Post: #1
Title: رمضان ..... إشعار إضافة
Author: Fadl Karrar
Date: 10-01-2006, 03:43 AM
الزملاء الأعزاء
السلام عليكم ورحمة الله
ورمضان كريم
كان الصحابة زمان بيدعوا ربنا ستة شهور إنو يبلغهم رمضان
وستة شهور بعد رمضان إنو يقبل منهم رمضان
وكدا تكون السنة كلها معطرة بنفحات رمضان
كان ممكن أي واحد فينا يتوفي قبل رمضان
والموت علينا حق وكل نفس ذائقة الموت
وطبعاً بالموت تنقطع أعمال إبن آدم إلا ثلاث
ولكن الحمد لله - نحن اليوم تسعة رمضان - أن قد بلغنا رمضان وصمنا نهاره وأقمنا لياليه
ربنا يبلغنا خواتيمه ويتقبل مننا
عشان كدا بشبه كون الزول عاش حتي رمضان
زي البنك بتاعك يرسل ليك إشعار إضافة فى رصيدك بمبلغ كبير جداً
كان ممكن الحساب يتقفل فى أي لحظة ورصيدك من الحسنات يثبت
الحمد لله
الحمد لله
|
Post: #2
Title: Re: رمضان ..... إشعار إضافة
Author: Nadia Elsir
Date: 10-01-2006, 05:03 AM
Parent: #1
العزيز فضل,
رمضان كريم
تقبل الله منكم و منا صالح الاعمال
و جعلنا من عتقاء هذا الشهر العظيم
و ان شاء الله رصيد حساناتنا دايما عامر
و قلبنا دايما فاكر
و لسانا دايما ذاكر
آمين يا رب .
نادية السر
|
Post: #3
Title: Re: رمضان ..... إشعار إضافة
Author: Fadl Karrar
Date: 10-01-2006, 05:54 AM
Parent: #2
الأخت نادية
تقبل الله مننا ومنكم
ودائماً كل ما يجي رمضان بتذكر أول رمضان فى الجامعة
وأول محاضرة رياضيات الساعة 8 مساء بالزمن القديم
فى الBNT والله ايام يا زمان
ملحوظة
أسف من عدم حضوري يوم الإفطار
|
Post: #4
Title: Re: رمضان ..... إشعار إضافة
Author: Nadia Elsir
Date: 10-02-2006, 01:56 AM
Parent: #3
العزيز فضل,
يا سلاااااااااااااااااااااااااااااااام على داك زمان !
ايوة ايوة المحاضرة كانت( Math)بس ذكرنى الاستاذ الراقى الهادى المن ال school اسمو من ؟
سقى الله تلك الايام ,
و الفطور يا فضل الجايات اكتر من الرايحات !
بس فاتتك كانت لمة حلوة!
نادية السر
|
Post: #5
Title: Re: رمضان ..... إشعار إضافة
Author: Fadl Karrar
Date: 10-02-2006, 03:54 AM
Parent: #4
نادية
كان إسمو أستاذ نور الدين
درسنا سنة أولي وبعدها مشي ليبيا فى إعارة
بتذكر واحدة من ونساتو معاي
قال لي القراية النفعتني هي القريتا بعد ما إتخرجت من الجامعة
لأنها بي رغبة صادقة فى العلم وبمنتهي الإختيار
أما قراية المقررات الدراسية فهو ما بتذكر منها حاجة
لأنها كانت لغرض محدد وهو الباص
عشان كدا نصحني إنو ما أبطل قراية خالص
يا ريت لو سمعتا نصيحتو
والله ايام يا زمان
ببكي وبتحسر عليك
|
|