الفنان الجميل فيصل عبد اللطيف (الصحافة) طرق الباب فهلا اجبت ايها الطائي بكري ابوبكر

الفنان الرائع فيصل عبد اللطيف ينتشي طرباً بهذا الوطن الجميل وتمنى ان ينعم علينا وعليه الباشمهندس بكري بانضمامه لهذه الكوكبة .. فهلا تكرم الباشمهندس ونفحنا بهذا الفنان الجميل ليطربنا قلماً كما فعلها غناءاً من خلال صوته الملائكي الطروب .

ونحن في إنتظار الجواب من الأخ العزيز الباشمهندس بكري أبو بكر لا نملك إلا أن نهلل للفرح القادم لديارنا الرحيبة، فنحن لا نزكي الأخ العزيز فيصل فإسمه وسيرته وفنه وإبداعه هم خير تزكية ونحن على يقين بأن الأخ بكري أبوبكر لن يصد الجمال والإبداع عن داره


ويلا يا أمير نزل الإيميل الخاص بفيصل حتى يستطيع أن يستقبل عبره كلمة المرور التي لن يضن بها عليه الأخ بكري أبو يكر

نثني ونبصم وننطط كمان

حلوه وبديعه

أنا أثني
والناس تثني
فيصل يغني
والكل يغني
والكل يهنئي

يلا يا باشمهندس بكري أبوبكر الحق التسجيلات بتاعت ديسمبر وجيب لينا المحترف دا قبل ما يخطفوا فريق تاني .
شكرا كثير ولدنا الرائع أمير الجمري

اثنى. ونحن فى انتظار الباشمهندس سيد الحوش فى ان ياذن للفنان القدير صاحب الحنجره الذهبيه ود حلتنا بالدخول لديوانه العامر.

خبر جميل ... ومفرح بالطبع

لكونه فنان فهو سوف يسكب علينا من الأحاسيس

ما نحتاجه فى هذا البورد

ولكونه من أبناء الصحافة فهذا ما يزيدني قبطة

فبوست الصحافة يحتاج لدفعة من امثال فيصل الصحافة

أذكية بشدة ... آملا ألا يكون وجوده هنا خصما على زمن

فنه وإبداعه ... مع وافر تقديري

يا ريت والله يا أمير ..


الفنان التشكيلي قبل ان يكون الفنان المغني فيصل له اسهامات فنية كبيرة جدا على مستوى الرسم والخط العربي ..

بالاضافة الى ادب جم ..

الفنان فيصل بحق وحقيقة هو فناااااااااااااااان .

يا ريت لو اخونا بكري استجاب .

الرائعون حقاً
رفيق الدرب وعاشق النغم الجميل صديق حمدتو الحبيب وصانع الفرح الامتدادي طارق جبريل كنز الابداع الجميل معاوية محمد الصحافابي الجميل خالد يوسف وسيد الحوش الصحافاوي الكبير والكبير بحق الرائع حيدر قاسم الفنان الرائع مبلور الافراح علاء الدين حيمورة ..
نترقب صادقين انضمام (الفنانين) فيصل عبد اللطيف (المطرب والتشكيلي والخطاط) وفوق كل هذا وذاك .. الخلوق المهذب .



حقاً يا باشمهندس سيكون فيصل اضافة ثرة لهذا التجمع الخرافي .

أخي الكريم الباشمهندس بكري


يسعد أيامك بكل خير ، ، ، ،


نأمل من شخصكم الكريم بأن تتحفونا بفتح باب الدخول إلى الفنان الأصيل فيصل ليشجينا بقلمه الساحر كما أشجانا بفنه الأصيل ، كلنا عشم في كرمكم الذي عرفتم به وهذا هو ديدنكم وما عودتمونا عليه . شكراً بكري على كل جميل تتحفنا به هنا . لك مني الود كله يا أصيل . وســـلام .

اثنى .. وابشر بالعشرة
والشباب ما قصرو دقو الصيوان ورصو الكراسى
ومستنين الفنان !
يلا يا بكرى ، خلى الصحافة تنور بيك ..
وتطرب لفيصلا ..

[email protected]


هذا ايميل الفنان الرقيق فيصل عبد اللطيف ..
نكرر طلبنا ونرجو من الحبيب بكري ابوبكر تواصل
كرمه علينا ومنح العضوية لفيصل.

الصديق أمير الجمري

حقا الفنان الرائع فيصل عبد اللطيف

يجب أن يكون بيننا في المنبر

حتى يغرد لنا كلمة وحرفا 00 بعد أن

أطربنا شدوا و أمتعنا عذوبة صوت ولحنا

فيصل على بابك أيها الرائع بكري

فلتأذن له بالدخول 000


لك التحية يا أمير وعبرك للأخ فيصل


مع مودتي 000

أفتح بسرعة يا بكري وإلا ح نلز الباب وندخل !!!

فوق
من أجل الفنان الشامل فيصل الصحافه

يابكري
لو فيصل مافتش لي دفتر الشعر بتاعي الخطاه اخوه الفنان الخطاط بي ايذو
عبد الحميد
والحايم بين ودنفاش ،و جلال الصحافه
ماتذيهو باص ورد


مرحب بي ود حلتنا المهذب الفنان

اذا حل فيصل عبداللطيف بيننا
ازدان المنبر بنغم جميل
وتعطر بشجن وصوت رخيم

يا سلام يا أمير على هذه الدعوة ..
الريس أكيد ما ح يقصر ..

يا ريت عشان السرعة خلي الأستاذ يرسل رسالة لبكري عبر الإيميل ..
لأنها أسهل وبتصل بسرعة للريس ..

Quote: الفنان الرائع فيصل عبد اللطيف ينتشي طرباً بهذا الوطن الجميل وتمنى ان ينعم علينا وعليه الباشمهندس بكري بانضمامه لهذه الكوكبة .. فهلا تكرم الباشمهندس ونفحنا بهذا الفنان الجميل ليطربنا قلماً كما فعلها غناءاً من خلال صوته الملائكي الطروب .

و بإنضمـامـه يـزدان المنبـر و تكتمــل الفـرحـة يا أميـــر ... و عقبــال البقيــة من أهـل الفــن...
و مشكـــور يا الجمــري....

الحبيب فيصل له مني التحيه واتمناه يزين صدر المنبر
تخريمه
تحيه خاصه من المبدع مكائيل الضو وبقول ليك حمد لله علي السلامه


تحياتي للمبدع السمع وشوف

نؤيـد و نثنـي بشـدة..

فوق

أمير الجمرى ياعسل ود أمتدادنا الحبيب
أنا أبصم بالعشرين على الرائع فيصل عبداللطيف
صديقى وأخى فيصل أتمنى أن تكون بيننا
ونحن فى أنتظار المفتاح من المهندس بكرى

ياســلام عليك ياود نعمة ...حاكون اكثرالناس فرحا بالحبيب فيصل

الرجل الخلوق والمبدع والفنان في كل شئ ...اهلا فيصل عبداللطيف

اخونابكري ....نحن في الانتظار اوع طول ...

تسلم ياامير الناس ...

الأحباء

عماد محمود
عبد الدائم سيد احمد
عثمان سيداحمد
عادل جبارة
الموصلي
عمر عبد السلام
معتصم دفع الله
هيثم عبد العزيز
محمود ريحان
الصحافة 30
عصام علي احمد
عماد عويس (شمت)

لكم كل الود وانتم تثنّون هذا المطلب الجميل ..
واقول للباشمهندس بكري هذه التشكيلة الرائعة من الشباب والذين يمثلون كل دروب الابداع الثقافي والسياسي والاجتماعي والفني والصحافي والقانوني .. نادوا بضم الفنان الرااااائع فيصل عبد اللطيف لكوكبة المنبر العام بسودانيزاونلاين الوطن الرؤوم .
فهلا انعمت علينا بهذا الجمال .

امير الامير

ارسل لي الايميل الخاص بفيصلرعلي الماسنجر

فيصل الفنان جميل الصحبة
والاخلاق .. يفخر كل مكان
اذا ما انتمى اليه من هم
فى قامة العملاق فيصل ودينه
علينا انه يطربنا بصوته الجميل
من بواكير الصبا
ويحكى لنا عن الدرب الاخضر
والايام الخوالى او تلك الحلوة
وبديعة ثم ناكر الجميل ولايضن
علينا بالابيض ضميرك ويجعلنا
ننتشى طربا مع غزال المسالمة
فيصل انسان جميل بكل معنى الكلمة
ويسعدنا ان ننشد صحبته الحلوة
فى كل مكان ولوعبر هذا الفضاء
الذى سيتزين بهذا الانسان الحبوب
وعشمنا فى كريم استجابة المهندس
بكرى ابو بكر لصيحة الحبيب امير
الجمرى وهو يمتعنا بكل مفرح

UP

عزيزي أمير :

ولإيماني التام بكرم وطيبة أخي الحبيب بكري الطائي أقول للأخ العزيز فيصل ، أهلاً بك بيننا يا أصيل ، والشكر مقدماً للأخ النبيل الذي دوماً ما يتحفنا بالروائع والإبداع والمبدعين بكري أبو بكر ( بكري الطائي ) . والتحية لك أميري .

أخونا العزيز الباشمهندس بكري ،
لك الود والتحايا ،


اسمح لي أن أضم صوتي (والذي ليس في حلاوة أو طلاوة صوت عندليب الصحافة فيصل) إلى
أصوات كل الزملاء الأحباب الذين كتبوا لك يرجونك أن تجعل المنبر يزدان بمثل الفنان الشامل ،
الفنان المطرب ، الإنسان الخلوق المهذب ذو الأدب الجم والتواضع ، الفنان التشكيلي
ذو الأنامل التي تلعب بالريشة في الخط العربي والرسم ، كما هو مغرد بصوته العذب ،
ذاك الفنان المبدع الذي تغني بصوته الرخيم من أغنيات الشفيف الطيب عبدالله والنيل الثالث
العملاق عثمان حسين فأطربنا حتى الثمالة ، ثم تغني بأغنياته الخاصة فكان هو الطرب
بعينه ، وهل ننسى (ما أحلاك) كلمات الشاعر السر دوليب وألحان الأستاذ عثمان حسين :

حبيبي ما أحلاك ..
لو كنت حنين ..
أو كنت ضنين ..
راضي شقاي وسعدي معاك ..

أبعدني من دنيا الناس ..
حلق بي في عوالم فوق ..
ذوبني رقة وإحساس
أغمرني حنية وذوق
أسمعني كلام .. حلو الأنغام ..
ونسيني خصام وعتاب وملام ..
خلي الشوق للريد عنوان ..
وخلي البسمة شعارنا دوام ..

أو ( ناكر الجميل ) والتي صاغ كلماتها الشاعر علي سلطان ولحنها له الفنان
الراحل عبدالمنعم حسيب ، ومنها نذكر هذه الأبيات :


تنكر جمال عشرتنا ديك ..
تمشي وتفوتنا وما عليك ..
إنت البتدي الناس أمل ..
وإشراقة من ضحكة عينيك ..
يا بهجة الورد المنور ..

لابتسامات الصباح ..
مين بدلك مين شال حنانك ..
يا حنين خلانا راح ..
خلاك وحيد في سكتك ..
ليلك توسده بالجراح ..
أعزي حسنك بالدموع ..
ويا حليل ضميراً ما استراح ..

ومن أغنياته الخاصة أيضاً ( ضفائر الموج ) من كلمات الفاتح محمد عبدالعظيم وألحان
الراحل المقيم الموسيقار سليمان عبدالقادر (أبو داود) ، ومن مقاطعها :


فوق ضفائر الموج رجيتك ..
وبي وتر قلبي البغني ..
ساقني حني عليك وجيتك ..

ساقني حنك عليك وجيتك ..
زي شجن حاسس أنينه ..
يا صباح ليل الغلابة ..
زي غريب جامح حنينه ..
ويا جراح معنى الصبابة ..
وإنت يا نبض الكتابة ..
جوه في الأعماق لقيتك ..

أم تلك الأغنية الرائعة وجميلة والتي صاغ كلماتها وأبدع في تلحينها الموسيقار
الكبير ، فناننا الأصيل وزميلنا في المنبر الأستاذ يوسف الموصلي ، وهي أغنية
(حلوة وبديعة) ، والتي يشدو في بعض كلماتها بالتالي :


حليل لحظات حلوة وبديعة ..
وأسعد ليالي مرت سريعة ..

أتذكر وأقول يا حليل ..
أيام المودة الكانت قبيل ..
قضينا فيها أجمل ليالي
بالحب المؤكد العاش في خيالي ..
والعاطفة الحنونة دائماً في بالي ..

لاقينا فيها الحلوة الرزينة ..
الشايلة المحاسن ، الرايقة وحنينه ..
بتثير المشاعر الصادقة وأمينة ..

نثني رغبة أخونا ود الجمري وصحبه الكرام ، ونبصم بالعشرة لانضمام المبدع فيصل .

Quote: الرائعون حقاً رفيق الدرب وعاشق النغم الجميل صديق حمدتو الحبيب وصانع الفرح الامتدادي طارق جبريل كنز الابداع الجميل معاوية محمد الصحافابي الجميل خالد يوسف وسيد الحوش الصحافاوي الكبير والكبير بحق الرائع حيدر قاسم الفنان الرائع مبلور الافراح علاء الدين حيمورة .. نترقب صادقين انضمام (الفنانين) فيصل عبد اللطيف (المطرب والتشكيلي والخطاط) وفوق كل هذا وذاك .. الخلوق المهذب .

ومن هنا أكرر واضم صوتي لأصوات من سبقوني من الاخوان بقيادة الزعيم أمير الجمري وبقية
الأحباب -: هيثم والفنان ود ريحان وعصام وشمت وود جبارة والموصلي ومعتصم دفع الله
وود عبدالسلام وحيموره وعثمان سيد أحمد وغيرهم ممن تداخلوا مثنين ومزكين ، راجين
كريم تفضلكم بالسماح له بالدخول لحوشكم العامر ، حوشنا جميعاً .. فهلا تفضلت بذلك
أخونا العزيز بكري . نرجو ذلك ونترقبه ، مع خالص تقديرنا لك .

وتحياتي للجميع ،




( ليمو )

اميرنا امير الجمرى


بحق انك تلتمس كل ما هو جميل خلاق


وهذاالرائع الاخ فيصل الصحافه الا


دعامه فنية نأمل ان تشارك فى هذا


الحوش بجمال الفن والتشكيل والخط


فلا تحرمنا اياه اخونا العزيز بكرى ابو بكر0


تحياتـــــــــــى


ســـــــــــــيد

تنكر جمال عشرتنا ديك
تمشى وتفوتنا وماعليك
انت البتهدى الناس امل
واشراقة من ضحكة عينيك
يابهجة الورد المنور لابتسامات الصباح
من بدلك من غيرك
خلانا رااح
خلاك وحيد فى سكتك
ليلك توسده بالجراح
اعزى حسنك بالدموع
وياحليل ضميرك مااستراح

ساعات اتوه بالليل انا واسرح مع النجمات بعيد
اتامل الراح من عمرى فى عيونك سعيد
كل مالسنين داوت جراح يظهر مكانه جرح جديد
وناكر الجميل مابلقى حقوا
وكيف تبقى ناكر للجميل
عشرة زمان ياحليله فيك
وايه بدا الاشراقة فيك

اول ما قريت عنوان البوست ... جيت جارية جري ... فيصل الصحافة .. صوت لم يجد التقدير المناسب حتى الآن رغم جمهوره الكبير .. ولكن كنت اتمنى ان تكون مسيرة هذا الفنان اكبر مما هي عليه .. وان يعرف الناس فنه الرفيع !!

واجمل ما سمعت ليهو
(عيونك كانوا في عيوني ..)
-ناكر الجميل
- حلوة وبديعة ..


اتمنى يكون معانا في البورد .. !!وحياة المحبة لثنائي العاصمة بصوت فيصل الصحافة