتي!! , وعندما أصبت بالملاريا في إحدى السنوات كنت من بين سكرات الحمى أسوق لعناتي إلى الطيب سيخة أكثر من أثني الانوفليس!!!وعندما نصب على احدهم في مبلغ مالي لم احقد عليه بقدر ما حقدت على يوسف الحرامي.
صحيح إن الإنقاذ كانت احد أكبر معوقات مسيرة حياتي إلا إنني كنت دائما أتجاهل بقية العوامل الأخرى وعلى رأسها (العولمة) يليها الأسباب العائدة لي شخصيا واستسلم لإحساس إنني ضحية لنظام ظالم فأركن إلى ذلك الإحساس المريح.
أما أوجه الشبه التي اكتشفتها بيننا فهي تجل عن الحصر:
فكما فشلت الإنقاذ في الإستراتيجية القومية كذلك فشلت في استراتيجي القومية الشاملة للخمسة سنوات الماضية فقد انقت السنوات وأنا لا أزال تحت خط الفقر.. والمذهل أنني بدأت مؤخرا في وضع إستراتيجية ربع قرنية!!.
وكما إن الإنقاذ ظالمة أنانية كذلك أنا ظالم لنفسي بهذه الغربة اللعينة التي وظالم لخطيبتي المسكينة بالنبش في حياتي البائسة في المنتديات العامة!!
وكما فرطت الإنقاذ في البلد فقد فرطت أنا في مكتسباتي ولم يبق لي من الثوابت إلا معارضة الإنقاذ وقضيت على نسيجي الاجتماعي حتى لم يبق لي صديق أو عزيز.
وكما إن الإنقاذ إعتادت الكذب كذلك أنا اكذب في اليوم مائة كذبة, فقد كذبت على بكري أبو بكر في المعلومات التي قدمتها للحصول على العضوية وكذبت على مدير الشركة التي اعمل فيها عندما تقدمت للعمل باختصار فان حياتي البائسة كلها لا تعدو أن تكون سلسلة طويلة من الأكاذيب.
وكما يمر السودان كله منذ مجيء الإنقاذ بمنعطف تاريخي كذلك أنا منذ وعيت للدنيا وأنا أمر بلحظة مفصلية ومنعطف تاريخي لم يبد له آخر وأتمني قبل نهايته أن يدهسني لوي طوب فيقضي عليّ.
وكما تطاول عمر الإنقاذ بدون أي مبرر منطقي كذلك تطاول بقائي في هذه الدنيا فقد عشت السنوات الخمس الأخيرة بدون أي داعي.
ألا تباً لي ..وتباً للإنقاذ ..واللعنة علينا معا..ولنذهب غير مأسوف علينا إلى مزبلة التاريخ *
* مزبلة التاريخ : هي جردل الزبالة العندنا في البيت.
|
Post: #2
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 11-30-2006, 10:27 AM
Parent: #1
يا اخي اي كلام مقبول!!
ما تخلوني أحس اني مجنون.
|
Post: #3
Title: Re: أنا والإنقاذ ..وجهان لعملة واحدة !!!!
Author: lana mahdi
Date: 11-30-2006, 11:09 AM
Parent: #1
يا معاذ أخوي ممكن مشكلتك أنك عاقل جداً؟؟
بالمناسبة البوست دة يغني عن عشرات المقالات السياسية الثرثارة!
ولي قدام
لنا
|
Post: #4
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 11-30-2006, 12:44 PM
Parent: #3
الاستاذة لنا مهدي
تحياتي
مادام انتي قلتي عاقل يبقى عاقل ونص كمان.
سلامي وودي.
|
Post: #5
Title: Re: أنا والإنقاذ ..وجهان لعملة واحدة !!!!
Author: Sabah Hussein
Date: 11-30-2006, 01:13 PM
Parent: #1
يا معاذ عليك الله ماتشبه نفسك بالانقاذيين الحراميه القتله عدمى الضمـير
والاحساس ديل. انت محبط ذى اى انسان شريف وانا محبطه جـدا جـدا لكن ابدا
لوختو لى السكين فى رقبتـى مابقول انا بشبه الكيزان. ولو فى زول
شبهنى بالكيزان تكون اسأه مابعدها.
|
Post: #6
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 11-30-2006, 02:20 PM
Parent: #5
Quote: يا معاذ عليك الله ماتشبه نفسك بالانقاذيين الحراميه القتله عدمى الضمـير
والاحساس ديل. انت محبط ذى اى انسان شريف وانا محبطه جـدا جـدا لكن ابدا
لوختو لى السكين فى رقبتـى مابقول انا بشبه الكيزان. ولو فى زول
شبهنى بالكيزان تكون اسأه مابعدها.
|
هههههههههههه
الاستاذة المحترمة صباح
مساء الخير.
بيني وبينك الشبه حاصل.
اعمل شنو!!
|
Post: #7
Title: Re: أنا والإنقاذ ..وجهان لعملة واحدة !!!!
Author: الشفيع عوض شوشتا
Date: 11-30-2006, 02:48 PM
Parent: #6
| Quote: , فقد كذبت على بكري أبو بكر في المعلومات التي قدمتها للحصول على العضوية |
لوووووووووول
معاذ حسن
اسلوب جميل وذي ما قالت لنامهدي يغني عن عشرات المقالات السياسية الثرثارة
تحياتي عميقا
|
Post: #11
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 02:35 AM
Parent: #7
شوشتا
صديقي العزيز
لو كلمتك عن براجماتيتي وانتهازيتي تقول شنو!!
|
Post: #8
Title: Re: أنا والإنقاذ ..وجهان لعملة واحدة !!!!
Author: Sabah Hussein
Date: 11-30-2006, 02:59 PM
Parent: #1
يامعاذ الصوره القدامى دى مابتشبه الكيزان.
بتشبه لى اخ بنفس الاسم معاذ قابلته فى القاهره فى التسعينات,
ياترى هـو نفس الشخص ام تشابه فقط فى الاسم والصوره.
|
Post: #12
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 03:34 AM
Parent: #8
Quote: بتشبه لى اخ بنفس الاسم معاذ قابلته فى القاهره فى التسعينات,
ياترى هـو نفس الشخص ام تشابه فقط فى الاسم والصوره |
يمكن دا أنا التاني!!
مش اليومين دي صباح حسين قاعد تتعرف على صباح حسين التانية!!
للاسف طبعا لست هو وانما تشابه اسم وخلقة.
تحياتي لك يا استاذة.
|
Post: #9
Title: Re: أنا والإنقاذ ..وجهان لعملة واحدة !!!!
Author: النصرى أمين
Date: 11-30-2006, 03:36 PM
Parent: #1
الاخ معاذ
الف مرحب بيك فى البورد...
اعتبرنى واحد من معجبين كتاباتك ...
|
Post: #15
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 05:09 AM
Parent: #9
الاستاذ النصري امين
السلام عليكم
طبعا أنا متابعك من ايام | Quote: الف مرحب بيك فى البورد... |
ما كنت بتكتب النصري امين بالانجليزي.
ودي فرصة احيك شديد وتابعت باعجاب معظم بوستاتك.
لك الشكر والتقدير
|
Post: #10
Title: Re: أنا والإنقاذ ..وجهان لعملة واحدة !!!!
Author: ناذر محمد الخليفة
Date: 11-30-2006, 07:06 PM
Parent: #1
معاذ..
عليك الله شماار كدة بس ..
| Quote: فقد كذبت على بكري أبو بكر في المعلومات التي قدمتها للحصول على العضوية |
قلت ليه شنو !!!
إنك كابتن طيار(بتنافس الطيور في الطيران) ولا شاعر (لا يشق له غبار ولا كتاحة) ولا إنك (صحفي ما بتسرق من المواقع العالمية) ؟!!
|
Post: #13
Title: Re: أنا والإنقاذ ..وجهان لعملة واحدة !!!!
Author: فاروق حامد محمد
Date: 12-02-2006, 03:57 AM
Parent: #10
أنت جميل الدواخل طاهرها يا معاذ
مرحى بك .....
|
Post: #18
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 05:14 AM
Parent: #13
الاستاذ ابو ناصر فاروق حامد ملك السودان
سلام
واشكرك جدا
|
Post: #14
Title: Re: أنا والإنقاذ ..وجهان لعملة واحدة !!!!
Author: abuguta
Date: 12-02-2006, 04:11 AM
Parent: #10
| Quote: والمذهل أنني بدأت مؤخرا في وضع إستراتيجية ربع قرنية!!. |
يازول اختى لى خطط ناس بنك الرياض ديل...
مخلض..احمد الدكتور, الشيخ , مصطفى الصومالى, محمد سرى, سامى,النذير, رضى..متكسى,
اسمع كلامى وانا بقيت زول خبرة فى الحاجات دى...
خلى اول خططك..
وقول بسم الله....عشان تبطل اكل المطاعم..وحلل العذابة...والغسال
جيب المسكينة الشارتها 5 سنوات ...
او استقدام....او زيارة..او عمرة وانا ببهربها لييييييييييك
والا سوف تكون مثل الانقاذ
شكرا على الاريحية
|
Post: #17
Title: Re: أنا والإنقاذ ..وجهان لعملة واحدة !!!!
Author: عبده عبدا لحميد جاد الله
Date: 12-02-2006, 05:14 AM
Parent: #14
Quote: بالمناسبة البوست دة يغني عن عشرات المقالات السياسية الثرثارة!
ولي قدام
لنا |
العزيز معاذ والله قلمك رصين وختري ...
ودي بالإجماع السكوتي على قول ناس الشيخ..
ومتابعين...
|
Post: #24
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 10:19 AM
Parent: #17
الاخ عبده عبدالحميد
سلام واشكرك على المرور يا جميل
|
Post: #19
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 05:34 AM
Parent: #14
Quote: يازول اختى لى خطط ناس بنك الرياض ديل...
مخلض..احمد الدكتور, الشيخ , مصطفى الصومالى, محمد سرى, سامى,النذير, رضى..متكسى |
الصديق ابو قوته
سلام
خليك من ديل كلهم
عندي ليك اسرع خطة للثراء الحرام او المشوه على اقل تقدير.
التفاصيل عند مخلص.
|
Post: #16
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 05:13 AM
Parent: #10
العزيز ناذر
سلام
بماانك صاحبي وبما انك بتاع شمارات حا اوريك الشمار.
ادعيت لبكري انني مستشار قانوني ضليع ولي مؤلف قانوني تحت الطبع
فكتب الرجل في بروفايلي (مستشار قانوني) الا انني قد قمت بتعديل البروفايل بعدان حصلت على Quote: عليك الله شماار كدة بس ..
Quote: فقد كذبت على بكري أبو بكر في المعلومات التي قدمتها للحصول على العضوية
|
العضوية.
طبعا اتخرجت من كلية القانون
لكن لم يستشرني احد ولا انصح اي انسان باستشارتي في اي موضوع.
|
Post: #20
Title: Re: أنا والإنقاذ ..وجهان لعملة واحدة !!!!
Author: Sabah Hussein
Date: 12-02-2006, 05:53 AM
Parent: #1
معاذ تشكر على التوضيح.
وذى مابقولوا يخلق من الشبه اربعين.
معاذ التانى من اولاد الصحافه بس من اى مربع لااذكر.
على مااذكر اسمه معاذ بابكر الخليفه.لم الاحظ انك معاذ حسن.
ابحث عن هذا المعاذ بشـده عليك الله لو لميت فى زول بهذا الاسم كلمنى
وتنال الثواب.
ويظهر كل المعاذات رائعين.
الف مرحب بكتاباتك الشيقه.
|
Post: #25
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 10:23 AM
Parent: #20
الاستاذة صباح .. سلام
يتصادف ايضا انني من اولاد الصحافة(بالتسنين وليس بالميلاد).
انشاء نازل اجازة وربنا يلمني في معاذ ود الخليفة بالمصادفة كدا.
|
Post: #21
Title: Re: أنا والإنقاذ ..وجهان لعملة واحدة !!!!
Author: الفاتح يوسف جبرا
Date: 12-02-2006, 06:08 AM
Parent: #1
عزيزى معاذ
التحايا والود :
أنت تمتلك من اللغة والأفكار والخيال وصنع الأحداث ما يجعلك كاتبا كبيرا ومرموقاً .. لقد إستمتعت حقاً بما سطرته .. لك محبتى
الفاتح جبرا
|
Post: #26
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 10:26 AM
Parent: #21
الاستاذ جبرا شخصيا!!
يا سيدي تسلم ..وتشكر.
ولك عظيم محبتي وهي محبة قديمة بدأت على صفحات السوداني.
|
Post: #22
Title: Re: أنا والإنقاذ ..وجهان لعملة واحدة !!!!
Author: ناذر محمد الخليفة
Date: 12-02-2006, 08:20 AM
Parent: #1
معاذ ..
أبقى عشرة على كلام عمك الفاتح يوسف دا :
Quote: عزيزى معاذ
التحايا والود :
أنت تمتلك من اللغة والأفكار والخيال وصنع الأحداث ما يجعلك كاتبا كبيرا ومرموقاً .. لقد إستمتعت حقاً بما سطرته .. لك محبتى |
تاني بعد دا ما بتجيك عوجة تب .. دي شهادة استاذ في المجال دا ..
|
Post: #27
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 10:31 AM
Parent: #22
العزيز ناذر
سلام
طبعا جبرا استاذ وانت كمان استاذ
الا إن نقبكما قد طلع على شونة.
ولك من الود أصدقه.
|
Post: #28
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 10:31 AM
Parent: #22
Quote: معاذ ..
أبقى عشرة على كلام عمك الفاتح يوسف دا |
العزيز ناذر
سلام
طبعا جبرا استاذ وانت كمان استاذ
الا إن نقبكما قد طلع على شونة.
ولك من الود أصدقه.
|
Post: #23
Title: Re: أنا والإنقاذ ..وجهان لعملة واحدة !!!!
Author: نادر
Date: 12-02-2006, 09:22 AM
Parent: #1
Quote: وأتمني قبل نهايته أن يدهسني لوي طوب فيقضي عليّ.
|
أهم حاجة يكون اللوري قدييييم ووسخاااان والسايقو برضو ووسخاااااااان وخاتي ليهو سفة كبييييرة، عشان الموتة تكون مريحة زي ما قلت ... (بعد الشر عليك يا زول أنا لا أتمنى لك ذلك لكني أمزح بمثل ما كتبت أنت)
كتّاب يا معاذ
بس أوعك تكون (أمنجي) عايز تلبسنا طاقية وتدور بينا، الإنقاذ لا يدانيها في السوء أي سوء مهما عظم، الحاصل ليك لا يعني أن الانقاذ لم تفعل أسوأ ما يمكن أن يحدث لنا، ولا يعني أننا نعلق فشلنا في شماعة الإنقاذ (الآخرين) ...
مرحب بيك في س.أونلاين
|
Post: #29
Title: Re: أنا والإنقاذ ..وجهان لعملة واحدة !!!!
Author: معاذ حسن
Date: 12-02-2006, 10:34 AM
Parent: #23
| Quote: أهم حاجة يكون اللوري قدييييم ووسخاااان والسايقو برضو ووسخاااااااان وخاتي ليهو سفة كبييييرة، عشان الموتة تكون مريحة زي ما قلت |
ههههههههههه
نادر
سلام
يا اخوي والله أنا لا أمنجي ولا طاولجي..
زول زهجان بس.
|
|