Post: #1
Title: ( الحلو مر1706) الاجود في السودان من انتاج جدتي بت عسمة!!
Author: هشام هباني
Date: 09-30-2006, 02:57 PM
بالامس هاتفت جدتي( بت عسمة) متعها الله بالعافية مباركا لها حلول شهر رمضان
المعظم.. وقد سألتها وانا اتذكر ايامها الجميلة عند ما كانت بصحتهاتعوس هي ورفيقاتها( ابري ) رمضان من قبل شهر تقريبا قبل حلول الشهر المبارك وكان عطر الابري يعطر قرانا الجميلة من قبل حلول الشهر معطيا اعلانا مجانيا للناس في اريافنا الجميلة بدنو هذه المناسبة الجليلة وكنت مغامرا جدا ومخلوقا خطيرا من اكلات (الابري) عندما يكون جديدا رطبا متوسدا (عنقريب القد) الكبير بوسط بيتنا بالقرية.. وغالبا ما تستخدم جدتي ( طبلة سوكارتة) لاغلاق الحجرة التي بها السيد (الابري) خوفا من حفيدها القارض الادمي للابري المفتقر لله بن هباني!!
سالتها مداعبا اياها بالامس وهي صاحبة بديهة ونكتة حاضرة..وتتابع احيانا اخبار السياسة
سالتها عن اخبار ( الابري) هذا العام هل هو ذات الابري القديم ام تغير وتغيرت صنعته مع
تقلبات الحياة ومشاغلها....فاجابتني انه قد طرا علي هذه الصنعة اهمال وعدم دربة وحنكة وذلك لانقراض الجيل المبدع من الحبوبات ( العواسات).. واصبحت الاجيال الحديثة من الامهات والحبوبات مشغولات في لهاث الحياة ومشاغلهاوهو امر افقدهن التركيز وبالتالي الحفاظ علي هذا الموروث الغذائي البديع.. ولكنها ضحكت ضحكة بعدها انا ادرك انها تحضرلي مفاجأة من النكات...فقالت لي: عارف يا وليدي اليومين ديل نسون الحلة سون ليهن ابري جديد قوي خلاس... اسمو (حلو مر 1706)!!
فقلت لها : ده معناهو شنو؟؟
فقالت: سونو البنيات وسمنو علي قرار العمم المتحدة(1706) عشان هو قرار (حلو) لينا ولاهلنا المساكين الفقرانين في دارفور وكمان (مر) حنضل عديل علي ناس الحيكومة الحرامية اولاد الحرام كتالين الكتله...........!!
ضحكت حتى ( تفنقلت) على ظهري داخل التاكسي من هذه النكتة (الشديدة) وانا اقول لجدتي اطال الله عمرها ومتعها بالصحة..........:الله اديك العافية وادي كل حبوباتنا واماتنا وعماتنا واخواتنا وبناتنا الصحة في السودان....امين
سندة: لا تنسوا ان تشربوا الحلو مر1706 فانه منعش ويقضي علي الجرذان!!
تصوموا وتفطروا علي خير
هباني ظااااااااطو
|
Post: #2
Title: Re: ( الحلو مر1706) الاجود في السودان من انتاج جدتي بت عسمة!!
Author: ABDELMAGID ABDELMAGID
Date: 09-30-2006, 11:40 PM
Parent: #1
| Quote: ( الحلو مر1706) الاجود في السودان من انتاج جدتي بت عسمة!! |
ود هبانى اخوى ...
ما تخلى حبوبتنا دى ترسل لينا منو .. انشاء الله ( كوريه !!! ) واحده ... أكيد حيكون حلو علينا  !!!!
عبدالماجد
|
Post: #3
Title: Re: ( الحلو مر1706) الاجود في السودان من انتاج جدتي بت عسمة!!
Author: هشام هباني
Date: 10-01-2006, 03:31 AM
Parent: #2
Quote: ما تخلى حبوبتنا دى ترسل لينا منو .. انشاء الله ( كوريه !!! ) واحده ... أكيد حيكون حلو علينا !!!!
|
والله يا عمدة (الابري1706 ) ده مركز جدا يعني جغمة منو لو دقست ساكت بتوديك لاهاي ظاااااطها يا زول ده مستورد يعني سر الخلطة بتاعتو عند جارتنا الراكز الله بت عنان!!
|
Post: #4
Title: Re: ( الحلو مر1706) الاجود في السودان من انتاج جدتي بت عسمة!!
Author: ABDELMAGID ABDELMAGID
Date: 10-02-2006, 00:45 AM
Parent: #3
| Quote: الراكز الله بت عنان!! |
|
Post: #5
Title: Re: ( الحلو مر1706) الاجود في السودان من انتاج جدتي بت عسمة!!
Author: فيصل محمد خليل
Date: 10-02-2006, 01:07 AM
Parent: #4
Quote: فقالت: سونو البنيات وسمنو علي قرار العمم المتحدة(1706) عشان هو قرار (حلو) لاهلنا المساكين الفقرانين في دارفور وكمان (مر) حنضل عديل علي ناس الحيكومة الحرامية اولاد الحرام كتالين الكتله...........!!
ضحكت حتى ( تفنقلت) على ظهري داخل التاكسي من هذه النكتة (الشديدة) وانا اقول لجدتي اطال الله عمرها |
هباني ... حتى انا ضحكت حتى بانت نواجزي
|
Post: #6
Title: Re: ( الحلو مر1706) الاجود في السودان من انتاج جدتي بت عسمة!!
Author: هشام هباني
Date: 10-03-2006, 00:10 AM
Parent: #5
الجميل فيصل
سلامات
| Quote: حتى انا ضحكت حتى بانت نواجزي |
ان شاء الله تفرح اكتر يوم قبيضن قبيض الطير اولاد الهرمة
والمعيط من الدقون!!
تحياتي
|
Post: #7
Title: Re: ( الحلو مر1706) الاجود في السودان من انتاج جدتي بت عسمة!!
Author: هشام هباني
Date: 10-09-2006, 05:27 PM
Parent: #6
كل العام وانتم بخير
|
|