Post: #1
Title: حتى متى ....؟!
Author: Bakhaf
Date: 10-25-2006, 07:40 AM
حتى متي سنظل ندور في فلك هؤلاء الاربعة ؟
حتى متى سيكون قادة الاحزاب السودانية مثلهم مثل قضاة المحكمة العليا الامريكية ، يظلون في مناصبهم حتى الموت ؟
حتى متى تظل كل احزابنا قطيع فحله واحد ؟
حتى متى نستمر في تعمير هذه الكوامر ؟
متى يعود رحم السياسة السودانية الذي عقُر الى الانجاب من جديد؟
هل الامر احتكار !
هل لا يوجد من هم مؤهلين للقيادة الا هؤلاء !
الا يمكن ان يكون سبب دوراننا في فلكنا منذ 40 سنة سببه قيادتنا التي لم تتغير منذ تلك الفتره ؟
اعطت هذه القيادات كل ما يمكن ان تعطي .. فلتترجل من مناصبها لغيرها ..
عسى ولعل .....
|
Post: #2
Title: Re: حتى متى ....؟!
Author: Tragie Mustafa
Date: 10-25-2006, 07:48 AM
Parent: #1
بخاف
كل عام وانت بخير
انت مسخن كده ليه لسه الدنيا عيد؟؟؟
تراجي.
|
Post: #3
Title: Re: حتى متى ....؟!
Author: Bakhaf
Date: 10-25-2006, 07:56 AM
Parent: #2
تراجي
كل سنة وانت طيبة
وانشاء الله السنة الجايك ولدك رايح منك في شوارع تورنتو حايم بي كرعينو وانت جارية بي وراه تفتشي فيه وما تقدري تقبضيه
ربنا يشفيه قادر يا كريم ويوقفوا على ارجله من جديد بركة العيد ده
____________
والله يا تراجي
نحن مشكلتنا ما انقاذ ولا يحزنون
مشكلتنا اتجمدنا سياسيا ورياضيا وثقافيا في سنة 1970 وتاني ما اتقدمنا شبر
الناس بتقول انو السودان ماشي لي وراء
والصاح انو السودان واقف محله والناس حوالينه ماشين
ياخ الجماعة الابعة ديل قفلوا ليهم جيل كامل
جيل كامل اختفى وهم في راس البلد
معقولة البلد دي يحكمها الصادق 18 سنة
وعاوز يحكمها الصادق فوق السبعين
؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!
ده فهم شنو ده وريني
وبقول ليك عاوزين دمقراطية
ياخ هي احزاب ما قادره تغير في قيادتها 30 سنة
بلد شنو البتحكمها
نحن عاوزين لينا جيل جديد
بي فهم جديد
ويكون احسن لو كان حزب جديد
|
Post: #4
Title: Re: حتى متى ....؟!
Author: شمهروش
Date: 10-25-2006, 08:32 AM
Parent: #3
بخاف العزيز
كل سنة وانت طيب
تغيير القيادة دا خليك منو؟
ناس تكابس ليها كمين سنة ماقادرين يعملوالمؤتمر العام
كسرة:
تراجي كل عام وانتي بخير
|
Post: #5
Title: Re: حتى متى ....؟!
Author: Bakhaf
Date: 10-25-2006, 08:48 AM
Parent: #4
حبيبنا شمهروش
سلامات واحترمات
| Quote: ناس تكابس ليها كمين سنة ماقادرين يعملوالمؤتمر العام |
يا عمك عام شنو
الا كان عام لمن قطع البحر
ولا عام دراسي جديد
ويقول ليك نحن ارباب الدمقراطية ونحن الثورة وما اردكما ويحزنون
طيب ما تثوروا على قياداتكم في الاول
ثوروا على الفحل الاوحد الذي ان غاب وان حضر هو القائد المفدى والملهم الذي لا يخلفه احد ، افان مات او قتل انقلبتم على اعقابكم
ياخ ديل بقوا طائفيين اكتر من اصحابك التانين
انا خايف لمن يموت عمك يسوا ليه ضريح ويزوروه
|
Post: #6
Title: Re: حتى متى ....؟!
Author: lana mahdi
Date: 10-25-2006, 08:58 AM
Parent: #5
| Quote: ناس تكابس ليها كمين سنة ماقادرين يعملوالمؤتمر العام |
غايتو ديل مش إحنا نحن عاملين (6) مؤتمرات عامة (في عين العدو)
كل سنة و انتو طيبين الأحباب شمهروش و بخاف
|
Post: #8
Title: Re: حتى متى ....؟!
Author: عصام عبد الحفيظ
Date: 10-25-2006, 09:15 AM
Parent: #6
بخاف
ســلام
ناس المؤتمر عايزين
يعملوا مؤتمر , يقدروا
الناس الماعملوا مؤتمر
يعملوا مؤتمر زى ما ناس المؤتمر
ناويين يعملوا مؤتمر
(دى اسمها قلوتية المؤتمر )
|
Post: #12
Title: Re: حتى متى ....؟!
Author: Bakhaf
Date: 10-29-2006, 02:52 AM
Parent: #8
عصام عبد الحفيظ
سلامات واحترمات
الحل هو
البطيخه
|
Post: #9
Title: Re: حتى متى ....؟!
Author: Bakhaf
Date: 10-28-2006, 00:56 AM
Parent: #6
لنا مهدي
سلامات واحترمات
وكل سنة وانت بالف خير
| Quote: نحن عاملين (6) مؤتمرات عامة |
6 يا لنا
والسته ديل بتجيب نفس القيادات
معقوله !!!!
|
Post: #7
Title: Re: حتى متى ....؟!
Author: Sana Khalid
Date: 10-25-2006, 09:10 AM
Parent: #1
بخاف..
كل سنة و انت طيب..
حتى متى سيظل أوسطهم فارداً أجنحة الشيطان في سمائنا
ملقياً فراخه..
خاطفاً أفراحنا..
حتى متى؟
|
Post: #14
Title: Re: حتى متى ....؟!
Author: Bakhaf
Date: 10-29-2006, 03:10 AM
Parent: #7
مرحب سنا خالد
سلامات واحترامات
حتى يتغير من هم في الاطراف بجيل جديد يستطيع ايجاد وسائل وطرق جديدة ومفيدة ، لمقاومة هذا الشيطان البشري
|
Post: #10
Title: Re: حتى متى ....؟!
Author: sharnobi
Date: 10-28-2006, 01:11 AM
Parent: #1
حتى (الى) متى bakhaf بخاف
فاذا كان عربا فالعب به
غاتيو شبحة يدين الترابى دايره تفسير
والله ورسوله اعلم
يمكن الى ان تقوم ساعة السودان
|
Post: #15
Title: Re: حتى متى ....؟!
Author: Bakhaf
Date: 10-29-2006, 03:48 AM
Parent: #10
شرنوبي
سلامات واحترمات
حتى الى متى
ولا تزعل روحك
___________
| Quote: يمكن الى ان تقوم ساعة السودان |
دبيب هو الزول ده
ما حا يموت ولا شنو ؟
لكن بيني وبينك الزول الدقاه هاشم بدر الدين وما مات ده
تاني ما بموت
انت عارف في غنيه خليعة من الاغنيات البتعتبر هابطه
وانا بعتبرها ما هابطه ولا شي
وهي تعبير حقيقي لصوت الشهب القهران
ومتنفس لغيظه
بقولوا فيها
الدقو منو ياناس
هاشم
كسروا ليه سنونو
ورمو ليه عيونو
الدقو منو يا ناس
الغنيه دي مكتوبه في الترابي وهاشم بدر الدين
قر قر قر قر قر قر
|
Post: #11
Title: Re: حتى متى ....؟!
Author: Dr.Mohammed Ali Elmusharaf
Date: 10-28-2006, 02:14 PM
Parent: #1
حبيبنا بخاف
كل سنة وانت طيب
لوك الصبر الناس ديل فوق السبعين لكن لسة شباب الواحد فيهم يمسك المكرفون ممكن يتكلم وينظر للصباح تقول لي يختاروا قيادات شابة....في هولندا الامين العام بتاع واحد من الاحزاب المشاركة في الحكومة عمره 28سنة !!!!
محبتي
محمد علي المشرف مختار
|
Post: #13
Title: Re: حتى متى ....؟!
Author: Bakhaf
Date: 10-29-2006, 03:03 AM
Parent: #11
وبما ان بكري نظف نظافة العيد
وشال كل الصور
بنذكر الاحباب انو الصورة كان فيها الزعما
زعيم الشيوعي ( ممكن نقول عليه زعيم اليسار كلو )
زعيم الامه
احد زعما الاتحادي
زعيم الحركة الاسلامية ( او كما يقال عنه )
وجميعهم فوق السبعين
وبصراحة انا ما حافظ اساميهم
الحافظها يرفعها لينا هنا
|
Post: #16
Title: Re: حتى متى ....؟!
Author: Bakhaf
Date: 10-29-2006, 06:53 AM
Parent: #11
عارف يا حبه
قالوا الصادق سواها وهو 18 سنة
يعني اصغر من زولك
لكن المشكلة مكنكش فيها لحدي هسع !
وما عاوز يفكها
وكان فكاها ياه الاداها لي واحد من اولاده
ولا اولاد اخوانه
|
Post: #17
Title: Re: حتى متى ....؟!
Author: ادريس خليفة علم الهدي
Date: 10-29-2006, 07:17 AM
Parent: #16
بخاف
كل سنة وانت طيب
سن المعاش عندنا 80 سنة يعني كلها يالكتير 4 سنة ونتخارج منهم كلهم
لوك الصبر
|
Post: #18
Title: Re: حتى متى ....؟!
Author: Bakhaf
Date: 10-29-2006, 07:27 AM
Parent: #17
حبيبنا ادريس
سلامات واحترامات
انت يا زول اظنك نسيت ليك صفر
بتكون قاصد 800 بدل 80
|
Post: #19
Title: Re: حتى متى ....؟!
Author: lana mahdi
Date: 10-29-2006, 07:48 AM
Parent: #1
Quote: عارف يا حبه
قالوا الصادق سواها وهو 18 سنة
يعني اصغر من زولك |
(قالوا) دي بتودي في داهية خاصة لو ال(قالوا) ما قدروا يثبتوا و خلوك إنتا النقلتا عنهم في خبر كان و(الله و رقبتك) مع حقائق تاريخية محرجة تدحض كلام ال(قالوا)
|
Post: #20
Title: Re: حتى متى ....؟!
Author: Bakhaf
Date: 10-29-2006, 07:54 AM
Parent: #19
هاهاهاهاهاهاهاهاهاها
خلاص يا لنا عاوزه تتشربكي فيني
هاهاهاهاهاهاهاهاهاهاها
لكن عليك الله
تاكدي لينا المعلومه دي ولا تنفيها
عشان نعرف حقيقتها
ولو نفيتيها ورينا الصادق بقى في راس الحزب عمره كم
واكن شاكر جدا
واوعده حا امسح القواله الفوق دي واعتزر اعتزار بي نوبتو
|
Post: #21
Title: Re: حتى متى ....؟!
Author: ادريس خليفة علم الهدي
Date: 10-29-2006, 05:12 PM
Parent: #20
| Quote: بتكون قاصد 800 بدل 80 |
لسنا ديناصورات .. والاعمار بيد الله .. لكن لها عمر إفتراضي محدد مهما طال الزمن ... ليست المسألة بهذه الصورة من التشاؤم .. إنما نفترض أن تنهض الأجيال وتساعد وتشد من أزر من سبقونا ... حتي لا نقول أن من سبقونا لم يورثونا إرث ثوري نسير في خطه .. نناضل ونكافح كما ناضلوا وكافحوا من أجلنا .. ونبعث الروح الثورية المتجددة من مسيرة العمل الثوري .. ولك مني كل الآمال بالتفاؤل .. وكل عام وأنت بخير
محبتي وإحترامي
|
Post: #22
Title: Re: حتى متى ....؟!
Author: ادريس خليفة علم الهدي
Date: 10-29-2006, 05:12 PM
Parent: #20
حذف للتكرار
|
Post: #23
Title: Re: حتى متى ....؟!
Author: Bakhaf
Date: 10-30-2006, 01:14 AM
Parent: #22
لنا مهدي
متاسف جدا
نصحح المعلومه
الصادق
ولد بالعباسية بأم درمان في يوم الخميس 25 ديسمبر 1935م الموافق 1 شوال 1354هـ.
المناصب القيادية التي تقلدها:
رئيس الجبهة القومية المتحدة في الفترة من 1961- 1964م. ( 26 سنه)
انتخب رئيسا لحزب الأمة نوفمبر 1964م. (29 سنه)
انتخب رئيسا لوزراء السودان في الفترة من 25 يوليو 1966- مايو 1967م. ( 31 سنه )
رئيس للجبهة الوطنية في الفترة من 1972- 1977م.
انتخب رئيسا لحزب الأمة القومي مارس 6198م.
انتخب رئيسا لوزراء السودان في الفترة من 1986- 1989م.
|
Post: #24
Title: Re: حتى متى ....؟!
Author: Bakhaf
Date: 10-30-2006, 01:29 AM
Parent: #22
Quote: لسنا ديناصورات .. والاعمار بيد الله .. لكن لها عمر إفتراضي محدد مهما طال الزمن ... ليست المسألة بهذه الصورة من التشاؤم .. إنما نفترض أن تنهض الأجيال وتساعد وتشد من أزر من سبقونا ... حتي لا نقول أن من سبقونا لم يورثونا إرث ثوري نسير في خطه .. نناضل ونكافح كما ناضلوا وكافحوا من أجلنا .. ونبعث الروح الثورية المتجددة من مسيرة العمل الثوري .. ولك مني كل الآمال بالتفاؤل .. وكل عام وأنت بخير
محبتي وإحترامي |
كل الود
نعم لسنا ديناصورات
لكن كمان زول في قيادة حزبه لفترة 42 سنة امر غير منطقي وغير معقول
الصادق رئيس حزب الامه 1964
الترابي امين عام جبهة الميثاق الاسلامي 1964
نقد سكرتير الحزب الشيوعي 1971 ( 35)
عاوز اسالك انت عمرك كم الان ؟
نقدر ليك 40 سنة
يعني لو عمرك اربعين سنة انت هسع في عمر النبوه وفي عمر الرئاسة في اغلب دول العالم
اها في ناس ماسكين مقاليد السياسة من قبل ما يلدوك ولحدي ما وصلت لي سن النبوه والرئاسة وما فاكنها
شوف في كم سوداني كان ممكن يقدم للبلد دي مقفول سياسيا عشان الزعامات مكنكشة فيها
وكنكشة في الفاضي
ما قدمت للبلد اي شي غير انها ودتها لي وراء
ياخ نحن والصين والهند كلنا كنا مستعمرات برطانيه
وكت فكونا الانجليز كنا مصنفين قدام الهند والصين في كل النواحي ( اقتصاديه اجتماعية سياسية مالية )
هسع شوف الصين وين والهند وين
ونحن وين
؟؟؟؟؟؟
وتقول لي ما ديناصورات
مع كل الود
|
Post: #25
Title: Re: حتى متى ....؟!
Author: Bakhaf
Date: 10-30-2006, 09:34 AM
Parent: #24
حتى الى متى ...؟!
|
Post: #26
Title: Re: حتى متى ....؟!
Author: lana mahdi
Date: 10-30-2006, 09:41 AM
Parent: #25
Quote: هاهاهاهاهاهاهاهاهاها
خلاص يا لنا عاوزه تتشربكي فيني |
شكلي كدة ح أُواجه بإتهامات باللياقة (من لايوق مش من لائق)
Quote:
هاهاهاهاهاهاهاهاهاهاها
لكن عليك الله
تاكدي لينا المعلومه دي ولا تنفيها
عشان نعرف حقيقتها |
أنفيها
Quote: ولو نفيتيها ورينا الصادق بقى في راس الحزب عمره كم
واكن شاكر جدا |
30 سنة
| Quote: واوعده حا امسح القواله الفوق دي واعتزر اعتزار بي نوبتو |
إن شاء الله نوبتك جاهزة
|
Post: #27
Title: Re: حتى متى ....؟!
Author: Bakhaf
Date: 10-30-2006, 09:47 AM
Parent: #26
اختنا لنا
سلامات واحترمات
لو رجعتي لي فوق مداخلتين بس
بتلقى نوبتي بتلعلع وتتأسف
شكرا كتير على الاهتمام والرد
بمناسبة اللياقة واللياقة
(الاولى من التشربك والتانية من لائق)
انت عندك الاتنين
اي حاجة فيها انصار تدرعكي للزول من يكورك
لكن والنصيحة لي الله عمرك ما مرقتي من حدود اللياقة( من لائق ) حتى وانت متشربكة ليك في زول
تسلمي
وود كتير
|
Post: #28
Title: Re: حتى متى ....؟!
Author: Gafar Bashir
Date: 10-30-2006, 09:57 AM
Parent: #27
لوك الصبر ...
والنيم ...
|
Post: #29
Title: Re: حتى متى ....؟!
Author: Bakhaf
Date: 10-30-2006, 10:05 AM
Parent: #28
وفي رواية اخرى
البرسيم ....
لاننا شعب حمار
والغريبة الحمير بتحفظ
ونحن لا بنفهم
ولا بنحفظ
؟!
|
Post: #30
Title: Re: حتى متى ....؟!
Author: Bakhaf
Date: 10-31-2006, 08:42 AM
Parent: #29
حتى الى متى ..!
|
Post: #31
Title: Re: حتى متى ....؟!
Author: Bakhaf
Date: 11-04-2006, 10:09 AM
Parent: #30
حتى الى متى
|
Post: #32
Title: Re: حتى متى ....؟!
Author: Adrob abubakr
Date: 11-04-2006, 01:18 PM
Parent: #31
الأخ بخاف
كل سنة وانت طيب
حتى متى ....؟!
إلي أن يموتوا!
|
Post: #33
Title: Re: حتى متى ....؟!
Author: Bakhaf
Date: 11-05-2006, 01:49 AM
Parent: #32
اخونا ادروب
سلامات واحترمات
وعيد سعيد
وبعد ما يموتوا
هل سيورثون ابنائهم وبناتهم
ثم يستمر من يورثونهم حتى الممات ايضا؟
؟؟؟
!!!
|
|