Post: #1
Title: حدث في مثل هذا اليوم...
Author: رشا سالم
Date: 11-08-2006, 04:28 PM
Parent: #0
حدث في مثل هذا اليوم ...
السنة الفاتت..
الساعة 8 مسا..
في اجازتي للسودان...
بعد عشرة يوم من وصولي..
في شارع الشجرة..
حادث بالعربية..
اسفر عن عدة اصابات في ( نخرتي الماالعاجباني )...
وكمية من الدم المنهمر علي وشي وهدومي(العاجباني)...
جمهرة بتاعت ناس...
ناس عايزة تساعد...
وناس دايره تواكب الشمار...
حوادث الخرطوم...
لاقيت زملائي وما عرفوني من كمية الدم...
باقي الاجازة كان عبارة عن الم..والم..والم...
الم في جسمي من الحادث...
والم في روحي من الاجازة الضاعت علي وانا راقدة في البيت..
ناس كتار كنت مشتاقة ليهم ودايره الاقيهم..
الم لفراق السودان وانا ما بليت شوقي ليهو....!
غايتو زي ما بيقول المثل:
طرينا الشر لبعده..!
ربنا يبعد الشر عن الجميع..
وتوبة تاني ..
|
Post: #2
Title: Re: حدث في مثل هذا اليوم...
Author: ajaj
Date: 11-08-2006, 04:34 PM
Parent: #1
يا زولة حمدلله علي سلامتك
والجاتك في انفك زيها وزي الجاتك في نخرتك
|
Post: #4
Title: Re: حدث في مثل هذا اليوم...
Author: رشا سالم
Date: 11-08-2006, 08:31 PM
Parent: #2
الاخت عجاج...
الله يسلمك ياخ..
والله نخرتي دي انا كنت دايما بنقنق فيها ...
ولما اشتغل مع بروفيسور خالد ياجي في سوبا, كنت بقول ليهو
اعمل لي عملية تجميل لنخرتي! وهو يضحك فيني..
سبحان الله ..ربنا قدر انه هو العمل لي الخياطة التجميلية للجرح..!
غايتو انفي سابقا ونخرتي حاليا ..حيروني..
لكن تاني بطلنا النقة...
|
Post: #3
Title: Re: حدث في مثل هذا اليوم...
Author: معاوية كرفس
Date: 11-08-2006, 05:59 PM
Parent: #1
.
العزيزة د / رشا سالم
بالجد ربنا قدّر و لطف
لكن علينا نحنا ديل
والدليل الإقتباس التحت دا:
Quote: غادة محمد عثمان نوري
العمر: 31 سنة
خريجة ج السودان للعلوم والتنولوجيا كلية العلوم .
السكن: الكلاكلة القبة.
تعرضت لحادث حركة مروع في 23/7/2002
ادي ذلك الحادث الي الاصابات التالية
كسور بعظم الفخذ
كسور بعظم الساق
كسر بالقدم الايمن
قطع الرباط الصليبي للركبة اليسري
تمزق بالسلسلة الفقرية
جروح قطعية بالوجه واليدين والرجلين
وقداجريت لها العمليات الاتية:
- بتاريخ 3/8/2002 عملية تركيب مسطرة للساق ومسمار نخاعي للفخذ بالرجل اليمني بمستشفي الشرطة.
- بتاريخ 7/10/2003 عملية ترميم الرباط الصليبي والمسطرة وقد خضعت للعلاج الطبيعي + ازالة المسمار والمسطرة وقد خضعت للعلاج الطبيعي بمستشفي الشرطة والخرطوم وابن سيناء. |
.
هل تعلمي يا دكتورة
انو حادث الزولة الإنتي مهتمة بيها شديد كدا دي
كان في نفس الاشارع المشئوم دا
و هي كانت متجهة من الكلاكلة
لأركويت لأداء حصة لطلاب ممتحنين الشهادة .
و في نفس الشارع وقبل حوالي الثلاث أعوام
حصل حادث حركة لأعز أصدقاء لي
وأيضاً خرجوا بأقل الأضرار مقارنةً بالعربية
و من ضمنهم عضو البورد ( شبشة )
لذلك الشارع دا أنا بكرهو شديد
وهو أقصر الشوارع المؤدية لبيتنا
ولكني بتحاشاهو تماماً .
.
|
Post: #5
Title: Re: حدث في مثل هذا اليوم...
Author: رشا سالم
Date: 11-08-2006, 08:39 PM
Parent: #3
Quote: هل تعلمي يا دكتورة
انو حادث الزولة الإنتي مهتمة بيها شديد كدا دي
كان في نفس الاشارع المشئوم دا
و هي كانت متجهة من الكلاكلة
لأركويت لأداء حصة لطلاب ممتحنين الشهادة . |
سبحان الله...
انا جيت الشجرة من اركويت وحصل لي الحادث وانا راجعه اركويت!
ورجعت بالشارع العجيب ده عشان اغشي بت خالي في جبرة...
لانها كانت راقدة بكسور في رجلينها نتيجة حادث حركة في القاهرة!
Quote: حصل حادث حركة لأعز أصدقاء لي
وأيضاً خرجوا بأقل الأضرار مقارنةً بالعربية |
انا غايتو طلعت منها بجرح وخياطة والم فظيع..
والعربية total loss !
كرامة وسلامة..
ومادام الشارع دا مشهور بالحوادث ساكتين مالكم؟
اعملوا حملة لناس المرور ديل..
|
Post: #6
Title: Re: حدث في مثل هذا اليوم...
Author: معاوية كرفس
Date: 11-08-2006, 09:15 PM
Parent: #1
.
Quote: ومادام الشارع دا مشهور بالحوادث ساكتين مالكم؟
اعملوا حملة لناس المرور ديل.. |
إنتي عارفة
يا دكتورة ربنا شافك
بعدين ناس المرور هم العاملين حملة
ما أنحنا.
والموضوع دا بظهر فيهو الوالي
لي حدي آخر عسكري في شرطة المرور
وممكن تجري المسائلة دي لي حدي عمر البشير
ذاتو .........................
كان هو عارف حاجة عن شوارع الخرطوم
عموماً دا موضوع بدأ فيهو
أخوناالأستاذ المحامي /علي عجب
( موضوع قانون شرطة المرور )
أتمنا انو يتمو لينا .
.
|
Post: #7
Title: Re: حدث في مثل هذا اليوم...
Author: انعام عبد الحفيظ
Date: 11-09-2006, 04:06 AM
Parent: #1
رشوية
انتي تبري من الالم والاذى
| Quote: لكن تاني بطلنا النقة... |
ايواااااااااااااااا ده السؤال
انتي كنت بتنقي في شنو لمن عملتي الحادث 
بس ما تقولي لي انا قاصده نقتي في نخرتي 
مودتي واحترامي
|
Post: #8
Title: Re: حدث في مثل هذا اليوم...
Author: ابو جهينة
Date: 11-09-2006, 04:14 AM
Parent: #7
سلامات يا دكتورة رشا
| Quote: اسفر عن عدة اصابات في ( نخرتي الماالعاجباني )... |
| Quote: وكمية من الدم المنهمر علي وشي وهدومي(العاجباني)... |
الدم على الهدوم مقدور عليه
أها نخرتك دي كيف الشورة ؟ ما في فكة منها 
|
Post: #15
Title: Re: حدث في مثل هذا اليوم...
Author: رشا سالم
Date: 11-10-2006, 08:43 PM
Parent: #8
الريس ابوجهينة...
Quote: الدم على الهدوم مقدور عليه
أها نخرتك دي كيف الشورة ؟ ما في فكة منها |
والله النخرة دي ياها المشكلة...
انا قلت استغل الفرصة واعمل plastic surgery لكن حموني الحاقدين..
غايتو انا جيت من الحادث ومشيت حجيت طوالي وغسلت نخرتي من موية زمزم
اها تاني عندك كلام؟!
|
Post: #14
Title: Re: حدث في مثل هذا اليوم...
Author: رشا سالم
Date: 11-10-2006, 08:39 PM
Parent: #7
الحبيبة انعام عبد الحفيظ...
الله يسلمك يا اخيتي ويكفيك شر الطريق..
| Quote: انتي كنت بتنقي في شنو لمن عملتي الحادث |
وحاتك يا غالية كانت نقة في منتهي البراءة...(وش برييييييييييييء!)
|
Post: #9
Title: Re: حدث في مثل هذا اليوم...
Author: Adil Osman
Date: 11-09-2006, 08:42 AM
Parent: #1
سلامتك يا دكتورة. الكان سايق العربية منو؟
|
Post: #16
Title: Re: حدث في مثل هذا اليوم...
Author: رشا سالم
Date: 11-10-2006, 08:50 PM
Parent: #9
عادل عثمان...
شكرا علي الصورة الانا ما شايفاها..
وسؤالك عن السواق شميت فيهو ريحة غتاتة
لكن والله انا زولة حريفة جدا في السواقة..بس القدر..
والشارع ضلام دامس وضيق شديد..
والنسوان صحي بيوصفوا لبعض الاكلات وخلطات الكريمات وبيوت
الحنانات وبيكملوا الشمارات في الموبايلات وهم سايقين..
لكن برضوا حريفات
|
Post: #10
Title: Re: حدث في مثل هذا اليوم...
Author: Hololy
Date: 11-09-2006, 10:08 AM
Parent: #1
......
........................الثنائي الذكي .............(عارف انو ما جبت حاجه جديده!!) .........
.........ورد....................وتاني ورد ........و حبّة ود..........(عيش ريف!).......ليكم......
.......قبل يومين و انا اتصفّح هذا الفضاء ....خنقني الزحام .......ولم اجد موطئ ......لزفره.......
............................فاّليت القبع في نفسي.............................................................
ــــــــــــــــــــــــــــــــــــــــ
..........(نطّه)...............
........ياكرفس ...............
.......ايام قليله ماضيه ..... وفي مداخله لك..... مداخله و ليس بوست....... انزلت اربعه او خمسه...لنكات........ لا اذكر تحديدا .........
......لموضوع واحد ......نفسه هو موضوع ذاك البوست!!!!!!!!!!!!؟؟؟؟؟؟؟؟؟؟؟ ......و اسماء متعدده !!!!!.....................
...........بالطبع هذا حقهم .................لكن؟؟؟؟؟؟......مافي امكانيّه يكون هناك بوست واحد مشترك..............و باسمائهم ............................................
.....اقترح لبكري .....to create an electromagnatic software .....و بقوه مغناطيسيه عاليه.......تفوق الارضيه ... احيانا ...لزوم الهواء و شربكات الفضاء...
.....لالتقاط البوستات ذات الموضوع المشترك ..............و انزالها في واحد..........علّ المرء يستطيع التركيز ...... و حفظ الزمن..........و.............و............
........و يمكن كمان الزول يلقا ليهو فرقه في الزحمه .....و يعمل ليهو بوست؟؟؟؟؟
وبعدين ياخي حكاية تحويل لزول في جزء من دول الارض؟؟!!.. لحساب في السودلن لزول ..... حيتعالج في السعوديه.......دي بس زي .........
.......................كان يا ما كان.........
........ .....زمـــاأأأأأأأأأأأأأأأأأأأأأأأأأأأأن..............
.........في ســـــــــــالف ....العصر .......و الاوان..................
........زول اسمو ............ملاسي عبد الرحمـــــــن...............
...........سال ...صاحبو الأسمو .... المنبت الشقيان................
..........الما .....قطع ......ارض........و ما خلّي ....مش عجله!!
..........و لا حتي ترتاره....... يلعب بيها كمان...................
.........قال ليهو ...اضانك وين يالشقيان؟؟؟؟؟؟؟؟؟؟؟؟؟؟؟؟؟؟؟؟
........اتفرجخ الشقيان .....في الواطه دي ....و رفع رجلو اليمين و لفاّها حول رقبتو ....
.....و كمان باعد بين اصبعين رجلو ....الأصبع السمين و الجنبو................
....و اطبقم علي حلمة اضانو الشمال........و راسو مدنقره تحت.......و رجلو متعنقله....فوقا....
......و قال ليهو................
..............اهو ...................دييييييييييييييييييييييي..........
...يعني ما ممكن يتفتح حساب في السعوديه مباشر؟؟؟؟؟
ـــــــــــــــــــــــــــــــــــــــــــــــ
.......(عرجه ب نص رجل)......
....تعرف يا كرفس؟؟؟؟ هناك كتير من الدول ما عندها تعامل تحويلي مع السودان...زي القاره المتجمّده الجنبنا دي....
(.....اسمها ....انتاريكا و الا اركنتاريا ....ما عارف ......وفيها ناس عايشه -علماء بس ..و هي sharing بين كل دول العالم و يمكن فيهم سودانيين .....
......... انا زاتي عرفتها بعد ما جيت حافّة هذه الارض الخايف اقع منّها!!!... )
........ده غير بقية الكوكب ....يا رشا...يعني ما اروبا و الخليج و البورداب ....بس!!!!
.......هسع الزول القاعد جنبي ده..... عندو رغبه يعمل ليهو حاجه سمحه ......... حلّوها ليهو؟؟؟؟؟؟؟؟؟....يعملا كيف؟؟؟
ــــــــــــــــــــــــــــــــــــــــــ
.......(في النص).....
.......البوست بتاعك ده يا رشا و مداخلة كرفس ....وصّل الفكره......تماما ... و اول رد فعل لصاحبي ده ....................
......ابدا رغبة المشاركه.....و.... ازدياد جرعة الغضب و الدعاء عليهم....(ناس الطرق - ما الصوفيه - الحياتيه!؟).........
....يعني يا كرفس في ناس معاكم ..باضعف الايمان!.....و بالمناسبه دعواتو واصله ....و اهلو من الناس ديك البروّبو المويه....
......اسال الجريفاوي منّهم؟؟؟
......مجددا.........ورد .....و قفّة عيش ريف ...ود ....و للمتداخلين.....
|
Post: #17
Title: Re: حدث في مثل هذا اليوم...
Author: رشا سالم
Date: 11-10-2006, 08:58 PM
Parent: #10
سيدي حلولي..
مرورك جميل زي شفعك ابين لسنات طوال ديل
بخصوص موضوع غادة نوري...
احنا حبينا نعمل حملة لجمع التبرعات ليها..
والاخ علي عجب هو سيد المبادرة الاولي..لكن البحر ما بيابا الذيادة..
بخصوص التحويل ..وعمل حساب في السعودية..ده مستحيل بالنسبة لغادة لانها غير مقيمة..
وانا ممكن اقترح انه الناس تحول علي حسابي الخاص لكن القصة دي
بتحتاج موافقة غادة اولا ..
المهم الي ذلك الزمان وحتي اشعار آخر ..حنجتهد وقول لصاحبك سلامتك والالم بيزول..
وانا بشاور غادة في موضوع الحساب لما تصل السعودية بأذن الله..
|
Post: #11
Title: Re: حدث في مثل هذا اليوم...
Author: Hololy
Date: 11-09-2006, 10:53 AM
Parent: #1
........
.......بالمناسبه.................
........صديقي المذكور فوق ده ...برضو تعرّض لحادث حركه ....و في نفس الشارع .... و جات شبه سليمه ..... و سلامه
حــلولّي
|
Post: #12
Title: Re: حدث في مثل هذا اليوم...
Author: تيسير عووضة
Date: 11-09-2006, 11:14 AM
Parent: #1
يا رشا (سالم)
أول شي حدث في مثل هذا اليوم دا برنامج كان في قناة دبي
إعداد وتقديم أحمد (سالم)
وبعدين كفارة باعتبار ما كان
وسلامة الأنف (الملوكي) دا ..
Quote: في شارع الشجرة..
حادث بالعربية.. |
طبعاً نفس الشي حصل لي سنة 92
في نفس الشارع ذاتو, حادث عربية
طقشني الفنان (عمار السنوسي)
وكسر لي رجلي ..
تصوري
|
Post: #18
Title: Re: حدث في مثل هذا اليوم...
Author: رشا سالم
Date: 11-10-2006, 09:05 PM
Parent: #12
تيسير عووضة..
والله ليك وحشة يا غالية..
احنا رجلنا حارة علي البورد ده..
جينا من هنا..والناس مشت من هنا..
الله يسلمك يا ملكة..
Quote: طبعاً نفس الشي حصل لي سنة 92
في نفس الشارع ذاتو, حادث عربية
طقشني الفنان (عمار السنوسي)
وكسر لي رجلي .. |
والله الحادث عندك
انا غايتو عربيتي خبطت في ترتوار ودخلوا فيها عربيتين..
يا كافي البلاء زول واحد بيعرف يتكلم زي الناس مافيهم..خلي الغنا
المهم هسه نحنا طالبين عمار السنوسي دا خمسة حفلات ..
انا من هسه حاجزاهو بلاش ولو فتح خشمه ولا نقنق..بنطلع ليك اورنيك
8 ونوديهو ورا الشمس..
|
Post: #13
Title: Re: حدث في مثل هذا اليوم...
Author: عزاز شامي
Date: 11-09-2006, 11:28 AM
Parent: #1
رشوية !
سلامتك ياخ بأثر رجعي !
والعربية والنخرة فداك
الكلام الدم وأثره في اختيار ألوان الطرح ! (انا وعدتك انو ما راحم الموضوع ده)
ما علينا،
بركة البقيتي كويسة وبيناتنا حسسي تسرد (أيام في حياتك)
حسي ناسنا ديل ليهم الله !
قبل سنتنين ماتو لي 25 ود عم وبنت عم في شريان الشمال
وقبل كام سنة (بضع ونيف) من قرايبي من مواطني (الكلاكلة) اتعرضوا لحوادث سير في تواريخ متفرقة ...
يعني،
الما بيموت جوع في السودان بيموت في الشارع
وكان ختاهو الشارع
بيموت في المستشفى
وكان ختاه المستشفى
بيموت سوء تغذية
وكان اكل كويس
الملاريا ما بترحمه!
وناس تموت سااااي كده! لانو حظهم رماهم في حتة جغرافية (مهمشة)!
وناس بيقتولوها ناس حقارة ساااي!
والمات من ما ورد أعلاه،
بيموت قهر من الحالة العلينا!
وبعد الكآبة اللي جيت رشيتها ليك هنا احب اقول ليك
بركة الصحة والسلامة يا عسل ..
انتي وين ما ظاهرة؟ اعمل ليك رقصة (الشروق) ولا شنو؟
|
Post: #19
Title: Re: حدث في مثل هذا اليوم...
Author: رشا سالم
Date: 11-10-2006, 09:14 PM
Parent: #13
العزيزة جدا عزوز..
| Quote: الكلام الدم وأثره في اختيار ألوان الطرح ! (انا وعدتك انو ما راحم الموضوع ده) |
ياخ الطرحة دي ندمتني علي اليوم اللبستها فيهو..
الصورة دي انا اخدتها عشان الحج..والذ تعليق كان من اخوي الكبير..
قال لي انت قاشرة ولابسه طرحة بمبية لصورة الحج؟
انتي حاجة في التخصصي ولا شنو؟
| Quote: قبل سنتنين ماتو لي 25 ود عم وبنت عم في شريان الشمال |
ياخ البركة فيكم ودا فقد كبير وما مفروض الناس تسكت وتمشي الموضوع كدا..
Quote:
انتي وين ما ظاهرة؟ اعمل ليك رقصة (الشروق) ولا شنو؟ |
والله يا عزوز محتاجة رقصة الشروق والفرح ومهرجان
كدا بتاع اغاني والوان لعل وعسي..!
|
Post: #20
Title: Re: حدث في مثل هذا اليوم...
Author: احمد العمار
Date: 11-11-2006, 01:13 AM
Parent: #1
تحياتى يا دكتورة
وزى ما بيقولوا الجاتك فى (نخرتك) سامحتك
ما تشوفى شر
احمد العمار
|
Post: #23
Title: Re: حدث في مثل هذا اليوم...
Author: رشا سالم
Date: 11-11-2006, 07:28 AM
Parent: #20
الاخ احمد العمار..
الله يحييك ويخليك..
والله الجاتني في نخرتي سامحتني لكن..
ولا اقول ليك مافي داعي ل(لكن)..
ربنا قدر ولطف..
|
Post: #21
Title: Re: حدث في مثل هذا اليوم...
Author: خالدة البدوي
Date: 11-11-2006, 05:02 AM
Parent: #1
سسسسسسسسسسسسسسسسسسسسسسسلامتك
والف حمد على السلامة دكتورتنا الحلوة
عادية رشا في ظل الشوارع الواسعة والمسفلته
ومنظمه ومدعمة بكل اشارات السلامة المرورية
من خط عبور المشاة والانارة الجيدة و...الخ
خاصة في العاصمة ...
اتحداك تسويها ،، السودان دي الشيء الوحيدة الما بنقدر
نتوب منه ،،، ان شاء الله اول مرة واخرها ..
المرة الجاية حا تكون بعد سنة من التاريخ يمكن
وعسى ولعل الامور تظبط ،،،،
مودتي ،،،
|
Post: #22
Title: Re: حدث في مثل هذا اليوم...
Author: عادل جبارة
Date: 11-11-2006, 07:19 AM
Parent: #21
الدكتورة رشا
سلامتك لكين ما قولتي لينا الصورة
الفي البروفايل دي قبل الحادث والا بعده ؟؟؟
|
Post: #25
Title: Re: حدث في مثل هذا اليوم...
Author: رشا سالم
Date: 11-11-2006, 07:55 AM
Parent: #22
الاخ عادل جبارة..
الله يسلمك يا ملك الشمار...
Quote: سلامتك لكين ما قولتي لينا الصورة
الفي البروفايل دي قبل الحادث والا بعده ؟؟؟ |
الصورة دي بعد الحادث بشهر ونص ..
بطنك بردت؟
|
Post: #24
Title: Re: حدث في مثل هذا اليوم...
Author: رشا سالم
Date: 11-11-2006, 07:48 AM
Parent: #21
خالدة البدوي..
الله يسلمك حبيبتي ويديك العافية..
Quote: عادية رشا في ظل الشوارع الواسعة والمسفلته
ومنظمه ومدعمة بكل اشارات السلامة المرورية
من خط عبور المشاة والانارة الجيدة و...الخ
خاصة في العاصمة ... |
خالدة! انتي جادة؟
دي عاصمة السودان ولا مانهاتن؟
Quote: اتحداك تسويها ،، السودان دي الشيء الوحيدة الما بنقدر
نتوب منه ،،، ان شاء الله اول مرة واخرها .. |
انا مابقدر اتوب من السودان ..لكن توبة اساسية من السواقة..
وسنة من تاريخه دي ما كتيرة شوية؟
|
Post: #27
Title: Re: حدث في مثل هذا اليوم...
Author: معتز القريش
Date: 11-11-2006, 08:43 AM
Parent: #24
أها يا دكتورة هسة النخرة كيف
لما تجينا في الدوحة ح نعمل ليك اللازم وما تشيلي هم
غايتو النخرة كان ياها الفي الصورة دي (أجدع ناس)
|
Post: #32
Title: Re: حدث في مثل هذا اليوم...
Author: رشا سالم
Date: 11-12-2006, 03:51 AM
Parent: #27
الظلامي جدا بدون لكن..معتزالقريش..
والله يا معتز يا اخوي مشكور علي جيتك هنا..لكن..!
ياخ انا جاني الحادث ده من السما بدون تفكير ولا تقرير مني..
وعوقني ..
لكن انت البخليك تتعوق وتعرس تلاتة بمحض ارادتك كده شنو؟؟؟؟؟؟؟
انا غايتو بجي الدوحة مخصصوص عشان اشوف موضوع نسوانك التلاتة ديل..
|
Post: #26
Title: Re: حدث في مثل هذا اليوم...
Author: نزار عبد الماجد
Date: 11-11-2006, 08:02 AM
Parent: #1
العزيزه رشا بعد الكفارات وكدا
ما عارف الذكرني ال12000جنيه سنة 93
والله أنت كججك عينه والمره الجايه لمن تجي تقطعي شارع الشجره اركبي ركشه
والله جنس كجااااااااااااجججججججججججججججه
|
Post: #28
Title: Re: حدث في مثل هذا اليوم...
Author: رشا سالم
Date: 11-11-2006, 06:57 PM
Parent: #26
(العزيزه رشا بعد الكفارات وكدا
ما عارف الذكرني ال12000جنيه سنة 93
والله أنت كججك عينه والمره الجايه لمن تجي تقطعي شارع الشجره اركبي ركشه
والله جنس كجااااااااااااجججججججججججججججه)
نزار كبكو؟ ما بصدق!
|
Post: #29
Title: Re: حدث في مثل هذا اليوم...
Author: عبد المنعم سليمان
Date: 11-11-2006, 07:51 PM
Parent: #1
الدكتوره الانسانه رشا
تحياتي واحتراماتي
ما سمعتي بالمثل الجديد
ال جاتك في النخره تتحملا الشجره .. ولا شنو
ولا شنو
عشتي لغاده ولاهلك وللوطن
منعم
|
Post: #30
Title: Re: حدث في مثل هذا اليوم...
Author: Aymen Tabir
Date: 11-11-2006, 09:41 PM
Parent: #29
Quote: رشوية
انتي تبري من الالم والاذى
|
انا و انعام عبد الحفيظ
|
Post: #33
Title: Re: حدث في مثل هذا اليوم...
Author: رشا سالم
Date: 11-12-2006, 03:54 AM
Parent: #30
الاخ المحترم ايمن تابر..
ياخ وين مختفي ليك زمن؟؟
والله مفتقدين وجودك الجميل..
| Quote: انا و انعام عبد الحفيظ |
تسلم انت وانعام
|
Post: #31
Title: Re: حدث في مثل هذا اليوم...
Author: رشا سالم
Date: 11-12-2006, 03:47 AM
Parent: #29
الاخ عبدالمنعم سليمان..سيد الشوربة سابقا
الله يخليك ياخ..
وربنا يجعل مجهوداتك في مساعدة غادة, في ميزان حسناتك يارب..
انا بجي السودان بأذن الله في راس السنة..
وانشالله الاقيكم كلكم..
بس المرة دي مافي سواقة...
|
Post: #34
Title: Re: حدث في مثل هذا اليوم...
Author: عادل جبارة
Date: 11-12-2006, 04:48 AM
Parent: #31
الدكتورة رشابالله عليك أبعدي من موضوع نسوان الظلامي الفنان معتز القريش أصلو الخانة الرابعة عندو فاضية !!!!
|
Post: #35
Title: Re: حدث في مثل هذا اليوم...
Author: علاء الدين حيموره
Date: 11-12-2006, 05:05 AM
Parent: #34
الف حمدا للسلامة دكتورة رشا
لكن السؤال كنتي رابطة الحزام ؟؟
ولا العربية كانت هيلمان ؟؟؟
|
Post: #36
Title: Re: حدث في مثل هذا اليوم...
Author: امير عوض الجمري
Date: 11-12-2006, 05:25 AM
Parent: #1
بت خالتي الدكتورة
سلامتك وكلهم كرامتك
تعرفي الحادث ريحك من تكاليف العملية الباهظة و (صلّح ليك نخرتك)
انـا رافع الراية الحمراء لغاية ما ترجعوا لينا دهب حبوبتي بت جبارة
|
Post: #37
Title: Re: حدث في مثل هذا اليوم...
Author: معاوية كرفس
Date: 11-12-2006, 04:25 PM
Parent: #1
.
فوق
إلي أن يستعيد البورد
ساعته البايلوجية
.
|
|