أفرض مثلاً يعني إني عايز السودان المصلَح ..

السودان القديم كان فيهو حاجات حلوة حلا ..
والسودان الهسع دا برضو فيهو حاجات حلوة حلا ..
السودان الجديد دا لسع ما شفنا فيهو أي حاجة حلوة حلا ..
عشان كدا يا جماعة الناس ما تجازف ساكت ..
تقعدوا تسمعوا لي الجديد شديد ..
علينا جاي ..
و تصدقوا ..
بعدين نبقى في الهتاف دقس عفاف ..
عفاف مالها؟؟





عفاف كانت حلوة حلا ..

أفرض انو قمنا بسرعة بسرعة كدا رمينا القديم الواسع دا ..
بعدين الجديد دا طلع ضيق ما قدرنا ..
و ما خايل فينا ..
عشان ما قسناهو من الأول ..
أهة حنعمل شنو ..
نمشي نجيب واحد تاني ؟؟
من وين ؟؟
نفك الكفة !!
كيفن ؟؟
نقعد نلتق ؟؟
بي شنو ؟؟
و لا تبقى فينا البقت في عبد الكريم ..
عبد الكريم مالو ؟؟
عبد الكريم !!











رمى الباسطة و أكل النيم ..

الواحد حبوبتو تدعي ليعو ان شاء تلبس الجديد
وناس مبرمجة في القديم
وناس تخاف الجديد خاصة ان كان ابيضا
وناس مولعة بالجديد
وناس ترلات مجدوعين بعيد ومقطورين شديد
وناس تبحث عن البيكارما
وناس تحلم بالقديد
وناس تهتف لعصام
عصام مالو


















ده واحد مسطول شديد

حنعمل أيه
عشان
ما يكون النيل القديم
ياهو ..
نقوم نغير المجرى
و لَ نبدل نغمة الطنبور
و نخلي النخيل لالوب
و تبقى فينا زى البقت
في أدروب ..

أدروب مالو ..



أدروب شاطر..




















لكن ولوف حبَوب