Post: #2
Title: أشعار غنائيّة عذبه صدح بها الفنان الخالد: إبراهيم عوض
Author: wedzayneb
Date: 11-03-2006, 11:41 AM
ليه بنهرب من مصيرنا؟
للشاعر: سيف الدين الدسوقي
ليه بنهرب من مصيرنا"
ليه بنهرب من مصيرناو نقضي أيّامنا في عذاب؟
ليه تقول لي إنتهينا و نحن في عزّ الشباب؟
********************
نحن في الأيّام بقينا قصّة ما بتعرف نهاية
إبتدت ريدة و محبّة و أصبحت في ذاتها غاية
كنت تمنحني السعادة وليّّ تتفجّر عطايا
ولمّاأغرق في دموعي بتبكي من قلبك معايا
*********************
كنّا في ماضينا قوّة ، قوّة تتحدّي الصعاب
بتهزم الّليل المخيّم و بتمشي في القفر اليباب
كنّا للناس رمز طيبة، كنّا عنوان للشباب
أسّه تايهين لينا مدّه بنجري من خلف السراب
**********************
تاني ما تقول إنتهينا بتنهي جيل ينظر إلينا
باني اّمالو و طموحو و معتمد أبدا علينا
تاني ما تقول إنتهينا...نحن يا دوب إبتدينا
إنتتهي النص
_______________________________
عزيز دنياي
شعر الطاهر إبراهيم
لحن و غناء إبراهيم عوض
عزيز دنياي
كنت معاك سعيد و الّّليله في بعدك ما أضناني، ما أضناني
و أصبر يمكن يفيد، يفيد، يفيد صبري و نرجع تاني، نرجع تاني
********************
خائف الناس تغريك تنسي دموعي و تنسي حناني
و أفضل مخلص ليك لو حتّي سعادتك في حرماني
و استشهد بي ألحاني..
و أضحّي بزهرة عمري علشان ماتعيش طول عمرك هاني
و أداري حقيقة أمري
عرفت الحب من قبلك مرّة و إنت الحب العاش في كياني.. عاش في كياني
************************
بهرب منّك، أنا بهرب منّك لرضاك و بحاول من أجلك أنساك
أمهّد ليك تتهرّب منّي، أمهّد ليك تتخلّص منّي
و ألقي خطاي تجمعني معاك
و لو تعرف عايش علي عطفك و كلّ حياتي من أملاكك
تعرف، يوم في دنيا غيابك يساوي سنين في دنيا شقاي
يا أعزّ عزيز، يا أعزّ عزيز
يا أعزّ عزيز في دنياي أنا طامع، طــــامع، طـــــــأمع أبقي عزيز دنياك
إنتهي النص
" قمّة الرومانسيّة "
ـــــــــــــــــــــــــــــــــــ
غاية الاّمال
شعر عوض أحمد خليفة
غاية الاّمال
يا غاية الاّمــــــأل، لو دعاك الشوق ما كان جفيتنا زمان و إنت الحنان و الذوق
في عالم الأشواق لو مرا عشت معاي بي لهفة الأشواق ، حسّيت معاني غناي ...
كان يا جميل حبّيت و ردّدت لحن غناي، و سقيتني كاس الريد و عادت ليالي هناي
*********************
ورّيني ليه بتخاف و تكتم عواطفك ليـــــــــــــــه؟
وحبّك مع الأيّام من قلبي ليك بحكيه
و تبخل علي بلقاك و عطفك دوام تخفيه؟
و عطفك أنا القدّرته و عشت السنين راجيــــــــــــه
**********************
عارفك وديع و رزين و أجمل ملاك في الكون
و عارف عفافك فطره، لكن حنانك ويـــــــن؟
********************
ما بصح و إنت قريب يكوينا جمر البيــن
ما دام قلوبنا اتلاقو و أرواحنا قالت زين
‘ نتهي النص "
ـــــــــــــــــــــــــــــــــــــــــ
يا زمن وقّف شويّا
" قصيدة في منتهي الرومانسيّة "
يا زمن وقّف شويّا
شعر أبراهيم الرشيد
يا زمن! وقّف شويّا و اهدي لي لحظات هنيّا
و بعدها شيل باقي عمري، شيل باقي عمري، شيل شبابي ، شيل عينيّ، شيل عينيّ
*********************
يا زمن! رفقا بحالي و بحبيب عمري اللي سالي...
بي سعادته، بي هناه، بي شرودي، بي شقاي، بي أحساسي و مشاعري ، بي كلّ خاطر في خيالي...
يا زمن ما تبقي قاسي
نحن حقّقنا المحال،
نحن هدّمنا و بنينا
ورسمنا في الخيال ألف حيله لي لقانا و ألف ( ....,, )
************************
و في النهاية جايي ما عارف الحكايا
كيف يا زمن؟ و إنت ما عارف البدايا لي حبايب عاشو فطرا
\لي لقاهم أسمي غايا
***********************
يا زمن أرحم حبايب لسّا في عمر الزهور
رد عليهم بي دقايق قبل ما تعدّي و تمر
يكونو فيها الدنيا فرحا و نشوي من خمر السرور
**************************
يا زمن وقّف شويّا
يا زمن أرحم شويّا
و اهدي لي لحظات هنيّا
و بعدها، شيل باقي عمري، شيل شبابي، شيل عينيّ ، شيل عينيّ
( إنتهي النص )
ـــــــــــــــــــــــــــــــــــــــــــــ
ما بقدر أقول ما داير أصرّح
شعر النعمان خليفة
ما بقدر أقول ما داير أصرّح
ما بقدر أقول
ما داير أصرّح
إمكن قول يروح،
إمكن قول يجرّح..
يمكن شي يطوح، و الناس ما بتريّح
***************
ما بقدر أقول الزول دااك سباني..
و الشوق كان رسول حرّّك لي جناني
بخاق الناس تقول، و تقول عن حناني
(......) داك يزول و وين ألقاه تاني؟
****************
با بصرّح يوم بإسمو، ما بقول للناس دا مين
بخشي إنّو يجيبو سيرتو و يحكو عنّو في كلّ حين
ما بقول للناس حكايته و أبيع حياته بكلمتين
بعت عمري عشان حياته و باقي عمري عليه دين
|
Post: #3
Title: Re: أشعار غنائيّة عذبه صدح بها الفنان الخالد: إبراهيم عوض
Author: Rakoba
Date: 11-03-2006, 12:57 PM
Parent: #2
تسلم ياودزينب على الإضافة القيمة، وكده بقى نص وصوت، عقبال الصورة كمان
|
|
