Post: #1
Title: مساعده عاجله خرج ولم يعد
Author: doma
Date: 10-02-2006, 02:46 AM
الرجاء ممن له معرفه بتلفونات قنصل السودان الفخري السيد يحي المكي ببانكوك عاصمه تايلند ان يمدني به او تلفون اي سوداني مقيم ببانكوك لامر هام وعاجل . فقد انقطع الاتصال بيني وبين ابني المقيم هناك بصوره فجائيه الرجاء مساعدتي . ما تركت سبيلا اليه ولكن باءت كل محاولاتي بالفشل . مع خالص الشكر والتقدير
وربنا يجزيكم عني خيري الجزاء
|
Post: #2
Title: Re: مساعده عاجله خرج ولم يعد
Author: nadus2000
Date: 10-02-2006, 02:50 AM
Parent: #1
ربنا يطمنك عليه، أيتها الأم النبيلة.
|
Post: #3
Title: Re: مساعده عاجله خرج ولم يعد
Author: Adil Osman
Date: 10-02-2006, 02:57 AM
Parent: #1
doma
salam
this is the consul's details
Quote: The Consulate of the Republic of Sudan
Room#4/5-6, 4th Fl., TPS Building 1023 Pattanakarn Rd. , Suanluang, Bangkok 10250
Tel: 0-2717-8175 Fax: 0-2717-8173
E-mail: [email protected] |
|
Post: #6
Title: Re: مساعده عاجله خرج ولم يعد
Author: فرح
Date: 10-02-2006, 03:04 AM
Parent: #3
ربنا يطمنك عليه، أيتها الأم النبيلة.
|
Post: #8
Title: Re: مساعده عاجله خرج ولم يعد
Author: doma
Date: 10-02-2006, 03:19 AM
Parent: #3
انا ممتنه ليك كتير يا عادل عثمان يا اخي الف الف شكر والله ما لاقيه الكلام البشكرك بيه واتكلمت مع ود المكي ولقيتو راجل حبوب جدا وسوداني اصيل وطمئنني جدا ووعدني خيرا
|
Post: #4
Title: Re: مساعده عاجله خرج ولم يعد
Author: doma
Date: 10-02-2006, 03:01 AM
Parent: #1
شكرا عادل عثمان لسرعه استجابتك لو كان من امس كتبت في البورد دا كان يمكن للان لقيت خبر مؤكد عن نزار . بس مرات ما بفكر بصوره سليمه شكرا ليك مره اخري
|
Post: #5
Title: Re: مساعده عاجله خرج ولم يعد
Author: Zoal Wahid
Date: 10-02-2006, 03:03 AM
Parent: #1
الله يطمنك وبرضو طمنينا
يا رب يكون بخير وعافية
|
Post: #7
Title: Re: مساعده عاجله خرج ولم يعد
Author: Hussein Mallasi
Date: 10-02-2006, 03:10 AM
Parent: #5
أتمنى أن لا يطول انتظارك و انتظارنا يا دومة حتى نطمئن جمعياً.
|
Post: #9
Title: Re: مساعده عاجله خرج ولم يعد
Author: doma
Date: 10-02-2006, 03:23 AM
Parent: #7
شكرا لكم احبتي جميعا ان شاء الله يكون بخير وعافيه شفتوا قلب الوالد كيف يا وليداتي اوصيكم رفقا بوالديكم
|
Post: #10
Title: Re: مساعده عاجله خرج ولم يعد
Author: Dr.Ahmed Boasch
Date: 10-02-2006, 03:24 AM
Parent: #5
السلام عليكم ورحمة الله
رمضان كريم وان شاء الله يكون الابن بخير
دة تلفون رجل اعمال سوداني شيخ عرب في تايلاند مستقر في بانكوك اسمو مرتضي خطاب سوداني مقيم منذ سنوات ولديه علاقات واسعة ممكن يساعدك
Jumbo trading Co. Ltd
4388/1 Soi Farmwattana, Rama 4 Rd,
Phrankanong, Klongtoey Bankok 10110
TeL: 006602391 9692-5
0066023918462-3
Fax: 0066023918464-5
Mobile: 006638575378
Email [email protected]
[email protected]
وببركة رمضان ان شاء الله تسمع عنو خير
احمد بوش
|
Post: #11
Title: Re: مساعده عاجله خرج ولم يعد
Author: ابو جهينة
Date: 10-02-2006, 03:28 AM
Parent: #10
طمنينا يا دومة ربنا يطمنك
|
Post: #12
Title: Re: مساعده عاجله خرج ولم يعد
Author: doma
Date: 10-02-2006, 03:34 AM
Parent: #10
مشكور كتير يا دكتور احمد بوش هل مرتضي خطاب من اولاد ام درمان ؟؟؟
اذكر عندما كنت ببانكوك زارني بعض الاحباء ومن بينهم كان شاب صبوح افتكر هو مرتضي خطاب اذاكان من من اولاد ام درمان
|
Post: #13
Title: Re: مساعده عاجله خرج ولم يعد
Author: فاروق حامد محمد
Date: 10-02-2006, 03:34 AM
Parent: #1
نسأل الله بحق هذه الأيام المباركات أن يقر عينك به
وأن تجديه بألف ألف خير.
فاروق حامد
|
Post: #14
Title: Re: مساعده عاجله خرج ولم يعد
Author: doma
Date: 10-02-2006, 04:03 AM
Parent: #13
المشفقني يا حبان انه في موضوع توكيل هام جدا جدا مفروض يقوم بتنفيذه واخر يوم لوصول التوكيل الخرطوم هو اليوم 2 اكتوبر وفعلا قابلني يوم الجمعه في المسنجر وقال لي يا امي اديني فاكس شغال نمركم العندي دي ما شغاله قلت ليهو يا نزار انا نمرتي شغاله لكين انتظرني اجيب ليك نمر تاني من السودان قلت ليهو بس دقيقه يا نزار اتصل بي خالتك فعلا اتصلت في لحظتهاردت اختي وادتني النمر يعني الموضوع كله ما استغرق 3 دقائق رجعت الكومبيوتر لقيتو طلع من المسنجر انتظرته ليل الجمعه للساعه 12 بالليل ما ظهر وطبعا كررت الاتصال بموبايله وعلي طول الوقت مقفول يوم السبت ارسلت له النمر بالاميل وانتظرت اليوم كله في المسنجرما ظهرانتظرت الاحد بالليل لم يظهر اتصلت باختي امس واليوم قالت ما وصل منه اي فاكس اتصلت اليوم بمكتبه 4 مرات قالوا ما جاء وما عارفين عنه اي خبر بدأ القلق يدب في نفسي فكتبت ليكم مدني عادل عثمان ما عدمناه سريعا بالعنوان فاتصلت بود المكي عرفت من ود المكي ان نزار كان معه يوم الجمعه واستخرج له التوكيل المطلوب. يبقي السؤال ماذا حدث بعد ان قابلني علي المسنجر ؟؟ لماذا خرج ولم يعد مره اخري وهو يعلم انني في انتظاره بالنمر التي طلبها؟؟؟ ولم اره مره اخري ولمالم يرسل التوكيل وهو يعلم انه عاجل جدا جدا؟؟؟ ولماذا لم يجئ الي المكتب اليوم وهو يعلم علم اليقين اني ساتصل به ؟؟؟ ولماذا تلفونه الموبايل مقفول طول الوقت وهو يعلم انني ساكون قلقه لخروجه المفاجئ ومن غير وداع ؟؟
ربنا يجيب العواقب سليمه
|
Post: #15
Title: Re: مساعده عاجله خرج ولم يعد
Author: محمد سنى دفع الله
Date: 10-02-2006, 04:12 AM
Parent: #14
اتمنى ان يكون بخير وصحة
وان يطمنك المولى اليوم قبل بكرة
والرجاء طمنينا عليه
واستودعك الله الذي لاتضيع ودائعه
سلام
|
Post: #16
Title: Re: مساعده عاجله خرج ولم يعد
Author: doma
Date: 10-02-2006, 04:14 AM
Parent: #14
ابنائي الاعزاء نادوس, عادل عثمان يا حلال الكرب , فرح, زول واحد ,حسين, (دكتور احمد بوش شكرا سجلت عنوان خطاب وساتصل به ان لم اسمع خبر يطمئنني خلال اليوم) شاكره لكم احساسكم النبيل
واخوتي الاجلاء
ابو جهينه والاستاذ فاروق حامد محمد
شاكره لكم موقفكم معي ربنا يطمئني عليهو ويجزيكم عنا خيرالجزاء
رمضان كريم
|
Post: #17
Title: Re: مساعده عاجله خرج ولم يعد
Author: دورنقاس
Date: 10-02-2006, 04:15 AM
Parent: #14
الاخت دومة
رمضان كريم
أرجو الاتصال على هاتف 006618348950
الاخ فى إنتظار مكالمة منك وهو على اتم
الاستعداد لتقديم أى مساعدة ممكنة
ربنا يريح بالك
|
Post: #22
Title: Re: مساعده عاجله خرج ولم يعد
Author: doma
Date: 10-02-2006, 04:35 AM
Parent: #17
شكرا ليك كتير يا دور نقاس ما عدمناك يا اخي انا لو ما كنت سودانيه كان وامغستي وكان الرماد كالني من رحمه ربنا ورفقه بي خلقني من ام واب سوداني .
شاكره اتصالك التلفوني علي الاخ عبد الرحيم طمئنني جدا
|
Post: #18
Title: Re: مساعده عاجله خرج ولم يعد
Author: saif massad ali
Date: 10-02-2006, 04:16 AM
Parent: #14
ياساتر
ربي اجمع بيهو واجعل الداعي خير
|
Post: #19
Title: Re: مساعده عاجله خرج ولم يعد
Author: Salwa Seyam
Date: 10-02-2006, 04:19 AM
Parent: #1
ربنا يطمنك ويطمنا يادوما
|
Post: #20
Title: Re: مساعده عاجله خرج ولم يعد
Author: أبوبكر حامد الأمين
Date: 10-02-2006, 04:20 AM
Parent: #1
ربنا اطمنك عليهو يادومة ببركة شهر الصيام .
|
Post: #21
Title: Re: مساعده عاجله خرج ولم يعد
Author: gessan
Date: 10-02-2006, 04:21 AM
Parent: #1
سلام دومة..
ربنا يطمّنك علي إبنك نزار ..
إنشاء الله حتكون سليمة ..
|
Post: #24
Title: Re: مساعده عاجله خرج ولم يعد
Author: يازولyazoalيازول
Date: 10-02-2006, 04:47 AM
Parent: #21
طمئنينا يا خالة فقد أزعجنا إنزعاجك
تحياتى وربنا يحفظ إبنك ببركة هذا الشهر المبارك
|
Post: #23
Title: Re: مساعده عاجله خرج ولم يعد
Author: البعيو
Date: 10-02-2006, 04:36 AM
Parent: #1
الأخت دومه
ربنا يطمئنك عليه ببركة نهار رمضان
أنور الشيخ
|
Post: #25
Title: Re: مساعده عاجله خرج ولم يعد
Author: doma
Date: 10-02-2006, 04:57 AM
Parent: #23
حبان الضيق يا من تهبون لنجده المستغيث لو ما كنت منكم كيف كان يكون حالي شكرا ليكم فردا فردا
محمد سني دفع الله
سيف مساعد
ابوبكر حامد
قيسان
البعيو- انورالشيخ
الحبيه سلوي صيام
ابني العزيز يا زول يا زول
ربنا يسمع منكم ويستجيب
رمضان كريم يا الحبان
|
Post: #26
Title: Re: مساعده عاجله خرج ولم يعد
Author: Adil Osman
Date: 10-02-2006, 05:04 AM
Parent: #25
الاخت العزيزة زينب
ربنا يطمنك على ابنك. ارى ان يبلغ القنصل السودانى يحى المكى سلطات الشرطة فى بانكوك. فهذا الغياب المفاجئ والمستمر يثير القلق بالفعل. ربنا يجيب العواقب سليمة.
|
Post: #27
Title: Re: مساعده عاجله خرج ولم يعد
Author: doma
Date: 10-02-2006, 05:16 AM
Parent: #26
شكرا لاهتمامك يا عادل ساتصل بعد الافطار بود المكي او الاخ عبد الرحيم لمتابعه الموضوع والشكر ليك وللاخ دورنقاس الذي هاتف بانكوك من السعوديه بهذا الخصوص يا اخي انتوا ناس مافي ليكم نظير ابدا .
|
Post: #29
Title: Re: مساعده عاجله خرج ولم يعد
Author: Frankly
Date: 10-02-2006, 05:33 AM
Parent: #27
الأخت الكريمة دومة نسأل الله سبحانه وتعالى في هذا الشهر الكريم أن يمن على ابنك بالصحة والعافية ويجنبه كل مكروه ونتمنى أن يكون هناك ما يبرر هذا الإنقطاع المفاجئ
قلوبنا معك والله ونشعر ما تشعرين به ولكن بإذن الله سيكون كل خير ويكون قد تصرف بطريقة أفضل وأسرع لتوصيل التوكيل مع مسافر مثلاً ما يتطلب منه السفر لمكان المسافر
لك حق ان تقلقين ولكن بإذن الله لن يمسه مكروه
تحياتي كمال
|
Post: #30
Title: Re: مساعده عاجله خرج ولم يعد
Author: Abd Alla Elhabib
Date: 10-02-2006, 05:33 AM
Parent: #27
دعواتنا معاك يا خالة
اللهم إحفظ إبنها بحفظك الشامل
وليطمئن قلبك..ولتقر عينك أيتها
الأم الصابرة.
|
Post: #28
Title: Re: مساعده عاجله خرج ولم يعد
Author: فاروق حامد محمد
Date: 10-02-2006, 05:27 AM
Parent: #26
قلبي معك أختي دوما وربنا يجمع بحق سر اسمه الأعظم
وهذه الأيام المفترجة المباركة.............
أخوك/ فاروق حامد
|
Post: #31
Title: Re: مساعده عاجله خرج ولم يعد
Author: ريهان الريح الشاذلي
Date: 10-02-2006, 05:47 AM
Parent: #28
ربنا يجمعك بيهو ويجمع كل ام باولادها الغايبين
وارجو ان تطميننا اول بأول
|
Post: #33
Title: Re: مساعده عاجله خرج ولم يعد
Author: nazar hussien
Date: 10-02-2006, 06:03 AM
Parent: #31
ربنا يجمع...الشمل يا دومة...بركة هذا الشهر الفضيل...وتسمعيه سالم وتام
عليك الله طمنينا معاك ان لقيتي خبر...
|
Post: #32
Title: Re: مساعده عاجله خرج ولم يعد
Author: معتصم دفع الله
Date: 10-02-2006, 06:01 AM
Parent: #1
ربنا يطمنك عليهو يا خالة دومة ..
ويجمعه سالماً إن شاء الله ..
|
Post: #34
Title: Re: مساعده عاجله خرج ولم يعد
Author: Dr. Moiz Bakhiet
Date: 10-02-2006, 06:16 AM
Parent: #32
ربنا يطمنك عليهو ويكون بخير وعافية يا بركة هذا الشهر الكريم
|
Post: #35
Title: Re: مساعده عاجله خرج ولم يعد
Author: ahlalasrar
Date: 10-02-2006, 06:19 AM
Parent: #32
ربنا يفتح
أبواب رحمته
ويهئ من
جلائل قدرته
كل الاسباب
لتجمعك بأبنك
ان شاء الله
آمين...
|
Post: #36
Title: Re: مساعده عاجله خرج ولم يعد
Author: تولوس
Date: 10-02-2006, 06:33 AM
Parent: #35
اختي العزيزة دومة
ربنا يحفظ ابنك ويخليه ليك ويطمنك عليه
|
Post: #37
Title: Re: مساعده عاجله خرج ولم يعد
Author: خالد العبيد
Date: 10-02-2006, 06:36 AM
Parent: #1
العزيزة دوما
تحياتي يا غالية
اتمنى للابن العزيز كل خير وعافية
وانشاء الله تطمأني عليه اكثر بي شوفة قريبة
تسلمي ويسلم سامي
|
Post: #38
Title: Re: مساعده عاجله خرج ولم يعد
Author: Dr.Mohammed Ali Elmusharaf
Date: 10-02-2006, 06:36 AM
Parent: #1
الخالة العزيزة دومة
ربنا يحفظ نذار ويخليه ليك ويطمنك عليه
|
Post: #39
Title: Re: مساعده عاجله خرج ولم يعد
Author: Tabaldina
Date: 10-02-2006, 06:51 AM
Parent: #1
..
.
خير اللهم أجعله خيراً ..
نسال الله ان تطمئنى عليه الان ..
________________
فى مشكلة فى الإتصال من هنا على ما يبدو
وكذا المقيمين بيننا..
وننتظر اخبار مطمئنة؛
|
Post: #40
Title: Re: مساعده عاجله خرج ولم يعد
Author: nadus2000
Date: 10-02-2006, 07:30 AM
Parent: #39
ندعو الله أن تكوني تطمنتي عليهو.
يا رب تجمع الحاجة زينب بأبنها، وتحميه من كل سوء.
|
Post: #41
Title: Re: مساعده عاجله خرج ولم يعد
Author: Tumadir
Date: 10-02-2006, 07:52 AM
Parent: #40
الحبيبة الاخت زينب ...دومة ...
البقولو القلب ما تشوفو العين ..يا صديقة
اعرف قلب الام ولما تدخلو وسوسة..
ربنا يفرج كربتك ..ويطمن قلبك وتسمعى من حبيب قلبك جنا حشاك ...قريبا
ويخليه ليك ويحفظو من كل شر...
لك محبتى واهتمامى الصادق.
|
Post: #42
Title: Re: مساعده عاجله خرج ولم يعد
Author: منصوري
Date: 10-02-2006, 07:58 AM
Parent: #1
الغالية دومة...
الغريبة أنا شايفو في رؤية هسه بخير الولد دا..؟ بس ربما شئ بسيط للغاية سوء تقدير للمواقف منو..
شايفو في رؤية بخير... ونادر رؤياي تخيب بفضل الله...
الله يفرحك بي رؤيتو...
|
Post: #43
Title: Re: مساعده عاجله خرج ولم يعد
Author: Tragie Mustafa
Date: 10-02-2006, 08:10 AM
Parent: #42
العزيزه دوما
معذره يا حبيبه ان علمت متأخره بأخبار
انقاطع الاتصال بنزار,اصدق الدعوات ان
ان تسمعي عنه قريبا قبل نهاية هذا اليوم انه بخير.
وربنا ما يقلق ام على الوالدها يا رب.
طمئنينا.
تراجي.
|
Post: #44
Title: Re: مساعده عاجله خرج ولم يعد
Author: HAYDER GASIM
Date: 10-02-2006, 08:19 AM
Parent: #43
ربنا يكضب الشينة وإزيل الوسواس وأجمع الشمل
ببركة هذا الشهر الكريم ... آمين يا رب العالمين
|
Post: #83
Title: Re: مساعده عاجله خرج ولم يعد
Author: شهاب الفاتح عثمان
Date: 10-02-2006, 01:26 PM
Parent: #44
طمانك الله عليه.
والاشادة الشكر نرسلهالاهل الفزعة
الذين سارعو لارسال العناونين.
|
Post: #99
Title: Re: مساعده عاجله خرج ولم يعد
Author: doma
Date: 10-03-2006, 08:52 AM
Parent: #83
شاكره لطفك يا شهاب الفاتح
خالص مودتي
|
Post: #45
Title: Re: مساعده عاجله خرج ولم يعد
Author: doma
Date: 10-02-2006, 09:02 AM
Parent: #43
حبان قساي شريكين بلائي
تسلمو من كل شر الكتبوا هنا مطمئنين والهاتفوا وسالوا عن نزار وعني ومن لبي النداء عاجلا بارقام التلفونات وبالدعوات الصالحات .
الما يكون سوداني الترابه في خشمو بالجد نحن قوم منقطع نظيرنا. يعجز لساني عن شكركم . تلقيت خبرا اكيدا بان الولد المطروش بخير وعافيه .
تسلموا جميعا وما اشوف فيكم كربه باذن الله .
الشكر الجزيل لابنائي الاعزاء فرانكلي و عبد الله الحبيب. حيدر قاسم
اخي الكريم فاروق حامد محمد
الابناء نزار حسين, معتصم دفع الله , دكتور معز البخيت , اهل الاسرار, تولوس .
الاخ خالد العبيد
الاخ الجميل المنصوري صدقت رؤيتك يا شفيف الروح.
الابن الغالي دكتور محمد علي المشرف شكرا علي الهاتف سامي خبرني
الابن الجميل تبلدينا والعزيز نادوس والابنوسه
حبيباتي الجميلات
تماضربت شيخ الدين
ريهان الريح
وتراجي .
لكم جميعا صادق الموده وفائق الشكر .
بعد اعرف القصه كامله بجيكم راجعه.
واحكي ليكم تجربتي المريره في عام 1996 من شهر سبعه وحتي ابريل 1997 ممكن ببساطه اقول اني دخلت نار جهنم وذقت عذابا لا يعادله عذاب 9 شهور ما كنت بعرف متين بتشرق ومتين بتغيب واقسي الاوقات الليل وليل الغربه الطوووووووووووويل والاسئله الما عندها اجابات. وعرفت لماذا يقولون الجنه تحت اقدام الامهات ولماذا يوصينا الله تعالي بوالدينا.
يا حبان ابقوا عشره علي الوالدين .
|
Post: #46
Title: Re: مساعده عاجله خرج ولم يعد
Author: فاروق حامد محمد
Date: 10-02-2006, 09:14 AM
Parent: #45
ألف الف مليون حمدالله على السلامة وان شاء الله ما تشوفي شر أبدا
|
Post: #47
Title: Re: مساعده عاجله خرج ولم يعد
Author: هجو الأقرع
Date: 10-02-2006, 09:21 AM
Parent: #45
الاخت الفاضله زينب اسال الله العظيم بحق هذا الشهر الكريم ان نسمع خبرا يفرحك ويفرحنا ، اسف على المرور المتاخر ،ان شاء الله المانع خير وبس. اسال الجميع الدعاء لبننا نزار على الافطار.
|
Post: #48
Title: Re: مساعده عاجله خرج ولم يعد
Author: عزيز عيسى
Date: 10-02-2006, 09:31 AM
Parent: #1
ربنا يطمئنك وتسمعي عنه كل خير
ببركة هذا الشهر الكريم
|
Post: #49
Title: Re: مساعده عاجله خرج ولم يعد
Author: doma
Date: 10-02-2006, 09:48 AM
Parent: #48
اعزائي هجو الاقرع وعزيز عيسي
مشكورين يا الحبان اتاني الخبربانه حي يرزق والحمد لله والشكر له .
ولكل الاحباء . يوم شكركم ما يجي .
|
Post: #50
Title: Re: مساعده عاجله خرج ولم يعد
Author: Balla Musa
Date: 10-02-2006, 10:00 AM
Parent: #49
العزيزة دومة
رمضان كريم
| Quote: تلقيت خبرا اكيدا بان الولد المطروش بخير وعافيه . |
إطمئنانك على إبنك أفرحنا كثيرا
ربنا يخليكم لبعض ويقر عينك به.
|
Post: #51
Title: Re: مساعده عاجله خرج ولم يعد
Author: Soumeta
Date: 10-02-2006, 10:22 AM
Parent: #1
بركة ال إتطمن قلبك،،
و طالما هو بي عافية و طيب،،
الباقي كلو هين،،
|
Post: #52
Title: Re: مساعده عاجله خرج ولم يعد
Author: Abureesh
Date: 10-02-2006, 10:35 AM
Parent: #51
الف حمدالله على سلامـة إبننـا، والله يسـدد خطاه دائمـا.
راجعى الماسنجــر.
|
Post: #53
Title: Re: مساعده عاجله خرج ولم يعد
Author: Tumadir
Date: 10-02-2006, 10:38 AM
Parent: #52
نحمد الله.
وفى انتظار الحكاية.
Quote: بعد اعرف القصه كامله بجيكم راجعه.
واحكي ليكم تجربتي المريره في عام 1996 من شهر سبعه وحتي ابريل 1997 ممكن ببساطه اقول اني دخلت نار جهنم وذقت عذابا لا يعادله عذاب 9 شهور ما كنت بعرف متين بتشرق ومتين بتغيب واقسي الاوقات الليل وليل الغربه الطوووووووووووويل والاسئله الما عندها اجابات. وعرفت لماذا يقولون الجنه تحت اقدام الامهات ولماذا يوصينا الله تعالي بوالدينا.
يا حبان ابقوا عشره علي الوالدين . |
|
Post: #54
Title: Re: مساعده عاجله خرج ولم يعد
Author: Tragie Mustafa
Date: 10-02-2006, 10:46 AM
Parent: #53
بركه يا دومه الاطمأنيتي يا اختي
والله قلبنا انقطع معاك
Quote:
مشكورين يا الحبان اتاني الخبربانه حي يرزق والحمد لله والشكر له
.
ولكل الاحباء . يوم شكركم ما يجي .
|
تراجي
|
Post: #58
Title: Re: مساعده عاجله خرج ولم يعد
Author: Abd Alla Elhabib
Date: 10-02-2006, 10:59 AM
Parent: #54
1000 حمدا لله على سلامتو يا خالة وربنا يحفظو.
لازمك صلاة شكر....والخروف بعد العيد 
|
Post: #61
Title: Re: مساعده عاجله خرج ولم يعد
Author: doma
Date: 10-02-2006, 11:12 AM
Parent: #58
الحبيب عبد الله الحبيب
الصلاه دي مقدور عليها والشكر الاف الاف الا الخروف في البلد دي اسمه شنو
|
Post: #59
Title: Re: مساعده عاجله خرج ولم يعد
Author: doma
Date: 10-02-2006, 11:08 AM
Parent: #54
المحترم دكتوربله شكرا ليك كتير
الغاليه سوميتا شكرا جزيلا
حبيبات الضيق تماضر وتراجي مشكورات القلوب شواهد عارفاكن بتشيلن معاي الهم.
|
Post: #57
Title: Re: مساعده عاجله خرج ولم يعد
Author: ابوبكر الامين يوسف
Date: 10-02-2006, 10:57 AM
Parent: #53
الخالة دوماالف حمدالله على سلامـة نزار
ودى واحترامى
|
Post: #70
Title: Re: مساعده عاجله خرج ولم يعد
Author: doma
Date: 10-02-2006, 12:00 PM
Parent: #57
ابو بكر الامين يوسف
تسلم من كل شر يا حبيب
ولك مني اجمل التحايا وكثيف الموده
|
Post: #55
Title: Re: مساعده عاجله خرج ولم يعد
Author: Sayed Bekab
Date: 10-02-2006, 10:52 AM
Parent: #1
حمد لله علي سلامتو يا خاله دوما و رمضان كريم و بركه الشفناك بخير من ايام سودان نت ما اتقابلنا
|
Post: #69
Title: Re: مساعده عاجله خرج ولم يعد
Author: doma
Date: 10-02-2006, 11:57 AM
Parent: #55
يا سلام يا سيد بيكاب والله ايام سودان نت لا تنسي شكرا ليك يا حبيب اتمني رؤيتك هنا علي الدوام وشكرا علي الطله والمشاركه .
|
Post: #56
Title: Re: مساعده عاجله خرج ولم يعد
Author: ست البنات
Date: 10-02-2006, 10:52 AM
Parent: #1
سلام -
يا جامع الناس ليوم لا ريب فيه اجمعها بأبنها .
وبالمناسبة دا دعاء كل مفقود - وان شاء الله ربنا يجمع شملكم وتفرحوا .
ست البنات .
|
Post: #60
Title: Re: مساعده عاجله خرج ولم يعد
Author: SAdo7
Date: 10-02-2006, 11:11 AM
Parent: #56
حمدا لله على سلامة اخونا نزار
وتقبل الله منكم ومنه صالح الاعمال
ورمضان كريم يا خاله
|
Post: #64
Title: Re: مساعده عاجله خرج ولم يعد
Author: Abureesh
Date: 10-02-2006, 11:19 AM
Parent: #60
| Quote: الا الخروف في البلد دي اسمه شنو |
دومــا،
أتأكدى من الخـروف قبل ما يضبحوه.. ما يبدلوه بحيوان تانى
|
Post: #73
Title: Re: مساعده عاجله خرج ولم يعد
Author: doma
Date: 10-02-2006, 12:07 PM
Parent: #60
الابن صادوح سلمت من كل شر
شاكره لطفك يا حبيب
رمضان كريم
|
Post: #62
Title: Re: مساعده عاجله خرج ولم يعد
Author: السنجك
Date: 10-02-2006, 11:17 AM
Parent: #56
الحمد لله انه بخير
ولو ماكنت سوادنى
واماساتى وذلى
وواسفاى
اسع يااخوانا زى التكاتف والمشاركه دى زول بيعمله غيرنا
التحيه للجميع
السنجك
|
Post: #75
Title: Re: مساعده عاجله خرج ولم يعد
Author: doma
Date: 10-02-2006, 12:12 PM
Parent: #56
حبابك يا ست البنات وشكرا علي الدعاء الجميل يا وريفه
|
Post: #63
Title: Re: مساعده عاجله خرج ولم يعد
Author: lana mahdi
Date: 10-02-2006, 11:18 AM
Parent: #1
الحبيبة دوما
الحمد لله و الشكر لله إنو طمن قلبك
ربنا ما يخلعك على ولدك تاني يا رب
محبتي و تقديري
|
Post: #65
Title: Re: مساعده عاجله خرج ولم يعد
Author: رشا سالم
Date: 10-02-2006, 11:35 AM
Parent: #63
الخالة doma
حمد لله علي سلامة ابنك.. وربنا يبرد حشاكي بلقاهو
وما يفرقكم من بعض يارب....
|
Post: #72
Title: Re: مساعده عاجله خرج ولم يعد
Author: doma
Date: 10-02-2006, 12:04 PM
Parent: #65
اميراتي دكتوره رشا سالم ولنا مهدي
سلمتن من كل بلاء
عميق امتناني
|
Post: #68
Title: Re: مساعده عاجله خرج ولم يعد
Author: doma
Date: 10-02-2006, 11:51 AM
Parent: #63
صدقت يا السنجك بكرموا الضيف وبلحقوا الضائق والله شرقت وغربت ما لقيت ليكم مثيل لو من الشمال ولا الجنوب ولو من الشرق ولا الغرب بس يكون الزول سوداني .
. يا اخي انا بريدكم عدييل كدا ما ممكن تتخيلوا كيف وقفتكم معاي خففت عني اريتني لو كنت بعرفكم زمان لكين ح احكي ليكم عن انسان سوداني اصيل وقف معاي في محنتني انسان طيب واصيل من ود اب حليمه لو فديته بعمري لن اوفيه ولو اقل القليل الذي قدمه لي
|
Post: #74
Title: Re: مساعده عاجله خرج ولم يعد
Author: rani
Date: 10-02-2006, 12:09 PM
Parent: #63
حمد لله علي سلامتو يا خاله دوما و رمضان كريم
راني السماني
|
Post: #66
Title: Re: مساعده عاجله خرج ولم يعد
Author: نصار
Date: 10-02-2006, 11:40 AM
Parent: #1
العزيزة دومة
حمدالله سلامة نزار
و ان شاء الله ما تشوفوا شر وربنا يخليكم لبعض
|
Post: #67
Title: الحمد لله أن إبنك وإبننا يا دومة بخير وعافية..
Author: Yasir Elsharif
Date: 10-02-2006, 11:43 AM
Parent: #1
الحمد لله على السلامة يا عزيزتنا زينب "دومة"..
لقد فرحنا بعد أن جزعنا.. الحمد لله أن إبننا بخير وعافية..
ياسر وإلهام..
مشتاقين كتير
|
Post: #71
Title: Re: الحمد لله أن إبنك وإبننا يا دومة بخير وعافية..
Author: Adil Osman
Date: 10-02-2006, 12:02 PM
Parent: #67
حمدآ لله على سلامة ابنكم يااخت زينب. وان شاء الله ما تشوفوا شر.
شوفى بانكوك والنهر الذى يشقها. مش بشبه النيل الازرق وعلى الضفتين الخرطوم وبحرى؟
|
Post: #78
Title: Re: الحمد لله أن إبنك وإبننا يا دومة بخير وعافية..
Author: doma
Date: 10-02-2006, 12:25 PM
Parent: #71
عادل عثمان يا وريف
انا ح اسميك سريع النهمه بلغتنا السودانيه
شاكره ومقدره والشاو برايا شاقي بانكوك زينه وشايفه كمان القصر الملكي عشنا بهذه المدينه تسع سنوات ولي بها اضافه لنزار ابناءوبنات احباء جدا
|
Post: #77
Title: Re: الحمد لله أن إبنك وإبننا يا دومة بخير وعافية..
Author: doma
Date: 10-02-2006, 12:19 PM
Parent: #67
الاحباء راني ,نصار ياسر والهام لكم جميعا محبتي وامتناني
|
Post: #76
Title: Re: مساعده عاجله خرج ولم يعد
Author: elhilayla
Date: 10-02-2006, 12:14 PM
Parent: #1
العزيزة دومة
حمدا الله علي السلامة
والله فرحنا فرح شديد بعد ما عرفنا إنو نزار بخيرين وزيادة
أها بعد دا الحمد لله شتتي الدم - زي مابقولوا أهلنا -
لكن لازم تلقي ليك ضباح إسفيري شاطر في حوش بكري دا إضبح وإسلخ وإقسّم بالتساوي
بعد داك تقومي كل زول ترسلي ليو حقو بالماسنجر الداخلي وأهم حاجة الناس البريدوا المرارة تخيريهن واحد من الإتنين يا كوم مرارة يا كوم لحم - كومين ما معانا- إلا زوجين مشتركين معانا في البورد دا
قلتي شنو؟
والله ياحليلك يا دومة وأيام كنا في الخليج كنا متواصلين لكين أسع بلد الخواجات ديل قصتا قصة
زين العابدين - الحليلة
|
Post: #80
Title: Re: مساعده عاجله خرج ولم يعد
Author: doma
Date: 10-02-2006, 12:34 PM
Parent: #76
ابني الغالي الحليله
طبعا ما نسيتك قط وجهدك المقدر معاي عشان اكتب عربي صحيح ومواضع الحروف العربيه علي اللوحه الانجليزيه التي ما زلت استخدمها. وكنت احب مخاطبتك لي بكلمه يا والده اتمني ات تناديني بها.
ما زلت اتعشم في وصالكم لي ولو من بلد الخواجات دي.
انتظر دقائق واسه الخروف الاسفيري بجينا بالفرن
|
Post: #79
Title: Re: مساعده عاجله خرج ولم يعد
Author: ناذر محمد الخليفة
Date: 10-02-2006, 12:33 PM
Parent: #1
بركة ال إتطمن قلبك،،
و طالما هو بي عافية و طيب،،
الباقي كلو هين،،
|
Post: #84
Title: Re: مساعده عاجله خرج ولم يعد
Author: تولوس
Date: 10-02-2006, 01:42 PM
Parent: #79
حمدالله علي السلامة اختي دومة وبركة الاتطمئن قلبك علي ولدك وفلزةكبدك
|
Post: #98
Title: Re: مساعده عاجله خرج ولم يعد
Author: doma
Date: 10-03-2006, 08:42 AM
Parent: #84
سلام يا حباني والله مشكورين كتير وما قصرتوا معاي تب واعفو لي ازعاجي ليكم بس الظروف كلها حتمت ان اعلن عن قلقي واطلب نمره القنصل ببانكوك في البورد.
يعلم الله حاولت المستحيل القاها بطرق تانيه وما نحجت
اولا ما بعرف للقوقله قدر ما قوقلت ما عرفت شئ
اتصلت بتلفون زولي هنا الممكن القي عنده تلفونات الاصدقاء والمعارف ببانكوك لقيت موبايلو مقفول اخيرا عرفت انه ما رجع من السودان .
اتصلت بزول تاني في كولالمبور لكين ظروف خارجه عن الاراده ما سمحت له من مساعدتي .
قصتي مع تلفون السفاره بماليزيا حكيتها ليكم .
اها بقي ما قدامي غير اطلب المساعده العاجله في البورد
وما عدمتكم كنتم لي سندا وعضدا يملؤني الفخار ان انتمي الي قبيله سودانيزاون لاين البتسد عين الشمس نساءا ورجالا والله عاجزه عن الشكر وخجلانه منكم عديل كدا .
قبل سنتين وشويه اختفي مني فجاء كدا ما عرفت عنه الا بعد سافر زول من عندي لقاه مجبص كسر في القدم حادث حركه بالموتر.
|
Post: #107
Title: Re: مساعده عاجله خرج ولم يعد
Author: doma
Date: 10-03-2006, 10:18 AM
Parent: #79
شكرا يا ناذر والله مشتاقون
انا سامعه الجماعه بقولوا ليك يا عريس مالك ما عزمتنا العرس
|
Post: #81
Title: Re: مساعده عاجله خرج ولم يعد
Author: Dr.Ahmed Boasch
Date: 10-02-2006, 12:40 PM
Parent: #1
الف حمد الله على السلامة
وزي ما قلتي مرتضى خطاب من اولاد امدرمان بانت وهو رجل شهم جدا ونسأل الله ان يزيده خير وبركة ببركة رمضان المعظم ويطمنك على اولادك آمين
احمد بوش
|
Post: #82
Title: Re: مساعده عاجله خرج ولم يعد
Author: Abureesh
Date: 10-02-2006, 12:50 PM
Parent: #81
صـورة جميلـة لبانكوك يا عادل..
بس الشـاف هانجزوو (خانجو) تمســخ عليـه جمال أى مدينـة فى العالم.
شفت باريس وروما وبون ومدن امريكا.. لكن حتى فى الخيال لم أرى مثل جمال هانجزوو، والله على ذلك شهيـد.
وانت تسيـر على ضفاف بحيـرة الغرب، تشعـر وكأنك تحلق فى عالم من الأحلام، وليس واقع.. والنهـر بلونه الأخضـر!! الذى أخذه من لون الأشجار المحيطـة به، من طرفيـه نافورتان ماء ضخمتان، تخلقان قوسـا مائيـا تمر اليخوت من تحتـه، فتلفحك ذرات الماء المنعشـة.
هـذه المدينـة لا توصف أبـدا.. وأنصـح كل من يضـرب تسعين أن لا يزورهـا، وإلا فسـوف يجن الجن الذى لا نصـاح بعـده.
هانجزوو تبعـد حوالى ساعتين بالعربيـة جنوب شنغهـاى (الصين).
|
Post: #100
Title: Re: مساعده عاجله خرج ولم يعد
Author: doma
Date: 10-03-2006, 08:57 AM
Parent: #81
العزيز دكتور احمد بوش
شكرا ليك كتير بلغ مرتضي الظريف بن بانت اجمل تحياتي للاسف كانت زياره واحده وبعدها انتقلنا من بانكوك لكين اذكره جيدا .
|
Post: #85
Title: Re: مساعده عاجله خرج ولم يعد
Author: Salwa Seyam
Date: 10-02-2006, 02:20 PM
Parent: #1
الف حمدالله على السلامة...وعقبال تلاقيهو بالأحضان..
|
Post: #87
Title: Re: مساعده عاجله خرج ولم يعد
Author: هجو الأقرع
Date: 10-02-2006, 03:30 PM
Parent: #85
حمدالله على السلامه ، ربنا يحفظوا ويخليه ليك. شهدالله ان اسرتى واولادى شاركوك الهم والغم ، والان هم بسلمو ليك . محمد ، على ، مجاهد ، ريان ، امل ، والحتاله حسن. وفوق هذا وذلك ام محمد قالت ودعت على الافطار بسلامته وهى اول من بشرنا بالخبر.
|
Post: #101
Title: Re: مساعده عاجله خرج ولم يعد
Author: doma
Date: 10-03-2006, 09:05 AM
Parent: #87
الابن العزيز هجو الاقرع والمدام الظريفه ام محمد الوريفه
اسعد جدا وصلكم ويا حافظ ربي يحفظهم ويجعلهم لكما قره اعين يا رب تشوفوا نجاحهم وتحضروا ولاد ولادهم.
شاكره كتيره ومقدره يا حبان
|
Post: #86
Title: Re: مساعده عاجله خرج ولم يعد
Author: shatat
Date: 10-02-2006, 03:21 PM
Parent: #1
العزيزه وغاليه دومه
ينعم صباحك خير..ويسعد مساك النور
..تحية طيبه..حمدًا لـلـه بسلامة الابن نزار..الامنيات الطيبه
والدعوات الصادقه بكل جميل لك وللاسره الكريمه في هذا الشهر
الفضيل ...رمضان كريم وكل عام وأنتم بخير.
......تقديري واحترامي.
|
Post: #102
Title: Re: مساعده عاجله خرج ولم يعد
Author: doma
Date: 10-03-2006, 09:12 AM
Parent: #86
شتات ما معقول زارتنا الملائكه اليوم ونور بالفرح بوستينا
اين انتم يا احبه؟؟؟
بالله تعود لينا يا شتات وىبد تعود معاك عصافير الخريف ومواسم الفرح البهيج
وعايزين بوست رمضاني ظريف بعد الهم نزل والغم انزاح
|
Post: #88
Title: Re: مساعده عاجله خرج ولم يعد (Re: doma)
Author: عبدالله شمس الدين مصطفى
Date: 10-02-2006, 03:36 PM
Parent: #1
حمداً لله على سلامة الإبن, و هاهو السودان, كل فرد فيه (أخو أخوان و مقنع كاشفات) إلآ من حرم ربى و أعمى بصيرتهم. و بركة الربنا طمًنك و طمًنا على نزار. دمتم لبعضكم أبداً
|
Post: #89
Title: Re: Re: مساعده عاجله خرج ولم يعد (Re: doma)
Author: Unabomber
Date: 10-02-2006, 04:02 PM
Parent: #88
حمدآ لله على سلامة ابنك يا خالة دومة، خليه يسيب الشيطنة دى و يكون على اتصال دائم مع أمه، رمضان كريم
|
Post: #90
Title: Re: Re: مساعده عاجله خرج ولم يعد (Re: doma)
Author: عبد المنعم ابراهيم الحاج
Date: 10-02-2006, 04:23 PM
Parent: #89
قلبي علي جناي وقلب جناي علي حجر
حمدا لله علي السلامة...
|
Post: #91
Title: Re: Re: مساعده عاجله خرج ولم يعد (Re: doma)
Author: عبدالأله زمراوي
Date: 10-02-2006, 04:39 PM
Parent: #90
حمدالله على السلامة .....
|
Post: #92
Title: Re: Re: مساعده عاجله خرج ولم يعد (Re: doma)
Author: Amin Mahmoud Zorba
Date: 10-02-2006, 07:38 PM
Parent: #91
الخالة دومة
حمد الله على السلامة
لم انتبه لهذا البوست الا الان
وبركة ربنا الطمنك على نزار
هدهد
|
Post: #93
Title: Re: Re: مساعده عاجله خرج ولم يعد (Re: doma)
Author: عصام أحمد
Date: 10-02-2006, 07:42 PM
Parent: #92
حمد لله علي السلامة..
وقلب الوالد دايما كده..
الله يحفظنا جميعا..
|
Post: #105
Title: Re: Re: مساعده عاجله خرج ولم يعد (Re: doma)
Author: doma
Date: 10-03-2006, 10:03 AM
Parent: #89
اهلا ابني العزيز اليونبومبر
شاكره مرورك ولطفك
الله يهديه يا ولدي
طبعا ولدي دا كان مشاكس جدا اسه بقي الصلاه علي النبي عين الحسود فيها عود 
رمضان كريم تصوموا وتفطروا علي خير
|
Post: #104
Title: Re: Re: مساعده عاجله خرج ولم يعد (Re: doma)
Author: doma
Date: 10-03-2006, 09:30 AM
Parent: #88
صدقت يا عبد الله شمس الدين
دا ياهو السودان وديل ولاد السودان وديل بنات السودان و ديل اهلي وعزي .
شاكره لطفك وربنا يجزيكم عنا خيرالجزاء
رمضان كريم
|
Post: #106
Title: Re: Re: مساعده عاجله خرج ولم يعد (Re: doma)
Author: doma
Date: 10-03-2006, 10:12 AM
Parent: #104
ابنائي الافاضل
عصام احمد
امين محمود
عبد الاله زمراوي
عبد المنعم ابراهيم الحاج
سلمتم من كل شر
جزيل شكري وخالص مودتي
|
Post: #94
Title: Re: مساعده عاجله خرج ولم يعد
Author: kamalabas
Date: 10-02-2006, 08:22 PM
Parent: #1
. ربنا يجمعكم علي خير ويقرب المسافات
كمال
|
Post: #95
Title: Re: مساعده عاجله خرج ولم يعد
Author: عبدالرحمن عزّاز
Date: 10-03-2006, 05:01 AM
Parent: #94
حمد لله على السلامة و بركة ربنا طمأنك عليه..
يحفظكم لبعض إن شاء الله
|
Post: #110
Title: Re: مساعده عاجله خرج ولم يعد
Author: doma
Date: 10-03-2006, 10:57 AM
Parent: #95
شكرا كمال عباس اسعدني مرورك
|
Post: #112
Title: Re: مساعده عاجله خرج ولم يعد
Author: doma
Date: 10-03-2006, 11:00 AM
Parent: #110
الابن الغالي عبد الرحمن عزاز
سلمت من كل بلاء شاكره كتير
لك كثيف الموده
|
Post: #96
Title: Re: مساعده عاجله خرج ولم يعد
Author: نهال كرار
Date: 10-03-2006, 05:10 AM
Parent: #1
العزيزة دومه
حمد لله على سلامة ابنك
ورمضان كريم وكل سنة وانت وأسرتك الكريمة بألف خير
|
Post: #97
Title: Re: مساعده عاجله خرج ولم يعد
Author: ريهان الريح الشاذلي
Date: 10-03-2006, 06:21 AM
Parent: #96
بركة العرفتي انو طيب وربنا يجمعكم في ساعة خير
|
Post: #103
Title: Re: مساعده عاجله خرج ولم يعد
Author: sudania2000
Date: 10-03-2006, 09:15 AM
Parent: #97
اللاخت الكريمة دومة
لكي الله اختي علي الاحساس الذي لازمك خوفا عليه و انشاء الله في ميزان حسناتك
تعرفي لو نزار كان في السودان
Quote: يبقي السؤال ماذا حدث بعد ان قابلني علي المسنجر ؟؟ لماذا خرج ولم يعد مره اخري وهو يعلم انني في انتظاره بالنمر التي طلبها؟؟؟ ولم اره مره اخري ولمالم يرسل التوكيل وهو يعلم انه عاجل جدا جدا؟؟؟ ولماذا لم يجئ الي المكتب اليوم وهو يعلم علم اليقين اني ساتصل به ؟؟؟ ولماذا تلفونه الموبايل مقفول طول الوقت وهو يعلم انني ساكون قلقه لخروجه المفاجئ ومن غير وداع ؟؟
|
و حصل انقطاع و اختفاء
انو الكهرباء قطعت 3 يوم و عادي
و فشل في شبكة الموبايل 3 يوم و عادي بلا اعتذار
اما الوداع فهنا تقطع الشبكةو الكهرباء بمزاج زول واحد بس
و لا عزاء للشعب السوداني الفضل
تسلمي يا حبيبة و ربنا يجمعكم
و حمد الله ع السلامة
|
Post: #115
Title: Re: مساعده عاجله خرج ولم يعد
Author: doma
Date: 10-03-2006, 11:11 AM
Parent: #103
بتي الغاليه سودانيه الفين
الله يكون في عون الناس الهناك قلوبنا معاكم طبعا قطع الكهرباء ضقتوا في اجازتي الصيفيه بالسودان وكمان مع الشقق حكايه رهيبه رغم انه الكهرباء مدفوعه مقدما
حليل نوم الحيشان وحليل مقيل الرواكيب
|
Post: #113
Title: Re: مساعده عاجله خرج ولم يعد
Author: doma
Date: 10-03-2006, 11:02 AM
Parent: #97
الحبيبات نهال كرار وريهان الريح
شاكره كتير
تسلمن يا رب
|
Post: #108
Title: Re: مساعده عاجله خرج ولم يعد
Author: nada ali
Date: 10-03-2006, 10:25 AM
Parent: #1
العزيزة دومة
الف حمد الله على السلامة
تحياتى
ندى
|
Post: #109
Title: Re: مساعده عاجله خرج ولم يعد
Author: omer almahi
Date: 10-03-2006, 10:28 AM
Parent: #108
العزيزة دومه
حمد لله على سلامة ابنك
ورمضان كريم وكل سنة وانت وأسرتك الكريمة بألف خير
|
Post: #111
Title: Re: مساعده عاجله خرج ولم يعد
Author: bayan
Date: 10-03-2006, 11:00 AM
Parent: #109
الحبيبة دومة
ربنا يبرد حشاك ويحفظ نزار..
الحمدلله الطلع تمام
محبتي لا حدود لها..
|
Post: #119
Title: Re: مساعده عاجله خرج ولم يعد
Author: doma
Date: 10-03-2006, 11:26 AM
Parent: #111
بيان شقيقه الروح
افتقدتك امس
شكرا علي المهاتفه
يا اصيله
تحياتي لحبيباتي المعاك
|
Post: #114
Title: Re: مساعده عاجله خرج ولم يعد
Author: محمد سنى دفع الله
Date: 10-03-2006, 11:06 AM
Parent: #109
دومااااااااااااااااااااااااااا
الف مبرووووووووووووووووووووووك
وربنا طمنك على ولدك
روحنا معاك وقلوبناسعيدة بالخبر
اتمنى لك كل السعادة
وربنا اجمعكم على خير
|
Post: #118
Title: Re: مساعده عاجله خرج ولم يعد
Author: doma
Date: 10-03-2006, 11:23 AM
Parent: #114
ابني العزيز محمد سني دفع الله
يباركوا ليك السمح يا رب
شاكره صدق احساسك يا رقيق القلب
خالص مودتي
|
Post: #117
Title: Re: مساعده عاجله خرج ولم يعد
Author: doma
Date: 10-03-2006, 11:17 AM
Parent: #109
العزيز عمر الماحي
تشكر يا سيدي
وان شاء الله ما تشوفوا الا كل خير
|
Post: #116
Title: Re: مساعده عاجله خرج ولم يعد
Author: doma
Date: 10-03-2006, 11:14 AM
Parent: #108
الحبيبه ندي اسعدتني طلتك
قبلاتي لصغيرتنا نجوي
وتحياتي لخالد كودي
|
|