Post: #1
Title: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 03:35 AM
الإخوة الأحباب :
بالعديل والزين ونمة فرح تجمع الأحباب يسرني دعوتكم أحبتي لمشاركتي في حفل زفاف كريمتي (هيام) إلى عريسها زين الشباب ، ود المتمة الذي نشأ وترعرع مابين الخرطوم 2 والامتداد ، الابن المهذب الخلوق (محمود حسن محمد عثمان – ود البيك) وذلك أمسية الأربعاء 24 شوال 1427هـ الموافق 15 نوفمبر 2006م بقاعة الجوسق للاحتفالات بحي الشفاء طريق ديراب .
حرَّكت ليك .. عصب السكون ..
جلبت ليك الغيم رحط ..
طرَّزت ليك النيل زفاف ..
حرقت ليك الشوق بخور ..
وفرشت ليك الريد لحاف ..
لا السكة بيكي بتنتهي ..
ولا معاك مليت طواف ..
ولتعلموا أحبتي الكرام ، خاصة زملائي في مجموعة بورداب الرياض ، أن تشريفكم لنا بالحضور يسعدنا ويدفئ قلوبنا ، مع إطلالات نسائم برد الرياض .. وبمشاركتكم لنا تكتمل البهجة ويعم السرور ، ونستمتع جميعنا بالطرب الأصيل ونحن نزف العروسين إلى عش الزوجية ، حيث يشاركنا البهجة والأفراح في هذه الأمسية ثلة من مبدعينا من مطربين وموسيقيين في رياض الخير والبهجة .
أجيك فارساً يشق صمت المتاهة الطال ..
مواعدك بي غناوي الشوق ..
وبي شمساً وراها منال ..
وبي فرحاً يغرِّد في سماك ألحان ..
وهذه دعوة لجميع الأهل والأحباب والإخوان والأصدقاء ، ممن وصلتهم أو لم تصلهم كروت الدعوة .. فهلا شرفتمونا بالمشاركة حتى تكتمل الأفراح بهذا الزواج و الذي ندعو الله أن يجعله مباركاً .
(( هيــام ومحمــود ))
اللهم بارك لهما .. وبارك عليهما .. وأجمع بينهما في خيرٍِ دائماً وأبداً .
عبدالحليم خالد التلب
( ليمو )
|
Post: #2
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: عمر الفاروق
Date: 11-13-2006, 03:41 AM
Parent: #1
تهانينا يا تلب وربنا يهنيهم وبيت مال وعباسية وموردة وحي السيد المكي زاتو ..
|
Post: #3
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: Khalid Saeed
Date: 11-13-2006, 03:43 AM
Parent: #1
عماك الفرح .. وإتحققت آمالك ..
لي بيت الحلال .. مولاي شد رحالك ..
أبارك للعريس .. وأمك وأبوك وخالك ..
يادرت بناتنا .. بدر الضلام الحالك ..
وارثه العزة من .. أمك وأبوك وكبارك ..
ومرتاحت الضمير .. الدنيا ماهمالك ..
أنا عاجبني ليك .. جيت أهنئ أبارك ..
ألف.. ألف ... ألف ...ألف مبروك للعروسين ....
أه الحفلة كيف ... أجيب سوطي معاي .. دايرنها دلوكه ساكت ...
برسل سلام لي بنات جعل .. في شندي نايرت المقل ..
تحياتي لك وللأسرة .
خالد الأرباب
|
Post: #5
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: saif massad ali
Date: 11-13-2006, 03:47 AM
Parent: #3
الف مبروك وربي يجمعهم علي خير بالمال والعيال
نعم الاب والله ربي يحفظك
|
Post: #4
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: خالدة البدوي
Date: 11-13-2006, 03:46 AM
Parent: #1
ألف مبروووووووووووووووووووووووووووك
ابو خالد
الامورة هيام بنتنا الله يهنئها ويسعدها يا رب
بالعديل والزين للعروسين ،،
حضووووووووووووووووووووووووووووووووووور
|
Post: #6
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: garjah
Date: 11-13-2006, 03:47 AM
Parent: #4
م
مبروك
مبروك مبروك
مبروك مبروك مبروك
مبروك مبروك مبروك مبروك
مبروك مبروك مبروك مبروك مبروك
مبروك مبروك مبروك مبروك مبروك مبروك
مبروك مبروك مبروك مبروك مبروك مبروك مبروك
مبروك مبروك مبروك مبروك مبروك مبروك مبروك مبروك
مبروك مبروك مبروك مبروك مبروك مبروك مبروك مبروك مبروك
مبروك مبروك مبروك مبروك مبروك مبروك مبروك مبروك
مبروك مبروك مبروك مبروك مبروك مبروك مبروك
مبروك مبروك مبروك مبروك مبروك مبروك
مبروك مبروك مبروك مبروك مبروك
مبروك مبروك مبروك مبروك
مبروك مبروك مبروك
مبروك مبروك
مبروك
م
|
Post: #7
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 03:59 AM
Parent: #4
أخي عمر الفاروق
شكراً ليك وحضورك يشرفني ، بعدين بدل (عباسية موردة) مع بيت المال
خليها ليهم (عمارات ومنشية) امكن تصدق معاهم ويبقوا من الناس الخموا المال.
تسلم أخي .
أخونا خالد ود الأرباب
ألف شكر ليك على الكلمات الطيبة الحلوة ، وبعدين مافي داعي تجيب سوطك معاك
أصلوا عريسنا مجهز سوطوا .. وأكيد إنت عارف ، باقي نحنا الجعليين ناس (بطان)
ساكت ، وأهل دلوكة ونحاس .. وهسع لو كان الزواجة دي في (الجيلي) عند أهلنا
كنا دقينا ليها نحاس الباشا(الزبير باشا) ، حيث مازلنا نستعمله حتى اليوم .
وكنا كمان بالمرة أرسلنا دعوة خاصة من هناك ، من سرايا الباشا لأخينا د. سجيمان .
الأخت خالدة البدوي
تسلمي أختي وربنا يديم الأفراح والليالي الملاح ، وحضوركم يسعدنا كثيراً ويشرفنا أكثر .
( ليمو )
|
Post: #8
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: علاء الدين حيموره
Date: 11-13-2006, 04:02 AM
Parent: #7
الف مبروك وربنا يتم على خير ..
بيت مال وعيال
|
Post: #9
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 04:03 AM
Parent: #7
أخي سيف مساعد
شكراً كثيرا ليك أخي سيف ، وربنا يديم السعادة على الجميع .
أخي قرجة
الله يبارك فيك ، ويمتعك بالصحة والسعادة ، ومتشكر كثير يا عزيزي .
( ليمو )
|
Post: #10
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 04:07 AM
Parent: #9
أخي علاء حيمورة
تشكراتي لك على التهنئة ، ونسأل الله أن يجعله زواجاً مباركاً ، وأن يحفظ لك الأمورة
الصغيرة (أصغر عضو في بورداب الرياض) .
لك تحياتي ،
( ليمو )
|
Post: #11
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: ابو جهينة
Date: 11-13-2006, 04:17 AM
Parent: #10
ليمو ألف مبروك للعروسين و ربنا يسعدهم و يرزقهم المال و البنين و البنات.
ربنا يبعد العوارض ، سنكون هناك نشارككم الأفراح بحول الله
|
Post: #12
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 04:33 AM
Parent: #11
الريس أبو جهينة
لك الود والتحايا ،
شكراً ليك كتير على المرور وعلى هذه الباقة (المزيونة) .. ونسأل الله
أن يزين أيامنا جميعاً بكل ماهو مفرح وسعيد ، ويتمم لنا على خير .
شكراً مجدداً ، وحضوركم يشرفنا ويزيد من بهجتنا .
( ليمو )
|
Post: #13
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: علاء الدين حيموره
Date: 11-13-2006, 04:47 AM
Parent: #12
العزيز ليمو
الف تحية
قول للعروس اعملي حسابك هبة الله ما تخرتك ..
سنكون حضورا ان شاء الله
|
Post: #14
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: عبدالمحمود محمد عبدالرحمن
Date: 11-13-2006, 05:45 AM
Parent: #1
ليمو
ألف مبروك مقدماً وبيت مال ومال ومال وعيال للعروسين ونشوفكم "الربوع" إنشاء الله
محمود
|
Post: #15
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: ود الباوقة
Date: 11-13-2006, 06:19 AM
Parent: #14
اخي ليمو .. ربنا يتم على خير .
حضور باذن باذن الله ..
|
Post: #16
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 06:29 AM
Parent: #14
أخي العزيز عبدالمحمود
الله يبارك فيك ويسعدك ، وشكراً على الدعوة بأن يجعله (بيت مال مال مال) كتير
وعيال كتار برضو (طالما هناك مال وفير) .
وحضوركم مؤكد يسعدنا ويشرفنا ، فإلى اللقاء إذن أمسية الأربعاء بمشيئة الله .
( ليمو )
|
Post: #17
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 06:40 AM
Parent: #16
أخي العزيز ود حيمورة
يسعدنا حضوركم ويزيدنا شرفاً وجودكم معنا ونحن نحتفل بزفاف
كريمتنا (هيام) .
| Quote: قول للعروس اعملي حسابك هبة الله ما تخرتك .. |
نسأل الله أن يهب لك السعادة بهذه (الهبة) من المولى ،
وقول ليها يا هبة الله يا رهيبة من هسع حاجزنك لولدنا
كمال (كيمو) ، وما عندو مانع ينتظرك حتى تكملي
تعليمك (وهو كمان) ، بس على شرط ما(تخرتي) أختو في العرس .
دمت والأسرة والأمورة بخير ، وإلى الملتقى يوم الربوع بإذن الله .
أخونا وشيخنا ود الباوقة ،
لك الود والتحايا ،
وشكراً على دعواتك الطيبة ، وربنا يجعله بيت مال وعيال
وفي إنتظارك تشريفكم لنا بالحضور والمشاركة في حفل
زواج ابنتكم (هيام) .
( ليمو )
|
Post: #18
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: امير عوض الجمري
Date: 11-13-2006, 06:41 AM
Parent: #1
اخي الحبيب عبد الحليم (ليمو)
الف الف مبروك
وربنا يتم ليهم على خير
ويكفيهم شر الحاسدين
ويهنيهم ويرزقهم ذرية صالحة وجميلة
وانشاء الله بعد تسعة شهور واسبوعين نحتفل بي عبد الحليم الصغير (الحفيد)
وجايييييييييين يا ليمو نشاركك فرحتك بي بتنا هيام وابننا محمود ..
ونحتفل بهما وبك في رحابك الفردوسية ..
|
Post: #19
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 07:03 AM
Parent: #18
أخي العزيز أميرنا ود الجمري ،
الله يبارك فيك وفي أيامك ويسعدك ،
ونسأله تعالى أن يجعل كل أيامنا
أفراحاً ومسرات .
ومؤكد سوف تزدهي قاعة الجوسق بتشريفكم لنا ومشاركتنا
الفرحة بهذا الزواج والذي ندعو المولى عز وجل
أن يجعله مباركاً ، ويلم العروسين في خير دائماً .
| Quote: وانشاء الله بعد تسعة شهور واسبوعين نحتفل بي عبد الحليم الصغير (الحفيد) |
أيوه ، وكمان امكن قبل كده بشهرين ؟ يعني إمكن بعد 7 شهور وإسبوعين !؟،
لأنها هي نفسها مولودة في الشهر السابع ، ( يعني بنت سبعة) ، وساعتها
إمكن تعملها (وكما تدين تدان) ووقتها يا خوفي من اللقب الجديد ( جدو ليمو ) ؟!
وصدقني .. زمان كنت (بتريق) على أصحابي ممن نالوا لقب (جدو) ، هسع
الحكاية جاتنا لحدي عندنا ، وبقينا مرشحين لنيل اللقب الجديد (جدو) .
يا ساتر يا رب .
وفي إنتظاركم أمسية الأربعاء بإذن الله .
لك مودتي وتقديري ،،
( ليمو )
|
Post: #20
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: ghariba
Date: 11-13-2006, 07:08 AM
Parent: #1
اخي ليمو .. ربنا يتم على خير .
حضور باذن باذن الله
صلاح غريبة والاسرة
|
Post: #21
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: JAD
Date: 11-13-2006, 07:11 AM
Parent: #1
الأخ الحليم التلب ..
ألف مبروك ..
بارك الله لهما وبارك عليهما وجميع بينهما على خير ..
سنكون حضوراً بإذن الله ..
جاد
|
Post: #22
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 07:19 AM
Parent: #21
الأخ الباشمهندس صلاح غريبة
لك وللأسرة كل التحايا والود ،
وشكرا على التهنئة ، وربنا يتم على خير
ويجمع العروسين في خير وسعادة .
وفي انتظار تشريفكم لنا ومشاركتنا البهجة والأفراح .
مع خالص مودتي ،
( ليمو )
|
Post: #23
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 07:24 AM
Parent: #22
الأخ جاد
لك عاطر الود والتحايا ،
وشكراً على دعواتك الصادقات والتهنئة ، وربنا
يسعد العروسين ويجمعها على خير .
وتشريفكم لنا بالحضور يزيدنا بهجةً وبكم تكتمل الأفراح .
وفي إنتظاركم أمسية الأربعاء بإذن الله .
مودتي ،
( ليمو )
|
Post: #24
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: DKEEN
Date: 11-13-2006, 07:38 AM
Parent: #1
اللهم بارك لهما .. وبارك عليهما .. وأجمع بينهما في خيرٍِ دائماً وأبداً .
الاربعاء معاك ياليمو
فرصة ذاتوالواحد يشوف ليهو عروسة عندها ضمير..
|
Post: #25
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 08:08 AM
Parent: #24
أخي دكين ،
لك تحياتي ،
شكراً على المرور والمباركة ، وربنا يتمم على خير .
إنت يا الأبيض ضميرك :
| Quote: فرصة ذاتوالواحد يشوف ليهو عروسة عندها ضمير.. |
وحتماً بكم تزدان قاعة الجوسق وأنتم (تفنجلون)
عيونكم بحثاً عن شريكة الحياة .
وأبشِّــرك سوف تجد ضالتك بإذن واحد أحد
وسوف يكن كثيرات للدرجة التي تجعلك
تدعو معك الثنائي العظيم ، نوارة شباب بورداب
الرياض الأخوين (تمبس ومعتصم) للبحث لهما
عن شريكة حياة تؤانس وحدتهما في صحراء
حياتهما في قاحل هجير الرياض هنا !!
وفي انتظاركم بالأربعاء لتكتمل بكم الأفراح والليالي الملاح .
( ليمو )
|
Post: #27
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: عادل جبارة
Date: 11-13-2006, 09:04 AM
Parent: #25
( جدو ليمو )
من هسع أنا لا دفعتك لا قريت معاك في حي عبد المنعم ولا الخرطوم جنوب
ولا الخرطوم الجديدة ولا حاجة
مالك عايز تكبرنا ؟؟ إنت طبعا اتزوجت صغير بس ما( جاهل )
قرط على كده وبس !!!!!
مبرووووووك ومليون مبروك وربنا يتمم ليهم على خير ويرزقهم
البنين والبنات الصالحين والصالحات وبيت مال وعمارات ومهندسين
ومعمورة كمان وسنكون حضورا بإذن الله أنا والوالدة طبعا الأولاد في
السودان لزوم الجامعة وكده ...
باقي ليك الجوسق بتشيل ؟ إنت أصلك إجتماعي وأخو أخوان وناسك كتار
ماشاء الله على كل حال نحنا حنجي بدري ونحجز مكانا00
تهانينا مرة أخرى أخي ليمو 000
|
Post: #30
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 09:45 AM
Parent: #27
أخي العزيز ود جبارة
لك التحية والمودة والتقدير ،
وجزيل الشكر على التهنئة ، ومبروك علينا كلنا ، وربنا يتم على خير ،
ونسأله جل وعلا أن يجعل أيامنا وأيامكم وأيام كل الأحباب سعادة وحبور
ويجمعنا دوماً في ساعات الخير وأوقات المسرات .
Quote: مالك عايز تكبرنا ؟؟ إنت طبعا اتزوجت صغير بس ما( جاهل )
قرط على كده وبس !!!!! |
( أضاعوني وأي فتىَ أضاعوا .. ليوم (عرسٍ ) أو طعان (حفلةٍ) !
وهذه من حسنات الزواج المبكر ، أن يجعلك تحوز - ضمن ما تحوز -على اللقب العالمي
(الجدودية) في وقت مبكر ، ولكنك من جانبٍ آخر تخسر كل فرص المباهج
المتاحة للشباب من رقص وغناء وماشابههما (بس طبعاً الرقص المهذب والغناء الطالع ، مش الهابط) !
وحكاية صغير دي تجعلني أتذكر حكاية حصلت معنا أثناء عودتنا من شهر
العسل من القاهرة أنا وزوجتي (بس ما تقول لي متين ؟!) مررنا في
طريق العودة (عبر مطار بورتسودان) بمدينة كسلا والتي مكثنا فيها زهاء
الاسبوع . وفي إحدى جولاتنا مع أقاربنا هناك في جبل التاكا ومياه توتيل
صادفتنا إمرأة طاعنة في السن ، وعندما شاهدت زوجتي (العروس وقتها)
هجمت عليها سلام وتهنئة بالزواج ، ثم سألتها : أين زوجك بين أولئك
الشباب .. وكنا أمامهن بعدة أمتار ، فأشارت لها زوجتي ناحيتي ،
فعلقت العجوز قائلة : حلاتو ، لكن ما صغيـِّـــر ؟!!!
ومن يوميها وأنا (مقرِّط ) على كلام تلك العجوز ، وكل ما جات سيرة
العُـمُــر ، أقول لزوجتي : لدي شهادة معتمدة من إمرأة خبرة في
الحياة أفتت بأنني صغير ، وماعندك كلام معاي بعد ده .! شفت كيف (التقريط) !
وسوف تزدهي قاعة الجوسق بوجودكم في معية والدتنا جميعاً ، ربنا يحفظها
ويديها الصحة والعافية وطولة العمر . ونسأل الله أن يديم الأفراح
وإن لم تسع قاعة الجوسق الحضور الكريم فسوف تسعهم قلوبنا ، وسوف نحملهم
في حدقات عيوننا ونشيلهم فوق راسنا ، إخاءاً ومحبةً وتقديراً وتجلة ً .
وربنا يتمم على خير .. وفي إنتظاركم لتكتمل بكم بهجتنا ومسرتنا .
مع مودتي وتشكراتي ،
( ليمو )
|
Post: #26
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: د.محمد حسن
Date: 11-13-2006, 08:51 AM
Parent: #1
رب اجعله زواجا مبروكا
وارزقهم الذرية الصالحة
واجعلهم مقيمي الصلاة ومن ذريتهم
والف مبروك يا التلب
وباذن الله حضور
|
Post: #31
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 09:54 AM
Parent: #26
أخي الدكتور محمد حسن
تحياتي وتقديري ،
وشكراً جزيلاً وكثيراً على هذه الدعوات الصالحات الصادقات، وربنا يتمم على خير
ويسعدهم في حياتهم ويرزقهم الذرية الصالحة .
وتشريفكم لنا بالحضور يزيدنا بهجةً وسعادةً وحبورا ،
فألف مرحب بكم ، وإلى الملتقى ، في قاعة الجوسق ، يوم الأربعاء بمشيئة الله .
مودتي ،
( ليمو )
|
Post: #28
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: حمزاوي
Date: 11-13-2006, 09:19 AM
Parent: #1
الأخ ليمو
مسكاقمي
تهانينا والف الف مبروك
اللهم بارك لهما .. وبارك عليهما .. وأجمع بينهما في خيرٍِ دائماً وأبداً .
|
Post: #29
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: Muna Khugali
Date: 11-13-2006, 09:36 AM
Parent: #28
ألف مبرك لهيام وليكم..
ربنا يتمم علي خـير..
مني خـوجلي
|
Post: #34
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 10:05 AM
Parent: #29
أختي الأستاذة منى خوجلي ،
تحياتي ومودتي ،،
الشكر لك مثنى وثلاث ورباع على مباركتك لنا زواج
الابنة هيام ، وربنا يتم على خير ويجعل كل أيام
الجميع فرحة وسعادة وحبور .
ولكٍ من الشكر أجزله على باقة الورود الجميلة
والتي تشبه أناقة حرفك وجمال أسلوبك .
متعك الله بالصحة والعافية ، أختي العزيزة .
مع تقديري ،
( ليمو )
|
Post: #32
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 10:01 AM
Parent: #28
الخال والأخ حمزاوي ،
مسكاقمي تو يو
(وبفضلكم سنتعلم لغات محلية لذيذة ، وما أحيلاها)
الله يبارك فيك وفي أيامك ، ويجعلك خالاً للجميع
رغم المنافسة الشديدة من (بلدياتي) ود الموج .
ويسعدنا حضوركم وتشريفكم لنا ومشاركتنا الفرحة
بزواج ابنتكم (هيام) .
مع خالص المودة والتقدير ،
( ليمو )
|
Post: #33
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: حيدر حسن ميرغني
Date: 11-13-2006, 10:03 AM
Parent: #32
مبروك لك ولهم
وربنا يكتَر الافراح
|
Post: #35
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-13-2006, 10:08 AM
Parent: #33
أخي الأستاذ حيدر
لك تحياتي وتقديري ،
الله يبارك فيك وفي أيامك ، وشكراً على كلماتك ،
وربنا يديم الأفراح على الجميع ، ويجعل كل
أيامك وأيامنا وأيام كل الأحباب سعادة وهناء .
مع مودتي ،
( ليمو )
|
Post: #37
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: احمد العمار
Date: 11-13-2006, 11:51 AM
Parent: #35
الف الف مبروك وان شاء الله بيت مال وعيال
وادام الله افراحكم وافراح الجميع
احمد العمار
|
Post: #46
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 02:21 AM
Parent: #37
أخي أحمد العمار
الله يبارك فيك وفي أيامك ،
ونسأل الله أن يجعل بيتهما
عامراً بالمال والبنون لأنهما
زينة الحياة الدنيا ، وأن
يديم الفرحة والسعادة على الجميع .
شكراً لك مع خالص تحياتي ،
( ليمو )
|
Post: #36
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: معتصم دفع الله
Date: 11-13-2006, 10:36 AM
Parent: #1
ألف مبروك يا ليمو ..
ربنا يتمم على خير ..
ويجعلها زيجة مباركة ويرزقهما بالذرية الصالحة ..
|
Post: #47
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 02:30 AM
Parent: #36
أخي العزيز معتصم ،
لك مودتي ،
الله يبارك فيك وفي كل أوقاتك ، وأن يوفق
العروسين في حياتهما ويجعل بيتهما ذاخراً
بالعيال والمال .
كما ونسأله جل وعلا أن يسهل طريقك لمغادرة
دنيا العزوبية عاجلاً وأن نسعد بك ونفرح
ونحن نشوفك مُجَرْتك وفوقك الحنة والضريرة
ونغني ليك يا عديلة يا بيضا ويا ملائكة سيري
مع ود دفع الله .
شكراً لك أخي الغالي ، وربنا يتم على خير .
وإلى الملتقى أمسية الأربعاء بمشيئة الله .
لك تقديري ،
( ليمو )
|
Post: #38
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: نيازي مصطفى
Date: 11-13-2006, 12:16 PM
Parent: #1
عميق التهاني القلبية ، امنياتي لهما بزواج مبارك كله هناء وسعادة
ووئام .
الف مبروك
|
Post: #48
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 02:35 AM
Parent: #38
أخي نيازي مصطفى
لك خالص الود،
وشكراً على التهنئة والمباركة ، وندعو لهما معك بأن يجعله
الله زواجاً مباركاً وأن يسعدهما ويدثرهما بثياب
العافية دوماً ويرزقهما الذرية الصالحة .
شكري لك وتقديري ،،
( ليمو )
|
Post: #39
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: عمر الفاروق
Date: 11-13-2006, 12:39 PM
Parent: #1
يا ليمو :
العشا فيهو مخلل؟؟
|
Post: #51
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 03:29 AM
Parent: #39
أخي ود الفاروق
تحياتي ،
سألت عن عظيم ، العشاء سوف(تتخلله) فواصل غنائية ومقطوعات موسيقية ،
بس إنت شرفنا وستجد ضآلتك ، وكمان سوف نحملك نصيب أختنا بت عجاج
لتوصله لها ، بس شوف أوعك تنوم بيهو (لأنه مدعوم مخللياً) !؟ وتقول
إنك ما استلمت نصيبهامنا .
لك الود ايها المشاغب الحبيب .
( ليمو )
|
Post: #40
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: خضر الطيب
Date: 11-13-2006, 12:52 PM
Parent: #1
استاذنا الحبيب / عبد الحليم
لك التحية والتقدير
وللعروسين صادق امنياتنا القلبية بان يتمم الله لهم على خير وان يرزقهم الزرية الصالحة
ولك الشكر الجزيل على الدعوه الكريمه
|
Post: #41
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: حاتم هاشم
Date: 11-13-2006, 01:03 PM
Parent: #40
بسم الله الرحمن الرحيم
عزيزي عبدالحليم
سلامات
الف الف مبروك...
ربنا يسعدهم ويهنيم ببعض
ويرزقهم ذريه صالحه...
وعقبال ماتشوف ليمو الصغير
مع خالص واروع التهاني
حاتم هاشم
|
Post: #42
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: جمال هباني
Date: 11-13-2006, 01:51 PM
Parent: #41
عزيزنا / عبد الحليم
اللهم اجعل حياتهم مودة ورحمة
واجعل علاقتهم وئام ومحبة
واتمم عليهم بخير وسلام
الف مليونننننننننننننننن مبروك
اذا خف الله القدم حضور باذن الله
|
Post: #43
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: SAdo7
Date: 11-13-2006, 02:35 PM
Parent: #42
بارك الله لهما وبارك عليهما وجمع بينهما فى خير
الف مبروك للعرسان وكل الامانى بحياه زوجيه سعيده
وذريه صالحه
|
Post: #61
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 07:14 AM
Parent: #43
أخي SAdo7
شكراً لك على التهنئة ، والله يبارك فيك ويسعدك
ونرفع أكف الضراعة معك لنسأل الله أن يوفقهما
في حياتهماالزوجية ويجعلهما من السعداء .
مع خالص تقديري ،
( ليمو )
|
Post: #56
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 06:13 AM
Parent: #42
الأخ العزيز ود هباني
لك المودة والتحية ،
وألف شكرِ لك وتقدير على عاطر كلماتك .
ونردد معك بكل سعادة :
Quote: اللهم اجعل حياتهم مودة ورحمة
واجعل علاقتهم وئام ومحبة
واتمم عليهم بخير وسلام |
وفي انتظار تشريفكم لنا ومشاركتنا البهجة .
معزتي لك ،
( ليمو )
|
Post: #53
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 03:44 AM
Parent: #41
أخوي ود هاشم  حاتم) ،
لك معزتي وتقديري ،
الله يبارك فيك ، وشكراً على هذه التهنئة ،
وندعو معك لهما بالرفاء والبنين ، وأن
يجعل الله كل حياتهما خيراً وسعادة ، وأن
يمد الله في الآجال حتى نرى أولادهم ، وياحبذا
كمان لو شفنا أحفادهم .. مش خلاص دخلنا
منطقة(جدو)!؟ ، واقتربنا من حمل اللقب إياهو ؟!
اذن مرحباً بـ ( ليمو) الصغير ، وبذاك اللقب
الذي يجلب معه الزهايمر / باركنسون !
وقول معاي يا ساتر ، وربنا يديم الصحة والعافية
على الجميع ، وكذا السعادة والهناء .
شكري لك بلا حدود ،
( ليمو )
|
Post: #52
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 03:36 AM
Parent: #40
أخونا العزيز خضر الطيب ،
أشكرك عزيزي على التهنئة ، وربنا يتم على خير ،
كما نسأله تعالى أن يوفقهما في مقبل حياتهما
ويسعدهما ويرزقهما المال الوفير والذرية الصالحة .
وحضورك يشرفنا ويسعدنا ، وبكم أيها المبدع ، تكتمل أفراحنا .
مودتي ،
( ليمو )
|
Post: #44
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: ايهاب نميري
Date: 11-13-2006, 03:32 PM
Parent: #1
الف الف مبروك وانشاء الله ربنا يتم ليكم على خير
ونحنا موجودين في الخدمه
ايهاب نميري
|
Post: #45
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: ajaj
Date: 11-13-2006, 03:47 PM
Parent: #44
بارك الله لهما وبارك عليهما وجمع بينهما فى خير
الف مبروك وربنا يتمم علي خير ويرزقهم بالمال والذرية الصالحة
------------------
عجزت انت حسع وحتبقي جد
نصيبي في العزومة ادوهو لود الفاروق بوصلو لي
|
Post: #49
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: إسماعيل وراق
Date: 11-14-2006, 02:59 AM
Parent: #45
الأخ العزيز ليمو
أحر التهاني للعروسين بزواج سعيد
لك ولحرمكم مليون تحية.،
|
Post: #50
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: نجوان
Date: 11-14-2006, 03:22 AM
Parent: #49
يا ســـــلام..
ما أجمل فرحة الأب بابنته العروسه..
الــــف مبـــــروك!
|
Post: #64
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 09:14 AM
Parent: #50
الأخت الفاضلة نجوان
يباركو ليك السمح أختي ، وشكراً على الطلة والمرور
للتهنئة ، وربنا يسعدهم ويبارك لهم في حياتهم .
وفعلاً فرحة الأب بإبنته العروسة شعور لا يمكن وصفه ،
حاجة كدة ، أو كما قال ودسيدأحمد على لسان هاشم صديق :
حاجة زي ما تكون محلق ..
في العواصف .. فجأة تهبط للسكون ..
حاجة زي نقر الأصابع ..
لما ترتاح للموسيقى ..
حاجة زي أخبار تناغم في جريدة ..
حاجة زي وتر المواني ..
لما يصدح لي سفينة ..
لك مودتي ،
( ليمو )
|
Post: #63
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 08:07 AM
Parent: #49
أخي الأستاذ ود وراق
لك التحية والتجلة ،
وشكراً على التهنئة للعروسين ، ولنا .
ونسأله تعالى أن يديم الأفراح .
نأمل في أن تسعفكم الظروف وتتمكنوا
من تشريفنا بالحضور ومشاركتنا البهجة .
مودتي لك ،
( ليمو )
|
Post: #62
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 07:36 AM
Parent: #45
الأخت العزيزة بت عجاج ،
لك تقديري ومودتي ،
الله يبارك فيك وفي أيامك ،
ويحفظ ليك (يوسف) ويسعدك معاهو .
وربنا يسعدهما ويرزقهما من وفير المال
وصالح الذرية .
والظاهر نحنا عجّـزنا قُبّّال يومنا ، وبرَاي
سوّيتا في نفسي قلبي (الوافق) وماواعي .
وحيث أنه لابد مما ليس منه بدٌّ ، إذن لا داعي
للسكلبة ، فمصيرنا والحال هكذا أن نصبح
(جدود) .. و جدودنا زماااااااان .
وحقك في العزومة محفوظ ، وسوف نقدمه مناولة
لأخينا ود الفاروق ليوصله لك وحواليه رتوش من
(المخلل)ً ، بس أوعه يخمك وينوم بالمخلل ،
ويقول ليك (يطرشني ويعميني) . !؟
تحياتي ومودتي ،
جِد المستقبل :
( ليمو )
|
Post: #59
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 07:00 AM
Parent: #44
أخي العزيز ايهاب نميري
تحياتي لك ،
وربنا يبارك فيك وفي العرسان ، ويتم ليهم على
خير ، وبيت مال وعيال ، وعقبال لمن لم يتأهل
من إخواننا/أخواتنا في حوش بكري وخلافه أن
ينعم الله عليهم بالنصف الآخر فيعيشوا في سعادة
ووئام ويخلفوا بنين وبنات مع وفرة في الدينار.
| Quote: ونحنا موجودين في الخدمه |
شكراً ليك كتير أخي ، عارفك أخو أخوان ، وما بتقصِّــر تب ،
ودي المحرية فيك . نتمنى حضوركم وتشريفكم ليزدان بكم الفرح
فالعهد بكم تجلبون البهجة والسرور حيثما حللتم .
فإلى الملتقى في رحاب الجوسق حيث الفرح يرفرف بجناحيه محتفياً
بالعرسان .
سلمت أخي ود نميري .
مع مودتي ،
( ليمو )
|
Post: #54
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: أبو الحسين
Date: 11-14-2006, 03:45 AM
Parent: #1
بلالك بلالك عديلة عليك يا محمود حلاااااااااالك حلالي عليك....
يسعدنا ويشرفنا أن نطير من الخُبر طيران علي صالة الفرح ونبتهج معاكم ونسأل الله أن يتم بين العروسين محمود وهيام على خير ويجعل زواجهم ميمون ويديم عليهم نعمة السعادة والهناء يااااااااااااااارب...
وما تنسى تقول العُقبال لينا...
كميات مودتي لك وللعروسين...
أبو الحســــــــــــــين...
|
Post: #69
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 09:43 AM
Parent: #54
أخي العزيز أبوالحسين ،
لك مودتي ،
والقبيل راجينو نحنا ..
يوم تبشر بيهو غيمة ..
لما تمطر يوم علينا ..
الفرح يملأ المدينة ..
بارك الله فيك وأسعدك دوماً مثلما أسعدتنا
بحديثك ودعواتك للعروسين بنعمة السعادة
والهناء .. وعقبال لمن نفرح بيك إنت كمان
وننثر الفرح حواليك .
وحتماً سنسعد بكم ونفرح إن شرفتمونا وقطعتم
الفيافي لمشاركتنا الفرح .
مع خالص اعزازي ،
( ليمو )
|
Post: #55
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: أبو ساندرا
Date: 11-14-2006, 04:37 AM
Parent: #1
{ ليمو }
دي تاني مابتنفع مع الجد المرتقب
يا عبحليم أخوي
فغير توقيعك ل { جدو }
مليون مبروك للعرسان
والسرتين
وبيت مال وعيال و
فن
|
Post: #57
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abuguta
Date: 11-14-2006, 06:24 AM
Parent: #55
مبروك
يا ود التلب..
وربنا يتم للعيال على خير...
مشرفبن ان شاء الله
|
Post: #66
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 09:25 AM
Parent: #57
عزيزي الأخ أبوقوته
لك تحياتي ومودتي ،
الله يبارك فيك وفي مَن باركت لهم،
ونسأله تعالى أن يتم على خير ،
وربنا يسعد الجميع ، وتدوم الأفراح .
بحضوركم ومشاركتكم لنا البهجة والأفراح
يزداد شرفنا ، وبكم نزهو ونسعد .
تقديري ،
( ليمو )
|
Post: #65
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 09:21 AM
Parent: #55
أخي أبوساندرا
لك الود والتحايا ،
الله يبارك فيك وفي أيامك ، وشكراً على التهنئة ،
وربنا يسعدهم في بيت كله مال وعيال .
والظاهر من هسع راحت علينا ، بعدما العيال كبرت ،
ويعني عاوزني تاني أكتب التوقيع :
( جدو ليمو )
ما عندي مانع ، بس لمرة واحدة عشان
خاطرك وخاطر ناس الدوحة الرائعين .
وتسلم لأخيك :
( جدو ليمو ) المرتقب ؟!
|
Post: #58
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: يوسف السماني يوسف
Date: 11-14-2006, 06:33 AM
Parent: #1
الاخ التلب
سلامات
الف مبروك للابنة هيام وزوجها
ربنا يجعلها زيجة مباركة .
افراحك هي افراح البورداب عامة وبورداب الرياض خاصة فحضورنا واجب
|
Post: #60
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: محمد زمراوي عبدالعزيز
Date: 11-14-2006, 07:01 AM
Parent: #58
زمراوي الولي يحيي العروسين وابويهما
زغرودة فرح ومبروكين
زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين
زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين زغرودة فرح ومبروكين تحياتي
يمكن نجي لكن اذا أكدتو لينا انو حيكون فيه غناء نوبي ولا ساي نطيط عرب بس ونكون ما فاهمين حاجة... ولو في الصالة المغلقة ديكا امنعوا التدخين وخلوا الشاشة شغالة في الصالة التانية عشان عندنا ونسة تقيلة بيبرا طبعا مع عواجيز سودانيز اونلاين... مش كدا يابن عمي؟؟؟ طبعا حيعرف نفسو براهو...
|
Post: #68
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: سيد محمد احمد سيدنا
Date: 11-14-2006, 09:40 AM
Parent: #60
الف مبرووووووووووووووووووووك اخونا التلب
بيت ماااااااااااااااااااااااااااال وعيال
ربنا يسعددددددددددددددددددددددد العروسين
حضوووووووووووووووووووووووووووور باذن الله
الاخ التلب نحن فى الخدمه وجاهزين لاى تكليف
تهانئييييييييييييييييييييييييييييييييينا
تحياتـــــــــى
ســــــــــــيد
|
Post: #71
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 10:15 AM
Parent: #68
أخي العزيز سيد ،
مودتي لك وتقديري ،،
الله يبارك فيك ويسعدك ،
ويديك الصحة والعافية ،
ما بتقصر أخوي سيد ، وعارفك أخو أخوان، وماعدمناك أخي .
وربنا يجمعنا جميعاً في ساعة خير وسعادة ،
وتشريفكم لنا بالحضور يزيدنا بهجةً ويجعل
الفرح فرحين .
ألف شكر ليك وتسلم لأخيك التلب .
مع معزتي ،
( ليمو )
|
Post: #70
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 09:53 AM
Parent: #60
عزيزي وأخي ود زمراوي ،
نضيف إحساسنا لي بُكرة ..
يا بُكرة .. يا بكرة ..
يا بكرة الغصن ناشف ..
يا بكرة الفرح يوماتي ..
بيكاتل حُزن أطفال ..
بتتشابا عشان تعرف ..
شنو الفي إيدنا لي بكرة ..
شنو الداخرنو للسكَّـة ..
جعل الله كل أيامك زغاريد أفراحً ، ومتعك بالصحة والعافية .
وبارك الله لك في أيامك وقيض لك السعادة فيها دوماً .
شكراً على عميق التهنئة ورقيقها ،
وطالما الخال (حمزاوي) موجود فأكيد سوف يكون
عامل حساب الغناء للناطقين بالعربية المطعمة
بالتركين ومحلاة بطيبة وصدق إخاء أهلها .
تعال يا سيدي وشرفنا بحضورك الكريم ، وسوف يطربك المبدع مرزوق حتى الثمالة .
معزتي لك ومودتي ،
( ليمو )
|
Post: #67
Title: Re: من أفراح الرياض : زواج إبنتي (هيام) بالأربعاء ، فهلا شاركتمونا الفرحة؟ - (ليمو)
Author: abdulhalim altilib
Date: 11-14-2006, 09:36 AM
Parent: #58
أخي العزيز ود السماني
لك كثير مودتي ومعزتي ،
الله يبارك فيك وفي جميع أوقاتك ، وشكراً كثيراً
على التهنئة بزواج الابنة هيام للشاب محمود .
ونسأله تعالى أن يسعدهما ويجمع بينهما في خير دوماً .
وقطعاً أفراحنا هي أفراح البورداب عموماً ، وناس الرياض خصوصاً .
وتشريفنا بحضوركم يؤجج الفرح في دواخلنا ، وبكم نسعد ونبتهج .
فإلى الملتقى أمسية الأربعاء في الجوسق .
مع تقديري ،،
( ليمو )
|
|
