Post: #1
Title: هجــرة عصافير الخريف ..
Author: tmbis
Date: 10-23-2006, 09:22 AM
هجرة عصافير الخريف
الأستــــــــــــاذ محمد وردي
كلمات أسحق الحلنقي
اهــــداء خاص للأعزاء .. عمر منصور . Elmouiz
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
...
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
....
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
|
Post: #2
Title: Re: هجــرة عصافير الخريف ..
Author: تولوس
Date: 10-23-2006, 09:47 AM
Parent: #1
شكرا يا تمبس لهذه الاغنية المعبرة والمشغولة بكل الحب والحنان والجمال
والتي تحمل لنا الكثير من الشجن والحنين للاهل في كسلا
وعبرك تحياتي لجميع الاهل في كسلا فردا فردا
ولجميع الاخوان والاخوات واهداء خاص للاساتذة الاعزاء اسحق الحلنقي وعادل مسلم
وخاصة جدا جدا لاخي د.محمد عثمان الحلنقي
وخاصة جداجدا للعرسان كمال عثمان سويكت وياسر عبد الكريم وياسر السيوفي وطارق خليفة مزمل وخباب الامين وكل عريس في هذا العيد او العيد القادم
|
Post: #3
Title: Re: هجــرة عصافير الخريف ..
Author: tmbis
Date: 10-23-2006, 10:08 AM
Parent: #2
تولوس ..
| Quote: والتي تحمل لنا الكثير من الشجن والحنين للاهل وعبرك تحياتي لجميع الاهل في كسلا |
ارتباطي مع عصافير الخريف ..ارتباط وجداني اتعمق قبل ايام من الآن ..
وح تفضل محفورة جواي فترة طويلة ..
.
اليوم كان في زيارتنا صديق مشترك من كسلا .. وكان الحديث جميل .. شجن الأهل وذكريات العيد وطبعا عارف طعمو كيف هنــا ..
التحية للأستاذ الحلنقي والأستاذ محمد وردي .. وربنا يديهم الصحة والعافية بقدرما اهدونا من مساحات للجمال
|
Post: #4
Title: Re: هجــرة عصافير الخريف ..
Author: الفاتح وديدي
Date: 10-23-2006, 10:19 AM
Parent: #1
كل سنة وهرمنا الغنائي محمد عثمان وردي بألف خير
كل عام وناثري الفرح من فرقته الماسية بألف عافية
كل سنة وحلنقي مليان بي مفردات الجمال
القومة لي ناس آمال والكورال المصاحب
عيد مبارك علينا عليكم ياناس عمر منصور وElmouiz
|
Post: #5
Title: Re: هجــرة عصافير الخريف ..
Author: عصام عبد الحفيظ
Date: 10-23-2006, 10:24 AM
Parent: #4
شكرا تمبس
منذ الصباح ادندن بهذا
اللحن العظيم
ويا دوبك العيد بدأ
حيث تستجاب الدعوات
وتجبك الحان عابرة للبحار
باين عليك شيخ كبير
فى موضوع الحداثة ده
|
Post: #9
Title: Re: هجــرة عصافير الخريف ..
Author: tmbis
Date: 10-24-2006, 08:28 PM
Parent: #5
Quote: منذ الصباح ادندن بهذا
اللحن العظيم
ويا دوبك العيد بدأ |
.. Quote: باين عليك شيخ كبير
فى موضوع الحداثة ده |
.. ما يـــاكا برضو اشيخ واحد يا عصام ـ انا بدندن بيها لي اكتر من اسبوع .. ولما اجي انوووم ـ ( بقرشة ) والصباح بدري بصحى بيها
دي قمة المسؤولية يا عصـام .. حاجات وردي دي ( تتخته وتتشال ) عند اللزووم شفت بلاي الحياة بتكون أجمل كيف..
كل سنة وأنت طيب ، وأنت أجمل يا عصام
|
Post: #6
Title: Re: هجــرة عصافير الخريف ..
Author: الفاتح وديدي
Date: 10-23-2006, 10:35 AM
Parent: #4
ما أنسى أبارك ليك كمان ياتمبس
القابلة على أمانينا أجمعين
وشكراً على العيدية الجميلة..
|
Post: #7
Title: Re: هجــرة عصافير الخريف ..
Author: tmbis
Date: 10-23-2006, 10:51 AM
Parent: #4
الفـــاتح وديدي ..
كل سنة وأنت طيب .. وربنــا يحقق كل الأماني .
..
كل سنة والناس القلتهم ديل بيمتعونــا .. ويملونــا فرح وغنــا .. وبهجة
وتحية خاصة خلالك للاعزاء ..
عمر .. ومعز وكل من يزرع في وجداني بهجة
|
Post: #8
Title: Re: هجــرة عصافير الخريف ..
Author: ابي عزالدين البشري
Date: 10-23-2006, 11:12 AM
Parent: #1
.
الأخ تمبس
كل عام وأنت كما تحب
.
|
Post: #10
Title: Re: هجــرة عصافير الخريف ..
Author: فيصل نوبي
Date: 10-25-2006, 02:45 AM
Parent: #1
علاء
كل عام و انت بخير يا صديقي
و ربنا يحقق أمنياتك ،
طبعا ما ح اقول ليك اختيارك رائع و لا بطيخ .. لانك ما قاعد تجيب شيء كعب
بس بعد اذنك نقلناها منك هنــــــــــــــــــــــا
ربنا يحقق الاماني يا مان.
|
Post: #11
Title: Re: هجــرة عصافير الخريف ..
Author: Ahmed Mohammed Osman
Date: 10-25-2006, 02:59 AM
Parent: #1
العزيز جدا تمبس
كل عام وانت بخير والله يحقق امانيك كلها
جابني الشوق واحساسك العالي
يا غالي
الاخوة المتداخلين
كل عام وانتم بخير
|
Post: #12
Title: Re: هجــرة عصافير الخريف ..
Author: esam gabralla
Date: 10-25-2006, 03:45 AM
Parent: #1
يا صاحب
شغال تجهجه في الناس ... شي نعام و شي عصافير
الاتنين وقعوا لى في جرح
بس العصافير دى ما لقيتا بالتوزيع القديم؟؟
انا لسه متكس في القدام
كل سنة وانت طيب
الجاية......
|
|