لنا ووالي الدين شوفوا الكضب دا

Quote: استقبال فاتر وهتافات معادية في العليقة للصادق المهدي Nov 8, 2006, 07:18 سودانيزاونلاين.كوم Sudaneseonline.com بدر الدين عبد الرحمن - اعلامي - صحيفة الحياة شهدت منطقة العليقة الشيخ ود مضوى غرب كوستى تخريج حفظة القران الكريم وشرف الاحتفال الإمام الصادق المهدي زعيم الأنصار و رئيس حزب الامة الذي خاطب الحضور في خطاب لم يستمر أكثر من خمس دقائق ، وتراجعت اعداد مستقبلي إمام الأنصار بصورة واضحة وعزا المراقبون هذا التراجع لتمدد المؤتمر الوطني ووصول خدمات لمناطق حزب الأمة إضافة لتأييد امام الأنصار للتدخل الأممي في السودان وإخفاق حزب الأمة وفشله في امداد جماهيره بالخدمات الأساسية، وهتفت جماهير المؤتمر الوطني بالعليقة لحظة مرور الإمام الصادق منددة بالتدخل الأجنبي .ووجد وفد امام الأنصار استقبالأ فاترا لحظة مروره بمعدية- الدويم -، حيث سلك الطريق الغربي وصولأ للعليقة ، حيث لم يزد عدد المستقبلين للإمام أمام معدية الدويم عن الثمانية والتسعين شخصأ مما جعل الإمام يواصل سيره دون الترجل عن سيارته. وشكل أعضاء المؤتمر الوطني بمنطقة العليقة حضورأ مميزأ بهتافاتهم ولافتاتهم الرافضة للتدخل الأممي قي دار فور ،وتعتبر منطقة العليقة قلعة من قلاع حزب الأمة في الماضي لكنها شهدت تراجعا حادأ لأسهم الحزب في الٍسنوات الأخيرة وذلك لتمدد المؤتمر الوطني بخدماته في ولاية النيل الأبيض ،يذكر أن بيت الخلافة في العليقة يقف 95% من أعضائه مع المؤتمر الوطني بينما بقي الخليفة البلة وشقيقه بحزب الأمه . وعبر عدد من مواطني المنطقة عن أسفهم البالغ إزاء ما حدث حيث ذكروا أن الخلاوي قام بتحديثها وبناء إمتداداتها والي النيل الأبيض السابق( مجذوب يوسف بابكر) وقالوا أن دعوة الصادق المهدي لتخريج الحفظة فيه إجحاف لقادة الولاية والمؤتمر الوطني .

الخبر الذي كتبه هذا الصحفي الذي يعمل بصحيفة الحياة جعلني اقلب في قوقل وبقية محركات البحث وحتي في ارشيف موقع صحيفة الحياة اللندنية للتاكد من هذا الخبر وذهبت كل محاولاتي سدي رغم خبرتي بالكمبيوتر والبحث في الشبكة، لكن الحياة مرة واحدة شاهد عيان علي افول شعبية السيد الصادق علي الرغم من جماهير سنار التي خرجت لاستقباله والتي اتهم واليها ولاية النيل الابيض بانها مصدر الجماهير؟ فكيف اذن يزور السيد الصادق النيل الابيض ولا يستقبله احد؟ في حاجة غلط !!!! السيد الصادق الذي صلي معه الالاف صلاة العيد لا يجد سوي 98 ليستقبلوه؟ دا كلام؟
لحدي ما جاني الخبر اليقين بعد ما كلفني الزول دا القومة من مكتبي وكم تلفون لاكتشف انه في حاجة اسمها جريدة الحياة تصدر عندنا؟ لا حول ولا قوة الا بالله؟ طوالي اتذكرت اسماء احزاب التوالي.
يعني جريدة زيها زي اخبار اليوم والراي العام واخر لحظة وصحفي زيه زي الزومة وابو العزائم والهندي والطيب مصطفي.
علي طول عرفت سبب الخبر وهو بيان الي قادة المؤتمر الوطني انه الوضع تمام ونحن 100% وانتو حقيقة صفر في المية لانه الصور الشفناها تؤكد عكس الكلام القلته
اذا كان السيد الصادق يعلم بعدم استقباله الا ب 98 شخص فلماذا تحرك من الخرطوم من اصله؟ انت قايل راسنا دا فيه عجين؟
تقريرك تمام زي تقارير الجماعة لنافع عن الوضع في نهر النيل لحدي ما لقي المعارضة فازت بجامعة شندي بلد اهله.
الي قادة هذا الاعلامي صاحب (التقرير)
النيل الابيض مقفولة والصادق دا لو ما تاريخ ابواته كان بيندق عندنا ونحن في (بيعتنا) ركزوا يا ناس الخرطوم علي (بيعتنا) دي وعليكم الله ما تنسوها لانها هي لله هي لله وما تسمعوا كلام الكضابين اولاد اللذين وما تصدقوا الصور المدبلجة.
بعدين قياداتنا في المؤتمر شايفة شغلها ووالينا الهمام عمل الخلاوي وعمل الطرق ومن شدة ريدة الناس ليه الصادق دا وطاتنا لقاها نار نزول فيها ابي ما ينزل، بس قابلوه 98 نفر هم المخرفين من ابواتنا واماتنا ناس البتاع داك اسمه شنو يا اخي ايوه ايوه الراتب ومعاهم كوم شفع البيلعبوا الكورة جنب المدرسة العملوا فيها الاحتفال وهم ذاتهم زهجانين لانه الصادق سد عليهم القون وما صدقوا لمافات عشان يتموا الكورة ؟ وحتي ال 98 نفر ديل لو عايزنهم نحن ما بغلبونا بس (الدعم) (الدعم).
اما طلبة المدارس وموظفي الدولة فديل ما مرق اي واحد منهم لانهم محجوزين .
وعليكم الله ما تسمعوا الكلام الفاضي والمغرض لانه (نبوية بتطلع اشاعات)
98 نفر بس يا مفتري ؟ يا اخي ال 98 ديل عندنا في السودان بيتلموا في طهور بت خلي السيد الصادق.
اخوكم الاتحادي الديموقراطي.

الحبيب عمر
دة كذاب بس؟
سيتصل الحزب بجريدة الحياة مع صور الإستقبال حتى يعلّموا صحفييهم تحري الدقة في النشر.
تتوقع شنو من صحفي مؤتمر وطني صحفي سلطة أكيد بلا ضمير ولا أبجديات مهنة؟
لنا

جماهير حزب الامة بالنيل الابيض تحتشد للقاء المهدي و تلق...وطني درسا قاسيا(صور)

يا لنا رأيك شنو في الحياة دي

الاعزاء/ محمد عمر ولنا

ليس بغريب على صحافة السودان في الوضع الراهن ان تلوي عنق الحقيقة

وكما ترون يضج المنبر بافاعيل من يسمون انفسهم صحافيين من سرقة مكشوفة لمقالات الاخرين

نعم كشف الاعيبهم احتاج لمجهود بحث .. لكن حضور مواطنين بهذا العدد لاستقبال السيد الصادق

لاينكره حتى الاعمى منهم

فهم لازالو في غيهم يعمهون...وينسون ان العالم اصبح قرية كونية يستحيل معها تغبيش وعي

الناس بهذه السهولة

اتمنى ان تتم إدانة هذا الصحفي غير الامين من قبل مسؤولي حزب الامة في العاصمة

Quote: الاعزاء/ محمد عمر ولنا ليس بغريب على صحافة السودان في الوضع الراهن ان تلوي عنق الحقيقة وكما ترون يضج المنبر بافاعيل من يسمون انفسهم صحافيين من سرقة مكشوفة لمقالات الاخرين نعم كشف الاعيبهم احتاج لمجهود بحث .. لكن حضور مواطنين بهذا العدد لاستقبال السيد الصادق لاينكره حتى الاعمى منهم فهم لازالو في غيهم يعمهون...وينسون ان العالم اصبح قرية كونية يستحيل معها تغبيش وعي الناس بهذه السهولة اتمنى ان تتم إدانة هذا الصحفي غير الامين من قبل مسؤولي حزب الامة في العاصمة

الحبيب حيدر
هو الحق ما كتبت
وجه العملة الآخر لSMC
وفبركتها و عدم تصديقها أن المؤتمر الوطني راحت عليه و أن 17 سنة ما نست الناس وفائها للقوى الوطنية أو كراهيتها للشمولية!
لنا

لو بتكتب أخبار كذب تبقى (ممات)

حلوة وملعوبة
الله يجازيه قطع قلبي
ما قايلها حياة لندن النزيهة الرصينة

الحملة مستمرة راجع اخر لحظة عدد اليوم ص 4 تقرير نزار بابكر
الفرق ان الثاني يقول في حشد كبير لكن في مشكلة ما وضحها، بعد شوية بكتب ليكم نص الخبر.

كان نميرى أشطر


ودا


كذاب أشر

تصدق يا محمد الكيزان ديل جنو عديل

يعني حتى الكتابة بقو ما بعرفوها الزول ده كل حرف بيكتبو بيهتف بالكذب والنفاق
ولكن لنترك ما يكتبون ولندع الصور تتحدث

والحالة دي بفتور يعني لو كان في حماس كان ح يحصل شنو










( ميرم الحسنات ترحب بالحبيب الامام والوفد المرافق له ونحن على العهد والبيعة
والسودان حزمة واحدة )

الصحفي ده يا ربي ما كان مركب نضارة ولا ده عمى بصيرة ؟؟

لقد اعماهم الحقد والحسد فعميت ابصارهم قل موتوا بغيظكم ايها الكيزان

الحبيب محمد عمر ...سلامات

Quote: لحدي ما جاني الخبر اليقين بعد ما كلفني الزول دا القومة من مكتبي وكم تلفون لاكتشف انه في حاجة اسمها جريدة الحياة تصدر عندنا؟

والله لوما كلامك دا انا حتى الآن لم اسمع بهذه الجريدة ياخي كلو اصبح عندنا واحد جريدة الحياة ،جريدة الموت آخر لحظة ،آخر نزهة..

عزيزي محمد حزب الأمة انشاء الله بخير وجماهيره بخير دعهم يتوهمون.

مودتي واحترامي

العزيز جدا محمد عمر الفكي
تحياتي

Quote: اخوكم الاتحادي الديموقراطي.

تصور يا محمد عمر الكيزان ديل
اولا يقوموا يكضبوا و يطلقوا الشائعات
بعد داك يجوا يصدقوها هم براهم...

فمن اكثر الاشاعات البيطلقوه
انه الاحزاب الكبيرة فقدت شعبيتها
يعني الاتحادي و الامة لصالح المؤتمر الوطني

و الله ما فيه زول مصدقهم و لو هم مصدقين
انفسهم كدي الانتخابات القادمة دي يخلوها حرة و نزيهة
عشان يشوفوا براهم
ليس الصحفيين و حدهم بل حتي القيادات منهم
احيانا يكذبون او قل دائما....

في زيارة السيد الصادق الي سنار في يونيو الماضي
( و الله الكلام من مصدر مطلع من داخل المؤتمر
الوطني ) سالوا الوالي احمد عباس عن ماذا فعل
لافشال الزيارة فقال لهم اطمئنوا حتي صفق الشجر
في سنار مؤتمر وطني....
و عندما سؤال مرة اخري عن سبب نجاح زيارة المهدي
لم يكذب او ينكر في مسالة نجاح الزيارة
انما كان رده غريبا حيث قال ان كل هذه الجماهير التي
خرجت للصادق هي جماهير قادمة من و لايات اخري
تحديدا الخرطوم
النيل الابيض
و النيل الازرق.... فاسعدنا نحن تعليقه و خدمنا اعلاميا

و هذا الصحفي ايضا خدمنا اعلاميا...
فالبعض ربما لم يتسني له معرفة ما اذا ذهب
الصادق للنيل الابيض
ام لم يذهب... و لم يتسني له معرفة
حجم الاستقبال او مدي نجاح الزيارة
لكن عندما يقرا مثل هذا الخبر الغريب
فانه بلا شك سوف يحاول التاكد اكثر
و عندئذ يتوصل الي الحقيقة
و يعرف مدي نجاح الزيارة
و بالتالي مدي كذب الخبر
الذي يعكس فشلا ذريعا للمؤتمر الوطني
حتي في كوادره الاعلامية فانا عندما اريد ان اكذب لاشوش
فعلي ان اكذب في شئ لا يستطيع الناس نفيه
او تاكيده لا كذبة مفضوحة مثل هذه

سلام للجميع

المشكلة جلدهم تخن بقي زي جلد الابل ما بحسو ابدا

ده شنو ده

لا حول ولا قوة الا بالله

يا اخوي هم عارفين لكن شغالين بنظرية اكذب واكذب حتي تصدق نفسك ، والدليل انهم منعوا مظاهرات السكر والبنزين لانها كشف عن حقيقة اعدادهم.
بالله امش اي حلة وقول وروني الجبهجي عندكم منو؟ والله شافع صغير يعدهم ليك كلهم في حلته والحلل المجاورة.

يا سيف مساعد
تحياتي
قول جلد قرنتية

مصداقاً لكلام الحبيب ولي الدين عن مبررات والي سنار المتهافتة:طريق حزب الأمة القومي المفروش ب(ورود رضا الجماهير) للفو...مة، الحشاش و شبكتو!!

Quote: أتمنى على والي ولاية جنوب كردفان" إسماعيل جلاب" ألا (تأخذه سنة من عدم الدبارة)كالتي اخذت والي ولاية سنار عقب زيارة وفد الحزب للولاية بمحلياتها المختلفة،تلك الزيارة المعجزة التي اصطف فيها أهالي كل الحلال على طول الطريق الإسفلتي من الحاج عبدالله إلى مدينة سنار لتحية وفد حزبها،أخرجت والي ولاية سنار من طوره و جعلته يصرح تصريحات لو قرأها بعد النشر-وحتماً فعل-،فأنه سيلوم نفسه أشد اللوم لما فيها من عدم حكمة واعتراف بقوة الخصم! تصريح والي سنار "المهندس أحمد عباس" لجريدة الصحافة المنشور بالعدد 4674 بتاريخ 12-6- 2006حوى عجباً! قال الوالي: " أن 70 % من الذين استقبلوا المهدي تم استجلابهم من ولايتي النيل الأزرق والنيل الأبيض" وهذا اعتراف صريح من الوالي أن الإستقبال كان ضخماً وأن الجماهير عددها كان مهولاً،وكأنه بهذا التصريح أراد أن ينفي (شبهة) أن من استقبلوا الوفد هم جماهير ولاية سنار،وبذلك أراد أن ينفي مسئولية سلطات الولاية المباشرة ومسئوليته الاعتبارية كوالي عن عدم منعهم بالترغيب أو بالترهيب،ولكنه من حيث لا يحتسب أمّن على قوة خصمه والتفاف قواعد حزب الأمة حول قيادتها المنتخبة شرعياً و ليس عبر آليات انتخاب صورية و(تكميمية)ك(الإجماع السكوتي)مثلاً!!!

ياحباب الصحفى القال انو بتاع الحياة دا
انا عاوز الخبر كتبو فى اى جريدة
اليوم مشيت لبتاع المكتبة قلت ليهو ادينى الحياة بتاعت امس طبعت القاهرة
فتشتها فتيش تقول بس فتيش يوسف عبدالفتاح مالقيت الخبر دا

**********************

يا محمد عادل
انت برضه طلعت مسكين زي وقايلها جريدة الحياة اللندنية؟ دي طلعت كوبي من الاسم بس سوداني.