يا شباب..

دايرة استغل المساحة دي وابارك العيد لاهلي واصحابي وحباني وجيراني..

والداير يخش ويبارك لناسه برضه مافي مانع..

اخدوا راحتكم وباركوا معاي..

وياريت العيد يرجع عيد..!

امي يا عسل..يا اغلي الناس..

كل سنة وانتي طيبة وبعافية وصحة ..


كل عام وانتي الحب والريدة والبساطة والنقاء..

كل عام وانتي امي وانا في حضنك..

يارب ما تحرمني من حنانك ولا تفرقنا من بعض..

صلاح سالم الغياظ الاكبر..

كل سنة وانت طيب والقابلة شديد ولضيض ..

ربي يخلي ليك لولا وجوجو وسوسو وميمي ودوبي(مجلة ميكي ما شا الله)

ويخلي ليك الدكتورة امهم وست الناس كلهم ..

وستك انت ذاتك(وش بيكاوي فيك يا اله المكاواة)

كـل سـنة وانتي دايما حـلوة..متفتحة في فرح..
التهاني لجميع عبر هـذا البوست الطـيب..
ولوالدتك أسعـدك الله بحضنها..

مني

مني خوجلي كل سنة وانتي طيبة ..

تبريكات العيد وصلت للجميع منك وبيردوا ليك باكتر منها..

وبيقولوا ليك :كل عام وانتي الحب..

الأخت الكريمة تقبل الله منا ومنك
وكل عام وأنتم بخير
-------------------------
مهم وعاجل جدا قبل العيد

الاخ الكريم Mohamed E. Seliaman

مبروك عليك العيد ومشكور علي اللينك الجميل..

احنا غايتو ماشين بصحة نقل زكاة الفطر وبنرسلها السودان..

كل سنة وانت طيب..

الاخت الكريمة رشا

كل عام وانتم بالف خير ونسال الله ان يعيده علينا وكلنا بخير ..

وعبركم اهنىء كافة اعضاء وزوار سودانيزاونلاين الكرام .

والتهاني موصولة لكافة الاهل في الخرطوم والباوقة وبربر ...

وكل عام وانتم و الأمة الاسلامية بخير وعافية ...



ود الباوقة

كل عام وانت بخير يا فيصل..الورد عنك لكن!

تبريكاتك موصولة لكل الناس..

مبروك عليك العيد يا ود الباوقة..

ولكل الناس العيدت عليهم..

الله يعيده بالخير يا رب..

جمال سالم ..اخوي الرايق الما متضايق..

كل سنة وانت طيب جدا..

كل سنة وندو احلي الناس..

كل سنة ولينا الرتينة بخير..

كل سنة ودكتوراتك رشا ورشا في قلبك وفي عيونك..

ربنا يخليك لينا يارب..

رشاالعزيزة

كل سنة وانتي طيبة

وربنا يحقق ليك كل امانيك

الأخت / رشا ... كل سنة وانت بخير..
نتمنى لك ولاسرتك دوام الصحة والعافية

ونعوك ان توثقي معنا هذه المناسبة العظيمة على هذا الرابط :

سيد الخير الله يزيده ... وسيد الشر الله يمحا

الاخ عبده عبدا لحميد جاد الله..

كل سنة وانت طيب وما قصرت..

البوست بتاعك شفت وقريته..

لكن اكبر من امكانياتي المتواضعة..

غايتو لو دايرين توثيق لنضافة البيت والسعيف انا قاااااعدة

ربنا يحقق امنيات الجميع..

انعام عبد الحفيظ..

بتخيلك ماشه في شوارع الخرطوم وفوق راسك في هالة كده من

الضياء وعندك اجنحة شفافة مايلة للون الفضي البراق..

كل سنة وانتي ملاك..

وما باركتي لباقي اصحابك ليه؟

شفيع سالم..اب ضراع..

الله يخدر ضراعك ومبروك عليك العيد وانت في احضان السودان بعد غيبة عمر..

ربي يخلي ليك ندورة العسل ..

ويخلي لينا سالم الشايل اسم جدو..

وضحي ..والليل اذا سجي..

طول بالك تاكل ملبن..

كل سنة وانتي أجمل مماتتمنين....جمال الروح والصحة والعافية فهم اغلي مافي الحياة...

كل سنة وكل من زار البوست يرفل في امن وطمأنينة

كل سنة وانتم بألف خير

تحياتي

كل سنة وماما في اجمل صحة وعافية

ياسر الهلالابي..

كل سنة وانت طيب..

القابلة علي امانيك..كلها المعقولة والمستحيلة..

الدكتورة رشا
كل عام وأنتي بألف خير والتهنئة لكافة أفراد الأسرة
سعدت أيما سعادة بأتصالك الهاتفي اليوم للمتابعة معنا
بخصوص تكريم الرائع عثمان حسين والمخضرم ذو النون بشرى
العيد سعيد على كل البورداب
فقط لي شجون قصوى وغصة محبوسة
لا يخفف عنها سوى وجود والدتي الحنونة معي بالرياض
فالعيد دون أحبابي أمنية وآلاء ومحمد وهبة وهيفاء
صغاري الأعزاء وبجانبهم زوجتي الحبيبة الوفية حنان
لا أحس له طعما ولا لون ولا رائحة
وأكتب هذه الكلمات والألم يعتصرني حقيقة
وربما وجدت في هذا البوست متنفسا لأعبر فيه عن
دواخل مشحونة بالحب لعائلتي الصغيرة
وربما هو متنفس لكل من إقتضته الظروف أن يكون
بعيدا عن أهله وأحبائه
حقا إنه إحساس دفين وعميق
وكل عام والجميع بخير

الاخ المحترم عادل جبارة..

انا برضه سعيدة بسماع التفاصيل الجميلة لزيارة العملاق

عثمان حسين(فنان امي المفضل ولما يجيبوهو في التلفزيون

بتتطاقش التلفونات من اخواني عشان افتح ليها التلفزيون وتسمعه)

وربنا يخلي ليك الوالدة ويبارك في ايامهاوكل سنة وهي طيبة..

Quote: فقط لي شجون قصوى وغصة محبوسة لا يخفف عنها سوى وجود والدتي الحنونة معي بالرياض فالعيد دون أحبابي أمنية وآلاء ومحمد وهبة وهيفاء صغاري الأعزاء وبجانبهم زوجتي الحبيبة الوفية حنان لا أحس له طعما ولا لون ولا رائحة وأكتب هذه الكلمات والألم يعتصرني حقيقة وربما وجدت في هذا البوست متنفسا لأعبر فيه عن دواخل مشحونة بالحب لعائلتي الصغيرة وربما هو متنفس لكل من إقتضته الظروف أن يكون بعيدا عن أهله وأحبائه حقا إنه إحساس دفين وعميق وكل عام والجميع بخير

يارب العالمين يجمع شملكم في اسعد اللحظات..

يارشا

معقوله انتي صديقة هبه مصطفى

على كده ساره مساوي بتعرفيها

وانا اقول انا حاسة بأني بعرفك

العزيزة انعام..

هبه مصطفي صاحبتي الروح بالروح..

بس ساره مساوي دي ما عرفتها..!

هبه صاحبتي دي بيتهم فاتح في شارع العرضة جمب الاحفاد..

وريني كان طلعت ياها..

ذكرتيني اعيد علي مي اختها وولدها حمودي الصغير..

وعلي منال اختها الكبيرة وزوجها الرهيب جدا مختار

الملقب بمخو..واولادهم الحلوين..

وربنا يجعل ايامهم كلها اعياد ويمسح الحزن من درب

عايلة مصطفي عبدالرحمن..آميين

رشا

عارفه انا اسرة مصطفى عبد الرحمن

دي عندي بيها علاقة قديمة

ممتده من بداية التسعينات بواسطة والدتهم

استاذه سيده ابو القاسم رحمها الله

فقد كانت لي نعم الاستاذة والمربية والام

والاخت والصديقة ياربي ترحمها

حزني على رحليها وعلى فراقها لن ينتهي

وامتدت العلاقة لبناتها منال وكانت موظفه بالجامعة الاهلية

ومي الاستاذه المحامية ود. هبه خريجة جامعة الجزيرة

وهبه على آخر اخبار عندي موجوده في السعودية يا ريت تسلمي لي عليها

وخالتهم الاستاذه فاطمه ابو القاسم بالموردة

والحاجة والدتهم ربنا يديها العافية

عارفه يا رشا استاذه سيده رحمها الله ربت بناتها

احسن تربية وهن ثلاثة بنات وانشاء الله ستدخل الجنة ببناتها

لأنهااحسنت تربيتهن وهي استاذه فاضله جدا

وكنت ولا زلت احبها كثيرا

وحقيقي فقدها وغيابها مؤلم لي جدا ياربي ترحمها



يا رشا انا كان عندي احساس كبير اني بعرفك




آسفه لأني طلعت من موضوع البوست

وكل سنة وانتي طيبة تاني يا رشا

كل سنة وان بخير وكل البتحبيهم بالف خير
ودا تواصل جميل والله يديك العافية
وطولة العمر

محمد المختار الزيادى

اشرف ابراهيم ونجوي سالم...

كل سنة وانتوا طيبين وحلوين..

سالم ولدي ربنا يخليهوا لينا ..

روني بتي العجوة المعطونة بعسل الله يحفظك من عين خلقه..

رغودة السكر..الله يعلمك المشي وتجنني امك ذيادة..

رشا

كل سنة وانت طيبة وكل اسرتك كمان


والعيد مبارك لكل الحبان بره وجوه السودان

الاخ سيف مساعد..

كل سنة وانت طيب..ونبارك العيد معاك للحبان جوه وبره السودان..

Quote: والمستحيلة..

اني ابقي مريخابي

اخوي محمد المختار الزيادي..

كل سنة وانت واهلك تامين ولامين..

مشكور علي التبريكات الحلوة..

العـــــــــــــيد امبارك عليكم
وربنا يحقق الاماني
ست البيت رشا
وحبانها وزوارها الجوا والجايين .
اعفوا مننا يا حبان

والعيد مبارك عليك كمان يا doma..

ربنا يحقق اماني الجميع وعافين منك لله والرسول..

راشد سالم..تومي..مع فرق السنين..

ااااااااااخ يا راشد ..

العيد من غيرك ما عنده طعم..

يا حليل لمة الشاي في المطبخ وفي النص صحن البسكويت الما خمج..

وزعل امي : ما تكتروا في الخبيز بيحميكم الفطور..

عيونك وحنيتها براها عيد..

السنة دي شايل مؤمن وقاشر بيهو وسط اصحابك..

عليك الله ما تحلق ليهو كتير خلي شعره الحلو ده يطول..

نفسي افتح واغمض القي روحي وسطكم..

بارك العيد لرنوية وقول ليها انشالله يبقوك لواء بعد اجازة العيد..

اصلوا ناس الشرطة ديل قروشهم محرقه روحهم وكل اجازة بترقية

رشا سالم
العيد مبروك لك ولكل آل سالم واحبائهم
وكل شعبنا الطيب وقراء موقعنا الاكيد ظراف.
والعفو والعافيه يا رشا.
وحقيقي انت من الناس الرحبته بيهم وما ندمت
والآن عرفنا ليه كان في أكثر من بوست ترحيب بك
فانت فعلا حبوبه.
ربنا يزيدك من خفة الدم وقبول الناس لك
ويدك ود الحلال اليملاك شفع شواطين ولذاذ ينسوك عمرك...قولي آمين.
ويطرح البركه في يدك ويكتب الشفاء لمرضاك دوما.
ونلتقي في سودان موحد معافى بديمقراطيته ورخائه بأذن الله.
وتحيات خاصه لوالدتك العظيمه التي نشأت كل هؤلاء الحلوين
ربنا يقويها ويمتعها بالصحه ويفرحها فيكم كمان وكمان.
تراجي.

العزيزة تراجي..

مبروك عليك العيد..وربنا يخلي ليك حازم وسند..

العفو والعافية وشكرا ليك علي كلماتك الجميلة..

وقلبك المليان حنان وريدة للجميع ( بما فيهم تمبس ونازر الشرانيين)

الله يديك العافية والقوة..

الأخت رشا سالم

من العمق العاشر لقريتنا الإسفيرية اصافح العيد ,

وأمد يدي وأهدل مشاعري لكل الناس ... متمنيا أن

يكون عيدا طيبا مباركا ... وأن يكون القادم من

الأيام والأعياد أكثرهن خيرا وشفاءا وبركة ...


تسلمي الأخت رشا ... ربنا يحفظ ليك كل أهلك وعشيرتك ,

إديك الفى المرادك ... وأن يحقق لأهلى فى السودان توقهم

الشديد للسلم والأمن والحياة الكريمة .


بعض من قوة الجذب التي أوردتني مقامك هذا ... لكونك من

إمتداد الصحافة ... أعز البقاع عندي وأرضي المقدسة إلا قليلا ,

ومن شدة حبنا لها ... نحاول فى غيابنا عنها أن نستحضرها إلكترونيا,

فأقمنا لها فى هذا المنبر بوستا أسميناه ... إمتداد الصحافة ... وكما نحبه ,

وهو مرفأ طيب فيه اناس خلوقون ... يتفيأفؤون القيم الفاضلة ... وينضحون تحنانا ,

فليتك تطلي علينا من هناك ... وليت كل أبناء وبنات الصحافة يتواجدون فى سرادق

الفرح الذي نقيمه هذه الأيام إحتفاءا بعيد الفطر المبارك ... مع الود المشرق .

الاخ حيدر قاسم..

كل سنة وانت طيب واحبابك طيبين..

الصحافة والامتداد في عيوننا..


وجاينكم اكيد..

كل سنة و إنتي طيبة يا رشا..
ربنا يخلي ليكِ الوالدة العزيزة و كل الحِبٌان.
ربنا يحقق الأماني.

ممكونة و كافة عموم الممكوناب.

الممكونة وصابرة..

كل سنة وانتي والممكون متفشين

والله مشتاقة ليك وفاقداك لي كم يوم وفاقدة تقريرك اليومي..

تيريكاتك بتصل لي كل الممكونيين وربنا يحلكم بالسلامة..

كل سنة وانتي طيبة يا سلوي..

ربنا يحقق امانيك ويديك العافية والصحة..

Dear Rasha
Eid Mubark. Wish you have a new year of peace and love . I hope also we will be back next year from our Sudanese Diaspora to our beloved country
Peace and love to you

التحية لكل الملائكة في صورة امهاتنا.

كل الامنيات بقضاء اجازة سعيدة.
و كل عام وانتم بخير.

اخوي المعز ابو نورا..

كل سنة وانت واسرتك بخير..

ربنا يعيد لينا سودان الحب..

ونتلاقي كلنا في المقرن ونعيد علي بعض..

الاخ الحالم د.شهاب..

كل سنة وانت طيب وحياتي موصولة لوالدتك العزيزة..

الدكتورة رشا سالم:

كل سنة و أنت طيبة و كل عام و أنت و الأسرة الكريمة بخير

و السنة الجاية علي أمانيك بإذن الله ......(أخصائية كبيرة في المستشفي التخصصي )

أنا من أبرز قراء مقالاتك و أسلوبك جميل و بسيط و يناقش قضايا حيوية هامة و الوعي و النضج الفكري واضح من بوستاتك وأعتقد أنك إضافة كبيرة و حمامة سلام في هذا البورد

أنا طبعا قادم جديد لنج لمدينتكم العامرة الرياض من بلاد الغرب و أود الإلتقاء ببورداب الرياض و المشاركة معكم في برامجكم الثقافية و الإجتماعية و الرحلات الترفيهية ولكن لا أرغب في المشاركة في أي شئ سياسي أو ندوات سياسيةأو جدال و نقاشات كثيرة و عشان كدا أنا متردد في الإتصال برقم بورداب الرياض العام منذ فترة طويلة و ما عارف إذا كان عندكم رحلة في العيد لكي أتخذ قرار المشاركةبناء علي المعطيات و نوعية البرنامج و الناس المشاركة و طبعآ أهل مكة أدري بشعابها و أنت ضيف ساي زائر للسعودية في النهاية

ولك التحية

الأخ Kamel mohamad

كل سنة وانت طيب..

مشكور علي انطباعاتك عن مداخلاتي..

Quote: أنا طبعا قادم جديد لنج لمدينتكم العامرة الرياض من بلاد الغرب و أود الإلتقاء ببورداب الرياض و المشاركة معكم في برامجكم الثقافية و الإجتماعية و الرحلات الترفيهية ولكن لا أرغب في المشاركة في أي شئ سياسي أو ندوات سياسيةأو جدال و نقاشات كثيرة و عشان كدا أنا متردد في الإتصال برقم بورداب الرياض العام منذ فترة طويلة و ما عارف إذا كان عندكم رحلة في العيد لكي أتخذ قرار المشاركةبناء علي المعطيات و نوعية البرنامج و الناس المشاركة و طبعآ أهل مكة أدري بشعابها و أنت ضيف ساي زائر للسعودية في النهاية ولك التحية

انا زاتي جديدة لنج..ولغاية هسه ما لاقيت غير تمبس ومعتصم وصلاح شتات..

ومحمد الشيخ وابو التومات( اتحدي فيكم زول يعرفه )

بس قصة برامج ثقافية واجتماعية بحتة دي الا تلقاها في العالم الآخر..

لانه لوكان في رحلة والناس اتكلمت عن وردي اكييييييييييييييد حتجي سيرة اكتوبر!

ولو جابوا سيرة المريخ تمبس حيتذكر لينا الكيزان..

ولو اشتقنا لود الطالب ..سيرة البحر بتجي

يعني مافي شي بيحلك من السياسة دي..

ابقي مارق وادفع المية ريال حقت استراحة البورداب وليك علي اخلي دكين

يقعد جمبك ويونسك وما يجيب ليك غير سيرة احوال البهاء واشياء اخري..

الغاليه رشا
كل عام وانت والاهل بخير ويحقق كل الاماني

الجميل جدا ايمن..

كل سنة وانت طيب..

كل سنة وكل اهلك واحبابك طيبين ومبسوطين..

الأخت الكريمة د. رشا

كل عام وأنت كما تودين
العيد هو التصافي ، تصافي نفوس أرهقتها الخصومات في غير ما خصومة
العيد هو التسامح ، تسامح قلوب غطاها رين ما نكسب
العيد هو التسامي ، تسامي فوق كل الإحن والدموع
العيد هو المحبة ، محبة نجددها في داخل أنفسنا، نزرعها في من حولنا
عبرك التهاني موصولة لكل صاحب فضل علينا
أم وأب
أخ وأخت
زوجة وأنجال
أستاذ وأستاذة
صديق وصديقة
جار وجارة
زميل في مسارات الحياة وزميلة

وفي الختام

السلام ( والتهنئة ) أمانة لست الحبابيب الوالدة صاحبة الذوق الرفيع . فمن كان/ت فنانه الأستاذ عثمان حسين لن ينسى أبداً ( عشرة الأيام ) ولن يسائله أحد ( حارم وصلي مالك ؟ ) ولها نرجو دوام المسير في ذلك ( الدرب الأخضر ) .

الاخ عاطف عمر..

كلامك سمح شديد..

ربنا يوصل تهانيك لاحبابك ويديهم السعادة..

وسلامك وصل لأمي.. وبتقول ليك شكرا علي التهنئة بالعيد..

دايرة ابارك العيد لخالاتي زينب وعلوية وفاطمة ..

ولعمتي السمحة الظريفة صفية واقول ليهم كل سنة

وانتوا طيبين وربنا يلمنا في ساعة خير..ويخلي ليكم وليداتكم يارب..

برضه خالي العزيز وعمي ..

مبروك العيد يا خالو محمد الحسن وربنايقومك بالسلامة..

وكل اهلي بالخرطوم ومدني وكوستي..وكورتي..

اصحابي في جامعة الجزيرة:

هبة مصطفي ومحمد التجاني وبتهم العسل امنية

مجدي مصطفي وعبير عوض وامورتهم حنين

عبدو شبو في مسقط

حافظ نجم الدين في مسقط

الهام(بلبل)في مسقط

سلوي ورسمة في السودان

الهام عثمان..ومحمد الامين وولدهم المجعفص في لندن

ماضي امام وخطيبته القيافة (ربنا يتمم بخير)

اوليفيا امين وامتحان الدكتوراة الله ينجحك يارب

تيسير هلالي الغالية المجافياني..

وائل نوري الولد ده..ياخ وجوده ضروري الولد ده

محمد نصر الدين السابح في بحور الدم والجراحة

ياسر يحيي النسخة الجديدة اللندنية وندي طولاني خطيبته..

وناس كتار تاني بجيهم..


مشتاقة ليكم لدرجة لا توصف وبتمني عيدكم يكون جميل زيكم..

ساندرا
إن شاء الله الناس الإخترتي تعيدي معاهم يحتفوا بيك كما يجب
أكتر زول متضرر من مشيك ، ماهيتاب ، نفضت البيت نفض
وأمك أسلمت قدميها للحنانة
والتومات يلاحقن المسلسلات ويبكن للمواقف ولسع ما عارفين ده تمثيل ساكت

حايفوتك العيد تاني يوم في نادي الغزال
وحاتفوتك الرحلة

بوسي لي أمي

الاخت الحبيبة
دكتورة رشا

كل عام و انت
و جميع اسرتك بالف خير



كل الود
غادة

اختي الحبيبة الجميلة غادة..

كل سنة وانتي بخير وصحة..وربنا يخلي ليك اولادك..

لؤي شمت...

كل سنة وانت طيب والقابلة امانيك حقيقة..

القابلة معانا..

القابلة ...خلاص..

مشتاقين ليك شديد وفاقدينك كلنا..

دكتورة رشا
سلام

كُلّ سنة وإنتي طيبة وربّنا يحقّق أمنياتك ويجعلها سنة محبّة ونجاح وتوفيق واستقرار وأمان وراحة بال ..
أعذريني لردّي المتأخر ، ومعايدتك لي قبل ترحيبي بكِ ..
عموماً أهلاً بكِ إضافة حقيقيّة لهذا المنبر الوطن ، ونصيحتي ليك تبعدي عن الشّمارات عشان شايف خطّك



محبّتي وإحترامي

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

عصام العضام ..

كل سنة وانت طيب وربنا ينجحك وترجع لاهلك بالشهادة الكبيرة..

وخلي الحرومية الفراشة والقلوب ديل حقات ممكونة!

كون نفسك ياخي..

ببارك العيد من خلالك لكل السودانيين في السويد وخاصة ..

الاخت سارة ..

ابو الحلوات ..

كل سنة وانت طيب يا طيب..

كل سنة ورشيدة وبناتها بخير..

كل سنة وماما اسماء بصحة وعافية..

العزيزة رشا
كل سنة وانتي طيبة وربنا يحقق كل الاماني ويديك الفي مرادك ويخلي ليك والديك.،،،

Dr.Ahmed Boasch

اخي الكريم كل سنة وانت طيب..

وربنا يتقبل دعواتك ويخلي ليك حبايبك وكل الناس البيهموك..

الأخوة والأخوات السلام عليكم. عيدكم سعيد و ربنا يحقق كل الأماني ... جبت معاي عيدتي , فضوا لينا الديوان , عشان شايف لي شلة بغادي بتفتش لاغنيات وردي , و يا كافي البلاء عزابة كلهم , حتي الشفع شتتوهم بالمراسيل , و ملاياتهم مكرفسة , و مسجلهم مع كل رنة بيز جيتار يكتحك بكـُمشة غبار , لا صينية خبيز ولا علبة حلاوة , ولا ريحة بـُن تصـبّر .. اها يا ناس العفو والعافية ... لا جبت سيرة تمبس ولا معتصم ولا أي زول مش ؟؟

فلان العسل..انت منو؟

ياخ عيديتك دي احلي عيدية..

واحنا بيتنا مرتب وملاياتنا مغسلة ومكوية ..

وستايرنا دهبية مشغولة بالترتر

اقعد معانا وخليك من العذاب والعزابة ناس تمبس ومن لف لفهم..

خلينا مع عصافير الخريف ..

كل سنة وانت طيب..

yasiko


كل عام وانت بخير وسلام وامان..

الله يخلي ليكم ممكونة ..

كل عام وانت بخير .. يارشا سالم وتتحقق كل امنياتك يارب .. بعد الدكتوراة طبعا

الاخ تولوس..


كل سنة وانت طيب..

دعوتك جبانة جدا..

منو القال ليك انا دايره لي دكتوراة تاني؟

داير تعطل لي مشاريعي كلها بدعوتك المشروطة دي؟

يارب العالمين امسح الدعوة الفاتت دي

ربنا يخلي ليك العيال وامهم..

ولايهمك يا رشا سلة الدعوات والامنيات الحلوة ممتلئة للاخر اختاري ما يسرك ويسرنا ... وليك علي عداد عاصم البنا مدفوع من هسة

تولوس العزيز..

كده كويس

Quote: وليك علي عداد عاصم البنا مدفوع من هسة

والله كلامك ده الجعليين ما بيقولوهو

ما قصرت يا ود الشرق وانا كده عافية منك وراضية عليك..

ما تسمعنا تراجي يا رشا
.. انا والظلاميين عبدالله عقيد وهجو وناذر وابوجودة وقيسان والكثير هنا من منطقة واحدة ...
وكل عام وتحيةلجميع السودانيين و خاصة لكل اهلي الجعليين في المحمية وشندي وكل مكان في وطننا الحبيب

Quote: الله يخلي ليكم ممكونة ..

يقطع دراعي ما فهمت حاجة
لكن برضو نقول الله يخليها
كل عام بخير وربنا يحقق كل امانيك

yasiko

تبرا يابا من قطع الضراع..

Quote: Quote: الله يخلي ليكم ممكونة .. يقطع دراعي ما فهمت حاجة لكن برضو نقول الله يخليها كل عام بخير وربنا يحقق كل امانيك

اقرا مداخلة ممكونة فوق وانت تفهم..

وكويس انك جيت تاني عشان نعيد عليك تاني..

كل سنة وانت طيب..

دكتورة رشا،
كل سنة وأنتِ وأهلك وأسرة الشهيد منور والشعب السوداني بألف خير
وعشان إنتِ ظريفة ونبيلة ونجمة برالمة 2006 مشيت مكتبة عمنا قوقول وإشتريت لك الهدية اللطيفة دي

اخي المحترم النزير حجازي..

والله مشكور شديد وما بتقصر..

السنة الجاية اسرة الشهيد صديق تكون بخير يا رب..

كل سنة وانت طيب..وكل اسرتك واصحابك بصحة وعافية..

ووردتك رهيبة..الا كان جبت لينا معاها شوكولاتة كان

وزعنا لناس البوست الداخلين يعيدوا..

ربي يديك السعادة..وتعيش وتقوقل..

الأخت رشا سالم وجميع الأخوان والأخوات المتداخلين....كل سنة وأنتم بخير...وتقبل الله الصيام والقيام والركوع والسجود والصدقات وسائر صالح الأعمال...آمين

الاخ راشد الحاج..

كل سنة وانت طيب..

وربنا يتقبل دعاك يارب..

ربنا يخلي ليك احبابك ويلمك بيهم..

الأستاذه الرائعــه / رشا سالم

كل عام ونحن ننسج فى شعاع الشمس وطن للنقاء
كل عام والأرض تزيح أوزارها ليحل فى أركانها بعض الضياء ...

كل عام وأنتم بخير



تحياتى
أيمن

الاخ ايمن عادل امين..

كل سنة وانت طيب ..

ولا اتمني شيء بقدر ما اتمني ان يكون الغد افضل..!

دكتورة رشا

عــــــــــيد




ســـــــــــعيد

الفنان عصام عبدالحفيظ..


نيابة عن كل زوار البوست بعيد عليك وكل سنة وانت طيب..


ربنا يديك الصحة والعافية وتنثر الفرح الابيض جوانا دايما..

الاخ فيصل نوبي..

كل سنة وانت طيب..

تبريكاتك وصلت كل سكان الربع الخالي والمليان..

ربنا يسعدك ويخلي ليك ام وليداتك..

دكتورتنا الجميلة

كل سنة وانت والماما وكل احبابك بألف خير

أنا عيدي مسيخ جدا لانه حبيبي غائب

أصدق الأمنيات ،،،

ودي ،،،،

الغالية خالدة..

كل سنة وانتي طيبة وربنا يقرب البعيد يارب..

كده ما بينفع ..تجيبي العيال وتجي تتكاملي علينا..

انا وامي حنكون سعيدين جدا بيكم ويا دوب حيكون في عيد..

رشا

كل سنة وانتي طيبة

وربنا يحقق ليك كل امانيك

الاخت سرورة العسل..

كل سنة وانتي بخير..

ربنا يديك الفي مرادك والبتتمنيهو كله يتحقق..

قولي آميييييييييين!

كل سنة وانتي طيبة يارشا! الأماني المناسية لسنك ! و للجميع !
عادل

الاخ عادل سمير..كل سنة وانت طيب..

Quote: الأماني المناسية لسنك ! و للجميع !

عليك الله ما تجيب سيرة السن دي ..انا بتعقد..

اول امبارح كان عيدميلادي ومن الصباح عملت حمد لبد!

ما دايره زول يجيب سيرة البحر..

دايره اعيد علي اصحابي في مستشفي الخرطوم..

اول شيء مصطفي داوود وولده ايمن الصلعة.. وصاحبه ايمن عبقرينو..

عادل حسن الضحاك وشذوية الجميلة..

سارة نوري ..مشتاقة لونستك والله يا سارة ودجلك الكتير

محمد بسكانوف القلبه طيب..منتظرينك في الرياض..استعجل..

عادل مصطفي..والله مشتاقين..

جميل والفلهمة..كل سنة وانت طيب..

اساتذتي الاجلاء:علي سلامة وكمال مبشر وقريبي عبدالكريم علي الحاج

وعايدة خضر وهند العجباني وفي مقولة العاجبانيوهداب ونعمات العوض..

كل سنة وانتوا طيبين..

مشتاقة ليكم ولمستشفي الخرطوم وسوبا..

مشتاقة للكتاس وللنبطشيات البتهد الحيل..

مشتاقة للجهاز العجيب داك البينادونا بيهو:

نائب التخدير نائب التخدير حول..

كانت ايام جميلة رغم التعب والمشقة..

ليكم كلكم ابعث تحياتي وحبي بمناسبة العيد..

عيدية خاصة..

لصديقي العزيز..

معتز توفيق..

اميركا شالتك مننا يا تز..

ربنا يرد غربتك ويوفقك في الsteps ..

كل سنة وانت طيب..

عيدية ممزوجة بالشوق والحنين لهبة عثمان (سمرية)

وعيدية تاني لصديقة عمرها وصديقتنا اخلاص موسي..

ربنا يشفيك يا اخلاص ويمتعك بشبابك يا رب..

رشا سالم

كل سـنة وإنت طيبة

رأفت ميلاد

العزيز اخي رأفت ميلاد..

كل عام وانت رمز للأخوة السودانية الصادقة..

كل عام وكل السودان بخير..

سلامي وتبريكاتي من خلالك للصديقة العزيزة مها غالي..

وصديقتي ايرين صبحي اسكندر استاذتي وجمال الروح الذي

يمشي علي ساقين..

ولزميلي نشأت عبدالكريم..ولكل الاقباط في السودان..

Quote: اول امبارح كان عيدميلادي ومن الصباح عملت حمد لبد!

ربنا يجعل أيامك كلها أعياد !

عادل

عادل عثمان كل سنة وانت طيب..

ما عافية منك كان ما وريتني الحركات دي بيعملوها كيف!

ربنا يخلي ليك كل افراد اسرتك ويحفظهم من كل شر..

كل سنه وإنتى طيبه رشا
وكل الحواليك بخير

وانتي طيبة يا تماضر وربنا يجعل العيد دايما فرحة..

ويحقق ليك كل الاماني..

رشوية يا عسل
قبيل شوفت البوست
قلت اعيد عليك و علي ناس البيت
ونقول ليك تامين لامين
و العفو لله و الرسول
قاموا ناس البيت رسلوني السوق
وهسي جيت قلت قبال ما انوم
اقول العيد مبروك
و السنة الجاية تكوني
رقصت الاسلو
و ربنا يسعد ايامك و لياليك
سعيدة بيك

و لكل الحضور



عاد يا بتي ما بسالك
فلان يعيد عليك تقولي ليهو انت منو
دا
فلان زاتوو
فلان عيدك مبارك
و سلامات

سلامات د. رشا...جيت اعقب علي مداخلة معينة وبرضو اقول ليك ربنا يزيد في احبابك السنة الجاية لقيت ماشاء الله احبابك ما محتاجين لي زيادة.....

الاخت سودانية...كل سنة وانتي بألف عافية...وربنايحقق امانيك كلها بس عندي سؤال

Quote: رقصت الاسلو

الاسلو دا بيرقصوهو كيف..

والمابيعرف يرقص الاسلو ممكن يرقص اي حاجة تانية....راب مثلا

ياسر عبدالقادر...

يازول انت لما تسأل ما لقيت غير سودانية؟

لو وجهت لي السؤال كان افدتك لكن انت سألت سودانية..

اها عاد اقعد احرسها تجيك وتوريك الslow والراب بتاعك ده!

انا غايتو حاتفرج واضحك

شوف ليك ساتر يا دكتور..

sudania2000

كل عام وانتي واخوانك طيبين..

وعيدية ناس بيتكم وصلت..

اها ما وريتينا جبتي شنو من سوق مدني اللذيذ؟

اوعي تكوني مشيتي الملجة؟

انا عارفاك كيشة وناس بيتكم ديل بيستغلوا طيبتك وعربيتك

اهاااا فيما يختص بفلان ..فدي اول مرة الاسم ده يطقش عيني..

لكن اي حاجة فيها اول مرة..

واتشرفت جدا بمعرفتك يا فلان مع انك لسه ما وريتني انت منو؟

ما دايره انسي اصحابي وجيراني من السودان لغاية ما اتلمينا تاني في الرياض..

سامي وايمان اجمل الناس..

يارب القابلة شايلين ولدكم وفرحانيين بيهو..

يارب السنة الجاية خالتو فاطمة تكون استردت كل الصحة والعافية..

ياسر الدغيل وخالتو سلوي العسل..كل سنة وانتوا طيبين..

وليد وراينة واولادهم الحلوين..ربنا يحفظكم..

العرسان احمد وسهير..كل عام وانتوا الحب..

صفوية وصديق ورهف..ربنا يخليكم لبعض..

كل سنة وانتوا اطيب الناس..

Quote: لو وجهت لي السؤال كان افدتك لكن انت سألت سودانية..

للاسف انا الطلعت كيشة...ويوم العيد كمان...انا الدخلني هنا شنو ذاتو الليلة....

وردة لسودانية واثنتين لرشا....ولكما العتبي ....

عزرا...حذف !

كل عام و انتم/ ن بالف خير
و القابلة على الاماني يا رشا

الاخ سعد الدين عبدالرحمن..

مشكور علي مباركة العيد..

وربنا يحقق اماني الجميع..

سلامي وتبريكاتي وكامل تقديري لبواب عمارتنا السيد

خان ..وهو اطيب باكستاني علي وجه البسيطة ..بس لو يبطل

لخبطة في الطبق بتاعي!

كل سنة وانت طيب يا خان ولاخوك شرزمان كامل التحايا..

كل سنة وانتى طيبة ،،،

وربنا يحقق الامانى ،،

ود العباسية..

كل سنة وانت عافية..

التحايا موصولة عبرك لكل ناس امدرمان الطيبين الحنينيين..

دكتورة رشا كتبت:

Quote: عيدية خاصة.. لصديقي العزيز.. معتز توفيق.. اميركا شالتك مننا يا تز.. ربنا يرد غربتك ويوفقك في الsteps .. كل سنة وانت طيب..

لا حول ولا قوة إلا بالله العلي العظيم، والله الدنيا دي ضيقة خلاص، الراجل دا أنا زاتي بفتش فيهو وعايز أعيد عليهو، دا فردتي من أيام الثانوي، وتاني جمعتنا الظروف بعد دخوله أمريكا، وقبل شهور كنتا معاهو فى فلادلفيا، وفجأة أخبارو إنقطعت مني من حوالي شهرين وماقادر ألم فيهو، وكنتا ناوي أفتح بوست للبحث عنه، وأخشى أن يكون قد ألم به مكروه، فقد ذكر لي بأن صحة والدة كانت متوعكة شوية، أتمنى منك ومن جميع معارفة مساعدتي فى البحث عنه. ولك وله أطيب المنى

النزير حجازي..

قلقتني جدا علي الراجل ده..

بتصل الصباح السودان واشوف الحاصل..

ربنا يجيب العواقب سليمة..

يارب سترك وعفوك ورضاك..

يارب تطمنا علي العزيز معتز..

يارب تكون والدته بخير ..


يارب..

عيد مبارك دكتورة رشا وربنا يحقق الأماتى
والمعايدة وأجمل الأمانى موصولة لأسرتك ولوالدتك صاحبة الذوق الرفيع مستمعة أغانى الفنان المبدع عثمان حسين.

وعيد سعيد وأطيب الأمانى لكل أهل السودان بالداخل والخارج
وأكيد مافى زى فرحة العيد وطعم العيد مع الأهل فى السودان

أما هنا فى أوهايو فيكفى أن الآن الجو بارد جداً ومطر شديد وهواء شديد!

الاخت رشا سالم
كل سنة وانتى طيبة
وعيد مبارك عليك
والسنة الجاية ذى ماعاوزة

الاخ بكري ابوبكر..

كل سنة وانت طيب..وكل احبابك بخير وعافية..

القابلة علي امانيك يارب..

الاخ محمد عادل..

كل سنة وانت طيب..

وربنا يحقق كل امانيك..

عايزة اعيد معاك علي الراجل المختفي عمك هشام يازول ..

كل سنة وانت طيب يا هشام وان شالله المانع خير..

الاخ نادر الفضلي..

كل سنة وانت طيب..

يارب شمل السودانيين في الغربة يتلم ..

ويعيدوا مع اهلهم الغبش في السخانة المليانة ريدة..

كان الله في عونك من البرد..وربنا يسعد ايامك يارب..

وكل سنه وانت بالف خير
كل الاماني

الاخ ايهاب..


كل عام وانت بخير وربنا يحقق كل الاماني..

عاجلا غير اجل..(طمع شديد صاح؟ )

الاخ ابي عزالدين البشري..

كل عام وانت سعيد واسرتك بخير وصحة..

تبريكات العيد لكل ناسك البتعرفهم..

دمت بخير..

عيدية خاصة جدا جدا..لكل بورداب الرياض..

وعلي رأسهم اخوي تمبس ..

والثيردباك معتصم..

والريس ابوجهينة..

والخال صديق الموج..

والخال بالانابة حمزاوي..

وود الباوقة تاني..(عشان نسيب معتصم)

ومحمد الشيخ..

والمرهف شتات..

والذ زول دكين..( والشيماء)

وعادل طه ورغوده وامها..

وخالدة بدوي تاني(عشان صاحبتي)

وعزاز شامي..الذ نوبية..(قلتي لي رقصة الحصاد؟ )

وخالد سعيد امين خزنة امير المؤمنين..

ومحمد عبدالجليل استاذنا الجليل..

واحمد الشايقي..اتمني ليك اجازة جميلة وسط الاهل..

واحمد حنين..

وتاني بجيكم اتم الباقين..

كل سنة وانتوا طيبين..

سجمي ! نسيت غريبة!

كل سنة وانت طيب يا غريبة ..القابلة تكون اول سوداني

دخل بعربيته ميناء قوز كبرو..

السنيورة رشا سالم مبروك العيد عليكم واعاده الله علي الجميع
بالخير بالرغم من اننا لسع صائمين وحنعيد بالثلاثاء بس قلوبنا
مع بلد العجائب والغرائب متين يتوقف دوي المدافع وهزات الرصاص
متي يتوقف هذا الشعب عن اكل بعضه ويتحول الي صندل او جرار
يجلب الخير لمستقبل مشرق

_____________

Dr.Saeed Zakarya Saeed

كل سنة وانت طيب وربنا يعيده عليك بالخير واليمن والبركات..

وربنا يرد غربتكم بعد النجاح والتوفيق..

يا حليلك يا عيد ويا طوطحانية!

كبرنا ليه انحنا؟

ما علينا،

رشوية العسل

كل سنة وانتي طيبة يا يمه اللي افتكرتيني

السنة الجاية أفراحك مسلسل مكسيكي وأمنياتك تتحقق لمن تتحيري تتمني شنو

Quote: وعزاز شامي..الذ نوبية..(قلتي لي رقصة الحصاد؟ )

اختك زولة خلاقه ومتجددة، حسي ممكن انجر ليك رقصة من مافي

Quote: ابو الحلوات .. كل سنة وانت طيب يا طيب.. كل سنة ورشيدة وبناتها بخير.. كل سنة وماما اسماء بصحة وعافية

تعرفي يا أسومة

لمن جاني صوتك المترع حنان عبر الأسلاك
حسيت إني معاك هناك
يا رب يدوم هناك
وتسعد أيامك
ياست الحبايب
ويارب تتحقق دعوتك ,نتلاقى وأحضنك بشوق السنين في العيد الكبير

ربنا يحقق امانيك يا ابو ساندرا ويجمعك بماما اسماء

في ساعة خير يارب..

ياالله تجيب العيد الكبير

Quote: اول امبارح كان عيدميلادي ومن الصباح عملت حمد لبد! ما دايره زول يجيب سيرة البحر..

أثر
الديم عليك ظهر

ابوساندرا وعماد عبدالله..

انتوا مصرين انكم تضموني لمهبط الفول والكوارع..

وانا قلت ليكم الديم ده ما عندي فيهو اي شيء

لكن ما دام مصرين مافي مانع..العضوية بيجيبوها من وين؟

وعليك الله ما تجيب لي سيرة عيد ميلادي دي..موش كفاية

شريتوني انت وماهيتاب وخليتوني اساهر ساي..؟

Quote: عيدية خاصة جدا جدا..لكل بورداب الرياض.. وعلي رأسهم اخوي تمبس .. والثيردباك معتصم.. والريس ابوجهينة.. والخال صديق الموج.. والخال بالانابة حمزاوي.. وود الباوقة تاني..(عشان نسيب معتصم) ومحمد الشيخ.. والمرهف شتات.. والذ زول دكين..( والشيماء) وعادل طه ورغوده وامها.. وخالدة بدوي تاني(عشان صاحبتي) وعزاز شامي..الذ نوبية..(قلتي لي رقصة الحصاد؟ ) وخالد سعيد امين خزنة امير المؤمنين.. ومحمد عبدالجليل استاذنا الجليل.. واحمد الشايقي..اتمني ليك اجازة جميلة وسط الاهل.. واحمد حنين.. وتاني بجيكم اتم الباقين.. كل سنة وانتوا طيبين.. سجمي ! نسيت غريبة! كل سنة وانت طيب يا غريبة ..القابلة تكون اول سوداني دخل بعربيته ميناء قوز كبرو..

غاب أبشنب
ولعبوا أبان ضنبة
أضناب

ياحليلك يا ودقاسم

والله يا ابوساندرا انت داير مشاكل..

كل سنة وانت طيب يا ودقاسم..

ربنا يديك العافية..

والجماعة بوراك مامقصرين( كية في ابوساندرا)..

Quote: عادل عثمان كل سنة وانت طيب.. ما عافية منك كان ما وريتني الحركات دي بيعملوها كيف!

رشا سالم كل السنة وانتى طيبة..
عليك الله اعفى منى لله والرسول.. بوريك بعد العيد.. سمح؟

عادل عثمان ..

عافية منك لله والرسول..

بس انت عارف انا عندي مشكلة مستحكمة مع الكمبيوتر

وكل ما يختص بيهو..ومافي مشكلة نشيل الصبر لغاية

بعد العيد..

Quote: بوريك بعد العيد.. سمح؟

يسمحن ايامك..

لمن يوروك ، وريني { موسفيني }

رشوية السهرة مع محمد الامين و العيد الجاب الناس لينا ما جابك
تسلمي علي الاماني و التبريكات
بس عرفتي الحاصل تماما يا ذكية الذكية

ياسر حول السؤال لرشا دي امنيتها هي !!!

الحضور البهي

سودانية....كل عيد وانت بألف خير

Quote: رشوية السهرة مع محمد الامين و العيد الجاب الناس لينا ما جابك

والله من زمان ماشفت القناة السودانية...لكن امبارح شفت سهرة محمد الامين وساهرت معاها لحدي مانمت للظهر اليوم وفاتتني مواعيد مهمة التزمت بيها...السهرة كانت جميلة جدا...

Quote: ياسر حول السؤال لرشا دي امنيتها هي

ربنا يحقق كل الاماني صغيرها وكبيرها ..ماظهر منها ومابطن...

وردة لك واخري لرشا

كل سنة وانتو طيبين

الاخ MaxaB

كل سنة وانت بخير وصحة وعافية..

واهلك يارب طيبين وتامين ولامين..

وجيرانكم مبسوطين ومعيدين..

واحبابك حولك وفرحانيين..

قول آمييييييين!

....

...مرحب مرحب بالأعياد....

.... الأصدقاء

......امنيات طيبه للجميع بهذه الأيام المفرحه ... وامنيات اخري للقادمات بان تكون مثلها....و اكثر

..... وكل يوم و الجميع بخير... و قدر المتيسر من الفرح...

.... شكرا رشا....

الاخ Hololy

كل سنة وانت بخير ..

ونعيد معاك علي البرنس والهام..

كل عام وانتوا بخير وسعادة..

والقابلة علي اماني الجميع..

يارشا ياكحيل
ياريت لو كان عندي الغنية دي
شان اهديها لك بمناسبة العيد
لكن اسمعيها بالنية
ودي من روائع الجابري الرائع
وكل عام وانت بخير
مع ودي

الاخ معتصم الجبلابي..

كل عام وانت بخير وسعادة..

Quote: يارشا ياكحيل ياريت لو كان عندي الغنية دي شان اهديها لك بمناسبة العيد

والله انا ذاتي لي فترة كايسة للغنية دي وما لاقياها..

لاني بريد الجابري ومعظم اغانيهو..

اعتبرها وصلت وسمعناها..والنية واصلة..

شكرا يازوق..تحياتي للاسرة والجميع..

كل سنة وانت طيب يا حاتم ..

ومشكور علي التهنئة الجميلة..

ربنا يسعد ايامك وتكون كلها اعياد..

وأنت طيبة يا رشا ..
ربنا يحقق ليك كل الأمنيات ..
ونشوفك سعيدة كده ومبسوطة ..

د. رشا .. العيد مبارك عليك .. وربنا يحقق الأماني
حمزاوي ليس الخال بالإنابة .. فهو الخال الذي دحر
الموج في إنتخابات بورداب الرياض .. وهذا أمر
أبرم وجفت صحفه .. وقد كلفني الخال حمزاوي
بمراقبة فلول قوات صديق الموج المندحرة .. ولولا
عطلة قوات حمزاوي في هذا العيد الكريم بعد شهر
حرام لما سكت دكين قائد قوات حمزاوي عن مثل
هذا الكلام .. فأمل إنتهاز فرصة العيد والإعتذر
للخال المنتخب حمزاوي فالعيد يجب ما قبله.. وكان
الخال حمزاوي قد أصدر عفوا شاملا لكل الذين حاولوا
أن يقولوابخؤولة صديق الموج حتى بعد الفوز
الكاسح .. كما تم إبلاغ صديق الموج بأن الخال
حمزة ربما يشمله بعفوه لو التزم الجادة وقدم
فروض الولاء والطاعة لحمزاوي ..

استاذنا محمد عبدالجليل..

كل سنة وانت طيب والقابلة مدرستك تكون واقع وتضم كل احباب الله..

Quote: حمزاوي ليس الخال بالإنابة .. فهو الخال الذي دحر الموج في إنتخابات بورداب الرياض .. وهذا أمر أبرم وجفت صحفه ..

خالو صديق ده قال ليكم هو متنازل من خؤلة البورداب..وداير يكون

خال للبوردابيات فقط..عشان كده انا قلته الكلام ده..

Quote: ولولا عطلة قوات حمزاوي في هذا العيد الكريم بعد شهر حرام لما سكت دكين قائد قوات حمزاوي عن مثل هذا الكلام ..

دكين الايام دي مافاضي لينا..عندو حسابات بيصفي فيها

عشان كده انا ماخده راحتي علي الآخر..

Quote: وكان الخال حمزاوي قد أصدر عفوا شاملا لكل الذين حاولوا أن يقولوابخؤولة صديق الموج حتى بعد الفوز الكاسح .. كما تم إبلاغ صديق الموج بأن الخال حمزة ربما يشمله بعفوه لو التزم الجادة وقدم فروض الولاء والطاعة لحمزاوي ..

والله ياهو الفضل..الجعلي ود الموج يتعزر لحمزاوي آكل التركين..!

ياجماعة هوي اخير ليكم تخلوا النضم ده..ولا انا بتكلم مع خالو

وبخليهو ينصب نفسه تاني خال لعموم البورداب بمختلف الجندر..

وتاني تشربوا ما ترووا...

ممكن يا د/ رشا نهدي و نهنئ ؟
شكراً .

الأخت سودانية , كل عام وانت بالف خير , كل يوم وأمنياتك ملك دعواتك .. و تحياتنا وتهانينا عبرك للســارة وأسرتها .
وددت أن أهديكم " ما ممكن تسافر " لكن حجمها شوية كبير , و بتقـّـل البوسـت , لذلك تقبلوا منا " أربعة سنين " , و بنتعذر لو أثقلنا البوست بملفات الفيديو .

فلان الفلاني..

ياخ البوست حقك..تبارك فيهو لكل اصحابك واحبابك..

وتنزل فيهو اي اغنية تعجبك..

منورنا والله..

مو...

كل سنة وانت طيب تاني..

مالكم مختفين كده؟ لعل المانع خير؟

سلم علي تمبس وقول ليهو سمعته ولا جابو ليك؟

الدكتورة رشا
مسكاقمي
كل سنة وانت طيبة
عيد سعيد

الخال حمزاوي....

كل عام وانت بخير..

وربنا يحقق الاماني ويديك الصحة والعافية..

وكل سنة وانتي طيبة يا دكترة ..
والقابلة تتحقق الامنيات..

Quote: وعادل طه ورغوده وامها..

اسمو وليد طه يارشا
وليد بالواو ...

يعني إلا تحرجينا مع اصحابنا..
شرطي عينا ياخ..








بعدين بتهني وليد ده ..عرفة من بتين؟؟

دكين يا دكين يا حرف الام..

ياخ ليك وحشة..

كل سنة وانت طيب..

والقابلة عريس ورااااااااااااااااااايق..

وربنا يديك بت تلبسها خرز وتمشط ليها شعرها..





بخصوص وليد .. فدي غلطة مطبعية ومامقصودة..

ووليد ده معرفة قديمة يا دكين..

ورغودة دي احلي زول...

كل سنة وهم طيبين تاني..

رشا.. و دكين.. و كل الناس الزينين..

كل يوم في كل سنة و انتو طيبين..

يعود عليكم فرحانين مبسوطين و مبتهجين..

يعود عليك يا رشا عروس,

و يعود عليك يا دكين عريس..

بدون ما تلخبتو الكومين..

و دي لا حسادة .. لا شتّين..

لكن يا دكين..

شن بلمّ السمحين على الشينين..!

الاخت سناء خالد..


طلعتي ست العارفين,,

كل سنة واولادك طيبين..

وفي السعادة سابحين..

وللخير سباقين..

وانتي وابوهم احلي الحلوين..

اقول قولي هذا.. وارجي الجاياك من دكين

Quote: لكن يا دكين.. شن بلمّ السمحين على الشينين..!

قالت رشا

Quote: ارجي الراجياك من دكين

طبعا رشا ولفرط سماحتها والشامة البين عيونها
والنونات الفي خدودها
والشعر الكستنائي المنسدل من محل بروفايلها ولحدي عبارة
اضغط هنا لكي تجعل المنتدى السودانى للحوار صفحتك الرئيسية لمتصفحك
افتكرت انو السمحين القالتم سناء خالد ديل هي المقصودة بيهم ورمت على داء الشينين وانسلت..

غايتو يارشا الله يجازي ظنونك..

هسي انا لو ادوني معاكي مازدا هدية بهوب ناحيتك؟؟

يا دكين..

Quote: طبعا رشا ولفرط سماحتها والشامة البين عيونها والنونات الفي خدودها والشعر الكستنائي المنسدل من محل بروفايلها ولحدي عبارة اضغط هنا لكي تجعل المنتدى السودانى للحوار صفحتك الرئيسية لمتصفحك افتكرت انو السمحين القالتم سناء خالد ديل هي المقصودة بيهم ورمت على داء الشينين وانسلت..

انت ما تبالغ..اي زول يقرا كلام سناء ماحيجيهو اي شك في المقصود بالسماحة

والمقصود بالشناة..دي مسلمات يا دكين..ما تحرجنا ساي..

Quote: هسي انا لو ادوني معاكي مازدا هدية بهوب ناحيتك؟؟

انا غايتو الا يدوني كابريس حتي (افكر ) اهوب ناحيتك..يا مخيف

عيدكم مبارك رشا 00

وكل سنة وانتو طيبين وسالمين00

الاخ ابوعبيدة حسن..

كل سنة وانت واسرتك وجميع من تحب بخير وصحة..

رشا يا كحيل
كل سنة
وأنتي طيبة
وجميلة هكذا

هتون
الأماني
السندسية..

رشا
يا كحيل...

accept this
gift as
a rose inside a pink
... crystal vase


I wish you
all the best
.....



http://www.eidwishes.com/greetings/bw/bw16.jpg
.....

اختي الحبيبة صفاء فقيري..

كل سنة وانتي طيبة ..

وربنا يديم المودة يارب..

ربي يخلي ليك احبابك ..

ومشكورة علي الهدية الجميلة..

مع انه اللنك ابي يفتح معاي..

ربنا يجعل ايامك كلها اعياد وورود..

يا رشا يا كحيل

يا رشا يا كحيل غيثني هواك سباني
يا الأمرضني وما طباني
في خديدك الوح نور رباني
نيران اشواقك لاهباني
وسهام ألحاظك نشباني
من ألحانك تعباني
مهموم تشهق قصرك بان
يتهادى يميل خصرك فريع بان

يا رشا يا كحيل غيثني هواك سباني

هبت لروائح دهشاني
يا نسيم عقد وعود علشاني
قوليه غرامك أغشاني
وأدركني الدمع الراشاني
حسنك شانك والحب شاني
يا نسيم روح بلغ آه وأغشاني
بحق من أنشاك وأنشاني

يا رشا يا كحيل هواك سباني

جمر الأشواق هب قلاني
من إنطفأ بي دمعي البلاني
أنا لا أسلاك لو تسلاني
حبيبي غرامك أبلاني
ملكني هواك وخلاني
فارقت أقاربي وخلاني
حسنك والاك والحب والاني

يا رشا يا كحيل هواك سباني

لهملات حسنوا شجاني
ليك نور ولي نار سارجاني
رقيق اللمحته الجان
في بحور اشواقك زجاني
خاطر بي وما نجاني
أعلم أقبل سعدي وأتاني
لو طيفك في الأحلام ناجاني

يا رشا يا كحيل غيثني

دكتورتنا الغالية تحياتي لك مجدداً

قبضتا ليك د. معتز توفيق (عايني ليهو بتحاوم بي ويين؟! نحنا بنفتش فيهو ) وكمان مبسوط وبشاغل فى الآفريكان أميركان (أنا شكلي ح أقطع علاقتي معاهو ) وعشان ماتقولي علي إني زول بتاع سلبطة جبتو ليك هنا كمان، عشان يكون شاهد

أهنيء أسرة الشهيد محجوب صديق منور، وأخي وصديقي د. معتز توفيق الصادق، وكل ناشط بالأعمال الإنسانية، وكل الوطنيين السودانيين بعيد الفطر المبارك أعاده الله علينا وعليكم بالخير واليُمنِ والبركات

بعض الروابط المفيدة، لمعرفة تسلسل حادثة شهيد الكلمة العم صديق منور (لمن فاته شرف المساهمة أو الإطلاع):
Re: خبر هام و عاجل المناضل : صديق محجوب صديق منور ش...ة الاربعاء 30-8-2006
بلاد النور...واسرة الشهيد محجوب صديق منور

النزير حجازي..

واللة الصورة دي احلي عيدية..

معتز توفيق في اميركا!!!!!

انا غايتو لما كان زميلي وشغال معاي كان مؤدب جدا

ولا بيعرف افرواميريكان ولا غيره..

من المسجد للبيت ومن البيت للشغل..

وانا جاني خبر انه كان معتكف العشرة الاواخر في رمضان..

ربنا يذيدك من نعيمه يا معتز..

ما تنسي تدعي لي في صلواتك..

وانا والله طوالي متذكراك..

سامي محجوب وياسر الزين بيسلموا عليك..

ومحمد بسكانوف ومصعب جايين الرياض قريب يشتغلوا معانا في

نفس المستشفي..

ياخ والله ليك وحشة لكن الله غالب..

الاخ عادل عثمان..

شكرا علي انك لميتني في الاغنية ككلمات ..

لكن لو جبتها لي بصوت الجابري..

بتكون بااااالغت عديل كده..

العيد مبارك اخت رشا

وكل سنة انتي والجميع بخير

صلاح غريبة - الرياض

الاخ صلاح غريبة..

كل سنة وانت واسرتك بخير وعافية..

دكين..

Quote: غايتو يارشا الله يجازي ظنونك.. هسي انا لو ادوني معاكي مازدا هدية بهوب ناحيتك؟؟

انت كمان ما تبالغ