Post: #2
Title: Re: دلـع ...ولا ده عادي..
Author: احمد معتصم الطيب
Date: 11-23-2006, 03:09 PM
Parent: #1
حتى الاكلات حرام عليكم .أم رقيقة وملاح الروب والكسرة والعصيدة..
|
Post: #3
Title: Re: دلـع ...ولا ده عادي..
Author: محمد الامين احمد
Date: 11-23-2006, 03:22 PM
Parent: #1
فضلا انتظر التحميل ثم اضغط علامة التشغيل
|
Post: #4
Title: Re: دلـع ...ولا ده عادي..
Author: محمد الامين احمد
Date: 11-23-2006, 03:24 PM
Parent: #1
الاخ احمد معتصم الطيب
تحية طيبة
وين الدلع يا اخى الكريم ؟ ده عادى جدا
ما ذنب هولاء فى كونهم ولدوا و تربوا خارج السودان !
منهم من لم يرى السودان الا فى خريطة، و لكنه ما زال يتكلم اللهجة المحلية
و هذا يدل على جهد الاهل فى تربيتهم و تعليمهم و محاولة ربطهم بالمجتمع السودانى
و شنو يعنى كان ما عرفوا بعض الكلمات او ما عرفوا اكلات شعبية ؟
طيب انت اسه ممكن تقول لى شنو هى الاكلة الشعبية فى كندا ؟
او شنو المشروب المفضل فى الصين؟ او الاغنية و الفنان الاول فى الامارات العربية؟
او شنو طقوس الزواج فى ماليزيا؟ او ماهى الطريقة المثلى لتقضية نهاية الاسبوع فى هولندا؟
انا لا اهاجمك يا اخى ، و لكن هولاء هم اخوانا و اخواتنا و هم فى عمر اولاد بعض الاعضاء
هنا، سئمنا من النظرة المتعالية اليهم و كانهم آتون من كوكب آخر، معظمهم تحت الـ18
و هو تحدى عظيم فى حد ذاته ان يترك اهله و مجتمعة لكى يندمج فى وطنة الام، و لا نقول
الا رد الله غربة البعيد
و نهديك الأغنية دى لفرقة اسمها Sudanese band بعنوان يا غريب
|
Post: #5
Title: Re: دلـع ...ولا ده عادي..
Author: احمد معتصم الطيب
Date: 11-23-2006, 03:50 PM
Parent: #4
نعم أخى محمد الامين
هذا تحدى كبير جدآ أنو الشباب ديل يرجعو السودان ويتعلمو وذلك يرجع
لتمسك الاسرة بالتقاليد السودانية بس قصة المكولات البلدية دى حرقتنى شدييييد
والسبب أنو أنا مالقيها .....
وتقبل منى عاطر التحايا
وشكرآ عزيزى على الغنية الجميييلة دى
|
Post: #6
Title: Re: دلـع ...ولا ده عادي..
Author: محمد الامين احمد
Date: 11-23-2006, 04:37 PM
Parent: #1
| Quote: والسبب أنو أنا مالقيها ..... |
يا اخى ان شاء الله تلقها لمن تزهج منها زاتو
لكن الشباب و الشابات ديل جاين من ثقافات مختلفة و فيهم من يتحدث
لغات آخرى غير العربية و الانجليزية، ديل ممكن يكون كسب عظيم للوطن اذا
طورت طاقتهم و استعملت بالطريقة السليمة
و لك من التحايا اعطرها و شكرا على الموضوع
|
|