Post: #1
Title: سودانيون .. لكن ما هي مواصفات المواطن السوداني المثالي ؟
Author: MaxaB
Date: 11-24-2006, 01:53 PM
ما ممكن الناس يكونوا كلهم واحد ..
هكذا أعزي نفسي عندما أرى ما لا يعجبني ..
بمعنى أنني في بلد الغربة الذي أعيش فيه ..
أرى السودانيين في كل مكان .. شيء جميل
لا يحيون بعضهم ..
و قد لا يردون السلام .. ماشي الحال
و لكن بطبيعتي الإنسانية ألاحظ في البعض بعض النواقص التي أتمنى أن تزول ..
و التي لو زالت لا بد أنها ستعطي للسودانيين شكلا ووضعا أفضل في الخارج
لكني أعلم أن الناس ليسوا سواسية ...
في العلم .. في الفهم .. في الظروف الأسرية و المادية
و اجد لهم العذر
لكن أتساءل - بصدق - نحن نتمنى أن نرى مواطنون سودانيون مثاليون ..
فما هو تعريفنا للمواطن السوداني المثالي ؟
ما هي مواصفات المواطن السوداني المثالي ؟
ما هي صفات المواطن السوداني المثالي ؟
ما هي مقاييس المواطن السوداني المثالي ؟
من وجهة نظرك .. أعطنا تعريفا .. وصفا .. صفة .. مقياسا
في كلمة واحدة .. في كلمتين .. في سطر .. في صفحة ..
أي شيء قد يهدينا الى تحديد هوية الإنسان السوداني الذي نتمناه
رب اجعل هذا بلدا آمنا وارزق أهله من الثمرات
مكسب
|
Post: #2
Title: Re: سودانيون .. لكن ما هي مواصفات المواطن السوداني المثالي ؟
Author: يوسف الولى
Date: 11-24-2006, 02:20 PM
Parent: #1
Quote: ما هي مقاييس المواطن السوداني المثالي ؟
|
الاخ مكسب قبل مقاييس المواطن السودانى
كدى النعرف الوطن السودانى بالاول
ما هو السودان؟ يبداء من وين وينهى لى وين
وصدقنى بعد داك من الساهل جدا ااجابه على سؤالك
ولك ودى
|
Post: #3
Title: Re: سودانيون .. لكن ما هي مواصفات المواطن السوداني المثالي ؟
Author: MaxaB
Date: 11-24-2006, 03:00 PM
Parent: #2
الكريم .. يوسف الولي
Quote: كدى النعرف الوطن السودانى بالاول
ما هو السودان؟ يبداء من وين وينهى لى وين |
أتفق معك انو في حيرة حاصلة ..
في شجن حاصل ..
لكن لما شفت الصور - صور السودان - في بوست الأخت نهال كرار
شفت السودان سمح .. و لمحت خير الأرض اللي فيهو
لكن كان واضح بؤس الإنسان الفي الصور
يعني نحنا عندنا على الأقل أرض فيها خير كتير .. نحسد عليها
فهل المشكلة في الإنسان السوداني ؟
مع ملاحظة انو الصور ما كانت هي السبب المباشر الذي اثار فكرة موضوع هذا البوست
الذي أثار الفكرة .. منظر رأيته هنا في بلاد الغربة باكرا هذا اليوم.
ما يثير تساؤلي .. هو ليه نحنا منتظرين حكومة تجي و تربي الناس و تصحح الأوضاع
و تحل المشاكل ..
و طيب لو ما جات .. لو كانت الجاية أزفت من اللي قبليها .. و البعدها أزفت من الإتنين
طيب الساسة ديل ما بشر زينا .. ليه هم البرسمو لينا معالم هويتنا ووطنا و مستقبلنا
و كيانا و أخلاقنا و بيتنا و شارعنا
ليه التغيير دا .. ما بينبع من دواخلنا نحنا
لو اتصلحنا نحنا .. أكيد حيتصلح الوطن
لأنو البلد ناس
في آية في القرآن عجيبة جدا بتوقفني كتير .. الله قالهاعن فرعون
تعرف قال شنو .. " فاستخف قومه فأطاعوه "
يعني هو لو ما شافهم خفيفين .. و لو هم كانوا ناس ماليين مركزهم
ما كان تجرأ و قال ليهم انا ربكم الأعلى .. و لا كانوا هم أطاعوه
مش دي حالنا مع حكامنا و ساستنا .. يعني نحنا لو صحيح ماليين مركزنا
كان الماشي و الجاي من الحكام .. حيمطوحنا كدة !؟ و يستهبلنا كدة !؟ و يستغفلنا كدة !؟
" لا يأخذ الآخرون من حقوقنا .. أكثر مما نعطيهم نحن منها"
فهل نحنا قادرين نعرف نفسنا أول ..
الزول الكويس البنتمناه دة شكلو كيف ؟
صفاتو شنو ؟
دي أسئلة هامة يا يوسف ..
و أنا متأكد عندك إجابات
فهل تجود بها علينا
و لك التحية
رب اجعل هذا بلدا آمنا وارزق أهله من الثمرات
مكسب
|
Post: #4
Title: Re: سودانيون .. لكن ما هي مواصفات المواطن السوداني المثالي ؟
Author: القلب النابض
Date: 11-24-2006, 03:18 PM
Parent: #3
اخي مكسب ..
لا تيأس أخي ..
أهل السودان بخير مادام بينهم من يتألم مثلك لسلوك السوداني ..
أهل السودان بخير ... لأنهم يعرفون السوء الذي يحيط بهم ..
ما هو سبيل اللعلاج ..
الله سبحانه وتعالى يقول " لا يغير الله ما بقوم حتى يغيروا ما بأنفسهم"
وكيفما تكونوا يولى عليكم ..
نشوف حالنا قبل حال حكامنا إذا أردنا التغيير ..
نغير انفسنا..
نغير انفسنا .. نصلح دواخلنا .. نصلح حالنا ..حتى ينصلح حكامنا ...
نظريات التغيير كلها تقوم على العزيمة .. والتوكل والعمل ..
ترى هل نملك هذه المقومات؟
سلامي
|
Post: #5
Title: Re: سودانيون .. لكن ما هي مواصفات المواطن السوداني المثالي ؟
Author: MaxaB
Date: 11-24-2006, 03:46 PM
Parent: #4
يا قلبنا النابض .. بالأمل
و يا نبضنا القابض .. على موضع الألم
تحية لجمال القلب و النبض
| Quote: أهل السودان بخير ... لأنهم يعرفون السوء الذي يحيط بهم .. |
ربما .. لكن هل حددوا مسئوليتهم تجاهه ..
تجاه الجمال الذي من المفترض أن يكون فيهم .. ( هذه الجملة صيغت لتكون أجمل ما يكون )
أتمنى أن يفعلوا
فالعلاج فعلا هو ما ذكرت ..
Quote: الله سبحانه وتعالى يقول " لا يغير الله ما بقوم حتى يغيروا ما بأنفسهم"
وكيفما تكونوا يولى عليكم ..
نشوف حالنا قبل حال حكامنا إذا أردنا التغيير ..
نغير انفسنا..
نغير انفسنا .. نصلح دواخلنا .. نصلح حالنا ..حتى ينصلح حكامنا ...
نظريات التغيير كلها تقوم على العزيمة .. والتوكل والعمل ..
ترى هل نملك هذه المقومات؟ |
تسلم يمينك
رب اجعل هذا بلدا آمنا وارزق أهله من الثمرات
مكسب
|
Post: #6
Title: Re: سودانيون .. لكن ما هي مواصفات المواطن السوداني المثالي ؟
Author: MaxaB
Date: 11-26-2006, 05:13 PM
Parent: #1
الأمـانة
رب اجعل هذا بلدا آمنا وارزق أهله من الثمرات
مكسب
|
|