Post: #1
Title: آلالويـــا.. ســودان جديــــد!!
Author: صباح احمد
Date: 11-01-2006, 08:55 AM
امس واثناء مداولات البرلمان اٍعترض ياسر عرمان رئيس كتلة نواب الحركة الشعبيةعلي هتافات بعض النواب وقال انها يمكن (تصبغ البرلمان بلون سياسي محدد)
وقال انو بعض النواب اتعودوا يرددوا شعارات يمكن تخلى البرلمان يعبر عن وجهة نظر جهة واحدة
وقال انو المسلك دة بضايقهم لانه بخلى المجلس الوطنى مجرد مكان للخلافات وهو المفروض انو يعكس قضاياكبيرة زي الوحدة وما تقسيم المكان لشماليين وجنوبيين
وقال انو الحركة الشعبية عندها شعارات كتيرة يمكن تملا بيها البرلمان في اي قت زي " ألالويا وسودان جديد " .
وواضح انو عرمان كان قاصد بي كلامه دة نواب المؤتمر الوطني لانهم قبل ما البشير يقدم خطابه للبرلمان اول امبارح كانوا بهللوا وبكبروا
|
Post: #3
Title: Re: آلالويـــا.. ســودان جديــــد!!
Author: صباح احمد
Date: 11-01-2006, 09:06 AM
Parent: #2
كدي خلونى النسأل علاقة التكبير والتهليل بالعلاقة بين الشمال والجنوب شنو؟!
بعدين ما نحنا شماليين وكنا بنهتف مع ناس الحركة فى مرات كتيرة آلالويا سودان جديد..
وغيرها من الشعارات..
بعدين هم اخواناالجنوبيين ديل ما فيهم مسلمين اصلوا؟!
والشماليين ديل مافيهم حركة شعبية..؟!!
بعدين علاقة الموضوع دة كلوا بمسألة الوحدة والانفصال شنو؟؟
|
Post: #4
Title: Re: آلالويـــا.. ســودان جديــــد!!
Author: صباح احمد
Date: 11-01-2006, 09:12 AM
Parent: #3
بتذكر والموضوع ما كان بعيد
فى ليلة تأبين صلاح عبد السلام الخليفة الله يرحمه كنا كلنا نهتف مع الاحباب
الله اكبر
الله اكبر ولله الحمد بالرغم من ان قيادات سياسية كثيرة من احزاب تانيةعلى رأسها محمد ابراهيم نقد كانت تجلس فى الصفوف الامامية ماكان عندها علاقة بى حزب الامة اللهم الا علاقة القربى والصداقة والوجود فى وطن واحد يسع الجميع اذا كان حزب امة او اتحاديين او شيوعيين او حركة شعبية او مؤتمر شعبى او...او...وهلمجرا
|
Post: #5
Title: Re: آلالويـــا.. ســودان جديــــد!!
Author: Hisham Osman
Date: 11-02-2006, 06:49 PM
Parent: #4
شكرا يا صباح أحمد على العطاء الثر !
ألحظ أن كتاباتك الأدبية أكثر جاذبية،
لعلك مجبولة على الأدب، (مجبورة) على السياسة!
لك الود،،،
مأمون
|
Post: #6
Title: Re: آلالويـــا.. ســودان جديــــد!!
Author: saif massad ali
Date: 11-02-2006, 06:55 PM
Parent: #5
صباح احمد
ان شاء الله تدوقي العرس وفرش البرش وسد البيت وقول ابيت
|
Post: #7
Title: Re: آلالويـــا.. ســودان جديــــد!!
Author: عبد المنعم سليمان
Date: 11-02-2006, 07:06 PM
Parent: #1
سيف مساعد دا شنو
| Quote: ان شاء الله تدوقي العرس وفرش البرش وسد البيت وقول ابيت |
نسيت تقول ليها ببيتك وكورة زيتك ..
الله يجازي محنك ..
منعم
|
|