Post: #1
Title: تفاصيل ما حدث في رحلة بورداب الدوحة .. صور تحكي
Author: hameem
Date: 10-27-2006, 01:35 PM
Parent: #0
ها هنا تجمعنا .. في انتظار اكتمال العقد .. وبعدها كان الانطلاق ...
اتصبروا بهذه وسيتوالى عرض بقية الصور
وامسكوا الخشب !
|
Post: #2
Title: Re: تفاصيل ما حدث في رحلة بورداب الدوحة .. صور تحكي
Author: بدر الدين الأمير
Date: 10-27-2006, 01:43 PM
Parent: #1
ياهميم
كانت امسية من اماسينا الحسان
خلى عينك تحكى
|
Post: #3
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-27-2006, 02:46 PM
Parent: #2
صه....!!!!!!(1)
توافد الامواج المليئة بالحب والجمال باكرا الي ساحة اصدقاء البيئة كان مبشرا بيوم
لاينسي...!!
جلايب بيضاء كان اشهرها جلابية هاشم كرار (البيضاء ومكوية)..فعانقت جمال (كمال سالم) صاحب
الوجه الصبوح...!!!!
عشرة ونسة صباحية مع الراقي ودالزين والمدهش عماد عبدالله..تعطيك موشرا ان يومك هذا سيكون
من احلي الايام...!!!
ليتقاطر الازوال ويبداء القلق التاريخي الذي ينتاب المبدعين يسري في جسم الفتي ضحية
والريس رندوك...واجد نفسي اشاركهم ذلك القلق..قلق من يهوي ويعشق تجويد الاشياء وصناعة
الدهشة..والفرح...!!!!
ليتحرك الكنفوي في مسيرة من الازوال يحملون الوطن في دواخلهم..وهذا الموقع الراقي بين
ثنايا القلوب......صوب شاطي الشواطي علي مقربة من مدينة راس لفان رائدةالنفط القطري
وكانت تلكم الصورةالتي افتتحت بها هذه المعايدةالاسفيرية التي كنتم جميعا معنا علي ذلك
الشاطي البعيدعن الوطن...ولكن ونحن فيه كنا نحلق بارواحنا فوق كل جغرافية السودان
وسنواصل..
|
Post: #6
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-27-2006, 03:17 PM
Parent: #3
صه2...!!!
فتيةضاحية الخور
صديق عبدالمنعم...
عوض حمزة...
كان هذا الثنائي المدهش قلب هذا الحدث الذي سيدهش الجميع كما ادهشونا نحن الحاضرون
علي ظهور جياد الميكنة من مدينةالدوحة التي تبعد 50 كيلو تقريبا عن ذلك الشاطي ...!!
لنجد ترتيبات جهزت بعناية فائقة وتجهيزات كاملة تسل الروح وتجعلك تجر نفس عميققققققققق
وتقول ..احبك ياصديق...واحب حنانك زاتو يا عوض ياجميل....وسنواصل
|
Post: #65
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 03:30 PM
Parent: #6
| Quote: وتقول ..احبك ياصديق...واحب حنانك زاتو يا عوض ياجميل |
"نحن بعضً من كل"
لولاكم ما كنــا.... لولاكم ما عرفنــا الفرح.... ولولاكم لكنــا نسينً منسية.....انتم الفرح و الالق بانسانيتكم.. وحبكم......لكم الشكر.... و لنا العزة بكم....
و صورة عشانك....ياعبدو.... خليك من "كيكى"
"الزعيم ضحية(الاول من اليسار"
|
Post: #26
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 05:54 AM
Parent: #3
ابوساندرأ و"اللهطــة"
عمر بوب: والله الشطة عندكم
بدرالدين الامير "مالك عامل ذى كاسترو كدهــا"
شلة الانس
الزول القاعد "بكوضم" خلف الصورة هو المبدع الفنان محمد "عازف الاورغ" المشارك للفنان المبدع يسرى صلاح "انتظروأ جاييكم بالصور الجميلة لهولاء المبدعون"
أبوجقــادووو...... أضحك الجميع... الصغير قبل الكبير
|
Post: #28
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 06:02 AM
Parent: #26
صلاح و عماد عبدالله واخر ضحك
|
Post: #29
Title: يسرى صلاح...هذأ الابداع المتاصل
Author: Siddig A. Omer
Date: 10-28-2006, 06:20 AM
Parent: #28
يسرى صلاح...هذأ الابداع المتأصل....الغارق فى الابداع و التطور
عمر بوب "ياهندسة" و اخر طرب مع "نورات" أبو ســاندرأ
|
Post: #58
Title: Re: تفاصيل ما حدث في رحلة بورداب الدوحة .. صور تحكي
Author: عوض حمزة
Date: 10-28-2006, 02:40 PM
Parent: #3
ياعمدة يافنان......أديك العافية
|
Post: #59
Title: Re: تفاصيل ما حدث في رحلة بورداب الدوحة .. صور تحكي
Author: عوض حمزة
Date: 10-28-2006, 02:46 PM
Parent: #58
نور الهادى لهميم: "الليلة كان ما جيت كان جنيت"
بهــاء الدين بكرى و طه "ودالذين" و النظارة العجيبة
صديق (أبويس) و الكاميرأ "أم شعب"
|
Post: #60
Title: Re: تفاصيل ما حدث في رحلة بورداب الدوحة .. صور تحكي
Author: عوض حمزة
Date: 10-28-2006, 03:02 PM
Parent: #59
معتز الظلامى وبهجه ااااالف
|
Post: #70
Title: Re: تفاصيل ما حدث في رحلة بورداب الدوحة .. صور تحكي
Author: nourelhadi awad
Date: 10-28-2006, 05:13 PM
Parent: #59
هندسة الرائع عوض حمزة
التحية والود
--------------------------- وكتر خير الهميم
والربان خال عازة بكري ابوبكر
وبورداب الدوحة
لحضور هذا الألق الجميل
ياجميل
|
Post: #71
Title: Re: تفاصيل ما حدث في رحلة بورداب الدوحة .. صور تحكي
Author: nourelhadi awad
Date: 10-28-2006, 05:43 PM
Parent: #59
عفوا تعزر تحميل الصور اظنها فقط حبيسة الدواخل
|
Post: #16
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 04:20 AM
Parent: #2
هميم الهميم.... وعوض حمزة
المهندس عمر بوب
ودالزين (طه)
صديق
من اليمين التشكيلى الرائع عماد عبدالله ودالعباسية أبوبكر الامين و" الامير" بدرالدين الامير
|
Post: #18
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 04:31 AM
Parent: #16
مافيش مشكلة ياشباب الشية مئة المئة (عماد)
|
Post: #24
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 05:39 AM
Parent: #2
|
Post: #66
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 03:44 PM
Parent: #2
معتز القريش....عمر بوب....و الظلامى الجديد "خليل" ...عبدالكريم الامين..ودالزين..وصلاح عبدالله...."بوب مارلى....."عديل كدهــا"
و الله يا عبدالرحيم...ياودرملية...لو ما عرفتك.... و أأأسفـــاى وأأأ ماســـاتى وأأأأأأأأأأأأأأ ذلى
|
Post: #4
Title: Re: تفاصيل ما حدث في رحلة بورداب الدوحة .. صور تحكي
Author: hameem
Date: 10-27-2006, 03:09 PM
Parent: #1
الإعداد الجيد كان يشي بعمل كبير تصدى له نفر كريم بقيادة الهمام ضحية
وبقية من الرائعين .. شكرنا الجزيل للناس السمحين
الوجهاء بدر الدين الأمير وبجانبه العمدة .. وفجأة .. الوجيه كمال سالم
الأستاذ هاشم كرار - لقمان همام - وبدر وكيكي
بتقول في شنو يا كيكي ؟؟ ما سامعك
نور الهادي : مبروك الباسوورد
بدر لضحية : والله ما تطلع زي رحلة المرة الفاتت ما يحلك مني إلا عومولجي للبحرين
كدا الرحلات ولا بلاش !
والله مش كان لبست نظارات .. كان شربت البحر دا .. رحلة سمحة سمحة
تعرف يا ود رملية ...
رايكم شنو في الشغل دا ؟
الإمام المستقيل .. يعرض
الريس راندوك في مهمة .. تمنحنا ازدواجية الدهشة
هجيج
الليلة أبدعت يا ود لملية
أبو .. وأم ساندرا .. وبس
أووووه .. فترتونا ذاتو
في حاجات كثيرة في السكة
وللإخوة الزملاء المصوراتية لو عايزين توحدو الشغلانة في بوست واحد
أبعثوا بمساهماتكم على البريد دا :
[email protected]
ونواصل
|
Post: #5
Title: Re: تفاصيل ما حدث في رحلة بورداب الدوحة .. صور تحكي
Author: عبد المنعم سليمان
Date: 10-27-2006, 03:14 PM
Parent: #1
هميم وحميم ..
عيد سعيد ..
يا اخوي صلاح عبدالله مالو بقي يشبه البشير البشير كدا .. وال في الناحيه التانيه دا حمزه عوض الله ولا شنو ..
ولا شنو
منعم
|
Post: #7
Title: Re: تفاصيل ما حدث في رحلة بورداب الدوحة .. صور تحكي
Author: منتصر الامين
Date: 10-27-2006, 03:29 PM
Parent: #1
الاخ/hameem
الواحد اكيد دقس وما جاء
لكن شكلى عيد الضحيه انشاء الله اول زول
وياريت تكريما للقائمين على الامر صوره
انفراديه لكل واحد وتعظيم سلام للجميع دوما
منتصر الامين
الدوحه
|
Post: #9
Title: Re: تفاصيل ما حدث في رحلة بورداب الدوحة .. صور تحكي
Author: ودرملية
Date: 10-27-2006, 04:05 PM
Parent: #7
سلامات
وعوافي
فوق ياحبان ..
وخالص التحايا للامورة يمين الصورة المعاي"ماجدة صديق عبدالمنعم عمر" وللامورة "الاء عوض حمزة" يسار الصورة ..
ولكم تحياتي الفنان والمبدع "انا"
|
Post: #8
Title: Re: تفاصيل ما حدث في رحلة بورداب الدوحة .. صور تحكي
Author: hameem
Date: 10-27-2006, 03:52 PM
Parent: #1
ما شاء الله
دي ما قدرت أصبر عليها للصباح
ملكة جمال الرحلة .. هل من معترض/ة ؟؟
اللهم احفظها آمين
الصورة مهداة لوالديها
عبد المنعم سليمان كل سنة وانت طيب وليتك كنت معنا
يا منتصر الأمين وانت ذاتك ليتك كنت حاضراً فالصور وحدها أعجز من أن تنقل كل الجمال
|
Post: #10
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-27-2006, 04:39 PM
Parent: #8
قل1..!!!
عبق هذه الرحلة ورفرف فوقها جمالها الجميل الحضور الاول لثلةمن البورداب
الجدد والمختفين عن الانظار سنينا عديدة..!!
خليل المغني..الراقص الاول الذي اجلس ود رملية في الكنب (رغم ان ودرملية رقاص والحق يقال)
الاان خليل اليوم خلط استايلات عديدة (الديم_الرديف كوستي_مدني الحلةالجديدة)..وعله استدعي
(كرنجا-دنيا_عوض فرملة) ليشهدالحفل فاصلا لا يوصف من الرقص الجرئي الملي بالحركة والدهشة..
وايضا عبق الحضور عصام حسين والبوردابي ايهاب وزرياب كنيش وعبدالهادي والهميم صاحب هذا البوست الجميل بالاضافة الي مفاجاة الحفل هو البوردابي المغني الذي سيكون نجم نجوم بورداب الدوحة الفتي
صاحب الحنجرة والالحان المدهشة يسسسسسسسسسسري.....!!!!!!
وايضا حضور القانوني الرائع ود الزين ذلك الشاب الكثير التواضع والجمال اعطاناروحاعالية
من الجمال الذي زادنا ثقةومناعة...!!
عمر بوب مهندس من الزمن الجميل واعاد مع خليل عندما غني الذكريات اعادوا ذكري ايام البركس
وشغب ابناء هندسة ذائعي الصيت...!!!!ونواصل
|
Post: #11
Title: Re: تفاصيل ما حدث في رحلة بورداب الدوحة .. صور تحكي
Author: Hussein Mallasi
Date: 10-27-2006, 05:03 PM
Parent: #10
|
Post: #101
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-29-2006, 05:33 PM
Parent: #11
ياحسين......ياحب....وينك ياخى ما قلته جاى لينــا....هنــا...ننتظرك بفارغ الصبر....باقى لى فى جماعة دايرين "أكسروك"....بس خليها بينى وبينك.....
دائمــاً لك الود......باقى لى نحن بنعرف بعض...ربما التقينــا يومــاً ما......
جيتك و الله... و ربنــا اديك العافية...نحتفل بيك...اكتر من كدهــا.......
ما تخاف....واصل...... وانا ... معــاك.......
|
Post: #12
Title: Re: تفاصيل ما حدث في رحلة بورداب الدوحة .. صور تحكي
Author: بدر الدين الأمير
Date: 10-28-2006, 02:50 AM
Parent: #8
ياهميم: تلك هى: شتياق ابنة صديقى القانونى ،عصام حسين حسن
آخر عنقود ،عصام ،وجهاد، حفيدة بثينة حسن سنهورى
كيف لاتكون، ملكة جمال، وهى سليلة اماجد
ربنا يحفظها، ويحفظ، ايامنا الجميلة
بس ياهميم، مشكلة هذه العصفورة، انها الوحيدة، وسط رهط من الصعاليق، عصام واولاده
|
Post: #13
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-28-2006, 03:21 AM
Parent: #12
قل 2...!!!
ويضحك السمك..!!!
نعزي في فقيد المنبر الاخ ابوضاح وانا لله وانا اليه راجعون...
سادة شباب البورد بكري الامين ودالعباسية وبجانب ودالدويم الراقي (ود امام) كانوا سادة للشواء
وتالقوا في ركن قصي لتجهيز الدعم اللوجستي لمواكبة (البوفيه ) العامر بما لذا وطاب....!!!
رندوك كانت لها مهمة اري انها فشلت فيها وستخضع لمحاسبة عسيرة تتمثل في العظام الي تحولت
مع سبق الاصرار والترصد الي كوارع واختفت تماما واثناء الرحلة واصابع الاتهام تشير الي ودرملية
واخريين...!!
عادل ابوجقادوا الدرامي المضحك لحد البكاء كان ايضا بينا وهو الضخم الوجدان والملي بسيرة
ابوجقادو ..!!!
ما اندك موتر احمر
ما اندك شخصية في الزلت
وروائع من الزمن الجميل وبعض ابداعات ربيع والكثير من الدرر ...ونواصل وحتما سنحلق في
المرة القادمة مع طائر الفينيق عماد عبدالله....!!!!
|
Post: #15
Title: Re: تفاصيل ما حدث في رحلة بورداب الدوحة .. صور تحكي
Author: Omar Bob
Date: 10-28-2006, 04:06 AM
Parent: #13
بورداب الدوحه
احكي لنا يا عبد الكريم بلغتك الطاعمه
واتحفنا يا هميم بعيون كاميرتك الرائعه
حتي نعيش اللحظات الجميله تاني مره...الف مره
|
Post: #20
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 04:42 AM
Parent: #15
معتز القريش "الظلامى" عوض حمزة و عبدالكريم الامين (كيكي)
|
Post: #21
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 04:55 AM
Parent: #20
"النــــــوار" المبدع الاستاذ عادل (أبوجقادوو) و ابنه الرائع (ربنــا أحفظكم بركة العيد السعيد)
عادل ابدع و اضحك الجميع حتى الثمالة
صلاح عبدالله و أبوســاندرأ وابوجقــادووو
و انضممت اليهم
قولته لابجقــادو " عليك الله قول نكتة فى الانجليزية السمينــة دى ( وكانت تمر من امامنا) وزنهــا ذى 300 كيلو كده) و بسرعة بدهية و حس حاضر قال: و الله أول مرة أشوف لى خواجية سمينة و كده"
و انفجرنا ضحكاً
|
Post: #22
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 05:06 AM
Parent: #21
انا....والحيكومة (فاطمة)
يالطيف الطف
|
Post: #14
Title: Re: تفاصيل ما حدث في رحلة بورداب الدوحة .. صور تحكي
Author: عصام الدين حسين حسن
Date: 10-28-2006, 03:35 AM
Parent: #1
لم أكن من ضمن فعاليات سابقة لهذا الجمال المتحرك ، فقد أدهشني الحضورالمتميز ، ظللت في حالة إندهاش مستمر تشدني أشواق لعهود النقاء والجمال ما قبل مرحلة التلوث التي غطت الوطن مستلبة جمالنا الفطري ، أدهشني أكثر أن رندا رغم غبار الغربة ومسئوليات كبيرة على عاتقها حملت شهيق ببعد أجمل من حتى سماعها في حضور عاطف حيث أن الحضور كان مليان بالوطن الجميل في تلك اللحظة ، كيكي أدهشني مرتين بالنقاء الذي يبادرك به مؤججاً بضحكات صاخبة والوجه الذي يمتلئ خجلاً متألقاً بالجمال ، أدهشني ضحية المهموم بكل من بالرحلة حتى آخر لحظة بما فيهم أبنائي الذين كما أبناء غيري كان لهم أوسع المساحات في حركته وهو المحور ، ودرملية الحبوب الحبيب للقلب يحفظه الله لو كنت إمرأة لن أتركه لحظه وبما أنه حتى اللحظة لم يعترض أحد على مليكتي إشتياق التي قد بهرت ذلك الفنان الهميم فأنا على وعد صادق بأن أجعل ود رملية من ضمن المصطفين لنيل رضائي ، أشكر جداً الهميم على إطلالة إشتياق التي نبهني إلى أنها تشبه حاجة بثينة والدتي تلك الرائعة كما حاجة رملية ، سأعود حاملاً أحبائي أبناء عبدالله الرجالة .
|
Post: #19
Title: Re: تفاصيل ما حدث في رحلة بورداب الدوحة .. صور تحكي
Author: معتز القريش
Date: 10-28-2006, 04:31 AM
Parent: #14
أنا لغاية الآن مخلوووووووووووووع ومدهوووووووووووووش
لما أفيق ح أكتب
بس سألتكم بالله أي صورة اتصورت في الرحلة دي تنزلوها
أي صورة بتمثل لحظة حلوة في حياتنا
أي صورة فيها عزيز وعزيز جدا علينا حتى رمل البحر وماؤه الذي تحول عذبا بعذوبتكم
شكرا كي كي
شكرا ضحية
شكرا عوض
شكرا صديق
شكرا عمال نادي الشاطئ
شكرا ليكم كلكم بورداب وضيوف
شكرا الدوحة التي جمعتينا
|
Post: #17
Title: Re: تفاصيل ما حدث في رحلة بورداب الدوحة .. صور تحكي
Author: عصام الدين حسين حسن
Date: 10-28-2006, 04:22 AM
Parent: #1
دائماً ما نتوارى خجلاً وراء كلمات بدرالدين الأمير لكنه وفي كل الأحوال فهو ذلك الإنسان الذي لا يعرف غير نقاط الجمال في الغير ، وهذا يكفي ..
|
Post: #23
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-28-2006, 05:11 AM
Parent: #17
ضفاري_1
وهذه علي وزن (انانيا ون)...!!!
الظلامي معتز قريش وكان قد ركب موجة التصحيح الظلامي ومارس تصحيحا موغل في العربية لكلمة
(سيام) وطلع الكفر بذلك وصفق له المرجفون مثل بدرالدين واصحابه...ولكن لم يدري ان لكل فرعون
موسي ..وعندما اتي طالبا القليل من الشية اراد ان يتفلهم ويرطن بلغة الفرنجة الما لعب ديك
فناولوه الخبير عوض حمزة القليل من (الشية) بها الكثير من(الشطة)...وهنا قفز ود قريش ونفط
جلابيته القصيرة وعمته (العزبة) وقال (its very hot ya awad).....وهنا احمر وجه عوض حمزة
غضبا وقال له (اسبايسسسسسسسسسي يا معتز ..اسبايسسسسسسسسسسسي يا معتز) و(ما هوت)....
فضج الجميع بالضحك وكتب عندنا اسما جديدا للظلامي حبيبي بتاع (صحيح البخاري)...ومنذ اليوم
وان قراتم معتز اسبايسسسسي فاعلموا اننا نعني معتز قريش...!!!!
ولكن والحق يقال ان معتز قريش كان يوم امس نجم من نجوم هذه الرحلة بعصايته القصيرة الزي
جلابيته..ورقصته ذات الخبرة العالية التي يبدو انها قد استدعي فيها الايام الخوالي ايام
معتز قريش العازف الفنان وحفلات مصطفي سيداحمدواعتقد انه في فترة ما قد تفرج علي (الجبرة) رحمه
الله راقص الدويم الاول..واعتقد ايضا ان من حضر حفلات (لشنقر) في احياء الدويم الجميلة
لابد ان يكون ماهرا مثل الظلامي قريش ..يوم امس...!!!!
وامسكوا الخشب مع الضفاري 2.3,4.5
|
Post: #25
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-28-2006, 05:52 AM
Parent: #23
قل3...
عماد عبدالله..فنان يمشي بيننا بكل تواضع وجمال ومعبود جماهير البورداب وعندما قدمه عوض
حمزة لقرآة نص طائر الفينيق ادمت الايادي من التصفيق الحار وتخيل لي حتي الخواجية السمينة
جدا التي كانت تسبح في البحر قد صفقت وقالت (ohhhhh emad abdalla).....
حلق بنا في سماوات موغلة في الدهشة..وفتت ارواحنا ونثرها علي رمال راس لفان ..وكان صمت
مهيب ياتي اليك فقط مناجات هذا الزول الجميل لوجدانه السمح القمح..وحلق بنا عاليا,,
وكانت اقرب التعليقات لصوتي هو صوت خليل عندما قال عماد ده مجنون ياخ...واحيي انا منو..!!!
|
Post: #30
Title: Re: تفاصيل ما حدث في رحلة بورداب الدوحة .. صور تحكي
Author: nourelhadi awad
Date: 10-28-2006, 06:22 AM
Parent: #23
عانق صوت المغني همس الاديم فأشجى
المكان والزمان والحضور وخواطري تمازجت بهاء
كونوا دائما بذات الوقع أيقونة الفرح الأكيد
لكم الود والأمنيات
نور الهادي الخضر
عضو لنج
|
Post: #93
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-29-2006, 03:56 PM
Parent: #30
نور الهــادى لمن لا يعرفه......تشكيلى من خريجى كلية الفنون الجميلة و التطبيقية...اسم على مسمى....يستشف الجمال فى الهدوء....زادنى ايماناً بأننا مازلنــا هنا و بين هذأ الرهط من المبدعين....مرحباًبك بيننا أضافة كبيرة الى بورداب الدوحــة
ودى منى ليك ....
"عوض" عرفناه فرحان "أبوعاقلة" مالو؟؟؟؟؟
"عمران" ليسرى..... ياخى انت "عجيب" و "الجمال" يراقب الدهشة
عمران لنفسه: انشاء الله أجن وازيد فى الحن و انتو جنونى ياحلوين...قالوأ قالوأ علىِ شقى و مجنون .... أكيد مجنون.... و انتو جنونى ياحلوين"
تدخلت "الحيكومة" فى الخط " ففقد أخونا عمران "البوصلة"
|
Post: #96
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-29-2006, 04:17 PM
Parent: #93
يسرى الجميل....فناً و ابداعاً و انسانية.....و فكرة...الله احفظك ووافقك بركة العيد السعيد و يحفظ ليك أسرتك الجميلة وازيدك جمال فى جمال....أمين
"الحيكومات" المتواربة: راندأ....رباب (زوجة عوض) و حيكومة حيكومة ..عماد عبد الله ,,,, ة اللبيب بالاشارة يفهم....لذلك غاب ابوشنب و لعب أبوضنب....طبعاً عماد انت فاهم.....
حيكومة أخونــا عمــاد التشكيلية الفنانة الاستاذة "حليمة". "غايتو ياعمدة الفن دها فايتك وين؟؟؟".....كمان صلاح عبدالله و "حكومتــه" و زغبهم.. الله يحفظكم بركة العيد...أمين
بالمناسبة عندى صور "بالكوم" بس بعد كدهــا....الصورة بخمسة دولار.... والخيل تجقلب و الشكر لحماد.... ول اشنو يا "رنودوك وأبوســاندرأ"
|
Post: #97
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-29-2006, 04:37 PM
Parent: #96
"ود رملية" عبدالرحيم.... ياحر و انت ماك حر.....ياصديقى... و ياحبيب الكل.....زغبى يحبونك كما يحبوننى....وانــا أحبك كما تحبنــا "غزل أولاد بلد"..... يابلد باكملهــا.....
اقتنع "كيكى" و بالضربة القاضية و للمرة الثانية... واجتمعنــا فى حبك......يا أصيل.....
أقول ليهــا عيوناتك ترع لولى و بحار ياقوت...ومدائن ريد حزاينية.....الى اخى و صديقى د. مبارك بشير....اوعك تبكى يا عبدالرحيم.....ما أنا عارفك "بكــاى" و لا أبوساندرأ حا "أضربنى"
وغنى عبدالرحيم كما لم يغنى من قبل......بمشاركت المبدع محمد....عازف الاورغ
الباشمهندس عمر بوب...جزبه الطرب.....شارك بكل وجدانه "والحيكومة كانت غائبة" و انا اقول لنفسى...."الدكتورة ادتو حاجة و لا....شنو... لا شنو!!!"
قلتة لنفسى " خربانة خربانة" و امتطيت جوادى لاشاركهم جنهم المبدع....ودرملية "مالك"
|
Post: #98
Title: بهــاء بكرى....كلمة حق لحق....
Author: Siddig A. Omer
Date: 10-29-2006, 04:50 PM
Parent: #97
بهــاء بكرى ...صديقى...توارى خلف الكواليس... وفى لحظــة غياب الحيكومة.......انجلى و تمدد..... وشاركنا الامير الودود....."حيكومات نهـــى.....نخنا فىِ...هاهاهاها "مثل هندى"
يسرى يبدع.....وهميم يؤثق....وانا معهم..."محتار"
والله انا لا محتار و لا حاجة...عمر بوب هو المحتار
|
Post: #99
Title: Re: بهــاء بكرى....كلمة حق لحق....
Author: Siddig A. Omer
Date: 10-29-2006, 05:09 PM
Parent: #98
هميم....عادل....لمن لا يعرفوه...خريج كلية الفنون الجميلة و التطبيقية...تتطبع بالهدوء العاصف كعادة أهلى المبدعون و فى صمت...يؤثق لهذه اللحظات الجميلة......و امتلك التاريخ بهذأ البوست الجميل جماله......قاعد معاك....يا صديقى.....وين المعرض الجــاى كلمنى و انشاء يكون عندنا هنــا فى المجمع الجميل.......
و اجتمعنـــا
Hameem took the shot.....and Nour Al-Hadi replaced him...............
كدى خلونــا "لبكرة"....أكيد حا تجى "الفكرة".................لى بكرة....صديق
|
Post: #27
Title: Re: تفاصيل ما حدث في رحلة بورداب الدوحة .. صور تحكي
Author: شادية الطيب
Date: 10-28-2006, 06:00 AM
Parent: #1
|
Post: #31
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-28-2006, 06:49 AM
Parent: #27
Quote: طبعا زوجي ( جمال ود الدويم ) غار وقرر انه ينضم للبورداب وقدم طلب ومنتظر التزكيات
اها رايكم شنو نزكيه ؟؟؟ |
مرحب شادية وحباب جمال ا مام الزول الجميل..ونزكيه ونزكي كل اهل الدويم الحلويين..علي الاقل
تمكسوا ليناولدكم الظلامي المعتز ده الواقع عرسك عرسك ده...!!!
والان نعرج علي ضفاري 2
بورداب الدوحة وازمة الحلة....!!!!
حلة الرحلة الشهيرة..ازمتها فاقت التصورات واصبحت ازمة مزمنة..وكل رحلةلازم ياتي الجميع
ويرتفع صوت الحديث عن الحلة,,,حلة..حلة..كرهتونا الحلل ذاتتتا..!!
كانت مشكلتنا الاساسيةمربوطة بالفنان ودرملية الذي طبز الحلة السابقة وتحولت بعدمساعدات
من خبراء اجانب الي (مديدة) لحمة وصلصلة..وحتي هذا المخلوط العجيب لم يسلم من المجازفة
والتسريب الي بيوت العذابة في المطار وبيت العذابي الكهل الكبير بدر الدين الامير في
بني عمران...!!!!
في هذه المرة ةعندما اتينا الي اللجنة المنظمة اثرنا ان نحل هذه المعضلة حلا جذريا
ونريح الاسفير من سيرة حلة...حلة...حلة...وودرملية..!!
وفي اجتماع اللمسات الاخيرة مع الرائدة رندوك والريس المرتجف ضحية تناقشنا في كل كبيرة
وصغيرة واخذت الحلة نصيب الاسد وواصل ودرملية ملاحقته الغريبة لهذه الحلة بتلفوناته
المتكررة مطالبا بتركها له ليوم غد...!!!
ولكن كان التصويت لصالح رندوك ان تقوم هي بطباختها حتي تكون اسناد استراتيجي للبوفية
وليتنا لم نصوت لصالح الريس رندوك...التي تمتاز بسمعة راقية في الطباخة وتوضيب الطعام..
ولكن يبدو لي ان يوم امس لم يكن يومها...لقد جاتنا بكوارع تخلع..وحلة عجيبة وغريبة
وزيتها يغرق الدوحة كلها,,,والغريبة ايضا اختفت هذه الحلة واصابع الاتهام تشير الي
بدرالدين الامير وودرملية...
نطالب بمحاسبة رندوك علي بشتنة الحلة...ونطالب بحزف بند الحلة من كل الرحلات القادمة..!!
|
Post: #33
Title: Re: تفاصيل ما حدث في رحلة بورداب الدوحة .. صور تحكي
Author: عمار يس النور
Date: 10-28-2006, 07:59 AM
Parent: #31
عبد الكريم كيكي "دفعة في النيل الأبيض الثانوية ثم جامعة الخرطوم"
و الله بقيت وجيه شويه بعد ما الصلعة جرت في الراس
معتز خلف الله القريش "دفعة في نهر عنجة ببخت الرضا" و "نسيبنا - متزوج إبنة عمتي"
يا معتز شنو حكاية الظلامي دي المسمينها ليك ناس الدوحة ديل ؟؟ أكيد حاسدنك في حاجة و إحتمال كبير في القشرة بتاعة الجلابية الوجيهة دي !!! خايف يوم يكتب واحد منهم "طلع الثعلب يوما في ثياب الواعظينا"
تحياتي لكم
و كل عام و أنتم بخير
وصية و السلام أمانة :
معتز ! عثمان الجلال بيسلم عليك و يبلغك تحياته
عمار يس النور
عاشق بخت الرضا
|
Post: #34
Title: Re: تفاصيل ما حدث في رحلة بورداب الدوحة .. صور تحكي
Author: بدر الدين الأمير
Date: 10-28-2006, 08:39 AM
Parent: #27
أهلا بالاخت العزيزة شادية الطيب أهلا بناس جامعة قطر
وياسيدتى زوجك صديقنا جمال امام فخرنا وفخر ابناء الدويم
تزكيه سيرته الجميلة بين الاخوان والاحباب
|
Post: #32
Title: Re: تفاصيل ما حدث في رحلة بورداب الدوحة .. صور تحكي
Author: hameem
Date: 10-28-2006, 07:44 AM
Parent: #1
عدلنا لأن الصور لم تظهر وستكون في أسفل البوست
|
Post: #35
Title: Re: تفاصيل ما حدث في رحلة بورداب الدوحة .. صور تحكي
Author: ناذر محمد الخليفة
Date: 10-28-2006, 08:56 AM
Parent: #1
يا جماعة ..
الزول دا :
يا هو يسري الحكى لي عنو مدني النخلي ولا واحد تاني !!
مدني النخلي قال لي في واحد في الدوحة إسمو يسري قال دا عندو صوت مبالغة ولو جا الخرطوم زول بيقيف قصادو مافي !!
لو يا هو ما تسمعونا منو حاجة !!!
|
Post: #36
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-28-2006, 09:08 AM
Parent: #35
| Quote: يا هو يسري الحكى لي عنو مدني النخلي ولا واحد تاني !! |
ياهو ذاتتو يا ناذر والخبر المفرح انو انضم للمنبر يوم امس....وبنحاول ننزل ليك
حاجة حاجتين قريب...
|
Post: #37
Title: Re: تفاصيل ما حدث في رحلة بورداب الدوحة .. صور تحكي
Author: بكرى ابوبكر
Date: 10-28-2006, 09:22 AM
Parent: #35
عيدكم سعيد يا احلى و اروع بوراب لكن الشية ما عندكم كتروا منها اهلنا هناكـ بقولوا "شية الجمر و عرقى التمر بطولوا العمر"
|
Post: #38
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-28-2006, 09:46 AM
Parent: #37
| Quote: عيدكم سعيد يا احلى و اروع بوراب لكن الشية ما عندكم كتروا منها اهلنا هناكـ بقولوا "شية الجمر و عرقى التمر بطولوا العمر" |
الريس بكري
المجد والخلود يا ريس للوطن ولسودانيز اون لاين....
والشكر العميق لك علي هذا الجمال الذي صنعته لنا وجعلت لنا بيتا سوداني السقف
في هذه الغربة....فانت اولي بالشكر والتقدير والاحترام...يابكري...!!
|
Post: #41
Title: Re: تفاصيل ما حدث في رحلة بورداب الدوحة .. صور تحكي
Author: ودالعباسية
Date: 10-28-2006, 10:23 AM
Parent: #38
زعيم الامة ،،،،
هيييييييييييييييييييييييييييييع ،،،
فنااااااااااااااااان ومعلم عدييييييييييل كدا ،،،
الزول السمح ،،،،
هلا ،،،،هلا ،،،، مبدع وخطيييييييييييييييير ،،
|
Post: #44
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-28-2006, 11:22 AM
Parent: #41
ضفاري 3
بدرالدين الامير
شورت طوله لايتراوح عدة بوصات وفانلة كت وكاب...وسيجار كوبي ريحتو تنزل الصقر الطائر في
السماء بمثل هذا الشكل كان هو كهلنا الاربجي يتحاوم بين الجموع بقلبه الابيض وسط اصرار
عجيب علي التحدث في المايك..لكن بقول شنو والله (يخربني)...!!!
لو لم يحدثك الفتي الهادي الرزين محمد عبدالرحمن بان البدر ود خالته لاعتقدت ومنذ الوهلة الاولي
بان هذا الرجل من ارستقراط الكاريبي جاء هنا مضهبا بين هذه الجموع السودانية..ولو لم تتستمع
الي لغته التي تاتي كلمة (نان) بها كثيرا لقلت ايضا هذا الرجل من المكسيك قذفت به الامواج العاتيةالي ذلك الشط البعيد من المياء القطرية...!!!
كان مثل اولاد فريق (زنقو) يوم امس..كلما ما يسمع ليهو صوت (بنقز) تلقاهو ناطي في الساحة
وهاك يا رقيص..وصفه صديقه ضحية(حتي لايقال هذا كلامي)..قال ضحية عندما يكون الرقيص هورسا
تجد بدرالدين يرقص توستي..لم اصدق ضحية الا يوم امس فوجدت ضحية صادقا مخلصا لنقل الحقيقة...!!
يتحاوم مابين الحضور بكل اريحية لملم كل الشية ونسف البوفيه ومارس صداقته للظلاميين متمثلة
في صديقه الظلامي معتز في سيارته الفارهة البي ام دبيلو..!!!!
|
Post: #39
Title: Re: تفاصيل ما حدث في رحلة بورداب الدوحة .. صور تحكي
Author: فيصل نوبي
Date: 10-28-2006, 10:02 AM
Parent: #1
يا بدر الدين الامير
شيتك نارها فوق
وين محمد عبد الرحمن
و عمران بابكر بدري
و المكتنز
|
Post: #40
Title: Re: تفاصيل ما حدث في رحلة بورداب الدوحة .. صور تحكي
Author: hameem
Date: 10-28-2006, 10:17 AM
Parent: #1
| Quote: أجعل ود رملية من ضمن المصطفين لنيل رضائي |
يعني يا عصام الخيل تصور والاصطفاف لناس ودرملية
ديل يا خوي خليهم يشكلوا الطابور وراي !
|
Post: #42
Title: Re: تفاصيل ما حدث في رحلة بورداب الدوحة .. صور تحكي
Author: Kamel mohamad
Date: 10-28-2006, 10:48 AM
Parent: #40
الجالية السودانية في قطر في إعتقادي أنها أفضل جالية سودانية في العالم علي الإطلاق من ناحية المستوي الفكري و الإجتماعي و درجة التعليم و الوعي و الإستنارة و أنا الحقيقة متابع و بشكل دقيق جدآ لكل الجاليات السودانية في العالم و مالفت نظري هو مستوي ناس قطر المتقدم جدآ و أسجل في هذا الإطار إعجابي الشديد بتجربتكم الناجحة في قطر و ماحققتموه للسودانيين من نجاحات و تفوق في مجال العمل و البيزنس يفوق كل الجاليات السودانية الأخري .
و الحقيقة من كل قلبي أتمني رؤية العديد من الشخصيات البارزة التي تكتب في المنبر من دولة قطر و أولهم أستاذ عبدالرحمن بركات أبوساندرا و الأخ الفنان الكبير و المبدع محمد السني دفع الله و الأخ بدرالدين الأمير و الأخ عماد عبدالله و الأخ هجو الأقرع و والمهندس عمر بوب و الرائع عبدالكريم الأمين كيكي و نادوس و الأخت الفاضلة مريم بنت الحسين ( ما شايفنها في الصور ).
التحية لكم أيها الرائعون علي هذا الجمال والرقي و الروعة و الإبداع و بإذن الله تعالي سأحضر قريبآ للعمل و الإقامة معكم في قطر الجميلة و في الدوحة مدينة الأحلام وهي جنة بكم وبترابطم وتضامنكم ووعيكم ورقيكم وهذا حقيقة أروع وأجمل بوست في المنتدي العام والي الأمام دومآ وإلي مزيد من الصور بالذات الرائع الأستاذ عبدالرحمن بركات أبوساندرا عاوزين نشوف المزيد من الصور الجميلة ولكم مودتي و تقديري
كامل محمد)
|
Post: #43
Title: Re: تفاصيل ما حدث في رحلة بورداب الدوحة .. صور تحكي
Author: ناذر محمد الخليفة
Date: 10-28-2006, 10:58 AM
Parent: #1
يا سلام عليك يا عبد الكريم ..
Quote: ياهو ذاتتو يا ناذر والخبر المفرح انو انضم للمنبر يوم امس....وبنحاول ننزل ليك
حاجة حاجتين قريب... |
منتظرك بي فارغ الصبر ..
|
Post: #45
Title: Re: تفاصيل ما حدث في رحلة بورداب الدوحة .. صور تحكي
Author: ضحيه ابراهيم
Date: 10-28-2006, 11:30 AM
Parent: #43
الحلوين بورداب الجمال والسرور بورداب الدوحه.. انتو الزيكم منو.. والله رائعين
الاخ ناذر الرائع الاخ يسرى فنان فنان فنان وراجل مبدع لكن بخيل وكسلان شويه لو اجتهد شويه حايكسح كل البكاسى العامله زيطه فى الخرطوم دى.. رسل لى ايميلك ارسل ليك حاجه حلوه لى يسرى.. او رسل لى تلفونك فى الماسنجر ارسل شريط لى يسرى فديو او كاسيت كما تحب..
|
Post: #46
Title: Re: تفاصيل ما حدث في رحلة بورداب الدوحة .. صور تحكي
Author: Tragie Mustafa
Date: 10-28-2006, 11:36 AM
Parent: #45
يا جماعه ان شاء الله دائما حلوين كده ويكفيكم شر العين.
ويانوبي عيب كده تروجل لهطرقات ملاسي
انت صحي ليه هجو الاقرع كان غائب؟؟؟؟الرحله علمانيه ولا شنو
وياناس الدوحه سؤال لكم وين الباش مهندس معتصم الطاهر؟؟؟
ويا كامل يا اخوي انت نايم وين؟؟؟
مش مريم بت الحسين اتزوجت نادر وبقت من بورداب السعوديه؟؟؟؟
يا حليه فاتتها لمة ناس الدوحه دي
وبقت مع ناس العزل بين النساء و الرجال,كان الله في عونها.
تراجي.
|
Post: #50
Title: Re: تفاصيل ما حدث في رحلة بورداب الدوحة .. صور تحكي
Author: فيصل نوبي
Date: 10-28-2006, 12:34 PM
Parent: #46
يا تراجي
ملاسي خت ليو اسم شديد
عليك الله بيني و بينك هو ما مكتنز
ملاسي ده ما قاعد يقول شيء ساي
|
Post: #56
Title: Re: تفاصيل ما حدث في رحلة بورداب الدوحة .. صور تحكي
Author: هجو الأقرع
Date: 10-28-2006, 02:18 PM
Parent: #46
الاخوة الكرام ، ما شاء الله عينى بارده ، لظروف قاهرة لم اتمكن من الحضور ، خاصة واننى اعيش خارج الدوحة ، شكرا تراجى على السؤال انا بخير.
|
Post: #47
Title: Re: تفاصيل ما حدث في رحلة بورداب الدوحة .. صور تحكي
Author: nadus2000
Date: 10-28-2006, 11:43 AM
Parent: #43
بورداب الدوحة
كل عام وأنتم جميعا قادلين بثياب العافية، تامين ما ناقصين وكمان زايدين.
ونيابة عنكم نرحب بالأخ محمد كمال، بوردابي ومقعدك محجوز بين النجوم.
ناذر
يسري صلاح هو نفسه الذي حدثك عنه مدني النخلي، وتحدثك نفسك الأمارة (بالجمال)، بسماعه،
وهو صوت يخصه وحده، لا يشبه إلا يسري، وأدعوك بالتأمل والتمعن فيه.
وتحياتي عبرك للأخ مدني النخلي.
|
Post: #48
Title: Re: تفاصيل ما حدث في رحلة بورداب الدوحة .. صور تحكي
Author: khaleel
Date: 10-28-2006, 11:47 AM
Parent: #47
داخل روضة غناء
انحن جماعة كنا
متفاهمات عقولنا ومتقاربات ميولنا
رحلة جميلة اتمني ان تكرر
|
Post: #52
Title: Re: تفاصيل ما حدث في رحلة بورداب الدوحة .. صور تحكي
Author: Tragie Mustafa
Date: 10-28-2006, 12:53 PM
Parent: #48
يا نوبي
هو الما مكتنز هنا منو؟؟؟؟
Quote: يا تراجي
ملاسي خت ليو اسم شديد
عليك الله بيني و بينك هو ما مكتنز
ملاسي ده ما قاعد يقول شيء ساي |
يازول انا شفته بورادب الدوحه حمدته ربي
وختفه يفكروا ناس يقاضوا بكري من الاكتناز البي
نتيجه لمصاقرة البورد زي ماعموا بعض زبائن الماكدونالد
وقالوا ناس الشركه كان الزم يعلونا انها بتسبب التخمه.
وطبعا نحنا اجسامنا قابله للزياده ومازيك يا نوبي (خشبه الله عبد الناشف)
غايتو عمر بوب وعماد عبد الله ماشاء الله آثار البورد ما ظهرت عليهم
لكن كل البقيه محتاجين جكه زي اختهم (ام ضراع)في كندا.
لوكم الود جميعا.
واوعك يا نوبي كله الا المكتنزين و المكتنزات.
حساده بتاعت عالم سكاكات.
تراجي.
|
Post: #57
Title: Re: تفاصيل ما حدث في رحلة بورداب الدوحة .. صور تحكي
Author: فيصل نوبي
Date: 10-28-2006, 02:38 PM
Parent: #52
تراجي
جيتك تاني
| Quote: لكن كل البقيه محتاجين جكه زي اختهم (ام ضراع)في كندا |
اها قاعد تاخدي ليكي جكةكم ساعة في اليوم
| Quote: واوعك يا نوبي كله الا المكتنزين و المكتنزات. |
دي ما معاك فوقها
اوعك من المكتنزين لكن حباب المكتنزات
___
تراجي خلاس (بيفقعونا) عين بعد ده
الهظار الكتير ما كويس
|
Post: #68
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 04:22 PM
Parent: #48
خلاص ياباشمهندس ... صافى يا حبيب
|
Post: #49
Title: Re: تفاصيل ما حدث في رحلة بورداب الدوحة .. صور تحكي
Author: Masoud
Date: 10-28-2006, 11:56 AM
Parent: #1
سلام يا ناس الدوحة وعيدكم مبارك و أدام الله نعمه عليكم و على أهل قطر الكرام ...
|
Post: #51
Title: Re: تفاصيل ما حدث في رحلة بورداب الدوحة .. صور تحكي
Author: محمد عبدالرحمن
Date: 10-28-2006, 12:40 PM
Parent: #49
يافيصل نوبى ياصديقى ..
والله كتر خيرك وانت بتسأل من صورنا ..
لكن بينى وبينك الناس دى مامقصرة ..
بس انا بقيت بجى (بلبد) لى (لبدات )
كدا انا ذاتى متحير فيها ..ومحيرة
عماد عبدالله كمان ..ياخى (زمنى بقى فارق)
فرقة اسكت بس ..
كانت لحظات رائعة ولمة حلوة ..نتمنى ان تتكرر
وتتواصل ...
حبى لكم جميعا .
|
Post: #54
Title: Re: تفاصيل ما حدث في رحلة بورداب الدوحة .. صور تحكي
Author: Nana
Date: 10-28-2006, 01:40 PM
Parent: #49
يا سلام عليكم يا أهلي الطيبين
كل سنة وانتو طيبين وسمحين وحلوين وفي الخير ملمومين
معليش الظروف حالت دون حضوري معاكم
يظهر السعد ما عايز يبسم لي تاني والتقي بيكم يا احلى لمة
لكم كل محبتي واعزازي
|
Post: #53
Title: Re: تفاصيل ما حدث في رحلة بورداب الدوحة .. صور تحكي
Author: منتصر الامين
Date: 10-28-2006, 01:06 PM
Parent: #1
سلااااااااااااااااااام
لكل الرائعون بورداب قطر
لكن ما كان فى داعى تغيظونا
بى صوركم الحلوه دى ياجماعه
ولكن بالشفناه دا الرحله الجايه
حضور البورداب اكيد 100% يشباب
واستعدوا لطلبات الجاليه السودانيه
فى دول المهجر الاخرى
هبشه:
الوجيه كمال سالم دا مفروض نعمل ليه
حملة عشان ياخد عضوية المنبر واهو بكرى
متداخل فى البوست وحقو كرامة شوفة الشيه
دى يدى لينا كمال سالم كلمة مرور
اقتراح :
رايكم شنو فى فتح بوست لتعارف وتواصل
بورداب قطر متضمنا السيره الزاتيه لكل عضو
منتصر الامين
|
Post: #55
Title: Re: تفاصيل ما حدث في رحلة بورداب الدوحة .. صور تحكي
Author: hameem
Date: 10-28-2006, 01:45 PM
Parent: #1
نؤيد اقتراحي منتصر بخصوص منح كمال سالم باسوورد وكذلك فكرة التعارف
هذا هو ضحية .. الرجل الذي قام على عاتقه كل العمل ولا أزيد فقد حكى لنا عمله
الفنان الصداح يسري صلاح
|
Post: #62
Title: Re: تفاصيل ما حدث في رحلة بورداب الدوحة .. صور تحكي
Author: شهاب الفاتح عثمان
Date: 10-28-2006, 03:14 PM
Parent: #55
كل عام وانتم بخير.
و كل عيد وانتم دوحة.
د.شهاب الفاتح- كوالالمبور.
|
Post: #61
Title: Re: تفاصيل ما حدث في رحلة بورداب الدوحة .. صور تحكي
Author: hameem
Date: 10-28-2006, 03:12 PM
Parent: #1
نؤيد اقتراحي منتصر بخصوص منح كمال سالم باسوورد وكذلك فكرة التعارف
هذا هو ضحية .. الرجل الذي قام على عاتقه كل العمل ولا أزيد فقد حكى لنا عمله
الفنان الصداح يسري صلاح
|
Post: #63
Title: Re: تفاصيل ما حدث في رحلة بورداب الدوحة .. صور تحكي
Author: عوض حمزة
Date: 10-28-2006, 03:22 PM
Parent: #1
الحلوين بورداب الدوحه
حلوين بنحبكم...
كان يوم للجمال .. وكنتم كلكم نجوم... ولو انى افتقدت بعض الاعزاء من الذين حالت ظروفهم الخاصه دون الحضور وتمنيتهم حضور بيننا ليكتمل العقد ولكن.............. تأتى الرياح (احياننا) بما لا تشتهى السفن .
بريدكم انا.. بس
|
Post: #64
Title: Re: تفاصيل ما حدث في رحلة بورداب الدوحة .. صور تحكي
Author: عبد المنعم سليمان
Date: 10-28-2006, 03:23 PM
Parent: #1
| Quote: اهلنا هناكـ بقولوا "شية الجمر و عرقى التمر بطولوا العمر" |
والله يا بكري مبروووك وعرفنا اتجاهك يا المحيرنا هسه .. سير وعين الله ترعاك ..
يعني من اندنا ما من الخيانه ..
معلوم
منعم
|
Post: #67
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-28-2006, 04:16 PM
Parent: #64
يا عبد المنعم يا أخيييى "كما يقولها "الغرابة".... ياخى بكرى دهــا من زمــان من "الخيانة" الم يجمعنــا فى "البيت الكبير؟؟؟؟؟".... فهو خائن و لابد!!!!
من هذأ ....."خليل"
|
Post: #69
Title: Re: تفاصيل ما حدث في رحلة بورداب الدوحة .. صور تحكي
Author: طارق جبريل
Date: 10-28-2006, 04:53 PM
Parent: #1
يا ناس الدوحة كيفنكم
وينم وليداتنا المعاكم:
زرياب كنيش
وعامر تيتاوي
ولا ما عزمتوهم
|
Post: #72
Title: Re: تفاصيل ما حدث في رحلة بورداب الدوحة .. صور تحكي
Author: محمد عبدالرحمن
Date: 10-28-2006, 05:45 PM
Parent: #69
Quote: يا ناس الدوحة كيفنكم
وينم وليداتنا المعاكم:
زرياب كنيش
وعامر تيتاوي
ولا ما عزمتوهم |
ياطارق
كل سنة وانت طيب ...
والله وداختك دا ..نحنس فيهو للجية من قبل اسبوع ..
كويس ..وبعدين لما جا بقى من يشوف ليهو كاميرا (يقبل بوشو)
لما نمشى نجيبو من جمب البحر ..ونقول ليهو خلاص الكاميرا مشت ..
اما عامر تيتاوى يبدو انو مشغول جدا ..الصحافة هنا لاتعطى لاحد
فرصة ان يعيش حياته مثل الاخرين ..
ودى ...
|
Post: #73
Title: Re: تفاصيل ما حدث في رحلة بورداب الدوحة .. صور تحكي
Author: عصام أحمد
Date: 10-28-2006, 05:49 PM
Parent: #69
نجيكم يعني يا ناس الدوحة..وللا شنو؟
تحياتي ليكم فردا فردا..
وكل سنو وإنتو طيبين
|
Post: #74
Title: Re: تفاصيل ما حدث في رحلة بورداب الدوحة .. صور تحكي
Author: Randa Hatim
Date: 10-29-2006, 01:06 AM
Parent: #73
الى بورداب الدوحة العزاز ...
كانت رحلة كما فى الخيال
وكان التواصل معكم كروعة البلد التى جئنا منها ...
ان اردت ان افيكم حقاكم تفصيلا فلا احسب ان المنبر بكامله سيكفينى...
حسبى من القول ان الغربة معكم تلاشت ...وبكم تحولت الى ديار رحبة ... وبوجودكم يكون للايام معنى ونكهه...
تحياتى لكم ولكل المتداخلين من البورداب الاعزاء
وكل عام وانتو بالف خير...
رندا
|
Post: #75
Title: Re: تفاصيل ما حدث في رحلة بورداب الدوحة .. صور تحكي
Author: merna baghdadi
Date: 10-29-2006, 01:38 AM
Parent: #74
انا كدة ح امووووت من الغيظ
رحلتكم جميلة خالص خالص
ووالله انا بوردابية من الدوحة
غايتو شكلي كدة ح اصاحب رندة حاتم ديا,, موش الرئيسة برضو؟؟
سلام لاجدع ناس
|
Post: #77
Title: Re: تفاصيل ما حدث في رحلة بورداب الدوحة .. صور تحكي
Author: wadalzain
Date: 10-29-2006, 02:41 AM
Parent: #75
عيدكم سعيد يا احلى و اروع بوراب
هذا ما قاله بكرى ابوبكر صاحب الحوش والموقع والدار ولارض انكـــــم
أحــــــــــلى وأروع بــــــــــورداب
تمسكوا بهذه الشهاده الميداليه نوط الجداره ونجمة الانجاز
ولا تعليق اكثر من كلام بكرى فهو خبير بأمور البورداب جميعا
|
Post: #76
Title: Re: تفاصيل ما حدث في رحلة بورداب الدوحة .. صور تحكي
Author: ناذر محمد الخليفة
Date: 10-29-2006, 02:12 AM
Parent: #1
الأخ ضحية ..
كل عام وإنت بخير ..
| Quote: الاخ ناذر الرائع الاخ يسرى فنان فنان فنان وراجل مبدع لكن بخيل وكسلان شويه لو اجتهد شويه حايكسح كل البكاسى العامله زيطه فى الخرطوم دى.. رسل لى ايميلك ارسل ليك حاجه حلوه لى يسرى.. او رسل لى تلفونك فى الماسنجر ارسل شريط لى يسرى فديو او كاسيت كما تحب.. |
يا سلام عليك ..
يا حا تلقى إيميلي في الماسنجر الداخلي
ومنتظرك بي فارغ الصبر
|
Post: #78
Title: Re: تفاصيل ما حدث في رحلة بورداب الدوحة .. صور تحكي
Author: Randa Hatim
Date: 10-29-2006, 03:01 AM
Parent: #76
يعنى الواحد كل ما يقول خلاص نقفل صفحة الدواس ونبدا صفحة جديدة القى الموضوع ما لافق
وقت بديت النقة يا كيكي وشيل الحال عاد استعد للجاييك ... امانة فى ذمتك ما شفت اللحمة وقت جابها ود القريش ؟؟ لحمة ما خمج حتى العضام المرقناهم لى حلة ود رمليه العضم تكد فيهو ساعه لحمتو ما تكمل ... جيت انت سولبت العضام عدمتها طافى النار وفلاحة لافينو لى فى صحن البلاستيك ومغطى بالسولفان والدنيا ليل ما شفتو سمح وصلت البيت لقيت الشغلانه (مينى كوارع) وبعد ده كلو ليك نفس تقول حلة الكوارع وما ادراك ما حلة الكوارع... وهو ما كتر خيرى المرقت ليك من الحاجة ديك حلة كوارع .... هسى خلاصة الكلام حلتى وينها؟؟؟؟ انا عرفت من مصادر موثوق بها انو تمت مصادرتها مع ما تبقى من الشطة لنسفها بالكامل فى داركم العامره بالمؤامرات... رجعو لى حلتى ... طبعا يا صلاح عبد الله الحلة تمت مصادرتها لاخفاء اثار الجريمة حيث تبين ان فى وسط تلك العظام اليابسة يوجد عظم يبين نوع اللحمة المشتراه ... وانت طبعا فاهم ... زى الضنب بتاع الرحلة الفاتت....
|
Post: #79
Title: Re: تفاصيل ما حدث في رحلة بورداب الدوحة .. صور تحكي
Author: Emad Abdulla
Date: 10-29-2006, 03:19 AM
Parent: #78
| Quote: زى الضنب بتاع الرحلة الفاتت |
جابت ليها ضُنُبّه كمان ؟
بدر يا خوي .. كده هوهوتك المن يوم داك عرفنا سببها !!!
غايتو إنستروا مع معاوية لما يرجع و جيبو ليهو كلب بديل 
|
Post: #80
Title: Re: تفاصيل ما حدث في رحلة بورداب الدوحة .. صور تحكي
Author: تورير محمد باكاش
Date: 10-29-2006, 06:23 AM
Parent: #79
بورداب الدوحه ماشاء الله حلوين وتملو العين
وعينى بارده عليكم
تورير
|
Post: #84
Title: Re: تفاصيل ما حدث في رحلة بورداب الدوحة .. صور تحكي
Author: ودالعباسية
Date: 10-29-2006, 07:47 AM
Parent: #79
خلف الكواليس ،،،،
|
Post: #81
Title: Re: تفاصيل ما حدث في رحلة بورداب الدوحة .. صور تحكي
Author: بدر الدين الأمير
Date: 10-29-2006, 06:52 AM
Parent: #78
الرئيس السابق رندا حاتم
تلك هى حال حليفك السابق كويكى
وهذا ما ذهب اليه حلفكم المتهالك
بس دايرين نعرف يارندا سر الهلوسة الفيها كيكى
ضفارى هنا وحرب مع ملاسى هناك
ربنا يستر بعد شوية ماتجيب ليها مصحات
تنهدات: الملك ضحية كيكى برضو من رعياك ومرفوع عنه القلم حتى
|
Post: #82
Title: Re: تفاصيل ما حدث في رحلة بورداب الدوحة .. صور تحكي
Author: الفاتح وديدي
Date: 10-29-2006, 06:59 AM
Parent: #1
يا بورداب الدوحة
عبد الجليل وود رملية وأبوساندرا،
// أبو ساندرا على الخصوص //
أرجوكم أدفعوا يسري صلاح ليخرج على الناس بحلته البهية وأنغامه الشجية واداءه المدهش.. وليطلق عصافيره التواقة للضوء والحرية فقد حان القطف يايسري.. وأبلغوا عني أن يسري قد اكتمل كبدر الليالي المؤنسة
مدني النخلي
|
Post: #83
Title: Re: تفاصيل ما حدث في رحلة بورداب الدوحة .. صور تحكي
Author: أبو ساندرا
Date: 10-29-2006, 07:24 AM
Parent: #1
Quote: أرجوكم أدفعوا يسري صلاح ليخرج على الناس بحلته البهية وأنغامه الشجية واداءه المدهش.. وليطلق عصافيره التواقة للضوء والحرية فقد حان القطف يايسري.. وأبلغوا عني أن يسري قد اكتمل كبدر الليالي المؤنسة
مدني النخلي |
وكم أشجانا يسري صلاح من درر نظمك
من أشعارك
وحرص يسري على توضيح وإبراز إسم الشاعر
فسمعنا إسمك مرات ومرات
يا
مدني يوسف النخلي
فكل عام وانت بخير
وكذلك الولد وديدي وأيماني
|
Post: #86
Title: Re: تفاصيل ما حدث في رحلة بورداب الدوحة .. صور تحكي
Author: ودالعباسية
Date: 10-29-2006, 08:16 AM
Parent: #83
اداء فردي وجماعى ومواهب مدفونة ،،،
|
Post: #87
Title: Re: تفاصيل ما حدث في رحلة بورداب الدوحة .. صور تحكي
Author: Manal Mohamed Ali
Date: 10-29-2006, 08:17 AM
Parent: #83
كل عام وانتم بخير
عليكم الله المرة الجاية تعزمو صديقي ياسر عمر (من اولاد حي ناصر)..انه جميل ويشبه جمال بورداب الدوحة ... ويغني لابوداوود وعثمان حسين كمان
تحياتي .. واليكم بالرياضة ياشباب
منال
|
Post: #85
Title: Re: تفاصيل ما حدث في رحلة بورداب الدوحة .. صور تحكي
Author: أبو ساندرا
Date: 10-29-2006, 08:12 AM
Parent: #1
في الرحلة خمس نجوم ومضت
هي على الترتيب التالي وفقآ للمعانها :
----------------------------------------
1- عوض حمزة ، رقص وحتاهو عديل
2- يسري صلاح ، غنا كما لم يغني من قبل
3- عادل أوجقادو .. وكفى
4- خليل ، نافس يسري بإجادة تامة
5 - الخواجية أم كفرات التي قدلت فينا بهن وماهماها
وعملت لينا زغللة في العيون
سعدت جدآ بمشاركة :
------------------------
1- إيهاب السني وأسرته بعد غيبة طويلة من فعاليات الدوحة
2- الصديق الدكتور صالح محيسي وزوجته الإستاذة سلوى حاكم وشقيقتها صفية صديقة البورداب واللذيذة ريهام
3 بنات العباسية شقيقات ودالعباسية الرجل الهمام
4-بت أخ عمران بابكر بدري
5- أسرة الفنان المبدع يسري صلاح
6- المهندس محمد موسى
7- خالد سليمان
8- كمال سالم الرجل متعدد المواهب والخبرات
9- الصديق العزيز هاشم كرار وأمانيه وأولادها
10- البوردابي الجديد نور الهادي
11- لقمان حسن همام
حزنت لغياب
------------------
1- الزميلة نانا وأسرتها
2- غزلان المغربية الباهرة
3- الزميلة أبنوسة التي خططنا لتوريطها في قراءات شعرية ونصوص
4- فيصل عباس الذي مازال في عزلته المجيدة
إقترح جائزة بإسم الأداء المميز تهدى ل :
------------------------------------------
- عوض حمزة
- صديق عبدالمنعم
- ضحية إبراهيم و راندوك - مناصفة على القيادة المشتركة
- رشيدة ، عشان جهبزت الشية وبهرتها بمزاج
وجائزة تشجيعية للنجم الصاعد
------------------------------
عبدالرحيم ودرملية
|
Post: #104
Title: Re: تفاصيل ما حدث في رحلة بورداب الدوحة .. صور تحكي
Author: Nana
Date: 10-30-2006, 05:41 AM
Parent: #85
العزيز ابو ساندرا
ان شاء الله ما تحزن على غياب عزيز ولا غالي
بالجد كان نفسي اكون معاكم ، بس الظروف حكمت
لكن روحي كانت معاكم تعانقكم بكل الود الشايلاه ليكم
تسلم يا ابو ساندرا
|
Post: #88
Title: Re: تفاصيل ما حدث في رحلة بورداب الدوحة .. صور تحكي
Author: أبو ساندرا
Date: 10-29-2006, 08:47 AM
Parent: #1
Quote: كل عام وانتم بخير
عليكم الله المرة الجاية تعزمو صديقي ياسر عمر (من اولاد حي ناصر)..انه جميل ويشبه جمال بورداب الدوحة ... ويغني لابوداوود وعثمان حسين كمان
تحياتي .. واليكم بالرياضة ياشباب
منال |
مليون سلام يامنال
والله بت حلال ، وكنت في بالي أثناء الرحلة ، تذكرت تلك الرحلة على ضفة النيل الأزرق
وتذكرتك بشوق شديد
ياسر عمر إبن أخت الصديق الجميل الزميل خالد العبيد
وهو زول فنان وراقي وحانسعى له
أما الرياضة ، فنحن ندخر طاقتنا ليوم كريهة وطعان جلس
|
Post: #89
Title: Re: تفاصيل ما حدث في رحلة بورداب الدوحة .. صور تحكي
Author: يسرى صلاح
Date: 10-29-2006, 09:36 AM
Parent: #88
جيناااكم ياحبايبنا ..
كل عام وانتم بخير ..وسأعود اليكم ..
|
Post: #90
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-29-2006, 02:21 PM
Parent: #89
ضفاري 4
الريس المرتجف ضحية...!!!
مثل عمر البشير تماما هذا هورئيسنا ضحية ابراهيم هنا في بورداب الدوحة..
لا احد يدري كيف صار رئيسا ولكن نمنا ذات يوما دوحي كثير الرطوبة لنصحي
علي نغمة انا الريس يرددها ضحية..فقلنا ماشي يا زول رئيس رئيس مافي عوجة....!!!!
غايتو سنضع الذنب علي رقبة محمد السني الذي جعل من ضحية رئيسا علي شتات
المسرحية ومن اول بروفة بروفتين شتت الشتيتة الياها.....!!!!
حتي نكون عادلين ونعطي الرؤسا حقوقهم(وهذا اذا فرضنا جدلا ان ضحية هو الرئيس)
هذا الشاب كان شعلة من النشاط والمتابعة اللصيقة والهميمة لشان هذه الرحلة
يتابع هذا لامر الساوند سيستم ويلاحق ذلك لتجهيز اللحمة من كارفورد
ويلاحق التفاصيل الصغيرة بهمة عالية ونشاط..وكان تماما مثل (ام العروس)
حركة دائبة ونقة بلهجته البقارية المدهشة مخلوطة بكلام جلابة لزوم الفنجرة..!!!
الحق يقال ان ضحية خطف الاضواء من الريئسة الاخري التي لازلت اعلق
امر (الحلة) ام كوارع فوق رقبيتها.....!!!!
لعل عدم تواجد اميرة الاميرة في الدوحة اعطي ضحية مساحة وزمن فتحرك بين
الجموع المنتشية في هذه الرحلة العجيبة ..فكان تركيزه اصيل وملي بالحنان علي
الاطفال الصغار الذين ساهم علي اطعامهم والاعتناء بامرهم..!!!!
اتي الي الرحلة بصحبة احد اصدقائه له دقنا ضخمة وكان صامتا طيلة الفترة هذا الرجل
(ابو دقن) ولم تتاح لنا الفرصة للتعرف علي صديق ضحية ابو دقن حتي ناتي بامر
نوع دقنه هذه...هل هي مثل دقن معتز قريش ولا دقن معتز اسبايسسسسي فشتان
مابين معتز قريش ومعتز اسبايسسسسي...!!!
نحي الزول ضحية ونرفع له القبعة تحية واجلالا ونشكره علي هذا الجهد العالي
وعلي نجاح تيم عمله في اخراج هذا اليوم الفريد الا من بعض الهنات ..وقد قيل
يا ضحية العترة بتصلح المشي...!!!!!!!
|
Post: #91
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-29-2006, 02:36 PM
Parent: #90
ضفاري 5….
فيصل عباس المرجف الذي اختفي... لاسباب غامضة...!!!!
هذا الرجل كان معنا حتي اللحظات الاخيرة في منزل ابوساندرا لوضع اللمسات
الاخيرة وادلي بارائه الثرة رغم فلهمته وطنقعته الشهيرة..(_افتكر واعتقد وفي الحتة
دي حقوا الترتيبات تاخذ شكل قوس قزح علي مدار الافق السابع....!!!) كلام جد
واراء سمحة تسل الروح....فقلت في نفسي بكرة ابو الفياصل ده بمتع الجماهير..لقد كنت قد اتفقت معه
علي قراءة بعض نصوصه الادبية...!!!!!
وفجاءة واختفي فيصل عن الانظار ومارس جبن المثقف التاريخي من مواجهة الجمهور..
جمهور الغلابة..قيل ان ام موج قد مارست سطوتها..وقال اخرون ان فيصل ذهب الي حولية
كثير مديحها وفتتها ذات بوخا يولول...لا ادري ولكن كل الذي ادريه ان وجود هذا المرجف
كان امرا مهما وكان السمر سيحلو....!!!!!
|
Post: #92
Title: Re: تفاصيل ما حدث في رحلة بورداب الدوحة .. صور تحكي
Author: Hussein Mallasi
Date: 10-29-2006, 03:30 PM
Parent: #91
| Quote: ويلاحق ذلك لتجهيز اللحمة من كارفورد |
____
|
Post: #95
Title: Re: تفاصيل ما حدث في رحلة بورداب الدوحة .. صور تحكي
Author: ودرملية
Date: 10-29-2006, 04:05 PM
Parent: #92
سلامات
وعوافي
احباب الروح ..
لكم المودة الاصيلة وسحر القلب ..
سعدنا بيكم كتير وكل غايب اتمنيناهو بينا ..
عصام حسين يا قريبي اشكرك علي وجودك بيننا وبقول ليك ربنا يحفظك ويحفظ ليك عيالك ويديك الصحة والعافية ..
ويا الفاتح وديدي "وديني وايماني" مشتاقين يازول ياسمح وشوفتك في البوست تسر القلب والروح والله العظيم فانت من الذين نخلع لهم قبعاتنا محبة واحترام ..
بخصوص يسري صلاح قول لي مدني يسري مازال صوته "يسري" في الروح "زي لمة الاحباب في ساعة صفا" وربنا يحفظو ويوفقو يارب ..
ياريس وهنا اقصد الريس "سري دايمنشن" ضحية وراندوك وكيكي .. كل محل ما قبلتا اشوفكم زي الخريف يهذب الارض وترتاح بي هطول زخاتك البذور ..
|
Post: #119
Title: Re: تفاصيل ما حدث في رحلة بورداب الدوحة .. صور تحكي
Author: adel abojgado
Date: 10-30-2006, 08:08 PM
Parent: #95
اعزائى واحبابى واصدقائى البورداب
التحيه والتجلى لكم
وانتم تتناولون الطرائف والمفارقات فى تلك الرحله البهيجه التى رقصنا فيها
على الحان ذلك النغم المموسـق مع صاحب الصوت الرائع الاخ الفنان يسرى صلاح
الذى تغنى ببعض كلمات الرائع المبدع مدنى العماره اقصد مدنى النخلى فاجاد
واطربنا .
والشكر والثناء موصول للاخ ضحيه ورفاقه على التنظيم الرائع والعضه الكاربه
رغم اختفاء تلك الحله التى اختفت فى ظروف غامضه والتى كنت اتابعها منذ نقطه
الانطلاق من اصدقاء البيئه بعد ان شاهدتها فى ايادى امينه اقصدايادى رندوك ولم
نظفر بهاعندنقطه الوصول مع تلك الثعالب التى اشارت اليها اصابع الاتهام داخل
الرحله وعلى العموم يارندوك اذا لم تظهر الحله سوف يظهر القاوت فى الذين التهموها وحقيقه قد افتقدنا كثير من الاصدقاء واتمنى ان نلتقى بهم فى الرحلات القادمه وتحياتى للجميع .
|
Post: #142
Title: Re: تفاصيل ما حدث في رحلة بورداب الدوحة .. صور تحكي
Author: يسرى صلاح
Date: 11-04-2006, 06:20 AM
Parent: #95
ودرملية يافنان حقيقي شكلك بالعود موسيقار
كبير بس ماقاعدين نسمع عايزين نعرف التخصص
غناء ولا عزف ولاتلحين .
اشكر ذوقك العالي ودمك الشربات علي الكلمات
الرقيقات بحقي بس شوفو لينا حاجة تانية ماخلاص
بقينا اعضا في بورداب الحلوين
|
Post: #100
Title: Re: تفاصيل ما حدث في رحلة بورداب الدوحة .. صور تحكي
Author: فيصل عباس
Date: 10-29-2006, 05:15 PM
Parent: #91
صديقي وعدو نفسه
كيكي البدلعوه ب(كوكو)
الم اقل في ذات مساء كنا فيه ثلاثه ورابعنا كاس ان لا تتبع مسار النمل حينما
يكون متجها ناحية سكناته!!!
ها انت اليوم اتيت لتتبع النمل واحتمل (القريص) الماهو متل قريص ظلاميك المدعو قريش
الذي جعلك تتفسح طولا في هذا المكان~...............
وبالمهله ح اجي القط باقي العظام للاستفاده بها في دعم معركتي الفليقيه في هذا الجمال
(حساده كده )وكل واحد يمسك المكان البيوجعو ويغطيهو او ابحثوا عن اسعاف (فاضي وماعندوا شغله)من مؤسسة حمد ووقفوهو هنا في خشم باب البوست ده,,,
كونوا هكذا دوما ايها الجميلين (الدوحاب)
قولوا لي من وين استقي شمارات الرحله لدعم معركتي هذي هل من متبرع؟؟
|
Post: #102
Title: Re: تفاصيل ما حدث في رحلة بورداب الدوحة .. صور تحكي
Author: Randa Hatim
Date: 10-30-2006, 02:58 AM
Parent: #100
هلا والله بى طلتك يا يسرى فى البوست ... نور المنبر زاد فى نورو.....
ويا عماد عبد الله غايتو كلب معاوية ده ما عارفه نلقى ليهو واحد يشبهو وين .. لكن ان ما اخاف الكضب ضنيبو السغيرونى داك لمحتو وانا ببهر فى اللحمه (الله يستر على نفسيات معاوية)
عبد الرحيم يا ود رمليه ... مافى كلام اقولو ليك غير ربنا يحفظك ويديك بت الحلال البتستاهلك ولو بعدين عملت اى داخل مارق اختك بتواسيها ليك ماتشيل هم.
وطبعا يا ود الامير انت ما تصدق تلقى ليك جنازة وتشبع فيها لطم... اخدو منو ساتر الزول ده يا ضحيه وكيكي وعلى راى المثل انا واخويا على ابن عمى وانا وابن عمى على الغريب.
اما يا فيصل عباس اذا محتاج اى دعم لوجيستى فى معركتك ضد المدعو كيكي فانا المتبرعه رقم 1 وح امدك بى كل المعلومات الضرورية والخطط المدعومه والمرسومه بدقه (وبعد ده موش يحتمل القريص ..يمين الله لسع دبابير عديل)
بورداب الدوحة الاعزاء ... سمعت من واحد بوردابى كنت بناقشو فى مسالة الرحله فقال لى انو ما كان متوقعين ليها تنجح لانو عادة الرحلات الجماعية واللمات اذا نجحت مرة ما بتنجح كل مره لانو يمكن تحصل خلافات او سوء فهم رديت عليهو (كلامك ده ممكن يحصل فعلا لكن ما مع بورداب الدوحة كل لمة بتقربنا اكتر وتخلينا نفهم بعض اكتر) وانا واثقه من حاجه واحده انو بورداب الدوحة صفوه من صفوه ... رايكم شنو؟؟؟
خليكم دايما قراب ... وربنا يديم المحبه والالفه بيناتكم...
|
Post: #94
Title: Re: تفاصيل ما حدث في رحلة بورداب الدوحة .. صور تحكي
Author: بهاء بكري
Date: 10-29-2006, 04:04 PM
Parent: #1
انتو ياجماعة نحن الرحلة دي ماكنا فيها ولاشنو ؟
|
Post: #135
Title: بهاء الدين بكرى...صديقى....المهووس بالوطن الجميل......و بالحق
Author: Siddig A. Omer
Date: 11-01-2006, 05:49 PM
Parent: #94
بهاء الدين بكرى...صديقى....المهؤوس بحب الوطن الجميل......و بى "حق"
"أمل" زوجه و زغبه "خالد" و "طارق" ربنا يحفظهم و يوفقهم للبلد الكبير...جيل من التحدى انشاء الله....أمين
|
Post: #103
Title: Re: تفاصيل ما حدث في رحلة بورداب الدوحة .. صور تحكي
Author: صديق الموج
Date: 10-30-2006, 03:52 AM
Parent: #1
بورداب الدوحة الله يجمعكم فى الخير
وبعدين عماد ماسك حليمة لى شنو؟ما خلت عادتها حقت فتيح الحلل لى هسع يا عمدة.
بهاء الدين بكرى بالله رجع الفنيلة الحمراء عشان الفريق فنايلو ناقصة ماصدقت
طوالى قشرت بيها؟،،،
|
Post: #105
Title: Re: تفاصيل ما حدث في رحلة بورداب الدوحة .. صور تحكي
Author: محمد عبدالرحمن
Date: 10-30-2006, 05:46 AM
Parent: #103
ياحسين ملاسى ..
عبدالكريم صنع كل هذا الجمال الذى تراه فى البوست ..
رعاه حين كان فكرة وثابر حتى انجز مااؤكل له ..وجاء
وسطره هنا احرفا جميلة وكلمات انيقة ..سكب فيها من جمال
روحه الكثير ..كان من الاولى ان تشيد بما انجز وبما صنع
وقدم... بدلا من ان تتصيد اخطائه ..فماذا يعنى ان كتب
(كارفور) او (كارفورد) ؟!!...وقيل ياملاسى ان (لكل مقام
مقال ) ..الا ترى ان المقام ليس مقام (تربص ) و(تصيد)؟
..اختر المقام المناسب لتقل مقالتك حتى لاتفسد على الاخرين
فرحتهم وبهجتهم ...
|
Post: #106
Title: Re: تفاصيل ما حدث في رحلة بورداب الدوحة .. صور تحكي
Author: Randa Hatim
Date: 10-30-2006, 06:22 AM
Parent: #105
كلام زى الصراط المستقيم يا محمد
كيكي رجل يجيد مناورة الاحرف ووضعها فى اماكنها .. مثله مثل الكثيرين من بورداب الدوحه الذين اجتمع لهم الذوق الراقى والحس الفنى والاسلوب المنمق ... ولا يضيره ان اخطا ... مقامنا هنا مقام ترابط وتواصل لا مقام تفرق وترصد ...
|
Post: #107
Title: Re: تفاصيل ما حدث في رحلة بورداب الدوحة .. صور تحكي
Author: Kamel mohamad
Date: 10-30-2006, 06:59 AM
Parent: #105
الإخوة و الأخوات من بورداب قطر هذا عمل رائع جدا جدا و متقدم و راقي بمعني الكلمة و الصور الجميلة تعبر عن روعة الرحلة و الله الواحد بيتمني إنو يكون معاكم في رحلة جميلة كهذه ولكن إن شاءالله نحن قادمون و أنتظروا الجيوش الجرارة الزاحفة نحو الدوحة............... ما أود قوله لكم بأنني قد زرت دول كثيرة في العالم و عشت في الدول الغربية لفترة طويلة و لـكن لم أري أجمل و أروع منكم يابورداب الدوحة رغم أنني لم ألتق بكم و لكن الصور تحكي وتتكلم عن الجمال الأخاذ
والتحية للفنان يسري صلاح ولكل المبدعين عبدالكريم الأمين (كيكي) ورندا حاتم( راندوك) و نادوس و ضحية و أبوساندرا و صديق عمر(المصور و المعلق الرائع ) و كل الجنود المجهولين.................................................
و كما قال الشاعر الراحل التجاني يوسف بشير (قم ياطرير الشباب غني لنا غني و حدث الأعراب عن روعة المشهد) فشكرآ لكل الجنود المجهولين وراء هذا العمل الجبار.
الأخ نادوس لك الشكر الجزيل علي الترحيب الحار و سأكون قريبآ بينكم في دوحة الوعي السودانية في وسط أجد نفسي فيه وسط أفضل قطاعات الشعب السوداني من المتعلمين و المثقفين والمستنيرين بإذن الله ولك تحياتي مجددآ
الأخت الكريمة الأستاذة تراجي مصطفي لك التحية و التقدير و الإحترام و أشكرك كثيرآ علي إعلامي بشأن زواج الأخت الكريمة مريم بنت الحسين و إنتقالها للسعودية و الأخت مريم إنسانة فاضلة و ملاك يمشي علي قدمين و من المستنيرين البارزين بالمنبر العام و أتمني لها السعادة و التوفيق
ولكم مودتي جميعآ
|
Post: #108
Title: Re: تفاصيل ما حدث في رحلة بورداب الدوحة .. صور تحكي
Author: Kamel mohamad
Date: 10-30-2006, 07:04 AM
Parent: #107
فوق لأجل هذا الرقي و الجمال
|
Post: #120
Title: Re: تفاصيل ما حدث في رحلة بورداب الدوحة .. صور تحكي
Author: Randa Hatim
Date: 10-31-2006, 03:50 AM
Parent: #107
الاخ العزيز كامل ..
الف مرحب بيك زائر للدوحة او مقيم .. مكانك بينا زى مكانك بين اهلك
كلما قرات مداخلة من احد البورداب مشيدا ببورداب الدوحة اجدنى امتلأ سعادة تقودنى الى مشارف الغرور ... ولم لا وانا انتمى الى بورداب الدوحة وقبل كل شئ انا انتمى الى السودان ....
كن دوما بالف خير ... وحبابك عشرة
|
Post: #109
Title: Re: تفاصيل ما حدث في رحلة بورداب الدوحة .. صور تحكي
Author: فيصل عباس
Date: 10-30-2006, 09:15 AM
Parent: #1
رندا
ازيك ورحلتكم انشاء الله تكون اصابتك بالتخمه(الجماليه)
مبروكه عليكم
Quote: اذا محتاج اى دعم لوجيستى فى معركتك ضد المدعو كيكي فانا المتبرعه رقم 1 وح امدك بى كل المعلومات الضرورية والخطط المدعومه والمرسومه بدقه (وبعد ده موش يحتمل القريص ..يمين الله لسع دبابير عديل)
|
شكرا لهذا الدعم
لكن داير اهمس ليك في اضانك واقول اول حاجه تعالي (ندق ليهو النحاس عشان يجي راجع لينا هنا)
وبعد داك نفك ليهو (الدبابير)
اراهو قد توجه الي الكمبو ليعتكف هناك (فهل من منادي له؟؟) ,,,
جرجرو خطاه الي هنا فهو واحد من صناع هذا الجمال الممتد بيننا....
***
ملاسي
اجر العب بعيد اظنه فتح لك مكان ما للحرب واشهد انها نزاهه لايعرفها الا القليلين
من ابناء هذا المنتدى,,,
وعلى فكره كلمه كارفورد التي اخذتها هنا للتقليل بها,,,
فهي مفرده نطلقها بمعنى محدد يخص المتواجدون وربما كلهم يعرفون دلالتها بيننا
فقط انت اخرج من هذا لانه فيما يبدو انه لا يخصك (وقع ليك),,,,
|
Post: #110
Title: Re: تفاصيل ما حدث في رحلة بورداب الدوحة .. صور تحكي
Author: khaleel
Date: 10-30-2006, 01:18 PM
Parent: #109
اهم زول العازف الماهر
ابدع واجاد وتفوق علي نفسه
يسري مستقبل الفن السوداني بخير
عماد عبد الله محلقا كطائر الفينيق
رندا قصيدة رائعة
ضحية عمل خلف الكواليس حتي خرجت هذه الرحلة بهذه الصورة
معتز قريش كذب من قال عليك ظلامي انت النور كله
ابوساندرا كان نشطا اول الرحلة ولكن اختفي
صديق عمر الشكك مرفوع والزعل ممنوع
بدر الدين الامير
عليك بعمل تاشيرة لحسين ملاسي
ودعوته للحضور للدوحة
وذلك لعمل مناظرة
مع صديقي فتي الادغال كيكي
وبندرش الطرطور وبثبت الصنديد
|
Post: #111
Title: Re: تفاصيل ما حدث في رحلة بورداب الدوحة .. صور تحكي
Author: ودرملية
Date: 10-30-2006, 03:25 PM
Parent: #110
سلامات
وعوافي
كتب محمد عبدالرحمن:
Quote: ياحسين ملاسى ..
عبدالكريم صنع كل هذا الجمال الذى تراه فى البوست ..
رعاه حين كان فكرة وثابر حتى انجز مااؤكل له ..وجاء
وسطره هنا احرفا جميلة وكلمات انيقة ..سكب فيها من جمال
روحه الكثير ..كان من الاولى ان تشيد بما انجز وبما صنع
وقدم... بدلا من ان تتصيد اخطائه ..فماذا يعنى ان كتب
(كارفور) او (كارفورد) ؟!!...وقيل ياملاسى ان (لكل مقام
مقال ) ..الا ترى ان المقام ليس مقام (تربص ) و(تصيد)؟
..اختر المقام المناسب لتقل مقالتك حتى لاتفسد على الاخرين
فرحتهم وبهجتهم ... |
كتبت رندا
Quote: كلام زى الصراط المستقيم يا محمد
كيكي رجل يجيد مناورة الاحرف ووضعها فى اماكنها .. مثله مثل الكثيرين من بورداب الدوحه الذين اجتمع لهم الذوق الراقى والحس الفنى والاسلوب المنمق ... ولا يضيره ان اخطا ... مقامنا هنا مقام ترابط وتواصل لا مقام تفرق وترصد ...
|
واقول لك ياملاسي ان عبدالكريم الامين هو روح بورداب الدوحة ولطفهم ومحبتهم .. يمشي بيننا بالجمال والكتابة الناجزة .. عندما يتحدث يتحدث بصدق وعندما يثور يثور بالحق .. هو راجل دغري حتي في خلافاته لايعرف المحايدة دائما مواقفه صريحة وصادقة لايخلط بين العام والخاص لايعادي بسفور ولكنه يبحث عن الجمال اينما كان .. وهو كاتب صادق وله مقدرة عالية علي نسج وسرد الحكايات التي نعرفها جميعا غير انه تميز عنا باخراجها في ثوب قشيب ولطيف .. هو مثقف من طراز فريد ناجح في كل مجال دخله .. في حياته الاجتماعية يلتف حوله الاصدقاء من كل ناحية وفي حياته العملية يقود اصعب الاقسام بمدينة امسيعيد الصناعية وهي منطقة لصناعة النفط والكيماويات .. وفي مجال الكتابة لن تجده اقل من ذلك ان لم يكون اعظم شأو ..فدونك "كمبو الري ..حكايات سوفيت واخرين" و "رنين البلاد الشاهقة" والكثير الكثير في هذا المنبر .. وحتي في خلافاته فهو لا يبحث عن الشخصي بقدر بحثه عن العام الذي يخصه ودونك خلافه مع نور تاور "وتعودنا في مثل هذه الخلافات تكون النهاية الخصومة الابدية بين المختلفين" ولكن لان كريم كان طرفا في هذا الخلاف لم يفاجر فيه بل رجع وازاح عن سماء النقاش مع نور تاور غيوما قد تلبدت وحريق قد تعالي دخانه .. فسجل بذلك اروع الصور الانسانية النبيلة في فلسفة الخلاف الجميل او كما اسميته انا "التثاقف النبيل" ..
حسين ملاسي اتمني ان ترتفع قليلا بشكل خلافك ما كريم واذا كنت جادا في طريقة خلافك فالرجل قد اجترح بوستا اسماه الحرب الاسفيرية علي حسين ملاسي .. اتمني ان تذهب الي هناك ان كان لديك عنده مبتغي او هدف يبحث عن مرمي .. او وضح ماذا تريد انت من عبدالكريم حتي نعي جوهر ترصدك وهدفه ..
وفي الختام اتمني ان تتفهم ما اقصد ..
وكفي..
|
Post: #112
Title: Re: تفاصيل ما حدث في رحلة بورداب الدوحة .. صور تحكي
Author: بدر الدين الأمير
Date: 10-30-2006, 04:17 PM
Parent: #111
ود رملية :
وهل انتقص ، عبدالكريم بنقد ملاسى له
وهل امتهن ،عبدالكريم ملاسى، حين أعلن الحرب الاسفيرية عليه
وهل الذى يعلن، الحرب من حقه فرض مفرداتها وان شئت بوستاتها
الكلمة لها شرف ،وكذلك، الخصومة ناهيك عن المبادرة بها
تنهدات: انتهى زمان انصر أخاك ظالم أو مظلوم0 فالاهم: أنصر وعيك حيث أنت واعى به
ودافع عنه حيث تمد اخلاق الاختلاف عندك
|
Post: #133
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 11-01-2006, 05:22 PM
Parent: #110
لعماد عبدالله " مانى عارفك مساعــد حلة من ايام الديم"
للذين لا يعرفون معنى "مساعد الحلة" بلغة السواقين بتاعين اللوارى السفريةهو ذاك الصبى المسؤول عن عمل الحلة للبقية أثناء "الترخيمة"
بدرالدين الامير أستحق لقب "مساعد مساعد الحلة"
"ولد دها"
الصحفى المعروف الاستاذ هاشم كرار، وفخرنا بقناة الجزيرة الفضائية الاستاذ لقمان همام كانوأ هنــاك..... وعيونهم تقول " الزول دها داير شنو"
و عندمــا عرفوأ ما أنوى "انفجروأ تبسمــاً". "كفارة" الاستاذ هاشم و بالسلامة انشاء الله و "الجاتك فى الشمال سامحتك".....مزيداً من الالق و الى الامام.
أبراهيم...تحبه من أول نظرة....عطرنــا بى وجوده وزادنــا الق فى الق...مرحبيك أبراهيم...
"ياسين" ..الولد لابيه " ياخى وين الشية...دايرين نلهط"
|
Post: #134
Title: وداعاً أستاذ الاجيال العم أمام أبراهيم حــامد
Author: Siddig A. Omer
Date: 11-01-2006, 05:27 PM
Parent: #133
أكتب هذه الكلمات و قد رحل عن دنيانا استاذ الاجيال العم "أمام أبرهيم حامد" والد صديقى و أخى "جمال أمام" و عم الصديق معتز القريش.....نسأل الله الكريم له المغفرة و لآل القريش وأبراهيم حــامد الصبر الجميل "وإنا لله إنا اليه راجعون"
جمال أمام...صديق الصبــا و حبيب الجميع يحمل ابنى "الامين"
|
Post: #121
Title: Re: تفاصيل ما حدث في رحلة بورداب الدوحة .. صور تحكي
Author: Randa Hatim
Date: 10-31-2006, 03:58 AM
Parent: #109
تعرف يا فيصل ....
هذا الكيكي يمنحنا فرصة الاختيار بين عداوته او صداقتة
وقد اخترت كليهما !!!!!!
الدبابير جاهزة ومستعده للانطلاق من وكرها ...
الخطة معده بدقة واتقان .. لا مجال للاخطاء
منتظرين ساعة الصفر يا قياده (بس اوعك تاخر الاوامر لغاية ما اقول ليك "قيادة هاك كلم ادو)
على الصعيدالاخر ... عبد الكريم الامين عد الى قواعدك سالما ... وانشغل بما انت اهل له وليس بما هو ليس اهل لك.
تحياتى
|
Post: #113
Title: Re: تفاصيل ما حدث في رحلة بورداب الدوحة .. صور تحكي
Author: hameem
Date: 10-30-2006, 04:33 PM
Parent: #1
سلامات يا حبايبنا
ويومنا الجميل يتوارى في الأفق البعيد وتجرفه دوامات الحياة
خليكم زي ما انتو كدا.. ولننسخ ذاك اليوم ونلصقه في المستقبل مع إضافة تليق بجمالكم
كانت قد تبقت بعض صور ( منع من ظهورها الثقل) تجدونها في هذا الرابط
.تتمة ما حدث في رحلة بورداب الدوحة .. صور .
في رعاية الله
|
Post: #114
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-30-2006, 05:02 PM
Parent: #113
شكرا
محمد عبدالرحمن..رندا ..خليل..فيصل عباس ..ودرملية
شكرا لكم وانتم تحمون جمال هذا البوست الرائع الذي يعكس دواخلكم جميعا...
وخيرا فعلت ياهميم ونقلتنا لبوست اخر عوضا عن هذا البوست الذي صار يعج
ويضج بالثقل والثقلاء...!!!!
|
Post: #115
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-30-2006, 05:23 PM
Parent: #114
لكل المتداخلون "دها عربى جوبـــا"... التحايا و الود.. انشرهــا .....و الحب.....عندى فى "الخُرج" ما لم أتى به بعد........
هميم....خلينا بى هنــا......المشكلة ليست هنــا..... و لا شنو ياباشمهندس بكرى......let's just increase the buffering and it will work OK
شكر "خاص جدا"ً للحبيب Kamel mohamad
ليتك كنت معنــا فهذأ الجمال..ليست ببعيد عنك...لك الود و الاحترام والتقدير
صديق
|
Post: #116
Title: Re: تفاصيل ما حدث في رحلة بورداب الدوحة .. صور تحكي
Author: محمد عبدالرحمن
Date: 10-30-2006, 05:23 PM
Parent: #113
Quote: وهل انتقص ، عبدالكريم بنقد ملاسى له
وهل امتهن ،عبدالكريم ملاسى، حين أعلن الحرب الاسفيرية عليه
وهل الذى يعلن، الحرب من حقه فرض مفرداتها وان شئت بوستاتها
الكلمة لها شرف ،وكذلك، الخصومة ناهيك عن المبادرة بها
تنهدات: انتهى زمان انصر أخاك ظالم أو مظلوم0 فالاهم: أنصر وعيك حيث أنت واعى به
ودافع عنه حيث تمد اخلاق الاختلاف عندك |
يابدرالدين ..
تحياتى ...
وجهت حديثك للاخ ودرملية ..ولان رؤيتنا للامر واحدة ..ساحأول ان اعقب على حديثك ..
لااعتقد ان الامر من باب (انصر اخاك ) ..فعبدالكريم قادر على ان ينتصر لنفسه ويدافع
عن رؤيته ...ولكن يأتى حديثنا من باب (ان لكل مقام مقال ) ..كما ذكرت سأبقا ..
عندما يفتح بورداب الدوحة بوست ليتحدثوا فيه عن رحلتهم ...اعتقد ان محور
الحديث فى البوست سيكون عن ذلك ..ولكن ان ياتى ملاسى ليصحح عبدالكريم لغويا
فى ماكتب اعتقد ان ذلك (تشويها ) للبوست ..ومحاولة لتغيير مجراه بعيدا عن
موضوع البوست ...ودخلت للتنبيه لذلك ...وكما ذكرت سابقا ايضا ..ان الامر
(تربص ) و(ترصد) لاغير ..اعلم تماما ان خلاف عبدالكريم مع ملاسى هو خلاف
مبادىء ورؤى وليس خلاف شخصى ...وعبدالكريم الذى اعرفه والذى تتبعته فى
كل مداخلاته مع ملاسى لاينطلق من موقف شخصى اطلاقا ...لذلك كنت اتمنى
ان يلتزم ملاسى بهذه الرؤية للخلاف التى ينطلق منها عبدالكريم
والتى اوضحها فى اكثر من مشاركة ...وعندما يدخل ملاسى ليلاحق عبدالكريم بعد
كل هذا الجهد المبذول من جانبه فى محاولة لصرفه واستفزازه يعتبر هذا
ترصد وخروج عن روح الخلاف الموضوعى ...اضف لذلك ان هذا البوست ليس
(ميدان حرب ) ولم يفتح كساحة للخلاف بين ملاسى وعبدالكريم ..اذا اراد
ملاسى نقد عبدالكريم فليذهب له فى بوسته الذى فتحه لذلك ...وبأمكانه
ان يفتح بوست اخر ..او ان يدخل له فى اى بوست من بوستاته التى
لها علاقة ..لكن هذا البوست مفتوح اصلا لحدث واحد وهو رحلة بورداب
الدوحة ..لذلك كنت اتمنى ان نواصل استمتاعنا بالبوست ...واظن
ان هذا اصبح غير ممكن الآن ...
محبتى ,,,
|
Post: #117
Title: Re: تفاصيل ما حدث في رحلة بورداب الدوحة .. صور تحكي
Author: ودرملية
Date: 10-30-2006, 06:59 PM
Parent: #116
سلامات
وعوافي
الامير
دعنا اولا ياسيدي نسمي الاشياء بمسمياتها الصحيحة ..
ملاسي ياسيدي لم ينتقص من مقام كريم ولا قيد سطر غير انه شوه بمداخلاته الباردة ملتقانا ودوحتنا الوريفة التي اجتهدنا جميعا في ان نجعلها مرتعا للصداقة النبيلة وللاحاسيس العفيفة .. دوحتنا التي سقينا ترابها بمحبتنا النقية واخوتنا الصافية الشريفة ..
انا لا ابحث علي الاطلاق علي خلاف مع كائن من كان وانت والزملاء في بورداب الدوحة تعلمون ذلك تمام العلم .. لكن ايضا لا احتمل البتة الاساليب الفجة والمناكفات الثقيلة والترصد المريض .. ثم انني لا اود ان اصب الزيت علي النار ولكن حسين ملاسي يابدر تطاول بصورة مخلة فعبدالكريم قد طلب منه ان يبتعد عن المشاكسة معه ولكنه رمي برغبة كريم في جب ترصده وتربصه .. وكان الامر فيه نية غير سليمة ..
نحن في هذا المقام الاسفيري يابدر لانبحث عن عداوات ولا خلافات بقدر بحثنا عن الدفء واواصر الخوة النظيف .. نحن هنا لا من اجل الخلاف السافر ولا النقاش الممل .. هنا جمعنا الحب وعليه ينبغي ان نكون .. وكل منا ذات يوم علي آلة حدباء محمول ..
لا اود خلق جو ملوث مع حسين وكذلك لا اريده ان يكون بينه وبين كريم بقدر امنيتي بان يزول الخلاف الذي بينهما بود ولطف ..
انا لم انصر عبدالكريم اطلاقا وانما وقفت الي جانب الحق والذي صادف ان يكون مع كريم .. اذا كان بين كريم وملاسي خلاف قديم في فكرة او وجهة نظر ما فاظن انه من الاكرم لملاسي تناول وتداول الياته الخلافية في مكان الخلاف ولكن ان يتتبع كريم في ذهابه وايابه فهذا ارفضه رفض تام .. فهذا يدل علي الخصومة القبيحة والخلاف السمج يابدر وعليك ان تكون اكثر ديمقراطية وان تنظر الي الموضوع بزاوية منفرجة ولو قليلا لتري الامر كما ينبغي ان تكون رؤيته ..
صدقني يابدر انا اتمني ان يزول هذا الضباب الكثيف بين كريم وملاسي لا اكثر ولا اقل .. والي حين هذا الزوال ساظل ادلي برايي كما اراه مناسبا وساقول وجهة نظري بالصورة التي ترضي مباديء وثوابتي ..
ولكم جميعا تمام المودة
والسلام
|
Post: #118
Title: Re: تفاصيل ما حدث في رحلة بورداب الدوحة .. صور تحكي
Author: Kamel mohamad
Date: 10-30-2006, 08:00 PM
Parent: #117
الإخوة و الأخوات بورداب الدوحةالجميلين
نحن في إنتظار المزيد من الصور الجميلة
و بالأخص صور أبوساندرا ماشفناها لسةالحاصل شنو
ولدي طلب خاص وهو الرجاء تصوير أي مناسبة تاني في الدوحة لأنو شغلكم دايمآ نضيف و مناسباتكم جميلة دايمآ و لو عندكم ندوة ثقافية أو شعرية الرجاء تغطيتها إعلاميا و أتمني أن تواصلوا هذا الإبداع و أن تظل الروح الجميلة موجودة بينكم دايمآ والله يحفظكم من شر العين
ولكم الودو التقدير
|
Post: #124
Title: Re: تفاصيل ما حدث في رحلة بورداب الدوحة .. صور تحكي
Author: Siddig A. Omer
Date: 10-31-2006, 09:51 AM
Parent: #118
كامل يالصديق
و دى صورة حسب الطلب....أبوســاندرأ و أحبائه
زغبى وودرملية و انا
|
Post: #122
Title: Re: تفاصيل ما حدث في رحلة بورداب الدوحة .. صور تحكي
Author: أبو ساندرا
Date: 10-31-2006, 06:19 AM
Parent: #1
Quote: و بالأخص صور أبوساندرا ماشفناها لسةالحاصل شنو
|
يا كامل يا ولدي
الصور بتاعتي كلها حرقت
ومن كاميرات عديدة
فوضح ان العلة في وشي ده
الكاميرات تمام التمام
غايتو بحاول اقنع عماد يرسمني ليك
كان نجحت
|
Post: #123
Title: Re: تفاصيل ما حدث في رحلة بورداب الدوحة .. صور تحكي
Author: Emad Abdulla
Date: 10-31-2006, 07:21 AM
Parent: #122
عبدالكريم الأمين ..
لو تعرف يا حسين ملاسي ..
( فتىً مليء برديه عفاف و نائل ) ..
ما ذُكر اسمه إلا و قفزت إليك مجمل معاني الجمال الإنساني .. و دود .. محب .. صدوق .. كريم .. عفيف و فنان .
هذا رجل ينتمي لزمن نحلم به ..
عرفته لأقل من عام , و لكنه و كأنه مقيم عندي منذ دهور , جم الأدب و حيي .. مثقف و واضح العبارة , صريحها .
عبدالكريم إن أخطأ في لفظة أعجمية ( و قديما قيل أعجميٌ فالعب به ) فأنت تخطيء كثيرا يا حسين بتصيد هناته الصغار هنا و هناك , و ليت الأمر يستحق منك عناء و عنت القص و اللصق و الإرسال ( من كان منكم بلا خطيئة , فليرمه بحجر ) .. و من من الناس لا يخطيء . تصيد الأخطاء كيفما كان و حيثما كان , لا يخرج عن مفهوم الإنصراف إلى ما يزيد تأجيج سؤ الفهم و اتساع شقة الخلاف غير المجدي لا لك ولا للآخرين .
حسين ..
عبدالكريم صادق حتى في كتاباته .. يكتب كما يتحدث , و يتكلم كما يفكر , إنسان سوي حتى في غضبه ولا يدعي غير ما يحس .. يغضب و ينفعل بصدق لا يخفيه ولا يجمله بماكياج . يفرح و يضج ضحكا و يأنس للرفقة الحلوة و صفو الناس رغم خلافاتها و اختلاف مشاربها و أهواءها .. لا يخلط العام بالخاص و لا يكيل بغير عدل . و في كل ذلك يتحري الصدق و الجمال .
هذا رجل كنزٌ لو تعرف يا حسين .
و ليس ما يرفعك درجة في ترصده هو أو الآخرين , إختلفنا مهما يكن , نظل رفقة طيبة , بأحلام شتى و طرق و وسائل شتى لتحقيقها . و كلها تصب في اتجاه قضية نؤمن بها ( دايرين بلدنا عالية و كبيرة سمحة و ناسها مرتاحة ) .. تختار أنت لتحقيق ذلك من وسائلك ما تشاء .. و من حق الآخرين ان يختاروا ما شاؤا , نتلاقي , لا نتلاقي فيها .. نختلف .. نتحاور .. زي ما دايرين , لكن ليس بالإزدراء و الفوقية و السقوط في فخ ( كوجنة ) القضية و خلط الأوراق .
هذا رجل يستحق احترامك يا حسين .. أقله لأنه صادق .. صادق .
لا يمالي ولا يزوق قوله زورا , يلقي في وجهك بكل صدقه ( شين وللا سمح ) و قلبه أنصع ما يكون , كنا نتحدث عن ( الحرابة ) المفتعلة بينك و بينه في تلك الرحلة التي نغصت عليه فرحها بمداخلتك اليتيمة ( و أعترف أن لك المقدرة على قلب طاولات الأشياء حد أن تستحق عليها نوط البياخة ) , عبدالكريم كان يتحدث عن كيف أنك استثرت غضبه , فلم يجد غير أن يضحك من مقدرتك على قلب حاله بتلك البساطة , كان يتحدث عن ذلك و يضحك و يعلق على كل حدث يستدعي بـ ( و الله إنت ملاسي أحسن منك ) , يقول ذلك ببساطة و عفوية صادقة ليس فيها غل ولا حقد ولا يحزنون , لكنه الحزن الجميل .
عبدالكريم رجل شفاف و مرهف , فنان حتى النخاع ..
رجل حلو المعشر , و صديق لو تعرف لأبيت إلا أن تعتذر منه , و لكان حينها ( قلدك ) .
و .. صافي يا لبن .
إنت شين في العداء الما عندو طعم يا حسين ..
و أعرف أنك ستفعل بعد قراءتك لهذا مثل ما ظننت حسن موسى يفعل ..
تزجرني أو تفحمني أو تفور دمي بكلمة .. أو تتجاهلني .
( إن كان لابد , فأديني من الأخيرة .. )
ـــــــــــــــــ
عفوا المداخلة هذه مكررة في بوستي الرحلة بسبب اللخبطة العملتوها لينا..
شكرا لمن نبهني بنقلها هنا .
|
Post: #125
Title: Re: تفاصيل ما حدث في رحلة بورداب الدوحة .. صور تحكي
Author: عبدالكريم الامين احمد
Date: 10-31-2006, 01:14 PM
Parent: #123
عماد عبدالله...شكرا ايها النبيل شكرا...
|
Post: #136
Title: يا حسين ملاسى...خليك بعيد و أعمل شخيط ....."وصية مجنون"
Author: Siddig A. Omer
Date: 11-01-2006, 07:08 PM
Parent: #123
يا حسين ملاسى...خليك بعيد و أعمل شخيط ....."وصية مجنون"
و الله "حرقتنى" عديل كدهــا......
هذأ البوست شوهتموه... فليذهب حسين ملاسى الى ....غياهب الجب......و ليذهب عبدالكريم صديقى الى "كمبو الشوق و انا معه".....
أبو نواس "الحسن بن هانى" كان يسكر "يمزج الخمر مع هارون الرشيد"....سِكر الخليفة حتى فقد حسه...فقال لابى نواس..أذهب الى بيتك..ولا تعد...فذهب و بكل "أدب"..
ذهب الخليفة الى فراشه...ينشد الالفة والهدؤ..اصابه "ارق"
قال لنفسه " دعنى أشتم رائحــة ورود قصرى الفسيح... و ذهب يتجول فى فنائه الفسيح
لمح على البعد جارية "رومية...برمكية" تحمل "طستُ و ابريق".... وهى فى خلائهــا "تريد أن تستحم" ... و قال لنفسه من هى.لم اراءها من قبل...و ..وزين له.. تخفى خلف بعض اشجاره...
تخلصت من "قميصها"....وأزارهــا".....و تتوسطت الطست... و صبت على نفسهــا بعض ..ماء.....
رأت عيون الخليفة...كعيون "الليل" تراقبهــا.....فقالت لنفسهــا "قط يداعب قطً".... لم تستطيع أن تنال من ازارها و توارت خجلاً خلف شعرهــا الاسود الطويل ...سواد الليل.....
الخليفة لم ينم ليلتها.. وســأل فى الصباح كعادته..." يا غلام من من الشعراء بالباب"
قال" الحسن بن هانى و اخر"
قال الخليفة "فليدخلأ"
قال" من منكم يستطيع أن يقول شعراءً عن ما يدور فى خلدى "ذهنى"
قال الشاعر الآخر كلامــاً...قال الخليفة: "لم تصب من نفسى شيئاً"
و اتجه لابى نواس و قال له "قل ما عندك"
قال الحسن بن هانى:
نضت عنها القميص لصب ماء
فورد خدهــا فرط الحياء
وقابلت الهواء و قد تعرت
بمعتدلٍ..أرق من الهواء....
ومدت راحةً كالماء منها
الى ماء معدٍ فى اناء
....فلما رات شخص "الرقيب" على التدانى
اسبلت الظلام على الضياء
وغاب الصبح منها تحت ليلٍ
و ظل الماء
يقطر فوق ماء
فسبحان الاله و قد براهــا
كاأحسن من تكون من النســـاء
قأل الخليفة" ياغلام هات سيفك ونطعك..و اقطع "راس" أبو نواس"
قال أبو نواس و هو يضحك" لمــأ يا أمير المؤمنين؟؟؟"
قال هارون الرشيد " آكنت معنــا البارحـــة؟؟؟"
كلام "سكر" كما "سكر" الخليفة و أبو نواس " أكنت معنا البارحة".... والا سوف اتىء بالغلام و سيفه.....
|
Post: #139
Title: Re: يا حسين ملاسى...خليك بعيد و أعمل شخيط ....."وصية مجنون"
Author: بدر الدين الأمير
Date: 11-03-2006, 03:19 PM
Parent: #136
أخى صديق عمر
لقد عدت بالذاكرة الى معلمى الخاص ،الحسن بن هانى ( ابو نواس)
وهو القائل:
لاتبكى ليلى ولا تطرب الى هند
واشرب على الورد من حمراء كالورد
وهو القائل ايضا:
ومالناس الاهالك وابن هالك
وذو نسب فى الهالكين عريق
ولابو نواس بيت شعرى ياخذنى كثيرا وهو:
تعاظمنى ذنبى فلما قرنته
بعفوك ربى كان عفوك أعظما
|
Post: #126
Title: Re: تفاصيل ما حدث في رحلة بورداب الدوحة .. صور تحكي
Author: فيصل عباس
Date: 10-31-2006, 03:27 PM
Parent: #1
ابوساندرا
كل رحله وانت مخطط لي دروبها
ده شنو ده ياابوساندرا
| Quote: غايتو بحاول اقنع عماد يرسمني ليك |
عايز تحرق عماد كمان زي (حرقت) الكاميرات
شوف يا زول اي حاجه ولا عماد ده
|
Post: #127
Title: Re: تفاصيل ما حدث في رحلة بورداب الدوحة .. صور تحكي
Author: فيصل عباس
Date: 10-31-2006, 04:18 PM
Parent: #1
رنده
او راندوك كما يحلو لبعض الاصدقاء
حاليا سنعمل بالاخرى حتى نتاكد من عودته الكامله
ويبارح مكان حربه تلك كي لا يتحجج بتحالف الاعداء
واعملك سرا انه عندما يستفيق الي وعيه سيحرض سحاب الواق الواق ليصب في بيتكم(ومن اسع كان ما ردمتي راس البيت وصلحتي شارعكم كويس وفتحتي ليك ممر سري ما تدخلي هنا)وانا كلمتك بس
اعملي حسابك من الآن واشتري اصدقاءه (ولن يكلفك هذا كثيرا طالما ان السني غير موجود
الآن) فول مدمس من مطعم الفتمينات ب خمسه ريال كبيهوا في جيب (الريس المتأمر ضحيه)
واصحبيه بلسته تضم ود رمليه وبكرى الامين والوضيع بهاء ود العباسيه مرات مرات
والحميل محمد عبد الرحمن والمتهالك ابو ساندرا واخرين
اما اولاد عبدالله ديل بدت عليهم ملامح الكبر وتساقط الشعر عند بعضهم وكثر في مكان اخر (الشنب) للبعض
الاخر منهم وشكلهم بقو ما بقدروا دخول الحيشان ونثر التراب عاليا(كل الممكن يعملوهو من بعيد لي بعيد حركة المديده حرقتني)
اما انت ستكوني العين(جاسوسه) التي ترمي بما تراه هنا(حتى نتمكن من القضاء على رتلهم )
وبعدين نشوف مواضيع حللك ديل القاده بيهم راسنا وفاضحانا بيهم (انتي عمران ده ما شايف فعايلك دي) حلل قال,,,
(بالله عليكي اغشي الزهران وشيلي عشرومايه حله وصمي خشمك ده شابكانا حله حله هي شن
الحله ياها المطرقعه دي (مصدري هنا هو ود رمليه وعبد الكريم قبل ان يمارس هوايه الركض من هذا البراح الاسفيري على حد قوله)
صديق عبد المنعم
سؤال على هاش الخور (الصور دي صورتها كيف وانا عارف انك اعمى وبتكون زايد عماك بعمى تاني)
رندا ايتها الحليفه
ارمي بسهامك دون خوف وبكون درقه للجاييك بس (لحين)
هذا اول الطريق فتعالوا ان كنتم كما توقعتكم لنقراء الكان غير واضح في الرحله و(فتوهو لكم الرحمه)
خليل ازيك
عليك الله تعال ولتمارس اللعب كما ينبغي له وخليك (متواطئ محايد)
القريش وينو وينو ياناس..
هميم الكميرا دي ما فترها خلاص ارميها وتعال عشان نعرفك ونشوفك انت لامي في خلق الله تصوير في تصوير ولامي صورتك عليك (شكلك لذيذ وممكن تكون عندك تخربش السماء وتجري منو بعيد)وهذا ما ينفعنا في هذي ضد المدعو كيكي وزمرته
مرحبا بكل ضيوف رحلتكم(الانحرمنا منها لظرف لعين لا يقبل المراوغه) بس ممكن نستمتع (بالزياده)
هنا
ومرحبا بالناس الجداد في سودانيز عصام حسين ويسري صلاح
وتحيات كثيف للغابين عن الرحله واخص اسرتي ونفس ونادوس وابنوسه
معاويه الطيب,,معتصم الطاهر عبد الغني وكل الاحباب سلام
|
Post: #128
Title: Re: تفاصيل ما حدث في رحلة بورداب الدوحة .. صور تحكي
Author: ودرملية
Date: 10-31-2006, 05:23 PM
Parent: #127
سلامات
وعوافي
فيصل "ابوالمكاشفي" ..
والله افتقدناك كثيرا وللاسف غيابك اتكرر "بدينا نظن انو متعمد" لو لا اننا نعلم انك تواق للقاءات اللطيفة ولمة الاصحاب ..
المهم انت تكون كويس وعضمك نصيح ..
وياخي مشتاقين ..اصلك بخلان علينا بالشوفة ..
الشوفة البتسر الروح وبتشفي الجروح ..
وحمدا لله علي سلامة الهندسة "عمو معتصم الطاهر" بعد ان قضي قرابة الـ15 يوما في بلاد الامهرا والتقرنجا "البلاد الشاهقة" ..
وحمدا لله علي سلامة "معاوية الطيب" فقد عاد الي الدوحة بعد قضاء اجازة العيد بين الاهل والاحباب بالسوادن ..
وافتقدنا كثيرا الزول الظريف نادوس .. وسلطان الكتابة الساحرة كرم الله والشفيف الجميل مامون وبقية العقد الفريد والصحافي المشاكس فيصل الزبير ..
|
Post: #129
Title: Re: تفاصيل ما حدث في رحلة بورداب الدوحة .. صور تحكي
Author: فيصل عباس
Date: 11-01-2006, 03:45 AM
Parent: #128
يا الفاتح مسام الشوق
ودرمليه
ازيك واشتاقك جدا
لكن يبدو ان الجمال قد نوافذه لاستقبال مشاويركم المتأمرة
وانا هنا اعتقد والله اعلم واقف ضد شوقي ليك وبرسل ليك شهام شوكي
بس اعمل حساب عيونك ما تقع فيها وقيعه (باقي صاريها ليك من زمن بوست رحله محسن خالد)
وما تحاول تنسيني مهمتي بكلامك المعسول ده
قال شنو قال
Quote: والله افتقدناك كثيرا وللاسف غيابك اتكرر "بدينا نظن انو متعمد" لو لا اننا نعلم انك تواق للقاءات اللطيفة ولمة الاصحاب ..
المهم انت تكون كويس وعضمك نصيح ..
|
وزي ما بتقول امي مفقدناك (بالشينه)
بس هنا الحرب
والفر فيها وارد (ليك ولامثالك ناس كيكي وضحيه ومنو كده ما عارف )
وسترى ما يفعله فيك حليفي الجديد (الاركان حرب راندوك)
بس خلي عيالك بعاد وتعال
غير كده قدم اعتزارك عما سبق الان وهنا على الملا
قال بياكل راسي قال
(وسرا بحبك جدا ياود بس ماتكلم زول)
|
Post: #130
Title: Re: تفاصيل ما حدث في رحلة بورداب الدوحة .. صور تحكي
Author: عصام الدين حسين حسن
Date: 11-01-2006, 07:38 AM
Parent: #1
كنت قد وعدت بالعودة لأولاد عبدالله الرجال ، إلا أنني رأيت بأن هذين الرجلين لا يضيف كل البوست لهما شيئاً فهما يأخذان لب كل من يعرفهما بدون حتى أن يظهرا لك أي فعل أو سلوك ، فقط أُريد القول أنكما من أروع من صادفت ويكفي فخراً الدوحة وجود هذا العماد المليان جمالات كثيرة ، فهو صاحب كلمة العدل والحياد والفواصل ما بين كيكي وذلك المتداخل ، وبعده أفتكر الحديث قد إنتهى وليبقى الجميل جميلاً وليسقط القبح أين ما حل ، ويكفي كيكي أنه محور وهذا دليل لتميزه .
إفتقدت كثيراً ياسر حامد فهو أحد أعمدة الجمال كما نادوس الرائع فهو إشارة للنقاء إفتقدته الرحلة إلا أنهما يظلان في القلب بقوة عظمتهما .
أفتكر في إجماع على جمال ونقاء هذا الملتقي فلنحافظ عليه ونحميه ونصد من هو ضد ذلك .
|
Post: #131
Title: Re: تفاصيل ما حدث في رحلة بورداب الدوحة .. صور تحكي
Author: معتز القريش
Date: 11-01-2006, 01:21 PM
Parent: #130
فيصل عباس
يا أخوي يا دوب أنا عرفت سر تلفونك المتملق حق الصباح ، أتاريك عامل ليك
مشاكل هنا وعاوزني أقيف معاك .
دقست يا فردة ـ أنا ما عندي صليح ...
قال أيه قال بريدك جدا
رادك برص ـ عاوز تحارب كي كي ود رملية وضحية وعاوزني معاك ؟؟؟
مشكلتك انك وقعت في أحب أحبابي
أجري أجري ألعب بعيد ـ قوم لف
(سرا كدا ـ بحبك موووووووت ـ ما تكلم زول)
|
Post: #132
Title: Re: تفاصيل ما حدث في رحلة بورداب الدوحة .. صور تحكي
Author: فيصل عباس
Date: 11-01-2006, 03:39 PM
Parent: #131
معتز القريش
جيتنا تحبي وداير تكبر عمايلك ام ظلامي بصحيح (وفنك ده عندنا فيهو قول)
اما تلفون الصباح للسؤال عن صحتك (عالم تورم الراس)
| Quote: مشكلتك انك وقعت في أحب أحبابي |
الطيور على اشكالها تتلون وتخلي الطيران
اما انك (لذيذ) بحقك -اوعك تصدق وما تقشر بيها شديد..
انا محب للحياة وح اكلم كل الخلق (واخص اخر زيجاتك عشان ما تنصدم بعد بكره)
وتقول بتحب زول/ة غيري
شكرا وزه
تعال وما تخلي غيابك يطول (ربما نخرج قليلا من حالة الاحباط اللافه في خلق الله اليومين دول)
|
Post: #137
Title: Re: تفاصيل ما حدث في رحلة بورداب الدوحة .. صور تحكي
Author: ضحيه ابراهيم
Date: 11-03-2006, 02:27 PM
Parent: #132
عباسيه
صديق عمر
هميم
وين باقى الصور وييييييييييييييييييييييييييييييييين؟؟؟؟؟؟؟؟؟؟؟؟؟؟؟؟
|
Post: #138
Title: Re: تفاصيل ما حدث في رحلة بورداب الدوحة .. صور تحكي
Author: عمران بابكر بدري
Date: 11-03-2006, 02:28 PM
Parent: #132
يا جماعة سلام
بالله كدي صلحو القعدة دي
وانا شايف التربيزة كدة ما موزونة
فيصل نوبي تحياتي
انا كنت غياب لاني ماخد اسنة في القبول
والبركة في ود القريش خرب كمبيوتر البيت
زنقلت العدوة للمكتب .. ياها الغيرة زاتا
علي وزن رندوك
كمبو الري عامل دوشة بين قزسين دوشة لذيذة
علي كل حال
يلا نوزع
من جديد ... يا بورداب .. والله لكم كل الود
يا صديق وين بت الديناري ( مريم بت عمران)
دي ما سورة يا عوض حهزة كلم ضحية ما يصلي بيها
ولنا عودة
|
Post: #140
Title: Re: تفاصيل ما حدث في رحلة بورداب الدوحة .. صور تحكي
Author: معتصم الطاهر
Date: 11-03-2006, 04:09 PM
Parent: #1
بورداب الدوحة
كل سنة وانتو طيبين
وأحــبـــكــم ...
|
Post: #141
Title: Re: تفاصيل ما حدث في رحلة بورداب الدوحة .. صور تحكي
Author: ضحيه ابراهيم
Date: 11-04-2006, 05:52 AM
Parent: #140
ونحنا كمان بنحبك يامعتصم الطاهر وحقيقة افتقدناك يارجل ياجميل..
|
Post: #143
Title: Re: تفاصيل ما حدث في رحلة بورداب الدوحة .. صور تحكي
Author: معتصم الطاهر
Date: 11-04-2006, 06:39 AM
Parent: #141
| Quote: ونحنا كمان بنحبك يامعتصم الطاهر وحقيقة افتقدناك يارجل ياجميل.. |
ضحية
الرجل الذى تخضع له الشامخات
و تحن له الفاتنات ..
تحية
لا أريد أن ( ألخبط) هذا البوست
لكن ألمنى جدا فقد البعض ( لإكتنازى) وهم من كنا نضع لهم اعتبارا
لعلمهم... ( أو هكذا كنا نظن)
فإذا بهم يأخذون الأدب ممن لا يعرفون من الناس إلا أشكالهم ومشاكلهم ...
لى أن أشكر تراجى .. برضو ..
|
Post: #144
Title: Re: تفاصيل ما حدث في رحلة بورداب الدوحة .. صور تحكي
Author: Yassir Hamid
Date: 11-05-2006, 01:44 AM
Parent: #1
إذا كان الريس معتصم بحبكم قيراط
يا بورداب الدوحة أنا أحبكم من هنا للصبح
كل سنة وانت طيبين ودائماً نجوم تتلألا في هذا السماء الأسفيري
ويا صديقي عصام حسين الشقي يلقي في الكبدة عضم
وبكم وبسعادتكم نهنئ أنفسنا برغم الغياب والسفر خارج الدوحة
والتحية لكل بوردابي دوحابي جميل ورقيق وانسان وفنان ورائع
وكل عام وانتم طيبين سالمين وزافري الجمال في هذا البورد
وودي
ياسر حامد
|
|